طلع حاجبو فكلمة ماما وهي ابتسمات ليه بلا مدوي ومشات..خلاتهم بجوج من جيهة هي متوترة وحس الراحة اللي كانت كتاخدها معاه مبقاتش وهو شد ايديه قدامو وابتاسم ليها
جمال: مغطلعيش عينيك تشوفي فينا؟
رمشات فالارض وبصوت خافت قالت: علاش؟
ضحك ورد: عجيب والله ..قبل كنتي نتي اللي كاتبقاي تنقزي حدايا من هنا لهنا ومكتسكتيش من الهضرة "غمزها بخفة" شنو تبدل؟
قلبها ضرب بعنف سمعو وحس بيه ومتلقا راسو غير وهو كايقرب لفمها ويقول: كنزيد نغرق..كتر ، وكتر
....باسها بنعومة وحنية مدور راسو على جوانب فمها وزواياه وريقها ففمو بحال الحلوة لحلوا مداقها كيسكر وتبعد عليها صعيب وقاصح..حط جبهتو على جبهتها كايلهت ويدو كادوز على دقنها بنعومة قائل
جمال: انا شنو گلت البارح
عضات شفايفها محمراهم كتر ماهو حمرين وهو ضحك وحط وجهها على صدرو: نگول اللي گلت تيقي باللي راه بصح ..انا عارف راسي فاش كنتقل ااهضرة كنخرجا من قلبي ..وداكشي اللي قلت ليك قلبي اللي نطق بيه
سكتات وزادت تخشات فيه مبتاسمة لكلامو ولمسات ايديه الخفيفة على ضهرها
ناض من فراشو مخليه مخربق بقوة التقلاب وحل البالكو معصب قرب يگلع الباب..
وقف وسط داك الضلام والپوطو ديال الضو قدامو ضارب فعينيه الحمرين اللي كايشوفو فالشاريع لتحت والشقيقة كاتزعزع راسو بالحريق
..عيا ينفخ ويتنفس الهوا ويزفر لكن حجرة تقيلة محطوطة على صدرو حابسة عليه الراحة وخلات عقلو قريب يخرج
ضار داخل وطالع ليه الدم، غادي خارج حفيان ونزل للكوزينة ..شعل الضو وجبد قرعة متلجة من التلاجة شرب نصها والنص لاخر مشا للاڤابو وخواه على راسو يبرد من السخونية ، حطها بالجهد على الپوطاجي عاد طلع تاني لبيتو كايقطل وبيدو كاينجع شعرو الاور
دخل وبداتو الخنقة عاود گلس ففراشو منزل راسو على يديه كايفكر فهادشي ويعاود حتا بغا يحماق، حاس ومحاسش فاهم ومفاهمش باغي شي حاجة وشنو هي معارفش ، الوضع غريب وغرييب بزاف كأنو ماشي هو ومبقاش عارف راسو شكون
صار ببطء جيهة مخدتها ساهي وكيفكر فيها..تنهد بحرقة وتكا مسرح بلاصتو يدو على حنكو مسند بيها واليد لخرا جر بيها مخدتها عندو كايتسحسسها وريحتها واصلة عندو..سمع صوت الطيلي ودار بلهفة فاش ظن باللي هي اللي كاتتاصل لاكن كشر ملامحو مللي شاف نمرة غريبة والاغرب انها كتتاصل بيه فهاد الوقت..دوز لاپيل حطو فودنو وبصوت عيان مبحوح قال
تاج الدين: احم الو
هدى: ت تاج
فرز صوتها ودغيا قطع فوجهها ..بقا صدرو طالع نازل مقصح الشوفة قدامو وكاره راسو بالجهد فهاد اللحظة..هو اللي عطاها الفرصة تعاود تدخل لحياتو..هو اللي مجراش عليها بالطريقة اللي تليق لوحدة بحالها وهو اللي خلا يدها شادة فيدو ..حك رقبتو سااخط على نفسو والنار شاعلة فيه..رجع صونا وصونا وصونا وبغضب حلو وتدفق عليها
تاج الدين: واااش نتي ممتتفهميييش؟؟؟ گللت متبقايش دوري بيا ولا مگلتهاااااش قاتقلبي عليا اااهدى ولا شنووو
قاطعاتو بسرعة وصوت باكي: تاج عافاك انا مفنيتي حتا حاجة خايبة "شهقات كتبكي وقالت مهدنة صوتها" ب بغبت غير نشوفك ..قلبي كيتقطع اتاج متصورش العداب اللي وليت عايشة فيه ونتا مكينش معايا وكتكرهني..عافاك الله يخلي ليك ميمتك غير نتلاقاو ونهضرو ..غير خمسة الدقايق خمسة الدقايق عافاك هءهءهء بغيت نريح ضميري ونطلب منك السماحة عافاك اتاج الله يخلي ليك ماعز عليك
بصوتها اللي كايسمع وانفاسها وتنهيداتها بداو عينيه كيتسدو وصداعو لتاني مرة كايهدا..ترخات داتو ورجع راسو اللور على مخدتو شاد الطيلي فودنو ومشا فسبات على صوتها الباكي
………………………………
صباح جديد مفتح ببسمتها المفتحة وضحكاتها المستمرة وهاكدا بداتو هيام..بحماس وانتعاش حاسة بفرحة لا متناهية وهي واقفة قدام الباب بشعرها المسرح وكسوتها البنية الخفيفة
هيام: وطلقو رااسكم ههه
نزلات مرجان بكسوة خفيفة حد الركبة حتا هي فاللون الاخضر الفاتح..هازة ساكها وشعرها جامعاه بقراسة خفيفة
هيام: گالت ليا هاهي جاية..و أميمة غلب عليها النعاس مغتجيش
مرجان: علاه هاديك فين عمرها فاقت بكري
تمات نازلة مينة مع الدروج كتنزل القاميجة اللي عطاتها مرجان على الدجين اللي جاها لاسق مع عامرة عليها شوية..حشمانة رجل تديها ورجل نردها وكلا مرة تزير على زيفها وتنش تاشافتها هيام وقالت بسرعة
بنفس ابتسامتها قالت: بزاف و متصوريش شحال كيبغيك..نتي اهم حاجة عندو فحياتو وكيدوي فيك لدرجة وليت كنعرف عليك كلشي وخلا ليا فضول امتا غير نتعارفو هههه
حركات راسها ببسمة مرتابكة مابقات عارفة كي دير تتعامل معاها ، وهاد البنت اللي حداها واش هي نيت نييت البنت اللي دارت فولدها ديك الحالة كاملة وواخدة عليها صورة وشخصية وكركطير مغاير..ولا شي وحدة خرا
حنحنات عيشة وردات عليها: ا ايوا هاحنا لاقاتنا الوقت
هيام: احم وايلا سمحتي ممكن نبقا نگول ليك عويشة، ولا ماما ؟ صراحة كلمة خالتي كتجيني تقيلة
كمشات حجبانها وقالت بقلة حيلة: و واخا اللي بغيتي
هيام: هههه ميغسي
حركات راسها وضارت هاربة منها و كادور راسها وتشوف فيها بنص عين..ظنات فيها جميع الظنون الخايبة ولدابا كايتبدلو عندها واحد ورا واحد وتتصدم منها فكل مرة كتحل فمها..دخلات لبيتها كتمتم دايخة ونجاة نازلة من الدروج بحوايج الخروج والضحكة من الودن للودن
مد يدو وحيدات تاني كتنقز من جيهة لخرا: وااغير گوول من تما ولا خليها بناقص حتا تكتبها ليا فميساج
تاج الدين: خساار التيليفون بسبابك وممحركش من هنا حتااا نگوولها لك
تغبنات وقالت: واحشوومة علييك دابا
قلب عينيه وبإصرار رد: غاتأري يدك وتزيدي ولا نجرك
هيام: تاااج هءهءهء
تاج الدين: النبگ
هيام: انا ماغادة فين كتفهم مااغااادة فييييين
قصح فيها الشوفة وعينيه فالطبلة الفارقة بيناتهم معندو كي يدير يدوز عندها
تاج الدين: هياام.. تعالي.. هنااا
هيام: واش بااغي تحمقني ااويلي مبغيتش
تاج الدين: داابا غير على دااك الضد انااا من هنا ممحركش حتا دووزي قداامي
هيام: لهلاا تحرك
صغر عينيه: دابا مبغيتييش؟؟؟
بتأكيد ردات: لااا
جر الطبلة وضرب تنقيزة وحدة عندها فلتات بين صباعو تاطلعات فوق الطلامل بالپوط نقز عندها حتا هو بصباطو شدها تما من كتافهاؤ عاد غايدوي هو يسمع شهقة مو
عيشة: اناااري طلااااامطي
........................
(انا كنبغيك ااميمة..كنبغيك فاش عاد تزاديتي وشفتك بين يدين مرجان ..وأنا..انا اللي سميتك ..بغيتك ونتي كتعلمي تمشاي قدامي والنهار الكحل عندي هو فين تنشوفك طايحة.. بغيتك ونتي كتمتي الكلام، وكون تعرفي شحال غرت من أدهم حيت أول كلمة نطقتيها هي بابا..بغيتك بزاف ودرت المستحيل..المستحيل باش نقدر ننساك ، ولكن مقدرتش..انا بغيتك، وكنبغيك، وغانبقا نبغيك، واخا معرفت شنو يوقع عمري نخليك..عمري نخليك ولا نسمح فيك احبيبتي..عمري)
تلوات ففراشها وبسمتها على ثغرها مرسومة، وعلى اترها بدات تحل عينيها وترمش قدامها عاد تتفيق من حلمها الوردي والمنغم بكلام ..الكلام اللي قال ليها فاش كان سكران ساكن حتا فأحلامها ومخلي حياتها وردية تا فالمنام
..تقادات وتكسلات مزيان عاد ناضت بپيجامها الوردية اللي على شكل كسوة كم حد الركبة، بدات تحك شعرها وضور عينيها بارتباك فاللي كتفكر فيه..فالاخير ضحكات ومشات كتزرب للباب حفيانة..حلاتو وطلات فالكولوار ياكما كاين شي حد من بعد دارت مع الدورة غادة بحال الفارة ودور وراها لا تحصل وآاجا مفكها ديك الساعة ولا كيفاش غاتجاوب بشنو كاديرفهاد الجيهة من الڤيلا وبالبظبط حدا بيتو
..دورات الپواني بشوية وطلات لقاتو مظلم وصوت انفاسو فوق السرير واصلها..عظات شنافها رامية اول خطوة لداخل وخصلاتها تابعينها حتا سدات الباب بشوية وتمشات جيهتو بالحس فوق صبعانها ..وصلات حداه وگلسات فحال الريشة جنبو وهو مدور وجهو للجيهة لخرا..بقا عنقو وضهرو العاري الاسمر و العريض هو اللي كايبان ليها ،تنهدات بهِيام ومدات صبيعاتها الرقاق و الدافيين لشعرو كتحركهم فيه ودفنهم فكحوليتو ورطوبيتو وكل مرة طل ياكما فاق
..حتا طغات وتجرآت تنزلهم لعنقو بخط طويل لكتافو السخان وضهرو القاصح ومحساتو الا وهو ضاير وجرها جرة وحدة تاجات مهزوزة ومرمية حداه والبيجامة على فخادها مهزوزة
حدا بعضياتهم وبحال التلاميد گالسين واحد معصب والتاني كايحك عنقو عياان وكايفخ بعصبية، فحين عيشة قدامهم هازة زيف كتسوس الوسخ اللي لسقو ليها فطلامطها وفمها تيتمتم بينها وبين راسها كلا مرة واش تگول
تا سالات وطلعات راسها فيهم عاقدة حواجبها: انا طالعة عند نجاة حتا تساليو هضرتكم وننزل، والله يعميها ليكم "ضارت طالعة فالدروج وتمتم" الناس تيكبرو وشي بعضين باقين شادير التبرهيش خزيت
نجاة: تاتي راشفنا غير ملي دورعليك يدو، من بعد قلبنا عينينا لا نشوفو شي عجب هههه واخا رااباينة درتوه غير مني بقا يحك حك فجنابو ههه
هيام: يخخخ على تحشييمة..وماماك گالت شي حاجة ؟؟
نجاة: ومالها غاتسكت؟ غير ديك النهار مدويناش على قضية المشكيل اللي وقع..صافي نساي علك دابا ههه وليتي حمررة ازمر واصاافي
عيشة من لتحت غوتات: واااش ماغاديينش
هيام: ششش صافي قلبي الموضوع وزيدي
..جراتها نازلين لتحت حتا خرجو من الدار..لقاو الرانج كايحومو عليها البعالك من كل جيهة وكاين اللي بعقلو وكايتصور معاها ..گفضات ليهم عيشة وصبناتهم مزيان عاد غبرو منزلين الراس وهيام حلات ليها الباب حداها كضحك لا هي لا نجاة
لاسط على راسها جبهتو وبصوتو التايم قال: علاش كتقلبي ..همم؟
الظلام اللي فالبيت و عينيها المضببين بدموع الحشمة وهو فوقها انفاسو حارة حارقة على داتها.. كلشي تجمع وتدكس وتلاح على أميمة دقة وحدة مابقات عرفات حتا كيفاش تجاوب ولا كيفاش تخرج الكلام من فمها
جمال: القط كلا لسانك الغزالة
قرب حتا لامس نيفها بحنية وقال: توحشتيني ..همم؟ ولا باغا تصبحي عليا
..روح جمال مصمص عنقها حتا عواجت ودمعو عينيه بالحر،
بعد راسو كينفخ وعلى حنكها دوز صبعو.. قرب وجههو كايحاول يتمعن فيها واخا الظلام وقال كاينهج: حسن نيت ملي البيت مظلم..الى مشيت حتا شفت عينيك ماغايفكك مني حد اليوم
ناض من الفراش كايجر رجليه ويتنهد للحمام.. غير سد الباب طارت كاتويل للباب وخرجات فواحد الخدامة نيشاان
نزل من الدار مدوش ومبدل حوايجو بشوميز شيبية حال صدافيها وطاوي كمامها.. مع دجين اسود وصباط اسود
هاز سوارتو فيدو ومزير بسخط على يدو التانية..ركب سد الباب وعفط على الكسيراتور مخلي العجااج وراه و حتال الشاريع العام عاد حبس مخنزر ومزير على الڤولون بيدو..سمع دقات خفاف فالزاج بلا ميدور مد يدو و فتح ليها الباب
طلعات مبتاسمة وعينيها مدميعن بإمتنان
هدى: شكرا بزااف اتاج شكرا
بحدة رد وعينيه قدامو: خمسة الدقايق..من بعد متبقايش توريني وجهك
..كسيرا من تما عاقدهم وهي حداه كاضرب فيه الشوفة مرة مرة وبسمة عريضة فشفايفها
قدام صپا فسونطر ڤيل توقفات سيارتها ونزلو كاملات داخلين مع الباب
..عيشة ونجاة گلسو على ليفوطوي وهيام خرجات عندها البنت اللي فالإستقبال على قبل ريزيرف اللي دارت.. خلصات وريزيرفات شنو باغا تافقو وضارت عند عيشة بابتسامة
هيام: ماما اجي معايا
وقفات عيشة كاتحنحن وتقاد الجلابة وبعويناتها كتشوف شداكشي..الدخلة بحال شي صالون كبيير وموديغن مع الجناب محطوطين فوطويات ديال الجلد كايگلسو عليهم الكليان والجنب التاني فيه كراسا طوال ديال الحلاقة وقدامهم مرايات شادين الحين كلو على قبل اللي كايصيبو شعرهم وكوافورات مختصين واقفين وراهم
..دخلو مع كلوار فيه بزاف ديال الابواب والاتجاهات وكل باب لاش مخصوص ..دخلاتها هيام لغرفة مربعة دافية وفيها طاپي مفرشة فالارض مخصصة للماساج وبجنبها واقفة بنت بلباس ابيض عليه اسم الصپا .. داير عليها الشميعات ومختلف الزيوت حداها..كمشات عيشة ملامحها بتعجب وجرات هيام من يدها حتا نزلات ودنها وقالت: تي اش هاد العجب
بشارت بيديها للطاپي وقالت: هنا غاديري ماساج لداتك..عرفتي وخرجتي من هنا منعااودش ليك على خفة غاتولي فيك
خرجات عينيها بدهشة: ويلي لا..لا لا ياابنتي الماساج انا كنديرو بووحدي بزويتة بلدية اما باش نعطيها راسي دير فيا مابغات وتمشي تهرس فيا شي عضم..لا غاخليني نمشي فحاالي
جراتها كترطب الهضرة: واغااجربي اماما هانتي راوالله حتا يعجبك الحال وحتا انا غير حداك الى معجبكش عيطي ليا
عيشة: ل لا بلاش شوفي لاكان عندهم شي حمام نكمد عضيماتي حسن
هيام: وامااماا ديري ليا خاطري عافااك..عافاك عافاك
سبلات عينيها تترمشهم وماكان على عيشة الا تتنهد وتهز فيها صبع: واهانتي والله ولقيت فيا شي خبشة ولا گرضاتني من شي بلاصة حتا نتفاهم معاك
هيام: ههه متافقين ..سيري دخلي لهيه حيدي فيه حوايجك
شمرات بنيفها ومسحات الدموع من خدودها: راه گلت ليك ..بغيتك فقط تسامحني..حنا غير بشر اتاج كنغلطو وكتعما لينا البصيرة بعد المرات، ولكن عندنا ضمير كايعدب من بعد..وانا كنتعدب بزاف متصورش شحال هءهء
ضغط سناانو بغضب وقال: الى كان كلامك بصح وفعلا كتعدبي..راك تستاهلي كتر ابنت الناس ..على الاقل فداكشي اللي درتي فيها هي
هدى: اه عندك الحق.. معرفتش كمية العداب اللي تسببت ليها فيه ولكن "رمشات فيه ولينات ملاحها المألمة بعشق" ولكن الحب كايعمي
جمع حواجبو العريضة كايفرس سنانو و قلبو ضرب ضربة وحدة..خفظ نبرة صوتو وقال بخفت مخيف : نعام عاودي؟
خدات نفس سادة عينيها المدمعين وحلاتهم فيه برأفة وصوتها تيرجف: تيقني..انا باغة غير مصلاحتك فقط اتاج هي اللي باغة.. والاهم تحل عينيك شوية باش تكون مرتاح فحياتك
رفع صوتو حتا الناس بداو يشوفو فيه: هاااادشي علاش كتلااااوطي من الاول يااك..هاادشي اللي بغيتي توصلي لييه وانا كي الحماار سحاابلي بصح تبتي من التخلوييض وعند دييلمك ضميير
بغا ينوض وجراتو كاطلب بعينيها ومزيرة عليه: وعلاااش مابااغيش تسمعني هءهءهء هادي هي الحقييقة اتاح حل عيينيك علاش كتتهرب
نتر يدو بالجهد وعروقو بغضب تنفخو: غاتتهزي من قداامي ولا غااانخشي لك وجهك فخهااااد الطبلة
هدى: ايوا نكر..گوول لا كنبغيها نكر يالله، نتا براسك لداخل ديالك عارف هادشي..شوف غير فاش مبقاتش ساكنة معاك واش تتوحشها؟؟ باقي تتوحشها كيف عشر سنين هادي ولا غير الولف مسيطر عليك وفمدة قليلة تنساها
خرجو هي ونجاة ضاحكاات ناشطات ودخلو مع باب تاني فيه دوشات مفرقين بخامية
دخل تاني للكافي منييرڤي جر الكرسي بالجهد وگلس مخنزر فيها الشووفة وايديه فوق الطبلة محطوطين ..وبحدة وصرامة نطق وقال: دابااا جااوبي نتي كيفااش عرفتيها ساكنة معايااا
تنهدات كترمش الفوق باش مينزلوش دموعها وقالت: كنت جيت عندك واحد المرة..وشفتكم بجوج نازلين من الدار..تاج هادشي ماشي مهم قدما خاصك تحل عينيك على الحقيقة..راك مكتبغيهاش
ضغط فمو وشدات يدو على غفلة مزيرة عليه ودموعها بداو ينزلو تاني: انا كانحسسك بالراحة اتاج حيت عارف..عاارف باللي هضرتي صحيحة وباللي كنبغيك هءهءهء باقا بحال اللول اتاج الدين وكتر هءهءهء ..حبي ليك كبير متتصورش قداش..وهاد الحب انا مكنشوفوش فك تجاه هيام.. غير نزوة الطفولة تيق بيا راك غير معصب منها حيت خلاتك فديك الحالة ومتسرطاتش ليك..ومن بعد فاش عرفتي الحقيقة شفقتي عليها وظنيتيه حب..ولكن مااشي هاكاك مااشي هاكااك
دفعها وناض بعصبية هز سوارتو والطيلي وتم خارج كاينهج بأنفاسو مخربقة ..حجرة قاصحة محطوطة على قلبو مانعة عليه يتنفس ورجليه تقااالو وعياو حتا رجع عرقان وحط يديه على السيارة منزل رااسو كايتلهت وعينيه حمررين بالجهد مخلي كل من داز حداه يستغرب لحالتو ويدور يشوف فيه
…………………………
طفات الكوافورة السيشوار وقالت: ايييي ڤواالا
خلخلات نجاة صباعها فشعرها وقالت كضحك: يااختي حممقني سيري الله يعطيك الصحة
الكوافورة: شفتي گلت ليك باللي الشعر لمكريپي غايجيك فن
قربات عندها الكوافورة بابتسامة وقالت: اجي الحاجة ندير لك شي شدة هي هااديك
ناضت كاضحك: ايه الله يعطيك الخير هههه
داتها للمراية وجات قبالتها كاتصيب ليها الفولار بشدة تركية رائعة مع وجهها وخلات اطرافو نازلين من واحد الجهة
الكوافورة: صااقي بالصحة
عيشة: الله يرضي عليك ابنتي عههه هادشي فن عندكم
الموافورة: ههه اميين
هيام: آالي مشيينا ههه
مرجان: هي هادي راه تعطلنا نييت
…………………………
خدا نفس طوييل ساد عينيه والعافية فصدرو شاعلة..خرجات من الكافي كاتمسح وجهها من الدموع هزات عينيها ولقاتو محني على طموبيلتو باقي ممشا وغير تنهيداتو اللي كتسمع
..بسمة جانبية ترسمات على فمها وهي كتقرب ليه تاحطات يدها على ضهرو العريض كاتسرحها معاه بنعومة..
تاج راسي الجزء 17
محتوى القصة
التنقل بين الأجزاء