قربات عندها جامعة حجبانها باهتمام وقالت: واش هدى باقا كدور بيكم؟ باقا كتحوم جيهتكم زعما ولا شي حاجة بحال هاكة
تجمعو حجبان هيام وطلعات نص حاجب بتفكير عاد ردات: علاش هاد السؤال ؟ وقعات شي حاجة
عيشة: لا لا ماشي هاكاك غير...
تنهدات و قاطعاتها: اناا.. عارفة باللي ماشي هي انا المرا اللي كتتمناي لتاج..اديتو بزاف بكلامي وخليتو فحالة خايبة "زيرات على يدها" ولكن تيقي بيا حتا انا تعدبت بزاف ..بزاااف..كنت كنبغيه لدرجة متقبلتش انو ماشي معايا
لدرجة.... "حبسات الكلام وشفايفها كيترعدو فاش بدات تتفكر آلامها..رمشات الفوق كاتاخد النفس ودموعها الحارين نزلو وخلاو عيشة تكمش وجهها بانزعاج وهي كملات" لدرجة رجعت مدمنة على المخدرات هءهءهء
وسعات عينيها وقالت: اويلي على البلية
حركات راسها وكملات بالبكا: كنت كنكمي كل نهار غير باش ننساه..كل نهار حاجة جديدة غير باش منبقاش نتفكرو هءهءهء ديك الساعة هاد هدى علامن كدوي مخلات مگالت ليا عليه حتا كرهتو هءهءهء كرهتو وكرهت راسي اللي بغيتو، دكشي لاش گلت ليه ديك الهضرة وتفارقت معاه هءءهء غرقت راسي حتا انا هءهءهء واللي زاد مررضني "زيرات فمها وحالتها حالة بالدموع..تلفات عيشة وتلجم لسانها بالصدمات معرفات كيف دير تسكتها ولا تواسيها"
هيام: هءهء اللي زاد مرضني وكمل عليا هو راجل ماما
عيشة: الله يرررضي عليك ابنتي باراكة اااش دااني گااع نفكرك تأ..الله يرضي عليك صاافي مسحي دموعك وخليه لله يحااسبو.. شششش، واش ولد الحرام كان كيضربك؟ كايتعدا عليك ولد الحرام
عيشة: وللد الكللب الله يعطييه العدااب فهااد النهاار والله وكون كنت عاارفة حتا نغززو بسنااني فااش يالله شفتو ..ولد الحرااام داير فيها راسو محتررم الله ينعل جد بوووك الخاانز
نفات براسها كاتشهق وكملات: ماشي هو هءهءهء هاداك راجل مرجان
عيشة: ايه وهو فيين ؟؟ متگوليش ليا باقا ساكنة عدووو
هيام: لا هء شكيت بيه ودخل للحبس هءهءهء
عيشة: عبررتي على واالدييك كون درتي فيه شي إماارة لكمااارتو حسن
هيام: هءهءهء تعدبت بزاف فحياتي وعشت المرااااار هءهءهء متصوريش العداب اللي كنت كندوز منو كل نهار ..و وحتا واحد محاس بيا هءهء حتا من عاليا عمرها سولاتني مالي ولا شنو واقع ليا ولا حتا حاولات تتقرب مني هءهء "ضحكات بألم وقلب عيشة كايتعصر" هه من بعد عاد عرفت باللي ماشي ماما الحقيقية وباللي خطفاتني وانا صغيرة هءهءهء "عيشة حطات يدها على فمها بصدمة تانية..عينيها دمعو وضرها خاطرها بالجهد تا عينيها متحملوش وبدات تبكي معاها" عاودت مرضت فحياتي وملقيت حدايا حتا واحد من غير تاج الدين هءهءهء هو بوحدو اللي وقف معايا وساندني هءهء كون ماشي هو كون صافي طرطق فيا شي عرق كوون متت من شحال هاادي هءهءهؤ
جراتها عيشة لحظنها كادوز على ضهرها بحنية وكتحرق عليها بجمااري شاعلين..
حيدات ليها الشعر من وجهها وبحنية ودموع سخان كتقول
عيشة: شششش صاافي ابنتي صاافي..هادشي كيقطع القلب باراكة
هيام: هءهءهءهءهؤهادشي غير شوية من بزااف.. بزاااف
عيشة: الله على كية هازة ونتي باقا صغيرة هءهءهء كيقدتي تتحملي كييقدتي
هيام: حيت انا عمري كنت صغيرة هءهء عمري عرفت شنو هو الصغر ولا فرحت بيه ديما المشاكيل والصداع وعدم الامان عءهءهء عمري حسيت بالاستقرار فحياتي عمري
عيشة: احبيبتي راه كتقطعي ليا قلبي باراكة من البكا الله يرضي عليك..ياك گلتي غاتبقاي تگولي ليا ماما ها؟ مابقيتش ماماك صافي
شافت فيها كتشهق والبكية كتحبس عليها الكلام: عرفتي حتا حنان الام عمري عشتو.. واخا يالله لقيت ماما بشي سيمانة وكنحاول نتقبلها، ولكن عمري عرفت شناهية تكون عندك أم
عيشة: دييك هدى اللي كااان خااطب ومحاااملش فييها الشعرة..شنووو بينااتهم ولا عاد بدات تزياان ليه وولا يبغييهااا
وسعاات عينيها بصدمة: وااش تدوي من نيتك خوويا يبغي ديك الخاانزة وهو مابطا عليه غيير ايمتا يتزوج بهياام
عيشة: وبااش اخيتي تتفسري ديم الحالة اللي دار..مخلي خاطيبتوو و غادي يتلاقا معااها ومخليها تتلمس فضهرو كي بنات الزنقة؟؟يااك مكانش حاامل فيها حتا الشعررة شنوو داباااا تقلبوو ليه السلووكا تاني
.......مسحات وجهها من الما ولوات شعرها الفوق ..شافت راسها فالمراية وتنهدات مزيان على الاقل بردات قلبها وخواتو على صدر حنين اللي بدورو احتاضنها وخفف عليها شوية..خرجات من الحمام نازلة لتحت كادور راسها على الدار وصوتهم واصل عندها.. حبسات رجلها عند باب الكوزينة وقوصات حجبانها مستغربة
نجاة: لا لا شي حاجة تما ميمكنش هادشي لا لا والله مانتييق
نجاة: واكانگوولك بعييني شفتهم بعييني خارجين من القهوى حاالتهم
نجاة: واش متأكدة هو..تاج رااه المووت حسن ليه من يگلس معااها فشي بلاصة
سكتات معصبة كاتنهج وتستغفر الله ..طلعات فيها شوفة قاصحة وقالت
عيشة: هاد الولد غايمررضني فصحتي مافيهاش..ولكن هاد المرة والله لا دوزتها ليه..والله وكان كايتفلا حتا نجري على والديه عمرو يوريني وجهو بااش يتعلم بنات الناس شحال ساوين
نجاة: يجي ودوي معاه سوليه بالتي هي أحسن وشوفي باش غايجاوبك..راه كاينة شي حاجة حنا مفاهمينهاش
مرجان: والله معرفت واخا راه مكنظنش ديرها..هيام فاش كاتتاخد شي قرار كتنفدو يكون اللي بغا يكون
مينة: ياخوفي غير تكون بايتة معاه اااويلي
مرجان: والله يهديك راه غاتكون غيرعند شي صحبتها ولا يمكن فدارهم القديمة..ماتشغليش راسهك راغاطسوطاي ههه نوضي نوضي نكملو داكشي اللي خاص
مينة: واعلى الله يااربي يكون كلامك صحيح يااربي
................................
خارج المدينة وسط الخلا والقيفار وتحت السمة الظلمة توقفات سيارة بيضة صغيرة جنب الطريق السيار
..نزلات منها هدى كدور عيونها الخبيتة هنا ولهيه ومزيرة الساك فيدها بخوف لايطيرو ليها شي حد وهي غادا جيهة الغابة، داخلة ودور وترعد وكلما سمعات شي صوت كاتقفز حتا دخلات فدوار صغير بيوتو بسيطة ومعدودين على رؤوس الأصابع
.. ارتاحت وتنفسات براحة شوية فاش شافت الضو وكملات بشكل عادي لدار مبنية من الحجر والطين فقط بابها ديال القزدير وريحت التبن فكل بلاصة هي وصوت الكلاب مجهد..
دقات ووقفات كتتسنا عاد تحل الباب صادر صوت زكييير وطلات منو مرا سمرة غليضة بطريقة غير عادية والسم من وجهها باين ، لابسة سبنية و قفطان ومضمة دهبية بحال يديها العامرين كلهم دهوبات هوما وعنقها كدلك
هدى: كاين الفقيه
خرجات بلا مدوي وبحدر شافت يمين وشمال عاد حيدات ليها من الطريق وبصوت اشبه بصوت الرجال قالت
المرا: دخلي
دخلات للمراح العريض مأتت بحصاير مقطعين وخدادي خارجة منهم الصوفا وحوايج قديمة.. بقات تشوف فيهم وتسرط ريقها حتا قفزاتها من اللور
المرا: تعطلتي عليه " طلعاتها وهبطات" جبتي الفلوس
هدى: فين الفقيه
المرا: انا نمشي نفيقو عاد نعس..گلسي استاراحي
دخلات مع بيت مغطي غير بخامية وهدى بقات فبلاصتها جامدة وقلبها كايضرب بسرعة لكن سبب مجيئها اهم وزارع فيها الشجاعة
..بقات تتشوف الفقر اللي عايشين فيه لامن حالة الدار اللي قريبة طيح والا الفراش حالتو بالخنز والا بالما اللي مكاينش معمرين غير القراعي ديال عشرة ايطرو..سلسلة وحدة دهبية من عنق المرا قادرة تبدل كلشي لكن احيانا الفلوس عوض يكون مكانها الجيب..كايولي القلب
خرجات عندها بداك الجسد الرجولي وخنزرات فيها
المرا: گالك زيدي دخلي
خدات نفس وتبعاتها لداك البيت دخلات ومع العتبة ضرباتها ريحة خانزة وحيوط البيت گاع ملطخين بالكحل والاحمر وكتابات ورموز غريبة كازرع الرعب فالنفس وكلو خاوي من غير حصيرة كحلة وزربية بيضة رجعات قهوية بالوسخ وعليها راجل شارف لابس جلابة سخونة قهوية من الجناب مقطعة وقبها مغطي صلوعيتو، ملامحو ممفروزاش بقوة ماهو مكمش ورقييق لكن وجهو تيخلع وعينيه اكترية
هدى: اااه من حوايجو جبتها وهزيتها من سلة الوسخ يعني ممصبنة ماوالو وداكشي ديالو لاسق فيها
المرا: ايوا صبري مالكي تتنفخي..حنا مكنلعبوش هنايا والليل كامل وهو كايتمتم ويسبب عليه ..حياتو غاتولي عداب وبحال الجمر ولكن معاك نتي وغير معاك غايرتاح
هدى: على الله
الفقبه شاف فالمرا وعنقو كايتلوا للجنب بوحدو: ج جي جي جيبي د د داكشي اللي گ گل گل گلت ليك
المرا: واخا
هدى: غاتكمل دابا
الفقيه: د د دا دابا..جب جب جبدي ت تي تيليفو تيليفونك
تاج الدين: لاا لااااا
زيراتو اللفعة علامن كان هارب حتا خرجو عروقو وزراق ليه الوجه بقوة الخنقة ..وسااعو عينيه كتر وهو كايشوف راجل بجلابة قهوية طويلة والقب مغطيه عينيه كايخلعو وسيفتو كاملة ركبات فيه الرعب وهو كايتخنق
طفا الما وخرج للبيت كايمسح وجهو گلس فوق الفوطوي اللي مقابل مع السرير كايشوف فيه بتعب ..عينيه رجعو كحلين والبيوضة مخلطة مع الحمر..باغي غير ينعس ويرتاح باغي راسو يسكت من الوجع وباغي نفسو تتهنا والحجرة المحطوطة عليها تتحيد
سها شحال ونزل راسو شادو بين ايديه كايحك جبهتو وسرعانما كسر داك الصمت صوت تيليفونو
..طلع راسو بتتاقل جامع حجبانو وناض ليه هزو وشاف رقم بريڤي
حول صبعو يقطع وبقا تابت كايشوف فيه ساهي من بعد جاوب وبرك كايزفر
…………………….
اشار ليها الفقيه تدوي وبسرعة قالت
هدى: ..الو الو تاج كاتسمعني
لاح غبرة كحلة فوق المجمر حتا زاد زند وقال: ق ق قر قربيه ليا
مداتو لجيهت فمو وهو كايحرك المجمر حداه ويتمتم بسرعة فخاطرو بلسان مسرح بحالا عمرو تلعتم فالكلام وصوت تاج كايعلا
تاج الدين: الووو..الووو
اشار ليها بحجبانو وضارت دغيا لساكها جبدات تصويرة مربعة مصور فيها تاج الدين وعطاتها ليه..كمل كلامو فالتيليفون وهو كايحرق ديك التصويرة ويجبد من وراه حوايج داخلية رجولية كايلوحهم تما ويقرا عليهم وتخالط حداه كلا مرة يهز منهم ويلوح فالمجمر حتا كاتجهاد العافية..سد عينيه شوية وحلهم حمرين كايترعد وقال
الفقيه: خ خر خرجي خر خرجوو ك كا كاام كااملين
مازادوش معاه الكلام وناضو خاارجين ..المرا وجهها صفار ضارت دغيا سدات عليه الباب وهدى دارت التيليفون فودنها كاتسمع انفاسو النائمة فقط .. بسمات وقطعات عليه عاد شافت فديك المرا
المرا: وهااهو تزوج من بعد..نهار تلواي وضربي ضربتك غايطلقها بالتلات خاصك غاترضاي عليه يدير لك اللي بغيتي
تنهدات هدى وبغات تخرج هي تحنحن للمرا بمعنى خاص..قلباات عينيها وحلات ساكها جبدات ميتين درهم مداتها ليها وشداتها كاضحك
المرا: هادا بعدا اللي دايرة عليه هاد الحالة يستاهل ولا والو
ميقات بعصبية وخرجات كاتزرب من الدار وبنفس الطريقة رجعات لسيارتها
***
واحد التوضيح
هدى..موجودة بكترة فمجتمنا تقدر جارتكم صديقتكم عدوتكم مهم كاينة وغاتكونو صادفتو وحدة بحالها فحياتكم اليومية..هاد النوع فيهم الانانية بشكل كبيير والحاجة الى بغاوها كياخدوها وغالبا كايلتاجؤو للطريقة السهلة..وهي الشعودة..سوا حاسدين شي حد ولا وحدة سوا باغين يعكسو لشي حد ولا وحدة ولا كايبغيو شي حد وباغينو بحال الخاتم فصباعهم
.. هادشي اللي دكرت صحيح كلو ومأكد ومن هنا خودو نصيحة وحدة .. عمركم تجاوبو على الارقام المشبوهة وحتا يلا جاوبتو وبديتو تسمعو همسات واصوات ماشي هي هاديك قطعو من الديپار عمرركم تتعمقو فيه ولا تحاولو تفهمو الطرف التاني شنو كايحاول يگول وسورة البقرة قراوها من بعد المكالمة مباشرة..
الله يحفظنا ويحفظكم من كل شر "ولا يفلح الساحر حيث أتى"
***
يوم جديد صبحات فيه هيام گالسة مع عيشة ونجاة على طبلة الفطور
.. مرة تاكل ومرة تسها قدامها وتبقا تفكر حتا تاتنغزها عيشة وتمد الطباسط لقدامها عاد تفيق
عيشة: اليوم غانمشيو عند الطريطور راه تعطلنا.. ومنها نيت نشوفو شنو الجديد
تنهدات مدة وبلسان مسرح قالت: سمعي ابنيتي.. انا راه نخبي حتا نعيا ضروري نهضر ونگول داكشي اللي فقلبي..منقدرش نبقا ساكتة ونشوفك كاتغرقي راسك براسك ومن بعد تشدي حنكك وتبداي تبكي
هيام كمشات حجبانها: مفهمتش
مينة: يابنتي عااد گلت درتي عقلك وعزيتي راسك ساعا رجعتي لنفس الموضوع تاني..راه ابنتي الراجل كيفما كان المرا اللي تقبل تسكن معاه بلا ورقة ولا جوج كاينفرها وتولي عندو رخيييصة..وشنو كايدير.. كايمشي لهاديك بنت الناس اللي عازة راسها وصايناه ويخلي لخرا كيف الجفاف وانا احبيبتي مانبغيكش تتعدبي ويتهرس قلبك
تزير قلبها وعينيها حمارو ..ضغطات على يدها مزيان تابياضات وشافت فيها بحدة: الموضوع ماشي هاكا..وحتا تاج مكايفكرش هاكا وياريت الحاجة اللي ماعندك فيها سوق متبقايش دخلي فيها راسك
ناضت تمشي ومينة شداتها برجاء وقالت كاتقفقف: ل لا لا ابنتي انا مگلتش هاد الهضرة باش تتقلقي مني ء ء ا انا والله حتا بغيت غير مصلاحتك والله ابنتي.. مابغيتش خطيبك يخليك ولا تديه عينو لبلاصة خرا غي...
قاطعاتها كاترجف مخرجة عينيها: صافي باراكة شنووو كتخربقي نتي سنووو..تاااج كايبغي مرا وحدة وهو ديال مراا وحدة هي انااا.. فهممتي
دازت فكتفها معصبة وكاتغزل بالغدايد والفقصة نزلات بسرعة وخرجات من الڤيلا كاترد شعرها اللور
..ركبات سيارتها وزادت مع الطريق شفايفها غير كايقفقفو وكلام مينة لاسق ليها فالدماغ كاياكلها اكل..هزات الطيلي دغيا من الساك ودوزات رقمو طط بعينين مدمعين ونفس محروقة
طلع الڤيسط على كتافو قدام المراية اللي وسط الداربدا يقادها بحجبان مقرونين مخنزرين
.. سمع الصونيط ديال الطيلي هزو وشاف سميتها وسط الشاشة..وقف شحال كايشوف فيه ويسول راسو واش بصح باغي يسمع صوتها..توحشها ؟ باغيها معاه وحداه وباغي يغرق فيها بحال عادتو ولا صافي؟ سالا التأتير ورجع بدلو ضياع وسواد مافهم فيه حتا حاجة
تدق باب الدار دار ليه و سمح فالطيلي مصدع الوقت بالرنين .. حل ولقا عيشة واقفة فوجهو مخنزرة وماعاجبها حال: السلام عليكم
شاف الفوق متنهد وحيد من الباب: وعليكم السلام
دخلات كاتقلب عينيها: ياكما برزطتك
تاج الدين: كنت غادي للشركة ولكن ماعليش..بغيتي شي حاجة؟
تاج الدين: لا لا لا ماديريش هاكا عاافاك..فهميني راوالله مالخاطري انا ماشي هاكا..انا م...واش غا غاندير معااك هااكا؟..راه غير..الاعصاب و والضغط ديال الخدمة م مابقيتش عرفت راسي شنو كندير
بقات كاتشوف فيه ودموعها نازلين حتا قالت: واش باقي كتبغيني اتاج؟
خدا يدها بالزربة حطها جيهة قلبو وبجنون قال: شوفي كيف ولا..سمعتيه غاخرج من بلاصتو..غايمووت الى مابقاش كايبغيك
هيام: هءهءهءوعلاش وليتي كاتعامل معايا هاكا...علاش ويليتي واحد آخر
جرها عندو كايزفر وكلشي فيه كايضرو: تيقي بيا مكنقصدش.. الضغط والاعصاب ويمكن حتا الموضوع ديال خالي حتا ما ..مابقيت فاهم والو..م ماعرفتش شنو باغي وشنو خاصني ندير باش نرتاح ..فهميني عافاك ماشي لخاطري..فهميني احبيبتي "زاد زير عليها سااد عينيه وروحو باغا تخرج" فهميني
صفية: ورااكي ديتيهم ليه ااشبغا مازال ولا مالقا مايگول
هدى: حوايجو ديال لداخل امي وخاص يكون فيهم المني تااعو..أنا مللي دخلت للدار بالخلعة مركزتش مزيان ودوك الحوايج ماكافيينش خاصني المني يكون جديد وفشي حاجة عاد تحيدات
صفية: مممم هي غاتعاودي ترجعي
هدى: ضروري.. وصافي حيدي من حداايا تك تك تك ضريتيني فرااسي..تيقي ولا لهلااا تيقي غير حيدي نكمل هاد الزمر
صفية خنزرات فيها وضارت فحالها للكوزينة مخلياها كاطبق داكشي اللي ملا عليها الفقيه وكاتبخر راسها
عيشة: برا والباس عليك اويليدي الله ينجيك ويحفظ من كل مكروه ..راه ماواقع والو غ غير شافتي كانبكي على الباشير ..تفكرتو وتخلعات مللي ماعرفات شنو دير هي تعيط ليك
هيام: هادشي الي بقا سحابلك غاتخطف بيضة ولا خاتم ديال النقرة..عرفتي شناهية أميمة العوماري ولا لا..احنيني ودييرها غاتبانك الاستخبارات كايقلبو عليك ويطلعوك فساعتك
جمال: باقاا مكتعرفيش خوك مزياان ..والى مشا حتا قصح معايا راسو ديك الساعة كلام آخر
بسمات وطبطبات على كتفو: عمو أدهم كايبفيك بزاف هادي واضحة من عينيه..متأكدة باغيك لأميمة ولكن مكيتيقش فيك..متنسااش شنو دوزتي عليه فالفترة اللي كنتي عايش فايطاليا حتا ولا بسبابك ساكن فطيارتو الخاصة غادي جاي من المغرب لتما باش يفك مشاكلك
..لادروك ماشي ساهل تبعد عليه واخا عارفاك قطعتيه ولكن المواقف فاش شافك صعيب يتمحاو من بالو
تنهد بحيرة وقال: وشنو ندير؟ فيدينا نتي يالله شنو خاص ندير باش يقبل
حليكة: ايوا وعلى مافهمت واقلة بغات تتقفو..ولكن غايتحل..عرفي غير هادشي اللي گلت ليك ويكون خير
عيشة: والله اختي وتحل هاد الموضوع ايلا حلاوتك طلبي فيها اللي بغيتي
حليمة: في سبيل الله اختي..غلطنا واحد الوقت ودخلنا لهاد الطريق المحرمة ولكن الحمدلله تبنا وولينا تنعاون الناس فالخير..وتوما ناس متستاهلوش هادشي الله فوق من كلشي وكايحاسب
بنبرة باكية قالت: الله يااخد فيها الحق.. اناا داعياها لله كيما بغات ترزيني فولدي الله يكحل يامها بنت الحرام هءهءهءهء
حليمة: رجوع الله اختي السحر مكرووه عند الله وماتيطولش فيه طال الزمان ولا قصار..حمدي الله عقتي بيها بكري كون تعطلتي شووية تلقاي ولدك طار وولا بحال الهبيل
حليمة: يوميا كانشوف ناس ياما تشتتت ليهم الشمل ولا قتلو بسباب السحر ولا طجو مابقاوش رجعو ولا تسطاو گااع..راه الله يحفظ اخطر حاجة يديرها ليك شي حد هي السحور
عيشة : د دابا واش صافي قضات عليه ؟
زفرات بحيرة: على هادشي اللي گلتي باقي ليها شوية..ولكن فقيهها صحيح على مكنشوف ومادام ولدك طاح گاع..راها قادرة تأتر عليه
عيشة: وشنو ندير اختي شنوو
حليمة: بعديه على البلاصة فين كاتكون بينما فكيتي هادشي ولا راه غاتلسق لك فيه شي اغتصاب ولا شي كرش
شهقات بصدمة: هييه الله ينجيييه، يااااربي تحفظو من شررها يااربي
حليمة: اامين.. انا گلت ليك..راه الحر والعافية اللي شاعلة فيه وحتا الأعاصاب غادين وكايجهادو و يقدر گاع برجليه يمشي عندها ..هادشي الى كان الفقيه قادي الغاراص مزيان وخادم خدمتو
عيشة: الله يااربي الله
حليمة: نووضي اختي قلبي عليه وعرفي كيفاش تتصرفي راه كولشي بين ايدك دابا
عيشة: و واخا وهانا لقيت الفقيه و داكشي ..شنوو ندير؟
حليمة: جيبيه ليا انا نفكو ليك ماتقيسيه ماتحليه ماوالو ..ونصيحة وايااك تعرف باللي عقتي بيها راه غاتغبرو فآخر الدنيا ومتگولش ليك..هاد النوع صاافي خسر لاخرة قات ليه غير الدنيا مغايبغيش يخسرها حتا هي
حلات عينيها مدمعين على اشعة الشمس اللي داخلة من البالكو معلنة على بداية صباح جديد منور..تنهدات وكلامو ووعودو وهمساتو حلقة فودنيها مابغاش يتنسا ليها ابدا..هزات راسها على المخدة وخدات الطيلي حداها بتردد وبعد شوية صونات وبقات كاتسنا حتا تفتح الخط وقالت بسرعة
هيام: الو تاج
عيشة: هاادي مو هههه كاين شي منقضيو
ابتاسمات وحكات شعرها: صباح الخير اماما كيف صبحتي
عيشة: لاباس الحمد لله احبيبتي ونتي ههه
هيام: وي الحمد لله.. احم تاج حداك
عيشة: ناعس احبيبتي نفيقو؟
هيام: لا لا صافي حتا نعاود نعيط ليه
عيشة: مزيان نييت اللي عيطتي..بغيتك احبيبتي على واحد الموضوع مهم
هيام: شنو ياك لاباس
عيشة: كل الخير ابنتي غير هو يكون حسن نتشاوفو على برا..فاش نصوني عليك جي عندي واخا؟
هيام: واخا اماما كوني هانية
عيشة: الله يرضي عليك وسلمي على ماماك
هيام: بسلامة
قطعات وناضت بنفس مسدودة للحمام.. و عيشة بقات كتنهد ساهية قدامها حتا سمعات الحس موراها وضارت موسعة عينيها
عيسة: ههه صباح الخير
بصوت مدعدع وتخنزيرة قال: صباح النور..تيليفوني هاداك
عيشة: خطيبتك صونات ومسمعتيهش
خداه ولبس جاكيطتو: حتا نعاود ليها..الله يعاون
عيشة: اجي اولدي غير تفطر
تاج الدين: بالصحة
خرج كايزفر ووجهو مخسر طالعة ليه الخزامة للسطح
..خلا عيشة كاتشوووف جيهة الباب وتتسنا..حتا شوية تسمع الدقان وحاولات ترسم بسمة صفرة على وجهها وحلاتو بسعادة
هدى: صباح الخير خالتي هههه
عيشة: صباح النور يالحبيبة عههههه دخلي دخلي توحشتك كون تعرفي قداش
من الدروج نازلة مرجان بفراشة خفيفة..الطيليفون فودنها ومدكرة وستيلو فيدها كاتشوف فيها مقوصة حجبانها وتسمع باهتمام: هممم..وي تماما ..وبغيت الله يخليك تسيفط ليا شي وحدة وتجيب معاها ليكاطالوگ ديال قفاطن الربيع ..يكونو شي حاجة موديغن وخفاف (........) لا لا العروسة مكتبغيش داكشي غير شي حاجة خفيفة وراقية فنفس الوفت.. ممم واخا ميغسي بوكو نتكلمو من بعد
قطعات وسدات المدكرة متوجهة للكوزينة تزامنا مع دخول جمال..شافها وزرب غادي عندها كايلعب بسوارتو
جمال: صباح النور
شافت فيه: صباح الخير..جابك الله نيت كنت باغا شي سخرة من برا
جمال: ا ا اه ماشي مشكيل
مرجان: تسنا نشوف البنات ونرجع نگولك شنو تجيب
توجهات للكوزينة وتبعها كايدور عينيه باغي يدوي ومتردد فنفس الوقت حتا زير يدو ونطق: الواليدة ب بغيت نهضر معاك
حيدات البراد من فوق البوطة فاش تشحر وحطاتو على الصينية هو وكيسانو ونفسها طالعة نازلة بغضب..راس ناوي يلتخ عليها دوك الكيسان وراس باغي يسلق ليها كمارتها بآتاي سخون وراس ناوي يحط الصينية على جنب ودير شرع يديها
سدات عينيها مزيراهم وكاتبرد حر العاصاب عاد هزات الصينية مدخلاها للصالون وقناع البرود معلقاه فوجهها بامتياز
هدى: مديش عليها اخالتي ديك المرة راه غير فاش تتعصب مكتعرفش شنو كادير
عيشة: لا يابنتي عادراها ..فاش كاتوصل لكبدتك دير اللي كان باش تحميه "طلعاتها ونزلات حتا دخلات ليها الشك" الدياب اللي مايعرفو لا ربي لا عبدو عطا الله غاهوما
مرجان: غاسير دوي معاه نتا نييت اخويا أما انا نهار دويت قلب عليا كمارتو قلبة وحدة..عاسااك دابا فاش سبيتيه
وسع عينيه بصدمة: فخباارك
مرجان: فخبااري وكون تشوف كيولا كايترعد ديك الليلة ..والله كون رجعتي للدار تايتيري فييك ولا يلوحك للكلاب بالله مايفلتك
بنرفزة قال: وادابا ماالكي كاتزيدي تخلعيني نااقصك انا..هاانتي راك مرتو زعما وغاتعرفي تقنقيه حسن مني..وشفتي حنا الرجاال والله ماكايعرف لينا شي حد من غير المرا
طلعات حاجب: بصاااح ..وشنو ندير
جمال: غضبي لييه.. كلشي عارف أدهم العوماري شحال كايتسطااا على مرتو وشفتي نهار واحد مايقدرش يدوزو بلا بيك..سيري غضبي فشي بلاصة وماترضاي حتا يقبل يعطيني أميمة
مرجان: ياااك المرضي باش تجمع شملك باغي تشتتو ليا
لا تبارك الله عليك شوووكرا
جمال: و وامافهمتينيش..
قاطعاتو: اربي لاما سكت وبعد مني هاد النهار اناا اصلا مبرزطة مع عرس ختك بلا ماتزيدني
دخلات فيه وخرجات معصبة وهو عينيه كايدورو ويفكر فحاجة جديدة
.......................
مظلم الدار كاملة وگالس شاد راسو مخنوق وتايه حالتو حالة والخاطر باش يوقف ماعندوش..صونا تيليفونو بإسم هيام مد يدو بزز خداه ..شاف سميتها مهدود مريض ودوز الخط
تاج الدين: الو
هيام: تاج فينك..مشيت للشركة وگالو ليا ماكاينش؟
تنهد وقال: عيان شوية مافيا اللي يمشي
ابتاسمات بهدوء: فراسك فين غادة دابا
رد: لا
عراضت ابتسامتها الحلوة: عيطو ليا من مكتب العدول ههه..وقعتي نتا ومشيتي كاتجري علاش متسنيتيش
صفية: بفممك گلتي السيد ولا يمييل ليك وماينعس غالا سمع صووتك "غمزاتها كاتبسم" ايوا جرربي الطريقة لخرا منها راك ضااربة دقتك عوض يجي هو سيري نتي.. ومنها تااني هو راجل ماغايقدرش يقاومك
سهات شوية وحركات راسها بالنفي: لا لا خفت لانغامر ويتضرب ليا كلشي فالزييرو
مشات كاتجري للسرجم وسط الدار طلات مزيان وبانت ليها سيارة حساام تماا وااقفة..زادو خرجو عينيها وصفية رجعات بسرعة هازة بواطا صغيرة فيها كريم شمعي كايشبه للمني شكلا لاكنو علاش لشنيولة
صفية: هاانتي هااهو عندي بحاالو
خداتو هدى كاتنهج ووجهها صفر گااع اللي كانت مخططة ليه فلحظة راب على كتاافها..صفية شاافت فالسرجم وشهقات ضااربة حنااكها
مشات كاتزرب دخلات لبيتها وخلات صفية كاطل فالشرجم وتغزل بالخووف..حتا خرجات عندها هدى مبدلة حوايجها بكسوة قصيرة زرقة فيها خطوط بيضين هازة ساكها بعدما تأكدات من الفلوس وخرجات مع الباب متجاهلة نداءها..
..وصلات لطوموبيلها وشافت جيهتهم بنص عين وبلا ماتعيق ركبات وكسيرات فالطريق تزامنا مع حسام اللي تابعها من اللور وهي عينيها عليه من المراية
...وقفات قدام واحد الصالون هزات ساكها ونزلات داخلة ليه
.. سلمات على الكوافورة ووشوشات فودنها مادة ليها مية درهم ..بعدها ضارت بابتسامة وخرجات من الباب الخلفي اللي خرجها فواحد الزنقة طويلة وخاوية تمشات شوية على رجليها حتا وصلات للشاريع العام عاد شيرات لطاكسي صغير ركبات وزاد مع الطريق
......
عيشة: هادي شجاابها للصالون ااويلي
نجاة: من نيتها كاتصاوب شعرها..ياكما ماغاتمشيش اليوم
عيشة: لا لا هادشي مااااعاجبنييش..سيري ابنتي سولي شي وحدة تما ورجعي
شافت فيها مطلعة حاحب: اهاا ولاشافتني؟؟
رد حسام: نمشي اناا؟؟؟
خرجات عينيها: قررد لاارض الصالون عاامر عيالات شغاتمشي دير فييه
عيشة: واهي لاانزلتي نتي وحظي لاتشووفك..الى كانت كاتصيب شعرها رجعي والى لا شوفي فيين مشات
نجاة: وااخا
نزلات ودخلات مع الصالون كادور فعينيها بحدر وتقلب..وقفات عليها الكوافورة وقالت: شحب الخاطر اختي
نجاة: ا ا. انا عافاك كانتسنا صاحبتي من قبيلة وبغيت نعرف واش قربات تسالي
الكوافورة: شكون هادي
نجاة: سميتها هدى..راشعرها كحل طويل ولابسة كسوة زرقة مخططة
الكوافورة: اااه عرفتها.. عاد دخلات مع فردوس دير سوان ڤيساج غاتتعطل شوية
نفخات بضيق وقالت: صافي شكرا
الكوافورة: هانية اختي
رجعات نجاة فحالها للطاموبيل وقبل مادوي عيشة قاطعاتها و قالت: السيدة كادير صوان ڤيزاج..يخخ غانتنشرو هنايا
حسام: شنو دابا نمشيو؟
عيشة: لا تسنا حتا وكااان تخرج لازربة على صلااح
طلع راسو على صوت الدقان ونفخ بعصبية راسو غايتشقق وزادو صوت الباب..
ناض كااعي مخنزر حل الباب وزاد كعا كتر: نتي شنو جاابك
مسحات دموعها كاترعد وقالت: ب بغيت نهضر معاك اتاج..عافاك سمعني
بقا واقف مخنزر و كايشوف فيها وهي كاطيحهم عشرة للعين وكلا مرة تتهز بشهقة جياشة..
بعد ليها من الطريق عاد ارتاحت نفسها ودخلات راسمة بسمة الانتصار على شفايفها..مللي قدرات دخل وتأتر فيه الباقي كلو ساهل وسلس..حطات ساكها وگلسات وهو قدامها مزير يدو ومركز فيها الشوفة
هدى: خالتي عيشة جات عندي وماخلات ماگالت ليا هءهءهء انا والله ماخايبة اتاج والله العظيم بغيت غير مصلاحتك وبغيتك تحل شوية عينيك
قلب وجهو مكرره وسد عينيه بالجهد: هاادشي علاش جاية
هدى: ب بغيت غير.. "مدات يدها وتقاست بقرعة الما محلولة حداه جاتو فالتيشورت نيشات حتا وقف منيرڤي كتر
تاج الدين: بنت القاااف مكتشووفيش المرررض
ناضت تمسح ليه: س سمح ليا ماشفتكش
دفعها حتا تلاحت على الفوطوي: حييدي يدك..تفووو
ضار نصل التيشورت وفديك االحظة حيدات الكسوة وبانت الشوميز دونوي اللي لابسة لتحت..حمرا متيرة ومبينة تنايا جسمها الجداب ووقفات وراه دار بعفوية وبقا مصدوم حال عينيه والحرارة طالعاه من صباعو..بجرأة طلعات يدها مع صدرو وبنظرات وهمس جريء قالت
هدى: نتا غاتبغيني اتاج..انا هي راحتك وأنا اللي خاصها تكون حداك ماشي هي
بدا صدرو يطلع وينزل بوتيرة سريعة وشي حاجة فيه باغا هاد الراحة وهاد الجسد باغة هاد النفس وباغة هدى بالدات..لاح التيشورت وجرها عندو بعنف خاشي شفايفو فشفايفها كايبوس ويدور راسو معاها وصبعو الإبهام ضااغط بيه على حنكها وحااكمها مزياان هي اللي دايبة وميتة بين ايديها لأقصى درجة ماحساتو الا وهو راجع بيها اللور ومتكيها على الفوطوي الطويل
..طلع راسو وشاف فيها من الفوق للتحت وهي تحتو كاتلهت بالشهوة عاد تلاح على شفايفها تاني كايسرطهم حتا كايدوز بين سنانو دمها ونازل لعنقها بمصات متيرة مكيطلق حتا كايسمع الصوت زادو فيها الزايد وولات توحوح بالجهد روحها غاطلع ويديه غادين جايين على فخادها وعاصرين مؤخرتها
"اااه تااج..تاااج احححح"
مد يدو وهو دافن راسو فصدرها نصل سروالو وبقا ببوكسور موضح السي الباشا كي منفوخ باغي يطير ليها وصوتها مكمل عليه..طلع راسو مع صدرها ببوسات خفاف وكلو كايلهت ويتهز بالشهوة حتا وصل لودنها وطلقها يتنهيدة حارة وهو مزير صدرها بيد قال بنبرة خافتة ونشوة حاارقة
"آاه..هياام.. كنبغيك ارووحي كنبغيك"
تشوكاو عينيها اللي كانو مدمعين بحر الشهوة وزيرات يدها حتا خشات فيهم ضفارفها وتجرحات جرحة متسواش الربع مقارنة مع كرامتها وقلبها..صبرات وسكتات كاتتوعد وخلاتو يدير فيها مابغا وحتا هو كمل ساد عينيه حتا كايتهز عليها بنوضة وحدة كاينهج موسع عينيه على جهدهم ووجهو مشاا منو اللون بحالا عااد فااق من الگلبة والبير الغارق اللي كان فيه تكب منو الما حتا تنفض.. ناضت غالبها الاستغراب وقوصات حجبانها
هدى: تاج ماالك
ضور راسو كالمجنون ممتيقش شنو دار: لا..لااا
ناض كايحرك راسو للحمام دخل مزير يديه على رقبتو وكايشوف انعكاسو على المرايا..حماارو عينيه حتا دمعووو وكرره نفسو لأقصى درجة وصوورتو وهو عريان غير البوكسر فالمراية قرفاتو وجابت ليه الاشمئزااز غووت بحر جهدو وهو حمررر
تاج راسي الجزء 18
محتوى القصة
التنقل بين الأجزاء