وقفات نجاة بقفطان ازرق ملكي بعقيق لماع من جيهة العنق ولتحت سامپل ..دارت مشطة خفيفة وميكاب خفيف كدلك مع طالون فضي مقمقم ضارت بيه للمراية كاتشوف القفطان بحب وهيام اللي كانت لداخل شيرات عليها بمشطة وقالت بعصبية
هيام: وامعااك داوية الزمر
نجاة: غايكون جاي فالطريق اصاحبتي مالكي على هاد قوة التسوال مالو غايهرب هههه "طلعات حاجب شادة الضحكة" زعما يكون هرب؟؟
هيام: شنوووو
نجاة: ههههههه
غوتات بغضب: التوونية انجاة التوونية
ضراتها كرشها بالضحك: بعدا عارفة شناهية التونية ؟
هيام: سمعت ماماك كاتگولها ههه
نجاة: ويلي كررشي هههههههههه
…………………
العصبية اللي خلا فيه جمال..التوتر ديال العرس..الفقصة ديال انها مفكراتش تبدل القفص والغضب الجامح ديال غيرتو الحارقة
..كلو جمعو فطبق من دهب وقدمو لإسماعيل اللي معرف منين نزل عليه وكسر جميع مخططاتو الخبيثة اللي كان عليها ناوي
ناض تاج وقف كايلهت ايدو مجروحة وحوايجو عليهم طبعات من الدم،وفالمقابل كان اسماعيل كلو كدمات ووجهو بكمية الدم مابقاش كايبان، هزو ملاوط شاداه السخفة وتم جارو مع الدروج لاحو قدام الباب ونزل على ودنيه قال الكلمة اللي صدماتو وزادت عليه
تاج الدين: غانعاود نشوفك كادور من جيهة #مرااتي ..موتك غايكون على يدي
وقف ركلو لكرشو على غوت ودخل طالع كايلهت طالعة ليه، هز الكوستيم ونزل بلا مايشوف فيه سد الباب وطلع سيارتو مديماري وكايبدل حوايجو فنفس الوقت
.................
بالغرفة اللي شدات مرجان كانت مخشية مينة وعيشة قدام المراية كايقادو حالتهم..اشمن ياقفاطن وياروايح ويادهوبات اللي دارتها عيشة كاتنقز مينة دير ماحسن منها وتنوض عيشة تحيدها گاع والتخنزير بيناتهم بنص عين ..قادات ليهم الكوافورة على اتم وجه بانو بلارات زاز لوز وناضت
الكوافورة: صافي ساليت جيتو فنات هههه
ناضت مرجان بقفطان شيك خفيف وباج جامعة شعرها البني اللور وطالون عالي اسود فرجليها
"اعزائنا الركاب..غانضطرو لهبوط ضروري جانب الساحة المقابلة لاوطيل "العوماري"..التوقف اضطراري مدة خمس دقائق فقط بعدها نواصلو الرحلة ديالنا .. شكراً لتفهمكم"
الركاب كايدورو عينيهم مفاهمين والو وحالهم حال جمال اللي مكمش حواجبو وضار عند أميمة وهي ضحكات وبطفولية نطقات
أميمة: ؟؟ وشنو متحضرش لعرس ختك؟
جمال: خههههههههه
....................
شوية بشوية..قليلا فقليلا وبدات القاعة كاتعمر ..الناس داخلة بالابتسامة والتهاني الحارة لكل من مرجان مينة وعيشة اللي قدام الدخلة وااقفاات ..وجوج رجال بجابادور وسلهام ابيض مع طربوش حمر واقفين واحد هاز طبسيل كبير عامر تمر..والتاني كويسات صغار بالحليب منقوشين بإسم تاج الدين وهيام
عيشة بابتسامة كاتسلم مع الناس وحداها مرجان كدلك نفس الشيء : مرحبا مرحبا الالة مرحبا "تحنات عند مرجان ببسمتها وقالت" هادو مالهم تعطلو
ردت عليها بنفس البسمة: علمي علمك يااربي متكونش خسرات ليهم اللوطو ولا شي حاجة
مرجان: هههه لا سي العريس ولالة العروسة ..هههه زيدي جيبي الحليب والتمر
عيشة: هههه ارا ارا داك الطبسيل
بضحكة من القلب خدات طبسيل التمر واخا جاها تقيل صبرات وقربات لفين غاتوقص سيارة العرسان ومرجان مدات صينية الحليب لمينة اللي خداتها حتا هي بضحكة حب والدمعة على طرف عينها
عيشة من جيهة ومينة مقابلة معاها وحداها واقفة مرجان بترقب ووراهم الدقايقية خرجو من القاعة وجاو يتلقاو للعرسان بحال الكاميرات اللي تسلطات على الباب متاصلات مباشرة مع البلازمات اللي كاينين لداخل والناس بابتسامة كايتفرجو فيهم..تحل الباب..نزل سيدي العريس بطلتو البهية، بوسامو الشاهقة و بملامحو الرجولية بامتياز خلات تنهيدات الحصرة تخرج من افواه الجميرات داخل القاعة..حصرة أنو رجل بحال تاج الدين ماشي من نصيبهم.. إنما من نصيبها هي ..اللي باقا داخل اللوطو ومتشوقين لشوفتها
..فتح الباب بنفسو ومد ليها ايدو العرقانة
بدورها مدات يدها وكم القفطان الاخضر سابق وحطاتها على ايدو
..خرجات رجلها اللي فيها لابسة طالون متلت براق ابيض عليه زخرفة من الجانب الأيمن على شكل فراشة..خرجات هازة راسها وواقفة قبالتو هو اللي باقي من شوفتها ماشبع واخا طول الطريق عين عليها وعين عليها اما شي طريق ماحضا..قفطان اخضر ملكي بأحجار ملونة فالكمام الكول ديال القفطان والصدر..مضمة دهبية بجواهر لامعة خضراء راسمة خصرها بإتقان..ماكيان مرتكز فعيونها المجبدة وشيافها اللي زادت حمرات.. وعلى شعرها المموج والمجموع اللور تاج ملكي لون الماس لمعانو كايعمي العين ويبهر العابر..ضارت ليه مبتاسمة باس يدها بهدوء عكس الاعصار اللي عندو لداخل..تقدم يدو فيدها لعند ميمتو ..باسها فراسها وعنقها مخلي دموع الفرح على صدرو تطلقهم وبكلمات مرتاجفة قالت: الله يرضي عليكم..الله يرزكم حياة الهنا وراحة البال احبيبي الله يبعد عليكم ولاد وبنات الحرام
ماسكتش فمها من الدعوات باس راسها وهيام تحنات ليدها باستها باست راسها وبيد وحدة جراتها عيسة عنقاتها: بنتي الحبيبة..سمحي ليا الى شي نهار جرحتك ولا قلقتك هءهء الحبيبة ديالي معزتك من معزة ولادي وربي على كلامي شاهد..الله يرضي علييك الله يرضي عليك الله يرضي عليك
تحت النغمات دخلو ومشاو لجلستهم المقابلة مع الحضور تحت زغاريد الفنانين وابتسامات الناس الحاضرين ..بقا شاد يدها ورجع ظهرو اللور شوية كاينحنح ممولفش الانظار تكون كلها عليه ومحاملش الوضع نهائيا
.................
..الله يجعل كللشي مباااااارك ومسعود اجاارتي العزيزة رووووروي
..يااختي عوييشة والله يجعل كللشي مباااااارك ومسعووود مبرووك مادرتو يااخيتي هههه
.. ياااخويتي وشحال فرحت لوليدي تاج الدين الله يسخر ليه فهاد التجويوة والعقبة للعزرية تااهي هههه
وحدة ورا وحدة كايسلمو عليها عشرة البوسات للحنك ماخلاو ليها فين تهضر وهوما عشرة الكلمات دقة وحدة والرجال خلاص مكاين غير اختي عويشة اخالتي عويشة اميمتي عويشة اما البجاغط خلاص يدورو يدورو ويسولوها على الللحم والحلوى فين
هيام: مييغسي حبيبة العقبة ليكم حتا نتوما إلى كنتو باقي ههه
....: هههه اييه ااختي بااقي الله يكبر بيك
ناس عيشة ناس التواضع والبساطة ..عرفات علامن تعرض غير العزيز على قلبها واللي قلبو صافي وعزيز بحال دوك الجارات وبنياتهم
..سلمو وتسالمو رجع تاج الدين لبلاصتو كايوشوش ليها فودنها وهوما مشاو يقلبو فين يگلسو ..مرة مرة يلوزو مع الموسيقى والدرديگ وولاد الحبة حاضينهم مع الدخلة وهوما كايدويو بعفوية ويضحكو بعفوية ويتخابطو فكتاف بعضهم بعفوية
.. عكس بنات طبقتهم كايحسبو الحساب لأي حاجة واغلبيتهم طينة وحدة بحال لوسييا بحال صوفيا بحال جوليا الوجه اللي مبدل اما كراكطير التبعكيك والنفخة هو هو الشي اللي خلاهم يلتافتو لبنات الشعب الحارات وعيونهم بالاعجاب كاتشع
تاج الدين: علاش شحال من لبسة كاينة..تگولي سبعة نجرك من شعرك ونخرج والله لازدت الضربة
شافت فيه كاضحك: هههه مدرتش سبعة غير ارتاح
تاج الدين: وشحال؟؟
هيام: تلاتة قفاطن خفاف وغوب فالاخير
حك ورا ودنو وقال جامع حجبانو: بزاف لا؟ كترتي وغانتعطلو
شافت فيه جامعة الضحكة: سبعة ولا ربعة اما حسن؟
تاج الدين: جوج..ندير معاك الپليزير ونزيدك وحدة هي تلاتة، آش بان لك
هيام: ههههه..نجاة فين هي؟
تاج الدين: ماعرفتش غابرة هي وحسام .. جمال مغايكونش فراسك
شافت فيه بابتسامة عريضة: غايكون هههه
طلع حاجب: عارفة شي حاجة؟؟ عاودات لك ديك صاحبتك ولا داك خوك
ضارت تزامنا مع دخولهم أميمة مشات لمرجان اللي كانت واقفة مع عيشة وجمال جاي عند تاج ضاحك .. وقف تاج بعدما كان مغوبش طلق الضحكة وتم غادي ليه: مكاتعلمش الكيداار كاتفقص وتهررب هههه
سلم عليه ووقفو كايدويو وادهم من بعيد كايشوف فيهم ومبسم ..ولدو ..ماشي بالدم وولدو ..ماشي بالنسب وولدو ..ماشي بالشبه وكايبقا ولدو اللي على قبلو دار ويدير اللي كان باش يبدل طباعو للأفضل..فعلا حيد منو الانانية ويبدا التفكير فالاخرين وانو المخدرات ماشي حل
..تلاتة الحوايج كان أدهم متعمد يشوفهم فيه اولا عاد يخلي ليه جوهرتو الوحيدة
وقفات عليه مرجان كاضحك: وفاش خلا أميمة على قبلك نتا والمعروف اللي درتي فيه..كان هاداك هو التصرف اللي خلاه يكبر فعينيك هههه ايحيانا عليك اخفاشي
درعها مبتاسم وكايشوف فيهم: بنتنا حتا هي غاتتزوج
مرجان: الله يسر ليها..اللي مريح فالامر هو انها غاتزوج بواحد كيبغيها بصح
شاف فيها بعيون عاشقة: مايوصلش لمحبة باباها امرجان..حبيب البنت الاول هو أبوها..اول واحد كايبغيها وحبو ليها كايكبر نهار على نهار
... بسم ليها ببرود وهي مفقووصة عليه..بقات گالسة شوية وكتسمع الزغارت وكلا مرة تقلب الموسيقى مع تغيير اللبسة..شافت هاك وهاك وبانت ليها البوطونة اللي تتحل الباب حنحنات وقربات بهدوء حاطة راسها على كتفو حس بيها وقال
دوز صبعو ببطء على خدها وصوتو خفيف على بشرتها كايلهب: فيها الى شافو فيك حسام كايتحرق..كاتشعل فيه العافية وكايبغي يگلع ليهم عينيهم من بلاصتهم
بسمات وقربات عندو بجرأة: وعلاش كايتحرق
سرط ريقو شاف رقبتها الطرية والطويلة قرب لعنقها مخدر وهي مدات يدها كاتقلب على البوطونة حتا حطات عليها ايدها وشداتو من وجهو حتا شاف فيها بعينين معسلين: حسااام
حسام: عيون حسام
بسمات: فراسك كنبغيك
زاد قرب ليها: انا كنموت عليك
نجاة: ولكن احبيبي انا راه ناازلة فحاالي شوف عندااك تتقلق متخليش عكر ديال ستمية دريال يشوش علاقتنا
جمع حواجبو مستغرب: كيفاش..
وركات عليها حلات الباب ونزلات سامحة ليه فالساك نزل بعدما استوعب ولقاها طارت دارت ليه من هنا دازت ومايقدرش حتا يخرجها من القاعة بعدما دخلات..ضرب الباب بعصبية وتم داخل حتا هو على سعدو ووعدو مادام ماقدرش يحبسها على الاقل يحضيها لايطيرو بيها ولا يتزلل عليها شي حد
وقف بابتسامة هادئة واخا عيان عطاها ايدو وناضت كاتقاد ليها النگافة جلايلها وتمو طالعين الفوق تبدل على قبل اللبسة الاخيرة اللي هي فستان العروس
..الناس بدا يتجمع ليهم من الطبالي الحلويات المغربية والاجنبية المشكلة والكؤوس ديال العواصر وبداو يحطو ليهم العشا وعليه تحلو الافواه من طرف ناس عيشة اللي بزز من والديهم گلساتهم فالطبالي اللولين وخلات مينة كاتقلا بالغدايد فاش جاو عائلتها ولقات كلشي القدام عامر
..حطو أطباق مشكلة بدات بشلايض غير الشكل والالوان وقوة المكونات اللي فيها تخليك تحشم تمد ليها يدك
كاين من البنات اللي ضبرات على راسها وجا التيتيز حتال حداها يتعشا معاها وهي طالقاها تسرح دوي كي بغات تاكل كي بغات ضحك كي بغات خلاو ولد الفشوش يحماق على بنت الشعب و غير كايوصل للبسالة ولا شي حاجة كاتهز النيف وتگلب الفيستة وهوما غير مكايزيدو يلسقو ماينوضو حتا ياخدو لادريسا ديال الدار ونمرة التيليفون وفمهم محلول بلهلا يطريه ليهم ..الدراري واخدين تيقارهم فينما يبغيو يتحركو يتفكرو لالة عويشة ويشدو بلايصهم اما الشباب اللي قد تاج الدين فالعمر ماهزوش العين فبنت المرا احتراما وتربيتهم الحسنة، جايين على قبل الاكل ويهنؤو ولد دربهم فقط مخلين عقول بنات بابي ومامي يتهز من كمية الرجولة اللي كاتحوم عليهم لامن كلامهم الموزون والا ضحكهم التقيل ولا حركاتهم الرجولية اما تخنزيرة الكزاوي حدت ولا حرج القلب كايرفرف فبلاصتو
.. ولات كلا وحدة قانية على واحد فيهم و كلا وحدة غادة جاية باش يطلعو الشوفة ووالو مكاين غاكول ونتا حاني راسك نوض ونتا كاتشوف الفوق سلم وحيد عينيك بالزربة هادشي عااد ماخلاهم يتعلقو بيهم ويديرو المستحيل واخا غير يضبرو على النمرة
دخلو للإستقبال تنهد تاج الدين وقال: الله يخليك.. محمد العورابي
البنت: واخا دقيقة اسيدي
قلبات على الاسم وهزات فيهم عينيها باسف: البركة فراسكم اسيدي ..المريض توفا وسط العملية
قال بتفهم: عارفين مات..بغينا الدكتور ديالو باش نستالمو الجتة
البنت: هاهو سي منصور جاي
ضور وجهو ولقاه جاي كايدوي مع واحد السيد لابس جلابة بنية تحتها قاميشة بيضة ولحيتو السوداء مختلها بعض الشيبات..كايشبه شوية لتاج الدين فملامحو وغير كايتنهد ويسمع للطبيب بحزن حتا وقف عليهم تاج الدين وعيشة ولخرين وراه غير تيسمعو
تاج الدين: سي منصور؟
سلم عليه: هو هادا
تاج الدين: جيت على قبل محمد العورابي "شاف فيه داك الراجل بأسى والطبيب قال
الطبيب: شنو كتجيه؟
تنهد وقال: ولدو
الطبيب: البركة فراسكم اولدي..المرض وصل لمراحل متأخرة وحالتو تدهورات بزاف..انا غانجيب لك الاوراق اللازمة على قبل الدفن
حرك راسو والرجل اللي كان معاه جا فصمت عنقو وتاج كدلك زير على كتفو فصمت ..بعد باس ليه راسو وايديه والرجل قال: الله يرضي عليه اولد خويا الله يرضي عليك
..لالة عيشة.. البركة فراسك هادي هي الدنيا الالة
بصوت مهدود ردات: الله يغفر ليه ويوسع عليه ضيقة القبور
تنهد كايحرك راسو: اامين ..بنتي نجاة "قرب ليها ببسمة حزينة عنقها كايرتب على ضهرها وقال: تبارك الله كبرتي ..معرفتينيش انا عمك بوبكر ابنتي..شفتك مرة وحدة ونتي صغيرة من تما مابقينا تشاوفنا
انفاجرات عيشة بالبكا وقالت: الله يسامح اللي كان الحيلة والسباب.. الله يسامحو
بوبكر: الله يستمحو ويغفر ليه ..ولدي تاج اجي معايا
تنهد وتبعو غير ساحت حتا خرجو للجردة اللي فالمشفى وگلسو ساكتين..شاف فيه بوبكر وقال مقطب حجبانو: الله يجعل كلشي مبارك ومسعود بعدا..سمعت باللي اليوم تزوجتي
حرك راسو وهو كمل منزل راسو والوقار على وجهو باين: انا اولدي راك عارف المشاكل اللي كانت عندي مع باك..فاش مات الاب ديالنا واستولى على كلشي مع اني كنت محتاج تبرزطنا انا وياه، مبغيتش نوصل المشكيل للمحاكم حيت كايبقا خويا فاهزيت مرتي ومي ورحلنا لجيهة خرا من تما تقطعات خباركم وخبارنا وحتا العائلة مكنعرف عليها والو
حرك راسو بتفهم وقال: عارف اللي كاين اعمي..قلبت عليكم وعلى جدا واحد الوقت ولكن ملقيت والو
بوبكر: سكنت فالعروبية اولدي ..راك عارف تزوجت على تمنطاش لعام ودابا عندي سبعة وتلاتين ومازال مجاب الله الولاد، داكشي باش بعدت من القيل والقال نرتاح ونريحكم معايا، ساعا خليت غير المشاكيل "تنهد بحرقة اسغفر الله ورجع قال" واخا هاكاك ادكرو امواتكم بالخير..ماعليش اولدي سامحو
تاج الدين: مسامحو اعمي .. سوا كان ولا مكانش عمري اعتابرتو با وحتا وجهو مبقيتش عاقل عليه..معليش واخا عيشني اليتم وهو باقي حي..انا مسامحو..من قلبي مسامحو
بوبكر: الله يرضي عليك المرضي ..الله يرضي عليك وهادا المضمون فيك ..وربي غايجازيك خير فولادك
وقف كايحرك راس : الواليدة
قاطعو: هاهي كع المرا ديالي راه جبتها معايا..غانبقا هنا شي يامات ورا الدفن ديالو بعدها نرجع لداري
نزل باس راسو وقال : دابا عندك نمرتي..متنساناش تاني اعمي
بوبكر: كون هادي اولدي..الله يعاونك
خرج تاج جار رجليه وكتافو بتقل الخبر طايحيت..ركب وبقا بارك كايتنهد بعدها مشا من تما وسط ضلام الليل وضلام عيونو الحزينة
طلع لفمها منغامس معاها فقبلة حنينة وانفاس حارة.. كلا مرة تلاقاو بعينيهم كاتشوف فيهم الحزن وخيبة الأمل
..خلاتو على خاطرو يدير اللي بغا بلا ماتزيد عليه فالهضرة، راسو غايتشقق بالتفكير وباغي يغيب بين احضانها ويتيه على الصدمة اللي جاتو حتا مايبقاش يفكر ولو لساعات فهاد الموضوع..
هزها حطها على السرير مدورة يديها على عنقو وهو فوقها ..دقايق وحيد حواجز التياب بينو وبينها صبحات عارية قدامو وهو فوقها عاري وظهرو العريض كايتحرك طلوعا ونزولا خاشي وجهو فعنقها بمصات خفاف وتنهيدات حارقة مخلي آهاتها المتيرة شاعلينو وكلا مرة يضور يبوسها ويغرق فثغرها
هاد المرة كانت الممارسة صامتة بيناتهم منطق بوالو سِوا انفاسو المتساعرة كل مرة كايبغي يجيبو وآهاتها هي اللي كاسرة الدنيا..كبو فيها زفر وضار على ضهرو كايتنفس بانتظام وعيونو فالسقف ساهيين..توسدات صدرو العريض كادوز عليه صبعها على شعيراتو السوداء الخفيفة وقالت: فاش كاتفكر؟
حط يدو على شعرها وقال بسهوة: فاش غايكونو عندي الولاد..ياترى غانكون اب مزيان
خلاها غافية عليه حتا داها النعاس..وهو فسهوتو غرقان مازار النوم جفانو وغير كايخمم
وجا الصباح المرير..بجو غائم وشتا كاتقطر..وللمرة التانية تاج الدين غايدفن شخص منو وفيه ..بملابس سوداء ونظارات سوداء واقف على قبرو بجمود بعدما تدفن وحطو فمقدمتو خشبة عليها اسمو الكامل تاريخ الازدياد والوفاة
..الفقيه كايدعي والناس وراه كاترد بآمين، وهو كدلك فنفسو..بكاء الابن على الاب ديالو مابكاهش بتاتا..استنزفو كامل فموت الباشير تما فقط حس باللي باه مات الله يرحمو..لكن هادا اللي تحت التراب! مكايكن ليه حتا مشاعر ولو كانت كره..عساك تكون مشاعر ابن فقد الاب ديالو..الاب البيولوجي اللي وجهو ماعاقلش عليه..نبرة صوتو ولا طريقة كلامو ولا شي دكريات جميلة معاه..حاول طول الليل يتفكر ووالو مقدرش من غير دكرياتو مع الباشير..وفعلا ..اللي تيربي ، هو المستحق انو يكون الوالد او الوالدة..ماشي اللي كايولد ويخلي
..لحظات وهو واقف والشتا كاتنقط عليه..مشا كلشي وبقا بجمود واقف ساهي..فالاخير تنهد تنهيدة من اعماقو مودعو بيها وضار خارج على رجليه من المقبرة..وكانت آخر زيارة غايزورها تاج الدين لهاد الرجل.. الأكيد أن الله تعالى غايحاسبو على تخليه عن مسؤولية ولادو ومرتو..بلا مايزيد هو يحاسب وفقبرو يحرقو
وصل للدرب على رجليه لقا عيشة لابسة البيض واخا هاكاك وواقفة كاتسالم مع جاراتها..شافتو بعيون ناشفة ومشات معنقاه بالجهد كاطبطب على ضهرو بحنية: ماديرش فبالك احبيبي..دابا تنسا
حرك راسو وقال: هيام الفوق؟
عيشة: كاتعاون نجاة فالجميع..انا نكلمها لك
بقلق رد: نجاة كي بقات؟
عيشة: لاباس عليها اولدي..غير الصدمة اللي بكاتها البارح اما راها الحمد لله راضية بقضاء الله
سكت ورجع قال كايشوف فعينيها: ونتي امي؟
بسمات بحزن: الهضرة بزاف والسكات حسن اولدي..كايبقا اب ولادي ..الله يغفر ليه ولينا وانا على كلشي مسامحاه
ضارت كادعي فنفسها طالعة لدارها..تواني ونزلات عندو هيام بجلابة كحلة مخزانية وشال اسود محطوط على راسها مع صبيبيط پلا
جرات عنقاتو وخشا وجهو فعنقها كايتنهد ومن أنها معاه وجنبو كايستامد طاقتو
تاج الدين: اجي معايا
هيام: فين؟؟
تاج الدين: نوريك لواحد الشخص
تمشاو على رجليهم شاد فيدها وكاتشوف فيه بين الحين والآخر..وصلو لمكان خارج الدرب ديالهم واول مرة تشوفو ووقفو قدام قبر من ترابو باينة باقي جديد وحداه شجرة الليمون مضللة عليه
مسحات دموعها اللي بلا هواها نزلو وزيرات يدو ..شاف فيها بابتسامة وسرح ايديه: اكي لعندي ..اجي
عتقاتو وهو للسما مطلع راسو وفالغيوم اللي فوق راسو كاتتحرك ساهي..دازو من فوقةطو ودازت الشمس توسطات السما حتا غربات بدورها و جا القمر ونجومو ومرو كدلك ..دازو يام وشهور وسنين وبالظبط تسع سنوات
🎬🎬🎬🎬🎬
ضور عندو البيسي ورجع اللور على كرسي المكتب ديالو مخليه كايتفحص التصميم
حسام: شنو هادا؟
تاج الدين: اداييڤا هههه
بعدم فهم: شناهية؟
تنهد وناض ضار گلس حداه : هادشي خمس شهور وانا خدام عليه مللي عاد بدينا نأسسو هاد المقاولة..فيما كاطيح عليا شي فكرة زوينة وجديدة، كانخبيها تما، حتال فاللخر جمعتهم كااملين فهاداك التصميم اللي بان لك تما .."Adaiiva" ..غايكون منتجع ضخم جامع شوية من كلا حاجة وكايرضي گاع الادواق ناوي غير نضبر على التمويل وشكون يدعمو وغايكون شي حاجة ماضايراش ههه
🎬🎬🎬🎬🎬
ورا هاد الدكرى حل عينيه اللي كايبرقو فخرا واعتزازا براسو..وراه عدسات الكاميرا والاحباب والاصحاب منهم حسام هاز ولد عندو تلت سنين و شاد مراتو نجاة اللي هازة بنتهم المزدادة حديتا و بين يديها ناعسة ، جمال و أميمة قدامو مدور ايديه على خصرها وولد صغير واقف قدامهم مع بنت قدو فالطول والواضع انهم توأم ووراهم مرجان السيدة الجميلة رغم سنها وزوجها العاشق مدرعها بيدو..فالاخير امو عيشة ببسمتها البشوشة والتكامش الي بين عينيها شيء خداه منها الزمن
...وسع ابتسامتو وقدامو منتجع ضخم جامع بين التسوق والترفيه المقاهي والمطاعم واوطيل راقي ..ضار شاف جنبو لعند زوجتو وام ولادو هيام العوماري، واقفة بكسوة سوداء طويلة الأكمام من الدانتيل وشعرها مجموع اللور ..وجها مشرق وعيونها المبتسمة بدموع الفرح هازة ابنها دو الأربع سنوات وحداها واقف ولد آخر دو التمن سنوات..النسخة المصغرة على تاج الدين لكنها نسخة حادة عليه ومن طباعو وطريقة نظراتو كايبان صعب المراس والتعامل
باس على راسها وهز مقص فضي من الصينية الدهبية..شاف فالشريط بسم وضار عند حسام قائل بمرح: خاصاك العراضة
ضحك ونزل عينيه مسحهم من الدموع وجا حداه ..خداو المقص بجوج يقطعو شريط الحلم اللي عاشوه بجوج، ولو انو المشروع ديال تاج الدين الا انو صديقو والاخ ديالو حسام وقف معاه فكل مرحلة وكل طوبة تحطات كان معاه وجنبو حاضر..تقطع الشريط زغرتات عيشة ودخلو كاملين مسبقين رجلهم اليمنى كايستكشفو المكان وتاج بسرعة جر هيام من يدها وقال بهمس
تاج الدين: حطي بلال عند الواليدة وتعالي معايا
هيام: هههه فين
تاج الدين: واغير ااجي
بعدما خلات ولدها عند عيشة تبعاتو..تحل المصعد طلعو دار آخر طابق وهي كاضحك ليه
هيام: فين طالع السما
طلع فيها حاجبو: وآاش عندي فالسما والشميشة كلها كدامي
نزلات تابعاهم وهو تابع ولدو وولدو كي الزواق من هنا لهنا واخا عارفو حتا الى شدو مو غاتفكو تاني ولكن حلاوة يعصبو ويشد فيه عندو متعة لا متيل لها ..نزلو لتحت ولقا جمال هازو كايضحك معاه وهو فوجه تاج كايقلي السم، تحلف عليه لمن بعد وشد هيام گلسو على طاولة الاكل الطويلة اللي الجميع مجموع عليها وفقط العائلة المقربة بمناسبة اول افتتتاح..دوز عليهم تاج عينو كاملين..امو عيشة فاليمين وجنبو مراتو هيام فاليسار
..حداها جوج ولادو عز الدين وبلال المشاغب، حداه جمال هاز ولدو ومراتو أميمة هازة بنتها ..
تاج راسي الجزء 22 والأخير
محتوى القصة
التنقل بين الأجزاء