.....طلع الشوميز السوداء على ضهرو كايسد صدايفها.. عينيه حمرين باهتيين ودماغو ساهي مرهق مجرد التفكير فالموضوع كايتحطو عليه اطنان من الهموم على كتافو..
نزل راسو وحط ايديه بجوج على الكوافوز منزل راسو كايزفر بوجهو العياان
..خدا نفس وزفر كايقوي نفسو عاد طلعو فالمراية كايكمل وداوي مع نفسو.. ماشي هنا وفهاد المرحلة بالضبط غايطيح ..ماشي وهوما محتاجينو غايطيح .. ماشي وهو بنفسو محتاجو غايطيح..
هز تيليفونو دوز رقم حسام وخرج من البيت نازل بسرعة
تاج الدين: لقيتي داكشي اللي گلت ليك
حسام: اه اصاحبي كاينة واحد الدكتورة متمرسة فخدمتها ..كايعاودو على ان اغلب عمليااتها ناجحين..حنا نديرو السبب والباقي على الله
تاج الدين: مزيان ..بغيت موعد معاها ضروري
حسام: هنا فين صعابت..اوقاتها ديما عامرين صعييب انك تاخد موعد.. ولكن غانحاول
حسام: دير كتر من جهدك احسام.. كتر من جهدك
حسام: واخا كون هاني.. تاج..واش بيخير؟
وقف ضاغط على سنانو ورجفة الخوف من المجهول سارية فيه: بيخير.. يالله تهلا
حسام: رد البال لراسك اصاحبي..كلنا محتاجينك دابا وبالاخص خالتي عيشة
تاج الدين: تهلا
قطع متوجه للباب كيف حلو لقاها فوجهو مبسمة تبسيمة فعفعاتو ووسعات عينيه بصدمة
هيام: مفاااجئة
تاج الدين: نتي؟؟؟
دازت فيه و دخلات كاضور عينيها فالدار وفيدها بلا ديال الكيك مغطي بالغطاء ديالو
هيام: صباح الخير والسرور بعدا ههه..ماتگولش ليا عاد فقتي
زفر مرة خرا وايديه على عينيه التعبانين كايمسحهم ..شاف فيها بهدوء هاد المرة ودوا برجاء: الله يخليك خرجي فحالك .. ماعندي نفس نبقا نتراد معاك هنا وآخر شخص بغيت نشوفو فهاد اللحظة هي نتي
رمشات فيه وعينيها كايدورو على ملامحو المتغيررة: واش بيخير.. بنتي ليا بحالا مريض؟
خبط الباب سدو بعصبية: لا مااشي بيخير ..انااا ناشي بييخيى حتااا حاااااجة مابيخيييير وااها..داااابا خررجي فحااالك مااابااغيش نشووووفك
... ضور وجهو كايسوط نفسو المرعوودة حتا حس بيدين حنان طبطبو على ايديه ضار بسرعة عندها مخنزر عكس نظراتها المهتمة
هيام: شنو واقع ..مالك؟
حل فمو وتنهد فوجهها مرات كتيرة كلما كايحلو كايرجع يسدو بلا ماينطق.. قوصات حجبانها وعلات ايديها ببطء وتحت مراقبتو المستغربة منها عنقاتو ووجهها على عنقو
..بقات هاكداك تاابتة وهو نيفو فشعرها باقي فحالة شووك ماعرف مايدير غير انو يديه لوحدهم طلعو مع ضهرها مزيرها كتر لعندو حسات بيه وبلحيتو كاتتحك على عنقها خلا تبسيمتها تبان وتتوسع كتر وكتر وتغوبيشتو هو تتجمع وتقصاح كتر وكتر
في عيني حريق كنجم يُضيء الكون ..
تائهة لا اعرف اين انت يا روحي أ في حدائق تزهرين؟ أم في بحر تسبحين؟..
لا شيء غير صمت حزين ..
ينساب من رماد عينك حين تتذكرين..
جمود وبراءة ثكلى كليلة من خبث العابثين..
فلتهربي ما شئت فإنك في الظلام تسبحين وفي القلب تختبئين..
✒️Houda amk
كبات النيسكافي فالكيسان بجوج وزادت عليهم ماء سخون حركاتهم وحطاتهم فبلاطو صغير غادة بيهم لجيهت لفوطوي اللي وسط الدار..حطاتو فوق الطبيلة الزجاجية حدا الكيك اللي قطعات وگلسات كاتقاد شعرها بابتسامة..هزات كاسها كاترتاشف منو براحة وضورات راسها جيهت البالكو فين كان هو غادي جاي كايدوي فالليطي قارن حجبانو وكلا مرة يحك جبهتو وعنقو، طلع عينيه صدفة شاف فيها بسمات فوجهو وضارت هزات شوية من الكيك كلاتو كاتتبسم حتا سمعات خطواتو داخلين حط تيليفونو گلس قدامها ساكت
واااابغيت غير نعرف وااش نتوما مغااربة..مغاربة نيت متيقنين ولا فيكم شي عرق اسيوي غاگزولو ليا داابا تاعت الله فين عمركم شفتو شي مغريبي گالك غانجي مع الخمسة ولقيتيه جا مع الخمسة نيييت ..ولا كنتي تتسناي صاحبتك تجي وقيتت الفطوور وماجاتك حتال الغداا..توما راه حنااا الى ماتعطلنااش راه مامغاربة ماتااوزة بالعربية تاااعرابت الخمسة هي الستة والعشرة هي الحظاش الطنااش هي الوحدة فهموو التيكنيك فهمووو..انا بعدا الى درت معاك الوقت وجيت فيه قد قد بلا منتعطل واخا غيييير بنص ساعة، كاتجيني الدوووخة وكانحس بميولي المغربي كايتزعزع حق مولانا
ضوراات وجهها ونفخاات ساادة عينيها كاتبرد ديك الترعييدة اللي ركب فيها بكلامو وشووفتو ونبرتو القاصحة.. لا مااخاصهااش تتعصب ااه راسو قاصح وهي قصح واللي فالدماغ هو اللي غايككون طاارت معزة و معاها حتا رااس تاج الدين اللي بغا يتفرق وهو مخنزر فيها
فيص الكااس نززات وغواات فوجهو: اعععععع ..بالغدايد بان ليها غير الكاس عامر حداها وسع عينيه فاش شافها بغات تهزو تشير عليه بيه وبالزربة تلاح عليها دغيا فاش هزااتو ورجعاات كاتتلوا تتحتوو موسعة يدها وهو بااغي غيير يحيدو من يدها
....الودنين اللي يسمعوه صمااكو وحتا الدماغ اللي يستوعب شي حاجة خارجية ماكاينش وغايب على الوجود..نزل تاج بؤبؤ عينو للخالة تحت شفتها وتما نيمهم
سارح فيها وفاللي داير بيها ،رجع طلعهم لعينيها المعسليين كأنو خدا ادن الارتشاف وقبل مايبدا ينزل يطيبح فيها غاارق سمع سميتو بالجهد
حسام: تاااج الديين.. اححححححم
رمش مخنزر وضور غير راسو هو وهيام اللي عاد فاقت "صباح الخير" كاتلهت بأنفاسها المرعدة..تنفضو بجوج وتلاحو گالسين واحد مبعد على التاني والعروقات كاتصبصب منهم
رجع حسام حنحن عاد تكلم بابتتسام. خفيفة: مدموزيل هيام ..صافا
اميمة: ومايمكنش تاني يجي غير منو للراصو يقلب وجهو..كون كان شي متكبر واخا ولكن السيد باش يعاون انسانة ماكايعرف عليها والو ودخل للحبس گااع..ادن راه باينة فييه ولد النااس ومااشي غير اجي وگلب وجهك
حركات راسها بإصرار: ادن كاايعرفني..ومتأكدة بيني وبينو شي حساب
..خاصة الى كان من طرف واحد ..الضربة القاصحة والموجعة كاتلاح على جيهة وحدة والتقطاع كايوولي على قلب واحد بدل جوج..تما عرف بالي عمرك تنسا واخا تعيا مادير وهي عارفة راسها ماغاتنساش..داكشي باش أفضل حل اللي يحدها من الهم والعداب ديال كل ليلة، هي تحييه من جديد..تعاود تنوضو وطبطب عليه حتا يوقف مرة خرا..داك الحب الكمين خاصو يقوا كتر باش يقدر يحس بيه الطرف لاخر..خاص يكبر ويتضخم باس يواجه اي دخيل بحاول يحرمها منو مرة خرا .. حتا لو كان صاحبة هاد البوصلة اللي مزيرة فيدها ولو كانو عينيها قرطاس كون دوباتها بلاصتها وبخراتها..
مسحات عينيها بالنترة كتترعد سدات الكوافوز والبوصلة خباتها فصدرها مخنزرة وتمات خارجة كاتزفر بقوة تهدن قلبها شوية سدات الباب وكيف ضارت لقاتو فوجهها طالع لبيتو ..شاف فيها مطلع حاجبو بتساؤل
وقف قدامها الشيفور نزل حل ليها الباب وطلعات عاد ديمارا غادي للنادي
.....
ضلمات الدنيا وعتم الليل وعلى الاريكة السوداء فالصالون كانت باركة هيام ..التلفازة شاعلة قدامها ولكن العقل غايب فحاجة خرا.. نزلات عينيها فالطبيلة فين حاطة تيليفونها مصغرة عينيها ومدات يدها هزاتو دايرة نمرتو وبقات كاتشوف فيها بتفكير
..شوية قوصات حجبانها ومشات لإسم "Najet" دوزات الخط وحطاتو على ودنها كاتعض شفتها
....
على طبلة العشا فدار عيشة كانو ضايرين كلهم كايتعشاو ..
من حسام لنجاة لعيشة وهدى وتاج الدين
...صمت رهيب مخيم عليهم من غير المعالق فاش كايتلاقاو مع الطبسيل و خصوصا تاج ونجاة وعيشة.. الحلق كايوقف الدغم فالوسط وبزز باش كاتتسرط والنفس اصلا ديال الماكلة ماكايناش
خدمو وشعل الاوديو على صوتها الرقيق الدافي وبحة النوم متوالياه
(مسا الخير تاج..سمح ليا الى فيقتك ولا شي حاجة ولكن ماعرفتش باشمن وجه غانهضر معاك.. داكشي علاش گلت حسن نسيفط ليك اوديو .. كانعتادر ليك على الموقف اللي وقع اليوم، فاش عرفت السبب الىي خلاك معصب ماتصورش شحال حشمت من راسي..سمحلي بزاف ..وكانتمنى ماتكونش مقلق على حساب الموضوع ديال خالك..انا متأكدة غايكون متشبت بالحياة حيت نتا ولدو وماغايبغيش يتفرق عليك..دابا يبرا ويرجع احسن من للاول ودابا تشوف..نتمنى تبقى قوي ومتحكم فراسم حيت عائلتك اللي ضايرة بيك محتاجاك اكتر من أي وقت..كون قوي على قبلهم ..وعلى قبل راسك..وانا فأي مساعدة احتاجيتي مرحبا.. تصبح على خير..احلام سعيدة) وهااا النعااس طاار وهاا اللي مابغاش هااهو طااح فيه..لاح التيليفون فوق صدرو ساد عينيه كايزفر بين كل تانية واخرى ..مد يدو حل المجر حداه جبد منو الكيت زبرونشاهم مع الطيلي ..بدا كايعاود الاوديو وهو ساد عينيه..كايسالي وكايمد غير صبعو يرجع يدوي صوتها من الاول مرة ومرة ومرة.. حتا داتو عينو وهو شاد التيليفون ورقة صوتها فودنو ودماغو وداتو كايتردد..ويتعمق..
صباح اخر جديد مشمس..
صبحاتو بطلتنا قدام الشباك الزجاجي اللي فمكتبها.. كاتشرب قهوة الصباح وعينيها على الشاريع كاتتنغم وتخمم وضوور فالدماااغ عاد تسرطها للميموار ... طالون وردي بارد كان ملامس رجليها ومن الفوق بودي خفيف الكول عريض مطرز بالدونطيل مع فيسط خفيفة ساداها و سروال توب لاسق كلهم كحلين ..ومع كحولية شعرها المتموج بخفة من لتحت زادت كمالت الصورة وحلات دامجة بين التقة والتألق
..تدق الباب حيدات القهوة من فمها وبصوت رخم نطقات: دخل
دخلات المساعدة ديالها بأدب: مادموزيل العلالي..الضيفة ديالك وصلات
بسمات بجنب فمها: دخليها ..ومابغيت حتا حد يصدعنا
المساعدة: واخا امدموزيل
ضارت عندها مطلعة حاجب بتساؤل: مسيو تاج الدين جا؟
المساعدة: لا اانسة مازال
هيام: الى وصل علميني
المساعدة: داكوغ
خرجات
..وهيام حطات قهوتها فالطبيلة حدا الشباك ومشات كاتقرقب بطالونها لجيهة لي فوطوي بلونكاصي قدام مكتبها .. تحل الباب ودخلات معاه نجاة مبتاسمة بكسوة خضرة طويلة من التحت ومن الفوق صميطات طالقة شعرها الارونجي .. بسمو لبعضياتهم وتسالمو بحرارة
تدق الباب ودخلات المساعدة د كاتحط ليهم داكشي اللي جابت فوق الطبلة هيام كاترمقها بنص عين ونجاة مقوصة حجبانها كاتخمم
فكلينيك ضخم بالعاصمة ..وفقاعة الاستقبال ..على احد الكراسي كان حسام جالس حاط ايديه باش شاد ملف المعلومات على العملية على ركابيك كايحرك رجلو ويشوف فالساعة كلا مرة ..
زفر وناض عند البنت اللي تما ودوا بتساؤل: سمحي ليا اختي ..واش الدكتورة المشارق باقي ماغاتجي؟
-لا غاتجي لمسيو دابا تكون هنا
حسام: هادي كتر من ساعة وانا كانتسنا وزعما راه عندي غونديڤو
-مدام المشارق دقيقة فمواعيدها اسيدي.. غاتكون غير شي حاجة مهمة اللي اخراتها
طلع عينيه صدفة ونزل حواجبو بشوفتو ليها اخيرا شرفات على الكلينيك .. امرأة اربعينية شعر زعر حد الكتاف والبشرة بيضة مزينة وجهها نظاراتها الطبيين اللي كايبرزو جمال عيونها الخضراء ..
امرأة بسيطة لطيفة شكلا والطيبوبة كاتبعت من ملامحها كاتخليك حاس بالراحة وفنفس الوقت يقدر موقف واحد يغيرها تاكتيلها للصرامة والجدية والصلابة باينة فاش كاتقصح شوفتها ولا فاش كاتعلي صوتها..دازت حداه تدخل لمكتبها لكنو وقف قدامها دغبا
حسام: دكتوورة الله يخليك.. من قبيلة وانا كانتسناك خاص نتكلم معاك ضروري
حسام: هو انا.. الله يخليك هاد العملية ضروري ديريها
- السي حسام..انا البارح فهمتك كلشي فالهاتف باش بلا ماتتعدب وتجي حتال هنا..هاد الشهر ماغاناخد فيه حنا عملية عندي اشياء ضرورية نقصيهم ..الي نقدر نساعد بيه خو نعطيك اسم دكتور اخر ونوصيه على الخال ديالك
حسام: تنهد ورد عليها: واخا ..على الأقل خودي الملف باش يسهال عليك تصوفي حالتو
حركات راسها وخداتو منو دخلات وسدات وراها الباب ..گلسات على المكتب قادات نظاظرها مصغرة عينيها وحلاتو كاتوزع عليه عينيها بالزربة حتا جمد الدم فعروقها من اسم المريض ..
....
نزل من طوموبيلتو كايلهت ودخل كايزرب طلع فالاسنسور لطابق معين وخرج منو ..ضور راسو تما هو يبان ليه حسام گالس كايحك راسو مشا متاجه ليه
تاج الدين: حسام
وقف سلم عليه: فين هاد التعطال اصاحبي وااه
تاج الدين: الزحاام راكا عارف كازا ..امضرا جات
حسام: جات وعطيتها الملف تشوفو..ولكن العملية ماغاديرهاش هي.. مابغاتش
مشات وخلاتها واقفة بجمود.. كيف تخبط الباب جمعاات نفس حاارة وعينيها تجمعو فيهم الدموع مع الرعشة اللي طلعااتها حتا طاحت على ركابيها منهاارة
قدام البيسري ديال نجاة فرانات فيراري بيضة كاتشعل..تهز الباب و نزل منها بدجين زرق وتيشورت بيضة فيها سطر عريض بالاسود نفس لون نظاراتو الشميسية..شاب وسيم حروفو كحلين اسمر البشرة..
بتلاتة گالسين گلسة الطفحاء خلاو رقاب النساء كلا مرة يميلو لجيهتهم.. بتلاتة قتالين وسامتهم خطيرة وزينهم عربي اصيل من غير حسام اللي فيه شوية ديال الزعورية..تنهد جمال بحزن وحط يدو على كتف تاج الدين
جمال: الله يشافيه مسكين..ماتخافش غاينوض بالسلامة راك عارف الباشير ماكايناش الحاجة اللي تقضي عليه
حسام: مداام..مداام نجاة واش خاص نضور عليكم وااحد واحد عااد تحفصووها ولا شنو
السرباية: سمح ليا امسيو..بغيت نگول مدام نجاة
حسام: ماگالتش ليك شنو بغات
السرباية: لا
حسام: ادن الله يحفظ
ضار مبدل الطريق للدروج الفوق .. فحين جمال حط كاسو وناض شاف فيه تاج الدين بتساؤل
تاج الدين: فين غادي نتا؟؟
جمال: عند حبي ههه تهلا
وقف حتا هو: نتلاقاو العشية..عطا الله مايتعاود
جمال: عارف ..الباشير گال ليا شي حاجة..والشي لاخر خاص نسمعو من عندك
حرك راسو: ادن العشية..تهلا
سلم عليه بعناق رجولي وخرج مرة خرا ركب فسيارت ..هز الطيلي دوز رقمها مارداتش عليه زفر وديمارا للافاك
★★★★
حل باب المكتب وطل براسو: بس بس
طلعات فيه راسها ووسعات عينيها: جاااابك الله واخا عمري ضنيت غانگوول هاد الكلمة..دخل دخل
حسام: الله يحفظ اوصافي "گلس كايشوف فيها" شكااين
نجاة: شوف احسام..غانسولك وغاتجاوبني على قد سؤالي بلا تساؤل بلا والو.. فهمتي
حسام: مافهمتش شمن سؤال؟
نجاة: هاانتا بديتي..واارككز معايا الله يرحم باك انا فاش غانلقا الفرصة المناسبة غانگولك كلشي..ولكن داابا غاتجوبني على گااع هادشي اللي فاارع ليا راسي ولا راه غانحمااق لك هنا
حسام: هادشي دياالك مااعاجبنييش
حسام: حسااام
حسام: صاافي صاافي سولي نشوف
★★★★
حل ليها الشيفور الباب ونزلات قدام لافاك ديالها لابسة دجين بيض وتيشورت فالغوز مدخلاه فيه مع كونفيرص بيضة..قادات شعرها هازة ساكادو بني و داخلة مع الباب حتا شافت الشلة ديالها (جوج بنات وتلاتة الدراري) دارت دومي تور وتوجهات عندهم حالة فمها بالضحك
أميمة: هااي مي زامووغ
وحدة من البنات: الزين ههه
سلمات عليهم وعلى الدراري لخرين: صافا ااوما؟
أميمة: هاانية الحمد لله..مهم اليوم بالليل كاينة واحد الحفلة وراكم معروضين
- اوااه ححللفي
-واللهيلا كنا محتاجين فين نفوجو
أميمة: لا ابب ماشي دوك الحفلات اللي كاتعرفي،هادي حفلة بعقلها
-ههه وكيدايرة أمدموزيل هاد الحفلة اللي بعقلها
اميمة: يعني امسيو الزدحة نسااوها..اللبس القصير والعرا وعنق هادي دوي ليا معا هادي ااميمة نساااااوها..ديك اللعيبة ديال الويسكي والميسكي مااكاينش من غير اتااي الى حبيتي
على مقربة منهم فرانات الفيراري ديالو ونزل منها بنضاضرو كايضور عينيه على الطلبة برا وشوية حبسو عندها ..فمها محلوول بالضحك قدام صحابها وكل كلمة كاتخرجها من فمها كايتهزو عليها بالضحك.. حيد نظاظر وبانو حجبانو العراض المقوصين فوق عينيه المعسليين..طلعها وهبط وهو غادي فإتجاهها شافها فينما ضحكات مع شي حد كاتمد يدها ضرب ايديه ولا تحطها على كتفو وهوما كدلك الشي اللي خلاااه يزير على فكو ويقصدها نيشان شادها من يدها بهدود مزير على فكو بابتسامة بزز: اجي معايا
تصدمات منين شافتو: جماال؟؟؟
جمال: زيدي ..جرها وراه لجيهة اللوطو وصحابها وراها مبهوطين حل الباب وقبل ماتعتارض دخلها وضار طللع وهي خرجاات عينيها كاتحاول تحل الباب
أميمة: ااويلي شووهتي حلل الباااب ..حللل
جمال: وعليكم السلام "ديمارا"
أميمة: وااگللت لييك حل البااب ماباغااش نطلع معااك حل علييااا
شاف فيها ببرود: حتا انا توحشتك وهاد تلت شهور داازو طواال عليااا ..ولكن هااني رجعت لك تاني الغزالة ههه
جماال: المررة جااية غانكرز ليك ايديك مااشي غير غانجررك
مرجان: وعلااش اخووويا بالسلاامة
ببروود مخنزر: قدام لافاك كانت واقفة مع شي شماكرية ماعرفت خليقتهم منين جاايين ومن الفووق باركة تتلمس فيهم
اميمة: هاادوك لي زاامي دياالي وكناا كاانضحكو عاادي المعققد
جماال: مااكاين بو صحااب دكوورة وعقلي شحاال من مرة تبريييت منك ..المرررة جاياا طرييقة خرااا
اميمة: ديييك الطرييقة سييير دييرها على صحييبتك وانا قيييلني علييك ..نضحك مع من ما بغييت مااشي سووقك "قشعات تيليفونها فيدو كانت نساتو فاللوطو" وتييليفووني اراااه
حدا درب سلطاان فين ساكنة عويشة وبالضبط فأحد العمارات المجاورة كانت تما فين ساكنة هدى..
دار كبيرة اتاتها موديرن وتقليدي فنفس الوقت والصالون من جوج جيهات واحد بلدي والتاني رومي..وفداك الرومي كانت هي گالسة ..بالها مامعاهاش وفيدها البوصلة سارحة فيها بتمعن وشرارة الكره والغل باعتة منها..هاهي الكاابوس اللي كانت ضانة باللي تتخلصات منو رجعات تاني لحياتها ..بعدما هي تسناتو سنين يجمع راسو.. بعدما صبرات فكلا مررة كاتشوفو داخل لليسي حادر راسو ماكايدوي مع حد ولا حتا معاها..بعدما كان هاز كوية فقلبو وزام عليها كانت هي اللي قاسمة معاه الالم ..هي اللي كانت حاسة وعارفة كلشي واخل كانت سبابو الرئيسي ..ولكن ديك البنت ماتستاهلوش..علااش يكون لديك الاميرة المفششة وماشي ليها هي؟؟ ماشي عدل هاداك كوون خلاتو معاها ..هيام عمرها بكات بحرقة ليالي على قبلو ..هيام عمرها عاشت شوق الليل وتتسنا الصباح بفارغ الصبر باش تشوفو..وحتا دابا.. هيام عمرها غاتكون فحياتها وغاتكون حريصة كل الحرص على هادشي..
تدق الباب بالجهد حطات البوصلة و ناضت طافجة تحل الباب وكيف حلاتو لقات نجاة واقفة قبالتها وجها مخنزر بالمعقوول وصدرها طاالع نازل
نجاة: بززز على طاااسيلتك غاتبعدي منوو و عاارفة علاااش؟؟.. ااه غاتكووني عاارفة
شافت فالبلاصلة فين محطوطة البوصلة وضحكات بجنب فمها كانت عارفة غاتكون عندها ..مشات تحت صدمتها هزاتها قدام وجهها الجاامد وكاتغوت قااصدة كل كللمة خرجات من فمها
نجاة: بسبااب هاادي.. موولات هاادي هي اللي تستااهل خوويا ودم جووفي غانحفيبه باش نصلح دااكشي اللي هررستي فييهم بجووج..هيااام هي البنت الوحيدة اللي بغااا وغايبقاا يغي بغي ولا ككررهي
خرجاات فيها عيينيها وعرووق عنقها بارزين: من ايينا طيينة نتي غيير فهميني منييين..بااقا مفكرااها بععد دااكشي كامل ؟؟ وااش ننسيتي شنوو داارت فخووك.. يااك هي السبااب حتاا نععس يااماات فالسبيطاار مابين الحياة والمووت..ويااك هي السبااب حتاا بعد من دااك الدررب فممرة وطج منوو..ويااك هي السبااب حتا رجعتوو كاتشوفوه مرة فالشهرررر
قااطعاتها مخننزرة: سككتي و زميييه الحمااارة ..انا راه عاارفة كللشي مااتجيش دووخي عليااا..كنت تماا ديك النهااار وشفتت كللشي وسمعت كللشي نتي ودااك ولد الحراام دياال ولد خاالتك هوماا السبااب ..نتوماا اللي عمرتو البنت وكرهتوها فراسها وفتاج الديين ولكن ..مازاال نندمكم ماازاال
تاج راسي الجزء السادس
محتوى القصة
التنقل بين الأجزاء