صورة مصغرة لـقصة ولادة قمر

قصة ولادة قمر

qisat 9isat 
رواية ولادة قمر

مصاصين الدماء و المستئذبين و المتحولين قبائل لم تتعايش معا ابدا كل روابطهم هي الكره و القتل و التسابق نحو اعلى المناصب الامبراطورية

ذئاب القمر، متحولين اساطير، مصاص دماء خالدين، وولادة القمر

مملكة او عشيرة ال" فولتوريز " :مملكة عظيمة تتوارث عبر اجيالها تحت ضوء القمر و بريق الرعد و لمعان النجوم و تساقط الامطار

~يقال ان ذئاب القمر و الظلام هي ذئاب بقلوب مظلمة و باردة كالثلج و عاجز عن الحب و الشعور لكنه وفي لرفيقته و عشيرته و نسله

~يقال ان مصاص الدماء اسطورة خالدة قاسية و مميتة لحد الجنون لكنها مهتمة و وفية و ملاك لعشيرتها و مملكتها و صنفها و شيطان لغير صنفها و اعدائها

~يقال ان المتحولين مميزين و يولدون بهاذا التميز القوي الناذر و الاسطوري و يقال اذا عشقك متحول ف انت محظوظ لانه احلى عشق و غرام و لن يتكرر وجوده على وجه الارض


🖤هو قوته ناذرة و قوية لحد الجنون و نافعة لعشيرته و لا يوجد من يضاهيه في قوته لكنها الدمار لعشيرتها
❤️هي قوتها لم تكن مثلها في عشيرتها و مملكتها فهي مصدر طاقتهم لكنها النهاية لعشيرته


في قصتي كاين كل من مزيج الخيال🎆 الرومانسية❤️ الكوميديا😂 الرعب و القتل🖤🔪 الهوس_التملك_الغيرة_الحب❣️❣️. الاسرار🗝🗝. و الاهم الاهم و الاساس الخيااال🔮⚰️🗡🌕🌖🌗🌘🌑



قبل قرون نشأت عدة امبراطوريات و عشيرات مختلفة مثل البشر و مصاصي الدماء و المستئذبين و المتحولين و اصناف اخرى(غادي نشوفوهم من بعد)
لكن للاسف كان الرابط الوحيد بيناتهم الكره و البغض و كانت حروب طحينة بين البشر والمستئذبين و مصاصي الدماء و المتحولين و البشر كانو عارفين بلي غادي يخرجو من هاد الحري الدامية خاسرين لذلك اظهرو السلام و قررو ينساحبو و يعيشوحياتهم بكل طبيعية و يهتمو بأعمالهم و جنسهم البشري و كذلك المتحولين و مصاصي الدماء و المستئذبين مابقاوش بانو من اخر الحرب و تاواحد مابقا سمع علييهم الاخباار و الكل فكر انهم صافي انقارضو او ماتو بسبب الحروب بيناتهم 
بعد ملايين السنين 🌕🌖🌗🌘🌑
🔮في يوم خسوف القمر ،يوم التقاء القمر و الشمس والنور و الظلام تولدات روح نقية صافية روح ناذرة اسطورة قوية تولدات بطلتنا و اثناء ولادتها الكل حس بالقوة العظيمة ديالها كل الاصناف من المتحولين مصاصي الدماء المستئذبين حسو بطاقة و قوة غير عادية لي واخا كانو بعااد و على بقاع كل العالم الا انهم حسو بشعور غريب و طاقة غريبة من غير البشر لي ما حسو بوالو حيت هما انسان بشري عادي 
تولدات بقوة هائلة و اسطورية مصير الكل بين يديها و امباطورية عائلتها كتعتامد عليها و لي غادي تخلي اي امبراطورية و اي عشيرة و جميع الاصناف تطمع فيها و فقوتها واش غادي تقدر توحد بين العشائر و تنشر السلام؟🕊
______________\\\\\\\\____________

🍂في ايطاليا داخل قصر رجل الاعمال حيدر 🍂
كان حيدر جالس حدا مراتو ليليا لي عاد ولدات و شاد بنتو ف يديه و فرحان 
•حيدر:واخيرا تولدات اميرتنا 
•ليليا:الحمدلله و لكن شحال قدنا نبقاو هاربين لدرجة اننا هربنا لبلاد اخرى و بدلنا كنيتنا و تخلينا على كل شي باش نحميو بنتنا
•حيدر:انا من نهار عرفت انك حاملة عاهدت نفسي نحميك نتي و نحمي حتا بنتنا اميرتنا و انا ماندمانش حيت بعدت على الامبراطورية و العشيرة و دابا خاصنا نفعلو الختم لي يحميها و قوتها مايحس بيها حتا واحد 
•ليليا:و لكن هو الا عرفها او تلاقاها غادي يحس بقوتها و طاقتها (هدرات بخوف)
•حيدر:هو اخر واحد يقدر يأذيها حيت هي نصفو التاني و هو نصفها الثاني ف مستحيل يأذيها 
•ليليا:حيدر ياك هو مستحيل يقدر يعرفها هو يشوفها ياك ؟
•حيدر:اه هو ماغاديش يقدر يتعرف عليها الا اذا كانو فنفس المكان ديك ساعة هو غادي يحس بطاقتها و لكن ماغاديش يقدر يعرفها حيت انا غادي ندير ليها ختم الحماية و انشاءلله مني تبدا تكبر غادي نبداو نعلموها شوية بشوية و نخليو الامور تحت السيطرة
•ليليا:ااه اه و نحاولو قدر الامكان نخليوها بعيدة على الناس او بالاخرى المتحولين و مصاصي الدماء و المستئذبين
•حيدر:اه اكيد ماغاديش نسمح ليها تختالط بيهم(هدر و هز الطفلة و دار ليها ختم بيديه كتعويذة و برمشة عين ظهر وشم رقبتها من الجنب على شكل جناح ابيض و حطها حدا ليليا)
•حيدر:انا دابا فعلت الختم ومايقدر حتى واحد يبطلو او يقدر يستشعر قوتها من غيرنا حنا و هو (غادي نعرفوه قريب)

بعد عشرون عام 
🍂داخل غابة عشيرة او امبراطورية ال "ڤولتوريز"🍂

كانو كيجريو بسرعة فائقة بسرعة البرق و من شوفتهم كيبانو مصاص دماء كانو ربعة الولاد و تلاتة البنات و كيتوسطهم شاب وسييم لون شعرو اسود كالليل و عيون زرقاء و مفتول العضلات و كتحيطو هالة القوة و فجنبو كانو خوتو الاتنين لي كيشبهو ليه و و الباقي ولاد اعمامو وبنات اعمامو
⚡️قيس(البطل):الحفيد الاول لامبراطويرية او عشيرة ال"ڤولتوريز" و واي عهد عرش العشيرة شاب وسيم و مثير لحد اللعنة و طويل و مفتول العضلات و بنية رياضية ضخمة بشرة سمراء و عيون زرقاء كأعماق المحيط و ديما مخنزر و شعو اسود كسواد الليل وجهه مليئ بالقوة و الثقة والبرود و ذو هالة القوة و الملوك و كيتميز بالدكاء و البرود و العصبية فنفس الوقت و الغيرة و التملك على حريم عائلتو الشي لي زايدو هيبة و رونق اصيل و قوتو ناذرة اي عندو تعويدة خاصة تزاد بيها و محصن بيها انه فكل ما يفكر فقوة معينة بعقلو نيشان كيكتاسب القوة و كتولي ديالو و شي لي خلاه. متميز و اقوى مصاص دماء في العالم هو قرتو التحول الى مستذئب و عندو وشم لي خاص بيه على شكل الصقر و لي تزاد بيه و تاواحد ماعارف السر ديالو (غادي نعرفوه فالبارتات جايين)
⚡️فهد(اخ قيس):الحفيد الثاني للعائلة شاب لا يقل وسامة على خوه قيس طويل و اسمر شوية و شعرو بني غامق و عيونو زرقاء و شخصيتو حذرة بالرغم انه هادئ و ثابت و يحسب خطواته قبل خطوها و اشيائو ماكايبغيش يتنازل عليها لغيرو(غادي نشوفو من بعد) و قوتو هي (التحكم في العقل)
⚡️جبران (ولد عم قيس):الحفيد الثالت للعائلة حتا هو وسييم بزااف و ملامحو زوينة و عينيه المائلة للخضراء و و لون شعرو المائل للبني البرتقالي خلاوه يبان جذاب و ضخامتو و طولتو زايداه رجولة و متميز شخصيتو مرحة عكس قيس ولكن رمز الوفاء و العطاء لعسيرتو وكيحرتارم قيس و صديقو المقرب و قوتو (التحكم في الطقس)
⚡️اصلان(اخ قيس):الحفيد الرابع للعائلة ملامحو بريئة و لكن فرمشة عين كتقلب لقاسية هو نسخة طبق الاصل ل قيس حنين و طيب و قاسي و بارد على حسب الشخص و الموقف هو ملامحو شهبين شوية و عينيه زرقاء و مفتول العضلاتو بنية قوية و شخصيتو مراعية بعض الشيئ لكن غيوور على بنات عائلتو و قوتو(مجال القوة يعني كيشكل قوة خاصة كيشكل بيها مساحة خاصة لنفسو او لغيرو للحماية)
⚡️امجد(ولد عم قيس):اخر احفاذ الدكور في العائلة شخصيتو صعيبة و قليل فاش كتعجبو شي حاجة وصارم بعض الشيئ و واخا انه الاصغر فيهم الا انه ذكي و كيقدر كلمة العائلة و الصدق و كيكره الكذوب بشرتو سمراء شوية و شعرو و حروفو كحلين و فورمتو مخدومة بإمتيااز و دقة و قوتو(الحصانة )

هادو ابطالنا الذكوور و شخصياتهم و قوتهم لي غادي نفسرها ليكم من بعد اكثر وبكل دقة 


⚡️رئبال(بنت عم قيس و اخت جبران):اول حفيدة اميرة للعائلة انثى جميلة و مثيرة شعرها برتقالي طويل و فيه خصلات ذهبية طبيعية و جسم ممشوق شفتيها منفوخين و انف حاد و عينين زرقاء عندها وجه ملائكي و شخصيتها غامضة و لكن قوية و ماكاتستسلمش بسهولة و كتحماق على خوتها و اولاد اعمامها و كتحتارمهم و قوتها (قراءة الافكار)
⚡️تامارا(بنت عم قيس و اخت امجد):الحفيدة الثانية البنت للعائلة فنة و قوية و جامحة و ماكاتخافش و ملامحها حادة هي قوية حيت كانت تقريبا فنفس عمر جبران امجد و شي لي خلاهم يعلموها فنون قتال و لات قوية شعرها اسود و طويل بحال الليل و عينيها حادة و عندها هالة القوة تحيطها و قوتها (الالم)
⚡️الماس(اخت تامارا و امجد):اخر عنقود الامبراطورية و الاميرك المدللة ديال خوتها و ولاد عمامها كيعاملوها برقة بحال القطن حيت حساسة و قوتها (الاختفاء)

و هادو تعاريف و شخصيات بطلاتنا و اميرات ال"ڤولتوريز"

كانو احفاذ العائلة كيجيريو بكل قوة و سرعة في غابتهم الخاصة بقصرهم و بداو الدراري كيدربو البنات بحال ديما كل اواخز الاسبوع باش طاقتهم و قوتهم كتزيد تتضاعف
هادو هما ابطالنا و قوتهم الفريدة من نوعها و القوية و لي زايدة العشيرة و الامبراطورية قوة و تمييز على باقي الامبراطوريات و الاصناف الاخرى و كان هادشي كيزيد من قوة ال"فولتوريز" و تاواحد ماكاتجرأ يقرب ليهم و لكن هما كانو عايشين حياتهم بين البشر عادي و بكل طبيعية اكيد من بعد ما دربو راسم تدريب قاسي باس ما يتعطشوش للبشو و يأديهم والاهم قوتهم ماتبانش للبشر او يعرفوها و اميد هما حاطين قوانين صارمة لي ميمكنش شي واحد يختارقها 


🗝في قصر حيدر في ايطاليا🗝
كان عيد زواج حيدر و ليليا وكانو كيحتافلو بيه مع الاصدقاء و رجال الاعمال (البشريين فقط حيت تاواحد ناعارف حقيقة او صنف حيدر و عائلتو) كان كلشي فرحان و كيرقص حيدر و مراتو و شوية و هي تنزل هاديك الملاك من الدرج كانت (أزرا) ملامحها هادئة و بريئة لكن عينيها متمردة نزلات و عنقات باباما و ماماها و باركات ليهم عيد زواجهم و كانت كل الاعين عليها كانت بحال الاميرات الخيال شعرها البني الطويل و بشرتها البيضاء الصافية عينيها الحادة مزيج بين اللون الاصفر و الاخضر و ملامحها المرسومة بدقة شفتيها الكرزيتين و انفها الحاد و قوانها المثير الممشوق 
من الصغر كانت متمردة كتبغي تكتاشف و لكن للاسف كتكتشف انها مقيدة بقوانين ماعافاش اسبابها المهم انها ماتخالفهمش الحاجة الوحيدة لي كانو مبززين عليها انها تقرا كتب و لي كيعطيهم ليها الاب ديالها خصيصا كونو خاصين ب المتحولين ومصاصي الدماء و المستئذبين و الشياطين و هي فالاول كانت رافضة الا انه مع الوقت لقات اسها ولات مهووسة بالكتب القديمة واخا هي ماعارفا والو الا انه كانو كيجذبوها 

سالا الحفل و كان كلشي معجب بجمال ازرا و اناقتها حيث اول مرة كيعرفوها او يشوفوها 
طلعات ازرا لجناحها ترتاح و طلعوو حيدر و ليليا لجناحهم باش يرتاحو
•حيدر:اووف انا حير وعييت من التخبية و هادشي كامل كنحس راسي ضعيف (هضر و جلس فوق السرير ف اهمال و ضعف)
•ليليا:نتي هو سندنا و حمايتنا و انا عارفة بلي قرب الوقت و لكن راه ماعندك مادير ،نتا درتي كل ما فجهدك طول هاد العشرين عام
•حيدر:و لمن راه هي دابا عندها عشرين عام ومن بعض اشهر غادي تولي عندها21 و غادي يبدا تحولها و قوتهها لي ولاتمضضاعفة بزاف حيت طول العشرين عام ماستعملاتهاش ف اكيد غادي تكون زادت و انا خايف عليها و ايلا لقاوها العشائر الاخرى راه اكيد غادي يستاغلوها و يستاغلو قوتها(هضر بحزن على بنتو)
•ليليا:ماتخفش انشاءلله كولشي غادي يكون مزيان و بنتنا قوية بزااف و طاقتها هائلة و متنساش حنا متحولين و طاقتنا كبيرة و نقدرو نحميو بنتنا و حتا عشيرتي و عشيرتك راهم مستعدين يقدمو لينا الدعم و القوة (هدرات بتحفيز)
•حيدر:اه انا خاصني نتصرف بحذر و ذكاء 
•ليليا:و لكن الا لقاها هو و اذاهاا اهئ 
•حيدر:واش كتقصدي صاحب الوشم الصقر جيسكاو؟. لا هو مايقدرش يأذيها همما واخا ميكيعرفوش بعضهم و يمكن يكون گاع حتا هو ماعارفش بوجودها و بهاد الاسرار كاملة و بسر الوشم ولكن مايقدرش يأاذي رفييقتوو 

عشيرة او امبراطورية ال"ڤولتوريز" هي عشيرة ماعمر شي واحد تجرأ و قرب منها او من افرادها حيت كانت كتمير بالقوة و الصلابة و الجبروت ما عمر شي عشيرة اخرى او اصناف اخرى ماتخاطاوهم ،كل اشواكها ظلام ملحمي كيخلف الرما و الدمار لأي واحد حاول يقرب ليها

عشيرة ال"ڤولتوريز"كتتكون من الجد الراضي و الجدة انتوالا لي حتا هما مصاصين الدماء اصليين و توقفو على النمو
⚡️الجد الراضي:مالك امبراطورية ال "فولتوريز"هو اول امبراطور تختار للعشيرةحيت هو مصاص دماء حقيقي و قوتو (قراءة الافكار و العقول و الشعور بالقوة و كميتها)
⚡️الجدة انتوالا:اصلها من امبراطورية ال "كارينا" في البرازيل لي حتا هي عشيرة قوية و مشهورة ،الجدة عايدة جميلة جدا واخا توقفات عن النمو مؤخرا الا انها باقا كتبان صغيرة و تعرفات هي و الجد فاش جات سياحة للمغرب و قوتها(السرعة البرقية)
،ولدو ثلاتة ابناء ذكور و بنت مصاصين دماء
⚡️عادل:(الابن الاكبر):اب قيس و فهد و اصلان ،هو مصاص دماء قوي و متواضع و جميل قلبا و قالبا فاحش الثراء و لكن انعدمت الحياة فعينيه مني ماتت مراتو فقرر يتمسك بأولادو اكثر و قرر يتنازل على منصبو لولدو قيس مني يقبل و قوتو(الاحساس بالخطر)
⚡️ماهر:اب جبران و رئبال ،هو الابن الثاني من اقوى مصاصين الدماء لي تعرفو بين العشائر و قوي و شخصيتو رجولية قوتو(التفجير) 
⚡️معتز:اب امجد و تامارا و الماس،الابن الثالت كيبغي عائلتو و كيقدرها و شخصيتو مرحة بزااف و كيعامل ولاد خوتو بحال ولادو و عزيز عليه قيس بزاف و قوتو(التحكم في الحيوانات)
⚡️مارام:الابنة الوحيدة للجد الراضي و مدللته و تزوجات ب امبراطور عشيرة "اليانور" مرأة جميلة ذات ملامح بريئة و كتحماق على ولاد خوتها بزااف و عندها بنت ولد( لي غادي نتعرفو عليهم من بعد) و قوتها (رؤية المستقبل)


✨صباح جديد في المغرب في قصر ال"فولتوريز" ✨
زقزقة العصافير و ضوء الشمس كيعلن على يوم جديد و حافل
فاق بطلنا قيس دوش و تقابل مع المرايا كيتحسس الوشم ديال الصقر لي علا صدرو و السبب وجودو من ولادتو و هادا الشيئ لي مخليه متميز و قوي 
لبس حوايجو لي عبارة عن قميص اسود و سروال اسود و حداء ابيض و هبط للصالون العائلي لي فالقصر و لقا العائلة كلهم و جلس توسط الطاولة ديال الاكل مقابل مع الجد راضي و بعد دقائق انضمو ليهم خوتو و باقي الاولاد و البنات 
•فهد:صباح الخير(هدر بإحترام و اذب)
•جوديا(زوجة ماهر)اياياي سعدي و فرحي بولادي اول مرة كيتجمعو و نفطرو ف طبلة وحدة (هدرات بضحك )
•امجد:ههه وا نتوما لي كاتضجونا من القصر بزز منا
•بيركا(زوجة معتز):ههههه ياك المسخوط حتا نتا وليتي تراد مع ماماك ههه اوا والله لا بقات فيك(هضرات و دارت راسها تقلقات)
•الماس:ههه ا راه غي كيضحك ا ماما
•امجد:هه ايهديك الله الواليدة راغ غي ضاحكين و ها حنا دابا كنفطرو مجموعين اش بغيتي
•رئبال:نجيكوم الصراحة ههراه غير تدريب ديال الباراه هو لي عيانا شوية و نضنا معطلين و فضلنا نبقاو فالدار هه اما كون راه متلقاي حتا واحد دابا. بالاخص خويا قيس هه(هدرات و هو يضرب فيها قيش تخنزيرة حتا سكتات)
•الماس:هه اصلا انا لي طلبت خويا قيس يبقا يفطر حيت كان غادي للشركة 
•الجد راضي:اوا امتاش اولدي ناوي تاخد رئاسة بالامبراطورية(هضر بإهتمام)
•قيس:مني يقولها ليا راسي (هدر و وقف و تم غادي و هو يرجع و هدر مع دراري)و نتوما بلاما نلقا شي واحد معيط ليا و لا جاي لعندي(هدر و خرج من القصر)
•عادل:اووووف حتال امتى غادي يبقى هاكا منعزل 
•انتوالا:مادير فبالك والو اولدي راك عارف مني ماتت ماماه الله يرحمها و هو هاكا عدذو و كنتمنا يلقا لي تذوب الجليد لي فقلبو(هدرات و هي متحسرة على حفيدها)
•فهد:هه ا جدة راه حفيدك معرگها بنات اشكال و انواع ههه هاداك معمرو يتزوج 
•الجد راضي:ا كون تحشم ا داك الوحش حتارمني غي انا لي حداك
•فهد:هههه ا يالاه اودي نتا هو الاحترام ههههه اجدي 

دازت لحظات كلها صمت و مهتمين فقط بالاكل و من بعد كل واحد مشا يقوم بأعمالو

✨في ايطاليا في قصر حيدر✨
عند ازرا يالاه فاقت و كتفكر فهاد القوانين لي مقيدينها و زفرات بملل و ناضب دوشات و دخلات للدريسينغ و لبسات كسوة بنفسجية زوينة و لكن بينات منحنيات جسمها بدقة و كان مفتوح من العنق و رقبتها باينة و الوشم ديال الختم باين شافت فالمرأة و عجبها راسها
•ازرا:ههه جيت زوينة الله يحجبني(هدرات و تفاجأت بلون عينيها كيتبدل و خرجات من جناحها و هبطات للصالون عند واليديها كتجري)

عشيرة ال "مالكومز"من اقوة العشائر في العالم و لي معروف عليها الولاء و الشجاعة و التضحية و اكيد القوة
حيت هوما افضل المخلوقات منذ القدم و عندهم هيبة
ال "مالكومز" كانو اقوى سلالة و لي هي اخر سلالة من المتحولين النقييم يعني عندهم دماء ملكية كانو كيعيشو فاليونان و كانو متميزين بقوى خارقة و جد قوية و لهيب قوتهم كان كيتمتل فالعيون ديالهم و معضم طاقتهم من الطبي و كان حيدر هو الامبراطور ديالها سابقا وكان هو اخر من تبقى من السلالة الملكية و لكن طراو شي حوايج لي خلاوه يتخلى على العرش و يختفي باش يحمي بنتو ازرا
و دابا ماعندو حتى هدف من غير انه يحميها حتى تحس بالقوى ديالها و تقدر تستخدمها و لكن اثناء محاولتو غادي يطراو شي حوايج لي غادي يبدلو كولشي 

هبطات ازرا لعند عائلتها و كانت هازا معاها مرايا و مشات عند حيدر و ليليا مخلوعة و هما غي شافرها فهمو انها شافت فالمرايا حيت هوما. كانو محييدين گاع المرايات لي فالقصر
•ليليا:ازرا منين جبتي هاد المرايا
•ازرا:اهئ اهئ عيني عيني معرفتش مالها ااهئ لونهم كيتبدل بوحدو (هدرات و هي كتشهق و طاحت الارض و الختم لي علا رقبتها ولا كيلمع واليديها تخلعو)
•حيدر:ااا لاا مايمكنش وقت تحولها قرب و حنا ماغاديش نقدرو نسيطرو عليها(هدر بزربة و هزها لجناحها و بداو يفيقو فيها)
من بعد نصف ساعة فاقت و هدنوها و قدرو يقنعوها انه غي تهيأ ليها و صافي و هي تيقاتهم


⚡️في المغرب في قصر ال "فولتوريز"⚡️
كانو رئبال و سامارا و الماس جالسين مع جداتهم و جوديا و بيركا
•سامارا:ممً انا غادي نمشي الاسبوع الجي لليونان واقيلا 
•الماس:انكمشي معاك حتا انا
•جوديا:حنا ماعدنا منقولو ليكن هدرو مع قيس و شوفو معاه راكم عارفينو كايداير و مكيبغيش قوة المسافرة وً بالاخص بوحدكم
•رئبال:ممم سيرو هدرو معاه راك ماخسرش ليكم خاطركم هو واخا هاكاك حنين 
•الماس:هههه لا لا كولشي معاه اللعب حتال قيس اوهوو نخاف على عمري ولكن انا انطلب هه اصلان(هدرات و حدرات راسها)
•رئبال:ههه كنشم قريب شي جوج غادي يموتو
•بيركا:اشنو كتقصدي؟؟
•رئبال:ها ههه لا والو والو ا مرات عمي هههانا غادي نخرج نمشي للشركة(هدرات بضحك و ناضت خرجات من القصر)

غادي نبين ليكم مزييان تعريف مصاصي الدماء و شخصياتهم و قواهم
مصاص الدماء هي كتكون سريعة جدا بحال البرق و عندها دقة الملاحظة و قوية بزاف و لون الشعو و العيون كيتغير مع الوقت و كيكونو نوابغ اي ذكي بزااف و عندهم مشاعر شاعري حساسة و اغلب الاحيان كتكون عندهم ميزات خارقة و قوية و كاينين نوعين منهم الشخصية الشريرة و الشخصية المسالمة لكن المصاص الدماء مع بعضها مسالمة و كيتقال انه عشق مصاصي الدماء ناذر و احسن و اجمل و انذر عشق و اذا عشقك مصاص الدماء فهو احلى عشق و غرام الذي لن يتكرر على وجود الارض و كيكونو غيوريين جداا و عنيدين و ماكايسامحوش بسهولة و شخصتهم غامضة جدا و من الصعب تفهمها و الاهم اذا مصاص الدماء خسر شخص كيبغيه و كيعشقو ف كينتاحر


🦅و بالنسبة ل قيس ال "ڤولتوريز" هو اصل من مصاص الدماء و دماءو ملكية حقيقة و قوتو اقوى قوة فعالم المتحولين و مصاصي الدماء و الشيئ لي زادو قوة و اللي باقي عشيرتو ماعارفينش السبب و لي هو تحولو لذئب يوم خسوف القمر و التقاءه الشي لا زادو هيبة و هالة مخيفة عند باقي العشائر 🦅 و ولا معروف ب الوحش الصقري

مصاين الدماء مايبغيوش يبقاو مع اشخاص من غير صنفهم الا اذا عشقك او بغاك و الا عشقك فماغاديش يخليك ابدا و يمكن ليه يهدر معاك و هو ساكت و يمكن ليه يحس بمشاعرك تماما بحال الڤولتوريز 
____قوة قيس هي قوة جد قوية و ناذرة و لي بإمكانو فقط التفكير ف قوة معينة لي سبق ليه فقط شافها او عرفها و نيشان كتولي قوة خاصة بيه و كتزيد تقوى مع مرور الوقت و ثاتي قوة عندو و لي ناذرة جدا او بالاحرى هو اول واحد من مصاصي الدماء تعطات ليه و لي هي قوة الذئاب يعني كيتمكن انه ياخد قوة المستذئب و شكلو فأي وقت بغا و هاد التحول طرأ ليه نهار كانت عندو 14عام في يوم خسوف القمر و ولادة القمر و هاد السر ماعارفو حتا واحد يعني لا احد من ال "ڤولتوريز" ماعارف سبب تحولو ف هاديك الليلة
____قوة فهد:التحكم في العقل لي يقدر غي يشوف فعينين الواحد كيقدر يتحكم فعقلو و يخليه يدير داك شي لي بغا و هاد القوة ناذرة وعندو فقط هو و قيس لي خداها
____قوة اصلان:عندو قوة الحماية او درع لي كتمكنو انه يحمي نفسو و يقدر يحمي بيها لي بغا ف اي وقت و ف اي مكان و قوتو جد ناذرة و قوية حيت كتشكل حماية على عشيرتو
_____قوة جبران:التحكم في الطقس بحيت بإمكانو يتحكم ف أحوال الطقس كيف بغا و قت ما بغا يعني ايلا بغا الشمس كيديرها بغا الشتا كيديرها و لكن هو معمرو فكر يستعملها حيت هما ساكنين معا البشر و لي غادي تبان ليهم غرابة فالامر
_____قوة امجد: الحصانة يعني بإمكانو يأخد الوزن لي بغا او يهز الوزن لي بغا بلا ما يعيا بحالا ما هاز والو و كذلك مستحيل شي حاجة تختارق جسدو ابدا و لكن هادشي كيتركز فقط على القوى و الاشياء المعدنية
____رئبال:قوة قراءة الافكار فقط يعني كتشوف ليك فعينيك او كتجلس حداك كتعرفك ف اشنو كتفكر بسهولة
____تامارا:عندها قوة الالم و اعطاء الالم يعني بمجرد كتركز نضرها عليك و كتقول كلمتها السرية كيبقا الشخص يحس بالالم حتا كيموت الا ما حبساتش
____الماس: عندها قوة الاختفاء بحيت تقدر تكون دابا حدا فرمشة عين تكون فبلاصك اخرى 
____الجد راضي:عندو قوة قراءة الافكار بحال حفيدتو رئبال و لكن لي زايد عمدو انه كيقرا الافكار و العقول و حتى انه كيستشعر بنوع القوة لي عندك ومدا طاقتها يعني هو قوتو جد مهمة ف عشيرتو 
____الجدة انتوالا:قوة السرعة البرقية بحيت انها فرمشة عين كتدور ماكاتلاقاهاش حداك و عندها سرعة الجري خيالية هادشي بلا سرعتها كمصاص دماء
____العم عادل:قوة الاحساس بالخصر بحيث انه بإمكانو يحس بالخطر لي حواليه و حوالي عشيرتو و بعض المرات كيقدر يعوف مصدر الخطر و لكن ناذرا
____العم ماهر:قوة التفجيير بحيث يقدر يفجر اي حاجة شاف فيها و ركز عليها ف تواني كتفجر
____العم معتز:قوة التحكم في الحيوانات يعني يقدر يشوف ف عين اي حيوان و يأمرو يدير اي حاجة و الحيوان كينفد بزربة
_____العمة مارام:بإمكانها رؤية المستقبل بصورة واضحة و لكن هادشي ماكيتركزش على عسيرتها يعني تقدر تشوف اي مستقبل و لكن مستقبل عشيرتها لا 
____جوديا زوجة العم ماهر:عندها قوة النار و لي هي قوة جد قوية و ناذرة و قوتها كتمتل ف كامل جسمها يعني كتولي كولها بالنار و قيس حتا هو خدا منها القوة
____بيركا زوجة العم معتز: عندها قوة التلاعب بالمشاعر و الافكار بحيت انها غي كتركز عليك كتبدا تخربق ليك افكارك و مشاعرك كيبغات هي و تقدر تمسح منهم المشاعر و الافكار لي بغات


هادو هوما قوى افراد عشيرة ال "فولتوريز"


كان كولشي مجموع فالصالون من غير الدراري لي عاد دخلو و جلسو تجمعو مع العائلة من غير قيس لي يلاه غادي يطلع لجناحو و هي توقفو الماس
•الماس:خويا حبيبي بغيت نطلبك (هدرات و هي حادرة راسها ومتوترة)
•قيس:آمري و لي بغيتيها تحضر عندك ا اميرتنا
•الماس:ممم. خويا انا بغيت نمشي مع رئبال و تامارا لليونان(هضرات و خنزر فيها)
•قيس:السفر بوحدكم لاا و بالاخص ايلا مشيتي حتا نتي ف لاا ميمكنش .ايلا بغات تمشي تامارا يمكن ليها حيت انا عارفها قادة براسها و لكن نتي حساسة و نخاف تأذاي (هضر و هو كيفهم فيها)
•رئبال:عافاك عافاك اخويا غي خليها تمشي معانا و حنا غادي نرضو لييها البال 
•قيس:هدرتي منعودهاش جوج مراات بغيتي تستفري نتي و تامارا مرحبا و لكن لي گارد معاكم و يمشي معاكم واحد من الدراري و الماس ماغاديش تمشي(هضر بزربة و طلع لجناحو و الماس تقلقات)
•الماس:اهئ اهئ علاش ماخلانيش علااش اهئ
•فهد:صاراحا راه من حقو ميخليكش تمشي على داك شي لي درتي اخر مرة فاش سافرتي ههه راه موحال يعاود يخليك تسافري بلا بيه هههه
•تامارا:ااه عندو الحق كنتي غادي نفضحي كولشي
•رئبال:مهم ا تامارا غدا نتافقو باش نشوفو الوقت و الرحلة لي نمشيو فيها 
•جبران:لا نتوما غادي تمشيو ف طائرة الخاصة ديال قيس و قولو ليا غي امتاش غادي تسافرو باش نوجد ليكم كولشي و حتا القصر ديال العائلة لي فاليونان(هضر مع رئبال)
•رئبال:ااه صافي لي بغيتو ا. خويا 
•جبران:و نتي (شاف ف تامارا)بعدي من العشيرة اليونانية و منلقاكش معادية معاهم و لا دايرين شي محاربة بيناتكم كيف ديما. انا كنحدرك راه يسيق قيس لخبار بيناتكم(هدر بتحذير )
•تامارا:ااوك ففف (هدرات بملل و طلعات لجناحها و تبعوها للبنات كل وحدة طلعات لجناحها)
•امجد:هادي باقا زايدة فيه عاد ماكاتولي عنيفة كون غي تخليوني مني ليها 
•معتز:بعد ليا من شريرتي گالاك انا هو باباها و عاجباني بنتي هاكا حاضية راسها و قوية ماشي بحال الماس حنينة 
•امجد:هه الوااليد راني حتا انا خوهاا واش نسيتي
•اصلان:ا عمي ماتخافش علا الماس هي واخا حنينة و لكن مني كتعصب غي بعد من حداها و انا ديما راد ليها البال (هدر و هو كيتبسم)
•جوديا:هههه و مالك كتلومس بحال الهبيل (هدرات و غمزاتو)
•اصلان:هاا الا والو احبيبتي مراات عمي لي يخليك ليلي العمر (هدر و ناض كيهز فيها)
•بيركا:و صافي انا نسيتي الغداار واخا عليك(هدرات و دارت راسها تقلقات)
•اصلان:هههه لا لا متقلقيش مني هي العمر ديالي و نتي التيتيزة ديالي هههه(هضر و عنقها حتا هي و جاو دراري حتا هما )
•معتز:هاااه ادوك تريكة الصلاكط واش ماغادي تخليو عليك مراتي بعدوو (هضر ووقف ليهم )
•بيركا:ههه ا ويلي ا معتز بعد من دراري (حدرات حشمانة و هو يجرها و مشاو هه)
•امجد:هههه والاهيلا الواليد طلع مغيار ههه شي مرة يفصلك ا اصلان هاني علمتك هههه و لا يحرش عليك شي اسد ولا نمر
•اصلان:هه ايلا كانت هو قوتو التحكم فالحيوانات ف انا عندي درع الحماية (هدر بتكبر)
•الجد راضي:وا ولينا هنا قد القب قد السطل يالاه فرفرو ليا من هنا قبل مانجي نوريكم (هضر و ناض ليهم)

طلعو الدراري كل واحد لجناحو و كل واحد و فاش كيفكر
و تامارا كانت جالسة هي و رئبال كيهدرو على السفر و كيتافقو و حداهم الماس لي غي كتنخسس بهاد البيبي و هو يحزروها فيها و تسكت و شوية عوتاني تطلق حلوقها ههه



💕في ايطاليا في قصر حيدر ال "مالكومز"💕
كانت ازرا في جناحها و ناعسة و شوية بدات كاتعراق و كتهدر بكلمات ممفهومينش و شوية بدات تهدر بالغوات و كتغوت و حيدر و ليليا سمعو غواتها و جاو كيجريو و شافوها فديك الحالة و بداو يحاولو يفيقوها و هي تنوض قافزة
•ازرا:ااااا ا اااا ه. اه (كتنهج بالخوف و عنقات ماماها و باباها)
•حيدر:ماتخافيش ا اميرتي غادي تكون غي حامة خايبة حنا معاك دابا (هدر و كيهدن فيها و هي شوية تهدنات)
•ليليا:باش حلمتي احبيبة ديالي و شنو لي خلعك هاد الدرجة
•ازرا:اهئ اهئ كان واحد الرجل و لكن مشفتش وجهو و لكن كان ااا كان كان عندو وشم و لكن مشفتوش كولو و و و كانو كيعيطو لييه. جججج جيسكاوو(هدرات و هي باقا كتقفز)
ليليا تصدمات و شافت ف حيدر لي حتا هو مصدوم
•ليليا:واا واش كان تابعك ولا حاول يأذيك ؟؟
•ازرا:هاا. اا لا لا بالعكس كانو تابعيني شي وحووو ش اا. و هو كان ااا كيمد ليا يديه و قااال ليا ااا. اننا(هدرات بتقطع)
•حيدر:شننو قالك
•ازرا :قاليا انا. ر رر رفيقك (هدرات و حيدر و ليليا عنقوها و تنهدو برااحة حيت داكشي لي فبالهم صحيح)
بقاو معاها شوية و هدنوها و هي رجعات نعسات و خرجو هما و طلعو لجناحهم 

طلع حيدر و ليليا لجناحهم 
•ليليا:وااش يقدر يكون هونفيو جيسكاو 
•حيدر:اكييد هو هو انا متأكد بلي هو جيسكاو و صاحب الوشم و لكن حنا كاكانعرفوهش و هو كذلكمسحيل يقدر يعرفناا ادا شنو انديروو(هدر بحيرة)
•ليليا:مااعرفش حتا اناا و ختا سحرها قرب يبدا يبان و ماغاديش نبقاو نتحكموو فيهه (هضرات و شوية بقات ساكتة)اااا. لقيتها لقييتها خناا غادي نديوها لليونان(هدرات و هي كتشوفيه)
•حيدر: ووواش كتقصدي راڤانا ؟؟
•ليليا:ااه هي الوحيدة لي تقدر تعاونها فهاد الوقت الصعب و تقدر تقلل من وقت سحرها لبعض الوقت بينما لقينا الحل
•حيدر:ايلا كان هادشي غادي يعاون بنتي و يحميها انا غادي نديرو اووك وحدو راسكم انشالله غدا نمشيو ولكن ماتقولي والو ل ازرا بوليليها غي نسافرو نبدلو الجو
•ليليا:ااه واخا و انا غادي نطلب الدعم من المتحولين ديال عشيرتك باش يوفرو لينا الحماية الكافة حيت ماخاص حتا واحد يعرفنا فين 
•حيدر:اااه صافي واخا (هدر و طمنها و باسها فجبينها و نعسو باش يرتاحو حيت غدا تابعهم يوم حافل)


🍂صبااح جديد في قصر ال "فولتوريز🍂
كانو الاعمام و الجد و الجدة جالسين كيفطرو و شوية بداو ينزلو الاحفاد و نزل حتى قيس لي توسط الطبلة و جلس بشموخ و هدوء و تمات نازلة رئبال و تامارا وتابعينهم الخدم هازين لي فاليز 
•تامارا:احم حنا غي نفطرو و غادي نمشيو و راه كولشي واجد
•امجد:صافي انا غادي نوصي دي گارد فاليونان لي يحرسوكم و يبقاو تابعينكم 
•قيس:و خطأ صغير منكم غادي ترجعو فهمتو عنداك يسحاب ليكم ماغادي نعرف والو ايلا درتو شي حاجة مهم انا علمتكم و نتوما الادرى و ايلا خصاتكم شي حاجة عيطو ليا (هدر و خرج )
•الماس:ههه خويا قيس غريب صعيب تفهمو هه صعيب و ساهل قبيح و ضريف هههه صافي انا حماقيت 
•فهد:هو واخا هاكا كيبين البرود الا ان الداخل ديالو حنين و نتوما عارفين هادشي
•اصلان:ههه و لكن يا ويلكم من الغضب ديالو هه غير بعدوو
•معتز:باراكا من الهدرة نتوما راه يسمعكم دبر راسكم مهم شكون فيكم لي غادي يمشي معا البنات 
•جبران:انا لي غادي نمشي معاهم(كان نازل و هاز فاليز ديالو و هابط بقوة و مخنزر وكيشرف ف تامارا)
•الماس:نااري حتا نتا غادي ا خويا سعداتكم اهئ اهئ(هدرات و بدات تنخسس)
•فهد:ناري هاهيا بددات تبكي عوتاني
•اصلان:بعدو من الماستي ههه اجي يالاه نخرجو انا وياك انا انساريك(هضر وفرحان )
•الماس:هااا بصااح ا خوياا هه يالاه(هضرات و هي زلقات ليها خويا من فمها و اصلان تعصب و لكن مبغاش يبين)
•اصلان:اوك انا كنتسناك برا القصر (هضر و خرج و هي طلعات كتجري بفرحة لجناحها باش توجد راسها)
•فهد:هههه صراحة قااصحة ههه(هضر بشوية باش مايسمعش امجد و غمز دراري)
•جبران: فهم نتا واقيلا كاتقلب على خليان دار بوك من عند امجد راه ختو ا صگع ههه(هدر بشوية )
•فهد:واها غادي تولي مرات خوها الساط ههه(هدر ر كيضحك بشوية و البنات و امجد مافاهمين والو)


خرجو البنات و جبران و اتاجهو للمطار باش يمشيو ف طيارتهم الخاصة)


اتاجهوو البنات و جبران للمطار و لقاو لي گارد كيتسناوهم و موجدين ليهم طائرة خاصة و ليحسو بطاقة فشي شكل و لكن ماردوش البال و قالو غادي يكون غي شي مصاص دماء او متحول و خداو وجهتهم لي هي اليونان
•جبران:تامارا بلاما نوصيك بعدي على مصاصي الدماء العسيرة اليونانية راه قيس غغدي يتعصب منك و هو اصلا باقي مقلق منك على اخر مرة غي ماكايبغيش يبين
•تامارا:اوك
•رئبال:صافي اخويا هه ماتزيدش عليها راها ماعمرها تعاود 

دازوا سبع ساعات و وصلو جبران و تامارا و رئبال لليونان و لقاو لي گارد كيتسناوهم ومشاو للقصر ال "ڤولتوريز" لي فاليونان لقاو كولشي واجد و فخم و يليق بمقامهم


🌟قبل سبع ساعات🌟
⚡️عند حيدر و ليليا و ازرا⚡️
•ازرا:دابا حنا لاش غادي نمشيو لليونان ا بابا
•حيدر:اا والو ابنتي غير بغيت ندوزو وقت زوين انا و بنتي ومراتي واش كاين شي مشكل ههه
•ليليا:ههه صافي ا حيدر بنتنا مابقاتش كتبغينا ههه 
•ازرا:ههه لا ا ماما انا غي سولتكم و ماتبقايش تقولي هاكا نتوما راكم حياتي (هدرات و عنقاتهم)
•ازرا:ههه ادا امتاش غادي نسافرو؟
•حيدر:هههه دابا 
•ازرا:هااا ولكن انا مموجدا والو(شهقات و ناضت كتزرب للدريسينغ و هما كيضحكو عليها)
•ليليا:اجي هنا ا ديك الحمقة ههه راني موجدة ليك كولشي خاصنا غي نخرجو للمطار دابا باش منتعطلوش
•ازرا:اححح على احدى ام الله يخليك ليا(هدرات و باستها)

اتاجهو حيدر و ليليا و ازرا للمطار و اتاجهو لليونان و ازرا كانت متحمسة بزاف و ليليا و حيدر خايفين حيت فنفس الوقت ليًكانو فيه فالمطار حسو بقوة قوية بزاف بل حسو بثلات قوى قوية 
وصلو لقصرهم فاليونان و لي كان صغير نوعا ما 
كانت ازرا ناعسة فجناحها و ليليا و حيدر فالصاون كيهدرو
•ليليا:ياك حتا نتا حسيتي بالقوة فاش كنا فالمطار ياك؟؟(هضرات بخوف)
•حيدر:ااه حتا انا حسيت و كانو قوى لي قوية بزاف حسيت بطاقتها
•ليليا:واش يكونو من المعاشر الاخرى و عرفونا جينا اليونان وعرفو ب ازرا!؟؟؟؟
•حيدر:لا لا منضنش حيت كون عرفو اكيد كون خطفوها و قتلونا حنا غي تهدني اكيد غادي يكونو غي متحولين ولا مصاصي دماء او مستذئبين
•ليليا:ااه الحمدلله و لكن ماخصناش نضيعو الوقت و ماحد دابا ازرا ناعسة يالاه نمشيو عند راڤانا و نعاودو ليها على الحلم باش مني نرجعو نديو ليها ازرا و راڤانا هي غادي تعرف كيفاش تخبي قوتها لبعض الوقت و نطلبو منها تعطينا واخا غي علامة على رفيق ازرا و واش هو بصاح نفسو جيسكاو (هدرات بزربة و ناضت كتقاد حروايجها)
•حيدر:عندك الحق حيت ايلا كان رفيقها هو ونفسوً جيسكاو لي حلمات بيه ازرا ف خاصنا نقلبو عليه و لكن الاهم من هادشي كامل خاصنا نعرفو عشيرتو اول شيئ
•ليليا:علاش اش دخل العشيرة فهاد الشي(هدرات بإستغرا)
•حيدر:من بعد و تعرفي
كملو هدرتهم و خرجو باس يمشيو عند راڤانا 

🗝في القصر ال "فولتوريز" في المغرب🗝
دخل قيس و لقا العائلة مجموعة و جلس
•فهد:راهم وصلو قبيلا و راهم دابا فالقصر
•قيس:عارف راه لي گارد كيقولوليا كولشي و راه هدرت مع جبران و قاليا بلي حسو بطاقة متحولين فالمطار 
•عادل:ياكما اذاو شي واحد من البنات او جبران
•قيس:لا لا غي رتاح الواليد قاليا جبران بلي حسو بطاقة و بزربة ختافات كنضن غادي يكونو غي شي فدر من العشائر الاخرى ف سفر او سياحة و اصلا كنضن بلي العشيرة اليونانية سادة الحدود بالنسبة للعشائر الاخرى و البنات و جبران هما الوحيدين لي دازو يعني غادي يكون غي فرد من عشيرة اليونان
•معتز:ااه ممكن بصاح عندك الحق ا ولدي قيس
•الجد راضي:واش هضرتي مع جبران يرد البال ل تامارا راه هد السفرة خالعاني ماكانش علينا نسيفطوها لليونان
•عادل:ماتخافش الواليد و زايدون انا لحد الان ماحسيت حتا بخطر يعني كوللشي مزيان(قوتو الاحساس بالخطر)
•قيس:نتمنى (تنهد تنهيدة رجولية)
•الجد:اوا اولدي قيس باقي ماهداكش الله تولى الحكم
•قيس:اغا غادي خارج ماغاديش نبات اليوما فالقصر و بلاما يتبعني شي حد(تجاهل الجد و طلع لجناحو و عاود هبط و خرج من القصر)
•بيركا:ماتبززش عليه ا عمي راضي 
•جوديا:اه اعمي خليه مني يبغي راه غادي يتولاه و زايدون هوا دابا و واخد كل امور العشيرة ومهتم بيها بلا لقب و نتا عارفو ماكابغيش لي يأمرو عافك اعمي(هضرات بحنية حيت هي مولفة قيس واخا ماشي ولدها ولكن كتعاملو بحال ولدها)
•راضي:هاحنا غادي نشوفو مابقا ليكم والو و تسلخوني ،نتما غي كيتعلق الامر بقيس كاتنساو الدنيا و مافيها
•الجدة:اوا راه قيس هاداك الحاج راه اسد العائلة و جوهرتها يا ربي تجيب ليه شي بنت ناس ياربي (هضرات بإفتخار)
•اصلان:هاداك لي ماعمرك تسناي منو يتزوج هههه هاداك عطيه غا دريات و حيدي
•راضي:هاااااا ياك تنقوليكم طلقوني على هاد السلاگط وماكاتبغيوش ها ترابيكم(هضر و شير على اصلان ههه)
•اصلان:واا جدي برررد لتموت لينا راه محتاجينك(هدر و هرب)
•راضي:ضسرتو عليا البعالك شو كيولاو (هضر مع بيركا و حوديا. و كولشي تزلع بالضحك)


مشاو حيدر و ليليا عند راڤانا 
•راڤانا:اهلا بالامبراطور حيدر مرحبا بيكم(هدرات ب إحترام مع خيدر و ليليا)
•حيدر:عندك يسمعنا شي واحد منبغيش لي يعرفني انا الامبراطور ديال ال "مالكومز "
•راڤانا:آمرك امبراطور(هدرات بإحترام )
•راڤانا:نقدر نفهم من مجيئكم انه ازرا قرب التحول ديالها و مابقاتش ماتقدر تكبح سحرها 
•ليليا:اه عندك الحق و لدرجة و لاو كيجيوها كوابيس(هدرات و عاودو ليها كولشي و هي بقات ساكتك عاد هضرات)
•راڤانا:ممم هادشي كيعني انه قراها الناذرة بدات كتخرج و الختم مابقاش مافي لكبحها و بالنسبة للحلمة لي قلتو ليا ف هاداك ماشي كابوس و انما رؤية و هاداك مول الوشم هو رفيقها لي اللقب ديالو هو جيسكاو
•حيدر:و لكن كيفاش غادي تقدر تتعرف عليه او هو يقدر يتعرف عليها و شنو هاد اللقب ديال جيسكاو!؟
•راڤانا:جيسكاو لقب الحامي و حامل الوشم الصقري و كيجي مرة كل مليون سنة و كتكون عندو رفيقة خاصة بيه و لي كتكون متميزة و للاسف حد الان و منذ القدم ماعمر شي جيسكاو و رفيقتو ما تجمعو او اتاحدو ببعضهم حيت بكل بساطة كانو كيقتلوهم او يقتلو واحد فيهم و هاكا ماكايبدروش يتلاقاو و دابا بنتكم ازرا هي المختارة و لي غادي تكون رفيقة جيسكاو الملقبة ب ايڤالوين و بالنسبة لكيفاش غادي يتعاوفو فهو عند طريق روحهم ووشمهم 
•حيدر:و هو الاصل ديال الرفيق او هاد جيسكاو من اينا عشيرة يقدر يكون باش يسهل علينا نلقاوه
•راڤانا: بالنسبة لنوع العشيرة ماعرفتش بالضبط و لن بالنسبة للصنف جيسكاو كيكون متنوع اصناف يعني ناذر كيكون دمو ملكي مصاص دماء و مستئذب فيوم ولادة رفيقتو و مع كل مدة و كل حدث مع رفيقتو كاتزاد ليه قوة معينة 
•حيدر:يعني جيسكاو غادي يكون من اصل مصاص دماء ملكية يعني خاصني نبحت ف عالم مصاصي الدماء على العائلة الامبراطورية اوك و ايلا تلاقاو كيفاش غادي نعرف و نحسو بشي حاجة
•واڤانا:اكيد غادي تحسو بل العالم كولو غادي يحس بطاقة لي جد جد قوية قوة ماعمرها ما دازت على عالمنا الخاص بالمتحولين و المصاص دماء او المستذئبين و ف هاديك الليلة لي غادي يتلاقاو اعينهم و ايلا ايديهم تقاست مع بعضهم ف غادي يطرا تميز و الاحساس بالطاقة و الرهبة 
•ليليا:وو هادشي واش غادي يأذي بنتي!؟؟؟
•راڤانا:بالعكس ايلا كانت ازرا حدا رفيقها و وجودها جنبيو غادي تكون ف امان ماعمرها حسات بيه مع اي واحد وهو كذلك و لكن فالاول يقدرو ميتعرفوش على بعضيتهم و حتى يقدرو يكونو مشاكل لذلك متستغربوش و اكيد ايلا عرفو الاصناف الاخرى غادي يبغيو يحصلو على ازرا و قوتها لي دابا باقي مابانتش و حتا انا باقي ماقدرتش نتعرف عليها
•حيدر:ااه شكراا بزاف على مجهوداتك معانا و نتي تقدري تطلبي ايًحاجة بغيتيها
•راڤانا:يمفي انني نعونا الامبراطور الخاص بعشيرتي و هادشي يكفيني افتخار بنفسي و انا غادي نتسناكم تجيب ازرا باش نعمل ليها تعويدة الحماية و الحصانة
•ليليا:شكراا و انشاءلله ليوم فالليل نجيبوها
•راڤانا:اليوم بلليل فالعادة كيكون احتفال خاص بالعشيرة اليونانية لي هنا من نوعنا يعني متحولين و غالبا كيكونو مشاحنات مع مصاص دماء يونانيين لدلك نبغيكم تجيبو ازرا بتخبية باش تاواحد ميحس بطاقتها لان مني غادي نكون كنلقي تعويدة كل واحد غادي يحس بقوتها
•حيدر:اااه اه صافي واخا
كملو هدرتهم و خرجو حيدر و ليليا مشاو لقصرهم و لقاو ازرا يالاه فاقت
•ازرا:مم ماما بابا فيك كنتو(هدرات وهي كتحك فعينيها)
•حيدر:لا والو غير كنا خارجين هنا و صافي ااه وحدي راسك فالعشية غادي نخرجو شوية كاينين احتفالات هنا قديمة و عريقة خاصك بالسونان واخا غريبة و لكن غاد تعجبك 
•ليليا:ااه غادي نمشيو و نضحكو و نشطو شوية و نشاركو حتا فالالعاب اليونانية القديمة و واخا تبان ليك غريبة ولكن ماتخافيش واخا احبيبية(هدرات و عنقاتها. و ازرا حسات بشعور غريب)
•ازرا:ههه حمستوني ههه اوك 



💕عند تامارا و جبران و رئبال💕
كانو مجموعين و جالسين كاياكلو
تامارا:اححم جبران فالعشية غادي نخرج شوية ممكن!
•جبران:انا ماعندي حتا مشكل و رئبال واش غادي تمشي معاها(دار عند رئبال)
•تامارا:اا لا بلاش غي خليها على راحتها(هدرات بتوتر و جبران عرف تحت راسها شي حاجها و لكن بقا مسايرها)
•رئبال:ااه حتا انا نقدر نمشي معاها و قالو بلي كيكونو احتفالات زوينة هنا كل عام 
•جبران:و لكن هاد الاحتفالات خاصين بالمتحولين ماشي حنا
•تامارا:و لكن هما اختفالات عادية و كيديرهوم قدام البشر يعني احتفال العاب اكل و رقص صافي بحال مهرجان
•جبران:انا ماسوقيش فيكم. غي ميديرووش شي حاجة تندمو عليها و تخليو قيش جاي حتا لهنا يمرمدكم هاني علمتكم(هدر و خرج من القصر)
•رئبال:ناري ا تامارا بلاش من الخرجة راه يسيق لينا الخبار يعلقنا
•تامارا:دابا مالكي على هاد الخلعة صافي ابنت عمي هه نمشيو و مانديرو والو غي نضحكو شوية و نرجعو(هضرات و هي كتضحك بخبث)

وصل الليل في اليونان
و كان واحد البلاصة في اليونان اسمها پاتراس و كانو فيها احتفالات و مهرجانات و كانت عامرة بالناس 
رئبال و تامارا وصلو للبلاصة لي فيها الاحتفالات و بقاو كيدورو و يستكشفو 
•رئبال:تامارا عندك ديري شي حاجة ماشي هي هديك راه البلاصة عامرة بالمتحولين و مصاصي الدماء كانحس بطاقات معينة و ماتنسايش كاين البشر و لي ممنوع نضهرو ليهم قوتنا و راك عارفا قيس متشدد من هاد الناحية
•تامارا:اصاحبتي بغينا غي نلعبو شوية و صافي ههه راه اصاحبتي فالقصر فالمغرب ماعندي كيندير نخرج طاقتي دابا ارا بررررع (هدرات و مشات كتجري )
•رئبال:تسناااي واصاحبتي تسناي راك اتخرجي عليا انا وياك

مشات تامارا و فعلات قوة الالم و تخبات وسط واحد الصخرة كبيرة و كتشوف ف عشيرة مصاصي الدماء اليونانية يعني من نفس صنفهم و تفاجأت بلي حتا جبران كان تما واقف و بقات كتشوفيهم بخبث وفعلات قوتها و ركزات على واحد البنت 
•تامارا:اوا دابا وجدي راسك ا لالا باش مرة خرا نوريك تقربي لحاجتي (هدرات بخبث و فعلات قوتها و ركزات على البنت لي طاحت الارض بقوة الالم و كتغوت حتا بدات كتخنق عاط بعدات تامارا عينيها و ضحكات)
البنت ضارو بيها عائلتها و جبران حتا هو 
•جبران:واش لاباس اختي ياكما كضرك شي حاجة
•البنت:اااا اه اه ااا هادي طاقة متحول ف ها ااا فعل قوة الالك انا متأكدة(هدرات بتقطع و هي متجمع تنفس ديالها و جبران تصدم و صافي عرف شكونن و هو يغغوت)
•جبران:تاماراااااااااااا(هضر و ناض يقلب عليها)

عند حيدر و ليليا و ازرا لي وصلو لنفس البلاصة و كان الاحتفال 
•ليليا:حبيبة ديالي يالاه نمشيو عند واحد المرا ممم كنعرفها انا و باباك مم غادي تعجبك اجي معانا
هدرات و حراتها و حيدر سابقهم 
وصلو بدام واحد الدار لي كان بحال شي كوخ يوناني زوين و عصري و ازرا بحالا حسات بالدفئ تما و دخلو لقاو راڤانا كتسناهم و طلبات و ازرا تبقا معاها و حيدر و ليليا يتسناو برا و تاواحد ميدخل و ميخليو حتا واحد يدخل
•راڤانا:ممم سميتك ازرا ياك؟(هدرات و هي كتجبد شي كتوبا )
•ازرا:ااه سميتي ازرا 
•راڤانا:مم نتي زوينة بزاف دايرا بحال الملائكة(هدرات و حطات يديها على راسها و دازت الوشم لي فعنقها و كتقول كلام فشكل)
•ازرا:هه شك ككك ر...(هدرات و يالاه غادي تكمل فقدات الوعي)
راڤانا قاداتها و تكاتها على رجليها و شدات ليها فراسها و مرة مرة فالوشم و كتقول ملام ممفهومش و شوية و هي تحرك يديها و بان فيها بحال ضوء و بدات كتدوزو يديها على الوشم و ديك الثانية بالضبط تبدل الطقس و السماء ولات مغيمة و ظهر قمر و لي كان كيبان من السرجم ديال الكوخ و تركز نورو على ازرا لي فاقدة الوعي و هنا قوتها ظهرات بالكامل

🍂فنفس الوقت في قصر ال"فولتوريز" في المغرب🍂
كانو العائلة جالسين مجموعين و قيس يالاه وقف باش يطلع لجناحو و هو يطيح على رجليه و شاد حدا قلبو و كيزأر بتألم و ضربات رعدة قوية العائلة تخلعو عليه و قربو لعندو
•انتوالا:الله على ولدي (ضارت عند الجد) الحاج مال الولد 
•بيركا:خالتي اهئ شوفي (هدرات و هي كتشير على الوشم لي فصدر قيس لي توهج ولا كيلمع العائلة مافهمو والو و تخلعو)
•عادل:ولدي قيس مالك باش كتحس 
•قيس:اااااا معرفتش اااا كنحس بحالا طاقتي كتجدد و لكن بقوة هائلة منقدرش نتحملها (هدر و هو شاد جيهة قلبو)
•الجد:خاصنا نطلعوه لجناحو قبل ما يفقد الوعي راه طاقتو زادت تضاعفات انا كانحس بيها)
هدرو و عاونوه يطلعوه لجناحو و تكا قيس فالسرير و الوشم عاد ماكايزيد يتوهج و هو كيزأر بحال الاسد 

⚡️عند جبران و رئبال و تامارا لي باقيين فالاحتفال⚡️
•جبران:تامارا واش تسطيتي ولا مالك اش هاد الفعايل درتي(هضر بغضب)
•تامارا:ماشي انا(هضرات ببرائة)
•جبران:و شكرن من غيرك لي عندو قوة الالم فجميع الفصائل(هضر بغضب و فجأة الطقس بدا يتبدل و بدا يضرب رعد قوي و تامارا و رئبال صحابهم جبران لي تعصب و تحول الطقس حيت قواو التحكم في الطقس)
•رئبال:اوووه صافي خويا تهدن الامر مايصلاحش انك تفعل قوتك لهاد الدرجة(هضرات و هي كتحاول تهدن فيه)
•جبران:كيفااش ؟؟ لا ميمكنش و لكن ماشي انا لي بدلت الطقس هانتو شوفو و حتا يدي مافيها حتا توهج (هضر بصدمة و كيشوف ف يديه)
•تامارا:اذا كيفااش ؟؟؟ اا و للكنن ..(يالاه اتهدر حتا حسوو بقوة هاائلة لي معمرهم حسو بيها فحياتهم من غير قيس)
•رئبال:جبران اااا بلا كذوب واش قيس تبعناا!!؟؟؟
•جبران:لاا لا انا عاد هضرات نعاه راه فالمغرب ر انا متأكد، و لكن هاد الكم من الطاقة لاا مستحيييل(هضر بعدم تصديق)
•تامارا:لا ميمكنش خاصنا نعيطو لجدي و لا قيس
•جبران:انعيطو ل قيس راه فالقصر (هضر و جبد تيلي)لاا فاك ماكيجاوبش انا اعيط لجدي و لا واحد من عمامي(عيط ليهم و لكن تاواحد ماجاوب) لاا ففاك اكيد شي حاجة طارية تاواحد ماكايجاوب
•تامارا:عنداك يكونو ساقو ليا الخبار و جايين عندنا
•جبران:لا لا منضنش كون كانو جايين كون خبرني قيس الامر خطير يعني خاصنا نرجعو(هضرو و مشاو ف اتجاه القصر لي فاليونان باش يجمعو حوايجهم و يرجعو )

🕊🕊عند ازرا و راڤانا🕊🕊
راڤانا حسات بطاقة ازرا و قالت ل حيدر و ليليا يدخلو و تصدمات حيت ماكانتش متوقعة بلي عندها هاد الكمية من القوة و حتا حيدر و ليليا تصدمو و بالزربة بدات كتقرا تعاويذ و تحصين باش تحمي قوتها و متبانش لمدة من الوقت و سالات و دوزات يديها على عينين ازرالي عرقانة و بدا كيتلاشي ضوء القمر و حلات عينيها بشوية و بدات كترمش برموشها الكثيفة و عينيها متحلهم بثعب واضح و كتحاول تنوض
•راڤانا:باش كتحسي ا ازرا؟
•ازرا:مكنحس بوالو مم بحالا كنت ناعسة سنين و عاد فقت هههه(هدرات بضحك و شافت ف ماماها و باباها و ضحكات و هوا تنهدو حيت التعويدة تفعلات)

❄️عند جبران و رئبال و تامارا لي مشاو للقصر و بداو يجمعو حقائبهم❄️
•تامارا:من قبيلا و انا كنحاول نعيط ليهم والو تاواحد ميكجاوب عندك يكون شي واحد شن حرب علو عشيرتنا ؟
•جبران:لا هادشي هو لي عمرو يوقع عشريتنا ماهمر شي واحد يقدر يتجرأ وو يقرب ليها لا من صنفنا لا من الاصناف الاخرى لاننا و بكل بساطة مصاص دماء متحولين ذو دماء ملكية 
•رئبال:اه بصااح ا تامارا و حنا اقوى صنف و اقوى عشيرة ديال مصاصي دماء و اقوى من الاصناف الاخرى لي هي متحولين و مستذيبين ف غي رتاحي 
•جبران:مهم يالاه سربيو دابا غادي نشدو الطائرة الخاصة للمغرب ف اسرع وقت(هضرو و هما نازليين مصعد القصر و خرجو يتوجهو المطار)

🧡عند ازرا و حيدر و ليليا لي وصلو لقصرهم في اليونان🧡
ازرا:ماما علاش كنحس براسي عيانة(هدرات بتعب)
•ليليا:عادي احبيبة غي يمكن منعستيش مزيان 
•حيدر:اه بصاح ابنتي .مهم رتاحي نتي باش غدا انشاءلله نرجعو لل ايطاليا (هضر و باس ليها راسها و خرجو)

•حيدر:خاصنا نبداو نقلبو على جيسكاو و عشيرتو 
•ليليا:ااه بصح و كيما قالت لينا راڤانا بلي جييسكاو من اصل مصاص الدماء و ملكية و عندو وشم صقر يعني الامور غادي تسهل علينا تقلاب و لكن معارفينش سميتو الحقيقية 
•حيدر:اه بصاح مه يالاه دابا ندخلو نرتاحو حتال غدا انشالله مني نرجعو ل ايطاليا و نكملو الموضوع(هضرو و دخلو لجناحهم)


يوم جديد تشرق فيه شمس جديدة و ابدية عليهم بجوج في جوج بلايص مختالفين ايطاليا و المغرب 
قيس كان ناعس و كيسمع انين انثى فعقلو بحالا هاربة من كابوس فاق و تعجب من هاد الرابط المجهول و الفريد من نوعو لي حس بيه ،بقا كيفكر كيفاش تزادت قوتو بدرجة كبيرة من البارح ليوما صباح و قدراتو تزادت تطورات لدرجة ولا كيسمع انفاس عائلتو لي جالسة لتحت فالصالون .تنهد تنهيدة طويلة رجولية و ااتاجه للحمام يدوش

🕊عند ازرا لي كانت كتحلم بكوابيس و مؤخرا ولات كتحلم بنفس الحلم ديال رجل عندو وشم ف صدرو و لكن ماباينش و بدات كتشهق و تبكي و تصدر انين حتا فاقت قافزة و كتنهج و شدات حدا قلبها. كتحس بالالم
•ازرا:اااي علاش كنحس بالام حدا قلبي و علاش وليت كنحلم بهاد الكوابيس ديما اووف و شكون هاد جيسكاو (هدرات بقلة حيلة و ناضت للدوش باش توجد راسها و يمشيو لً ايطاليا)


✨في قصر ال"ڤولتوريز"✨
كان جالس الجد راضي و ولادو عادل و ماهر و معتز و يهدرو 
•راضي:مافهمتش اشنو طرا ل قيس لبارح فجأة 
•عادل:ااه حتا انا عييت مانفكر و ماوصلت لحتا نتيجة و الاهم لي زاد حيرني هو الوشم لي توهج
•معتز:بصاح عندكم الحق و الوشم تاواحد فينا ماعارف علاش و لا كيفاش تزاد بيه و البارح ثاني مرة كيتوهج حيت الاولى كان نهار ضهر تحولو لمستذئب و لي هادشي مستحيل عندنا يكون شخص عندو جوج قوى من جوج فصائل
•راضي:ااه حتا انا مافهمتش و لكن قيس متميز حيت قوتو تحررت و بانت منين كان فرحم امو الله يرحمها و دابا كولشي كيخاف منو و من قواه و ماعمر شي واحد تجرأ يقرب ليه و لا لعشيرتنا و لا فصيلتنا لي هي مصاص الدماء
•ماهر:كولشي كيسول علو نوع القوى ديالو و وشمو لي تزاد بيه و قيس بنيتو قوية و بزاف و حنا كلنا عارفين بلي بقواه او بدون قواه قادر انه يدمر اي حاجة و يعرف نقاط ضعف خصمو و حتا جسدو اسرع بزاف و هادشي لي مخليه متميز على باقي شباب جيمع العشائر و الفصائل و حتا دابا انا كنحس بطاقتوو و قوتو الهائلة و لي تزادت اكتتر ليوما
•عادل:و لكن لي البارح مابغاش يتفهم ليا انه هنا دابا ف ايام صيفية. لكن كيفاش ضربا رعدة قوية فجأة و حبسات بزربة و لكن الاهم من ذلك انا ماحسيت بحتا خطر و لو بسيط عليها انا مطمن 
•الجد:ااه بصاح عندك الحق ختا انا لاحظت البارح و لكن خاصنا نقلبو فالامر و نتحركو و كدلك نتوقعو اي حاجة(هدرو و كملو هدرتهم و خرجو من المكتب و دخلو للصالون و لقاو الجدة و بيركا و جوديا و الخدم كيقادو طبلة الفطور)


خرجو الاعمام و الجد من المكتب و اتجهو لطبلة الاكل الكبيرة الخاصة بالعائلة و لقاو الجدة و جوديا و بيركا يالاه جلسو و الخدم كيقادو الطبلة 
•الجد:صباح الخير ا كنياتي 
•جوديا و بيركا:صباح الخير اعمي(هضرو بإحترام)
•معتز:هه فينهم دوك الوحوش شتهم مابانوش هاد الصباح
•جوديا:باقي تاواحد فيهم ما نزل و قيس ماعرفتش حيت لا عارفو ممنوع علينا ندخلو لحناحو ف معرفتش 
•ماهر:ااه صافي شوية و ينزلو اجي واش عندكم شي خبار على جبران و رئبال و تامارا حيت البارح لقيت اتصالات بزاف ديالهم و لكن مني عيطت ليهم تاواحد ماجاوبني وخلعوني(هدر بهدوء و يالاه غادي يهدر الجد و هو يجي فهد و اصلان كيجريو من جيهة المصعد)
•الجد:اصباح الخير مالكم جايين كتجريو خلعتوني 
•فهد:فقت صباح ومشيت لجناح اصلان باش نهبطو بجوج وهويعيط لينا عاد دابا جبان راهم جايين (هضر و هوكيلهث)
•عادل:علاش مالهم ياك لاباش هوما عاد مشاو واش واقعة شي حاجة
•اصلان:معرفتش الواليد و لكن جبران قاليا بلي راهم براب و يبدرو گاع يكونو فالطريق هنا للقصر وًهما غادي يشرحو لينا كولشي(هضر بشوية و هدنهم و ماهي الا دقائق هبط امجد و الماس )
•بيركا:ولدي امجد فين هو قيس
•امجد:هدرت معاه و قاليا باغي يبقا بوحدو فجناحو عندوشي خدمة و تاواحد ميزعجو)
•الجد:اكيد كيفكر فداكشي ديال البارح ، و فينهوما هادو شتهم تعطلو (يالاه ايكمل حتا شافو جبران و تامارا و رئبال داخلين من باب القصر )
•الجد:اوا على السلامة بالحفايد و الهيت تگلب ولاو الكبار يساينو الصغار
•الجدة:ا ويلي الحاج تهدن
•الجد:ا سكتي نتي گالاك راه ماكاينش لي يخليك مهدن(بداو يدابزو هه و كولشي تزلع بالضحك)
•امجد:هههه ا دوك طومً و جيري بردو هه خليونا نشوفو جبران و البنات اش غادي يقولو(هضر بضحك و كولشي سكت و ركز فجبران زعما هضر)
•جبران:ههه ا بشوية عليكم راه خلعتوني بعينيكم (هضر و كولشي خنزر فيه)
•جبران:اوك اوك صافي مم مني وصلنا لليونان مشينا للقصر لي تما و رتاحينا و الغد كان احتفال خاص بالعشيرة ديال مصاصين الدماء اليونانية و (يالاه ايكمل و ههو يقاطعو قيس لي يلاه هبط)
•امجد:تامارا حتا نتفاهمو على داكشي لي درتي فاليونان قلتليك شحال من مرة بعدي منهم وبالاخص ديك البنت حيت فينما كتلاقاوكيديري شي كارثة واخا انا باقي ماارفش علاش و لكن غادي نبقا حتا نعرفو (هضر معاها بتحذير و شاف ف جبران لي مصدوم)تقدر تكمل ا جبران
•رئبال:واش انا تسطيت و لا حتا نتوما كتحسر بداك شي لي كنحنس بيه من جيهك قيس
•جبران:ااا اه حتا انا حسيت بطاقة رهيبة من جيهة قيس داباا 
•عادل:حتال من بعد و نفهموكم دابا كملو لينا 
•جبران:هاا اوكي ،مم مني مشينا للاحتفال من مور الكارثة لي دارت تامارا و قلبات الدنيا تما فجأة ضربات رعدة قوية بزاف و البنات صحابليهم انا لي تحكمت فالطقس و لكن..
•تامارا:ولكن ماشي جبران لي تحكم فالطقس و حنا مافهمنا والو(هدرات و العائلة تصدمو حيت نفس الشئ طرا عندهم البارح)
•ماهر:لاا ميمكنش هادشي يكون صدفة 
•رئبال:كييفاش اشنو كتقصد 
•فهد:لي بغا يقصد عمي ماهر انه حتا حنا البارح ضربات عندنا رعدة قوية بزاف و كنضن فنفس الوقت لي ضربات عندكم(هضر و تامارا و جبران و رئبال تصدمو)
•جبران:اوك خليوني نكمل،و فجأة خسينا تما بطاقة لي جد جد قوية و هائلة و البنات سحابليهم قيس لي جا و تبعنا و لكن ديك ساعة انا يالاه كنت قطعت مع قيس و كان فالمغرب يعني ميكنش يتواجد فاليونان 
•الجد:لا لا هادشي ميمكنش مستحيل تكون شي طاقة او قوة بحال قوة قيس و لكن ااا مفهمت والو(كانو. كيهدرو و قيس غي كيشوف فيهم ببرود )
•اصلان:وًحتا خويا قيس البارح طرات معاه واحد الحاجة لي فاجأتنا كاملين و غريبة
•جبران:اشنو كاتعني؟
•امجد:ممم البارح فاش ضربات ديك الرعدة مباشرة خويا قيس طاح الارض على رجليه و بدا كيزأر بقوة و فاش. قربنا ليه تصدمنا من الوشم لي تزاد بيه كان متوهج بزاف و كيبري (هضرات كتشرح ليهم و هوما عاد مازادو تصدمو و جابت ليهم مقتطف من كاميرات القصر لي فالصالون و صورو كولشي و وراتو ليهم و شافو كيف كان كيتألم البارح و قيس حتا هو شاف و زاد تعجب ولكن مابغاش يبين)
•تامارا:لا لا هادشي اكيد ماشي صدفة يعني كاينة قوة قيس الجبارة و كاينة قوة بحالها لي حنا حسينا بيها
•فهد:و مادام حتا نتوما حسيتو بيها و حتا. حنا و ضربات رعدة قوية عندنا و عندكم فاليونان ادا هدشي مؤكد انه حتا باقي العشائر و الفصائل حسو بيها(هضر بهدوء)


•بيركا:اكيد هادشي ماشي صدفة مم عندي فكرة حيت خاصنا قبل كل شي نتأكدو مم انا غادي نعيط لعشيرتي الخاصة بالاب ديالي "الاريك" الروسية و نسولهم واش حسو بشي طاقة لبارح غريبة و رعد و ممم نتي ا جوديا سولي عشيرة ديال باباك "اكاشا" الهندية و حتا نتي ا خالتي انتوالا سولي عشيرة راجل بنتك مارام عشيرة "الڤيرا" الرومانية على نفس السؤال و نشوفو (هدرات و مشات هزات التيلي و الجدة حتا هي هزات التيلي ديالها باش تعيط لبنتها و جوديا هزات تييلي ديالها تعيط للاب دايلها المسؤول عن عشرة "اكاشا"

من بعد دقايق سالاو الانصال كاملين و دارو عند الجد و الاعمام والشباب
•جوديا:قاليا بابا ااه حتا هوما حسو بنفس الطاقة و رعد و قاليا بلي يالاه كان غادي يعيط للجد الراضي باش يديرو اجتماع لگاع العشائر 
•الجدة :انا عيطت لمارام و حتا هي نفس الشئ و غادي يجيو الاسبوع الجاي باش تديرو اجتماع لكل العشائر بما انه الراضي هو المسؤول على كل العشائر
•بيركا:حتا انا نفس الشئ حسو بكلشي لي حسينا بيه حنا (تنهدات بتعب) دابا شنو انديرو
•الجد:ممم اوك نيت خاصنا نتجمعو گاع العشائر باش نديرو اجتماع و ماهر نتا غادي تتكلف بالدعوات الرسمية لي مختومة بالختم الملكي ديالنا وفيها دعوة خاصة على قبل الاجتماع ونبغي كل العشائر يحضرو بدون استثناء و كل افرادهم و عائلاتهم (هضر مع ولدو ماهر)
•فهد: اجدي راه مستحيل تلاقا تامارا مع العشيرة اليونانية و نتا راك عارف تامارا ماكاتحاملش مع بنات هاديك العشيرة ف كون متأكد بلي شي مشكلة اتطرا
•جبران:اااه حتا انا متافق مع فهد ف غير لغي گاع الافراد و خلي غير رؤساء العشائر هوما لي يجيو
•عادل:لاا ميمكنش ا جبران راه خاص من المهم كل الافراد العشيرة يكونو حاضرين و بالنسبة ا تامارا عافاك ابنتي منبغي حتا مشكل و الا ماغاديش تحضري الاجتماع
•قيس:الا ماحضراتش تامارا للاجتماع و ماحضروش خوتي و ولاد عمامي ف حتا انا ماغاديش نحضر و خاص كل العشائر الاخرى تحترم عشيرة ال "ڤولتوريز" و بزز متها و تامارا لرد من العائلة الملكية و ماغادي نسمح لحتى شي بنت المرا ولا ولد المرا يقلل من قيمتها وًلا من قيمة شي واحد فيكم ف من الاحسن انا ماغاديش نحضر حيت ايلا شفت شي خاجة ماكاتعجبنيش ماغاديش نتحك فراسي لدلك. انا و تامارا و رئبال و الماس ماغاديش نحضرو الاجتماع 
•معتز:تهدن ا ولدي قيس راك نتا خاصك ضروري تحضر حيت نتا ولي عهد مملكة و عشيرة ال "ڤولتوريز" و البنات غادي يحضرو
•قيس: انا و البنات ماغاديش نحضرو و لي تجرأ يوقف فوجهي و يمنعني يبان دابا و نشوفو(هضر بعصبية وكولشي سكت و حتا الجد داير ليه خاطرو حيت باغيه يتولى الحكم من بعدو حيت قيس رجل و اسد بمعنى الكلمة)
•امجد:اذا و بما ان قيس ماغاديش يحضر و انا و الدراري ديما مع بعضنا وماعمر كان قرارنا مختلف عن بعضو ف اذن حتا حنا ماغاديش نحضرو (هضر و شاف فدراري و ف قيس لي تبسم ليه)
•اصلان:حتا انا لي دارو خوتي انا معاهم 
•فهد:ادا حتا انا هههه بحالي بحال خوتي 
•جبران:حتا انا ايلا ماكانتش تامارا ماغاديش نحضر. ااا اححم كانقصد ايلا ما كانش قيس ماغادي نكون حتا انا(هضر بحرج و جوديا و بيركا تبسمو هه)
•قيس:ادا صافي و باش اميرات العائلة ميقنطوش ف وجدو راسكم غدا انشالله نمشيو ل ايطاليا (هضر وشاف البنات و هما فرحو و طارو عليه يعنقو ههه وجبران و اصلان كيخنزرو )
خرجو قيس و الدراري و البنات طلعو لجناحهم وبقاو غي الجد و الجدة و الاعمام و عيالاتهم وكيشرفو و فرحانين
•الجدة:الصراحة كنشوفهم هاكا متاحدين و متعاونين كنفرح
•الجد:اه بصاح عندك الحق انا فالاول تعصبت حيت قيس ماغاديش يحضر للاجتماع ولكن من بعد مني شتهم ولاو يد وحدة و رأي واحد فرحت و مابقا كيهمني لا اجتماع لا والو المهم عندي هو اسودي و لبوؤاتي احفادي القويين (هضر بإفتخار)
•عادل:حتا انا فاش كنشوفهم هاكا كنفررح
•ماهر: الحمدلله علىكل حال ،و دابا انا غادي نوض باش نقاد البطاقات الدعوات باش نسيفطهم للعشائر (هضر و استأذن منهم و ناض للمكتب)

🍂في ايطاليا في قصر حيدر🍂
نزلات ازرا كتفطر مع حيدر وليليا وهي كولها نشاط و حيوية
•حيدر:هههه صباح الخير ا اميرتي كايبان ليا فرحانة ههه
•ازرا:ههه ااه ماعرفتش علاش كنحس بالحيوية والانتعاش اول مرة نحس بيها بحالا تولدت من جديد ههه كنحس بقوة داخلية زوينة هه(هدرات وحيدر شاف ف ليليا و تبسم زعما التعويدة ديال واڤانا ديال الحماية مزيانة و حاميا ازرا)
•ليليا: اوا احبيبتي الله يخليك ديما هاكا و تزيدي لينا القصر حيوية ونشاط وجمال ههه
•ازرا:مممم بابا بغيت نطلب منك طلب
•حيدر:ممم آمري احبيبة ديالي 
•ازرا: ممم بعد غدا غادي يكون افتتاح ديال واحد المطعم هنا ف ايطاليا لي جديد و فخم وبغيت نمشيليه واش ممكن
•حيدر:ممم اااه احبيبة ولكن ماتعطليش و فينما نتصل بيك نبغيك تجاوبيني 
•ليليا:ااه و ردي البال لراسك و لكن بشرط لي گارد غادي يمشيو معاك على قبل الحماية
•ازرا:ههههه واخاا هه واخا ماعرفتش علاش هاد الخوف كولوو واخا انا ديبا عندي 20 عام و قادة براسي هه 
•حيدر:حيت نتي اميرتنا المدللة و طبيعي نخافو عليك 
•ازرا:هه الله يخليكم ليا (و ناضت عنقاتهم ههه)

🦅في قصر ال "ڤولتوريز"🦅
كانو مولشي مجموعين في طبلة الاكل و بحال ديما مشاغبة اصلان و امجد مع الجد هه و هدوء و برود قيس و نظرات اشتياق و حب و اعجاب و نار في كل فرد و همومو وافكارو
•الجد:ولدي ماهر واش تكلفتي بالدعوات 
•ماهر:اه الواليد راه سيفطت الدعوات لعشائر المصاص دماء و انشاءلله غدا غادي يكون اجتماع العشائر في العشية في القصر المخصص للاجتماعات و العشائر و معتزو عادل تكلفو بكولشي لي مخصص بالاجتماع 
•بيركا:ااه مزيان راه حتى عائلتي و عشيرتي غادي يكونو غدا هنا و اختارو انهم يجييو قبل موعد الاجتماع و يجيو عندنا القصر باش يشوفونا
•الجدة:اكييد ابنتي هاداك هو النهارالكبير لي نشوفو فيه عشيرة "الاريك" و حتى بنتي مارام غادي يجيو قبل و يجلسو معانا
•جوديا:للاسف عائلتي غادي يجيو مع الاجتماع نيشان هه و لكن ماشي مشكل غي يسالي الاجتماع نتجمعو و لكن خسارة قيس و البنات و الدراري ماغاديش يكونو ههه 
•فهد:هههه مرة اخرا انشالله امرات عمي غي متقلقيش ليا العمر هه
•ماهر:هاا و تا زير شوية و بعد من مراتي سير تزوج و ارا متغزل فمراتك
•جوديا:ا ويلي ا ماهر ههه بعد من الولد و نتا غي حاضيه ههه
•قيس:المهم غدا وجدو راسكم غادي نمشيو صبااح بكري و لي تعطل ميلوم في راسو و البنات بلا سهير باش غدا تفيقو بكرري انا غادي و ماغاديش نبات فالقصر صباح انشاءلله نجي (هضر و خرج من القصر)
•الجد:واش هاد الوحشماغاديش يشد الطريق راه والله حتو نوريه(هدر وكولشي تزلع بالضحك)
•اصلان:ههه على نتا تقدر عليه ا جدي هه تقى الله
•الجد:اهااه ولينا هنا كي القب كي السطل اهدر ا داك سفريط 
•جبران:واراه عندو الحق ا جدي هه قيس راه صحيح عليك هه
•الجد:هاهوا هادا تاني ناض ،كون جيتو ف ياماتي و تفرجو كانو كيموتو عليا دريات ههه(كان كيهدر و يفرنس و ماحس بالدقة منين جاتو)
•الجدة:يااك الحاج باغي تفقصني يااك والله لا بقات فيك(هدرات و دارت راسها تقلقات)
•فهد:هههه يالاه نهربو ا دراري بان ليا القضية نايضة فيها مطايفة عهه(هضر و طلعو هو و الشباب و البنات كل واحد لجناحو و بقا الجد كيحزر فالجدة حتا رطابت)


🍂🍂في قصر حيدر في ايطاليا🍂🍂
كانت ازرا فجناحها و حيدر و ليليا فالصالون لتحت كيهدرو
•حيدر: مصيبة و طاحت على راسنا(هدر بقلق)
•ليليا:ا ويلي اش واقع ا حيدر
•حيدر:مم البارح فاش انتاشرت قوة و طاقة ازرا كل عشيرة و كل فصيلة غادي يديرو اجتماعات و غدا المصاصي الدماء غادي يعقدو اجتماع و الاسبوع الجاي صنفنا ديال المتحولين حتا هوما غادي يعقدو اجتماع و انا خاص بزز مني نحضر لاجتماع المتحولين بصفي امبراطور عشيرتي 
•ليليا:و اشنو غادي نديرو ؟؟
•حيدر:معرفتش خاصني نفكرر
•ليليا:اجي نقولك ،ياك راڤانا قالت لينا بلي جيسكاو اصلو من مصاص الدماء يعني حتا هو يقدر يكون في اجتماع الخاص بصنفهم بما انه من العائلة الملكية ف هو مجبر انه يكون فيه ادا علاش حنا منمشيوش
•حيدر:واش حماقيتي ا ليليا راه حنا متحولين و هوما مصاصي دماء و اصنافنا فالقديم كانت ديما فالحروب و ماعمرهم تعايشو بسلام ادا مباشرة اننا نحطو رجلينا فوسط الاجتماع لي معارفينش شحال من عشيرة غادي تكون فيه ف غاديً يقتلونا حيت حنا غي جوج اشهاص و هوما كتار و كذلك انا ماعارفش حتا فين غادي يكون الاجتماع و لا اصل العائلة الملكية لمصاصي الدماء حيت ممنوع يخرجو معلومات على صنفهم و حتى. ايلا سولت ف غادي يسولوني علاش وانا اخر حاجة نفكرنديرها هي انني نعاود لشي واحد على سر بنتنا ازرا 
•ليليا:يعني كتقول صافي مبقا ف يدينا مانديرو و بنتنا غادي تموت و يقتلوها كيف ماكايديرو لأي مختارة قبل منها اهئ اهئ(هضرات ببكاء)
•حيدر:لا هادشي ماغاديش يطرا واخا نعرف حياتي كاملة و انا نقلب على جيسكاو و الا ناقدرتش نلقاه ف غاادي نبقاو هاكا نعيشوحياتنا عادي و نقولو ل ازرا لحقيقة و نعاونوها تتحكم ف قوتها 
•ليليا:لا لا اهئ اهئ ازرا ماغاديش تتحمل اهئ و راه صعيب تقول لبنت عندها عشرين عام ب ان حياتها كلها كذبة و بانها الحاكمة و المختارة وعندها رفيق هاص بيها و بروحها اهئ انا خايفة
•حيدر:متخافيش ا حبيبة كنواعدك انا غادي نحمي بنتنا لاخر نفس و غادي نلقا جيسكاو و ابتداءا من الاسبوع الجاي مور الاجتماع غادي نبدا نقلب عليه و بمساعدة. راڤانا حيت دابا خاصني غير نعرف شنو غادي يكون فالاجتماع ديالنا المتحولين ومن بعد انا غادي نتصرف

كملو هضرتهم و طلععو لجناح ازرا لقاوها ناعسة بحال الملاك ومشاوو اناجهو لجناحهم و نعسو على امل ان غدا يكون اجمل من البارح و تتبدل اقدار ازرا 


صباح جديد و مشرق على عشيرة ال "فولتوريز " يوم اجتماع كل العشائر 450 عشيرة مصاص الدماء و لي مترأسها الجد الراضي 

⚡️في القصر ال "ڤولتوريز" ⚡️
قيس عاد جا صباح للقصر و لقا العائلة مجموعة على طاولة الافطار و جلس و تعجب فاش لقا البنات و الدراري فيقين هه حيت كان يسحابليه ايصبحو ناعسين ميف العادة
•قيس: اش طراا ختا فايقين على الصبااح(هدر ببرود و هدوء)
•بيركا:هههه واييه هه انا براسي خلعوني ههه صباح كنت هابطة فالمصعد للصالون هه و انا نلقاهم كاملين واقفين و كيقلبو عليك واش جيتي هه 
•الماس:ههه اوا راه ايطاليا هادي و حلاوة السفر مع خويا قيس غييير ههه
•اصلان:ادا ا لالة الماس حنا غا متقلين عليك ،قيس هو المهم(هدر بإنفعال و سكت عاد وعى اش گال)
•قيس:بان ليا ا اصلان هاد ليامات بديتي تتسطى ا جمعع(هدر و خنزر فيه زعما شوف اش كتقول)
•الجد:اصلان بديتي تحس بجنابك ا وليدي نخاف علييك (هدر و كيقصد قيس)
•اصلان:ا غي ضاحكين ا جدي ياك ا الماس 
•الماس:ها اه اع ديما حنا كنضحكوو(هدرو بتوتر و بيركا و جوديا فاعمين الامر و كيفرنسو)
•قيس:يالاه لي سالا فطورو ينوض و وجدو راسكم دابا عندكم نص ساعة نلقاكم فالمطار و تماما حدا الطيارة الخاصة ديالي و لي تعطل غادي يبقا هنا (هدر وغادي اتاجه لباب القصر و رجع و شاف فالبنات) ااه و البنات نتوما يالاهو معاياا انا غادي نديكم معايا انا نتسناكم فالوطو برا متعطلوش(هضر وخرج واصلان و جبران خنزرو و البنات فرحو و طلعو كيجريو لجناحهم و قالو الخدم يهبطو لي ڤاليز ديالهم و هبطو و خرجو عند قيس كيجرييو)
•جبران:مررض كيداير حاسدني حتىف خليان دار بويا(هضرو هز ڤاليزتو واتاجه للباب و ركب فاللوطو الخاصة ديالو)
•فهد:يالاه ا اصلان هه كتبقاو فيا والله يالاه انا و ياك انمشيوف لوطو ديالي بلاما تسوق نتا هه
•بيركا:اوف عائلتي جاين دابا شوية و بنت خويا الارا غادي تجي حتا هيا و كانت باغا تشوف قيس و لكن نتوما دابا غادي تسافرو 
•امجد:بلاما تعدبي راسك مع قيس راه مستحيل شي واحد يبزز عليه شي حاجة و باللاخص ايلا كان الامر كيتعلق بالبنات هه انا علمتك و نتي تعرفي (هضر و خرج و خرجو باقي الشباب و اتاجهو للمطاار عند قيس و بقاو العائلة فالقصر)
•الجدة:ههه مارام قربات توصل تقدر ف اي لحظة تدخل و تكون هنا هي وعشيرة راجلها هه توحشتها بنتيً حبيبتي
•الجد:ناري متقوليش ليا غادي يجي معاها داك الصگع ديال ولدها نااري را انا منخوس ولله الناس كيعطيهم حفايد ضريفين و انا عاطيني الله وحوش مافقلبهمش الرحمة ويزيدوها بتخراج العينين(هدر و شوي ايبكي و كولشي بدا يضحك)
•جوزيف:ممم كنضن شي واحد جبدني (هضر هاداك الشخص و داخل مع باب القصر وحداه الام ديالو الاب و ختو و باقي عشيرتهم)
•الجدة:هههه ااي حفيدي الوسييم هههه توحشتك(ناضت الجدة و عنقات حفيدها جوزيف وبنتها مارام و راجلها)
•جوزيف:ههه انا توحشت جدي (هضر و مشا وقف عليه بحال الوحش ههه و الجد غي كيدور ف عينيه)
•الجد:هاااها مرحبا بيكم لقيتوني عاد كنسول عليكم ههه توحشكم(هدر بزربة هه و مولشي بدا يضحك)
•مارام:و انا ا بابا ماغاديش تسلم عليا(هضرات و مشات تعنقوو)
•فيليب(زوج مارام):ههه نهار مبير هادا حتا تشاوفنا من بعد غيبة طويلة ا نسيبي ههه(هضر و مشا سلم على الجد)
•جوزيف:مم فين الدراري و قيس مابانوش ليا و فين رئبال هاا(هضر و كيقلب بعينيه و عاد سوات نعاه اش قال ههه و حدر راسو)
•الجدة:هههه الدراري سافرو ل ايطاليا و معاهم حتا البنات و حتا رئبال هه
•فيليب:هلاش واش ماغاديش يحضرو للاجتماع
•ماهر:لا ماغاديش يحضرو و البنات و قيس بغاو يسافرو و الدراري حتا هوما مشاو
•جوزيف:خساارة كون جيت قبل شوية كون مشيت معاهم هه دابا القصر غادي يبقا خاوي
•جوديا:لا ماتخافش هه راه عشيرة بيركا غادي يجيو دابا شوية و غادي يكونو حتا الدراري ف غادي توانسو
•جوزيف:هاا. مم ااه انشاءلله(هضر و ضحك بزز حيت معندوش مع ...{غادي تعرفوه من بعد هه})
•الجد:ادا سيرو رتاحو راح جناح ديالولكم واجدين بحال العادة و مني يجيو عشيرة بيركا هبطو عندنا )
•مارام:واخا ا بابا(هدرات و طلعات هي و راجلها فيليب و ولدهم جوزيف و مشا مل واحد لجناحو)
•جوديا:صراحة قيس مزيان مني سافر و دا معاه البنات و الدراري و ايلا كانو غادي ينوضو المشاكيل ههه 
•بيركا: مممم ههه عشيرتي راها وصلات للمطار و قريب يكونو هنا ههه 


مشاو الدراري جبران و فهد و اصلان وامجد للمطار بسياراتهم الفخمة و كل شي كيشوفيهم و يصور فيهم حيت عائلة ال "ڤولتوريز" معروفة عند البشريين بشركاتها الضخمة و القابضة و زائد شركات ازياء ديال رئبال و سلسلات فنادق و زيد و زيد و زيد حيت كانت عندهم امبراطورية غنية معروفة عند البشر و لقاو قيس و البنات كيتسناوهم 
•قيس:عندكم الزهر كون تعطلتو جوج ثواني كون بقيتو هنا (هدر و قال البنات يطلعو هما لولين و عاد طلع هو و الدراري)


🍂في قصر ال "ڤولتوريز"🍂
كان العائلة مجموعين و وصلو حتا عشيرة بيركا مرات العم معتز و الكل فرحانين وبيركا عنقات ماماها و باباها و خوها و مراتو و ولادو 
•الجد:مرحبا بيكم ف قصري نورتوه نهار كبير هادا لي يتجمعو اباء عريساتي ههه
•بيركا:شكراا اعمي ربي يخطيط و يخليك لينا
•دافيد(اب بيركا):شكراا ملك راضي الشرف لينا تستقبلنا ف قصرك الفخم
•الجد:دافيد بلا رسميات نتا عارف ماكابغيش لي يعيط ليا هاكا شي واحد من عائلتي و لا اصدقائي
•جاك(اخ بيركا):فينهما الامراء و اللورد وولي العهد قيس ؟ واش ماغاديش يحضرو ؟
•الارا(بنت جاك)اه اه عمتي بيركا فين هو قيس !؟؟(هدرات بلهفة و جوديا و الجدة خنزو فيها و بيركا حشمات و جاك و دافيد تحرجو)
•بيركا:مم ولي العهد قيس و الامراء سافرو و فضلو انهم مايحضروش للاجتماع
•دافيد:و لكن كان ولي العهد قيس خاصو مهم يحضر كنقد وجودو مهم
•ماهر:نتا عارف طبع ولد خويا قيس و تاواحد ماكايملي عليه الاوامر
•اليكس(ابن جاك)مم واش حتا رئبال سافرات(هضر وكيقلب بعينيه)
•جوزيف:بلاما تقلب رئبال ماكايناش و هادشي مزيان ياك(هضر جوزيف لي كان هابط من المصعد هو و ماماه مارام و الاب ديالو)
•اليكس:اووه حتا نتا هناا ماكنتش متوقعك تجي(هضر و كيخنزر و جوزيف كذلك)
•جوزيف:ههه بان ليا نسيتي بلي انا غادي نكون رئيس عشيرة "الڤيرا" مستقبلا و نتا!؟؟(هدر و كيخنزر)
•اليكس: و حتا انا هو الرئيس المستقبلي لعشيرة "الاريك" 
(يالاه غادي يبداو فالمشاحنات كيف العادة فينما يتلاقاو ينوض مشكل و حاولو العائلة يلطفو الجو و مارام و بيركا اعتاذرو لبعضهم علا الدراري ههه
•الجد:دايفيد نتا ومراتك جناحكم واجد فممر الضيوف فالطابق الاول و جاك نتا و مراتك كذلك تقدرو تمشيوترتاحو فالجناح الكتاح ليكم فنفس الطابق و اليكس و نتا و ختك الارا حتا نتوما حناحاتكم واجدين تقدرو تمشيو ترتاحو و ايلا حتاجيتو شي حاجة كاين زر قريب للسرير ضغطوو عليه و الخدم غادي يجيو عندكم و فالعشية انشاءلله نتاجهو لمحكمة مصاصي الدماء على قبل الاجتماع(هضر الجد ر مشاو عشيرة الاريك يرتاحو و بقاو عشيرة ڤولتوريز و عشيرة الڤيرا)
•بيركا:ولدي جوزيف كنعتاذر على الهدرة ديال ولد خويا اليكس ماديش عليه راك عارفو كيتعصب
•جوزيف:غي علا وجهك ا مرات خالي مرة جاية نقسمو على 16 راه منحملش لي يقرب ليا لحاجتي(هضر بعصبية و الكل غي كيشوفو مافاهمينش علاش ديما مدابيزين)
•الجد:انا لي بغيت نعرف هو علاش فيما تلاقيتو كتنوضوها و بالاخص لاكانو حتا دراري كتولييو دايرين فراقي ديال الحرب ا ديرو عقلكم ا ويلي ناس عندهم خفايد و انا عندي وحوش
•الجدة:هههارا القلب ماكايشاورش الحاج(هدرات و غمزات ولد بنتها جوزيف لي فهمها)


🍂في قصر حيدر في ايطاليا🍂
كانو العائلة جالسين فطاولة الاكل حيدر كان كيهدر مع ليليا بشوية باش متسمعهمش ازرا
•حيدر:راني سيفطت جواسيس للاجتماع مصاصي الدماء و غادي نعرف تما شكون حاضر و كلفت الجاسوس يشوف ليا الشخص لي فصدرو وشم صقري و لي يقدر يكون جيسكاو لدلك انا كنتسنا بفارغ الصبر
•ليليا:اووك مريان ولكن ماخاص حتا واحد يسيق الخبار حيت الا مصاصي الدماء ساقو الخبار بلي حنا المتحولين سيفطنا ليهم جاسوس غادي يكون عقاب حيت ممنوع
•حيدر:لا لا متخافيش انا دارس الخطة مزيان يكفي غي ازرا فهاد الوقت متحس بوالو و نيت مزيان غدا ماغاديش تكون فالقصر و غادي تمشي للافتاتح المطعم حيت غدا غادي يجيو عندي شي عشائر و ختا الحاسوس لي سيفطت
•ليليا:اه الحمدلله جا الافتاتاح مع هادشي نيشان الحمدلله(كانو كيهدرو بشوية و ازرا هزات راسها )
•ازرا:ههه مالكم كتوشوشو تما هههه
•حيدر؛لا ا ميرتي غي كنهضرو و صافي ههه
•ازرا:هههه اوك انا غادي نطلع لجناحي حيت خاصني نهضر مع ليزا باش نشوفو غدا على حساب الافتتحاح انمشيو مجموعين (هضرات و طلعات)
•ليليا:الحمدلله مني هلينا ليرا تتعرف على ازرا و تولي صاحبتها و لكن نهاو لي تعرف ازرا بلي صاحبتها الوحيدة متحولة واش غادي تسامحها
•حيدر:اكيد غادي تسامحها مني تعرف تعرف انه درنا هادشي كولو لمصلاحتها(هضرو و بقاو كيفكرو فالاجتماع)

💕بعد ثماني ساعات في مطار ايطاليا💕
وصلو قيس و البنات و الدراري بعد ثماني ساعات رحلة في الطائرة الخاصة و اتاجهو لقصرهم لي ف ايطاليا و كل واحد طلع لجناحو يرتااح و البنات فرحانين و كل واحد و مشاعرو كينين مشاعر حب شوق غيرة اشتياق و غيرها من المشاعر


في المغرب داخل قصر داخل محكمة مصاصي الدماء لي كانت كولها لي گارد لي من اصل مصاصي الدماء و كانت كولها حراسة من برا و تاواحد من البشر ماعمرو دخل لهاد القصر او عوف عليه شي حاجة غير انه من ملكية ال "ڤولتوريز" لي كيسحابوها عائلة بشرية عادية طبيعية بحالها بحال گاع البشر

داخل قاعة الاجتماعات لي فيها كل عشائر المصاص الدماء و رؤسائهم متوسطين الطاولة و حداهم باقي افرادهم و ف اول الطاولة كاينين كراسي ذهبية فيها اسماء فيها الجد الاضي و اولادو وكاين كراسي اخرى ذهبية حداهم ديال الاحفاذ و كاين كرسي ملكي كبير مكتوبة فيه الملك قيس بالرومانية و لكن الكرسي ماعمر شي واحد جلس فيه حيت قيس ماكانش كيحضر للاجتماعات ابدا وهادشي لي هلا بزاف ديال الرؤساء و العشائر يجيهم الفضول و يتعرفو عليه دخلو عشيرة ال "ڤولتوريز و تسد الباب ديال القاعة معلن على ان الاجتماع بدا و كولشي كيقلب بعينيه على قيس و باقي الاخفاد حيت ماحسو بحتا طاقة ديالهم
•الجد:عارف انه اعلبية متشوق يعرف الاحفاذ ديالي و ديال عشيرتي و بالاخص ولي عهدي اللورد قيس و دابا كينين غير ولادي و لي هنا الدوق عادل ،الدوق معتز ،الدوق ماهر
و كنضن بلي من خلال الدعوة لي تلقيتو اكيد غادي تمونو عارفين السبب لي ستدعيتكمم عليه(هضر و كولشي مركز على هضرتو )
•رئيس عشيرة الهند(اب جوديا): اه. لورد راضي كنضن الاغلب فهم و الاغلب حس هاديك الليلة بقوة جد هائلة و لي كبيرة و ماعمرنا حسينا بيها 
•رئيس2:اااه حتا عشيرتي حسو بنفس الشعور و حسينا بالرهبة و الخوف حيت اول مرة نحسو بعاديك الطاقة لي غير طبيعية
•الدوق عادل:لذلك ختارينا نعقدو الاجتماع باش نعرفو لسبب و رأي كل عشيرة و باش نوجدو راسنا لاي سبب و اي موضوع لحماية نسلنا
•رئيس عشرة روسيا(اب بيركا):ااه حنا خاصنا نكونو مستعدين لأي حاجة و لكن كنضن انه هاد القوة لي حسينا بيها هي قوة خير وماغاديش تأذينا 
•الجد راضي:ااه ممكن
•رئيس3:احححم انا منين حسينا بهاديك القوة و الطاقة حاولت نبحت شوية و لقيت انه كانت اسطورة قديمة قبل ملايين القرون و السنين سميتها ولادة القمر و لي كتكون ف خسوف القمر لي كيجي خصيصا 21 سنة من ولادة المختارة لي اسمها ايفالوين لي كاتولد من الف سنة و كيكون عندها رفيق خاص بيها و سميتو جيسكاو و المميز فيه حتا هو كيتولد كل الف سنة (هضر بهدوء كيشرح ايهم و الجد و عشيرة ال "ڤولتوريز" تصدمو و كيفكرو بلي يقدر يكون الرفيق المختار هو قيس و لكن اكيد ماغادي يقولو والو لباقي العشائر حتى يتأكدو لدلك سكتو و فضلو انهم يسمعو)
•رئيس4:ااه حتا انا فايت سامع هاد الاسطورة و كان الرفيق المختار متميز بوشم صقري و اسمو جيسكاو و لي كيقدر يتولد بعد الف سنة و عندنا ففصيلتنا تاواحد ماتولد بشوم صقري لدلك كانضن جيسكاو غادي يكون تولد ف فصيلة اخرى من غيرنا(هدر و العائلة تصدمو حيت صافي تأكدو انه قيس هو المختار جيسكاو و شكرو الله على انهم ماعمرهم ماقالو لولى احد على الوشم لي تزاد بيه و دابا فضلو يسكتو حتا يشوفو واش هادشيً ماغاديشً يأذي قيس)
•رئيس5:و الناذر فالامر انه هاد النبؤة ماعمرها تحققات حيت كانو فينما كيتولدو جيسكاو و ايفالوين كل الف سنة كيقتلوهم و لا كيستغلو قواهم الهائلة لذلك ماعمرهم ماتاحدو بجوج 
•رئيس عشيرة الهند:مم لذلك خاصنا نتأكدو واش القوة لي حسينا بيها واش بصح ديال جيسكاو او ايفالوين و لا غي طاقة عادية عند الفصائل الاخرى(هضر و گاع العشائر وافقوه الرأي و كيتسناو الكلمة الاخيرة ديال الجد الراضي)
•الجد:مم اذا خاصنا نتأكدو من هاد الخبر و لكن بكل سرية حيت منبغيش باقي الفصائل يعرفو بالموضوع ديال اننا عرفنا الاسطورة و اكيد باقي الفصائل غاديً يكونو حسو بحالنا بالطاقة و حتا هما يقدرو يعقدو اجتماعات خاصة بيهم لذلك الاكر غادي يكون سري و غادي نبحثو فالامور و فالكتب القديمة الخاصة بگاع العشائر و القوى و الفصائل (هضر و كولشي وافقو الامر و هاكا ساا الاجتماع و مل عشيرة رجعو لبلادهم الخاصة بيهم و بقاو فقط عشيرة ال "ڤولتوريز" و "الڤيرا" الرومانية و "الاريك"الروسية و "اكاشا " الهندية اتاجهو القصر. ديال ال "ڤولتوريز" بطلب نن الجد راضي باش يعاود ليهم كرلشي على قيس حيت هوما مقربين منهم حيتاش عشيرة الاريك و اكاشا انسابهم و عشيرة الڤيرا نسابهم من جيهة بننتهم مارام


🦅في ايطاليا عند قيس و الشباب في القصر🦅
كان الصباح عندهم فاقو بكل حيوية و هبطو للصالون و قيس كان ديجا آمر الخدم يوجدو الفطور و جاو باقي الشباب و جلسو كيفطرو
•الماس:خويا قيس انا غادي نخرج انا و البنات ندورو شوية و نديرة شوبينغ
•اصلان:ماغاديش تمشيو بوحدكم انمشيو معاكم(هضر بغضب و قيس خنزر فيه)
•قيس:اصلان هاد الليلة تاواحد فيكم ماغادي يخرج بوحدو حيت عندي دعوة خاصة لافتتاح سلسلة مطاعم ديال واحد الشريك ديال عمي معتز و خاصنا كاملين نحضرو على وجه صورة و مكانة عمي و العائلة (هضر و الشباب كولهم تحمسو)
•تامارا:اووه مزياان ولكن واش كاينين مصاص دماء و لا متحولين و لا بشر ولا شنو
•قيس:معرفتش يقدر يكونو گاع الاصناف و البشريين اكيد ايكونو فبلاما نوصيكم و بالاخص نتي ا تامارا وجدو راسكم بكري باش فالليل نمشيو و انا غادي ندخل انا و فهد و اصلان و جبران نتا دخل معا ختك رئبال و نتا امجد غادي تدخل مع خواتاتك تامارا و الماس اوك (هضر و ركزنضرو مع اصلان و جبران و ناض خرج من القصر)


🍂🍂في المغرب في القصر ال "ڤولتوريز"🍂🍂
كانو مجموعين الاربع عشائر الڤولتوريز و اكاشا و الڤيرا و 
الاريك و جالسين مجموعين فالصالون الكبير لي فالقصر
•الجد:صراحة بغيت نهدر معاكم و بما انكم نتوما العشائر لي قريبا ليا و حنا نسائب فنفس الوقت ف مبغيتش نخلي عليكم
•رئيس اكاشا:اش واقع ا لورد شوشتينا؟؟
•عادل:لي بغا يقول الواليد انه الاسطورة ليً هدرنا عليها فقاعة الاجتماعات راها حقيقية و النبؤة ديال جيسكاو و ايفالوين تقدر تتحق 
•رئيس الڤيرا:كيفاش اش متقصد ا ولدي عادل
•جوزيف:اشنو بغيتي تقول ا خالي !؟؟
•ماهر:بغا يقول بلي جيسكاو هو قيس (هدرات وً كرلشي تصدم)
•اليكس:وو اش قيس قيس؟ يعني قيس لي كنعرف واش قيس ولد خوك عادل (هضر بصدمة)
•مارام:و لكن قيس ولد خويا ماعندو حتى وشم من الولادة و لا كنتو مخبيين عليا حتا انا 
•بيركا:ااه قيس ال "ڤولتوريز" و سمحيلينا و لكن راه ماقدرتا نقولو لحتا واحد على الوشم(هضرات و شرحو ليهم كولشي من نهار حس بالالم و توهج الوشم و الرعدة و وراوهم الكاميرات لي صورو داك نهار و كرلشي تصدم)
•رئيس الاريك:يعني قيس هو المختاار جيسكاو!! هادشي غادي يخلينا اقوى فصائل و نسل فالعالم حيت الاسطورة غادي تتحقق من نسلنا حتا و لي هو مصاص الدماء(هضر و كولشي فرح حيت المختار هو من نسل و فصل مصاصي الدماء)
•الجد:لاا ماشي غي مصاص دماء بوحدهم(هضر و العشائر لرخرا مافهمو والو)
•الجد:مم قيس هجين مصاص دماء و مستذئب
•مارام:لا ا بابا ميمكنش يكون قيس هجين حيت خويا عادل و مراتو الله يرحمها من سلالة مصاصي الدماء و سلالة نقية ملكية يعني مستحيل ولو واحد فالمية يمون قيس هجين(هضرات كتفهمهم)
•الجد:لا ابنتي مفهمتينيش مم قيس مني مامت عندو 14 عام تحول ل مستذئب فيوم ولادة القمر و كنضن هادشي مرتبط بكونو جيسكاو و احتمال كبير يكون تخرل فنفس النهار لي تولدات ايڤالوين المختارة الحامية(هضر وكولشي زاد تصدم و علامات الدهشة و الخوف عليهم)
•رئيس اكاشا: ه هادشي كيعني ان قيس هجين و لاول مرة مصاص الدماء و المسذئبين غادي يتاحدو؟
•جوزيف:ااه من بعد گاع سنوات و قرون الحروب لي بينا و بين المستذئبين قيس هو لي غادي يوحد مابين السلالتين هادشي مزيان 
•رئيس الڤيرا:حنا دابا عارفين انه قيس من اصل مصاص دماء و تحول و زادتو قوة المستذئب اذا شنو تقدر تكون سلالة ايڤالوين المختارة؟؟
•رئيس االاريك:الاسطورة كتقول انه من المستحيل يكون جيسكاو و ايفالوين من نفس السلالة يعني مستحيل تكون مصاص دماء او مستذئبة
•ماهر:اذا هادشي كيعني انه ايڤالوين المختارة تقدر تكون من سلالة المتحولين او السحرة او الاشباح او يمكن تكون هجينة صنفين (هضر و كولشي تصدم)
•الارا:ههه واو يعني قيس ماغاديش يقدر يتزوج المختارة هه(هضرات و كولشي خنزر فيها و هي تكمل)مم قصدت حيتاش حنا اعداء للمتحولين و السحرة و الاشباح ادا مستحيل يتخرق القانون
•الجد:و متنسايش انه قيس ولي عندي و مالك گاع العشائر من بعدي و ايلا بغا يبدل القانون يقدر يبدلو بسهولة و تاواحد مايمنعو و نتوما عارفين طبايع قيس وكذلك كيفما ولينا حتا و الاشباح مسالمين بواسطة هجونة قيس ف بإمكاننا نوليو مسالمين مع السلالات الاخرى(هضر الحد بحدة و الارا سكتات و بيركا تحرجات من بنت خوها و هدرات)
•قيس:و حنا ديما مع قيس و ف اي خطوة و ف اي قرار قيس بحال ولدي و عزيز عليا بزااف و منسحمح لحتا واحد يوقف فوجهو و لو يكونو عائلتي لدلك الارا حتارمي حدودك(هضرات مع الارا و عشيرة باباها و الجد و عادل و زوجها معتز تبسمو ليها و افتاخرو بيها انها دافعات على قيس )
•الجدة:و زايدون حنا غادي نقبلو بلي ختارها قيس واها تكون من اي سلالة ماكايهمناش المهم هو انه تاوحدة ماتبزز راسها علا اللورد قيس(هضرات و هي كتشوف ف الارا و هو ينوض جوزيف كيحاول يلطف الجو)
•جوزيف:صافي ا جدة متقلقيش و نتي عارفة قيس ماكايبغيش الحاجة لي مبززة عليه لدلك متخافيش و احسن كنك غادي تكون ديال عائلتك هههه
•الجدة:و نتا امتاش ناوي تجيب عروسة ههه(هضرات و غمزاتو)
•جوزيف:غير يبعدو عليا شي وحدين و غادي نجيبها بالخاطرو لا بزز(هضر وكيخنزر ف اليكس)

✨في قصر حيدر ف ايطاليا✨
كانت ازرا نشيطة و دوشات و لبسات حوايجها و قادات حالتها و شدات حدا قلبها و كتتنفس بشوية و كتحس بشعور غريب دفئ امان و عجبها الشعوور و غمضات عينيها و شادة حدا قلبها و شوية بدات كتسمع صوت داخلها بحالا كيقول {جيسكاو جيسكاو} و هي تحل عينيها بالجهد و تنهدات و خرجات الافكار من راسها و قالت انه غي كتوسوس
جبدات واحدالكتوبة كانت خباتهم كانت واحد نهار فالقبو ديال القصر و لقاتهم و كانو ديال الام و الاب ديالها و خداتهم و خباتهم فجناحها و دابا جبداتهم و سدات جناحها اتوماتيكيا و حلات بداو كيخرجو شرارات من واحد الكتاب كان مصور فيه صقر و جناحين و هي تخلعات و سداتو بزربة و مارداتش البال لغلاف لي فيه الصقر و الجناحين و بالزربة رجعات الكتوبة تحت سريرها و خباتهم و ناضت و حسات بطاقة زوينة عجباتها و هبطات للصالون و لقات عائلتها جالسن
•ازرا:صبااح الخير يا احسن ام و اب فالدنيا هه(باستهم و جلسات تفطر)
•حيدر:هههه شفتك فرحانة هه
•ليليا:هه ختا انا هادشي لي بان ليا
•ازرا:غير متحمسة باش نمشي للافتتاح ديال المطعم و راه غادي تمشي معايا ليزا 
•حيدر:ااه اوكي و لكن حتا لي گارد غادي يمشيو معاك
•ازرا:واخا ابابا حبيبي هههه

🌑🌑🌑🌑🌑🌑🌑🌑🌘🌑🌑🌑
وصل الليل في ايطاليا و ازرا جات عندها صاحبتها ليزا و كيوجدو راسهم و لبسات ازرا كسيوة قصيرة فالاسود و بينات جسدها مزيان و ليزا لبسا حتا هيا كسييوة
**للتذكير:ليزا متحولة و تقدر تشعر بقوة المتحولين و مصاصي الدماء و لكن ازرا ناعارفا والو عليا
•ليزا:وااه جيتي كاتحمقي ا ازرا وااو لي شافك غادي يدوخ معرفتش علاش حتال دابا باقي مامرتابطاش هه 
•ازرا:شكرا ازين ديالي حتا نتي جيتي فنة و بالنسبة للارتباط هه ماعنديش مع لخوا لخاوي و داكشي ديال البراهش. ههه و دابا يالاه راه تعطلنا (هدرات و و هبطو للصالون ديال القصر و لقاو حيدر و ليليا)
•حيدر:اوووهً اميرتي طالعة فنة ليوما ههه (هضر و باسها من جبينها )
•ازرا:ربي يخليك ليا ا بابا يالاه هاحنا غادي نمشيو(هدرات و حيدر و ليليا غمزو ليزا زعما ردي ليها البال و كل مرة غادي يعيطوً ليهم و خرجو البنات و ركبو فاللوطو ديال ازرا )


🦅عند قيس و البنات و الشباب🦅
كان قيس و الدراري جالسين فالصالون لتحت و كانو بكل فخامة و وسامة كيتسناو البنات لي تعطلو ،و شوية و هما يتمو هابطين بكل اناقة 
•اصلان: الماس اش ديم اللبسة طلعي بدليها(هدر بغضب و هو يخنزر فيه قيس)
•الماس:مالها لبستي عادية و شكون نتا لي تقوليا بدليها اخويا(هدرات بحدة حيت ماكاتحملش لي يآمرها ،لو مانقتلها بشوية مون بدلات)
•اصلان:الماس شحال من مرة كنقوليك انا ماشي خوك نتي عندك خوك واحد و لي هو امجد و انا ماعندي حتا ختي
•قيس:اصلان حتارم راسك شوية و ممنوع ترفع صوتك على بنات الڤولتوريز 
•اصلان:دبرو راسكم انا غادي نسبقكم للافتتاح(هضر بعصبية و خرج من القصر)
•قيس:متقلقيس ا الماستي نتي راك عارفاه كي داير و ديري بخال خوك غوت عليك
•الماس:وا ماشي خوياا يااااه(هضرات و شوية و تبكي و خرجات للاب كتسنا خوها امجد و ختها تامارا و كولشي كيضحك)
•رئبال:هههه ياك هي لي قالتلو خويا هه وا الله يجعلني نفهم هه(هضرات و كل وحدة شدات فخوها و خرجو و ركبو فاللوطو ديالهم و اتاجهو للافتتاح)

يتبع...