أولاد الوازنة الجزء 78

من تأليف Sousou Idrissi
2020

محتوى القصة

رواية أولاد الوازنة الفصل الرابع أحفاد الوازنة

....و انتهت العطلة ! وانتهى الصيف، ذكرياات و ساعات سعيدة ، و ابتداء الموسم الدراسي و احفاد الوازنة كانو مستويات لي فلافاك و الثانوي و الاعدادي و الابتدائي ، بداية من اولاد نبيل واقفين فالباب تينتظرو نبيل يخرج طموبيل، التوام عندهم زي موحد للمدرسة و نعمة بطبلية ..ركبو و صمت تيغلب على طابع الجو

نبيل : من اليوم طرونسبور يرجعكم !

نعمة : تيكون عامر ابابا

نبيل: جلسب حدا خوتك آبنتي! وقتي مع الخدمة صعيب رجعكم

يوسف : آهااانية الواليد

نبيل: ( وقفت امام مدرسة دارو عندو هاز صبعو بتحذير ) انتتت بذااااات دير عقلك

يوسف : ( هز محفظتو ) واخة ابابا

...حرك راسو نبيل بلا حول ، نزل معاهم تادخلو ، زكريا شاد فيديها اما يوسف مع دخلة مشى تيجري عند اصحاابو ! شهر دبا على بداية الدراسة تقريبا القسم كلو مصاحب معاه ..دار محفظة على ظهرو وطالع القسم مع دراري، من ملابسهم ذات ماركة واضح مستواهم معيشي ، دخلو القسم لي كان الاستاذ مزال مادخل

يوسف : اااا دراري و البنات شووووت

الكل: اااه / ههههه / وكول كول

...طلع فوق طبلة و رمى شكارة و بدا يتبومبا و يحرك يديه و راسو بحال أصحاب رابوورر و بدا يرابي و تلاميذ غادين معاه فريتم

يوسف: حمد الله آمْ ساااين

الكل : يااااااااس

يوسف: تيراااااش تيرااااش !! سييير شري القرعة ماااايجييييكش لعطش

الكل : تيرااااش راااش تيراااش

...للحظة لي تلميذ فيهم شاف استاد جاي عطاهم تصفيرة كلها شد بلاصتو و يوسف مايتفراقش مع زكريا ..جلس تيحرك رااسو مع موسيقى لي لاصقة فبالوو، بدات الحصة و الكل منتيه االا هو لي جابد سلوكة و يقاد فيهم

زكريا : والله تنكولها لبابا

يوسف: ( شاف فيه ورجع شاف فاستاد ) فرونسي هدا

زكريا : لعشية نقول بابا يهضر مع مديرة ينقلك من هاد القسم

يوسف: صاااافي هانا نقرااا ..

...شخصية يوسف كل مرة تتزيد توضح ! كل ماهو نشاط و ضحك آتيه بيه عكس زكريا لي جدي ! اما نعمة من داخل قسمها فوق منتبهة للدرس للدرجة زميلتها كلماتها جوج مرات ماجاوباتش ..

اللاستاد : ( تيقرا لاليست و بدا يفرق عليهم اوراق ) هاد الاخبار عطيوهم والديكم يشوفو نشاط لي قريب ليكم

نعمة خدات ورقة بدات تتهجة وتقرا ..اول ماقرات المسرح و الرقص قلبات عينيها للانشطة تالية و تبثث على الحساب دهني وناضت عند إستاد

نعمة : ( بجدية ) استاذ شرح ليا هدا !!؟ هو رياضيات

استاد: نعمة !! شفتي الأنشطة اخرين ؟

نعمة : ( فقط حركت راسها ) صمت

استاذ : الحساب دهنى ! هو برنامج دولي معتمد ، فوائد ديالو الدقة بالحساب و التركيز و الانتباه و ملاحظة و الاستماع و تدقيق ..

نعمة ...تنهدت ماكرهتش استاذ غير يبقى يهضر ! كل هو دراسة و رياضيات قراب قلبها ..رجعت مكانها تتنتظر ترجع للدار تخبر نبيل يقيدها ...هكدا تتمر الساعات دراسة و الباقي عند زاينة مع مؤسستها لي حاطة فيهم حسام فمؤسسة اخرة و عمر معها ...بتوقيت مستمر للرجوع للبيت مع ثالثة بعد ظهر ..

يوسف: ( رمى شكارة فالباب ) وااااااا ماااامااااا ..

فطوش : اهيا اولدي نقص من غوات ، ماماك راها فالحانوت

زكريا: (سلم عليها و سلم على الوازنة ) بابا مزال ماجا ؟

الوازنة : مزال الحبيب ! غسلو يديكم واطلعو تغداو

نعمة ..مراشقاش لها اتسلم ، غسلو يديهم و طلعو كوزينة وفطوش تتحط لهم الغدا و غير يوسف لي تيغني و يهضر ..بعد الغدا كلها دخل بيتو الا زعيم لي_طلع لبيت فوق فين حاط قشو بدل يخريق و يخربق حتى تزلعت كولا و مد يديه هز توب بان ليه فجنب و مسح يديه و داز تيمسح بيه داك حديدة من لاكريس ..تا سمع صوتها

نعمة : انا غادي نقول الحقيقة

يوسف: اشمن حقيقة!؟

نعمة: ( هزت توب لي رمى ) هدا راه قفطان ماما

يوسف...خضار و صفار ..تشوكا تيشوف فثوب و بدا يويل

يوسف : بااااش نعرفووو قفطان ! انا خيااااط ؟

نعمة : ( حطاتو) صمت

يوسف: ( عنقها ) ياكا خيتي ماتقوليهاش ماما ؟

نعمة : انقول الحقيقة ربي مايبغيش كذوب

يوسف : الا جرات عليا ؟

نعمة: ( خافت عليه ) واخة

..هز داك ثوب لاوحو لواه فميكة و لاوحو سطيحة فوق و نزل هو اختز ماسح السما بليكا ...تادخل نبيل سلمو عليه و اقطعو الحس متلفين الوقت حتى سمعو صوتها تحت

اسماء : هاااي فتيات

فطوش: المسسخ


....بعضر الاحيان فصغرنا تنديرو زبايل و حنا وزهرنا واش الزبلة تفرش ولا ترجع من اسرار ! دوزو عشيتهم بخير ! و الايام تتوالى ...و ليس بعيد عليهم عند زاينة الحال يشبه فتربية الاطفال كدالك..الصباح اليوم الاحد ناعس فصالون حداه قرعة الما و تلفون واحد للحظة تلفونو تيرن لكن نعاس غلب عليه تاناضت هيا جاوبات فتحت الخط

محسن : ارااامووس اصاااحبي نوض راه مدرب محيح

زاينة: صباح الخير اولدي! لاعبين كرة اليوم

محسن : ( بحال خويتي عليه سطل الما ) ااه خالتي لاعبين...

..للقب جديد من بعد #ولد_كابو ! لقبوه #براموس علا لاعب الاسباني معروف براس المطرقة فيقاتو غير ضرباتو فيقة ناض بسرعة

زاينة : مدام عارف عندك ماتش ديري غيفيل

زياد : واخة ! ( هز ميني فوت تيلبس توني )

زاينة: نوجد لك الفطور؟

زياد: ( حرك راسو بنفي ) عطيني الفلوس اماما

زاينة : اشمن مناسبة !؟

زياد: تورناوات بالفلوس اماما

زاينة: تما علمني البارح؟ زايدون انا سمحت ليك بالتمرينات ماشي ماتشات ..

زياد : ( حنى راسو تيلبس ) واخ صافي ..

..خرج تيمشط راسو مع صوابعو تا سمع نوصير نازل تابعو بالحفا و مخسر فملامحو مد ليه الفلوس

زياد: ( متنع ) بلاش ابابا

نوصير : حضي راسك و افطر اصاحبي

...عارف موقف زاينة ماماه من الكرة! مرات تتتخاف عليه من شغب كروي ومرة من انه يهمل دراسة! زياد من الشباب المستقبل لي للرياضة مرساتو فالحياة ، شاف دراري فالفرقة ديال الله يحسن العوان ، شاف دراري لي نقطعو على كرة و التجأو للبلية ، مدرب فمقام اباهم قبل اي حصة تيعطيهم درس .. لهادا اللحظة لي تتهدأ فيها زاينة تيهضرو و يعاود ليها! لكن تتندمو لانه فالاخير تتقلب عليه..وصل الراس دري لقى محسن ودراري و تمو شادين طريق للتيران شراو لفطور تياكلوه فطريق ...بداو تمرينات وتسخينات

مدرب: زياااااد !

زياد : ( زاد فجرا ) صمت

مدرب : ( ضرب محسن براكيطة ) حرجت عليك بطاطا

محسن : لالا داير ريجيم! ماكاين غير تفاح

مدرب: مال #زياد طافي ؟!

محسن: ( حنى راسو ) اوالو اساااد ..

مدرب : عرفتو نشم ليكم ريحة مشاكل يااا بيماااني تنحضر اباك و هو نوصلها لداك #لاجودان اعمو

محسن : اوالله اساااد ماكاينة شي حاااجة ..

..الماتش تلعب ! الفرقة ضد فرقة ...لكن للاسف فرقة زياد اتقصاو ، كرة هيا هاادي ..جمعهم مدرب وبدا فتعقيب

مدرب : باااااش تكون كواايري ؟ خاااصك تكون مسؤول قدام صحتك ! ( اشار عيونهم ) تلفووونات و سهييير و مشروووباااات االكواايرية كيلو تقطططع

الكل : نعم

مدرب : راااه باين لي داخل بلياقة بدنية و ببباين لي دايوو نعاااس ! زياد ميتة ليك المراة ؟

زياد: الا ساد شوية تعب وصافي

مدرب : مرة جاية ماغاديش نتعاتق ! اربعا لونتريمون كولشي يكون حاضر كرة فالحومة تحبس

الكل : واخة اسااااااد

....فعلا كان تعب نهال منو ! للعب بتلفون لعب ليه على عصب ! رجع الدار دخل دوش و خرج بيت نعس هو تيسمع تاني زاينة تتغوت

نوصير : حطييييه ازاااينة حطييييه

زاينة: هزو من هنا

نوصير : ( جمع وقفة ) ماتهناي تانخوي ليك هاد الدار

..حوار داير عللى ميزان خاسر ، هبط حطو تحت وطلع اليوم احد لي تيرتاح فيه ماهو فراحة ، وقت اخرى ماتحصلش على نوصير نهار احد، لكن صحة تتعيا و الدماغ تيرجع يبحث على راحة

حسام : ( مد ليه تفاحة ) قالت لك ماما هاك

نوصير : شي حمار مات فدوار

حسام : واش منخرجوش ؟

نوصير : سير شوف مع الوزارة

..غادي وعمر تابعو رامي خلفة ، دخلو عندها كوزينة ..

حسام: ماما نخرجو

زاينة: قولها باباك

حسام : قالك اه

زاينة : هو قالها ليك ؟

...السكر يركبو ! شد خوه خرجو عند نوصير لي من شوفة فهمهم ، ناض تاني ياخد بخاطرها و دخلو لبسو و هزو اولادهم يتلفو الوقت اما زياد عاطيها نعاس ...

زاينة : شفتي هاهو يمرض ! كن راه معانا

نوصير : زااااينة ! خليني مني لييييه

زاينة: هداك راه ولدي كبير و رووووحي وماقاسيت عليه فصغر ! خايفة عليه

نوصير : ربي لي تيحضي آ زاينة ! زيار تيجيب ضغظ و ضغظ تايجيب البلاوي

حسام: واش مانمشيوووش اباباااا

نوصير : ( تيقلدو ) آنمشيووو ! ( دار باس عمر ) نمشيوو البطل

عمر : عان عان

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.