...كل دلع و انوثة خداتها ، ادا كان لقلب يليق بيها فيها بنوتة عسل ، تتسمع اغنية فيوتيب و تتمايل بشعرها اسود و خصرها نحيل ..كل ماهو رقص و دلع و ابتسامة تتحبو و شعارها للونها البامبي ..
امير : كولي
جنى : ( تتضحك و حروف لي هزاتهم من شعرية حروف كلاتهم ) اهمممم
أمير : باش تغسلي سنيتانك
جنى : ( بغنج قلبت عيونها ) اوووكي
...عزيزة عليه مقطرة ليه من عينين، وقت الغدا عندهم مغيث تيكون فالسفارة و ليالي تتحضر حصة اليوكا تيبقاو فدار مع مربية و خدامة ، عيشتهم جميلة و فااخرة لكن الغربة رجعت موضوعهم الوحيد لي شاغل بالهم ....الوقت تيمر بسرعة و كلها فبيتو امير جدي بالدراسة عكس جنى لي طال نهار مع مرايا و ملابس و اكسسورات ..
..حلمها تكون الاميرة ! هدا عادتو فاش يرجع مع العمل يوميا يجلس معاهم و يسألهم على أحوالهم كي دوزو نهارهم ، دخل عند القاه على سجادة تيصلي رد الباب بهمس ودخل بيتو خدا ليه دوش و جاس يرتاح على ما ترجع ليالي ...بعض الأحيان اولادنا تياخدو طبعنا فالمعيشة ، مثل مغيث #ليالي حياتهم معيشتهم مهدنة ، بحكم الغربة ازدادو جمعة مع بعضهم ، امسيتهم تتمر فالسلام ، رجعت ليالي لي دخلت كوزينة مشهية حريرة وجداتها بيديها مع مقبلات و الخدامة تتعانوها تاحطت العشا و تجمعو عليه
ليالي: ( تقهرت ) تاهنا تقدر تقرا تخصص الطب الأسنان
اميرر : ماما و الله مابقيت حامل هاد البلاد
جنى : ( بغنج ) مي تووو ! توحشت كولشي المغرب
مغيث : شوية الصبر ! مايمكنش ليا بيه ليلة ونهار نهز راسي من هنا ، من هنا عامين على ماتاخد الباك يكون إنشاء الموضوع نتقال تحل
ليالي: سي با اوبليجي نتقال ! تقدر تغير منصب السفير
مغيث: ( بهدوؤ ) ليالي الناس تيزيدو القدام ماشي العكس
ليالي: عندك حق
امير : عامين نقدر نصبر ابابا!
مغيث: ضروري تصبر اولدي! لمصلحتنا كاملين ، ماتنساوش من هنا شهور يكون عندنا ضيف جديد
جنى : ( بفرحة ) بيبي بووووي ( ولد )
ليالي: الا كانت بنت ؟
جنى : انا بخانسيس بوحدي لدادي .
امير: ( خربق شعرها ) مهم يكومن خونا ولا اختنا
جنى: ( قلبت عينيها ) عاارفة ..
مغيث : ( شاف ساعة ) يلاه وقت مشى ..
...الوقت هو الوقت، لانهم صباح بكري تيبدا عندهم النهار ، كلها مشى بيتو ونظف و يلبس بيجامة ، برتوكول عاشوه من صغرهم، اما مغيث كل ليلة مع اخوتو مساجات او مكالمات يطمن على الوازنة و عليهم...
ليالي: ( نعست حداه ) طاطا بخير ؟
مغيث : ( عنقها عندو تيقبل كتفها ) صافا حمد االله
ليالي: ماكرهتش نولد فالمغرب !
مغيث : ( تنهد فوق كتفها ) امير باغي يمشي فرنسا ؟ نتي باغة المغرب اكيد جنى تبغي تمشي معاك ! انا مانقدرش نسافر لا حاليا لا م ن بعد ! ماتتفكروش فيا ؟
...و هكدا الايام ! لي تدير اليوم يدار غدا ! الا فالعائلة القباج لولدها البكر #لاجودان دائما تغيير الاوقات و الايام بحكم خدمتو ..مرت الايام ووجات عطلة اولى للدارسة ..صابحة ناعسة فبيتها الجو بارد وصوت قطرات الشتا تتزيد تخليها تكمل نعاسها حتى سمعت حسو و جرت عليها الغطا
براء : رووروووو
رؤيا : ( دموع تيحبسو لها ) براء خرج عليا خليني نعس !
براء: ( تلاح حداها مدوش ) نوضي نفطرو اصاحبتي ! راه يشدني توحد فهاد دار
رؤيا : ( تتزيد تغطا تدفى ) بابا ناعس ؟
براء: باك فلابريكاد من بارح ! نوضي نفطرو
ررؤيا : ( ناضت بعكز ) اففف توحشت ماما
_ ناضت حمام غسلت و خرجت فتحت سرجم بيتها و رتبت الغطا و تتشوف فارجاء بيتها بان لها منظم ، خرجت الكوزينة لقات خدامة تتعجن الخبز و تتنصب طاجين، صبحت عليها و بدات توجد ليه كريب معمر بالبنان و فريز و نوتيلا ، هدا براء من صغرو مولف يرغبها تصاوب ليه هاد شهيوات عصرين ، وجدت طبلة و تتحط كل حاجة كان خديجة كاينة، من صغر تعلمت تاويلها و تنظيمها غير الخبز تتقطعو بديكور خاص اما كريب تتقدمو كانك فمسابقة طبخ ، جلست هيا وياه تيفطرو
...تعنقو و يرجع ليك تعنيقة ؟ صعيب تيحس كانه تيودع شي احد ! او تيبان ضعيف ! اما الغوات و ضحك بضرب عندو مرحب ..لبس جاكيط و خرج يتمشى ، دار فاش تتنقص فيها خديجة لي طلعت تازة زيارة مستعجلة بسبب مرض باباها او غياب رؤيا تيقنط ..اما رؤيا طلعت بيتها شعلت بيسي تتلف الوقت حتة رن هاتفها غير لمحت اسمو بتسمت ..
يعقوب : فيها الخير ! شنو مسالية ناقشو شي موضوع الا جات على خاطرك ؟
رؤيا : شمن موضوع!؟
يعقوب: لي حب خاطرك ! اهم شيء كوني معايا راه نتي ونيسي ارؤيا
رؤيا : شنو بان لك ناقشو موضوع الغربة ؟
يعقوب: ( سكت ) رؤيا ؟ عندك شي حاجة باغة تقوليها ؟
رؤيا : ماتاخدش فخاطرك اوك ؟ غير قضية الغربة تاتجيني صعيبة
يعقوب: مانغطيش الشمس بالغربال ! الغربة قاصحة ، انا طامع فيك نخفوها على بعضياتنا اروروو
رؤيا: ههههه براء هو لي خرجها عليا
يعقوب: الله يخليكم بعضياتكم و يخليك ليا ..
..طول المدة هما اتصالات و مكالمات ، صور و مساجات ، كانت علاقة عن بعد ناجحة ، ناجحة بصدقهم و اخلاصهم ، هو عندو فقط هيا !و هيا عندها هو فقط ..لا علاش طلعتي vu ولا علاش اون لاين ؟ ولا علاش بلوكيتني ...هاد المدة قرباتهم بزاااف و بزاااف ، درجة رجعت عرفت عليه صغيرة و كبيرة هو كداك . و تمر الأيام! و تمر الشهور...و مر #عام و العام تاني على ابواب انتهاء ..
.....الاحفاد في نمو ! لي كانو بارح اطفال اقلبو على سن بلوغ ولي بلغو ؟ زادو ذروة رجولة ، و الاطفال صغار اقبلو على عمر زهو اما للعروسة فاهي عروسة .....نع فصل صيف العائلة تتجمع ، الخبر الجيد ان مغيث رجع للمغرب فمنصب بالسفارة و تهنى من الغربة ....
مغيث: ( جالس فبيت متكي ) ليااالي
لياالي : وووي مغيث
مغيث : شنو نمشيو دبا !؟
ليااالي : نوض هضر مع جنى! قالك لي غادي دير العروسة ديرو حتى هيا
مغيث: ديرو لها خاطرها وصافي ! ( هزو ولدو صغير ) داادي
ليالي تتشوف فيه بحب ! قربت تتبوسو و هو مبتسم ليه بعيون كبيرة
ليالي: عبد الله ! احبيبي
عبد الله : ( تيتحشى فمغيث ) داااد ..
مغيث : ( عنقو ) شكون تيحشم شكووون ؟
...طفل رزقو بيه بعد انتظارو شهور ! اثناء الزيارة للطبيب مع الطب الحديث توضح ان جنين تيعاني مشاكل ، مرت فترة الحمل ببساطة الا ان اتت الولادة ...
🔙🔙🔙
...مغيث : ( قبل راسها ) على سلامتك احبيبة
ليالي : ( بتعب ) فين البييبي !؟
مغيث: مع دكتورة ! حمد الله كولشي مزيان
ليالي: ( بدموع ) ولدي ماشي نورمال ؟
مغيث : ( عنقها جنب قبل راسها ) ولدنا هبة من عند الله ! ولدنا عادي ! يكون عادي عدنا
ليالي: ( الدموع حارين ) ولدي و من قلبي و روحي ! ( بعيون حائرة ) متلازمة داون ؟
مغيث : ( عنقها تيقبل رأسها ) حمد لله على كل شيء ، ولدنا عندو متلازمة السعادة
لياالي : ( بحرقة عالية ) الله يقدرني نربيه كيف اخوتو!
مغيث : آمين ! ديما تفكري قول حمد الله كثيرا
ليالي: حامداه و شاكراه ربي رزقنا اللهم ملك الحمد ليه
مغيث : نختارو سمية !؟
ليالي : ( بدموع ) فخاطري سمية قريبة لقلبي طول االحمل
مغيث : ( تفكر الاسم ) عبد الله ؟
ليالي: نعم ! عبد الله
🔚🔚
..طفل اتزاد بمتلازمة داون! او متلازمة سعادة، راس كبير نوعا ما و عيون كبيرة ! طول مدة استقرارهم فجنوب افريقيا هما مع الدكاترة تيشخصو حالتهم، مغيث و ليالي تعاملو مع فلذة كبدهم عادي، الخبر جيد لن طفل ليس من اطفال داون ذو حدة سلبية ؛ لا مرض فالقلب ولا سرطان ولا مشكل تنفس فقط يكون عندو تأخر فالتعليم و لكن جانب الجيد ان عبد الله هو قطعة قلب تضخ العائلة بالسعادة، هو روح قلب باباه و ماماه و امير وجنى ! طريقهم مزاال طويلة مع عبد الله لان اطفال دوان تربيتهم خاصة و صعيبة و تتلزم بحث
ليالي : غادي نمشي عند خديجة العشية رجع
مغيث: اوك ( تينادي ) جنااااا ! جناااا
جنى : هانا داد !
مغيث: اتمشي مع ماماك !؟
جنى : ( قلبت شفايفها ) نمشي عند مامي تيتا
ليالي : ماتمشيش تشوفي رؤيا ؟
جنى : هيا عروسة انا الا !؟ بغيت حوايجها
مغيث: ( تيضحك مع عبد الله تيضخك معاها ) دادي شفتي لابخانسيس اختك تتغوت
ليالي: ( هزت صاكها ) مغيث الا بكى بزاف تصل بيا احبيي
مغيث : غير جلسي فخاطرك ! شوية امير و يعقوب وباباك و يكونو عندي نتجمعو شوية
لليالي : اوك بيبي ..
..تتبوسو ووتعاود ! و الشيء الوحيد لي بارع فيه عبد الله هو الابستامة ساحرة ! و عناق دافئ ..خرجت هيا بنتها راكبين سيارتهم متجهين عند خديجة ، مرتاحة برجوعهم المغرب بعد فرحتهم ببكالوريا امير لي حصل على نقطة مشرفة، عبد الله غير فيها بزاف ، زادها صبر و رجعت عندها دنيا صغيرة و تقربت من طريق الله لكن مزال مامقتنعة بالحجاب...
أولاد الوازنة الجزء 79
محتوى القصة
التنقل بين الأجزاء