أولاد الوازنة الجزء 80

من تأليف Sousou Idrissi
2020

محتوى القصة

رواية أولاد الوازنة الفصل الرابع أحفاد الوازنة

...عامين مرت بسرعة ! الفرق ان أحفاد زادو طولة و وسامة و شقاوة ، الحدث البارز هو العرس رؤيا ، العرس لي منتظرينو عامين و لي وفى يعقوب بانتظارو ليها هادي اول خطوة تتاكد انه _فعلا شاريها و هاد عامين ايضا فضل ماينزلش مغرب لان عارف ان لاجودان ماغادي يخليه يختلي بيها ولا يشوفها خارج اطار العائلة بلا عقد ، كان وصولو بأسبوع قبل للمغرب و نزلو مع العائلة للكازا نازلين فدار رشيظ وغيثة ..فرحتو لا توصف هو تيشهد عرسهم

ام يعقوب : اشاوا خويا رشيد خاصنا رجعو عند الناس ؟!

رشيد: العشية انشاء الله ندوزو ! ياك تاريخ العرس مقرر اولدي ايعقوب

يعقوب : ( بتباث ) عللى تسير الله ! نهار تمنية فهاد شهر !

غيثة : الله يكمل عليكم اولدي ، مابقاش بزاف اذا ؟

الام : اوا علاين ! اوا الالة غيثة نتي مانتخيروش قدامك ، نتي تشوري حنا نفذو

غيثة : بنت خديجة راها بحال حفيذتي ، دوك الناس ماتيغرهم مظاهر ولا نفقة زايدة اهم شيء المعقول ولكن البنت متاتخيرش تاني نعملو لي تيدار و بزايد

الام : هانتي فهمتني ! فاش خطبنا اباها قالك لا كلام على صداق ولا جهاز

رشيد : اواقال معقول ! من آخر ديرو لي تيدار ها الوقت مناسب

غيثة : اوا صافي ! جهزوها و عطيو صداقها و ذهبها و العرس انا ماعرفتش واش تفاهمتو على مصاريفو

يعقوب: انشاء الله الا قبل سي فاروق انا مكلف برؤيا بكل الحاجة

رشيد : شوف اولدي! تاهو تايبقى اباها ، انت تكلم معاه و ناقشو و القرار تيبقى ليه فااخير ..

يعقوب: ( عنق امو ) كما تتقول الواليدة غادين مع الساهلة

الام : ( طبطب على فخدو ) يرضي عليك و يكون منك الزرع وزريعة ..

...جلستهم كانت مشاورة! و كدالك على العائلة لي عاد تحضر منها اذيب و مراتو ريم اولادهم و عائلة لي فمراكش ، وصلت العشية و ركبو فسيارتهم مرو عند مغيث لي جلسو معاه شوية و كل واحد فيهم يهز عبد لله و يمدو لاخر تانعس فيديهم و فاخير خرجو متجهين لعند لاجودان لانه هادي وقيتو من خروج من العمل ..كما العادة تقضاو ضيافة و يعقوب حاط لي كاضو رؤيا فالكوفر ! عامين من شوق و الهيام ، عامين من مكالمات و مساجات و حب عن بعد ..وصلو الفيلا بعد ترحيب الحار و الاستقبال جلسة فصالون مجموعين ، الغيبة طالت و السؤال عن أحوال تيكثر ، ضايفاتهم خديجة و فاروق مجمع مع رشيد و يعقوب لي عيونو تبحثو عليها ماعندو جهد يتلكم ..الصالون كان فيه كل الوازنة و ليالي و خديجة اما زاينة فدارها مشغولة و اسماء فالمحل .

رشيد: اوا سي فاروق اش درنا ؟

فاروق: ديران د الله ! شوفى امها و صافي

مغيث: آش كلتي اختي خديجة !؟

خديجة: كل الخير ! لي مناسبكم راه هو هداك

الام ي : اوا سي فاروق بالنسبة للصداق البنية ؟

فاروق: ( حنى راسو مزير ) الشريفة دبا البنت رجعت ابنتكم انا ماتنبيع ما تنشري ، الجود جودكم

خديجة : ( بصوتها رزين و رقيق ) الله اودي الحاجة نتما مالين الخير ! صداق كتبو ربي يحلل زواج اما الفلوس تتمشي ووتجي مدايم غير الوجه بنادم و تعاملو

غيثة : اوا رؤيا توززن بالذهب و قليل و يعقوب الله يكملو بعقلو على التعامل لاتوصيش ..

يعقوب : ( بهدوء نطق ) ماقلتو عيب ! بالنسبة المصاريف العرس

فاروق: العرس مقيوم اولدي على اية الحال

يعقوب: ضروري اسي فاروق نتكلف معاكم، حتى انا عندي العائلة اتحضر و الرجل هو لي ينفق متافق معايا ؟!

مغيث: مدام العرس مشترك شوفو حل وسط

فاروق: الله يصاوب ! شوفو مع خديجة

الوازنة: الله يرضي عليكم اولادي و يكمل عليكم


...شوفو مع خديجة! سولو خديجة ! هو لي عليه عاطيهم ضو االاخضر ! يعقوب حرر شيك بمبلغ لي شافو يوالم لكل مصاريف و مدو الام ديالو لي مداتو خديجة و عنقاتها تايتباركو بيناتهم ، الصداق حلال لكل عازبة وليس عيب انه يتشاور فيه او يجس نبض الوالدين العروس لكن كلها واصلو و معدنو ....و على اذان المغرب ناضو يصليو الرجال فخرجة بان لهم امير مع براء و جنى و عبد الله جالس معاهم تيضحكو ..كملو الصلاة و رجعو جلسو فانتظار العشا

يعقوب: سي فاروق بالنسبة الوراق لي رسلت ليك الواليدة العقد زواج ؟

فاروق: كولشي واجد! النهار العرس بذات تعقدو الا كتاب

مغيث : الله يسخر ؛ شنو ديرو فالوراق ؟

يعقوب: بمجرد نعقدو نرسلو للقنصلية ندير تجمع عائلي ياخد شوية الوقت انا نكون هنا حتى تاخد فيزتها

مغيث: كاين حل انني نسرع لها فيزا سياحية انت تما اعلن على تجمع عائلي

يعقوب: و عليه ( بابتسامة ) ادير فيا اكبر خير

فاروق: خاصها باسبور ! غدا نطلعو ليها

يعقوب: رخصة سياقة تنظن خداتها

قاروق: وي ! مي شوية تتخاف فصوكان

مغيث: صوكان خاصو زعامة

رشيد: شوية بشوية! اما قضية فيزا سياحية اتنقص عليك وقت بزاف

الام ي : وفين لالة رؤيا !؟

خديجة: هاهيا نازلة ..

..خرجت طالعة عندها تافتحت الباب لقاتها جالسة متوترة!

خديجة: نوضي احبيبة نزلي تسلمي!؟

رؤيا: ( رجعت مزنكة ) ناري نحشم اماما ! كولهم مجموعين فصالون واحد؟!

خديجة: مجموعين ابنتي! نزل خلاص تسلمي راه رجعو عائلتنا دبا ..

....العامين لي مرت زادت جمال و شعرها زاد طوال ، جامعاه لابسة كسيروة صيفية سامبل و مريحة بريحتها ، داخلة بالحشمة و السر ، سلمت على غيثة و عكوزتها و مدات يديها لرشيد و سلمت على مغيث بالوجه و مدات يديها ليعقوب لي حرارة بيناتهم وصلت الأربعين..

يعقوب: ( بعيون مبتسمة ) السلام عليكم رؤيا

رؤيا : ( حشمت ماجاوباتش حنت راسها لفاروق وخرجت ) يا ربي على حشمة

خديجة : ( تبعاتها ) ههههه ايوا يوا هادي هيا توحشت يعقوب

رؤيا : ( بعيون لامعة ) ويلي ماما عرق عرقت و الله ! يكون تقلق مني ماجاوبتوش زعما ؟

خديجة: رسلي ليه مساج!

...بقات مع اولاد عمها تاحطو العشا للكبار عاد حطو لهم ، حتى بان لها يعقوب دخل عليهم سيجور

يعقوب: بصحتكم

اميرر : يعطيك الصحة ..( نغز براء )

براء: الاااي الله يعطيك صحة ااا اااخويا

يعقوب: الله يحفظك ( حط حاجبو ) رؤيا تقدري تجي معايا نعطيك شي حاجة !؟

رؤيا: ( مسحت يديها ) واخة

...خلات براء مخنزر و اميرر غمزو بمعنى راه راجلها ، و كملو طريقهم خارجين الجردة باتجاه السيارة فتحها وهز ساشيات و وقف قدامها اياكلها بعينيه

يعقوب: ( مد ليها ساشيات ) هادو دياولك !

رؤيا : ( بفرحة ) ميغسي

يعقوب: عامين ونا نتسنى هاد اللحظة و سلامك كان بارد مانستاهلش كلمة على سلامتك !؟

رؤيا: ( بخجل ) غير سمحلي حشمت قدام لافامي ! علا سلامتك و فرحت بشوفتك

يعقوب : ( مد يديه شد يديها بحب ) انا اكثر ارؤيا ..

...تلبكت حرارة طلعت معاها و تراجعت خطوة تتشوف وراء هو مخليها على خاطرها

يعقوب: رؤيا ! راه كلت لبابك باغي نهضر معاك

رؤيا: ( خرجت عينيها ) بصح ؟ ماقال والو ؟

يعقوب: ( مبتسم ) دبا نتي محسوبة عليا

..فتح باب سيارتو من جهتهها ركبت هو ركب من جهة فولون و مع ليل غيرر ضو لي مشعول فجردة ، تبث شوفتو عليها للدرجة نزلت راسها بخجل

يعقوب: هانا لالة مانشوووفش فيك

رؤيا: ههههه ( حطت يديها وجها على تتضحك ) صبر وصافي

يعقوب: ( بنظرات حب ) نصبر و نزييد نصبر ، تشوفي شنو جبت ليك ؟

..حركت راسها و بدأت تفتح الهدايا ، اولى كانت مجموعة عطر و كريماتو ذات ماركة عالمية و تاني مجوهرات من ماركة شانيل كل بواط مكتوب عليها تاريخ عيد ميلادها

رؤيا: ( بفرحة عامرة ) شكراا بزاااف سي جونتي

يعقوب: ( مبتسم للكلامها ) كل آنيفغسيغ تنشريهم و بغيت نعطيهم ليك انا معاك

رؤيا: ( لبست خاتم من مجموعة ) زوين !؟

...شد يديها بروية وحنان تيشوف فخاتم لي زين يديها و نزل قبلهم و هيا تزنك ليه تاني تاهز راسو قبلها جنب فمها و مر لوذنها ببااحة رجولية نطق كلمة لي هزت كيانها

يعقوب: تنتسطى علييك ارؤيا !

....ختمها بتاني قبلة ، جاوباتو بخجل الشديد ، خلاها علة خاطرها و نزلت مودعاه هازة لي كاضو دياولها و ضربت دورة فجردة على ما تنفس مزيان عاد دخلت بحالها طالعة بيتها ..

يعقوب : ( تبعها بعينيه ) الحبيبة ديالي...


...وما أجمل الحب وهو حلال طيبا عن تفاهم و مباركة العائلة ، الايام مرت كلها فالتوجاد للعرس ، و خديجة دار عندها عمرت بالعائلة و عيلات اولاد الوازنة لي معاونيها ، كولشي معربن واجد ، العرس يتقام فالقاعة بأوطيل معروف و احسن نكافة تنكف ررؤيا و طريطور مكلف خديجة تتختار الاحسن لابنتها و الافخر ليها بمساعدة ليالي و اسماء وزاينة .....وجاء اليوم المعهود ! يوم العرس و الفرح و البهجة و صدق من قال الدار البنات خالية ..من صباح العرس من داخل بيتهم فالبيت تتوجد ملابس وكل مايخص لان الليلة العرس تاتحس بيه بين جانبها

اسماء : يوسف خرج عليا اتلفني

يوسف: ( هاز جيل و تيشير بيديه ) ااقادي ليا تشويكة الالة اسوم

اسماء: قسما بالله ماتخرج عليا تانوريك اسوم

يوسف: زوين عندك هاد صاك فيه صقلي

اسماء: ( طارت هازتو ) كنت نساه

يوسف: فين جبادوري

اسماء: ياك تللبس كومبلي ؟

يوسف : ( واقف تيقلد شعرو ) آتاااروح العروسة

اسماء : ( بلوكاها ) عارف راسك اش تتقول ؟

يوسف: ( هز راسو بتفهم ) لميمة لي تتكول ( هز جابدورو ) ها هووو تفركيس تاني ؛ فين بلغة زيواني

اسماء: ( عصبها ) ناااااابيييييييل و اااانبييييييل

يوسف : ( حط داكشي خرج نازل تاضرب فنبيل ) آبابا ماما شافت سراق زيت

نبيل : ( شدو من قرفادتو ) زيد طلع نوريك سراق زيت! لاامك
تتخاف ابعدا منهم ..

..داخل مدخلو فيديه و هيا تتجمع حوايج طالقة شعر لي ضربت ليه صبغة مع كيرااتين و سبا للجمسم و لصقا صفار لابسة كسيوة قصيرة ..طلعها و هبطها

اسماء : هدا راه مابقاش تيسمع هضرتي !

نبيل : آش دار ؟ ( خنر فيه ) آش درتي؟

يوسف: ( تيقاد فشعرو ) كالت ليا اجي نقاد لك شعرك( تيشرح بيديه ) قلت لها العرس بليل ماشي دبا

اسماء: ياك !؟ انا لي ؟

نبيل: ( بصرامة ) شد قنت وريح ولا نبدا بيك هاد صباح ...

..خرج نازل عندو خوه لي تيلعب مع رؤيا سطرنج ومعاهم جنى لي مصاحبة مع نعمة

يوسف : ( طل على طابلو سطرنج ) شكون خاسر ؟

جنى: ( هزت فيه راسها مرايا فيديها تتهضر يتقالة بانجليزية ) يوووسف جيب ليا بنانة بليز

يوسف: كداير هاد بريز لي بغيتي ؟ عندي بزاف

جنى : واااات ؟ ( شنو )

زكريا: واش ماقاريش لونجلي ؟

يوسف: ( بفهم ) ااااه لونجلي! انا تافاكيت تامع اعراب بقى غير لونجلي ..

نعمة: ( عينيها على لعبة ) جيب لها بنانة

يوسف: ( شاف رجليها ) مالك محنية بالخواض ؟ نوضي جيبي بنان راسك

جنى : شوونوو الخواض ؟

يوسف: ( هزت يديه ) اناا ماعرفت المييمة لي تتكول

.....داك البنانة والله حلفو لا جابها ليها ، جلسو مقصرين للعب! و اسماء كملت جميع ..

نبيل : ( حرارة شداه ) شنو تلبسي ؟

اسماء: ( تتدهن يديها ) تكشيطة

نبيل: شمن لون ؟ وزيف

اسماء: بيج و زيف دوغي

نبيل : اري ندهن ليك يديك ؟

اسماء: فوقاش تمشي عند خوك ؟

نبيل : جوايه طناش ! ( جرها حداه وهيا تتمسح مامسوقاش ليه) جيتي زوينة

اسماء: حيد يديك ( هز يديه شوية ) راه البس تكشيطة و ندير زيف و ناقاد راسي ..

نبيل : اهااااا ! ونت مووت آنبيل ،

اسماء : ( قلبت عينيها بملل ) ياك انا مراتك ؟ مات اولادك ؟ اوا راه ماحيدني ليك احد

نبيل : ( جرها باسها فعنقها ) حنا كلنا اسماء تكبر و تحجب و دير داك للباس او واسع ، و تخلي وجهك طبيعي

اسماء: ( تهزت شوية طلقت ااه ) انشاء الله

نبيل : ( حط يديه على صدرها تلمسو ) ماتلبيسيش شي حاجة مزيرة ؟

اسماء : دبا تشوفها ! وسعة فمرة

نبيل: ( شدها نعسها وهيا تتدفع فيه ) جلللسي لهنا نشوف

اسماء: نببييل ماتزيدش فيه

قرب لها مزيان ! هو يلاحظ حواجبها مقادين وهيا تقلب ليه برادة

نبيل : لي فراااسك تتديريه ؟ انا رجعك طريق صحيح ونتي تتعوجي

اسماء: وااامااانتفااااش ! مرضتيني فحيااااتي

نبيل : علاش تتكذبي ؟

اسماء فقصها و طرطقها ...شداتو من يديه نوضاتو بالكوو تاضربت فيها شمس وهيا تشير باصابعها للحواجبها

اسماء : هداا سميتوو تشقير ماشي ناتفة !

نبيل : ( قرب ليها تيتاكد بان ليه شعيرات زوعر ) اااه ! ( نزل راسو لوجها تتسوط و باسها فمها ) تنغير ! تنغير من حوايجك اماشا

اسماء: كبرني فوقاش بغيتي و صغرني قوقاش بغيتي

نبيل: على حساب افعالك ..

...كاين بعد ازواج يخليوك تاللحظة حاسمة لعراضة و يدير لك العقدة فمنشار ! لبست جلابتها و شال و هز هو صيكانهم لي فيهم حوايجهم و خرجو من دار ركبو فسيارة باتجاه الفيلا فاروق! اما زاينة بايتة تما مع اولادها واليوم كولشي مجموع لان العرس ليلة ، العرس تيحتاج العوين و مساعدة ...

نبيل: انا نكون مشغول نتي فين تكونو غي فالفيلا ؟

اسماء: نمشي مع رؤيا سونطر و من تما القاعة

نبيل : اوا دراري!؟

اسماء : هاهما مع اولاد عمهم و نعمة لي ماتبغيش تمشي

نبيل: مهم عيني عليهم خلي تلفونك و كثري تاني احمر و اخضر

اسماء : انا اسماء لمنوني ! شعاري هو ليموني ...

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.