درس جديد فالحياة تعلماتو جميلة واللي هوا المضاهر الخداعة وبيع الاوهام وسوق النسخ وبزااف ديال الخبايا .. رجعات للاوتيل باللي وكلها حماس بطا عليها فوقاش ترجع للمغرب وتبدا . شدات واحد القنت فوق الفطوي جامعة رجليها وغاطسة فتيليفون وعقلها خدام ... العزيمة والاصرار والحماس والطموح وهدفها فالدنيا كبير ..باغا توصل باغا تشهر باغا تكون الافضل ..تفرض الوجود وتفرض احترام الناس بنجاحها بقدرتها وقوتها كأمرأة حيت عارفة الحقيقة المرة ديال المجتمع .. كيتحتارم فقط صحاب الدرهم ودات المتاصب العالية ... فتجمعات فخرجات فسهرات فجميع الاماكن يحتارموم على لباسك على شكلك على شحال فجيبك على شنو راكب .. هادي حقيقة لايمكن نكرانها ابدا. حلات حساب جديد باسم جوليا لوكس وبدات تجرب وتقلب على شي صور ليها .. اخترت فقط الصور اللي ذات قيمة وغرور وكبرياء. هادي صايكة فيها مرسيديس وهادي جالسة فيها فكاط كاط .. هادي فماربيا كدير المساج وهادي فشومبر بالبينوار ابيض قدام مرايا ... جميع صورها كدل على الرفاهية والمال .. بعد ما نزلاتهم جلبو ليها بسرعة البرق متابعين ونزلات هي على جميع الفاشينيسطات واصحاب الحسابات الكبرى والبنات والفنانات والماركات العالمية .. ترفعات مابقاتش كتعقل على كرشها .. الجوع فيها وناسية راسها حتى عمراتو وهنا بدات البلية كتسرا ليها فالدم .. دور دور وطل شكون دخل عندها .. شكون دار لايك شكون دار كومونطير ... كل مرة طل على الحساب وتحط صورة للتباهي .. ناضت بلا عكز جلسات قدام المرايا بداك الكولون والديباردور .. عوجات الكاكسكيط ودارت دوك النضاضر اللي عطاوها .. يحلف عليهم الواحد حتى اوريحينال .. ريحة النسخ مافيهمش ابدا .. قدات رجليها قدام المرايا وخدات صورة ليها بابتسامة وطريقة جدابة وبدات طرطق فالتصاور وتحط كتبين الحوايج وتباها ودخلها التحدي مع الفاشينيسطات واخا حسابها فيه مئة شخص فقط لاكن كلاوها جنابها كل مرة طل على حساباتهم كتلقا مليون متابع .. جوج دالمليون متابع .. 500 k .. بقات تندب وتلوم فراسها .. اويلي فين كنت انا عاد طفات عليا الشمعة .. فين كنت ما درتش هادشي من شحال هادي . تحلو ليها لعينين على ميدان جديد وادمان جديد وبدات دور وتقلب وتعلم وحاضية التعاليق .. بغات توصل دغيا وطلع دغيا وتشهر بحالهم حتى هي وتحداهم كاملين لاكن كفاش ؟ صعيب وصبرها قليل كفاش غادي دير طلع .. حمات فيها البيضة وبداها الستريس مقاتلة حتى طاحت على مسابقات وهي تنوض كتجري للبالكون عند مهدي اللي جالس كيشرب ويتسنط لعضامو بالو مع الطموبيل اللي تخشات فالبوطو . بحال السراق زيت طارت عليه بحماس وجلسات حداه دوخاتو بالهضرة
جميلة: بغيت ندير حتى مسابقة بغيت نربح شي واحد امهدي
هز حاجبو: نوضي ت**** ربحي عا كرك
جلسات ليه على فخدو : ولااا بغيت ضاروري نعمر الحساب بالناس شوف شوف شوف هادو شحال عندهم ديال الناس شوف كي دايرين وشنو كيلبسو وكيسيفطو ليهم حتى لكادويات
رد بعصبية: مال ديلمك مخصوصة !! جالسين فاوتيل سانك ايتوال وسط البارصة فقلب سبانيا كما جالسة نتي !! تعاندي مع هادوك
مهدي: كيحواي هادا .. سيري قلبي عليا هاد الساعة الله يسهل علك
ناضت كتنفخ وتسوط من حداه نقطة ديال الصبر ماعندهاش .. هزات تيليفونو مشات تقابلات مع المرايا دايرة الاشبهار لتيايفونها فيدها وخدات سيلفي معاه ومشات لكوكل هزات صورة ديال نوع الهاتف ديالها بكارطونتو وجمعات الصور بجوج فصورة ومشات كدور وتقلب على شي صفحة .. بقات تسيفط ليهم وتعاودو ماردو عليها حتى سخفوها .. قبلو يدخلو معاها فالكيفواي غير هي وهما فقط وبعتات ليهم الصورة وتلونصا الاشهار وجلسات مخرجة لسانها كتفرج فالناس كيتجارارو داخلين كيتسابقو والحساب كيعمر حتى وصل 50ك فليلة .. صبحات عليه الصباح لقات مية ك مع الحلة دعينها جرات تيليفون وتحلو عينيها بالفرحة وتقلبات على مهدي كتجر فيه وتفيقو .. باقي متحلش عينيه عنقاتو وقالت
جميلة: افف هننهن ... هانتا اجي نصور اليدين ونبقا مرة مرة نحط شي حاجة
تنهد وجرها من يدها : زيدي تحركي نتي راك واااحد بنت **** انا اللي عارفك وشي نهااار غنحط لمك فيديو تما ديال ل*** انا وياك ماشي غا صورة واقلللبي عليا ... غطلعي تا للسما ديك الساعة طلعة وحدة ... باغا طييير تحركي
جرها داها وهي هازة يدها فالسما ماعياتش بالتصاور وصدعاتو كل مرة صورني .. مرة يزيد ويخليها مرة يصورها تصويرة فلو .. مرة يشد فيها النص حتى كتبغي طرطق وكطرطق ليه مرارتو معاها بقوة الاعادات .. غاديين ومدابزين على التصاور ماتهنا حتى حيد ليها تيليفون خشاه فالجيب وخلاها كتنقز وطلب وترغب غييير طل .. غير تشوف شكون علق وشحال لايكات وصلات .. صعرات عليه فاللخر كأنه حيد ليها الكارو من فمها ماقدراتش تصبر بغات تموت ودارت ليه الشوهة فالزنقة باش طل بقا غير كيشوف فيها وجبد تيليفون كيضحك وهي وجهها حمر كيطرطق .. شداتو بسرعة كتجري طل وهوا كيسوف فيدها ويدو على فمو وقال
- غنبقاو حنا هاكا عينيك غا فتيليفون
سالا بيهم النهار فبواط سهرانين بجوج ... كانت جالسة فكسوتها وشعرها مسرح ناعم اسود كيبري جامعاه اللور بلاستيك ولابسة غوب كحلة قصيرة وصندالة .. البواط مضلمة والاضواء قوية .. بقات كتشوف فيه جالس حداها لابس تيشورط بيضاء ودجينو ومفركس كيشرب ويضحك معاها .. ويوشوشو مع بعضياتهم فالودنين.. كيبانو كوبل منسجم وزوين ومواتيين مع بعض .. بقات تشوف فالشراب باغا تجرب حتى هي واخا عيا يمنع فيها فالاخير شدات ليك كاسو داقت وهبطاتو بزز مزيرة على عينيها .. حيد ليها الكاس كيشوف فيها وقال كيضحك
- غيحرقك مجهد عليك
شدات الكاس: لا نجرب
مهدي: راه جربو وغطسو تا لودنيهم .. كتبدا عياقة فالاول كتسالي بندامة .
جميلة : انا معاك دابا نجرب غير هاد المرة
خدات الكاس داقت وهوا كيشوف فعينيها وقال كيضحك (هاز حاجبو)
قال كيضحك : عااادي غا نتي سخنتي (صغر عينو) ماصلحاش ليك هاظ الحالة .. شوفي وجهك كي رجع .. ضربي شهر على هاد الحالة مغتبقايش كما كنتي غتولي حالتك حالة اجميلة ... ماحدك مافيك تا بلية بعدي من الزبل راه غيخرج عليك والبلية مصالحاش ليك
جميلة: بلاتي نوض نشوف
لوات عليها ليزار ودخلات للحمام وقفات قدام المرايا شافت فراسها تخلعات ... سيفتها تبدلات ووجها خياب .. بقات مصدومة وهوا موراها واقف فالباب كيشوف فيها وقال
هزات وجهها فازك كتمسح بالفوطة وعينيها منفوخين والتعب تحت عينيها .. شاف فيها فالمرايا مطولا وقال
- شوفي عينيك كي رجعو ... خرجي لعبي كولي تهلاي فراسك ولاكن البلية راه م***** دة والله مابغيتها ليك
ندمها على يامها وبلخصوص فاش شافت حالتها كي صبحات .. بدات تبرد وتعاود فعينيها والو مابغاوش يطفاو حتى عقدوه جلسات مقابلاهم نهار كامل ومغطياهم بنضاضر فالخرجات ديالها حتى بردو وطفاو مع الوقت . دازت عندهم السفرية زوينة ورد الطموبيل ديالو من بعد ما تصلحات وشدو الطريق بجوج راجعين بحالهم للبلاد
من الطموبيل للمحل نيشان تشوف كي رجع .. كان معاها وبدل ليها كولشي ... غير دخلات تفاجآت بالمنضر والديكور .. طلبات النمر فالفوطويات دار ليها النمر .. الارضية كضوية والثرية والرفوف زجاجية والشكل راقي باينة الفلوس اللي تحطات عليه صحيحة غير من الشوفة .. عمرها توقعات يكون عندها محل بحالو .. كملات فرحتها بالسلعة اللي ةصلاتها من بعد وتعرض عليها مهدي لطنجة جابها للمحل وخلاها منها ليها ومشا يشوف شغلو .. بدات تحل فلكراتن مهبطة ريدو عليها من اعين الناس وبدات طلق فالسلعة وتحدد وتمسح الصيكان وتنفخهم بالكواغط تلهات مع السلعة من الصباح حتى ضلام الحال كتستف كل حاجة بلاصتها ودايخة .. تزوق فالحطة وديكوري وتبدع منها راسها .. علقات السراول بوحهم والشيلان بوحدهم .. السماطي فيترينا بوحدهم ونضاصر بوحدهم ... المحل عمر بالحوايج ومن كل ماركة حطات شكل وطلعات السطوك لاعلى ورجعات كتمسح وتسوط عليهم ودوز بمنديل حتى سالات .. طلقات موسيقى والاضواء قوية فالحانوت مشعة فكل مكان .. فالرفوف فالفيترينات .. ديكور هائل وارقى والوان فاتحة.. هيضورة بيضاء فالارض مزغبة ونمر جالس تحت طبلة زجاجية نحاسي فوق منها جوج احدية بكعب عالي لوبوتان فوق الريش ابيض .. شكلات سبقات من راسها لبسات سورفيت كوتشي وحداء رياضي كوتشي والمويسقى مجهدة فالمحل كتسمع زدحاتها فالارجاء كاملة .. بدات تمشي وتجي قدام مرايا كبيرة بديكور راقي كتصور راسها وتصور اللبسة وتقرب وتبعد بحال العارضات وتلوح فالحساب ديالها .. بقات تلبس وتقاد الفورمة مساعداها اكثر كتعطي للبسة جمال وكتبينها اكثر .. بدات تنزل الفيديوهات ودير دعاية راسها وتشهر راسها براسها ... يخفات بلبس حط والتصاور .. كل مرة شنو تصور ... طاحو ليها لكتاف بطويان وبقات غادية جاية ماكرهاتش تلبس دوك لحوايج كاملين ... طلعات ريديو من بعد ما سالات وبقات فلبسة من دوك اللبسات اللي عندها ماسخاتش تحيدها .. بان الحانوت عاطي للعين والموسيقى ديالو مسموعة .. دخلات عندها بنت من البنات اللي حالة محل بجوارها حتى هي ديال الملابس باغا تستكشف .. دخلات كتشوف فالسقف دايخة وسلمات على جميلة قائلة
- اهلا اهلا .. مرحبااا بيك معانا ...
ابتسمت جميلة بسعادة رحبات بيها وبقات لخرى مطلع وتهبط فشكلها .. بحالها بحال محلها كلشي على بعضو حلو . قدمات ليها جميلة حلوة كانت محطوطة فطبسيل فوق الطبلة واستقبلتها احسن استقبال وكرماتها هي والناس اللي دخلو عندها كيسلمو ويرحبو بيها .. كاين اللي حسدها وكاين اللي فرح ليها وكاين الل غار منها ولاكن هي كان تعاملها من الكل لبق .. فديك الاثناء بداو يدخلو الزبائن اللي تما كيدورو ويشوفو .. سولات بنت من البنات على حداك محطوط بحال الذهب فوق واحط الزاجة منخوتة ومنقوشة وتلفتات جميلة بسعادة فرحانة وقالت
- هاداك احبيبة كيدير 2500 درهم
دغيا جمعات البنت يدها من بعد ما سمعات الثمن ديالو وخرجات من تما خايفة تقيس شي حاجة تخسرها وتصدق مخلصاها .. حتى الناس بجوارها تصدمو من الاثمنة والكل كيسول منين كتجيب السلعة وهي ففمها كلمة وحدة .. "اوريجينال من برا " لقاو نضرة على محلها وخرجو خلاوها كتستقبل كل مرة واحد فشكل .. كانت ناوية غير طلع ريدو تفوه حتى صدقات فعباسية بلا متعرف ولاكن الكل طالبها بعباسية على حقها وطريقها وهي كتواعدهم . شوية دخل شاب طوييل كيسرح عينيه فالمحل ووقف هز واحد السبرديلة ديا ديرو كيقلبها ويفليها وتلفت بابتسامة وقال
بقا ساكتة كتشوف فيه وخرجات حاضية شافتو دخل المحل اللي اللي فممر حداها وكان المحل كيبيع حتى هوا ماركات بحالها لاكن النسخة اللي قالت ليه عليها بالف درهم .. عقدات حجبانها مشات ليه دخلات لقاتو جالس داير رجل على رجل ووقفات حتى هي كتمنضر ليه فالمحل كما دار ليها وقالت
- هي حنا جيران ... ايوا مزيان ... الله يسخر ليك السيدي
خرجات رجعات بخالها بسرعة لقات مهدي جالس فوق الفوطوي كيشوف داكشي اللي دارت .. يالاه دخلات شاف فيها وقال
- مخلية الحانوت وخارجة مريضة نتي ولا!
ردت بسعادة : لالا كنت غير هنا دغيا جيت
طلع وهبط فيها لقاها لابسة من ملابس المحل ودور راسو
خشات يدها فيدو فرحانة كتجمع هي وياها وفيها قاعيدة ديما عزيز عليها تلعب ليه فيدو وتحط صبعها فالتنية ديال دراعو وتقولو جمع يدك وزير تشوف واش تقد تصبر ولالا ومنها تشوف عروقو وعضلات يدو حتى رجع فينما تحط صبعها كيزير عليها ويشوف واش تصبر . وكتعيا صابرة فاللخر كتستسلم وتبدا ضحك . دخلات بنت ثلاتينية من لباسها باينة كتفهم فداك النوع ديال الحوايج .. وحتى هي لابسة سبرديلة من فيندي وعامرة تبارك الله .. صاك فيدها بيربوري وهوليود سمايل والدفار طوال والبوكوكس والفيلر للوجه . بدات تسارا وتشوف وتهز وتحط وتقلب .. تلفت مهدي لجملة وقال
- سيري شوفي السيدة رحبي بيها شوفيها شنو خاصها باغا تبيعي جالسة ! نوضي طلقينا راه لفلوس مخسورة فهاد النم
ناضت بسرعة مشات وهوا كيشوف فيهم ..شافها كتبعكك على السيدة وناض عندها وقف بابتسامة وقال
- مرحبا الاللة ... زيدي شوفي شنو خاصك
ابتسمت السيدة من بعد ما كانت مطايقاش جميلة تهضر معاها .. ربما غير منها ونفخة مارداتش عليها . لاكن مللي شافت مهدي بسرعة تطلقات وبقات حميلة واقفة كتشوف والغيرة فعينيها حتى كانت غتجري عليها من المحل لاكن عتق مهدي الموقف وقال
- سيري بدلي عاد ديسك (خزر فيها ) سييري
مشات كتنفخ كانت عندها لاكيس كبيرة عليها عطر فايح وديكور جميل وكرسي مريح وجلسات مربعة يدها كتشوف فيهم كفاش كيضحك معاها والاخرة عاجبها الحال .. حتى تم جاي هوا وياها لاكيس وخلاها واقفة كتجبد لبزطام وتحسب الفلوس وكتشوف فجميلة وتنفخ والاخيرة ماكرهاتش ضربها على وجها .. نزل مهدي من لفوق هاز كارطونة ليمونية ديال ماركة ايرماس فيها نف الصاك اللي محطوط فالفيترينة وحطو قدامها .. غير الكارطونة همة وشان يحلف عليها حتى اصلية .. حلها ليها كانو فيها اوراقها وتوبها ناعم ديال الصاك كأنها واخدة ثلاجة .. الصاك مربع الوسط بوردو وبظا كيوريها بجدية وهدوء شنو داخل العلبة ..عيني لا فرق بينها وبين الاصلية وكانت الزبونة كتفهم وعارفة وحطات الفلوس فوق لاكيس وقالت
- عطيوني الى عندكم شي سيت ولا كارط
هز مهدي كارط فيزيت من بلاصتها عطاها ليها فيها حساب الانستاغرام والفايس والهاتف الارضي ديالهم وودعها بابتسامة سيفطها فرحانة وتلفت شاف فجميلة لقاها مكوفرة كما هي وكتخرز فيه وقال كيموت بالضخك
مينة : الله يبارك فيك اكبيدة .. ايوا كي داير الجو تما توحشتي البلاد
مينة بغات تجمع وجميلة حاصلة حدا مهدي كيقول ليها صدريها حيت عارف مو فاش كتكون مساليا وكتشد تيليفون مكتلقوش تا كيطفا فودنها .. تعصب مالقا معامن يهضر ولا يجمع وجميلة دايرة لخاطر لمدة ساعة عاد قطعات وهوا كينفخ وقال
- عيقتوو بقوة الهضرة مكتعياوش كاع ضواسا جبدتوهم
جميلة: اوييلي راه مك ماحشمتيش!
رد : وا تي بحالك بحالها مكتقاضاوش
زفرات : هانا ساليت يالاه اش باغي
قلب وجهه بالنفخة ساكت وكيتعصب مالي كتشد تيليفون تهضر ولا تبقا تشوف فيه وتنساه ومتعطيهش وقت وتخليه كينفخ بوحدو .. خشات يدها فيدو كضحك معاه باش يبرد ويطلق الغوباشا وقالت
- بعد غدا غندير عباسية فالمحل نشاء الله
مهدي: ديري اللي عجبك
ضرباتو لحنكو : وصاافي من النفخة الخاوية .. تفش الحنش
مهدي: غنفش مك
باستو فخدو كضحك وتلعب فدقنو مابقاتش كاع كيهمها الناس وشكون كيشوف حتى رجعاتو على خاطرو .. تعشات معاه وردها لطموبيلتها مشات للدار ومشا هوا يقصر مع صحابو فالبار
مقصر بحال العادة مع صحابو والبنات جالسين دايرين بيهم ومنهم ماريا اللي لابسة غوب منمرة والطالون كتشرب وضحك مع البنات .. كل واحد فاش ملهي ومهدي مخلط جميع البليات حتى مابقاش كيقشع وماراشقة ليه على حتى وحدة .. غير كيسمع ويشوف وماريا حداه معنقاه كتلعب فسنسلتو وقالت
- مهدي .. دابا حنا شحال غنبقاو هاكا ... هانتا حبيبة شوف شحال من واحد تزوج صاحبتو وعادي ... مالي انا غادي نشدك بزز ولا غنخنقك ... بلعكس انا بغيت نجمعك وندير ليك علاش ترجع ونتا هانتا كتخرج .. نبقا انا فالدار ماشي مشكل .. نربي ولادي ونهار يهديك الله راه غترجع لدارك تلقا وليداتك كبرو ورزقك مجموع وعائلتك
هز حاجبو فيها مصغر عينو وقال : عرفتي غندير ليك شي عراسية م**** ... هنا فهاد البار غنكريه ليك بوحدك ..تبرزي فالمنصة والراقصة قدامك ... مع كويسات ... غطلعي بوكوووصة فالعرس احبيبة وغنتهلا فيك مززززياااان .. نتي ضبري غا على لعريس ماضربي حساب لا تا ق****
عقدات حجبانها
تنهدات بغضب وقالت : وانا بغيتك نتا ..صافي الله يجعل البركة عام وحنا بجوج شنو بغيتي نزيدو عام اخر
مهدي: نزيدو عام اخر بحال لخوت مالك سخيتي بيا
ماريا: انا كنضهر معاك بصح مالك كتفلا عليا ... كنبغيك احبيبة ونتا عارف .. وحتى وحدة مغتصبر ليك على هبالك من غيري .. شحال قدك دابا تبقا عايش هاكا .. صحابك واخا هاكاك بعدا راه دارو ديورهم وولادهم .. نتا حتى لامتى غتبقا هاكا
رد : وانتي اماريا شحاال غتبقاي تسناي فيا .. راه بحال الى كتسناي لمغرب يرجع ميريكان ...
ماريا : خلينا نجمعو راسنا ونديرو ولادنا .. مالك واش خايف من الزواج !!
صونا ليه تيليفون وضرب يدو لجيبو كيبجبد ويهضر: الزواج الزواج الزواج كاين غا الزواج طلعتي ليا ف*** بهاد الهضرة .. راه قلت ليك ماشي ديال الزواج انا .. ديال ل**** والطاسة (شاف جميلة كتصوني وحل عينيه كيرمش) سكتي سكتي لواليدة كتعيط
ناض من حداها خرج هرب طلع فطموبيل سد عليه وفتح الخط
- وي الزين ديالي
جميلة: بهدوء) فينك ؟ اش كدير
مهدي : والو احبي كنت جالس فالبار مع دراري
جميلة : امم البار ... وادير كاميرا نشوفك
فتح ليها لكام شافتو جالس فطموبيل شافتو وشافها متكية فوق الفطوي بيجامة وبدا يتجمع معاها حتى حلات عليه ماريا الباب بلعاني وطلعات حداه تلاحت على كتفو بسرعة وقالت
- ااحبيبة مالك خليتينا جالسين وخرجتي خالتي مينة لاباس عليها سلم عليها
احيانا تبكي ولا تعلم مابك .. غير ان الحياة ارهقتك ، ومللت من كل شيء ..
مشا صوت ماريا لاذان جميلة مباشرة وطاح تيليفون من ودنو بالارتباك والخلعة جا بين الكوسانات والخط دايز .. صوت جميلة كيعيط ويعاود حسات بشي حاجة كاينة انا ماريا استغلت الفرصة ضنا انه كيتلاعب من جديد كما موالف وكما عاهداته بافعاله حتى رجعات اكثر وحدة كتعرفو من بين البنات اللي عرف فحياتو كاملة ، بدون تركيز جدب اهتمامه الهاتف فقط باش يقطع الصوت اولا بلا ميكتارث لوجود ماريا اللي كضحك وتردد بصوتها المستفز كالعادة لاثارة غضبه وجنونه والوصل لمبتغاها كالعادة وهوا تخريب جميع علاقته والاحتفال بالنصر والانجاز والفخر والاحساس بالقوة كأنها اذكى النساء واقواهم وهادشي كيخلي الكبرياء عندها يزيد
ماريا باستفزاز بريء: مالك !!! ياك غير خالتي مينة علاش تخلعتي قلتي ليا غنخرج نهضر مع الواليدة
ضيق الوقت والغضب ماخلاهش يهضر اكتفى بحركة براسو وهوا كيخشي يدو بقوة يجبد الهانف .. نضرة دارها فيها والنفس ديالو غيتقطع مع كل " الو " كيسمعها نابعة من الهاتف كيتحلف بعينيه وملتازم الصمت حتى جبد التيليفون كيتفتف وكيسمع لماريا واستفازها .. قطع ومع القطعة هز يدو صدمها بيها ماريا للوجه بصفعة نزلات ليها كل مشاعرها وكل مابنات ودلاتها دل هبط بيها لباطن الارض ... صفعة سببها بنت كلاتها على وجهها غير ليها المشاعر فلحضة حتى بكاتها وخرجات ضعف المرأة فيها وشدات حنكها والدموع محجرين فعينيها شافت فيه مصدومة ... ماطولاتش الصدمة بل نزل ماعطلهاش فتخ عليها الباب جرها للخارج كينعتها ويوصفها باقبح الكلام ... كلام ولو انها ولفات تسمعو معاه لاكن هاد المرة كلامو لمس الوثر الحساس ديالها كأمرأة وجرح مشاعرها بقسوة كأنها لا تساوي شيءا ... من كبرياء وغرور لدل فنفس اللحضة .. تحطيم ليس له مثيل . هزات عينيها فيه كتبكي ودافع على راسها ودفعاتو بقوة كتغوت والطالون كيعلكها
- ماضربنيييش از**** ماضربنيييش ... الله يحرق جد بوك الكلب واللي ولدك شكوون نتا حتى تحط عليا يدك الحمار
بنضرة احتقار واشمأزاز شاف فيها لاكن دار حركة اللي طيحات ليها كل ماتبقا من كرامة وكبرياء تمنات بلاصتها لو كلات صفعة احسن واهون ليها .. جمع الذفلة بين سنانو ولسانو كيتمعن فشكلها ويرجع خطوات اللور باشمأزاز ورسلها ليها مباشرة فخط واحد فوق حوايجها وقال
- يالاه دوري ت****
خلاها واقفة وطلع فطموبيل زاد مع الطريق .. بقات بلا عقل وبلا تفكير غتسطا وكترعد مارضاتش .. اهانة بشعة تلقاتها كرهاتها فالضحك اللي ضحكات معاه من قبل والضحك اللي ضحك معاها وبدات تقارن بين الماضي والحاضر والاحبال كتخبل فراسها وبركان حامي غيطق من صدرها .. نار شعلات فيها .. شكون تكون كاع هادي اللي تهان بهاد الشكل على قبلها ... دغيا قلب عليها وبين ليها بلاصتها عندو كي دايرة .. هادي هي المكانة ديالها عندو! كلمة بقات كتردد فأذانها " مغنتزوج بق**** الق**** " معتارفة بكونها ق**** واحيانا كتقولها بفمها ماعلى بالهاش المهم عندها هوا متوصلش ليه انها كتلعب واخا كما كيقول المثل " اللي فراس الجمل فراس الجمالة " لاكن كلشي مغطي بلغربال وكل واحد كيغضا ويميك وهي غاديا ... فاش خرجات من فمو بديك الطريقة هنا تعرا الغطا وبطريقة بشعة . ماعرفاتش شنو دير . والراس داخ والعقل طار .. مشات رجعات للبار مابان ليها غير قرعة ديال الشراب جلسات حداها كتشرب وتشرب بالغدايد حتى سكرات وختماتها بأبشع ختام . قسمات القرعة فالنص حتى تخلعو اللي حداها ونزلات على عروق يديها قطعاتهم بدون تردد وبسرعة حقدا على نفسها وعلى روحها وانتقانا من نفسها وما سببات ليها من دل ومن اهانة اللي ماقدراتش تجاوزها .
الليل عالم ثاني كيعرفوه اصحاب الليل .. مايحدث ليلا بعيد على مايحدث نهارا .. عند بعض الناس هوا ديال النوم فقط ومعتاد يحط راسو على المخدة وينعس .. وعند ناس اخرين هوا الحياة كلها معتاذ يسهر ويبات فايف حتى للصباح ... كل جزء عندو ناسو ... النهار بناسو والليل بنساو.. وكيبقا الليل اكثر جزء فيه الخياة ووقائع لايمكن تصورها .. فديك الاثناء اللي كان البار جامع حشد كبير من الناس كل واحد وقصتو وكل واحد وشنو عايش وشنو كيدير وشنو حكايتو ومنهم ماريا اللي كانت بطلة هاذ الليلة اللي لفتات انتباه البعض في حين عايشين الاخرين العالم جنبها مجايبين خبار او ربنا خبارهم ماكتقارنش بفعلة ماريا .. كان اثنائها مهدي غيهبل بالصونيت على جميلة اللي اللي مابغاتش ترد على اتصالاتو ... عيا يصوني فباب الدار ويعاود حتى شبع .. يصوني ويعاود حتى هي ... بات الليلة كيدور حدا العمارة والاضواء طافية .. قليل الصبر ومتقلب المزاج وماعندوش صبر حتا لغدا ... واخا ماكرهش يصبر لاكن منين غاتجيه الراحة والهنا ... رجع حتى للدار يبات لاكن هزو خاطرو ماقدرش يهنا وعاود شد الطريق حتى لعندها كيدور ويصوني وكل ما كيزيد يتسنا كل ما الصبر فالانتصار كينفد ويتعصب .. ختمها باتصال بدون تفكير لمينة اللي ناعسة فبيتها بوحدها كالعادة... شافت اتصالو تخلعات وناضت جلسات فبلاصتها شعرها فالسما كتفتف على الضو حتى شعلاتو وعينيها كيتلسقو .. اش واقع ؟ خبار الخير .. اش هاد تيليفون مع الفجر ياك والو باس .. قبل ماتجاوب برد ليها الماء فالركابي... مايعيط الا وواقعة شي موصيبة ومتوقعة توقع حيت والدة المصايب وكيتلاقاو غير مع المصايب وغادي يسكتو ليها القلب بالخلعة قبل ماتعرف نوع الكارثة . بصوت مخلوع ردات كتسنا تسمع الحبس ولا الموت .. هادو بجوج ككيطيحو ليها فالراس فكل مرة صونا تيليفونها بالليل .
مينة: االو ... الو مهدي ياك لاباس ؟؟
رد بقلق وقلة صبر وعصبية : كنعيط لجميلة مكتجاوبش .... (حكا ليها اللي وقع باختصار)
قطعات عليه كتنهج بالفقصة ورمات تيليفون تقلبات كتنكر وتنكر وتنكر وتنكر حتى داها النعاس
صبح الحال ومبدلة الاحوال .. شي بايت الليل جوال شي بايت يشطح على الموال ..
حلات عينيها بزز من بعد مادخلات للدار معطلة ... السهرة دلبارح سخسخاتها .. مكانتش عوالة عليها كانت عوالة تنعس وتصبح فالمحل .. لاكن من بعد اتصالها بالمهدي اللي طلع ليها النقشة تبعو اتصال سلوى لقاتها غتفركع واقترحات عليها يخرجو يسهرو .. جات لجميلة
لجميلة على الكانة ساعتها مع الفقصة ديال تيليفون والشك اللي رجع يقين .. شكون يحيد ليها فكرة انه ماعارفش غيرها انداك فديك اللحضة .. شكون يعطيها مبرر يغير نضرتها وتفكيرها... حتى حاجة ماكانت تقنعها وهي فالاصل مشكاكة عقل كيقول ليها كيعرفك غير نتي وعقل كيقول ليها داير عشرة من غيرك . حكامو عليها والتسلط ديالو كأنها ماعندها حياة ولا رغبات واختيارات .. تمشي على كيفو وتجلس على كيفو وهوا يعيش حياتو ... يكفي حياتها اللي ضاعت فزواجها المشؤوم اللي ربحات من وراه غير العداوة والمشاكل مع عائلتها والسنين عمرها اللي ضاعت بسبب التسلط .. جا وااوقت تختار راسها وتعيش كما بغات هي ومتخلي حتى واحد يتكم فيها او تعطي فرصة لشي واحد يتحكم فحياتها
لبسات دجينز مزير محطوك ومقطع مع بودي ابيض .. طلقات الشعر ولبسات حداء اسود بكعب عالي بحال المسمار وخرجات شدات الطريق هي وسلوى وكانت معاهم حتى امها لابسة غوب انقة سوداء الركبة وحداء وشعر مطلوق ومكياج .. فالاول ماعرفاتهاش جميلة وتفاجآت بيها لاكن سرعان ما تأقلمات مع الجو والضحك وطلعاتهم معاها فسيارة للبواط. النشاط والضحك بيناتهم والكيسان كيدورو ... باش تنسى جميلة اللي واقع فحياتها من اوله لاخره وتعيش كما عايشين الناس كاملين وناشطين شربات حتى هي لاكن هاد المرة حاولات تخلي التوازن.. الغرض هوا تزيد تنشط فقط . وطبعا السهرة لا تخلو من معجبين .. ثارت اعجاب بع الرجال لاكن ماعارتهمش اهتماما .. واخا كان هدفها ثير الاعجاب وتخلق الفتنة فقط وتكبر من بعد عليهم وتسعد نفسها وترضي غرورها بهاد التصرف .. الا وكان هناك معجب اللي دخلها بطريقة حضرية ولبقة اثناء خروجها من الديسكو .. كان طيلة الحفلة كيراقبها وكانت كتلاحظ مراقبته ليها وكتزيد تغر بنفسها . وقفها فباب السيارة بسرعة وكان كيبان مرزن .. بعقلو .. انيق .. لابس قميجة رمادية ودجينو وحداء رياضي.. رائحة رجولية فايحة .. عندو حقو من الزين وبخال جميع الرجال كل واحد كيختالف على الاخر فملامح الوجه .. كان لطييف فكلمو معاها ولبق الشيء اللي ثاؤ اعجباها .. نوع جديد من الرجال كتصادف .. وكأي انثى تعجب بمن يلاطفها ويحترمها ويخاطبها بلباقة ماتردداتش وهي كتهضر معاه وتبتسم وعطاتو الرقم واخا الحوار كان قليل فيه بضع كلمات فقط نسات عليهم مللي فاقت ونسات على التفاصيل . شعلات الهاتف مع الحلة دعينها وهي متكية بلاصتها ولقات مسج مكتوب عليه " bonjour julia، Je voudrais simplement te dire que Je pense à toi à chaque instant. Hicham
مافهمات حتى حرف من غير اسم جوليا اللي تذكرات انها تعرفات عليه باسم جوليا وبدات تقرا وتعاود وطرجم المسج فقوقل حتى فهماتو وبدات ضحك مخرجة لسانها عاجبها الحال .. علاش ميعجبهاش الحال .. محض اعجاب لراجل ثلاثيني .. كبير .. فيه صفات الرجل .. مافيه ميتعاب وفوق هادشي كيهضر الفرونسي !! زاد اعجابها بالمسج والفرنسية وتبين ليها انه قاري .. واصل وواعي ويناسبها تهضر معاه علاش لا
طير ليها الابتسامة والخيال اتصال مهدي من جديد وعقدات عينيها كتسوط بميوعة مارداتش عليه .. كل مادارت هوا ناضت بدلات البلاصة .. دوشات ولبسات حوايجها وخرجات دازت لصالون صايبات شعرها بسرعة ومشات للمحل كتمختر بين المحلات اللي واقفة ليهم فلحق .. اكثر محل جداب للزبناء بين المحلات هوا ديالها . دخلات فوهات الحانوت وطلقات موسيقى وعطرات الجو وجلسات دايرة رجل على رجل عاجبها الحال .. سخرات واحد من اللي كيحضيو القسارية جاب ليها فطور حتى لعندها وجلسات فوق الفطوي كتفطر مع ربعة ديال لعشية .. اصلا هاداك هوا الوقت لي فاقت فيه ... دخلو الناس وخرجو ومزال ماترزقات الله مع شي واحد.. عقلها مرفوع .. كتفكر مهدي كتشعل فيها العافية .. لاكن فاش كتفطر هشام كضحك بوحدها .. ماطولاتش الجلسة حتى بان ليها جاي جهة الحانوت وناضت كتنفخ وتسوط لابسة سورفيت وحداء رياضي بحال ديما .. وعطات لباب الحانوت بالضهر كتشوف جهة لاكيس حتى وقف عليها نفس ستايلو فلباسو ولكاسكيط على راسو
و بملامح أسى من الغضبة اللي غضبانة عليه وملام الغضب من السهير اللي سهراتو قاطعة عليه تيليفون
مهدي: علاش مكتجاوبيش فتيليفون
هزات واحد ستيلو كان فيدها كتكتب بيه وتشوف فالورقة وقالت
- ما فيا اللي يهضر وللا يدابز ولا ينوض الصداع معاك ... ماتشرح ليا منشرح ليك وماسوقي فيك ماسوقك فيا
كمش ليها الورقة بلا ميشعر وهزها فوجهها: فيين مشيتي لبارح ؟ سولتك جاوبيني ولا غنقلب مو هاد المحل
دورات وجهها شافت فيه بسخرية ومرخية فالوقفة وقالت ببرودة
- هاااهوا .. قلبوووو ... هرس باباه ... انا اصلا اشنو شادني فهاد البلاد ... اشنو عندي هنااا ... واااالو ... بقا هاد الحانوت هاهوا دكدك والديه باش ميبقاش ليا هنا علاش نجلس ونزيد خلفة فحالي وربح نتا ديك الساعة
غزز سنانو كيشوف فيها وعينيه كيبريو كأنه غيبكي لاكن هادي دموع الصبر وقلة الحيلة ديالو معاها هي اللي كتحرك فيه المشاعر وطلعهم من الاعماق .. بقا ساكت غير كيشوف فيها .. اما هي ماحسباتوش كاع واش واقف وجبدات ورقة حطاتها قدامها كتحسب فصمت وهدوء وهوا متكي على يدو كيراقب تصرفاتها .. يشوف فيها ويشوف فالورقة فالاخير تنهد بقلة حيلة وقال
- مغتسولينيش على لبارح ؟ .... ماباغش تعرفي شنو واقع ؟ ..
هزات كتفها : مابغيتش نعرف ... نتا اصلا حر دير لي بغيتي
عض على شفاهو كيموت ويتقتل بالبرودة ديالها وعدم اهتمامها وغيرتها ودور وجهه للجنب معارف مايدير ... زاد تعصب ولاكن الغلط منو ماعندوش كفاش يخرجو فيها ولا يتعصب عليها بلعكس خاصو يبرر ليها ويراضيها ويتهنى ديك الساعة .. لاكن وقع اللي كتوقعش يوقع .. كان كيضن انه غيلقا صراخ ... غضب .. ضرب كاع منها وعصبية وفضول واهتمام باش تعرف ويفسر ليها وميتعصبش ابدا ولا يغلي دمو من ردة فعلها .. لاكن حتى لهادي عمرو توقعها ولا وقعات ليه باش يعرفها ويضرب ليها حساب . وكملات ليه الباهية بقات واقفة حداه كتكتب ومخلياه يشوف فيها ويطرطق .. بعد صمت طويل هز عينيه فيها وقال بأسى وحيرة
- لبارح كنت فالبار مع دراري وكانو معانا شي بنات مي غير جالسين .. خرجت نهضر معاك وطلعات حدايا وحدة فطموبيل على غفلة دارتها بلعاني وزلق ليا تيليفون من يدي دخل بين لكوسان داكشي علاش مجاوبتكش فاش صونيتي المرة الثانية
خرج لسانو وميل راسو هاز حواجبو بأسى بحال شي دري صغير وقال
- وفين كنتي لبارح ؟
تنهدات بملل: شوف عفاك ... خليني نتسنط لعضامي هاد لونكيط ماشي بزز عليا نجاوب عليه ولا نسول فيه اصلا ... انا هانيا مع راسي مافيا اللي يتبرزط والى جاي باش تبرزطني غنسد هاد الحانوت كاع ونمشي نعس حسن ليا
خلاتو واقف ومشات بابتسامة استقبلات زبونة .. دار يدو على جنبو كيشوف فيها ويتنهد وحول نضره جهة طبلة لقا فيها عصير فكاس كبير مشكل وطارطة كبيرة زهرية فطبسيل واكلة منها وديسير ديال المهلبية وفواكه مشكلة ... كولشي واكلة منو .. بقا غير ساهي كيشوف فديك الشهية اللي عندها قدرات تاكل بيها داكشي وهوا النعمة ماقدر يدوزها من غير اادخان والماء فقط .. بقا واقف كيتسناها حتى كملات مع الزبونة وباعت ليها سباط بلخاطر والضحك وسيفطاتها بحالها عاد مشا عندها باغي يتصالح ودورها من يدها جهتو حدا لاكيس .. كان محتاج لضمة ترد فيه الروح على الاقل دوز ليه النعمة .. بادر بغا يعنقها بلا ميهضر لاكن تراجعات وحيدات يدها قاىلة بهدوء وملل
- ماتقربش ليا عفاك ...
شد ليها فيدها بحزن وقال كيشوف فعينيها
- جميلة ....
حيدات يدها: خليني على خاطري مابغاش نهضر ولا نشوفك عفاك بدل الساعة بأخرى
تبدلات الساعة بأخرى وتبدلات بنا حسن عند جميلة اللي جلسات فالمحل بوحدها ماخدا منها مهدي لا حق لاباطل .. بقا تفكيرها مع المسج بالفرنسية حتى سعدها باتصاله وهي جالسة دايرة رجل على رجل .. عضات شنايفها بابتسامة وفتحات الخط قائلة بخجل
قطعات وعضات شنايفها فرحانة كضحك ولاكن متخوفة من التعرف عليه .. هوا كيهضر الفرنسية بزاف وهي ماكتشد فيها والو غير الكلمات اللي بقات عاقلة عليهم فسن سطاش لسنة فاش كانت كتقرا من تما مابقات سمعات حس الفرنسية فالسويد ونسات حتى على اغلبية المسطلحات ... تنهدات كتخمم كفاش تصرف الى قالي ليها شي كلمة ..واش تبقا تشوف فيه وتحشم ويمشي الغرور والكبرياء ولا شنو دير .. فكرات حتى عيات وقالت اللي ليها ليها حتى لامتى تبقا هي كتهرب من الطبقة القارية .. طموحها توصل ليهم وتكون حسن منهم ماتبقاش غير عايشة مع المستوى ديالها بل كتشوف لفوق وحلمها تكون حتى هي اصدقاء من ديك الطبقة وتنتمي ليهم ومتبقاش تشوفهم حسن منها واخا فلحقيقة شي كيشوف فشي حسن من لاخر .. هي من ناحية شكلها وشخصيتها ومضهرها كتخلع الناس اللي شافها كيقدرها ويحتارمها وكتبان فعينيه دات مستوى عالي .. لاكن المضهر ماشي هوا الجوهر ... الجوهر .. العقل فارغ لو مشا المضهر غتبان الحقيقة المرة اللي معارفهاش شحال من واحد تغر بيها وبدوقها ورقيها واناقتها .
رن الهاتف لمهدي اللي غادي بإحباط فالسيارة فاتجاه البار يقلب على جو يبدل ليه المزاج . فتخ الخط بملل ورد
- الو عرفة
عرفة : واافينك اصاحبي من لبارح وحنا نعيطو واش مافراسكش اش واقع !
عرفة : وااايلي اصاحبي ماجايب خبار ... راه السيدة كانت غتموت تما ..بقات تشرب تشرب تا طارت ونزلات على يدها وراها دابا فسييطار شوية وكانت غتموت
بقا مهدي غير ساكت كيشوف قدامو متوقعش توقع كارثة بحال هادي بسببه وتمشي فيها روح ضحية .. او ربما ضحية نفسها وسوء اختيارها فطريقة العيش . من طريق البار بدل الطريق فاتجاه المستشفى مشا يشوف الفاجعة ويسكت الضمير ديالو اللي ناض عليه فجأة ... عقل كيقول ليه هي سباب راسها وعقل كيقول ليها نتا سببها وهوا وسط جوج عقول تالف ويسكت فيهم بالجوانات حتى وصل
دخل عندها للغرفة كانت متكية والسيروم معلق ليها فيدها وحداها ختها بالجلابة جالسة .. وجهها صفر وزرق المكياج ماكاينش بانو العيوب لاكن فور نا شافت مهدي طل من الباب هزات راسها متفاجأة وقلبات وجهها للجنب كتبكي .. ابتسمت ختها اللي كانت قدها فالطول والعرض ونفس الملامح حتى ومدات يدها حانية الراس بالادب والصواب
- ويد اسيدي تفضل مرحبا بيك ...
بالابتسامة والصواب خرجات من البيت وقرب هوا كيدور عينيه فالكلينيك ويسوط وهي كتبكي .. بقا كيشوف فحالتها ويديها مضمدين وقال
- كنتي غتمشي ترونسفير لجهنم ديلمك
شهقات كتنخصص وتمسح قالبة وجهها فصمت وهوا غير كيشوف ..بقات فيه وقرب ليها يالاه بغا يهضر حلات يديها بضعف عنقاتو كتبكي وتنخصص وبدالها نف العناق بأسى كيسكتها ويمسح على ضهرها حتى بردات وجر كرسي حداها جلس وقال
- دابا علاش وصلتي راسك لهاد الحالة ؟ سخيتي بحياتك قلنا ليك جوج كلمات نضتي بغا تفني عمرك بسببهم
دورات راسها كتنخصص : جوج كلمات ... جوج كلمات هادوك عندك نتا سااااهلين تخرجهم
ماريا: حيت نتا كتكدب هاديك ما مك ما خالتك هاديك ديك بنت ل**** اللي تصاحبتي معاها
هز يديه باشمأزاز : يا بنت الق**** عاد كنتي غتمشي مكرعة لجهنم وباقا كتخصري لهضرة ماباغاش توبي ديلمك
ماريا: دورات وجهها) اممم .. توب غا نتا بعدا ... بسبب وحدة درتي ليا انا هاكاك ... عييت نصبر ليك كل مرة كنقول غيتهد
هز حاجبو : شوفي دابا من هاد الهضرة كووولها ... ماديالش الزواج انا وقلتها ليك مامرة ماجوج ونتي دايرى فيا راسك .. انا عارف كري ولد **** عااارفها .. عارف ديلمي مانسواش ونتي عارفاني مي داير بلا منبقاو نعاودو لهضرة ديال ديما ... عارفة بلاني وحياتي م**** فريها ومزالة كتأملي فيا داك الراجل ديال الزواج .. (بملل) وغنعااااود نقولها ليك ... راه ماشي ديال زواج .. الزواج مكاااينش وكتخريييني فاش كتجبدي ليا الزواج هه... والله تا علام لا نتي ولا لخرين ... دورو دورو نتزوجو ... مسالي كري ... وعارفيني ولد **** ومزال طامعين فيا نتزوج بيكم ماعرفتش انا كفاش غتخشيها ليكم فففف..فف فراسكم
ماريا : ومالك على حالتك .. مالك ماتبدلش بحال الناس مالو الزواج عيب!!
رد بعصبية كيسوط : واا انااا اللي عييب انااا .. انا اللي ماشي هوا هاداك واش غتبدليني بزز ! هاكا انا داير ومغتبدليني لا نتي لا وحدة اخرى غا تهناو ... (ناض وقف يكتنهد ) مهم انا غنمشي .. وجمعي كرك .. جمعي كرك شوية حياتك راه حساااان ليك مني ومن كاع ولاد لق*** .. يالاه انا غنمشي
رجع ليها عنقها كيتصالح معاها وهي كتنهد مالقات ماتقول وخرج مشا سول على حساب الكلينيك اللي باتت فيه .. دفع ديك الفاتورة على امل يكفر بيها على دنبو ولا يبرد بيها على قلبو شوية وخرج طلع فسيارتو شعل كارو وتكا كيسوط .. هز الهاتف بدا يصوني على جميلة لاكن لا رد .. ديمارا السيارة وعقلو كيدي ويجيب ماقدرش ينسا غبرتها الليلة الماضية وباغي يعرف فين تكون مشات فداك الليل اللي مافيه لا شغل لا مشغلة من غير المنكر ولا السبيطارات ولا الكوميساريات ...طل على المحل من الباب لقاه مسدود وبدا يتسائل بين وبين راسو .. رجع شد الطريق لدارها مباشرة كيقلب بين السيارات فالباركينك على سيارتها مالقاهاش وطلع كيدق ويصوني حتى خرجات فاطمة دارت راسها طالعة تنشر باش تبركك وقالت بابتسامة
- ماكيناش راه عاد خرجات دابا شوية
قطعات قطعة ديال اللحم بالشوكة كتعشا حطاتها فمها المعكر بالاحمر وعيونها المكحلة والشعر مطلوق لابسة بودي اسود بالدونتيل وسروال توب اسود كلاسيكي .. الصاك حداها مربع وحداء بكعب عالي .. الاناقة بكل معنى الكلمة عاجبها الحال وعاجبها والمكان والهدوء والرمنسية كتبدال اطراف الحديث مع هشام اللي جالس بطاقم كلاسيكي وادب ورقي كيتعامل معاها كأنثى
هشام : كنتي قلتي ليا فالبوتيك فاش عيطت ليك ... واش خدامة ولا كنتي كتشري شي حاجة ؟
ردت بابتسامة : لا ديالي ومكانش اللي يجلس فيه كنت بوحديتي .
رد بابتسامة كيتأمل ملامح وجهها : شنو كديري فحياتك اجوليا
دورات راسها كضحك وقالت : جميلة ماشي جوليا ... جوليا على سمية البوتيك ماعرفتش كفاش حتى خرجات من فمي لبارح
- انا كنت عايشة فسويد .. عاد جيت للمغرب واستقريت هنا صافي .. عندي مشروع ديالي اللي هوا البوتيك ..
رد هاز خاجبو بابتسامة : اممم .. مزيان ... وماقلتيش ليا واش عندك شي واحد فحياتك ؟
ردت : لالا انا حرة
تنهد بارتياح: ودابا عاد رتاحيت ههه... تاخدي شي ديسير
ردت : واخا شي حاجة باردة
كان محطوط حداه كاس ديال الخمر كيشرب منو اما هي ماقرباتش ليه فامسيتها مع هشام ... تبادلو اطراف الحديث حتى وصلات 12 ديال الليل وناضت خرجات تطلع فسيارتها لاكن وقفها بابتسامة
- ماسخيتش بيك الصراحة .. مي نعاودوها ضاروري
ردت بابتسامة : نشاء الله .. تصبح على خير
قرب ليها سلم عليها من حناكها وطلعات فرحانة عجباتها الرفقة ديال هشام وديمارات السيارة راجعة بحالها وطالقة الموسيقى حتى للحي .. وقفات السيارة بين السيارات نزلات كتقلب على صاكها تهزو وصت الصروصور كيصرصر فالقنات بالليل فجأة حسات بشي يد شداتها من يدها وجراتها اللور .. هزات عينها بسرعة مخلوعة وقالت
- مهدي !!!
زدح باب السيارة بلا ميشوف فيها وقال : اجي لهنا
حاولات تبعد يدها قائلة: طلق مني شنو بغيتي
قال كيشتت النضر بعصبية مخفية جارها من يدها : زيدي زيدي زيدي تحركي قلت ليك تحركي
فمكانهم المعلوم جنب البحر اللي كيحلو فيه مشاكلهم ديما وقف السيارة ونزلات خرجات كتنفخ وتسوط وقفات مربعة متكية على الباب وقالت بميوعة
-علاش جايبني لهنا اشنو بغيتي مني؟
زدح باب السيارة كيشوف فيعا من الجهة الاخرى دار عندها وقف قدامها ببرودة جبد سجارة حطها فمو وقال كيحاول يشعل السجارة ويغطيها بيدو
مركزة معاه فالهضرة عن قرب كتشوف فعينيه ويدو على رقبتها شادها بقوة حتى غوتات بأعلى صوت طلع من الجوارح فالهواء وطلقها رجع خطوة نتر الكارو بصبعانو رماه وخلا ليها دراعها محروق والشبكة اللي لابسة فاليدين مكمشة فالجناب من بعد ما طفاه ليها فيدها وقال كيخزر فيها وهي شادة دراعها كتبكي وتنقز
- مرة جايا ... غنطفيه ليك فعينيك .. الفيراجات ديالك راه منافعينش
حدا باب العمارة حطها مكملش معاها الهضرة ونزلات كتجري وتبكي غتسخف وشادة فيدها ... لاح داك تيليفون ديالها قدامو فالسيارة من بعد ما حيدو ليها زاد فحالو ..
حلات باب الدار كتعكل بالطالون ودغيا لاحتو من رجليها مشات كتجري والدموع نازلة للكوزينة كتفتف جبدات الفورص بسرعة حطاتو على دراعها وجلسات فالارض حدا سطل الطحين كتنخصص وتبرد الحرقة والطحين مشتت عليها وفجنابها .. فير كتهز وتخوي على دراعها وتلوى بغات تموت حتى فات الحريق وبردات يدها وتكات على البلاكارات جالسة سادة عينيها كترتاح من حر الالم . في حين حط الطموبيل حدا باب البار وتفرغ للتيليفون ديالها كيحاول معاه حتى حلو وبدا يقلب ويبحث فيه .. شاف الاتصالات .. شاف الصور .. شاف الواتساب .. والنوامر اللي عندها ... قلبو مزيان مالقا فيه حتى حاجة من غير رقمو هوا ورقم مو وارقام عائلتها وبعض الحوارات معاهم ... لا ذليل ولا شيء .. برد نوعا ما وتكا ساهي كيفكر فيها والندم كيطلع معاه .. مكانش عليه يوصل للحرق ويضرها .. مكانش عليه يبكيها ويسيفطها كتبكي فديك الحالة مهما ارتفع غضبو ... مشافش عليها شي حاجة اللي تخليه يتعامل معاها بديك الطريقة لاكن خروجها بالليل كلا ليه تفكيرو باغي يعرف فين مشات .. شنو كدير مور ضهرو ؟ الشك قتلو وتخيلات كثيرة كتزيد تكمل عليه واكثر خيال كيعصبو ويخليه يترعد هي صورتها فالفراش مع شي واحد اخر كما كتكون معاه .. بمجرد مكيتخيلها كيبدا يتحلف عليها ويكرها ويترعد عليها كأنه شافها .. فالاخير كيرجع ينعل الشيطان ويطرد ديك الافكار من راسو .
ناضت شادة فيدها كتسوط عليها الطحين والدموع نازلين مع الكحول .. مشات للحمام وقفات طالقة الماء وحيدات البودي بقات بحمالات الصدر فالاسود مشبكين والسمطة ديالهم شفافة مكتبانش .. الصدر مهزوز واقف ولحمها صافي لاكن دراعها فيه طبعة حمرا كبيرة وسطها نقطة ديال الكارو منفخة .. فزكات فوطة بشوية ديال الماء بدات تمسح الطحين فجوانب الحرقة وجبدات بيافين دهناتها كلها بردات عليها اكثر ورجعات لحالتها كتنقي وجهها وكلها حقد وكره لمهدي وندم شديد على نهار عرفاتو فيه .. خرجات من الدار فبيجامة عبارة عن سروال ودوني ديالو كحل لايحة عليها شال رجعات للسيارة كتقلب على صاكها .. خداتو وطلعات فالاسانسور كتقلب فيه على الهاتف الثاني ديالها لقاتو طافي ودخلات للدار دارتو يتشارجا وشعلاتو كتنهد .. عندها الزهر مكانش فجيبها .. عندها الزهر ماشافوش وماعرفش عندها جوج تيليفونات وعندها الزهر جا فتيليفون اللي مافيه حتى حاجة من غير نمرتو ونمرت مو وعائلتها .
يالاه شعلاتو لقات مسج من عند هشام بالفرنسية ومشات كطرجم باش تفهم لقات كلمات معبرة عن الاعجاب والراحة وكلمات رمنسية بدلات عليها الجو شوية ورتاحت نسبيا وتكات كتقراه وتعاود فيه بابتسامة واعجاب .. رن عليها فجأة وحلات عينيها فتحات الخط وردات قاىلة بابتسامة
- الو
هشام : بونسواغ مابيل .. ياكماااا... فيقتك
جميلة : لالا باقا منعستش
هشام: بغيت غير نسمع صوتك قبل منعس
عضات شنايفها كضحك : اممم
هشام : مارعفتش اش غنقول ليك .. ولا شنو درتي فيا ... من ساعة اللي رجعت فيها للدار وانا كنفكر فيك ... عجباتني عقليتك .. رتاحيت ليك بزااف ... ومكرهتش نبقا معاك
هشام : المشكل كل واحد كيكون مشغول بالنهار ... حاولي وصافي راه غنكون غير بوحدي ماكرهتش تكوني معايا
جميلة: ماعرفتش ... خلي حتى لغدا ونشوف
هشام : نشاء الله .. يالاه تصبحي على خير نخليك ترتاحي
تبدل الحال من المحال وصبح الحال بدات فيه جميلة تحضير للعباسية فالمحل ... ضمدات الحرقة ولبسات السورفيت .. عرضات على لقريب ولبعيد ... شي غرضها بيه تفقصو وشي عرضها بيه تبان عليه .. اما حتى لمعزة والحب مابقات تكنو لحتى واحد رجعو جميع معارفها سطحيين والضحكة الصفرا مكتخطيخهاش .. بغات تبان .. بغات توصل وتبين للناس مرتبتها .. من ديما كانت عينها كبيرة ويدها متقوبة وماتعز حتى حاجة فراسها ... العباسية دارتها فاعلة تاركة وباش توصل وتمشي بعيد بسرعة حضرات ليها شخصية مشهورة كضيفة شرف تفتاتح ليها المحل واخا حطات فيها فلوس صحيحة ولاكن ماعليش كولشي يتعوض فاش تشهر وتربح الناس بالضوبل ..ساعتها ترد فلوسها وتتوسع شعبيتها عبر مواقع التواصل الاجتماعي اللي سرا ليها فالدم بحال النيكوتين رجعات حاصية حسابها واش طلع واش هبط واش الناس كتفاعل معاها .. كسبات عداوة مع بعض الصفحات اللي نتاقدوها ونتاقدو صورها وسلعتها لتشويه صورتها رغم انهم ماعمرهم عرفوها عن قرب .. لاكن استغلت الوضع لصالحها وكسبات عبر انتقاداتهم وتلميحهم ليها اعضاء كثار وزادت صور اكثر استفزازا لاعدائها اللي ماعرفاتش سبب كرههم ليها .. باش اداتهم وباش وصلاتهم حتى مابغاوهاش وحتى حطو ليها ليها تعاليق الكره والحقد .. لاكن كان جانب اخر من المعجبين والمعجبات كيدعمها وكيخليها تزيد تطعن فاعدائها بحكم واقوال وصور ليها وهي ضاحكة باستفزاز واخا دمرو ليها نفسيتها فلحقيقة لاكن كان الرد مخالف على مشارعرها وحزنها المدفون . عرضات على مينة وفاطمة وحتى ايمان ختها لاكن تاصلات بيها بطريقة مستفزة وغرور كتعرضها باش تطعنها بخبر الافتتاح وتجيبها هي وعائلتها يشوفو على عينيهم وطرطق ليهم مرارتهم وتشرب نخب النجاح والفوز عليهم وتستمتع بطعنهم . لاكن وقع العكس ماحضروش ليها واخا كانت متأكدة انها رسلات ليهم سهم مسموم مكانوش متوقعينو .. وزادت راسلات لايمان حسابها دالانسغرام باش تحط ليها فيديو لافتتاح والصور واخا ماحضروش . كانت سلوى من اكبر المصدومين هي وفاطمة بالبوتيك وحتى بالشخصية الشهيرة اللي جات قطعات الشريط الاحمر باستقبال حار من جميلة اللي كتحاول دير بلاصتها وتكسب صداقتها ولاول مرة تتود لشي شخص وتكسب الصداقة ديالو .. كانو دائما الناس يتوددو ليها .. لاكن الآن رجعات كتكلاصي معارفها وكل واحد خصصات ليه تعامل فشكل .. ولان الشخصية الشهيرة وصداقتها بيها غدخلها لعالم الشهرة من ابوابه الواسعة وتقربها اكثر من الطبقة اللي هي باغا توصل ليها .. فتختارت الطريقة السهل رغم تكلفته الغالية ونجحات فالوصول ليه طبعا . افتتاح من اجمل الافتتاحات .. انقوي بلمسة انثوية .. كعك كبير زهري باسم جوليا اللي تمت شهرتها بيها .. حلويات ومشروبات راقية واخا الحفلة صغيرة والناس قلال لاكن على قبل الشخصية الشهيرة جابت تريتور نضم ليها الحفلة ودقايقية كسرات باصواتهم القصارية ... لايف على الانستغرام ماحبس من بداية الحفلة وكاميرمان صور جميع اللقطات والملابس باحترافية في فيديو واحد نزل على الانسغرام بسرعة .. ماقنعاتش فقط بهادشي لاكن كسرات الحواجز ودفعات ثمن لاكبر الصفحات نشرو ليها الافتتاح ديالها واصبحت وجهه مألوف ومعروف باسم جوليا وطلعات كما كانت باغية ومخططة فمصعد النجاح وطريقة السهلة اللي كتسهلها المادة دائنا
طناش ديال الليل ومينة عاد داخلة للدار بجلابتها المنبتة فالازرق من داكشي الرفيع والصابو فرجلها ديال المنسابات انيق والشعر مطلوق اشقر والمكياج وتعكيرة فالبوردو .. الذهب كالعادة والبيوصة والمشية والضحيكة .. لقات المهدي جالس ليها فالصالة مقابل مع الباب متكي على ركابيه وفيدو تيليفون صدمها وشافت فيه باستغراب
- اش جابك فهاد الوقت احنيني ماسي بكري عليك ؟ مولف ديع كي طرا وجرا جالس فالدار !
رد بجدية : ساليتو الحفلة ؟
تنهدات بتعب وجلسات فوق السداري مقابلة معاه كدور راسها
- اييييه اشمنك يا حلاوي ... اشمنك يا حانوووت .. والحوايج غير الفن داكشي الصراحة غزاااال .. غزال فنن .. ايوا جابت ليك ديك اش كيقولو ليها مشات ليا سميتها راه معروفة كتبان فالتلفزة .. جابتها عرضات عليها والدقايقية وداكشي متييول وزوين على حقو وطريقو .. الناس قلال
مينة : لالا مكاين بو رجال ... غير ديك اللي جات جا معاها واحد وشي وحدين معاهم صافي بقاو شوية ومشاو بحالهم (جرات صاك حداها كطل عليه ) عطاتني هاد الصاك ماعرفنش اشنو فيه ... شديتو وسكت
قلب عينيه لجهة اخرى ساكت كيخمم وهي تجبد من الصاك الورقي شال ابيض ناعم رفيع وعطر فعلبة من العطور الراقية ... حلاتو مينة عاجبها الحال كتشم وتميز وقالت مصغرة عينها
- زوييين ... من دوك الروايح دفرنسا (سرحات الشال كدوز يدها عليه ) حتى هادا غزال ديال الهاي ... نبقا نديرو بعدا على كتافي الى كنت معروضة عند شي واحد ... ولاهيلا غزال
رد كيسوط : فين خليتيها دابا هي فالحانوت ولا مشات للدار ؟
مينة : خليتها فالحانوت مع شي جارتها تما سمعاتها كتقول ليها نجلس معاك حتى تمشيو بجوج راه ماعنديش فاش نمشي ... خليتهم كيجمعو ديك الروينة . .. رخف رخف شوية على بنت الناس غتبقا خانقها حتى تطج .. رخف اناري راه البنات كيبغيو السياسة ماشي تشنق عليها تا يخرجو عينيها
خلا مينة كترش فالريحة طعناتو بيها وخرج قصد جميلة مباشرة للمحل جلس فالسيارة مقابل مع باب القصارية اللي طولتو طويلة مباشرة لباب جميلة المقابل معاه .. شافها كتسد المحل وهازة فيدها الكراطن كضحك وتعوج بواحد الكولون اسود لاسق عليها كانت لابسة معاه حداء بكعب عالي وحيداتو دارت فرجلها بانطوفة .. القصارية كلشي مسدود وخاوية بقات غير هي .. لابسة ديباردور اسود ولايحة عليها شال عريض من لوي فيتون بني ومخطط بالاحمر مغطية بيه من برد الليل وشعرها مطلوق كضحك .. تمات جاية كتعوج فالمشية وشافتو جالس فالطموبيل كيشوف فيها بغيض .. كيبانو عينيه كيبريو وسط الضلام واخا مخبيين تحت الكاسكيط .. تيشورط كحلة وسروال رياضي كالعادة اسود من نايك وفيدو ساعة فضية كتبري وسط الضلام . قلبات وجهها بميوعة ولاحت شعرها لور غادية وفاطمة هازة معاها الكراطن .. حطو كولشي اللور وسدات الباب وتلفتات بنص عين لقاتو كيشوف فيها .. طلعات فالطموبيل هي فاطمة مباشرة للدار وكتشوف فيه تابعها من اللور لاسق عليها .. ضرب ليها الفار من موراها بعيون سيارتو وكمل وراها حتى للعمارة .
ودعات فاطمة فباب الدار وعطاتها شوية من الخلوى لعاىلتها ودخلات فحالها حطات كولشي فوق الطبلة وطفات تيليفونها عرفاتو غيطلع عندها وماخاصوش يشوف تيليفون الثاني .. غبراتو وفعلا بعد لحضات رن الجرس وخلاتو كيرن ويعاود عاد مشات حلات الباب بعجرفة ويدها على جنبها وقالت
- نعام؟؟
دخل فيها وزاد سد الباب وراه وحيد الكاسكيط كيحرك عينيه فالدار وقال
جرها من رقبتها كالعادة بقوة وضرب جبهتها بجبهتو وقال
- لفيراجات مغيسلكوكش وغنبقا نعاودها ليك مرة .. وبربي نحصل عليك شي حاجة اجميلة ... والله تا ندخل عليك لحبس ومكندويش غا هكاك ... مزاااال مكتعرفيش شكون هوا مهدي .. خليني زوين معاك حسن ما نسا على عدو ربك شكون تكوني وندمك طول حياتك (صبعو على ودنو ) هااا ودني منك ... الى كانت شي حاجة فراسك غير نسايها راه كاين غا مهدي تا لموت فهمتي
بلعات ريقها بخوف وحسات بصدق فتهديداتو وقالت بهدوء
- انا ماشي بزز عليا نبقا معاك ... نتا تستاهل حسن مني وكاينين لبنات اللي يتمناوك و ...
رد بغضب وضرب جبهتها بجبهتو : هاد الهضرة د** كوليها ولا طلعيها مع ك** ... ماشي اي وحدة كندير عليها اللي كندير عليك ... وهادشي كامل اللي ردت عليك نتي حيت عندي هننااا (حط صبعو فراسو ) غي نتي نتي حتى للموت وندير عليك كتر وهااانيا حيت مكايناش شي حاجة سميتها بسلامة وسالينا ... طلبي عيني نعطيهم ليك ولاكن حيت عارف راسي غنشوف بيك وغنبقا نشوف بيك تا نتفناو ماشي داير حساب بالبسلامة ديالك ... هاد البلابلا دخليها راسك راه مكنضحكش معاك فهادشي وماباغيش نوصل معاك لشي حاجة مق***
تنهدات في حيرة : والى مارتاحيش نبقا هاكا حياتي كاملة باش نتا تبقا على خاطرك !!!
رد : نهاااار الاول فاش شفتك .. دويت معاك ياك .. اش قلت ليك قبل متمشي ؟ .. قلت ليك بقاي معايا وانا باغي نبقا معاك وجيتك من اللخر .. اش قلتي ليا نتي ؟ قلتي ليا انا متسخيتش بيك يعني ماكرهتيش ... وكنتي باغاني .. وشديت معاك الستون وقلتي كتبغيني فاش كنا فسبانيا ... (بغضب ) وعلاياش كتقلبي لعدو ربك دابا ؟ ها؟ طلعت لك فراسك ؟ باغا طيري ؟ واريييحي لارض انا ونتي طرقنا المسمار (لسق يديه بطمع بعض بغضب حتى تسمعات فارجاء البيت) هااكا فهمتي .. انا ونتي هاكا ونحصلك مع شي ولد ل*** لا نتي لا هوا غنعقل على مكم .. باغا تلبسي .. لبسي .. باغا دوري دوووري .. باغا تعيشي ؟ عييييشي ..باعا فلوس هاااكي .. شربي كمي خرااي ديري لي بغيتي كلشي غنصبر ليه (هز صبعو ) االااااا تبدليني بشي ولد **** راه نسا شكون نتي اجميلة وكنقسم ليك براس مي لعزيزة تا غندمك تمناي ترجعي لسطاش لعام ديالك ولداكشي لس غندير ليك ومغنحنش فمك .. خليني كنقول فيه بفمي فهمتي ... وحفضيه حيت ماابااغييييش نوصل ليه .. مابااغيش نخسرك وعزيزة عليا وبلاصتك هنا (حط يدو على قلبو؛) ولاكن عقلي .. (هز صبعو ) راه مكنحنش فكري ... نطير مك نتي وهاد القلب اللي لاسق فيك
تكمشات فقنت الفطوي يدها على خدها ساكتة وهوا فقنت اخر جالس معصب شاد تيليفون فيدو .. دام الصمت لمدة طويلة فالاخير تنهد وهز راسو بقا كيشوف فيها مطولا
حطات يدها على جبتها بتعب: كان عندي افتتاح المحل ليوم وكنت مشغولة ماديتهاش فتيليفون وصافي
هشام : بنتي ليا عيانة واقيلا مافيك اللي يخرج ؟
ردت : لالا مافيا اللي يخرج عيانة بزاف غير سمح ليا
هشام: حاولي شوية ويالاه تبدلي الجو معانا مالكي
ردت : لالا غير سمح مرة اخرى نشاء الله
عيا يقنع فالاخير حيدات ليه الياس وقطعات لاحت تيليفون فجهة ودارت يدها على خدها كتخمم بأسى وتفكر فمهدي .. تنادم معاها الحال فجاة وبدات تراجع حسابها معاه وشنو دار على قبلها ..فاق عليها الضمير لحضة لاكن غبر سرعان ما تفكرات بلي مايليقش ليها ابدا ومتقدرش تعيش فجو من الهضرة الناقصة والضرب وحتى لامتى غتبقى صابرة .. من الاحسن كل واحد يشوف حياتو ويختار الطريق اللي تريحو وتناسبو وهي شوية بشوية ترد ليه المعروف ديالو باش هاك يرتاح ضميرها وتعيش حياتها اللي ختارتها .
موعد المحكمة وصل والدعوة اللي رافعة هي على مها وصلات .. ركبات فسيارتها بجلابتها ديال العيد الزرقاء وشعرها مطلوق والنضارات الشمسية .. كتشوف فالسيارة وفبالها ترجعها ليه لاكن من بعد ما تشري شي وحدة واخا صغيرة ديباني بيها ، وبما انه مزال ماطلبها ليها تحطها فهادا لصالحها حتى تديها راسها فاش تلقا حل لمواصلاتها اللي هازة ليهم الهم و كتلف ليها المشية على رجليها ولا فالمواصلات .
دخلات تحضر الجلسة مقابلة مع امها والمحامي كيدافع عليها بالادلة باش ترجع حقها .. كان يوم السعد عندها طلع ليها المورال فاش حكمات ليها المحكمة ترجع الدار والسيارة لاكن وقع ما لم يكن فالحسبان .. رع التاريخ اللور فاش كانت مواعياش ومعارفاش شنو ليها وشنو عليها وباقا تحت كنف مها وحمايتها .. تما فاش وقعات اوراق معارفاش لاياش لايقين وكانت الفيرمة فقط اللي عندها انداك وكتباتها لمها باسمها بدون ما تعرف او تفهم شنو كدير وبقا فبالها الوكالة اللي سكتوها بيها وهادشي صدمها مكانتش متوقعة يوقع وخسرات الفيرمة وتشوات عليها كأنها خسرات عضو من اعضائها . جانب سعيد باستعادتها لاملاكها لاكن خسارة الفيرمة خسارة كتكوي القلب ماقدراتش تستوعبها و حقدات على مها والاعيبها وكدوبها وخوتها اشد الحقد ونترات من صدرها قلب العائلة اللي كان جامعها معاهم وطلعات فسيارتها بسرعة قبل ما يخرجو من المحكمة كاملين انطلقت باقصى سرعة للدار ديالها فعين عودة كتسابق مع الرياح وخدات معاها معلم فطريقها فرع باب الدار وبدلات القفل ودارت قفل مثين ودخلات كتجري وقلبها غيسكت خايفة يوصلو عليها وهي كتبدل القفل . طرقات عليها لداخل وطلعات بحال الحمقة كتشوف فالدار وتجري فيها .. تعنق طابلواتها وتبوس اتاثها ، دفعات باب من بيوت الغرف اللي لفوق كتجري فرحانة ومتلهفة تشوف كل ركن من اركان بيتها ..لقات حوايجهم مشتتين فالدار .. الصنادل والنشير والماعن فلكوزينة .. وفنفس البيت لقات حوايج مها معلقين عرفاتها كانت شادة داك البيت وبدات تقلب باغا تعرف شنو فيه .. حلات البلاكار لقات غير لحوايج وبغات تحل بلاكار اخر لقاتو مسدود .. خرجات كتجري هزات موس من الكوزينة متلهفة ومتحمسة وشقات بيه باب البلاكار كطل وهي تبان ليها البالييزة الحمرا ديالها محطوطة وطارت عليها بلهفة خرجاتها وطاحت ه وياها فالارض كحل وتهرس فقفلعا بلموس بشوق حتى تحلات وسطع ذهبها اللي تحرمات منو .. بحال المجنونة بدات تكمش وتهز كتشوف فيه بلهفة وتقلب وسطو لاكن لقات شحال من حاجة ناقصة وناضت وقفات كتقلب لقات بزاف ديال الصنيدقات مسدودين فالرفوف وخرجاتهم كتهرس فيهم حتى تحلو ولقات فيهم ذهب اخر كل ذهب عرفاتو ديالمن من خلال السنسلات او الباسليات اللي شافت عند خواتاتها .. صندوقة دايمان وصندوقة ذلبنى وكل حدة فيهم لقات فيها مجوهرات من مجوهراتها فرقاتهم عليهم امها ... بقا فيها الحال فاش شافت داكشي وغرغرو عينيها لاكن جمعات النفس فجاة بحقد وخوات دوك الصنادق فباليزتها بانتقام كتردد
- درتو الذهب ابنات ل*** درتوه على ضهري انا وطمعتو حتى فذهبي ... انا نوريكم ذابا الذهب .. (كتقلب فذهب ايمان ) هاي هاي هاي على ايمان السلكوطة حتى نتي درتي الذهب ... هاي هاي على ساعتي و كورميطتي وحوالقي .. فرحتي بيهم شوية وادابا انا غنوريك الى شفتي من هادشي شي حاجة راني بنت ل ***
سمعات الصونيت بقوة وفريع الباب فالباب كيتخبط وهزات راسها مخلوعة عرفاتهم وصلو ناضت بسرعة جمعات النوضة هي وباليزتها
طلات من على بالكون عليهم شافتهم كيتناقشو بيناتهم والحوار حامي والصالحة كتغوت على ايمان
بدا يضرب برجلو وطرمتو كتزعز وهي كطل عليهم مناقشين ... فجأة بداو ينزلو عليهم الحوايج من السما بحال الشتا وهزو راسهم كيشوفو غير ليدين من لفوق كيرميو لحوايج وبداو يغوتو ويسبو ويعيطو ليها .. مها بغات طرطق وكتحلف فيها وتعاود انا ايمان كطلب منها غير تنزل تواجههن باش ضرب ليها شي نتفة .. احمد تعصب ورجع لطموبيل حبد واحد الحديدة باغي يفرع الباب لاكن نزل عليهم سطل ديال الماء من لفوق كيشرشر فرتك ليهم المجمع كل وحدة فين هربات وبقا حمد بوحدو صامد كيضرب الباب ديال الدار بلحديدة .. المعيور والسبان وسط الحومة والناس كطل وتفرج .. الشوهة والفضيحة تلاقا معاها رشيد مباشرة وهوا نازل من الطنوبيل الكاط كاط كيسول شنو واقع .. فسرات ليه ايمان ويديها كيترعدو بالفقصة وكيمشيو ويجيو فبلاصتهم ومشا هز حديدة اخرى كيضرب فالباب معاند معاها هوا واحمد حالفين حتى يحلوها .. لاكن هايهات هايهات شيطان المرأة فاش كينوض شكون يجلسو ... نزل عليهم سطل ديال الماء طايب كيغلي من الشوفو فيه جافيل كيبقبق والخل ريحتو عاطية مباشرة فوق راسهم صلقهم بجوج ورجعو اللور كيغوتو والصالحة كضرب فخادها .. بلغدايد ديال الحريق نزل احمد على المطموبيل ديالها اللي فالباب بديك الحديدة كيهرس فيها ويدكدك ويضرب وهي كطل عليهم من لفوق غير بعينيها وزادتهم سطل اخر ديال الماء وبدات ترش عليهم جافيل ولاحت عليهم حتى لقررعة خاوية
جميلة الجزء 15
محتوى القصة
التنقل بين الأجزاء