ملاك المازوشي الجزء الثاني

من تأليف Farah Haddadi
2020

محتوى القصة

رواية ملاك المازوشي

جراات سكينة جاابت كاس د الماء لي دارت فيه السكر و عطااتو ليها شرباتو 

ملاك : شوية دبا 

سعدية : اه ابنتي ليرضي عليك بيخير 

سكينة : اوا حمد الله يا ربي نتي عارفاهم كيف المش و الفار غا متبقايش تعصبي 

سعدية : ليهديهم علبا و صافي ابنتي شي نهار يطرطقو ليا شي عرق 

ملاك : نعسي اماما رتاحي شوية و خليني مني ليه متسوقيش نتيا لهادشي هههه شفتوني كيف ضربتو تاني مخليتش من جهدي 

سعدية بتاسمات عارفة بنتها مزيان مكتبغيش تبين ليها حزنها و لكن عينيها دايمن كيفضحوها قدامها 

سعدية : ليرضي عليك أبنتي انا نعس نرتاح شوية 

غطاتها سكينة و خرجو لبرة كلسو فسداري لي فالمراح و هي تعنقها سكينة لي غا عنقااتها خرجو دموعها 

سكينة : هااء شوف الهبيلة كتبكي 😐

ملاك : هئ هئ سكتي عليا الحرامية بقات فيا غا دقة لي عطاني بتليكومونط 

سكينة : هههه نوضي نوضي غسلي وجهك نوضي تكعدي 

ناضت ملاك غسلات وجهها بالفوطة و نشفاتو و جلساات حداها 

ملاك : دا الفلوس ولد الحرام طاح ليا على المخبئ سري 

سكينة : شحااال خصك ؟؟

ملاك : تلاثين ألف على حساب دواء ديال مي 

سكينة : تكعدي رمي عليك شي حاجة و تبعيني انا نبدل و نمشيو نشريوه هااد دواء ايغلبنا 

ملاك : ياك تقدااو ليك الفلوس ؟؟

سكينة : يالله زيدي تحركي انبيع السنسلة ديال ذهب تا ندور الحركة و نشري لخرا تاني 


ملاك : اوا زيدي نتي نيت انا جوج دقايق دغيا نلبس نتي لي كتبقاي واحلة ليا تماك 

خرجو من الدار مخلية تليفونها ناسياه فالدار لي عياا عمااد يصوني فيه بغا يفكرها تبدل الموقع ديالها و لكن لا مجيب 


( احسااب لييكم شكرتهااا حيتاش اتعطيها سنسلة لا ابدا و ابداا واش تقولها عندك سكينة اميمة و ملاك تخطااو ديك المرحلة واقفين مع رااسهم فسراء و ضراء تا حاجة مكيخبيوها على بعضياتهم و لي تقالت على هادي خفافت على لوخرين ) 

دخلات معاها لدارها ليكانت غا بيت على شكل مستطيل جنب الحيط دايرة نموسية متوسطة الحجم غطائها بالأحمر و حداها دايرة ربعة روايد ديال طنوبيل مصبوغين بالأحمر و فيهم خطوط بالأسود و فوقهم دايرة زاجة على شكل كوافوز أنيقة فوقها مراية و مستفة فيها مكياجها الماريو د الخشب دايراه مكاود مع النموسية عند رجليها مستفة فيه حوايجها لي المعري كثر من المغطي و حداه بوطاجي صغير فوقو شبكة بالأسود فيها 5 الكيسان و 5 الطباسل بريق و شبيكة صغيرة بحال الشبكة الكبيرة بالأسود حتى هي معمراها بالمعالق و الفراشط و المواس دايرة ثلاجة فالقنت حدا الباب و ديك المساحة لي الوسط مستغلاها دايرة فيها سداري لي باين من نوع د سدادر ثقال و دايرة ليها غطاء زوين و الوسايد دايراهم بالأحمر و دايرة ربعة الوسايد كبار بالأحمر و صغار مربعين بالأسود
شادة الكرطون د البيض و دايرة بيه دائرات كبار رامية فوقهم توب بالأحمر بحال الكراسي ودايرة وسطهم طبيلة خشبية بالأسود 

كان مجرد بيت يكون مستطيل مكيتعداش 30 ميترو فالعرض ديالو الا انها عرفاات كفااش تلعب عليه و تلعب على الالوان فيه لي كانو مزيج بين الأسود الأحمر و الأبيض منضمة فيه كولشي على حقو و طريقو و جدرانو صابغاهم بالأبيض مشات حلات ليك دااك الماريو و جلسات تختاار 

أما ملاك بقات غا كدور عينيها فداك البيت من القنت لقنت 

ملاك : ياا ختي كتقتليني غا بدوقك لي شاف لبيت هاكا ميقولش ساكنة فهاد الدرب 

سكينة : تانتي باش نفعنا هاد الدوق شفتي هاد البيت عزيز عليا كنشم فيه غا ريحة با و مي ليرحمهم إييه واخا خلاه ليا با فالورث و ليني داك الحمار د عمي لعب بالوراق تا وليت نخلص كراه ليعيطه الموت 

ملاك : تانتي تا حد ملقاها وااش خااصني نبقا نتسنااك عامين 

سكينة : هاانا ساليت اناري كوليني 


و بعد ساعة اخيرا خرجو من داار 

ملاك لي كانت لابسة تريكو فالبيض نازل على كتافها مع سروال دجين مزير مبين ليها منحنياتها و سبادري بالأبيض شعرها طالقاه على راحتو و العينين كينافسو الربيع فخضورتهم 

اما واحد سكينة لهلا يوريكم اشلابسة ضاربة ليك سرواال لااصق عليها نييت بالجهد و من التحت مفرفر شوية فيه جوج خيوط على شكل سمطة كيجيو نازلين و الفوق غا تريكو توما اشمن تريكو غا دوني ديال سروال نيت كيبان منو صدرها المزلع لدرجة رؤوسهم كيبانو و كرشها كتبان طلقاات شعرها رطب طويل لي كيوصل تال طرمتها و بشرتها السمراء كتبان كتلمع 

ملاك : ليوم طيحي زرزور من فوق الصور خفت غا لتبان ليك شي همزة و تخليني و تزيدي 

سكينة : هههه و شكون عرف تقدري ترجعي بوحدك راه خااصني ندخل الصرف نيت 

ملاك : زيد زيد وكان 

غا خرجو من برى كتسمع العيالات كيهضرو عليهم 

-ويلي ويلي هادي عمرها توب مبقات حشمة 
- دروك تخرج على بنت السعدية تا هي اتبقا تابعاها تا تخرج عليها 
- اويلي على مشفتيهاش تا هي كي كتخرج ليهديك تلقى وا خارجة طريق شحال هادي 

شافت فيهم سكينة بعدم كترات مولفة بكلامهم 
اما ملاك غا سمعاتهم معطلاتهمش فالبلاصة جاوباتهم 

ملاك : اواااا لينعل لي ميحشم النميمة بعدا تعطيوها صلية و تا الا كنت خارجة لطريق مشغل حد فيا

مرة منهم : اويلي ا ملاك تي شكون هضر عليك بالخايب حنا نتكلفو بيه 

ملاك: درب المنافقين تفو يا لطيف 

سوكا : زيدي زيدي متديهاش فيهم 

تحركو شوية تا بانو ليهم رباعة د دراري نقز واحد تابع سكينة 

الدري : سوكا 

تلفتات لعندو بزربة : نعام احبي 

الدري : نلعبو شي ماتش 

سكينة : مكنلعبش بالرخيص 😉

الدري : غا بلاتي نجمع لفلوس و تشوفي ديك ساعة 

سكينة : لقضية ماشي قضية الفلوس أزين هاادشي مغتفهمش ليك نتا 

الدري : تعطيو غا لبراني ولاد لبلاد لا 

ملاك طلع ليها دم كتبغي تاكل راسها كل ما تفكرات كفاش صاحبتها كتجمع الفلوس 

ملاك : ياا صاافي جمع اسااط قبل نصدق مقنبلاها مع خونا فالله مبغاتش دور 

الدري : الله الله ضرافات د درب دوات غا حيتاش ضريفة غنمشي بركة غا كتهلاي ليا فالخوادري صغير 


سوكا بضحكة تردد صدااها فالمكان : مزاال متقبلتيها ؟؟

ملاك : شنو هي ؟؟

سكينة : بلي صاحبتك قحبة 

ملاك : سكينة شوفي أنا 

سكينة : زيدي زيدي راه تعطلنا 

فمكان أخر 

كان دااير رجل فوق رجل يد راميها على الفوطوي و يد كيكمي بيها سيجار بكل هدوء و هو كيتفرج فتصااور البناات لي تماك كمل سيجارو طفاه و مباشرة جبد سلاحو من جيبو يلاه وجهو ليكارد 
تا تكلم ليكارد بزربة و العرق كيتصبب من جبينو 

الكارد : عافاك عاافاك ليخليك متقتلنيش كاينة كاينة واحد البنت دخلات غا صباح اه غا قبيلة و مزال مبدلاتش موقعها شفتها زوينة زوينة 

دغيا الكارد شد لاصوغيغ فيديه و دخل بزربة لصفحة كان ديجا حافضها عندو باش يدخل ليها من بعد نيشان 

شااف رحمان فالصورة لي فشاشة و توسع البؤبؤ
ديال عينيه تحنى بكامل جسدو لعند لبيسي و بدااا كيحقق الشوفة عينين خضريين كبار و مشفرين فيهم لمعة خاصة كأنها لمعة دمعة امل منسية فبحر عيونها مؤسورة داخل عينيها فقط انف طويل و فم مثاالي بزاااف شكلو مغري لدرجة كبيرة 

بتاسم و شاف فالكارد لي غا شاف بتسامتو تنفس الصعداء 

رحمان : و علاش مورتيهاش ليا من لول و خليتيني كنشوف فالبنات لوخرين ؟

تلبك و معرفش اشيقول كيقلب على كدبة مناسبة : أ؟؟؟

محس غا برحمان لي شدو من قرفادتو و ردخ ليه راسو فوق طبلة تماك تا حس بهيكل راسو تقسم 

رحمان ببتسامة : كنتي بغيتي تخليها ليك 

عفط عليه برجليه فوق قلبو مباشرة و دار يد تحت يد بشكل عكسي جاب رصاصة فعينين الكارد نيشان 

تحرك بحدائو لامع لجهة البيسي و برونشاه مع تليفونو جبد المعلومات لي بغا و غادر المكان 

كاع المعلومات لي عندها فهاتفها نتاقلو لهاتفو 


غا خرج من داك البيت توجهو ليه ليكارد بسرعة البرق هزو الجثة لي مرمية فالأرض و رجعات ديك البيت بحالا موقع فيها والو 

بقا غادي فطريقو للبيت و بتاسم كيتفكر فسميتها لي طلعات ليه فالبيسي 

رحمان : ملاك رحمان 

فمكاان أخر كاان وااقف هو و دري باينة فيه مكلمن ولد لفاك و كيهضر معاه 

مهدي : واايلي اصاحبي كنلعبو هناا تااا بربي تااا تليفون واااعر متلقاش فحالو حيد عليا من تليفونات ديال هاد الوقت هذا راه جابو لبا عمي من طاليان سلعة ناضية 

الدري : متنقصش زعماا شوية ؟؟ 

مهدي : شناااهوا تااا رااه سلعة نااضية أندير نعاك المزيان شوف انبيعو ليك ب ألف درهم ديه ولا خليه اخر ثمن 
( تا راه ختك شارياه غا ب 500 درهم المسخوط 😂 ) 

الدري : صافي هاك ليربح 

مهدي : لعز ا خونا 

عند مريم كاانت غااديا يلاه سدات الحانوت كتمشى بطالونها مع قصيرة دايمن طالون باش طوال شوية جبداات من جيبها باسطة د شكلاط طويلة حيداتها من الكاغط رماتو فساكها و شداتها بين جوج صباعها كتاكل فيها تا كتحس بشي حد دايز تحنى عندها و عض من الباسطة لي فيديها تاا مص ليها شوية من صباعها بحكم الباسطة كانت قريبة تقادا بقاات كتشوف فعينيه العسليين دوخوها بالمزياان و فوجهو الرجولي شي حاجة فيه فشكاال و هو كيبتااسم ليها خلاها سارحة فشوفتو و قرب طبعة قبلة فحنكهاا كملات عليها داكشي لي خاص و تحرك مغادر لمكان مخليها رجليها فشلو عليها معاارفااش شنو هادشي وااقع ليها تسوليها على سميتها دبا تقوليك فاطنة 

مضرباتها الفيقة غا على صوت الفيفرور فتليفونها 
سرعاان ماا تدااركت الموقف و كرنات حجبانها نااوية تسب و تعرعر معولة على خزيت تا دارت ملقات تا شي حد 

اميمة : ليلقييها ليك الحمااار لاااخر ليعطيه الحبس باسطة ديال درهم تا هي طامع فيها لا لا و بايسني من الفوق ليعطيه الجدام 


لي شاافهم من البعد يقول مااشي مغربيات كل وحدة و زينها وحدة العينين خضرين و البشرة بيضة بحال الحليب و لوخرا العينين قتالين سوداوتين و زايدهم الكحل و الايلاينر جمال على جمال من بعدما قداو الغراد سكينة هازة الفلوس لي شاطو ليها من السنسلة و ملاك شادة الدواء فيديها 

كاان داايز بحديدتو الواعرة كيف العادة ضارب ليك تريكو بالبيض و مستيكي على الحالة طالق أغنية ديال الراي كيف عاادتو محيح غاا رااسو 
دااز بطنوبيلتو الكحلة كيف العجاجة و كيغني تاا حبس فراان سيك و شد فديالو بيديه و كيهضر معاه 

سليمان : نعس نعس اصاحبي اشفتي طرماحة و قلتي حاضر نعام اشاف 👮‍♂️

بقا نزل جاجة د طنوبيل و بقا كيتسنى تا سيكلوه و تكلم معاهم 

سليمان : أفين ازين شي ليلة ولا ؟؟

شافت فيه سكينة و طلعات و نزلات فالحديدة الواعرة و تكلمات مع ملاك

سكينة : دااركم انا ضبرت على نهااري 

ملاك : تهلاي 

سليمان : فين غادية صاحبتك قوليها طلع نوصلوها بعدا ؟؟ و نتحركو 

سكينة : واش مسالي 

سليمان :ههههههه مسالي مفليبي لكرام د العقل واش كاين غاا طلع نوصلوها بعدا

سكينة : ملاك يالاه نوصلوك

ملاك : واش تسطيتي راكي عارفاني ممولفاش بهادشي د الطنوبيلات 

سكينة : تانتي غاا زيدي و نتي غتموتي بالخلعة على والو طلعي طلعي سيد راه باين طمع فطرمة 

توجهات تال شرجم د طنوبيل و دوات : شحال تعطيني ؟؟

سليمان : هههه شحال مبغا لحب 

سكينة : قل من 50 ألف مطالعاش 

سليمان : جااتك 


طلعات سكينة لقدام و ملاك طلعات جلسات لور

سليمان : تعشيتو البنات بعدا ؟؟

سكينة : مزاال 

سليمان : هي ندوزو نتعشااو هي لولة 

ملاك : لا اخويا زربانين شكرا 

سكينة : اه ندوزو علاش لا 
"داارت عند ملاك خنزرات فيها "

سليمان : هههه المهم رااه عندي واحد المطعم ديال البيتزاا قريب غا هنا ندوزو ليه نيت ناكلو فيه و عرفتو انتهلا فيكم لبيتزا اتاكلوها من يدي 

ملاك : اويلي غادي نتعطل على ماما 

سكينة : تي كلسي مالك حامية فيك البيضة يالاه 6 د العشية 8 كاع لطولتي هانتي فداركم 

سليمان : تي طلقيها تسرح عيشي لحظة 

شااف فسكينة : شنو فيها نطلقو شي موسيقى 

سكينة :و مكاين محسن من الشاب بيلو 

سليمان : ههههه الرضاا 

طلق ليهم الموسيقى و غاا بدات ؛ تسمع الغوات ديالو هو و سكينة 

هااا شيخة هاا كيرااني ؟ 💃💃
شكون لي يسقسي عليا ؟ شكون لي يحن فيا ؟ 
شكون لي نشف ؟ شكون لي نغيض؟
انا العديان غبنوني شربوني المر 🍾🍾
مانيشي كيما بكري 
مانيشي كيما زمان
راني مغبون وحدي 
و نضاطايي وحدي 
كل يوم نبكي وحدي
انا عييت من قلبي 
راني عليكم نمعني يا لي راكم غا نيني ....

كانو متفاعلين مع الجو د الموسيقى و كيشطحو و سكينة كل مرة كتمايل بشعرها يمين و شمال و تشطح بيديها لي كتشالي بيهم هاكا و هاكا 

بشوية بشوية ولات تاا ملاك كتطلق معاهم و تشطح بيديها نااسيا الهم تاا وصلو حدا واحد المطعم كبير سميتو Pizza sliman 

غاا نزلو من طنوبيل هزو عنقهم فالمطعم و حلو فمهم بجوج تاا قربو يسيلو ريوقهم 

ملاك بعفوية : هااد المطعم كاملو ديالك ؟؟

سليمان :ههههه هذا هو صغير فيهم عندي لوخرين و لكن ماشي فالمغرب واخا طلعات ليا لبيتزا فراسي و ليني معاكم اتدوز حلوة 

ملاك : هههه الله الله نتا طلعات ليك فراسك انا راه مكرهتش نبقا ناكلها يوميا 

سليمان : ههه صافي مشات كل نهار نبقى نسيفطها ليك مع صاحبتك 

سكينة بضحكة ديال منيتك : هههههه الأخ ياكما نازي طول معانا 

سليمان : و على شفتي شي ( مع غمزة ) متعرفي ندوق و يعجبني و منسخااش 

سكينة : ههههه من ناحية متسخااش نضمنها ليك و ليني داكشي كيكون غا مؤقت 

ملاك حنحنات حشمات هوما محشمو : احم ندخلو بعدا 

سبقاتهم ملاك و هوما موراها كيهضرو 


سليمان : هههه صحيبتك باينة فيها ماشي فحالك

سكينة : ههه علمك الله اوا قلب عليها احبي 

سليمان : شنو مزاال مدرنا فطاجين ميتحرق وليتي تغيري ؟؟

سكينة : هههه توء توء هاديك ختي و يقيسها شي حد نكويه من لودنين 

سليمان : مالي انا بنت ليك باغي نكويها ههههه و ليني عجبني تفكيرك 😂

سكينة : ليمسخك هههه زيد زيد خليناها كتسنى قدام الباب 

وصلو عليها غا شافوهم ليكارد حلو ليهم الباب و دخلو تلفتو كاع الزبائن لجيهتهم و سليمان ممسواقش ضارب دنيا بركلة مشا معاهم نيشان لمكان صنع البيتزا 

سليمان : هههه شوفو شوفو لبيتزاا لي اتاكلو ليوم هي احسن بيتزاا اتاكلوها فحياتكم

سكينة : هههه احنا نشوفو 

سليمان : ههههه ام إنا بيتزا بغيتي نتي ؟؟ 

سكينة : انا بغيت ديال فواكه البحر 

سليمان : و نتي ؟؟

ملاك سرطات ريقها : بغيتي صراحة صراحة

سليمان : صراحة صراحة 

ملاك : اوا مكرهتهومش كاملين 

سليمان : هههه سير عالله 

كانو فجناح بوحدو خاص بيه عااد مكان اخر كيصنعو فيه ليشاف لبيتزات لبص طابلية و عطاها لملاك و سكينة لي جالسين كيتفرجو فيه كيف كيعجن بإحتراافية خطير بزااف مكاملاش 5 دقايق كاان موجد العجين و داير فيها المكونات لي كانو وااجدين 

سليمان : ههههه شوفو شوفو 

بدااا كيهز لبيتزا تال سما و يشدها فيديه و ملاك غا كتصفق ليه 

ملاك : ياااي بغيت ندير تنا فحال هاكا 

سليمان : لاءح غا شااف لي كيعرف لهادشي 😌 هانتي شوفي تاني شوفي 

هز لبيتزا تال سماو دار كيشوف واش حتى سكينة كتشوف فيه ولا لا مجا فين يهز راسو يشدها تا جاات ليه فوجهو نيشان 

تزلعو عليه بضحك و هو كيشوف فيهم بملامح مصدومة شوية نفاجر على راسو معاهم بضحك 😂😂 و بلخصوص كيشوف لاصوص نازلة ليه مع الطابلية 

سكينة : ههههههه لاهيلا وليت كتبان بحال المهرج 😂 

ملاك : هههههه ويلي ويلي عليك اشاف 

سليمان : ههههه هييه ماالكم مالكم المهم هو المشاركة 


كملو لبيتزا ملاك حط ليها 5 لبيتزات كل وحدة و باش معمرة كتهز طرف من هنا و طرف من هنا
و سكينة هي كتاكل ديال فخوي دوميغ و هو وحدة معمرها بكولشي مخلطة و عامرا بزاااف 

سكينة : نااري ناري مالك اخوة معمرها كثر من القياس كاع هدا جوع فيك 

سليمان : سكتي سكتي راه ندير فدغمة ناي وياها 

مدوزين لبيتزا بالمناضة و مع ملاك كتسطا على الكيتشوب والمايونيز مكاين غا لبق و كول 

كياكلو و منها كل واحد كيعرف على رااسو ولا نقولو ملاك و سليمان كيتعاارفو اما واحد سكينة معطاتو سميتها غا بستة و ستين كشيفة و هاادشي لي عجبو فيها 

سلاو الماكلة فجو كلو ضحك و هاادشي كامل بفضل المهرج ديالهم سي سليمان 😂😂 

سلاو و خرجو من المطعم و لكن ماشي كيف دخلو 

ملاك خارجة و محملة العشا د مها هازة 3 الكراطن د لبيتزا لي عطاهم ليها سليمان مقدراتش 
تكملهم كاملين يالاه كلات وحدة و مورصو مورصو من كل شكل 

دخلو لطنوبيل و جبداات تليفونها تشوف شحال ساعة لقاتها لعشرة د ليل و هي تحل عينيها على وسعهم 

ملاك : ياك قلتي ليا قبيلة يالاه 6 

سكينة : كانت 8 غا قلتها ليك باش تريحي و تزكاي 

ملاك : ويلي ويلي مشا لحال خليت مي كاع هادشي بوحدها كوراه مشطونة عليا سربيو وصلوني لدار دغيا 

سليمان ضرب سكينة لراسها : و ليني طلعتي ابة مع راسك سليمان جوج دقايق نكونو حدا داركم ارا لعنوان 

ملاك : وقف غا فراس د درب سلطان لحفضاااك 

سليمان : سير عالله 

غااا كسيرااا طلقااتها بغوتة وحدة هي و سكينة 

اااااااااااااااااااه



سكينة : تااا خفف السرعة الزمر باغي تقتلنا 

سليمان : هههههه موت وحدة لي كااينة 

كان غادي بسرعة 210 km/h دغيا وصلهم غا نزلات ملاك حلات تا سكينة لباب رداات كااع كرشها 

ملاك لي هازة لكرااطن : ويلي ويلي سكينة 

نزل عندها تا سليمان هاز فيديه قرعة د الماء 

ملاك : عطيها عطيها تغسل فاش تسالي 

مشا ملاك حطات الكراطن فوق طنوبيلتو 

و هو تحنى عند سكينة رجع ليها شعرها لور مهزات راس تا خوات كرشها شدات ملاك القرعة و عطاتها كنينيكس مسحات فومها و غسلات عاد هزات راس 

سكينة : وا هاادشي لي بغيتي كاع دوختيني 

ملاك : مزيان دبا ؟؟

سكينة : مزيان 

ملاك : يلاه تلاحو سليمان ها هي عندك شكرا على البيتزا 

سليمان : هههه بصحة 

نوضي نوضي اشستحليتيها 

سكينة : ههههه يلاه زيد عندااك تكسيري تاني راه معدتي على قد الحال واخاا راشقة ليا نمشي على رجلي 

سليمان حرك يديه : هههه و حنا مالنا اشخااصرين نمشيو على رجلينا يضربك البرد شوية نيت 

سكينة حطات يديها على حنكها : اويلي و طنوبيل و الله تيطيروها ليك صحاب الحال

سليمان : هههه متخاافيش انحطها فالكراج تا يجي ليها واحد خونا يديها 

سكينة : ههههه و الله تا هارب ليك المهرج 

سليمان : ههههه شكرا شكراا مهمتي ادخال سعادة الا قلوب تيتيزات 

سكينة :هههه زهواني باينة 

سليمان : اوا مقلتيش ليا شي معلومات عليك عندك شي حب فحياتك ؟؟ 

سكينة : هههههه على العاهراات كيكون عندهم شي حب اهديك الله 

سليمان : ضروري تكون تجربة 

سكينة : شفتي الا غا فالمغرب يكدب عليك الكداب لي يقوليك كاين شي حب 


سليمان : هههه مجربتش باش نقوليك و لكن ... 
وقف و شااف فيها مركز شوفي فعينيها ) وجهك صدق حسن من طرمتك 

غاا سمعات كلامو دغيا نزلات عليه لكتفو : لحماار لااخر

سليمان : هههههه صافي صافي طرمتك حسن من وجهك عجباتك هادي ؟؟؟

سكينة : سلييييماااان 

سليمان :هههه لاهيلا غا ضااحك 

سكينة : زيد زيد و نتا غا نهار اتشيبني فيه 

بعد دقائق وصلو لبرطمة زوينة جات فطابق التالث حل الباب و جرها من يديها 

سليمان : لضرك جوع حلي تلاثة ولا لبلاكار هزي لي بغيتي انا اندخل ندوش 

حركات راسها بالإيجاب و توجهاات لثلاجة بانو ليها العصيرات غا شافتهم حلات عينيها هزاتها و بانت ليها كيكة د شكلاط مغطية جبداتها قطعات منها مورصو كانت هزات عصير ديال الفريز و البانان بان ليها سائل ديال شكولا و واحد اخر د الفريز و هي تجلدهم كتكب فوق داك الكاس تا عمراتو بشكلاط جابت معلقة طويلة كتهز بيها العصير حيث بان ليها خاتر اما الكيكة كتهزها بيديها شبعات غسلات لماعن لي وسخات و توجهات لبيت فين دخل عاارفة شغلها مزيان و عارفة مهمتها هنايا كتبقى غا لحضية فالأخير كتبقى غا عاهرة لتاقطها من الشارع لاغردو حيدات حوايجها و بقات بسترينغ لي كان غا سماطي دايز وسطهم خط من الوسط و سوتياماتو لي كان فيهم 6 شرائط مزينين ضهرها شعرها جمعاتهم بباندة من القدام و طالقاه من لور فورمتها خطيرة على شكل ثمنية الشيء لي كيخليها تسقط الرجال ففخها 

جلسات فالناموسية عاطياها بالضهر وكتسناه يجي 

كان خرج من الدوش لاوي فوطة على خصرو فوق البوكسور و فوطة كينشف بيها راسو ناوي يلبس حوايجو فبيت تبدال حتى كيصدم فيها بدااك شكل و طلق الفوطة من يديه محااسش براسو تاا رجليها ساقوه لعندها و حط يدو الباردة على كتفها 


غا حط يدو على كتفها شهقاات 

سكينة : يديك باردين 

سليمان : هههه هاهوما بدااو كيسخنو شفتييهم 

نزلهم و ضغط على صدرها تا تؤوهات و وجهو خشااه فعنقهااا كيقبلو بكل حنية و هي مرخية بين يديه 

تكاها بكل حنية فوق الناموسية و بداا كيوزع قبلاتو على ضهرهااا كاامل و هي كتعض بالوساادة كتحس براسها بدات كتسخن و هو كيتلاعب بيها كيف بغا محرك انوتثها على هواه 

بدون شعور منهاا دفعااتو تاا جااا فوق النموسية و طلعاات فوق رجولتو مباشرة و نحانات بضهرها عليه كتشوف فعضلاات بطنو السداسية و كتافو
العراض ركزات شوفة على شفايفو و قربات ليهم 
ببطئ و تاا هو حرك راسة كيستاعد لقبلة معمقة معاها حتى كترجع بلور و بتاسمات حطات صبعاانها على عضلات كرشة و بدات كتمررهم بشيء قريب للمس الشيء لي زاد من توحش الرغبة لي ركبو عليها 
دغيا قلبها و جاا فوقها شدها من شعرها باش يضمن انها متحركش راسها مجددا و حط فمو على فمها مهااجمو كيتلدذ بمذاق الفريز و الشوكولا لي فيه كاانت حتى هي ماشي قل منو غادية معاه فالخط قبلاتها محترفة للغاية علاش ميكونوش هكاك و هي هاديك حرفتها الا متقناهاش غا تمشي تموت نزل يديه مع كرشها 
مرورا لمؤخرتها و عتااصرها شيء لي خلاها تاوه وسط فمو 

سوكا : امممممم 

كان صوت قبلاتهم مسموعين فالبيت كاامل مساخيش بطعم شفايفها بعد عليهم قليلا و رجع ليهم مرة أخرى منتاشي على الأخر و هي ناتفاه من شعرو و كتزيد تااكل شفايفو مبين فمها 

بعد و قطع ليها سوتياماتها تاا تزلع صدرها المنفوخ قداامو و بدااا كيعتااصر فيه و بفمو كيبوس فحناكها و يمص و هي غاا عااطياه لاح اي 

نزل لعنقها كيمص فيه مرورا لصدرها لي غاا شدو
ففمو متلاش طلقو 

بعد شوية و نطق بصوت قريب للهمس 

سليمان : كنحس بحالا اول مرة أنمارس فيها 

نزل يديه لانوتثها و ضغط عليها شيء لي خلاها تغوت 

سكينة : آااااح اول مرة منسطانعش صوت الشهوة و يكون بالفعل حقيقي 

بتاسم برضى على شنو سمع و نزل ليها سترينغ لي لابسة 
و هي بدورها حطات يديها على البوكسور ديالو لي بقا لابس و نزلاتو على الأخر هاد المهنة نساتها شي حاجة سميتها تحشم حيث لحشمات يا إيما مغتخلصش مزيان يا إيما اينتهي بيها الأمر مطرودة بلا سنتيم 

طلع نيشان لشفايفها كيحس براسو مقادرش يصبر عليها كثر 

و تبث رجولتو على أنوتثها ما هي الا دقائق تا احساس شهوة كان متغلب عليهم بالكامل 

طلق سائلو الأبيض داخلها شيء لي خلاها تخرج عينيها و تبدا دفع فيه بدون جدوى 

سوكا : وااش من نيتك هاادشي لي درتي دبا ؟؟ 

سليمان و هو كيشوف فشفايفها : شنو درت ؟؟

سوكا : وااش نتا حمق ولا مالك مفكرتيش ياك كون مكنتش كنشرب الكينة فين غنصدقو 

سليمان ببتسامة : أتولدي ليا شي كتكوت زوين 

سوكا بستغراب : اشمن نوع ديال الرجال نتا ؟؟

سليمات بخبث : لي مكيشبعش ...

و سرعاان ماا نقد عليها مرة اخرى.....


أصبحنا و أصبح الملك لله 

بدااات كتمخشش فديك نموسية ملابسة والو و و دور من هاد جنب لهاد جنب تا حلات عينيها بان ليها البيت مضلم ستغرباات مناعسة تال لفجر كفاش حتى باقي ليل شعلات تليفونها لقاتها 11.30 د صباح مشات توجهات جيداات ريدو على شرجم عااد بانت ليها شمس 

لقات حداها ورقة و جواا هزات لورقة هي لولة لقاتو كاتب ليها 

سليمان :📨 صباح الخير تيتيزة ديالي انا غادي لخدمة نمرتك راه قيدتها عندي فتلي و نمرتي كدلك فتليفونك لحتاجيتي شي حاجة صوني ليا المهم تلاجة عامرة فطري مزيان انا غا نخرج من الخدمة انجي عندك نبغي نلقاك مصاوبة الغدا ههههه و كوني حادقة 

سكينة : ههههه من نيتو هذاا ؟؟ نسني عليها تا حمق المهرج لاخر 

توجهاات لدوش دوشات ليك على خاطرة متعة بالبرودويات لي تماك خرجات نشفات شعرها غا بالفوطة و خلاتو مطلوق هاكاك مكريبي لبسات حوايجها و شافت جوااء قلباتو و هو يتحلو عينيها

ناري شحال عاامر بالفلوس 

ربعاات فوق نموسية و كتحسب 1 2 3 4 5 و تلف و تعازد تحسب تال لخر و هي تغوت 

سكينة : ستة د المليون ليوم نرجع داار لبسات سبادريتها و توجهات لخارج غا وصلات قدام لباب رجعات كتجري لكوزينة لقات المسكوتة باقا قطعات لراسها مورصو كبير و خرجات بزربة و تاكل ممسوقة لحد لي بغا يشوف يشوف ضاربة دنيا بركلة شافت فصرتها بااقا مطبعة باثر قبلاتو و بتاسمات 

سكينة : و هاادي هي الكوية و إلا فلا حيد عليا من زوامل داكشي عندهم مقاديش 


فمكان أخر كاان جاالس فوسط إجتماعو فشركتو الدخمة الخاصة بالبنايات الفاخمة المجهزة كان الكل من حولو كيهضرو و كيحااولو يرضيو دوقو و هو لا حياة لمن ينادي كيشوف فجهة وحدة معرفوهش حتى واش كيسمعهم ولا لا و فهاتفو الصورة لي من لبارح و هو كيشوف فييها كيتأمل صورهاا كاملين و كيرجع حتى لهااديك و كيوقف لابسة فيها فرشة بالأخضر و باينة كاملة وااضحة و مع عينيها خضرين نيت كملاات و تساالاات زينها 
جدبها ليك بشكل لا يعقل ولا طالبها فهاد النهار فهاد الساعة فهاد الدقيقة لا بل فهاد التانية و فجزء من هاد تانية 

خشاات هااتفو فجيبو و ناض من بعدما رجع الكرسي لور 

رحمان : الإجتماع تلغى 

بقاا الكل كيشوفو مستغربين و هو غاادر بدون اي تبرير اشمن تبرير يعطيهم و هو صاحب المكان 

بعد دقائق 

شاف فالكارد و حرك ليه راسو بالإيجاب هو لي جراا هز كاس د الماء و خوااه عليهم بجوج هوما لي كانو مربوطين فوق كرسي بإحكام و مهدي فوجهو بعض الكدمات بحكم بغا يدير فيها صعيصع فلول تا جابها فراسو 

شهقو بجوج و نااضو كيترعدو 

رحمان و شوفاتو كيخلعو موجههم لدري لي وجهو تخطف منو لون من لبارح و هو عايش حالة رعب : هدا لي باع ليك التليفون ؟؟

الدري : اه ا سيدي هو هدا 

مهدي بدا كيتحرك بالكرسي : اش هوا هدا اش هواا بربي تا نعطب مك فين كنعرفك 

مخصر عليه رحمان غا دفع الكرسي برجليه جا طايح هو الكرسي و كيتالم 

رحمان : شفتي الخفة و الحركة بزااف اشكدير 

خربق راسو و تقدم عندو : ديالمن داك التليفون ؟؟

مهدي : و نتا سوقك يا حل ليا هاد الكوردة و نفرجك حاكر عليا حيتاش مربوط 

هزو رحمان بكرسيه قطع الكوردة غا بيديه و يد خشاها فجيب 

رحمان : يالاه وريني اشغدير 

يالاه ناض مهدي من داك الكرسي كيقرب ليه عطااه طرشة وحدة خلاتو يدور تلاثة دورات قبل ميطيح لارض و شد منخرو لي كيسيل بدم 

رحمان : معزيزش عليا نعاود كلامي ؟؟

مهدي : أاااخ ديال الخوادرية لبغيتيه ديه غا طلقني اخوة نمشي فحالي 

رحمان ببتسامة : مزياان 😈 طلقو دري يمشي فحالو هااد خوها مزاال محتاجو 


شد تليفون ديالها فيديه لي كاان باقي بكاارطتو لهبيل د مهدي خلاه بكولشي ليه و تاا دري ياالاه شدو فيديه طاارو بيه مخلاو ليه فين يجدد فيه المسائل 

رجع لشركة سنا شي ورااق و بقاا كاالس تاا كيحس بصوت شي تليفون فييه موسيقى هادية ابدا واش رنة د هااتفو هزو بين يديه و جااوب لي غاا جااوب رجع تليفون شوية لور 

ملاك : شووووف الحمااار اترجع ليا تليفونو ولا ليوم ناااكلو عليك كسكسو يااكما كنسكت ليه فاااش كتهز ليا لفلوس وليتي باغس تبيع داار بلي فييها اترجع ليا تليفوني ولا بربي تا نسا بلي راك خويا 

بتاااسم و هو كيسمع كلامها و ابتسامة وااسعة ترسمات فوجهو الشيء لي ممولفش بيه غمض عينيه و بدااا كيسمع لصوتها لي بحاال الموسيقى
صوت رقيق و حساس وااخا كتبغي تبين رااسهاا قاصحة ولكن صوتها الحنين كيتبث العكس دائما

ملاك : وااش كتسمعني انعل جدمك دوك جوج دريالات لي فرحان بيهم دروك يتقاداو و شوف ديك ساعة ديك القحبة واش اتخليك فدارها يا شمكار 

بتااسم و نطق عااجبو صوتها 

رحمان : صوتك ؟؟

ملاك : احم واش ماشي مهدي هدا ؟؟

رحمان : اممم و شنو بان ليك ؟؟

ملاك حسات براسها محرجة من صباح و هي كتعاير فسيد كعما كتعرفو ويلي على شوهة 

ملاك: احم المهم سمح ليا عافاك هاد تلي رااه ديالي و معرفتش كفاش جاا لبين يديك و لكن ممكن تردو ليا عافاك 

رحمان : أممم ممكن 

ملاك : شكرا ليك بزاف

رحمان : و ممكن لا 

ملاك جاها صوتو قااصح و حرش فيه بحة رجولية واخا هكاك معطاتش لامر اهمية كل همها تلقى تليفونها دبا : كتفلا ولا شنو ؟؟

رحمان بجدية : بغيتي تليفونك أجي ليه انسيفط ليك العنوان فهاد نيم مناش كتهضري

غاا كمل كلامو قطع عليها مباشرة 

ملاك : لا لا وااش من نيتو قطع عليا ؟؟؟ تفوو حااس براااسو كااع 


وصلها ميساج فيه العنوان و مشاات لبياات سوفيطمة بالاسود مع سروال كحل ايضا و رمات عليهم دجاكيط بزيتي شعرها خلاتو مطلوق و المكيااج مرشقاتش ليها عليه خلات وجهها طبيعي

مشات باست راس مها و حطات ليها تليفونها من بعد منقلات لعنوان فورقة و خرجاات 

كانت 4 د العشية و شمس باقا سخونة شوية شداات طااكسي نيشان لعنوان لي غاا وصلات ليه تصدماات و على مطعم شحاااال كبيير من نيتو هذا يااكما شي حد كيتفلا عليها و كاان 

نزلات و توجهاات ليه مترددة لي شاف شكلها و طريقة لباسها يقول هاادي بوكو حبة و هي غاا حوايج البال لي شي كتلصقو مع شي و كتصدق ليها غا وصلات لقدام لباب وقفها لكارد 

لكارد : واخدة موعد الالة 

لكارد لاخر جاا و هضر ليه فودنيه هو يحني راسو :تفضلي الالة مرحبا بيك 

مشا معاها دااك لكارد غاا دخلات حلات فمهاا فديكور و الاطباق لي محطوطين فوق الطاولات شكل ديال المطعم راقي بزاااف و الطاولات متباعدين و باين فيه غا الشخصيات المهمة 

من عاادت هاد نااس داخلين سوق رااسهم مكيتسوقو لوالو و لكن دخولها و شكلها خلا الكل يلتافت ليها لا من النساء لا من رجال 

تا دوا الكارد :تفضلي معايا الالة من هنا اتلقاي مسيو رحمان 

ملاك : اممم رحمان 

بتاسمات و طلعات معاه الدرج لطابق الفوقاني من ريسطو 


فقصر المنصوري 

صلاات صلات العصر كيف عادتها و نزلات بملابسها الفاخرة المحجبة بنت مها و باها و واخدة منهم الزين الدين و الأخلاق طلعاات نسخة على مها ليرحمها بكل ملامح بشوشة نزلات هذا الوقت لي كدير فيه الكوتي دايرة لراسها 4 الوجبات فنهاار كانت هازة فيديها مذكرتها الوردية و قلم 

و لي داازت من حداه من الخدم كيحني راسو احتراما ليها حتى دوز نزلات لطاولة الأكل و قبل خرجاات لقدم الباب عند السائق و الحارس الشخصي بنسبة ليه وبنسبة ليها الحب ديالها الاول و الأخير و ملااكهاا لي مكتقدرش تشوفو بلاما تبتاسم 

صفقات بيديها و دغياا داار عندها و توجه عندها حنا رااسو بحترام و نطق 

طريق : محتاجة شي حاجة الالة 

غوبشات فيه و ضرباتو لخدو بشوية زعما بحالا مقلقة جراتو من يديه و هو كيحاول يحيد ليها يديها بلطف 

طريق: لالة حنان شنو كديري هاادشي مكيليقش بمقامك الالة 

شاافت فيه بالإتسامة لي بقا ساهي فيها و دغيا حدر عينيها كيشوف فالأرض تا وقفاتو حدا طبلة و حركات ليه يديها باش يجلس 

طريق: سمحي ليا و لكن منقدرش نجلس معاك الالة هادشي راه كيتعتابر خلق للقوانين 

حطاات يديها على فمهاا بمعنى الصمت الحركة لي سطاتو و دغيا متفكر نفسو شكون و هي شكون و حذر راسو واقف 

هزات مدكرتها و كتبات فيها : جلس مكيعجبنيش ناكل بوحدي 

قرا اشكتبات ليه و جاوبها 

طريق: سمحي ليا الالة انا كنحتارم القوانين 

شاافت فيه بملامح حزينة دغياا خلاتو يرااجع قرارو مرة أخرى او يحاول يصلح من كلامو 

طريق : يمكن ليا نوقف حداك حتى تااكلي 

بتااسماات ليه و هو بقااا جاالس و مقاابلها هي لي كتاكل بكل رقي هازة فورشيط و كتاكل من أطباقها المعدة خصيصا ليها 

سهى فيها و فجماالها مجددا حتى كيطرد أفكاارو مرة اخرى و كيردد بين سنانو و فراسو 

طريق : انا الخادم و هي السيدة 
انا الخادم و هي السيدة 


كاانت جااالسة فالمحل دياالها كيف العاادة هااد الوقيتة مكيكونوش لكليان بزاااف لابسة تريكو صاية قصيرة ديال الكوير بالاسود مع تريكو بالبني 
ليبا موص بالكحل و سبادري كحلة طالعة شوية شعرهااا المكريبي طالقاه على راحتو و المكيااج لي ميخطاهاش مزين وجهها عااد صبيعاتها صابغااهم بالحمر و الإكسيسوارات مهلية فرااسها بزااف تاا جاات عندها واحد البرهوشة تكون عندهاا 15 عاام 

لابسة تريكو غاشياه فسروال دجين مزير و رامية عليهم دجاكيط كوير دخلات كتعوج فالمشية و جلسات فوق الكرسي بعدما طلعات و نزلات فأميمة 

بثينة : سلام 

أميمة : وااعلييكم السلام 

بثينة : اويلي شنو هااادشي لابسة هااد ستاايل قديم شوية 

حطات اميمة يديها على حنكها و شاافت فيها : مزاال مبغيتيش دخلي سوق رااسك 

بثينة : اويلي انا غا نصحتك اختي ( نزلات كتشوف فرجليها ) اممم شفتك ليوم ملبستيش طالون ولا صافي ههههه رضيتي بالواقع و بلي راك قصيرة أزين 

اميمة : دبا من لخر خودي اشبغيتي و خرجي عليا رااسي اينفاجر غا بوحدو متزيدينش

بثينة حطات يديها على فمها : اويلي هااكا كيكتعااملو مع الكليان ديالهم سي بيزاار بزاااف نن سمحي ليا مكتعرفيش تصرفي 

أميمة : عرفتي شنو خرجي عليا غا متشري واالو تلاحي عليا 

بثينة باينة فيها مصاوبة شعرها فرحانة بيه دوراتو لجهة لوخرى : عرفتي شنو قلعي ؟؟

اميمة : و تي لي نوضي قلعي عليا من هنا 

بثينة : افففف مكاتعرفيش تعاملي نهاائيا نهائيا فرااسك خوويا جاا من اروبا غا هااد ليامات و شرى ليا بزااف د الكادوات و مخلاا مجاب لواليديا يديه مثقوبة يا ختي 

اميمة : دبا مغتخرجيش 


بثينة : لا مزااال لحاال اصحبة وايلي 

مشاات ليها اميمة بزربة و هزااتها بين يديها و مع رقيقة دغيا حكمااتها و لخرى كتفركل ليها محبساتها تال لباب و هي تنزلها 

اميمة : و دبا سيري فحاالك 

بثينة : تفو هلى مسمومة كيدااير القصيرة لخرى 

خبطات اميمة رجليها مع لارض : سير .. 

و دغياا هربات بثينة و كضحك تا دخلات فشي حد و هزات رااسها 

بثينة : خوياا 

زهير : ههه شكون هادي لي هاربة منها

بثينة : هههه و شكون من غيرها اميمة تيتيزة و ليني حاسة براسها عرفتي كي كتلبس اووووف بغيت نولي فحالها 

زهير : اضسرتي اشعيبية يالاه دااركم 

بثينة : و دور معايا 

زهير جبد يديها فجيب و جبد ليها 200 درهم خشاها ليها فجيب 

زهير : نلقاك فزنقة نقلع ليك ودنيك 

باستو من خدو و مشات كتجري فرحانة لعند مها 

اما هو حك على فمو و بتاااسم 

زهير : زييغ نتي غااا هنااا 

زهير شاب بعينين عسلية ضخم الجسد و مشرمل من صغرو بحالو بحال كاع الولاد لي كانو باغين يهزو واليديهم و ميخصصوهم من واالو نفسو الحارة خلاتو يخوي لبلاد بلي فيها حارق و حيث فبلاد غير بلاد و مقاري موااعي لبغيتو دير لباس كينة طريق وحدة و هي المهلوسات او ما يدعى المخدراات 💊💊💊💉

و هاادي هي طريق لي ختار لراسو بقا كيتمشى بخطوااتو كيبان تيتبومبا تا وقف عليهم فراس الدرب 


زهير : افيين العشرااان 

كاانو مجموعة د دراري مجموعين على بزناز صغير تماك غا سمعوه قفزو 

دري منهم : اوووف خلعتينا اساط 

البزناز : و فييين العشير وتااتك الغربة 

زهير : خويا حماادة و لاهيلا تغربنا نيت و كبرتي اساط درتي لحية 

حمادة : هههه و نتا مشفتيش رااسي نااري كيوليتي كتبااان بشاااااااخ على العالم 

دراري :- وااعلى سلامتك ا خويا زهير
- على سلامتك خوويا زهير بربي تا خليتي بلاصتك نيت 

زهير : ليحفضكم العشران 

دار شااف فحمادة : يااا ارى شي سطر 

البزناز : هي لولة هاانتا و نقاادو لخويا مريكل هو هدااك 

زهير : العز بيك الكتكوت 

فالعودة لريسطو طلعات درج حتى كيبان ليها داك الجناح خااوي فيه طبلة وحدة جاالس فيها هو و هااز كااس د ليكمي ( أكثر نوع د الخمور قصوحية كيسكر 5 المرات على الخمر العادي و كيتقااد من النخل ) 

غاا شاافها جغطو دقة وحدة هي لي توجهاات لعندو و كتحس بثوثر غااا شااافت فوجهو تلفاات و بداات حااضيااه فشرود تاام زوين بزاااف متوقعااتوش ايكون فحال هااكا 

تحكمات فرااسها و قربات لعندو ببتساامتهاا المعهودة 

ملاك : سلام 

مداات ليه يديها و هو جاالس بأريحية فوق دااك الكرسي 

بقى كيشوف فيها و يحقق فعينيها شيء لي وثرها واخا حتى هي كتشوف فعينيه كتسنااه يمد يديه يبادلها السلام 

و هو بقا غااا سااهي كيحقق فتفااصيلها فالوااقع كتباان حسن من التصااور بالف درجة 

حنحناات و يديهااا باقا ممدودة كتسنااه يسلم عليها و والو يالاه جات تجمع يديها عندها جبد هو يديه من جيب 

رجعات يديها الصغيرة مرة أخرى و شدها بين يديه الصلبة و بااسها بفمو بكل هدوء بطريقة خلات جسمها يرتاااعش بدءا من أضاافر صبعانها 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.