جبروت رجل عاشق الجزء الرابع

من تأليف Ikram Pancholi
2020

محتوى القصة

رواية جبروت رجل عاشق

سجى حناكها ايطرطقو بالحشمة و فنفس لوقت مقدراش تعارضو .. حاسة برغبة كبيرة تجاهو خصوصا أنه مكيحاشيهاش ليها إلا لقليل فالمرات .. بقات ساهية مع شفايفو حتى كترفع متأوهة بصوت مسموع ملي شد بزولتها وسط فمو كيرضع فيها و ايديه كيهبطو فالسليب حتى زولو ليها فمرة

سجى بصوت ناعم : آآآي عاصم كتقصحني هنن

عاصم واخد راحتو فصدرها الصغير .. كيتحول من بزولة لبزولة لخرى .. متملكها بقبلاتو لعنيفة حتى كتأوه بصوت مسموع مقصحة من تعاملو .. تكاها على لفراش بحال الريشة و هي غا مغمضة عينيها مرفوعة و كتعيش عالم آخر. . عالم لحب لي كتحس بيه تجاهو و الرغبة لي كتهيج عليه فينما كتشوفو .. مفاقت من عالمها حتى حسات بيه عضها على شفتها التحتانية

سجى بأنين : مممم عاصم اااه بشوية هنن

عاصم صوتها بهاد النعومة كيشعلو كتر و كتر .. حس براسو مصهد بزاف داكشي علاش زرب على حوايجو زولهم بالخف و ايديه كيتلمسو فجسدها ممخليهاش تحل عينيها بكترة الشهوة لي دار ليها .. غا حيد حوايجو فمرة رجع كيقبل فيها ناسي لعلام . كل بلاصة كيدوز منها حتى كيخلي لطراس و بقع ملكيتو. . كلشي دشنو ليها بلمساتو .. عنقها. فمها .. خدودها .. صدرها لي رجع بحال لخريطة ناهيك على فخادها لي كيزير عليهم فاش كيكون غاطس راسو فصدرها .. كاع صباعو تصورو فلحمها الأبيض حتى كتبدا تنخصص حيت قصحها عاد كيرخف عليها نضرا لسنها

سجى مبقاتش قادرة تحمل هاد لهيجان لي وقع ليها .. تلفات هاد الإحساس أول مرة كترفع ليه .. أول مرة كتعيشو مع راجل .. عمرها كانت كتخايل اتكون ففراش واحد مع رجل هي عريانة و هو كذلك .. مفاقت من عالمها الإستفهامي حتى حسات بشي حاجة قاصحة تحتها .. بلعات ريقها و الصهدة طالعة معاها

عاصم عينيه معسلين فيها : ترخاي

سجى بدا لخوف متملكها : هنن بلاش .. اتقصحنيي

قاطع خوفها بقبلة جريئة كيلعب فشفايفها كيف بغا حتى بدات كترخات بلهلا يطريه ليها عاد ستغل عاد لفرصة و بدا كيدخل فعضو شوية بشوية

سجى غا حسات بشي حاجة كتختارق احشاءها بلعات ريقها مخلوعة لكن قبل تراجع كان فات لفوت و لعضو ختارقها بالكامل حتى هبط دم عذريتها و اصبحت امرأة ماشي بنت باقة ببكرتها

عاصم سمعها كتبكي نطق بصوت ثقيل و عينيه نايمين : ششش .. متخافيش

سجى كتنخصص : اااي كتقصحني .. فيا لحريق عفاك حيدو

عاصم قاطعها بقبلة جنونية عاد بعد : كالما شوية و نحيدو
رجع باسها فعنقها كيعض و ابوس حتى ترخات واخة حاسة بالحريق .. هنا عاصم ستغل لفرصة عوتاني و خدا راحتو كيلبي فرغبو مسايس معاها و فنفس لوقت مقادرش احبس .. حتى جابو فيها عاد خرجو كينهج و لعرق كيتصب من جبينو .. أما سجى رجعات شرويطة كتلهت و تنخصص .. كاع الآلام جاو عليها معرفات راسها باش تبلات .. لكن مجرد مشافت تصرفو فأنه نعس و جرها فحضنو . تنهدات براحة واخة لحريق كينهش فيها من لتحت .. كتحس بالموت

عاصم حط ايدو تحتها : كيضرك ؟

سجى كتنخصص : ااممم هنن

عاصم بصوت تقيل مدعدع: حاولي تنعسي

سجى تلافتت لعندو كتشوف فيه مطولة أما هو عينيه معسلين و نايمين فيها حتى غمضهم و نعس غاطس فنوم عميق.. بقات غا هي لي كتحقق فملامحو رغم الألم لي تحتها بتاسمات ليه بحاليلا كيشوفها .. شوية قربات باستو على شفايفو كتحس بقلبها كيضرب بالفرحة حيت قرب ليها و تملكها بقبلاتو لجريئة و خدا شرفها و دم عذريتها .. بعد حوار طويل مع راسها دخلات فنوم عميق فرحانة و مقداها فرحة .. نعسات مرتاحة فحضنو و ريحتو كتغلغل لداخل ديالها

صبح الصباح بنهار جديد ..

على إثر خيوط أشعة الشمس لي ضاربة فيها .. حلات عينيها ببطء و إنزعاج كتفوه و تمايل فبلاصتها بنعومة . حتى كيضربها الضو من لحريق لي لتحت بحاليلا لعافية نايضة فيها .. تأوهات بصوت خافت كتكمش فملامح وجها من الألم ..واخة كتبتاسم ملي كتفكر ليلتهم لحميمية و شحال كان ملهوف عليها و قريب منها

فاقت من عالمها لوردي على صوتو : تهزيي من تماك .. خاص نهدرو


تلافتت لعندو بعفوية مبتاسمة لكن قبل تجي عينيها فعينيه لقاتو خرج من لبيت كيجر رجليه فكلاكيطة .. ميلات شفايفها حابسة لبكية حيت مشافش فيها و واخة هاكاك سرطات تصرفو بتنخصيصة .. بلاما تحس نزلات دمعة من على خدها لكن جمعات لوقفة بزز مقدراش توقف مزيان .. لحريق لي تحتها خلاها تبكي بصوت مسموع فالدار كاملة .. مسحات دموعها بكفوف ايديها كتشهق بحرقة عاد زيرات على ليزار لي مغطي لحمها .. كان كاع مطبع بملكيتو و قبلاتو لجنونية .. تقدمات بخطوات جد بطيئة باش متقصحش حتى خرجات من لبيت مزيرة على ليزار لي مطبع بدم عذريتها .. كان كل همها تسمعو شنو باغي اقول ممسوقاش لشعرها لمخبل بسباب النعاس

عاصم خرج من لكوزينة كيكمي فكارو .. غا شافها طفاه : لي وقع لبارح ..

قطعاتو بعفوية كتشهق : واش معجبكش لحال ؟!

عاصم قرب لعندها ميل راسو معاها : اي واحد كيستعمل شي ق*** باش البي رغبتو ايعجبو لحال
سكت مع إبتسامة ساخرة على محياه

سجى بلعات ريقها : كك.. كيفاش !!

عاصم ببرودة : نسااي .. لحمام سخون سيري دوشي

سجى شافتو غادي وقفاتو بصوتها لبريء : عاصم انا كنبغيك بزاف
بدات كتبكي بحال لحمقة حتى دار لعندها هاز حاجبو : كتهدري عليا !

سجى هزات راسها باه : كنبغيك كتر مكتخايل .. انا وليت كنتنفس بييك
و سكتات كتبكي خلاتو مشوكي من إعترافها .. دابا عاد فهم داك الإهتمام لمفرط لي قدامو ليه مؤخرا

سجى قربات لعندو بخطوات بطيئة حتى وقفات مقابلة معاه : و نتا كتبغيني ؟

سكت هاز حاجبو و راسو مايل معاها : انا ؟ نبغييك نتي ؟؟

سجى هزات راسها باه : اه واش مكنعجبكش ؟؟

عاصم هز ايدو حطها على شفايفها شوية زير عليهم عاد نطق مركز مع كل حرف : شفايفك زوينين و لكن انا كيبانو ليا ديال الشهوة .. لي وقع لبارح حقي و خديتو متحلميش بزاف
هز ايدو عوتاني لخدودها : خدودك زوينين و لكن انا كيبانو ليا بحال شي مزبلة .. كلك من راسك لرجليك كتجيني دمية جنسية لعبت معاها لبارح .. فرغت فيها رغبتي .. منكرش صدقتي رطبة

ميل شفايفو بسخرية : ديال النعاس ماشي ديال لحب

سجى وسعات عينيها و قلبها كيضرب فالمية : ب ب بغيتي..

قاطعها ببرودة : صوتك كيهرني فراسي خاص تسكتي شوية .. معلينا ماشي هدا هو موضوعنا .. هاد الأسبوع ولا كتر غادي نمشي ندفع شي وراق لشي غراض . ..تقدري تمشي تجلسي مع مكك ولا سيري نتاحري ولا قتلي راسك مكيهمنيش

سجى موسعة عينيها فيه و دموعها كيهبطو بغزارة بحال الشلال

عاصم ضحك بإستهزاء : متقوليش ليا قلبك حساس .. مزيان خليه اتشوط شوية انمشي نلبس عليا و نخرج

تخطاها غادي لبيت حتى كتوقفو بصوت باكي : انتسناك حتى تجي مغاديش نمشي عند ماما

عاصم بلامبالات : نتي حرة

غا كمل كلامو دخل لبيت كيجمع فالوراق لي ايحتاج .. ضروري خاصو امشي ادفع هاد الضوسي عاد ارجع لمغرب اكمل باقي الإجراءات و من بعدها اكمل مشوارو لبناء مستقبالو

داز لوقت ..

خرج من لبيت لقاها مزال واقفة كترعد كاملة بداك ليزار .. هز حاجبو عاد مشا لعندها : مالنا ؟

سجى كتبكي : بغيت نبقا معاك

عاصم رسم إبتسامة ساخرة : عندي ميدار .. ناوية تبقاي فهاد الدار؟

سجى هزات راسها باه

عاصم : صافي انوصي لخدامة تبقا معاك و تبات هنا تونسك حتى نرجع

سجى بصوت باكي : اترجع ياك؟

عاصم بلامبالات : على حساب گانتي .. هاني مشيت


جالسة فالمكتب الصغير لي كاين فبيتها كتحفظ فييه .. خلات كتوبتها و جرات لمذكرة ديالها .. فتحات من اخر صفحة كتبات فيها .. طولات الشوفة شوية بدات كتبكي و تحصر على قلبها لي ولا كيضرها بزاف

تنهدات بعمق عاد هزات ستيلو كتكتب

⁦🖊️⁩ تلاتة دالأسابيع مشفتك .. توحشتك بزاف .. قلبي كيتزير عليا بزاف بزاف .. امتى انشوفك قدامي احبيب قلبي .. قرايتي مبقيتش مركزة فيها عقلي كولو معااك .. وليت كنتمنى حلم واحد هو تبغيني .. انا نسيت آخر هدرة قلتي ليا .. قلبي نساها هو بغاك كيفما نتا .. واخة كتعصب و تنقص مني ولكن أنا كنبغيك . كنبغييك بجميع اللغات ..

قاطع صوت بكاءها و هي كتكتب .. صوت لباب فاش تفتح

سجى مسحات دموعها بالخف : وي خالتو

لخدامة : اجي ابنتي تفطري لحداش هادي

سجى تكسلات بنعومة : نوو مبغيتش مفيااش .. ولكن مشهية الثمر واش كاين؟

لخدامة : اه كاين داك لمعسل

سجى خسرات ملامح وجها : اااع بغيت لقاصح انا ميكونش معسل .. عفاك اخالتو وصي عليه اجيبوه

لخدامة : ماماك تاصلات بيا قبيلة سولات عليك

سجى بإبتسامة بشوشة : صافي حتى نهدر معاها

هزات لخدامة راسها باه عاد خرجات خلاتها كتشوف شوية بدات كتبكي عوتاني .. ضعافت بزاف و تحت عينيها ولا كحل بسباب لبكا .. بعد وقت طويل جمعات لوقفة عاد خرجات من لبيت و هي تسمع صوت لباب .. وسعات عينيها بحماس و قلبها كيضرب فالمية كتمنى اكون هو

مخلاتش لخدامة تفتح مشات بجرية كتنقز حتى لباب حلاتو و الإبتسامة لعريضة مرسومة على وجها .. غا شافتو قدامها حي يرزق قلبها قفز من بلاصتو .. بدون سابق انذار تلاحت عليه معنقاه و لفرحة مقداها

عاصم : خنقتيني

سجى زيرات عليه كتنقز : توحشتك توحشتك توحشششتك بزااف .. هنن حبيبي توحششتككك

عاصم زفر : ندخل بعدا .. خليني ندخل و طلقيي

شافها قطعات لحس زفر عاد تقاد فالوقفة لقاها مرخية ملي هبط راسو بانت ليه مغمضة عينيها .. غا شافها هاكاك سخط بالمعقول عرفها اتكون سخفانة

مسح على راسو بإيد و الإيد لاخرة محوطاها : عندها السخفة بحال سلام عليكم

هزها كيسوط حتى لداخل .. غا بانت ليه لخدامة سولها : مالها سخفات ؟ كانت مريضة؟

لخدامة موسعة عينيها : امكن حيت مكلاتش .. مبغاتش تفطر

عاصم تنهد : باغا ترقاق كتر مع هي رقيقة

حطها فوق لكنباي : جيبي كاس دلما

لخدامة نفدات أوامرو فالحال .. غا عطاتو لكاس رش عليها لما ساعة والو مبغاتش تحل عينيها

عاصم زفر : بفففف على حاالةةة .. جااي عياان لقيت هادي موجدة ليا بريكوول

لخدامة تحدرات لعندها كتحل ليها فعينيها و تفحص فملامحها : سي عاصم مراتك حاملة

عاصم غا سمع " مراتك حاملة " خرج عينيه مصدوم بحاليلا شي سطل ديال لما بارد تخوة فوق راسو .. بقا مشوكي من كلامها و هدرتها كتدور فراسو .. هادي شكاتقول؟ شكاتخربق ؟

عاصم : كك كيفاش .. شكاتخربقيي ؟؟ شهاد لجهل نزل علييك وااش نتي طبيبة و مفراسيش

لخدامة حدرات راسها : انا قلت شنو بان ليا اسيدي و صافي

عاصم بعصبية الجنون كينقزو ليه فوق راسو : قو** من قدامييي يلللله .. على هدرة كيف دااايرة هاادشيي لي بقااا

طارت لخدامة من قدامو خلاتو بحال لمسطي واقف على راس سجى .. حتى لفكرة مقادرش ادخلها لمخو أنها تقدر تكون بصح .. لوسواس قتلو فراسو مقدرش اتحمل لموقف ضروري خاص اوضع حد لشك لي بدا كيتزرع فيه .. داكشي علاش هزها طاير بيها حتى لعيادة خاصة بالنساء .. مخلاش لراسو لوقت فين اتنفس متهنى حتى فحصتها الطبيبة و هو واقف فوق راسها تالف و وجهو حمر بالأعصاب .. إلا كان فعلا حاملة راه موصيبة بالنسبة ليه

الطبيبة هزات راسها لعندو : اه اسي عاصم .. مراتك حاملة مبروك عليك

عاصم مسح على شعرو بجنون بحاليلا ايقرعو : متأكدة؟ يكما مفحصتيهاش مزيان؟ إلا كذبتي راه اندخلك لحبس

الطبيبة موسعة عينيها كيبان ليها كيدخل و اخرج فالهدرة بحال لمسطي : متأكدة راه خدمتي هادي و عارفة شكاندير

عاصم كيترعد : غادي تجهضييه ليها .. و هادشي ايبقا بيناتنا حتى واحد ميعرف بييه .. ميمكنش تبقا هازة شي حاجة مني فكرشها

الطبيبة موسعة عينيها : ولكن لبنت بانت ليا مناعتها ضعيفة تقدر تموت لينا إلا درنا الإجهاض

عاصم بعصبية غوت فوجها : مكيهمنيييش تموووت .. لهما تمووت و متحملش منيي .. قلت جهضييه بصفتي راجلها كنقولك جهضيه نتي خاص ديري غا خدمتك


حلات عينيها ببطء و ألم فضيع فكرشها .. غا تلافتت كتأوه بخفوت قشعاتو جالس معذب فوق لكنباي و عينيه مسدودين .. مفهمات والو هي امتى جات لهنا! دورات عينيها مزيان لقات راسها وسط غرفة من غرف السبيطارات

وسعات عينيها عاد تلافتت لعند عاصم لي مغمض عينيه : حبيبي

حل عينيه قافز : فقتي ؟

سجى هزات راسها باه : فين انا؟ آآييي كرشيي كتضرني هممم علاش انا هنا

عاصم مسح على راسو تالف كيفكر شوية نطق: طاح ليك طونسيو و جبتك ..ولفتي لكلينيكات

سجى بإستغراب : ولا ضغطي كينزل ليا بزاف .. امكن مع لمتحانات لي قربو

عاصم داير معاها لخاطر غا بزز : اه ممكن

سجى بإنزعاج : بغيت نمشي من هنا مكنحملش نبقا هنا

عاصم : لعشية و نخرجك .. متقوليش لماماك جبتك لهنا

هزات راسها باه واخة مفهماتش علاش لي عارفة هو ترضيه و ميتقلقش عليها .. بالنسبة ليها ارضى عليها هادي هي الدنيا و مافيها

عاصم : هاني خارج .. متنوضيش مزال يله ..
سكت عاض فمو من لداخل كان ايسهى و اقول ليها يله فقتي من عملية إجهاض

سجى ببراءة : علاش كتضرني كرشي هنن

عاصم : دابا متبقاش تضرك غا صبري

سجى هزات راسها باه عاد رجعات تقادت فالنعسة كتحاول تقلب على راحتها .. بقات كتساءل و كتستغرب من وجودها لكن فالأخير تيقات أنه غا الضغط هو لي داير ليها هاد الآلام كاملة .. بقات هاكاك حتى وصلات لعشية عاد خرجها من لكلينيك نيشان للدار متهنى حتى سطحها فوق ناموسيتها لي كاينة فبيتها

عاصم : الثانوية ديالك دفعت ليهم شهادة طبية حتى تبراي و سيري ليها

سجى : انمشي بوحدي ؟

مجوبهاش خلاها كتشوف و خرج كيمسح على شعرو

دازو أربع أيام ..

فاقت قادرة توقف و تمشى عادي مبقاش كيجيها داك لوجع بزاف .. خرجات من بيتها كتدور فعينيها عليه حتى كيبانو ليها الشوانط حدا لباب .. قلبها قفز عليها بحاليلا غادي تسمع شي خبار مغاديش تعجبها

فهاد الأثناء بان ليها باب لبرطمة تحل .. ركزات مع شكون ايدخل حتى بان ليها دخل هو و لمفاجأة ملي بانت ليها نيهان دخلات موراه

بتاسمات فرحانة : ماما

مشات لعندها بسعادة عنقاتها : ياااي توحشتك

نيهان : صافي مبقيتيش اتوحشيني .. انكون معاك ديما كلا ثانية و كلا دقيقة .. ديما ديما انكون معاك

سجى بعدات عليها ممركزاش مع كلامها : واش عاصم لي جابك ؟!

تلافتت لعند عاصم فرحانة : شكرا حبيبي حيت جبتي ليا ماما

عاصم مجوبهاش حدو جر الشوانط لبرة لباب : هاهي بنتك خليتها ليك

سجى قلبها رجف من بلاصتو .. داك الساعة خرجات عينيها مصدومة : فف في فين ؟ فيين غادي !؟؟

نيهان : سجى عاصم ايسافر اكمل قرايتو .. هانتي اتبقاي مع ماماك حتى حاجة مغادي تفرقنا

غا كملات كلامها تلافتت لعند عاصم لي كيجر فالشانطة لاخرة : طلاق بنتي بغيتو اوصلني فأقرب وقت

عاصم : بنتك مقابل عليها حتى واحد مكين لاش نطلق .. حتى نفكر مع راسي

نيهان بعصبية : ماشي هادشي علاش تافقنا

سجى قطعاتهم بجنون : شششكاااتقوولوووو

طلقات من مها بعصبية عاد مشات لعند عاصم كتعنق فيه و تعاود بحال لحمقة : فيين غاديي ؟؟
لبكية مخلاتهاش تهدر .. صوتها كيقطع فالقلب : فيين اتمشي و تخلينيي ...بغيت نمشي معاك

عاصم ببرودة : انا مباغيكش .. طلقي كتعطليني

تنتر منها بعنف خلاها اتجهل فبلاصتها بحال لحمقة : عفاااك نبووس ليييك رجليييك .. عفاااك بغييت نمشيي معااك عفاااك
و جلسات فالأرض كتشهق : منقدرش نعييش بلا بيييك

عاصم مسح على راسو كيسوط : سكتيي بنتك


خنزر فيهم عاد مشا جار شوانطو خلاها كتمرغ فبلاصتها اتجهل بالمعقول .. النفس تقطعات فيها بالبكا خلات حتى نيهان تبكي معاها بحرقة على حالة بنتها .. ولات بحال لمسطية كتمرغ و تنتر بجنون و شعرها واقف فالسما كاع نتفاتو و قمشات راسها بهستيرية

نبهان كتبكيي : صافيي ابنتيي .. اتمشي مع ماامااك .. ياك كتبغي ماماك هو مكيبغيكش

سجى كتبكي بهستيرية : مااامااا انمووووت اااعععع ااااه
تنترات من مها بجنون عاد جمعات لوقفة تابعة عاصم كتجري باغا توصل عليه قبل ميتحرك بالطموبيل .. نزلات بجرية طايرة معقلاش على رجليها لحفيانين ولا نيهان لي موراها كتغوت باش توصل ليها خايفة بنتها تدير شي حاجة فراسها

سجى وقفات كتنهج عاد كملات لجري ديالها ممسوقاش لألم لي رجع فكرشها .. مبقات مسوقة لوالو مهنات حتى بدات كتضرب ليه فالزاج ديال الطموبيل : عاااصممم عفاااك متمشييش عفااااك .. كنطلبككك عفااااك انموووت اعااصمم .. أناا كنبغيييك بزااف .. عاااصم كنترجاااك الله اخلييك

عاصم زير بإيدو على لفولون عاد كسيرا ممسوقش لبكاها

سجى غا شافتو كسيرا جهلات كتمرغ فالأرض حتى كاع لي فالعمارة بداو كيتطالو عليها

نيهان وجها كاع تطلا دموع. .. منسات حتى دعوة دعاتها فعاصم على لحالة لي ولات فيها بنتها

سجى مغيبة عليهم كلهم غا كتغوت و تبكي بحرقة جنونية .. كاع وجها قمشاتو و شعرها تشعكك بالمعقول .. مداتهاش لا فمريم لا فغدير لي بداو كيسكتو فيها و والو بحاليلا كيخويو لما فالرملة .. بقات فداك لحالة حتى سخفات ليهم

" و تمضي الأيام ..."

يوم مور يوم مغير والو فحالة سجى... إكتآب حاد دخلات فيه و واخة هاكاك مسمحاتش فالبرطمة لي جمعاتهم و حتضنات فراشهم بجوج .. مبقاتش كتاكل ولا كتشرب حتى من قرايتها مبقاتش كتبغي تمشي ليها .. حيراتهم كلهم و دخلاتهم فحيرة و منهم نيهان لي كلات الدقة بالمعقول .. كتشوف بنتها كتضيع منها ولات كتخاف تخليها بوحدها فرضا أنه ممكن شي نهار تنتاحر و تخليها ..دارت لقيامة لعائلة لمصاوري باش اياخدو ليها طلاق بنتها من ولدهم لمجرم كيف مسمياه .. مغادي تهنى حتى تخرج بنتها من هاد لحالة

فهاد فالأثناء تحل عليهم لباب : سلام

تلافتت نيهان أما سجى متكية كتشوف فنقطة وحدة مكتحركش ساكن : سلام ياسين

ياسين دخل لبيت حشمان من فعايل خوه : سجى تبغي تهدري مع عاصم ؟

سجى غا سمعات هدرتو جلسات قافزة و كانت أول مرة اتنطق من بعد لمدة لي سافر فيها : اااه بغيت نهدر
و سكتات حابسة لبكية

ياسين شاف فنيهان : حتى نشرح ليك ا الآلة

و تلافت لعند سجى : خرجي لصالون راه لبيسي خدام فيه لابيل و دايزة .. يله كنت كنهدر معاه

سجى جمعات لوقفة تالفة : هااا .. انشوفو

مشات كتجري لمرايا تشوف راسها .. محملاتش لباسها و حالتها : مغاديش نعجبو اماما .. ماما شنو ندير

نيهان كتشوف فياسين : مفهمتش علاش كتقلب عليه

ياسين قرب لعندها خبر ليها فودنها : هو لي ايشرح ليها بالهداوة باش تنساه و متبقاش هاكة.. . راه قنعتو ادخل ليها لفكرة بهدوء

قاطعتهم سجى معصبة : ماما شنووو انلبس ؟؟؟

ياسين تنهد : هاني خارج لبسي و خرجي تهدري معاه

سجى تالفة : ماما نلبس هادي ولا هاديي

نبهان تنهدات كتشوف بنتها تالفة بين لكسوات لي عزلت .. ختارت معاها وحدة بلهلا يطريه ليها : لبسي هادي كتجيك زوينة

سجى بحماس لبساتها بالخف عاد هزات لمشطة كتمشط فراسها و تسوط معصبة من منضرها لي مبقاتش راضية عليه .. كملات بعد نفس طويل عاد هزات لعكر حطاتو على شفايفها و خرجات من لبيت تالفة معرفاش فين تدور شعرها واش لهاد الجيهة ولا لجيهة الأخرى باش تبان زوينة كتر


كانت كتقرب لعند لبيسي و قلبها كيضرب فالمية .. حتى جلسات كترعد و شفايفها كيفيبريو .. كيبان ليها بيت مضلم و غا السواد شوية تشعل الضو حتى بان ليها جلس داير على شعرو الطاگية و لابس غا تيشورط

سجى بلعات ريقها حابسة لبكية بزز شوية بدات كتبكي بلاما تحس

عاصم طول فيها الشوفة ساخط : سجىى

سجى قطعاتو : كنبغييك

عاصم : سجى

سجى : توحشتك بزاف

عاصم زفر : سجى ..

عاودت قطعاتو : قلبي كيضرني بزاف حيت مكاينش

عاصم مسح على وجهو : نوضي شربي لما باش تفيقي و اجي نهدرو

سجى هزات راسها باه متقدرش ترفض ليه شي طلب من طلباتو .. داك الساعة جمعات لوقفة حتى لكوزينة

سجى موجهة كلامها لخدامة : عفاك كاس دلما

لخدامة بتاسمات حيت بانت ليها نطقات : على سلامتك ملي هدرتي .. حالتك تحسنات لحمدلله واخة لحمل مبيناش عليك

سجى بقات مصمرة كتشوف فيها : خالتو واش كتهدري عليا ؟ انا ؟

لخدامة هزات راسها باه : على سي عاصم مقالش ليك راك حاملة !

سجى وسعات عينيها و قلبها كيضرب فالمية : خالتو عارفة شنو كتقولي

خلاتها واقفة و خرجات كتجري جلسات قدام لبيسي و هي كاملة كترعد : انا حاملة؟؟؟

عاصم ضربو الضو من سؤالها : منين جبتي هادشي ؟

سجى بعصبية : واش انا حاملة؟

عاصم زفر : شكاتخربقيي .. هادشي مكاينش

سجى : متكدبش عليا

عاصم ببرودة : كنتي حاملة دابا لا

سجى مفاهمة والو .. كتهدر كاملة كترعد : كيفاش !

عاصم تنهد : صافي نسااي

سجى تفكرات نهار لعيادة النسائية .. هنا وسعات عينيها بحاليلا ضربها الضو : واش كنت حاملة و مبقيتش؟

عاصم هز راسو باه : علاش كتسولي

سجى مركزة مع أجوبتو : واش جهضتي ليا ؟

عاصم سخط : ماشي هادشي فاش كنت ناوي نهدر معاك فيه

سجى متمالكة أعصابها بزز : واش جهضتي ليا ؟

عاصم ببرودة : اه

سجى بقات كتشوف فيه مطولة نضراتها شوية نطقات بصوت جاف : بغيت طلاقي و فأسرع وقت

غا كملات كلامها قطعات عليه و جمعات لوقفة نيشان لبيتها لي لقاتو خاوي .. دخلات سدات عليها معرفو شنو طاري

فهاد الأثناء جا إتصال من لجالية فتيليفون ياسين .. شاف النمرة عرفو ايكون خوه داكشي علاش جاوب فالبلاصة : وي خويا .. قنعتيها ؟

عاصم كيترعد : دوز لياا سجىىى نهدر معاها... طييير عطيها التيليفون

ياسين خلعو صوتو : شنو واقع ؟؟؟؟

عاصم جهل : وطيير عطينيي نهدر معاها

ياسين مشا بجرية كيدق على بيت سجى : سجى عاصم بغا اهدر معاك
بقا كيدق و عاصم كيهدر : فرع لباااب .. مكتنفع لوالو دوزهاا لياا دابا خاص نهدر معاها

ياسين تلف كيسمع صوت خوه جاعر و عيا بالدقان و والو مكتحلش عليه .. حتى كان ايفقد توازنو ملي حلات لباب

ياسين تنهد : سجى عاصم بغا..

قطعاتو فاش خدات من عندو التيليفون : شنو باغي؟

عاصم بجنون : سمعي نقولييك ..

قطعاتو بصوت جاف : سمع نتا نقوليك .. كنكرهككك كنكرهك لدرجة كبيرة
و قطعات عليه



الحياة ماشي ساهلا ، دائما خاص نتوقعو منها كلشي .. كتعيش نهار تسمع خبار كيف كيقولو سيادنا لوالا .. دائما خاص تدير فبالك أنه هاد اللحظة لي عايشها حالياا تقدر غدا توحشها حيت ممكن متعاودش تعيشها .. تقدر تكون عايش عالم وردي فييه غا ريحة لورد بحال سجى و لغد لييه كتعرف على عالم جديد مفيهش ريحة لورد و إنما ريحة الحقد و الإنتقام و لكلام لجارح و الأحاسيس لمتحجرة .. هادشي لي عاشتو بطلتنا بعدما كانت متخايلة لعالم فصورة وردية تصعقات بالواقع لمر .. حب لمراهقة حب صعيب بزاف حيت هنا لوعي مكيخدمش بزاف و إنما لعاطفة و لقلب هو لي كيخدم فقط .. قليل لي كينجى من هاد لمرحلة و كاين لي مكتجيهش كااع .. بطلتنا فهاد لحالة عاشت حب من طرف واحد و فمرحلة حساسا جدا .. خلاتها تعلق بقلبها و بروحها فشخص متحجر .. كاين لي غادي اسميها مدلولة .. كاين لي غادي اجي من جيهتها و اقول ماشي لخاطرها مسكينة .. أما سجى فغادي تقول :

" ⁦♦️⁩انتظر المستقبل بفارغ الصبر ... ربما أصبح جامدة الأحاسيس مثل غيري ... !! ⁦♦️⁩"

مرو ست سنوات .. لوقت كيدوز بسرعة لبرق و فهاد لوقت كاين لي ايحقق بزاف دلحوايج و كاين لي مزال فبدايتو يلله كيبني مستقبل ذو أساس صحيح .. باش ملي اكمل اكون فخور براسو !

خرجات من الإمتحان راسها منفوخ عليها و حناكها مزنگين .. بحاليلا كاع الشعيرات الدموية خدمو معاها و تعصرو فداك الإمتحان .
موقفات بخطواتها حتى لبرة قدام ENSA فين كتقرا
" المدرسة لوطنية للعلوم التطبيقية " .. غا شافتهم بدات كتضحك و تفرنس .. بتاسمات و هي كتشير ليهم حتى وصلات لعندهم

ربعات ايديها كتنهد : الإمتحان حسيت براسي تعصر فييه و لمطارق كيضربو

مريم جالسة على مقدمة اللوطو كتاكل فسندويش بلهفة .. بدات كتهدر و فمها عامر ماكلة : إلا مفاليديتوش انعواج من شي قنت .. كااع الأفلام سمحت فيهم باش راجعت مزيان .. كح كححح

سجى نزلات عليها بدقة لضهرها : عنداك توحل ليك

مريم خرجات عينيها : راااك فلعصتيني الحيوانة

غدير شافت فساعتها ليدوية : وااش مصونيين ليا باش نبقا نسمع لتحيمير ديالكم !!

سجى كتدور فعينيها : حضيو معايا داك خونا ... لعام قريب اكمل ضروري خاصو اهدر معايا ولا غادي نبقا نبكي ليكم من الصباح حتى لغدا و عارفة إلا خسرتو صديقة بحالي غادي تحزنو حياتكم كاملة داكشي علاش حاولو تعاونوني باش متدخلوش فهاد لحالة

مريم زادتها سندويش اخر كتدك ففمها : فالجنازة ديالك انضرب لبسطيلة قالك نحزن

غدير هزات رجلها ضربات بيها مؤخرة سجى حتى غوتات : را هو خارج

سجى باغا تلافت و نفس لوقت مباغاش تعيق .. سكتات شحال عاد نطقات بلهفة : واش كيشوووف فيااا ؟؟؟ .. قولي واش كيشوف فيا !!؟ و هدرووو ؟!

مريم كتحاول متعيقش فالتحنزيز : مممم كيشوف الساطة. .. يختي شعرو طايح على وجهو و رطب بحال لكوريين

سجى حطات ايدها على حنكها كتحلم : هاااح شحال كيووت

غدير كتنهد و تلعب فشهر لكيرلي : وجهو رطب من وجهي معرت اش عاجبك فيه

سجى بنعومة : فيه شي حاجة فشكل .. فينما ندور كنلقاه حاضيني

مريم بميوعة : مممم مزعووط واقيلة

سجى تنهدات : دابا خاص شي حاجة باش ندوز معاه الصيف ميمكنش نبقا بايرة .. داك الصيف دوزتو غا معاكم و مع ياسين داز ممل

غدير و مريم هزو حاجبهم : ياااك ؟؟؟

سجى كتعوج : اييه
تلافتت كتشوف لجيهتو : وينوو حناكو خرجو حمرين بحالي

مريم كتعيب فيها : ايكون داير لفاغاجو


غدير : قهرتينا كلا نهار مزعوطة لينا فواحد

سجى : و فاش بغيتيني نتزعط فيك متلا؟
رجعات كتشوف لجيهتو حتى كتبان ليها لبنت لي مكتحملش جاية لعندها : اوووه شكون توحشني .. سندس لمجتهدة لمسمومة لباس عليك؟

سندس وقفات قدامها و جوج صحاباتها موراها بحال لكرديان : مشفتيش راجلك ؟

سجى هزات حاجبها كتلعب فشعرها بحركات مستفزة لسندس : شكون راجلي اختي ؟

سندسن وراتها لمجلة : اوووه مسكينة بقيتي فيا .. راجلك عايش لعشق فأمريكا مع هاد عارضة الأزياء و نتي هنا فهاد لبلاد حاصلة مع شهادة لهندسة

سجى كتضحك بسخرية : اوووه شكرا على لمعلومة راك محنة معايا .. شي نهار ايطرطق فيك شي عرق بكترة ما متبعة أخباري هه .. لمهم ابب غاجلي لعزيز الشرع عطاه ربعة و لي عزلها فالبنات نزوجها ليه عندك شي مانع؟ اصلا قريب انطلق و نطير ليك محمد لي كتحلمي بيه .. صراحة بقيتي فيا ههههه

غدير كتضحك : يلله الآلة سندس و كليباتك تقدرو تفضلو و تمشيو حيت يله جيت من لصال نقدر ندير شي موصيبة فيكم

سجى هزات حاجبها : يلله طيري
داك الساعة طلعات فوق الطموبيل معلية صوتها كتغوت : گاااايز سمعو سمعوو واحد الدقيقة

كاع الطلاب لي كملو لمتحانات و خرجو على برة وقفو كيسمعو لسندريلا لي سارقة قلوب اغلب الشباب

سجى كتعوج بنعومة و أنوثة : انا سيلي متبقاوش تقولولي مزوجة حيت ممعتبراش راسي مزوجة .. كاين مشكيل فالإجراءات و من بعد انطلق و لي عينو فيا اتفضل مشكور بلاما احشم

مريم مخرجة عينيها : ويلي على لبرهوشة نزلي من تماك

سجى كتعلب فشعرها : و اخيرا صافي ساليت هدرتي تقدرو تكملو شغالكم

نزلات من فوق الطموبيل كتهز و تحط فحاجبها على سندس حتى فقصاتها مزيان

غدير : متبقايش ديري راسك فهاد خيتي

سجى كترجع فشعرها مور ودنيها : هي لي كتقلب عليا شغاندير ليها

مريم موسعة عينيها : سجى

سجى جبدات تيليفونها : ممم شنو !

مريم : سجى محمد جاي لعندك

سجى وجها طلعات معاه التزنيگة : ويليي واش بصح ؟! .. شغانقول ليه .. زعما شغايقول ليا و..

مجات فين تكمل كلامها حتى سمعات صوتو : سجى

بلعات ريقها عاد تلافتت لعندو كتدور فعينيها : هااي

غدير شافت فمريم : مريم اجي نركبو بينما سالات سجى و نمشيو

محمد بلطف : غا سيرو انا غادي نوصل سجى

هزو راسهم باه و مشاو خلاوها معاه الراس فالراس

سجى كتلعب بإيديها مقدراش تشوف فيه

محمد : صافا ؟

سجى كتحاول تصرف عادي : وي صافا .. و نتا ؟

محمد : ملي نتي صافا انا بيخير

سجى عضات على شفتها بنعومة كتبتاسم : ممم مزيان

محمد : كيف دوزتي لمتحان بعدا ؟

سجى : صافا واخة كان صعيب .. و نتا كيف جاك ؟

محمد : كان عقلي كيسهى ليا فيك بزز باش كنرجع نركز

سجى لفراشات كيلعبو فكرشها : ممم زعما ؟

محمد كيضحك :عناب ياك ؟ هههه

سجى : شوية هههه .. لمهم انمشي دابا مشا لحال

محمد : تسناي نوصلك .. عطيني النيم ديالك بعدا نصوني نقوليك صباح الخير و الصواب و داكشي

سجى هزات حاجبها : مممم مزال مطلقت

محمد ركز مع السؤال : كنت كنتسناك حتى تطلقي عاد نفاتحك فالموضوع و لكن كيبان ليا اصلا مكتبغيش هاد الشخص لي مزوجة بيه

سجى بعفوية كتلعب فشعرها : نوو مكنبغيهش .. داكشي ديال عقل الصغر دابا كبرت

محمد : بغيتي تقولي عندي فرصة ؟!

سجى كتعفر : اوا اتوصلني و لا اتبقا تجر ليا فلساني !

محمد : لا لا نوصلك الآلة برانسيس سندريلا .. تفضلي

بتاسمات عاد مشات معاه حتى لطموبيلتو ركبو بجوج .. عاد كسيرا

محمد : فراسك نتي زوينة بزاف

سجى : عارفة

محمد كيضحك : عارفة زينك بعدا هههه

سجى : إلا كنت كنعجبك خاص أول حاجة تاخد مني النيم و من بعد تلح عليا باش نتلاقاو

محمد موسع عينيه كيضحك : اه هادي عندك ... صافي مشات غدا نتلاقاو

سجى كتعوج : اوا حتى نفكر و نقوليك

بقاو مجمعين فمختلف لمواضيع حتى وصلها للفيلة ديالهم .. قبل تنزل خدا من عندها النيم عاد مشا فرحان .. عام و هو كيقرا معاها و عينو عليها .. فاش عرفها مزوجة سخط لكن ملي بانت ليه ممعتبراش راسها مزوجة و مكتبغيش راجلها فرح بزاف و تشجع كتر أنه اتقرب منها


أمريكا..🍂🍂

على صوت رشفات لقهوة مركز نضراتو على لجريدة كيقرا بالتدقيق و عقلو خدام كيحلل فهادشي لي قدامو و لي جاي بعدما ينوض اقضي شغالو دهاد النهار .. بتاسم إبتسامة جانبية مطول الشوفة فالجريدة .. كيقرا و اعاود على لخبر لي حاطينو عليه و على الشركة ديالو لي دارت بلاصتها ففترة قصيرة .. بتاسم هاز حاجبو كيقرا فالسطورة لي مادحين وسامتو و شخصيتو لمعقدة قدام الإعلام .. تنهد بغرور داكشي لي كان باغي كيوصل ليه شوية بشوية و مبقا والو و اتكلاصا بين رجال الأعمال الصحاح لي هازين الإقتصاد

طول لجلسة عاد جمع لوقفة بتبات بعدما رشف آخر رشفة من فنجان دلقهوة .. قاد لافيست ديالو عاد خشا ايدو فالجيب بالرزانة .. رجع كيشوف فالجريدة هاز حاجبو بإنتصار عاد خرج من لمكتب لعلى برة غادي فالكولوار بنضرات جامدة مكتعبر على حتى حاجة .. فطريقو سمع صوت النداءات كتعالا كلما قربات لعندو

السكرتيرة وقفات كتنهج بلباس قصير و رسمي : مسيو لمصاوري .. تفضل لائحة الإجتماعات لي عندك ليوم

خدا من عندها الطابليط بنضرات جامدة .. طول الشوفة هاز حاجبو : لغي كااع لمواعيد لي عندي ليوم

السكرتيرة هزات راسها لعندو مخرجة عينيها : و لكن !...

قاطعها بحدة : معنديش لوقت نضيعو فجتماعات بحال هادو
ركز الشوفة فيها موجه صبعو كتحذير : خاص تعرفي لوقت هو الربح و لخطوات إلا كانت مدروسة اتمشي بعييد .. لي عليك هو تقادي ليا الإجتماع لي مع المستثمرين الجداد هادا هو لي ناوي نضيع فيه وقتيي .. تقدري تمشي دابا

كمل كلامو بتبات عاطيها الطابليط عاد قلب الدورة هابط فالمصعد نيشان لبرة الشركة .. لقا الشيفور كيتسناه و الصحافة كتصور و لكاميرات خدامين كيلتاقطو فالصور .. منطق بحتى كلمة كجواب على أسئلتهم لمتراكمة.. كتفا أنه اركب و قبل اديماري سمع الدقان على الزاج

هبطو بإستغراب : شكاين ؟!

_مسيو عاصم لمصاوري .. خاص تقرر امتى نعقدو لمؤثمر الصحفي .. كلشي كيسول على لمستثمرين الجداد و اسم لماركة الجديدة

عاصم بجدية : فالليل ايوصلك إيمايل فيه جوابي

كتفا بهاد لجملة عاد حرك الطموبيل مكسيري و لكاميرات موراه كيلتاقطو الصور بلهفة

ماشي بزاف حتى دخل مع لبوابة بعدما حلوها ليه .. سطاسيونا عاد هبط نيشان للباب لي لقاه محلول حيت لخدم عارف لوقت لي كيجي فيه .

طلع نيشان لبيتو عاد بدا كيزول فالفيست و احيد فالصدافي ديال لقاميجة ناوي اياخد ليه دوش عاد اخرج .. لكن قبل ميدخل لحمام صونا ليه تيليفونو .. هزو حاج حاجبو و زاد هز حاجبو ملي طلع ليه باه لي كيصوني

حنحن بصوتو عاد جاوب : وي لواليد

إسماعيل : امدرا امتى اتجي؟

عاصم هز حاجبو : فين انجي؟!

إسماعيل : تطلق لبنت ... مناويش تجي؟

عاصم : حالياا ممساليش

إسماعيل بعصبية : عااااصمم متبداش عوتانييي .. الإعلام ممخليش من حقو كااع صورك مع ديك لعارضة مشنعين .. كيف عايش حياتك خاص تعطي لبنت حريتها تشوف حياتها

عاصم كيمسح على شعرو : كيف قلت ليك حاليا ممساليش

إسماعيل بجدية : ياسين خووك باغي اخطب سجى .. خاص تجي باش تطلقها

عاصم هز حاجبو : هي موافقة؟!

إسماعيل : هادشي مسوقكش فييه .. جي غدا باش تطلقو فأسرع وقت .. ياسين ناوي اخطبها هاد الصيف و الصيف لماجي لعقد علاما تكون كملت نيت سلك لمهندسين

عاصم : متبقاش تهدر ليا عليها بزاف .. كان ممكن تجاوب على قد السؤال . معلينا من هادشي كامل حتى نشوف و نرد عليك حيت راسي عامر ممساليش لطلاق ولا الزواج

ياسين جعر و هو كيسمع صوت عاصم حيت إسماعيل داير الأوت باغلوغ : عاااصم و لو مرة فحيااتك حن شوية .. متنسااش دازت ست سنين على هاد الزواج لي معلق .. غدا جي باش تطلقها الله اخليك متدرهاش فوجهنا هاد لمرة

عاصم : إلا ساليتي قولها ليا باش نقطع

إسماعيل كيسايس بزز : غدا اولدي صافي؟

عاصم : يله بسلامة
و قطع عاد مشا تخشا وسط الدوش كيحيد لعيا


نهار جديد ..

جالسة وسط كتوبتها كتراجع مركزة مع الإمتحانات ديال آخر دلعام .. ناوية تجيب مزيان باش تدوز الصيف بيخير علاما جا لموسم الدراسي الجديد و كملات آخر عام ليها فسلك لهندسة

فعز تركيزها سمعات الدقان فالباب شوية تحل .. هزات راسها غا شافتها بتاسمات بنعومة أنوثتها متبدل فيها والو بالعكس زادت جمال على جمالها لقبلي

سجى : ماما دخلي

نيهان : هبطي تغداي .. لفطور مفطرتيش مزيان

سجى : واخة نيت جاني الجوع

نيهان : أحم ليوم ايجي داك لمجرم من أمريكا

سجى بعفوية : شكون داك راجلي لعزيز ؟

نيهان هزات راسها باه : سي إسماعيل واقف عليه باش اطلقك انشالله هاد الأيام .. ست سنين و هو مجرجرنا مباغيش اطلق و مكيجاوبش على اتصالاتنا كاع و لكن دابا جا لوقت .. انشالله اتفكي منو و اعطيك التيساع

سجى رجعات كتشوف فالكتوبة شوية هزات راسها كتهدر بعفوية : ماما نساي هاد الويل و قوليلي فين اتمشي مع بنتك باش تدوزي الصيف ؟ هممم قولي قولي

نيهان فرحانة حيت بنتها تبدلات و خرجات من داك الأزمة لي عاشتها مور ما مشا عاصم : لي بغات سندريلا ديالي

سجى : تصوير فيلمك الجديد ساليتيه؟

نيهان : بقاو شي مشاهد قلال و اتسالا

سجى بتاسمات : اوا مزيان .. نتي سالي خدمتك و انا تسالي قرايتي و نمشيو لشي دولة سياحة توحشت نبدل لجو .. هاد لقراية هلكاتني

نيهان : بالنجاح انشالله احبيبة .. يله جمعي كتوبتك و هبطي ..داداك مسكينة هي لي واقفة على لخدامة كتوريها شنو تطيب ليك

سجى : وينوو على دادة . .. انهبط نجمع معاها توحشتها

نيهان هزات راسها باه عاد خرجات مخلياها كتلبس فرجليها و تبعها حتى هي

جا الليل ..

لكل جالس كيشوف فيه ... مقابل معاهم داير رجل فوق رجل و فنجان دلقهوة فإيدو كيشرب على گانتو

ياسين غمز باه باش اهدر عاد حنحن إسماعيل : ولدي على سلامتك بعدا

عاصم دور عينيه عليهم .. جوهرة . عمار و ياسين زائد باه : الله اسلمك

إسماعيل : مغاديش نشدوك بزاف .. هاد الأيام طلق راه الإجراءات ايدوزو بسرعة و داك الساعة رجع لأمريكا الله ايسر ليك

عاصم هز حاجبو شوية سمع شي صوت جاي لعندهم فاش تلافت لقاه كمال صاحبو : لعشير

وقف سلم عليه تسليمة رجولية عاد جلس و كمال جلس حداه بعدما سلم على لعائلة .. نطق بصوت هادئ : افين الساط

عاصم : لوقت هانية؟ .. امتى هبطتي لمغرب!

كمال : شي سيمانة هادي .. اوا صدمتيني فاش قلتي ليا نتا هنا سحابلي مزال مغادي تدخل لمغرب

عاصم : جاي نشوف بلان داك لبرهوشة .. اتلقاها لاصقة فمها كتبكي فشي قنت ولا خايفة من بوعو ديال الروسوم

قاطعهم صوت ناعم : مساء النور

كلشي تلافت لمصدر الصوت حتى كتجي عينيهم على نيهان و بنتها واقفة بجنبها

إسماعيل جمع لوقفة : مزيان ملي جيتي الآلة نيهان .. تفضلي جلسي
رجع شاف فسجى : تفضلي ابنتي

سجى بعفوية تلافتت لعند عاصم كتشوف عادي عاد مشات جلسات حدا ياسين دايرة رجل فوق رجل و كتصرف بعفوية

ياسين عجبو لحال كيفاش كتصرف هنا زاد تأكد انا عاصم مبقا كيعني ليها والو

عاصم هاز حاجبو و فحالة دهشة كيشوف تعابير وجها لممحية كأنه شخص عادي شافتو أول مرة فالشاريع .. شخص غريب كتعطيه نضرات هادئة و ممحية بدون معنى

كمال : واش هادي سجى !

سجى بنعومة : عمي إسماعيل .. امتى نهار لجلسة باش نطلقو ؟

عاصم عض فمو من لداخل : انا لي كنقرر

تلافتت لعندو بنعومة : سي فغي ؟؟ اصلا انرفع عليك دعوة سوا تبغي سوا لا الطلاق ايوقع اسي لمصاوري

جمعات لوقفة : لمهم غدا عندي لحفاظة انمشي دابا .. ليلة سعيدة

نيهان : تسناينيي

سجى جبدات تيليفونها لي كيصوني غا بان ليها محمد بتاسمات عاد خرجات من الصالون كتمشى بأنوثة تحت نضراتهم : وي محمد .. صافا؟ .. ياك ! نوو ممسلياش راك عارف لبريباراسيو قاصحة شوية .. اممم اوا صافي مشات ..اوكي يله..

قبل تكمل كلامها حسات بالتيليفون تخطف من على ودنها غا تلافتت بان ليها صاحب دعوتها محمر فيها على الآخر : اهلان البرهوشة .. كبرتي علاما بان ليا

سجى نترات ليه التيليفون : اخر مرة تقرب لأغراضي امسيو

تلافتت باغا تمشي حتى كتحس بيه قبطها من دراعها مزير عليه .. شوية حسات بصوتو قريب لودنها كينطق بصوت حاد بحال الأفعى : داك لهدرة لي كتقولي ليهم انا سيلي و ممعتبراش راسي مزوجة ! .. شكون كذب عليك و قاليك تيقي هاد لكذبة

سجى وجها حمار محملاش أنفاسو تكون قريبة ليها : بعد الهيماجيي .. شهااد النيفو طلاااق منييي طلللق

عاصم زاد زير على دراعها : تسرح ليك اللسان

تنترات منو بحقد عاد هزات ايدها حتى لسما و نزلات عليه بكره شديد : متبقااش تحط ايديك لمسخين على لحمي النقي اسي لمصاوري .. هاد لمرة هدرت بالأداب لمرة جاية انخدم معاك شي حوايج متأكدة ايكتفووك .. متحاولش تلعب معايا كتفهم

طلعاتو و هبطاتو باحتقار خلاتو مشوكي و عينيه خارجين فيها .. فينها سجى داك لبنيتة لي فاش كتشوفو كيخرجو لقلوبة من عينيها !! .. فينها داك سجى لي ملي كيقرب ليها كيحس برجفاتها !!.. تبدلات بزااف نضراتها ولاو عاديين مبقاش فيهم داك لبريق لي كان شحال هدا

سجى فيقاتو من عالمو : مسيو لمصاوري خليت ليك الراحة

بتاسمات بسخرية عاد تلافتت ناوية تمشي حتى كتحس بييه جرها من دراعها عوتاني مزير عليه : خاص نهدرو

جرها بعجرفة لبرة و هي كتنتر بقوة باغا تنفاجر : طلااااق الحيواان ولا غاديي نجيب لييك لبوليس

عاصم بسخرية : كاين شي واحد ايدخل بين راجل و مراتو!

سجى بجنون عايفة راسها : انا ماشي مراتك ... مكنعرفكش طلق منيي طلااااق

عاصم خشاها فالطموبيل و دار لجيهة لخرى : كتعيي راسك امراتي لغزالة .. قلت خاصنا نهدرو هي خاصنا نهدرو


تلاهات فالحوار مع عائلة لمصاوري .. كيتناقشو على أمور الطلاق و امتى ايتهناو من هادشي

نيهان نطقات بجدية .. باقا هي هي نفس لجمال كلما كبرات كلما كتبان صغيرة فعمرها : سي لمصاوري هادي آخر محاولة ليك باش نتهناو من هاد لمهزلة .. كنقسم ليك بالله إلا متسالاش هادشي غادي نتصرف بطريقتي

جوهرة تنهدات : انشالله غادي نتهناو كاملين

نيهان هزات راسها باه عاد قلبات الدورة خارجة من الصالون لجيهة لباب حتى كتحس بياسين جاي معاها : ماشي مشكيل نقدر نمشي بوحدي

ياسين مسح على راسو : أحم لآلة نيهان .. باغي نهدر معاك فواحد لموضوع و لكن حتى تطلق سجى و خويا

نيهان : موضوع مهم!

ياسين هز راسو باه : بالنسبة ليا مهم

نيهان : كنسمع ليك

ياسين متوتر : نخليوه حتى لوقتو و نفاتحك فيه

هزات راسها باه عاد خرجات من لباب ديال لقصر و ياسين مزال فجنها : فينها سجى !!

خرجات عينيها ملي تفكرات عاصم مكانش معاهم فالصالون : سجى ميمكنش تمشي و تخليني بعدما قلت ليها تسنايني

ياسين مسح على شعرو : زعما داكشي لي طاح فبالي يكون بصح ! على بلااان هاد عاصم مكيتسالاش

نيهان بعصبية شدات تيليفونها كتصوني لبنتها و تعاود حتى كتسمع لخط تقطع فوجها : اااعععع كاين معاها .. الله اياخد فيه لحق

ياسين سخط : مخاصش نكونو متشائمين .. اقدر ميدير ليها والو

نيهان مسحات على شعرها و بلاما تجاوبو مشات ركبات طموبيلتها مكسيرية .. عاودت كتصوني و لخط كيتقطع فوجها حتى جهلات بالغضب

فالجيهة لخرى ..

الطموبيل كتلعب وسط الطريق و كتمايل على شوية و تدير كسيدة

عاصم صاعر : طلقييي البرهوووشة غادي تقتلينااا

سجى بجنون كتضرب ليه فالفولون و تقمش فحوايجو على الله انزلها ساعة والو هز ايدو ضربها حتى تلاهات مع الضربة كترعد شوية حسات براسها تمخدات ملي ضرب لفران جنب الطريق

عاصم حيد ايديه من لفولون كيسوط شاعل عاد تلافت لعندها : مااالنااا ؟؟؟ شهاااد الضسااارة !!؟؟؟

سجى بجنون غادي تحماق : حلللل علياااا لباااب نهبط .. كنحس براسيي تخنقت حلللل . مبغيييتش نشوووف كمارتككك .. كنعييف وجوودك حلللل علياااا حللللل

عاصم عض فمو من لداخل حتى بانت ليه سكتات كتنهج و شعرها كاع تخبل بسباب التعابيز لي تعابزت معاه باش اوقف بيها : ساليتي ؟

خنزرات فيه بحقد عاد تلاحت عليه خدات تيليفونها : أغراضي متقربش لييهم... بأشمن حق كتقطع فوجه ماماا الهيمااجييي

عاصم هاز حاجبو كيشوف فتصرفاتها لعفوية و لكلام لي كتخرج من فمها .. فرق شاسع بين سجى دشحال هدا و سجى ديال دابا .. مزال ممتيق راه هادي هي لي كانت غا كتدور و تبكي بحال لهبيلة

سجى بنفرزة : شووف معنديش لگانة نتجابد معاك اولا نغوت حيت لي فيا كافيني .. بغيت ترجعني لدارنا نحط راسي على لمخدة نعس شوية حيت تابعيني متحاناتي و هاد لمهزلة لي فيها حالياا كتخنقني .. سوو الله اعفو عليك رجعني منين جبتيني

عاصم مركز مع عينيها لي مافيهم حتى بريق .. ملامحها جد عادية و هي كتوجه ليه فالكلام : غادي نهدرو و رجعي لداركم

سجى ببرودة : إلا كانت شي حاجة كتعلق بإجراءات الطلاق مرحبا .. أما التخربيق و نبقا نتجاوب معاك معنديش ليها لوقت حيت نتا والو باش نجاوبك

عاصم زير على ايدو بزز كيحاول اتحكم فعصبيتو لي شعلاتها بكلامها .. طول فيها الشوفة مصدوم عاد زفر و دار كسيرا

سجى بعفوية : شعل شي موسيقى .. صوت حركاتك كيعصبني مكنبغيش نسمعو


هز حاجبو كيسمع ليها و بلاما يدير اي حركة من داكشي لي قالت ليه .. كتافا أنه ازيد السرعة فقط ساخط على لوضع

سجى بميوعة تلافتت لعند الزاج كتشوف فيه .. سهات مع داك النسيم ديال لبرد لي كيدخل مرة مرة .. على الأقل هاد النسيم كيبرد ليها شوية من داك لحرقة لي فداخل دقلبها .. واخة تبدلات بزاف و شخصيتها تفورماطات لكن مزال داك سجى لي مراهقة عايشة فالداخل ديالها .. جرح لماضي صعيب اتنسا و كيف خرجات من داك الأزمة حتى هي صعيب تنساها ولات باغا غا لكالم و تعيش حياتها بطولها و عرضها زائد مستقبلها لي خدامة عليه و كتبني فيه طوبة بطوبة .. عندها أحلام كثيرة هما لي غيروها و خلاوها ترجع تشوف فالحياة زوينة من جديد

عاصم فيقها من سهوتها فاش حل لباب و هبط : وصلنا

قلبات عينيها كتسوط عاد هبطات حتى هي ملاهية مع شعرها لي طوال كتر و قوة على قبل : لاش جايبني لهاد الريسطو !

عاصم هز حاجبو مطول فيها الشوفة عاد نطق بصوت جاف : خاص نهدرو

سجى عضات فمها من لداخل تصبر بينما رجعات لدارهم .. مبقاتش كتحس بشي حاجة من جيهتو يعني سوا يكون سوا ميكونش ولات عندها بحال بحال

عاصم : انباتو هنا !

ميلات شفايفها بميوعة : تفضل نتا لول مبغيتش نمشي معاك فنفس لخط مكيشرفنيش هادشي

خرج عينيه فيها لي رجعو حمرين .. مباغيش ارجع عاصم دشحال هدا .. عاصم لعصبي و كيهدر غا بإيديه لكن تصرفاتها كيبانو ليه ايرجعوه لطبيعتو بزز عليه

سجى شافتو كيخنزر فيها رمقاتو حتى هي بنفس التخنزيرة عاد دخلات لريسطو سبقاه .. غادة كتعوج قدامو بأنوثة و شعرها كيتلاوح موراها .. عضات على شفايفها ملي حسات بأنظار الإعجاب عليها هاكة نيت باغا تورييه كيف هو عايش حياتو كلا مرة مع وحدة راه حتى هي اتعيش حياتها مباشرة بعد الطلاق

عاصم ايدو فجيبو تابعها و الإيد لاخرة على لحيتو كيتفرج فالديكور و ساكت على خزيت حتى قصدها جرها من دراعها نيشان لطابلة جات فالقنت محداهاش الناس بزاف .. جات كتطل على منظر زوين بالأضواء ديال الليل

سجى تنترات منو بعصبية : قلللت لييك متبقااش تحط ايديك لمسخين على لحمي النقي

عاصم عض فمو من لداخل حتى جهل عاد نطق متحكم فأعصابو : جلسيي قبل منرجع لعهدي عوتانيي

سجى خنزرات فيه عاد جلسات كتسوط و تعوج .. ستفزاتو مزيان بتصرفاتها لمغرية .. اما هي عند بالها كتصرف عادي فاش كترجع شعرها مور و دنيها أولا تعض على شفايفها بعفوية عكسو هو لي سماهم تصرفات مغرية باش تعجب الرجال

سكت شحال عاد نطق بعصبية : وليتي نيت ق*** بلجيكاا

سجى مباغاش تجاوب معاه خلاتو داوي بوحدو حتى طلب ليهم طلبهم .. داك الساعة جا السيرفور بالطلب حطو قدامهم و مشا

عاصم : دايرة حالة مع راسك .. لاقية السيبة و التق***

سجى ببرودة : بصحتي و راحتي .. طانكيو على إهتمامك

عاصم هز حاجبو شوية نطق بسخرية : لفيديو لي كنتي كتقولي فيه داك لهدرة ديال ممعتبراش راسي مزوجة تلاح فمواقع التواصل الاجتماعي .. تبركالله لمرة جاية صوري ترمتك لوحيها

سجى مبغاتش تبين أنها تصدمات و كلامو ايعصبها : لا انتصور كاملة عريانة و نلوحها .. نتا مالك ؟ شكون نتا !

عاصم صبرو بدا كينفد : اتزيدي كلمة وحدة ماشي حتى لهيه انسا راه حنا حدا الناس

سجى تلافتت لجيهة لخرى مباغاش تشوف فيه أصلا : يله قول شنو عندك خاص نمشي

يله جا انطق بان ليه تيليفونها كيصوني و مكتوبة عليه " محمد بيبي "


يله جا انطق بان ليه تيليفونها كيصوني و مكتوبة عليه " محمد بيبي " هز حاجبو فداكشي حتى بانت ليه هزاتو مجاوبة على لمكالمة و الضحيكة على شفايفها

سجى بصوت ناعم كتحلون قدامو : قبيلة تقطع ليا لخط .. امكن الريزو
و تلافتت لعند عاصم كتخنزر فيه زعما نتا هو السباب

عاصم مبقاش قادر اتحمل تصرفاتها عوتاني .. داك الساعة طار على تيليفونها حيدو ليها من ودنها و خشاه فكاس دلما مباشرة حتى خرجات عينيها مصدومة و لعرق كيهبط منها

سجى غوتات متسوقاتش لناس لي جالسين : وااااش نتاااا مسطييي ؟؟؟؟ حمااااااق علااااش درتييي هااااكةةةة؟؟؟


عاصم ببرودة : هو لي طاح ماشي انا

سجى ولات كتقفقف مشعراتش براسها حتى هزات ليه تيليفونو حتى هي : اوكييي حتى انا عارفة راسي شغاندير دابا

عاصم رجع متكي على لكرسي واخد راحتو : وريني شطارتك

سجى كتعيب : مسكينة واحد النمرة كتصوني لييك

عاصم تقاد فالجلسة : اريي دااك لخرااا بلاما نووض لييك

خنزرات فيه عاد جوبات كتحلون : الووو

_بنبرة متفاجأة : هدا تيليفون عاصم شكوون نتيي؟؟!

عاصم سخط : اريي داك لمشقوف

سجى باش ميبقاش كيشوش عليها قبطات ايدو بعفوية حكماه عاد كملات كلامها عادي : شكوون نتي ؟

_ كيفاش شكون نتي ؟؟؟ فيينو عااصم

سجى عضات على شفايفها عجبتها اللعبة : مممم واش نتي هي صحيبتو الجديدة؟؟

عاصم نتر ايدو من وسط ايدها .. حس بالعرق جاه من هاد لحركة لي دارت حتى صدق كيحل فالصدافي لولانيين دلقاميجة باش اتنفس و متبقاش طالعة معاه الصهدة .. عكسها هي لي كتصرف عادي جدا بدون أحاسيس

سجى هزات حاجبها كتسناها تجاوب : اوا قولي ولا نقطع فوجهك

_عطيني عااصم و دابا

سجى كتحلون : عاصم مشغوول هننن اااح ااممم اآآييي بااي كتعطلينا .. اااي عاصم بشوية

و قطعات كتسوط : الثمتيل فيه لخدمة

عاصم بحاليلا صرفقتيه بتران .. شخصيتها الجديدة كتزيد تصدمو حتى سرات معاه عاد هز كاس دلما شربو ابرد بيه

سجى حاسة براسها دارت إنجاز : بقيتي سيلي مسكين

عاصم : مبيني و بينها والو غا تمحنتي و طلقتي دوك الأصوات بحاليلا كندخلو فيك بزز

قلبات وجها لجيهة لخرى مرضاتش .. عاد سرات معاها داكشي لي نطقات بيه معرفاتش منين طاح عليها

عاصم : يله اري داك لمشقووف

سجى : لا مغاديش تاخدو

عاصم : اذن خووديه هو لي انولي نعيط ليك فييه .. و راه مراقب تدخلي ليه شي حاجة ماشي حتى لهيه انورييك شي حوايج مغاديش اعجبووك

سجى هزات حاجبها : شكوون نتاا باش كتهدر هاكة؟

عاصم : راجلك بغيتي ولا كرهتي .. انا راجلك

بقات كتشوف فيه بحقد و كره شديد نضرات فشكل جاب ليها الله كااع متعصب راسها و تدخل معاه فحوار حيت باقي كيف ديما كيهدر بتسلط و تكبر

عاصم تقاد فالجلسة عاقد حواجبو فيها : قلتي باغا الطلاق ؟

سجى هزات راسها باه : انكون اسعد وحدة إلا كان دابا نيت

عاصم بتاسم بسخرية : كتحلمي بزاف

هزات حاجبها فيه : لمعنى !؟

عاصم جغم من كاسو عاد نطق بتبات : عندي شرط عاد تاخدي طلاقك

سجى بسخرية : كتضحك معايا ياك ؟؟ فخبارك أنه دابا مع مواقع التواصل الإجتماعي ساهل نطيح عليك شي باطل و نصور فيديو كنبكي فيه و نحكي شنو عشت اناخد طلاقي منك فرمشة عين .. زائد اندير بووم بسهولة متنساش أنه انا بنت وحدة مشهورة

عاصم هاز حاجبو : كتفكري بزاف .. معندك حتى دليل زائد إلا فكرتي فهادشي عندي شي تصاور ديالك ايعجبوك

سجى بسخرية : بغيتي تقول تصاور عريانين زعما!

عاصم : بدا كيعجبني تفكيرك

سجى : معمرك اتكتفني من ايدي و إلا فعلا عندك شي تصاور من هاد لقبيل نتا اكتر واحد اتضرر من هادشي
غمزاتو مع نبرة ساخرة : راك راجلي أولا ؟ كتهمك السمعة و داكشي

جمعات لوقفة بتعجرف : لمهم لجلسة معاك ضارتلي الشقيقة .. تشاااو

هزات ساكها و تيليفونو لي ناوية تقلبو مزيان عاد مشات خارجة لبرة .. متسوقاتش لنداءاتو لي من نبرتو عرفات بيلا شعلاتو ديال بصح

تخطات طموبيلتو ناوية تاخد طاكسي صغير لمهم متركبش معاه اولا تكون قريبة ليه .. لكن شكون خلاك يله غادي تقطع حسات بيه جارها من دراعها بزز منها

سجى بجنون : طلاااااق هيييه طلااااق .. واااش شوية لبااس؟؟؟ شهاد لوقااحة .. طلااااق

عاصم ركبها بزز عاد دار لجيهة لخرى ركب مكشكش و عينيه خارجين بالعافية شوية و اتفرگع تماك : صاااافيييي سسسكتييييي

سجى بدات كتضرب فالباب : متغوتش علياا كتفهمم .. حل هاد لباب دابا ولا اندير شي موصيبة

عاصم ضرب لفولون بجنون حتى قطعات لحس : علاااش خرجتيي قبل نكمل كلاميي؟؟؟ وااش عااارفة شكون معاك ولا لا ؟؟

سجى بميوعة : حتالة لا غير ولا اكتر

على إثر كلماتها تلاح عليها جرها لعندو بزز منها حاكمها بالسيف عليها حتى بلعات ريقها ملي بان ليها جبد واحد لمقص

سجى كتنتر : علااش ناوي نتا .. طللق منيي

عاصم : هاد لمقص انقطع بيه لساانك إلا مسكتيش

سجى مرضاتش : اووكي يلله طلق بغيت نجلس فبلاصتي قبل ندير شي موصيبة

عاصم : غادي تسمعي شروطي

سجى كتسوط : علاش هاد الشروط؟

عاصم : إلا منفدتيش الشرط متحلميش بالطلاق و نتي عرفاني نقد بيها

سجى بعصبية : شنو هاد الشرط ؟؟

عاصم ميل شفايفو لإبتسامة جانبية : غادي تخطبي ليا

كانت ملاهية مع ايدو لي حكماها كتنتر فيها لكن مجرد مسمعات كلماتو هزات راسها لعندو فحالة دهشة : كيفاش !

عاصم مركز مع ملامحها و كأنه كيقلب على شي حاجة : قلت اتخطبي ليا

سجى بقات كتشوف فيه شوية ضحكات بسخرية : علاش واش عاودو ليك بيلا انا هو لعدول لي كيزوج ولا كيفاش !

عاصم هز حاجبو فاش مبانش ليه داكشي لي كيقلب عليه فملامحها : ممكن

سجى بعصبية : رخف مني نرجع لبلاصتي متخلينيش نكره راسي دابا

عاصم زاد زير : شنو قلنا فالشرط ؟!

سجى بسخرية : من نيتك كتقولي نخطب ليك ؟ بنت لييك مسالية لحماقك انا ؟ طلق راك عصبتيني بغيت نمشي لدارنا عندي متحاناتي

عاصم زاد زير : هدااااااي

قفزات على صوتو شوية كتحس بيه كيزيد ازير كتر و كتر حتى تأوهات بصوت مسموع عاد نطق : هدا جزء صغير من الشرط مزال مكملتش لييك لباقيي

رخف منها عاد دفشها حتى جلسات فبلاصتها كتنفخ على لبلاصة لي كانت محكومة بقبضة ايدو .. جسمها كرهاتو فهاد اللحظة

عاصم تلافت لجيهة الزاج عاقد حواجبو و تالف كيحك فلحيتو و اسوط بحاليلا شي حاجة معصبااه و خربقات تفكيرو .. تنهد تنهيدة طويلة عاد كسيرا قاطع لحس غا كيعض فسنانو من لداخل

سجى تلافتت حتى هي لعند الزاج كتعوج ففمها بميوعة كلما كتفكر الشرط كتشدها الضحكة : من نيتو

عاصم بعصبية : قلتي شي حااااجةةة؟؟؟ سمعيينيي نشوووف

تلافتت لعندو مخنزرة : ممكن تولي تهدر بالشوية راك صمكتيني فودني

عاصم بسخرية : دابا امتى اتسالي متحاناتك

سجى بإنفعال : معرفتش و مسوقكش و مبغيتكش تدخل فحياتي و مستقبالي اوكي ؟ واش اوكي؟

عاصم خلاها حتى كملات كلامها عاد هز واحد قرعة دلما كانت قدامو حلها من فمها عاد رش عليها لما حتى شهقات ..طول فيها الشوفة مستمتع بوجها لي حمار من الأعصاب : هاد لمرة وزني كلامك البرهوشة

سجى بجنون : مبقيتش برهووشة فعمري 22 عاام

عاصم هز حاجبو : فنضري برهووشة

سجى هزات حاجبها حتى هي : شنو بغيتي تكون عندي 31 عام بحالك باش منتسماش برهوشة ولا كيفاش ! .. ليكن فعلمك نتا اكبر برهووش عرفتو فحياتي

عاصم سكت حتى سكت عاد تلافت لعندها رامقها بنضرة شيطانية زرعات فيها الرعب حتى سكتات فمرة قاطعة لحس .. عرفاه واحد مسطي و غا هي و ياه فهاد الطموبيل اقدر ادير فيها شي موصيبة إلا قالها ليه راسو .. كلشي توقعو منو عندو زايد ناقص

عاصم فيقها من سهوتها : غادي نعاود نسولك إلا مجاوبتيش متلومينيش على لي ايوقع ليك

سجى ميلات شفايفها بميوعة كتشوف جيهة الزاج

عاصم : امتى اتسالي متحاناتك

سجى سكتات شحال مرضياش تجاوبو حتى قفزها فاش ضرب لفولون عاد نطقات بتكبر : مور شي ربعيام

عاصم : معاش عندك اخر متحان ؟

قلبات عينيها كتسوط : عندي مع لعشرة دالصباح فيه جوج سوايع

عاصم : مزيان مجرد متخرجي اتلقايني كنتسناك

سجى بتكبر : لا مبغيتك تجي لعندي

عاصم بسخرية : لا انجي لعندك باش تمشي تخطبي ليا

عضات على شفايفها حاسة بيه ضرب ليها اكبر قمعة و باش تبرد كتر رجعاتها ليه : نخطب ليك حتى عشرة لمهم منبقاش على سميتك


سكت فاش سمع كلامها بقا كيتكريد غا بوحدو حتى وقف بيها قدام لفيلة ديالهم

سجى بحاليلا كانت فحبس و عاد عفى عليها الله .. داك الساعة حلات لباب و هبطات لكن قبل تمشي وقفها صوتو : تسناااي

ميلات شفايفها بميوعة : ياك لباس

عاصم سخط : فممك ايجيب ليك هرسة مضيرااش بدااي تردي معاه لبال

سجى كتنفخ : دابا شنو ؟

عاصم : هزي تيليفوني ولا ديالك و ياويلك تدخلي ليه شي رقم من غير ديالي اندبحك

سجى : ممعترفاش بيك باش نخليك تدخل فحياتي

عاصم : إلا بغيتي تزعمي و تجربي ديري شكايقول ليك راسك باش نتصرف حتى انا

سجى خنزرات فيه عاد هزات التيليفون و مشات كتسوط ... خلاتو متبع ليها لعين حتى غبرات عاد كسيرا للوجهة ديالو حتى هو

دخلات نيشان لجيهة لبيسين قشعات نيهان جالسة باينة فيها مهمومة : ماما

نيهان بلهفة تلافتت : بنتي ! فيين كنتيي ؟؟ علااش تعطلتي ؟ فيين مشيتي ؟ يكما داك معاه داك لمجرم

سجى بهدوء : تهدني اماما

جلسات حداها كتلعب ليها فشعرها : نتي عرفاني مبقيتش كنتعصب من شي حاجة سميتها وجودو .. واخة كنفاعل و لكن غا من برة مكنخليش داكشي ادخل لقلبي باش منرجعش كيف كنت .. حاولي تهدني و متخلعيش عليا

نيهان : هي كنتي معاه ؟ شنو دار ليك ؟ عاودي ليا متخبي والو

سجى عودات ليها كلشي حتى سالات : هادشي لي كاين

نيهان مفاهمة والو : واش بعقلو هدا

سجى بلامبالات : بغا العب معايا غادي نلعب معاه .. عند بالو مزال داك سجى لي كتحماق عليه .. كنتفكر راسي شنو كنت كندير على قبلو كنبغي نحماق . صراحة فرق كبير بين لمراهقة و الرشد .. فرق شاسع كااع

نيهان تنهدات : صافي نساي عليك دابا .. دخلي كولي ليك شي حاجة و طلعي لبيتك نعسي باش تلقاي الطاقة تدوزي متحاناتك بيخير و على خير متبقايش تفكري فهادشي حتى تسالي شغالك

سجى هزات راسها باه عاد قلبات الدورة داخلة لفيلة

داز لوقت ..

كانت مخشية ففراشها كتقلب فتيليفونو و على محياها إبتسامة شريرة : انشوفو اسي لمصاوري شنو عندك هنا

بدات كتبقشش ملقات حتى تصويرة ديالو .. التيليفون كيصفر شوية حتى كيوصلها ميساج فتيليفونو نيت

"⁦🗨️⁩ عاصم جاوبني عفاك متخلينيش هاكة "

هزات حاجبها كتقرا فالميساج و تعاود شوية تفكراتو فاش قال ليها

"عاصم : يله اري داك لمشقووف

سجى : لا مغاديش تاخدو

عاصم : اذن خووديه هو لي انولي نعيط ليك فييه .. و راه مراقب تدخلي ليه شي حاجة ماشي حتى لهيه انورييك شي حوايج مغاديش اعجبووك "

عبسات كتفكر : زعما لا درت شي حاجة ايكون مراقب بصح ولا غا كيخلعني
هزات كتافها بلامبالات : مافيها باس نلعب شوية

دخلات داك الساعة لميساج لي وصلها جوبات عليه :

⁦🗨️⁩ شنو بغيتي مني ؟ أنا مشغول حاليا نسالي و نهدر معاك إلا كانت شي حاجة مهمة قوليها ليا دابا

عضات على شفايفها حابسة الضحكة حتى كيوصلها ميساج فداك اللحظة

⁦🗨️⁩انا كنبغيك اعاصم نتا عارف هادشي مزيان

سجى هزات حاجبها : شكون هاد مسخوطة لواليدين لي طاحت فهاد لحجرة
بقات كتفكر شحال عاد كتبات ليها

⁦🗨️⁩نتي عارفة مزيان أنه كلا ليلة كندوزها مع وحدة فما كاين لاش تبغيني

حبسات الضحكة : نشوفو واش بصح ولا لا
غا سكتات وصلها ميساج

⁦🗨️⁩لا اعاصم انا عارفة مزيان نتا مكتعمر مع حتى وحدة من غيري انا .. عارفة كتقول هادشي باش منبغيكش ولكن أنا واقعة فعشقك كنتمنى تعطي فرصة لحبي اقنعك و ندخلو فعلاقة .. كنواعدك مغاديش تندم اعاصم

سجى بدات كتضحك : هادي مدلولة كتر ما كنت فصغري هههههههههه

داك الساعة قفزات على رقم كيصوني ليها و ممقيدش ..بلعات ريقها عاد جوبات : الووو

حنحن بصوتو لحرش و تقاد فالجلسة بعدما كان مركز مع واحد لكتاب كيقرا فيه عاد نطق : كان ممكن تسوليني انا نيت على واش كندوز لوقت مع لق*** مكين لاش تسولي ق*** وحدة أخرى

خرجات عينيها مصدومة : كك ... كيفاش!

عاصم بسخرية : مكنتش مسالي بااش نفرگع فالز**كة .. ولكن دابا عندي مراتي لغزالة مغاديش تخلي راجلها صابر ياك البرهوشة

سجى وجها ولا حمر بالأعصاب داك الساعة قطعات عليه : كتحلمم الحيوان .. تفووو تفرششت اااش دااانيي نسوول
عضات صبعها معصبة : هي بصح مراقبو .. ناري على بنادم عمري شفت وقاحتو


نسات سجى فهاد الأيام بلان عاصم و نسات حتى الشرط و الطلاق .. خوات راسها من كلشي و ركزات على امتحاناتها فقط حتى بقا ليها غا غدا لي اتدوز فيه و تهنى داك الساعة بعطلة الصيف

بعدما خرجات من الإمتحان هي و مريم خارجين كيهدرو عليه و شنو درتي فهاد السؤال و شنو درتي فهدا حتى كيوقفو من الطابق لفوقاني كيطلو على سندس مقنتة واحد لبنت باينة ضريفة و خوافة بزاف

مريم : بنت لحرام كتخاد ليها فلوسها

سجى بعصبية : هاد سندس مبغاتش تحشم شوية .. اجي تبعيني

جرات مريم حتى لطابق لي فيه سندس مقنتة داك لبنت كتشعكك ليها فشعرها محاميين عليها هي و صحاباتها لي مكيفرقوهاش .. كانو كياخدو ليها ففلوسها و اسبو

سجى ميلات شفايفها شوية جبدات تيليفون عاصم نيت بينما شرات ليها تيليفون .. جبدات لكاميرا و بدات كتفيلمي فييهم كيضربو فالبنت و اهينو فيها حتى كملو على خاطرهم عاد نطقات : لفيديو طلع واعر

داك الساعة تلافتت سندس مخرجة عينيها : شكاديري ؟!!!

طارت لعندها بينما سجى حادرة راسها كتخنشش فالتيليفون : شنوو كديري ؟؟ هدريي ولا نخسر ليك وجهك

سجى غا هزات راسها هزات معاه ايدها نيت و هبطات على حنك سندس حتى عواج : هادي حيت سخن عليك راسك و بغيتي تجربي تصرفيقتي ... بصحتك

غمزاتها و مشات هي و مريم كيخنزرو فصحابات سندس

سندس لعافية شاعلة فيها : شنوو ناوية تديري الحقيرة

سجى وقفات عطياها بالضهر شوية تلافتت كتشوف فيها ببرود مستفز : هاد لفيديو لي كتعنفي فيه لبنت تلاح فمواقع التواصل الاجتماعي ... شوية و اتشوفي لبرطاج على الجهد و ياحسرة وجهك مكشووف

ميلات شفايفها بسخرية عاد نطقات : تخايلي معايا سمعتك اتشوه حتى شركة مغادي تقبل عليك واخة تجربي تخدمي عندهم

سندس قصداتها و نار لحقد عمياها : كيفاش كتجرأيي

هزات ايدها ضربات حنك سجى و زادتها تصرفيقة أخرى : نتي لي معرفااش سندس علاش نااوية الق***

سجى مسحات الدم لي خرج من فمها على إثر تصرفيق سندس عاد تلافتت لعند مريم لي كانت كتفيلمي فاللقطة ملي سندس كتصرفق فسجى : طلعات اللقطة واعرة؟

مريم بتاسمات : هادشي مجهد
داك الساعة لاحتو فمواقع التواصل الاجتماعي حتى هي : سندس يا سندس خربتيها على راسك دابا

سندس تصدمات : كيفااش كتديرو فيا هااكة

سجى : دابا هاد الدم لي خرج ليا من فمي خاص تعاقبي عليه ياك ؟ نيت ساليت متحاني انمشي نيشان لمركز الشرطة نشكي بيه و معايا الدليل
كملات كلامها مع غمزة

سندس بدات كتبكي : حرام علييك شنو بغيتي عندي

سجى غوتات فوجها : رررجعيييي لفلوس للبنت لي سرقتيها و دابااا ... طيريي قبل نشكي بيييك يلله طييري سرااقة

خنزرات فيها عاد خرجات كتمسح ففمها : مريم اش بان ليك نمشيو لمول ناخد شي بغودويات ديال لميكاب ناقصيني

مريم : خاص تداوي هادشي بعدا .. بنت لحرام معرت عندها ايدين ولا بالة

سجى بلا مبالات : خليها علينا صافي راه ربيناها .. دابا جبدات الصداع عليها كلشي ايعرفها على حقيقتها

مريم : وليتي نتي هي لمفتش كرومبو هههه

سجى سمعات التيليفون كيصوني : شكون كيصوني

غا شافت رقمو عرفاتو هو .. سخطات عاد جاوبت : شنو ؟

عاصم : و عليكم السلام امراتي لغزالة
غير نبرتو لعصبية : شداااك لفيديووو ليي فييه كتاكليي التصرفييق ؟؟؟؟ معندكش ايدييك باااش تدافعي علييك ولا كيفاااش ؟؟؟ يكما جالسة كتبكي دابا ؟ قوولي هدريي ! قولي شي حاجة ؟ .. فينك نتي خااص تشكي بيها ولا غادي نمشي نقتلها

سجى ببرودة : ساليتي؟

مريم حبسات الضحكة : كون شافك شنو درتي ليها اخاف على سندس ماشي عليك

عاصم صاعر : شهااد الصوت ؟؟؟ شكوون معااك ؟؟؟!

سجى بعصبية : مسوووقكش
و قطعات عليه : شفتو باغي احكم فيا من نيتو


يوم جديد ..

و اخيرا كملات اخر متحان ليها .. خرجات عوتاني هي و مريم مبدلين موضوع لمتحانات و كيخططو لعطلة الصيف

سجى : غادي نمشي مع ماما انشالله لشي دولة

مريم : خاص تطلقي بعدا

سجى : وي ضروري حتى نطلق من هاد لحيوان عاد نمشي ندور مع ماما توحشت نفوج

مريم كتطنز عليها : و محمد لي كيعجبك

سجى وسعات عينيها : هيييح فكرتيني فييه .. مبانش ليا فالإمتحان يكما مجاش دوز

مريم : ايكون دوز فقاعة أخرى .. الناس ولاو كيهتمو امممم

سجى خسرات ملامح وجها : و مالي منهتمش ياك انا سيلي غا داك لعقد راه ايتفسخ و نتهنى

قفزهم صوت لكلاكسون فاش خرجو من ENSA .. غا شافت طموبيلتو خنزرات فيه

مريم حابسة الضحكة : يله سيري خطبي لراجلك قرة عينك

سجى تنهدات : يله بسلامة انشوف هاد اللعب ديالو فين ايوصل

ودعات مريم عاد مشات لعندو .. غا وصلات حلات لباب و ركبات حداه بلا كلمة بلا جوج

عاصم بسخرية : و عليكم السلام

سجى شافت جيهة الزاج بميوعة حتى كسيرا شاد لوجهة لي ناوي ليها و كيخطط ليها فراسو

داز لوقت ..

كانت جالسة حداه كتدور فعينيها على فين جالسين .. معاجبهاش لحال بالمرة كتشوف فهاد المؤثمر الصحفي و لحالة و الصحافة كتصور بلهفة

سجى : علاش جبتيني هنا

عاصم ببرودة : باش تخطبي ليا اولا نسيتي

سجى بجنون : نتا مريض

عاصم : مشفتي والو .. دابا سكتي و سمعي

سجى ميلات شفايفها معصبة حتى كتسمع الصحافة كتغوت بالأسئلة و كتصور بشوق للشخصية لي وقفات قدامهم .. كان رجل باينة فيه فالخمسينات باقي كيبان كاريزما رغم سنو .. من طريقة لباسو لمرتب باينة فيه انيق بلا قياس

سجى شافت لعند عاصم واخة مرضياش تسولو : شكون هاد أحمد خطابي ؟

عاصم تلافت لعندها : صبري باش تعرفي

ميلات شفايفها عاد رجعات كتشوف لجيهة لصحافة حتى كتبان ليها بنت شابة شدات فيه و كيهدرو متبسمين لكاميرات الصحافة

عاصم بسخرية : هاديك لي اتخطبيها ليا

سجى : زوينة علييك معرت اش عجبها فييك

عاصم تقاد فالجلسة كيتلف فهدرتها باش متعصبوش .. جمع ايدو على شكل قبضة كيغزز فسنانو حتى بان ليه داك الراجل شير ليه عاد تلافت لعند سجى : اجي معايا

متسناهاش تجاوبو حدو جرها من دراعها حتى تقادت معاه فالخط عاد رخف عليها

سجى : راك كتقصحني بغيتي نشوهك مع الصحافة

عاصم كيغزز فسنانو و الإبتسامة لمصطنعة على محياه : سكتي شوية

جرها حتى وقفو حدا الراجل و بنتو : سي أحمد نهار كبير هدا

تصافح هو وياه أما سجى بقات كتدور فعينيها مرضياش توقف حداه اصلا كون ما ايدو لي محاوطة خسرها مكانتش اتوقف فجنبو

أحمد : شكون هاد الأنسة لي حداك

سجى تلافتت لعندو بعفوية و بلاما تحس عينيها مشاو نيشان لتوحيمة لي كاينة فجنب عنقو .. هي نفسها لي فيها غا عند سجى باهتة شوية .. سهات فالصدفة عاد هبطات عينيها فاش حسات على راسها اتعيق بالشوفان

عاصم حنحن بصوتو عاد نطق : هادي مراتي .. سجى لمصاوري
تلافت لعند الصحافة و لحضور لي حاضرين لمؤثمر : فنهاية الأسبوع مراتي عندها عيد ميلاد و نيت انستاغلو لفرصة باش نحتافلو بعيد زواجنا .. كنتمنى تشرفونا بحضوركم

كمل كلامو عاد تلافت لعند سجى لي حسات بالأرض مشات و جات بيها كون ما ايدو لي محاوطة خسرها كون طاحت : شكاتخربق!!!

عاصم بهمس : كنقول لي كاين

سجى بلعات ريقها عاد نقطات بصوت خافت ولكن باينة فيه عصبية كبيرة : و الشرط ؟

عاصم هز حاجبو : دابا من نيتك انطلقك حتى يكون شي شرط ! .. مغاديش نطلقو بلاما تحلمي

بقات كتشوف فيه مخرجة عينيها لي كيوحيو شحال ديال لحقد هازة من جيهتو .. معرفاتش منين جابت داك التبات و لكتمان ديال أعصابها حتى خرجو من لمؤثمر نيشان لباركينغ

سجى تنترات منو بجنون : وااااش نتاااا مريييض فمخكككك؟؟؟؟ إلا شفتيني سككككت هااد ستسنين و مقلت والو متعتبرهااش نقطة ضعف

قربات لعندو موجهة صبعها كتحدير : لحد الآن مزال حتى واحد مفراسو أنك جهضتي ليا .. كلشي عند بالو باقا بنت

عاصم حقد : داك الليلة كانت برضاااك متحطييش عليا لوومة شي حاجة درناها بجوووج

سجى بسخرية : كااان بإمكاانك متقيسنيش طالما نتا مباغييش لولاد منيي ... مباغيش شي حاجة من دمي متقربش ليااا .. الله اياااخد فيييك لحق على كاااع داكشي لي عيشتيني .. وااش من نيتك دابا كتقول مغاديش نطلقو؟؟؟ بأشمن صفة انبقاو فهاد الزواج

عاصم زفر كيشوف لجيهة لخرى عاد دار شاف فيها : بصفة نتي مراتي و انا راجلك

جهلها حتى هزات ايدها و نزلات عليه : كتحلممم .. و بقا تحلم .. نتا مريض ممطراش نكون معاك و نتعدا بمرضك

صعر كتر ماهو صاعر .. داك الساعة شدها من دراعها زدحها مع صدرو عاد نطق عاض على سنانو : قبل ست سنين قلت لييك مستقبالك انتحكم فييه كيف خربتي مستقبالي غادي ندير نفس الشيء

سجى بجنون : شنوووو ذنبيي انااا ؟؟؟؟ شنووو درت ليييك حتى كرهتيني فحيااتييي حتى لهاد الدرجة ؟!

عاصم بحقد : بسبابك و بسباب فشوشك دخلتيني لحبس .. كنت كنعاونك باش ميفرسوكش الذياب .. صدقت مشدود فالحبس حيت انا حمار و بغيت ندير لخير فييك

سجى قصحها فدراعها : كنت مخلوووعة و فحالة ذهوول معرفتش راسي شنو قلت داك الساعة .. وااش بسباب هاد لغلطة اتقتلني و انا حية ؟؟!

عاصم زاد زير على دراعها عاد نطق : كنقووولك بسبابك خرجتي على مستقبالي .. كون مدخلتش لحبس كون راه تقبل ليا الضوسي فالقوات لبحرية و حققت لحلم ديال الأم ديالي ... ملي دخلتي لحياتي و اللعنات كينزلو علياا

سجى بجنون : كنقوولك مدرتهاش بلعاني علاش مباغيش تفهم .. على داكشي لي وقع لييك كنعتاذر عليه و بزااف كنعاود نقوليك مدرتهاش بلعاني .. كانت نيتي صافية مقاصدة والو .. كنظن السوء التفاهم تحل دابا داكشي علاش انمشيو دابا لمحكمة نطلقو

عاصم غوت فوجها : ولاااااالالالالا الطلاااق لالالالالا

سجى غادي تحماق : علااااش؟؟؟ شنووو باغي مني مزااال ؟؟؟ شنووو ؟

عاصم طول فيها الشوفة : باغاني نطلقك و تمشي مع واحد آخر؟

سجى هزات حاجبها : تماما من حقي نعيش و نسى هاد لماضي

عاصم بسخرية : كتحلميي بزاف ... نتي مرات عاصم لمصاوري و عمرك اتكوني مرات شي زا** آخر

سجى كترعد بالأعصاب : و لكن مكنحملكش كنكره وجوودك .. تقبل بهادشي ؟ قاابل بوحدة جسدها معااك و قلبها مع واحد آخر ؟

سكتات هازة حاجبها كتشوف فوجهو لي حمار و لعرق كيخرج من جبينو .. يله اتبتاسم بشر حسات بيه سرط شفايفها وسط شفايفو كيعض فيهم و امص بلهفة و جنون .. كانت قبلة عنيفة بحاليلا كينتاقم منها على آخر هدرة قالت .. قطع فيها النفس و مهتمش لتركال ديالها .. حكمها كيف بغا متكيها على الطموبيل و شفايفو ملصقهم مع شفايفها بطريقة متملكة بحاليلا كيقوليها عاد الشفايف ديالي مديال حتى واحد .. حتى حس بمذاق الدم عاد بعد كيلهت مخليها مخرجة عينيها كترعد شوية غمضات عينيها و طاحت سخفانة ليه

ميل شفايفو بسخرية : باقا البرهوشة كتسخفيي

هبط لعندها هزها وسط ايديه بحال الريشة : عندها السخفة بحال سلام عليكم


كان مكسيري نيشان لدار لي شرا جديدة وسط لمدينة ..تلافت للكرسي لي حداه بانت ليه مزال مرخية عرفها مزال سخفانة .. بتاسم بسخرية عاد رجع شاف قدامو مركز مع السوگان

حك لحيتو بإهتمام عاد نطق : غا بستها سخفات كون درت شي حاجة أخرى كون دخلات كومة

زاد فالسرعة طاير حتى بلاصا الطموبيل و نزل .. كانت بلاصة نقية فيها غا لبرطمات لي فوق ميتين ميترو كيطلو على لبحر .. نوا اشري هنا بينما لقا شي أرض مزيانة عاد ابني فيها فيلة على ذوقو و ذوق سجى لي مناويش اطلقها واخة تطابق السما مع الأرض

دخل للمصعد هازها وسط ايديك مرخية بحال شي فراشة .. موقف بيها حتى دخل للبرطمة و نيشان لبيتو

حطها فوق الناموسية بهدوء عاد تقاد فالوقفة كيشوف فيها و عينيه كيفحصو فكل خلية فوجها .. شبع نظرو مزيان عاد حيد لافيست و بقا غا بالقاميجة .. گفد ليها كمامها و حيد صباطو و التقاشر عاد مشا تكا حداها كيتنهد

شوية دار لعندها كيشوف فيها و بدون سابق انذار حيد لقاميجة و بقا بصدرو عريان عاد جرها حداه و طلع ليها التيشورط حتى بان صدرها لي كبر و نضج مع سنها لحالي .. جهل و هو كيشوف فداك لبيوضة و الرطوبية .. مقدرش احبس راسو داكشي علاش هبط راسو لعندو و هو كيرخف ليها فالسوتيان من لور باش بلاما احيدهم و تعيق بيه .. لقا راسو قادر اهزهم شوية باش اشد الراس ديال بزازلها عاد هبط راسو و شدهم وسط فمو واخد راحتو فيهم بإحترافية .. شوية سهى و عضها حتى حلات عينيها فالسقف مخلوعة

سجى كتحس بشي حاجة باردة على صدرها .. شوية خرجات عينيها و غوتات بأعلى جهدها ملي جلسات كتشوف فيه مصدومة بحاليلا شي سطل دلما بارد تخوة فوق راسها

عاصم جرها لعندو عارف غادي تبدا تغوت و تحماق ليه .. لكن تدخل و سبقها بخطوة كونو حكمها قبل متبدا تجنن ليه

سجى بجنون : شنووو كنننتييي كدييير ليااا الحيوااان؟؟؟؟ شنووو ؟؟؟ علااااش قصتينيي ؟ طلااااق رخف منييي غادي نقتللكككك طلاااق و طلاااق غادي تسطيني الحيوان

عاصم مزير عليها : نتي مراتييي

جهلات بالغضب حتى هزات ايدها و قمشاتو فصدرو بجنون : طلااااق منييي طلاااق اااععععع الله اعطييك العذااب ااعععع طلااااق

جهلات كتنتر ليه حتى طلق منها حيت عصباتو بغواتها

سجى غا رخف منها جمعات لوقفة كترعد بجسمها كامل .. شوية هزات التيشورط كتشوف فبلاصة لعضة لي ضرب ليها ولات مطراسية .. صافي جهلات هنا و وصلات بيها لعظم

عاصم جمع لوقفة قاصدها : اجيي نشوووفها

طار عليها شادها و هي كتنتر و تغوت بجنون غادي تجهل .. شبعاتو قميش و عضاان واخة محرك فيه والو غا رد لبال لا تقمشو فوجهو دير ليه شي كارثة .. حكمها مزيان حتى ملقات جهد عاد شد بزولتها وسط ايدو كيفحص فيها و هي وسط ايديه كتدعي و ترعد باغا تحماق

عاصم ببرودة : هاد لعضة انديرها ليه فالبزولة لاخرة إلا مسكتيش شوية
غير نبرتو لعصبية كيغوت : صاااافيييي هدااااي

سجى مقدراتش تحمل منظر لحگرة لي محطوطة فيه .. مقدراتش تحكم فدموعها بلاما تحس بدات كتبكي بهستيرية و حرقة . . كانت ناوية متبكيش و لكن لحگرة خلاتها تفرگع بالبكا و مرضياش كااع وجها رجع حمر و النفس تقطعات فيها

عاصم شافها غادي تقج و الدموع كيهبطو بغزارة تخلع : سجىى صافيي سكتيي من لبكااا .. ششش صافيي مغاديش نقييسك يلله سكتييي صافيي

سجى بحاليلا كانت على سبة .. الدموع لي كانو كيهبطو ماشي طبيعيين و عينيها تنفخو زائد صوت شهقاتها خلعو كتر و ندم حتى قاسها كااع

عاصم بتوتر : سجىى حبسيي من لبكاا

سجى غادي تحماق ولات كلها كترعد : غادي تطلق مني ولا نقتل راسي قدام عينيك

عاصم باس جبينها كيسكت فيها : ششش صافي صافيي يلله سكتيي من لبكا

سجى زادت فوتيرة دلبكا : بغيت طلاقيي

عقد حواجبو و غوت وسط وجها : ااااخر مرةةة تذكريي الطلاااق نتييي مراتييي كتفهمييي مرااتييي اناااا و ديالييي انااا .. اي حاجة فيييك ديالييي .. و هاد الصدر لي كتبكي حيت قستو راااه ديالييي كتفهميي ؟ و لا مفهمتيش ماشي سوقيي لمهم نتي دياليي


بقات كتشوف فيه بحقد و شفايفها كيترعدو و عاد الدموع مزال كيهبطو على خدودها بغزارة

عاصم تنهد : هانيي جااي

طلق منها عاد خرج خلاها واقفة و لعافية شاعلة فيها .. كتحس ببركان كبير ايتطرطق فيها غادي تحماق بكمية الأعصاب لي جاتها فهاد اللحظة .. تنهدات كتبكي عاد بدات كتقاد فحوايجها

عاصم دخل هاز فإيدو كاس دلما : شربيي

خداتو من عندو لكاس و بقات كتشوف فييه مطولة عاد زفاتو عليه بماه .. كون مراوغو كان وجهو ايتخمج بالزاج ديال لكاس

سجى ببرودة : كنكرهككك

خنزرات فيه و خرجات حتى كيشدها من دراعها و حجبانو معقوديين : فيين غاادة؟؟؟

سجى بعصبية : لدارنا

عاصم : بلاصتك مع راجلك

سجى كتشوف فيه بحاليلا كتقوليه من نيتك : شارب دوااك ؟ متأكد انك صفا ولا كتسطا عليا

عاصم : فيين ناوية تمشي ؟ فيييين؟؟؟؟

سجى ساطت بجنون : عند ماما فيين انمشي متلا

عاصم تنهد : اوكي يلله نوصلك .. مور لحفلة ديال عيد ميلادك انجيبك تسكني معايا

سجى : كتحلم امكن

عاصم : كنحلم و كنفد

هبط لشفايفها خمجهم ليها بقبلة عنيفة عاد مشا هز قاميجتو لبسها و تلاها كيقاد فالكمام .. خلاها واقفة جامدة فبلاصتها كتشوف فيه بصدمة .. تصرفاتو ماشي طبيعيين مسطي غا لي قالها ليه راسو كيديرها

عاصم كمل عاد هز راسو لعندها : من هنا لقدام اتولي تلبسي غا لكساوي الطوال

سجى بجنون : تفررررق علياااااا اااعععععع

قصدها مقنتها و هي كتنهج : نتي مراتييي

سجى بسخرية غادي تحماق : عاد وليت مراتك؟؟! عااد تفكرتيني ولا كيفاش

عاصم : فهميها كيف بغيتيي .. مغاديش نطلقك باش تزوجي بياسين

سجى وسعات عينيها : ياسين ! مال ياسين

عاصم هز حاجبو : لواليد قالي ناويين تخطبو فاش نطلقك

سجى مفاهمة والو : هادشي مكاينش

عاصم عض فمو من لداخل عرف غا خوه ياسين لي حاط عليها لعين و هنا زاد جعر من جيهة خووه : مزيان ملي مكاينش

سجى بهدوء : شووف جلس نهدرو

مشات جلسات كتحاول تحكم فراسها باش توصل لمرادها

عاصم طول الشوفة عاد مشا جلس حداها : هدري نشوف

سجى بهدوء و بنعومة كتحاول تشدو إلا لقات عندو شي نقطة ضعف باش تحقق مبتغاها : ياك نتاقمتي مني ؟ علاش مزال باغي تخليني مربوطة بيك ! ياك عتاذرت منك و طلبت السماحة أولا ؟ كنعاود نقوليك مدرتهاش بلعاني

عاصم بهدوء حتى هو : مباغيش نطلق مكتفهميش

سجى زيرات على ايدها و حاولت تنظم نفسها عاد كملات كلامها بنبرة هادئة و حنية مصطنعة : علاش ! ممكن نعرف علاش

عاصم : نتي ديالي

طولات فيه الشوفة : دابا كبرياءك مكيسمحش لييك تطلقني و تخليني نعيش حياتي .. هادشي كامل ضد

قرب لعندها و ايدو محطوطة على خدها عاد نطق بهمس : نتي ديالي
وصل لشفايفها كيلعب بيهم : هاد الشفايف دياولي انا

سجى بهدوء : طلقني و تزوج .. كاع النساء عندهم هادشي

عاصم بهمس : باغيك نتي ماشي وحدة أخرى

جننها حتى وقفات منفاعلة : صاااافيييي زدتييي فييه .. محملاااكش عطينيي براتيي الله اعطيك موصيبة

عاصم جمع لوقفة عاقد حواجبو : شعرك من ليوم اتولي تجمعييه و لا عرفتي اتولي ديري لحجاب .. شبعتي تق*** هاد ست سنين دابا لا

سجى بقات كتشوف شوية شدات راسها لي ايطرطق عليها و خرجات قبل اتقطع فيها شي عرق

عاصم تبعها كيلبس فصباطو : تسنااي البرهووشة

سجى ربعات ايديها كتسوط : بغيت نمشي عند ماما

عاصم هز السوارت ديال الطموبيل : هاد نسيبتي كنزيد نكرها حيت لاصقة عليها

سجى قلبات عينيها : مرييض

عاصم جرها من خسرها و هو كيحل لباب : تعلمتي تردي لهدرة

سجى بتكبر : حيد ايديك عليا حيت مسخيين


دافعين الشاريو ديال مرجان كيتقداو داكشي لي محتاجين و كيهدرو
مريم : سجى كنصوني ليها مكتجاوبش

غدير : اتكون ناعسة مع لعيا ديال لبريباراسيو .. انا قتلاتني لخدمة غادي ناخد كونجي نمشي نفوج شوية

مريم : سجى فنهاية الأسبوع عندها عيد ميلاد عنداك تنساي متعايديهاش

غدير وسعات عينيها : اواه فكرتيني كان مشا من بالي

غا كملات كلامها تلافتت كتهز فدانيت مع فاش كتهز بزاف كينقصو ليك فالثمن .. لكن مجرد مهزات كتختار حسات بشي ايد خطفاتو ليها حتى خرجات عينيها و تلافتت طافجة : مريم هدااي

هزات حاجبها كتشوف فيه بإستغراب وجهو مألوف : شهااد التصرف امسيو ؟ قلة الآداب هادي

بتاسم هاز حاجبو : شعرك باقي حرش متبدل والو

غدير وسعات عينيها كتسوط شوية تفكراتو هو صاحب راجل سجى : منين شفتك باين النهار كيف ايكمل

خنزرات فيه و مشات : مريم تبعيني

مريم كتفرج فالمشهد و مفاهمة والو : مممم شهادشي
يله اتمشي سمعات صوت داك الشاب : هاكي اختي هاد الشمبوان عطيه لصاحبتك تلبد شعرها شوية

مريم بدات كتدور فعينيها : انا ؟

غدير بعصبية تلافتت : مرييييمممم اجييييي

مريم طارت لعندها : فين كتعرفي داك الدري .. شحال زويين

غدير خنزرات فيها : نتي كلشي عندك زويين

قاطعهم فاش حط قرعة الشمبوان فالشاريو عاد نطق بنبرة ساخرة : غسلي بيه شعرك باش ارجع كيف لبنات
غمزها مع ضحيكة عاد مشا قدامهم ممسوقش

غدير لعافية شعلات فيها مقدراتش تحمل لموقف داكشي علاش هزات داك قرعة الشمبوان حلاتها و قصداتو نيشان زفاتو عليه

فالجيهة لخرى..

تعشات لعشية و هي مخشية فبيتها .. ملي وصلها و هي غا ساهية كتبكي و تخطط شنو تدير باش تفك من هاد للصقة كيف سماتو .. عيات كتفكر فالأخير جمعات لوقفة طافجة .. جبدات لفاليز ديالها حلاتها و بدات كتخشي و تدك فالحوايج

تنهدات كتخشي فالحوايج معصبة : انغبر من هاد لبلاد .. داك الساعة قلب عليا اسي لمصاوري ارا ما فجهدك

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.