عاصم زاد زير على دراعها عاد نطق مزير على لحروف و عاض على سنانو : ماميي ديااالك مستحيل تفكك من هااد التبهديلة لي اندير ليييك ... انعيشك لجحييم ديال داك التمرميدة لي تمرمدت الق***
ياسين مزاعمش باش ازف بالديكور على خووه عارف طينتو و عارفو مقطع لوراق اقدر فأي لحظة اخشي فيه شي موس داكشي علاش خرج من لبيت كيجري ناوي اكلم بااه
إسماعيل بعصبية : طلااااق منهااا و دااابااا .. بلاما نسسخط علييك ا عااصممم
عاصم طلق منها عاقد حواجبو حتى مشات كتجري لعند مها و كتبكي : يله نمشييو من هنااا اماميي بليييز .. مبقيتش باغا لمغرب نرجعو لبلجيكا .. بليييز مااميي هنن بليييز هناا لعيشة معجباتنيش
عاصم كلما كيتلافت جيهتها كيبان ليه اسماعيل مخرج عينيه فيه .. كيخنزر حتى هو عاد اقلب عينيه لجيهة لخرا كيسوط .. سكت شحال على داك لوضعية كيسمع فيها كتبكي و تعاود فكلمة مامي .. هز حاجبو عاد نطق بسخرية مستفزة : قاتلك ماميي
نيهان أعصابها كيفورو رعات حتى عيات و لكن هاد لوحش مخلاش ليها فين تراعي : اجيي معايا انمشيو دابا
عمار غا كيشوف ملي دخل و هو ساكت .. كاع مخططاتو فشلو و نيهان ضاعت من ايديه و زاد كمل عليه لقرار لي تاخدو بااه و لي حطم ليه كاع أمانيه
إسماعيل بجدية : آنسة نيهاان كنطلب منك و لآخر مرة تجلسي تسمعي شنو انقول عاد قرري شنو تديري
سجى كتبكي : نووو مااميي نمشيو من هناا بلييز هننن
إسماعيل عاود نطق بنفس النبرة : سمعي شنو انقول عاد قرري
نيهان هادشي بدا كيطلع ليها فراسها : إلا كنتي اتقول داكشي لي قالتو مدام جوهرة اسي اسماعيل فماكاين لااش .. هاد التصرفات كيقولو حاجة وحدة و هو أنه ولدكم خاصو اتربا فالحباسات
عاصم تلافت لعندها مخنزر و كيسوط و زاد عقد حواجبو فاش جات نضراتو على سجى لي بالنسبة ليه غا كتبوحط و تفشش بثمتيل
إسماعيل تنهد اتشدو كريز بسباب فعايل ولدو : متحكميش قبل متسمعي ليا ا آنسة . . الله اخليك اجي معايا نهدرو
نيهان خرجات عينيها : رجلي برجل بنتي
إسماعيل شاف حتى عيا فالأخير نطق : ها عمار ايكون معاها متخافيش عليها مكاين لي اقيسها
نيهان شافت فيه داك الشوفة ديال واش من نيتك و حتى هو عرف راسو غا خربق هاد لجملة : كنقصد عمار ايكون معاها مستحيل اقرب ليها
نيهان تنهدات : سي إسماعيل غادي تضيع معايا لحجرة على والو .. موعدنا فالمحكمة
و تلافتت لعند سجى لي قارمة عليها : يله ابنتي
عمار بجدية : أحم نيهان سمعي شنو ايقول ليك لواليد عاد سيري .. سجى اتكون معايا متخافيش عليها
نيهان شافت حتى عيات مبغاتش تقمع راجل كبير : تفضل اسي اسماعيل
سجى وسعات عينيها: ماما منبقاش بوحدي ديني معاك هنن
عمار كيطمأن فيها بهدوء : سجى ماماك اترجع دابا هاني معاك و حتى ياسين معاك و ضريف
عاصم بإنفعال قاطع عمار : شنو بغيتي تقووول انا هو لي ماشي مزيان فهاااد الدار ؟؟؟؟
إسماعيل بصرامة : عاصم حسك منسمعوش
عاصم عوج سيفتو : وقووول لولادك افوتوني علييهم قبل منقتل شي واحد
جوهرة تنهدات اتاكل جنابها ملقات متقول من غير تسكت و تخليه منو لباه
إسماعيل بقلة حيلة : آنسة نيهان تفضلي لمكتب ديالي نهدرو
نيهان بجدية : حتى يخرج هادا من هنا
كلهم عرفوها كتقصد عاصم اخرج باش تضمن سلامة بنتها
عمار بهدوء : نيهان تيقي فيا .. هاهو ايخرج دابا غا سيري مع لواليد و جوهرة
عاصم خشا تيليفونو فالجيب عاد قلب الدورة قاصدو غبرة حتى لقا عمار وسطهم فاكهم بإنفعال : واااش نتومااا بعقلكممم ... ياااسين سيير قابل حفاضتك يللله
و تلافت لعند عاصم : خويا سير لبيتك و خود شي دوش تهدن شوية
عاصم خنزر فيهم بجوج و زاد معاهم حتى سجى رمقها بنفس التخنزيرة ملي جات عينيها فعينيه : الله اعميها لييكم
سجى خدودها حمارو كتزيد تصدم : حشومة مكيحتارمش
عاصم جاب الله مسمعهاش داك الساعة خرج لعلى برة كيشعل فگارو و حجبانو معقوديين .. كيقول مع راسو امشي من لقصر ولا بلاش شوية دار بناقص من لفكرة و دخل لبيتو ناوي ادوش باش احيد لعيا.
فالمكتب ..
جالس اسماعيل مشابك ايدو كيتسنا للحظة لي افاتح فيها نيهان باقتراحو
نيهان بدات كتنفاعل : سي اسماعيل اتبقا ساكت ؟
إسماعيل بجدية : ملي كنت شاب فالعشرينات كنت طموح نخلق ماركة خاصة بيا و ندير بلاصتي و سمية عائلتي فالسوق و تكون عندي مكانة كبيرة .. لحمدلله هادشي وصلت ليه بالتعب ديالي و لعزيمة لي كانت مزروعة فيا
نيهان مفهماتش لاياش باغي اوصل و نفس لوقت مقدراتش تقاطعو جاتها حشومة و تصرف لا أخلاقي واخة بالها مع بنتها و باغا غا فوقاش تمشي لعندها
إسماعيل هز عينو لعند جوهرة : هاد الإنسانة لي قدامي هي لي وقفات معايا فاشد أحزاني و كبرت معايا ولدي و بنيت معاها عائلة
تنهد عاد رجع نطق : عاصم كبر حاقد عليا نوعا ما حيت قال مع راسو لواليد نسا الأم ديالي و مشا تزوج بجوهرة و لي زاد حقدو هو موت لمرحومة لي خلات فجوة كبيرة فلداخل ديالو .. داكشي علاش كتشوفيه هاكة انسان جاف مجرد من الأحاسيس .. لمشكيل لي وقع هو نفسو خايبة بزاف و مرضاش اتحط فداك لموقف و ادوز يومين فالحبس بحاليلا هو مجرم أما فالأصل كان ناوي اعاود غا بنتك
نيهان : سي إسماعيل ممكن تقولي لخلاصة ديال هادشي
إسماعيل : فالحفلة تسرب فيديو فيه التصرفيقة لي صرفق عاصم لبنتك و فيه لغوات لي وقع و داك الشوهة و لمشكيل هو أنه تلاح فالسوشل ميديا لدرجة جاو لبوليس اقبضو عليه بتهمة تعنيف قاصر حيت لقضية اتدخل فيها لجمعيات لحقوقية ديال لقاصر و لمنظمات ديال حقوق الإنسان يعني لقضية اتولي قضية رأي عام سوا نتي بغيتي ترفعي دعوة سوا لا
نيهان : يعني ايتشد فالحبس فكلتا لحالتين و هادشي لي بغيت .. لحد الآن كنحتارم مكانتك حيت كنتي انسان طيب معايا و لكن هادشي مكيعنيش ولدكم منعاقبوش
إسماعيل زاد تنهد : آنسة نيهان اش بان ليك نزوجوهم على لوراق؟
نيهان خرجات عينيها مصدومة : سي إسماعيل شكاتخربق ؟؟
جمعات لوقفة بإنفعال مقدراش حتى تدخلها لراسها : هادشي راه مستحيل اوقع
جوهرة متفاجأة من قرار راجلها متنكرش حتى هي تصدمات و امكن كتر من نيهان كاع : إسماعيل !
إسماعيل : إلا تزوجو... عاصم مغاديش ادخل لحبس و مغاديش تمشي حياتو هاكاك ديري بوجه أنه هو لي نقد بنتك من اغتصاب شنيع كانت اتعرض لييه .. كون مكان عاصم لي نقدها كون الله احفظ معرت شنو وقع لبنتك .. متنسايش هادشي ا آنسة نيهان
نيهان كترعد : و لكن اسي اسماعيل الزواج !!! وااش عارف بنتي باقا قاصر و كتقرا غا فالثانوية ! واش فراسك هادشي ولا لا
إسماعيل جمع لوقفة حتى هو كينطق بجدية : آنسة نيهان .. مبغيتش ولدي امشي لحباسات واخة منفاعل و لكن قلبو بيض متنكريش أنه كون معتقش سجى كون وقعات شي كارثة لبنتك
إسماعيل تنهد : قلت زواج على لورق غادي اكون لمدة قصيرة بينما الصحافة و الجمعيات نساو لقضية و من بعد ايطلقو .. مغادي اشوفها ولا تشوفو .. بنتك اتبقا معاك عادي بحاليلا ممسينياش على داك لعقد ديال الزواج مجرد اسبوع ولا جوج و تطلق ا آنسة نيهان .. كنظن معندكش داك لعقلية ديال بنت مطلقة مخاصهاش تكون .. داكشي علاش قتارحت عليك هاد لفكرة باش نحميي ولدي كيف حميتي بنتك .. كنهدر معاك بصفة أب لولدو ماشي اسماعيل لمصاوري
نيهان بقات مبلوكية معرفات باش تجاوب
إسماعيل : زواج على لورق فقط انعلنو بييه
نيهان : بنتي قاصر !
إسماعيل : نتي اتضمنيها بما أنك ولي أمرها .. كيف قلت ليك ثمتيلية قدام الصحافة فقط لاغير ا آنسة كنتمنى تفهمي إحساس الأبوة لي كنحس بييه و كنواعدك عمر عاصم مغادي اقيس بنتك ولا امسها بالمرة .. اصلا مغاديش اشوفو بعضياتهم من غير نهار لعقد و النهار لي انعلنو على الزواج لصحافة
جوهرة عارفة اسماعيل باش كيحس : نيهان وافقي عفاك .. بنتك اتسني على لعقد و من بعد هاد لعقد ايتفسخ كأنه عمرو كان
نيهان : خاص نفكر انا مصدومة دابا .. سجى تسمعها تقدر دير شي حاجة فراسها
إسماعيل غا قالت هاكاك تلافت لعند جوهرة و بلاما احسو نطقو : و عاصم !
جوهرة : عاصم ايحرق لقصر لا سمع الزواج
داز لوقت ..
جالسة نيهان على لكنباي دايرة رجل فوق رجل و قارمة على بنتها حداها كتطبطب عليها : شوية دابا احبيبة؟
سجى خبرات ليها : يله نمشيو من هنا اماما
نيهان بتاسمات : كتيقي فماماك ؟
هزات راسها باه : يس مامي كنتيق فيك ... شوفي وجهي كيف ولا وليت خايبة و مبقيتش زوينة فالليسي كلشي ايضحك عليا إلا مشيت هاكة
نيهان تنهدات : الدوا ايحيدها ليك اصلا فيساع اتبرة متخافيش و حتى تصحي عاد تمشي لثانوية كوني هانية
قاطع حديثهم خطواتو لي كيقربو لصالون .. كان كلشي كيتسنا فييه غا هو .. نيهان جالسة حدا بنتها فكنباي و لي مقابل معاهم فيه عمار و جوهرة أما ياسين غا واقف و كيشوف فهاد لحريرة و سي إسماعيل مترأس الصالون داير رجل فوق رجل كيشبك فإيديه بعصبية و كيتسنا فولدو اشرفهم
عاصم بصوت جاف : توحشتوني ؟
سجى هزات عينيها ببطء و ايديها مزيرين على نيهان بحاليلا شافت شي وحش : مامي يله من هنا هنن
إسماعيل : كون زدتي تعطلتي مزال لاش محنتي راسك و جيتي بكري مور معيطنا ليك بساعة ؟ كون تعطلتي جوج سوايع اتكون عيتي
عاصم حك حاجبو كيسوط : من لخر شنو ؟
إسماعيل تنهد عاد نطق : غادي تزوج نتا و سجى
بقا كيشوف فيه مصدوم بحاليلا شي سطل دلما بارد تخوة فوق راسو .. يله جا انطق من الدهشة قاطعو صوت أنثوي ناعم و بريء .. باينة فيه كيرجف : انا مباغاش نتزوج اعمي ... انا مكنبغيهش باش نتزوج بيه اعمي خاص اكون لحب
عاصم تلافت بالعرض لبطيء لجيهت مصدر الصوت : عاودي ااااش قلتييي ؟؟؟؟
سجى بلعات ريقها فاش تلاقاو عينيهم مع بعضياتهم بقات كتشوف فيه كترجف و مخلوعة من فكرة الزواج بشخص بحالو
إسماعيل : الزواج ابنتي ...
قطعاتو كترجف بعدما زولات نضراتها على عاصم خلاتو غا هو لي مخرج عينيه فيها : هو كبير عليا اعمي
و بدات كتبكي خلات كلشي كيشوف : هو خايب و قبيح انا مكنبغيهش و هو كبير عليا بزاف اعمي .. انا مبغيتش معجباتنيش لفكرة
و سكتات كتنخصص عاد دارت شافت فنيهان : هادشي علاش بغيتي نبقاو اماما ؟؟؟ هو كيخلع مبغيتش نهدر معاه
خلاتهم كلهم كيشوفو متفاجئين من ردة فعلها و لي زاد فجأهم كتر هو فاش هربات من الصالون كتجري خلات موراها الأعين حضياها و من بينهم عينين عاصم لي هدرتها كتدخل لودنو بحال السم .. شعلات فيه نار خيبة بزاف . بهاد التصرف ديال أنها نقصات منو قدام عائلتو زاد هيجو عليها و خلاه ازيد احقد كتر و كتر على لعنتها ملي تسلطات عليه
اسماعيل جمع لوقفة مفاهم والو : شنو واقع .. عااااصممممم شنووو درتييي عوتانييي
عاصم ببرودة دوز قدام عينين نيهان كاع التصاور لي فمواقف حرجة : صمعة بنتك اتمشييي بلمسة منيي فقط
نيهان هزات ايدها حتى لسما ناوية تنزل على حنكو ساعة قبط معصمها و عينيه خارجين فيها : اااااخر مرة الآلة لممثلة تزعميي و تهزي ايدك على لي غادي ادمر بنتك .. كنحدرك لآخرررر مرررةةةة و لا بغيتي تجربي تلعبييي معايا مغاديش نمنعك تحسي بالحرقة لي اتحرقيها على بنتك
عاصم تلافت لعندها كيشوف فيها داك الشوفة ديال واش من نيتك .. طول فيها الشوفة مخنزر عاد نطق و عينو عليها : قولي لراجلك اعلمك تدخلي سووق راسك قبل مندخلو انا
ياسين خرج عينيه كيسوط : ااااخر مرةةة تطاااول بلسااانك على لواليدة كتفهممم
عاصم : حسابي ماشي معاك من بعد البرهوووش
عمار شاف باه ساكت و ايدو على قلبو كيتوجع خاف تجيه شي كريز داكشي علاش تدخل فالحين و فك معصم نيهان من قبضة عاصم : عرفتي شنو ا لواليد احسن حاجة هي اتربا فالحبس ... بلاااش من شي زواااج
عاصم هز حاجبو عاد تلافت لعند باه : لواليد هادشي لي كنتي باغي تقول ليا؟؟
نيهان فقمة لعصبية راسها ايطرطق مقدراتش تزيد ثانية وحدة مزال معاهم .. بسرعة خرجات كتقلب على بنتها خيفاها تكون زادت لشي قنت ساعة من حسن لحظ لقاتها داخلة لطموبيل و جالسة فبلاصتها .. تنهدات بتدمر فاش عرفاتها راه بيخير لكن مجرد مركبات حتى هي الطموبيل و ديمارات غادة لدارهم سمعات حسها كتبكي و تنخصص
نيهان معصبة : مسحيي دموعك احبيبة .. حتى حاجة مغادي توقع حدما انا معاك حتى حاجة مغادي تآذيييك .. غدا غادي نمشيو نشكيو بييه اتربى فالحباسات مكيناش السيبة هنا و ماشي نيهان الزايدي لي اتلعب معاها هاد اللعب
سجى كتنخصص : كيخلعني اماما
نيهان : مبقيتيش غادي تشوفيه باش اخلعك .. متبكيش انا معاك حاليا ديها غا فصحتك و قرايتك لي اترجعي ليها
فقصر لمصاوري ..
إسماعيل جالس شاد راسو لي ايطرطق بالشقيقة و حداه جوهرة هازة كاس دلما و كينة دالراس باش افوتو لحال
جوهرة : خوود شرب باش افوتك راسك .. شرب و طلع لبيت نعس و رتاح انا غادي نتصرف
إسماعيل هز عينو كيشوف فالصالون لي خوة بقا غا هو وياها : معرفتش اشنو درت فحياتي حتى نولي واحل مع ولادي
عطاتو اشرب دوااه عاد عوناتو اطلع لبيتهم حتى تأكدات أنه تسطح فوق الناموسية عاد خرجات من لبيت غادة لعند عاصم .. بعصبية وصلات لباب و حلاتو بلاما تدق
عاصم تلافت لجيهة لباب هاز حاجبو بعدما كان متكي فوق الناموسية على ضهرو و تيليفونو قدامو كيشوف الشوهة ديال لفيديو فين وصلات بلاما اجاوب على لي زابيل لي كيجيوه من عند صاحبو
جوهرة قربات لعندو عاقدة حواجبها : جلس باغا نهدر معاك .. قبيلة طلعتي و خليتي باك راسو ايطرطق عليه بالشقيقة
عاصم تنهد : شنو باغا تقولي
جوهرة : واش مكتهمكش مصلحة بااك .. مكتهمكش الصمعة ديال لعائلة و الشركة ؟! بهادشي لي درتي كااع الأسهم ديال الشركة ايهبطو و بزاف ديال لمسثتمرين اينساحبو و كلشي بسباب تهورك و أفعالك
عاصم جلس كيحك فشعرو : و ها أنا تزوجت لاااش ؟؟ شنو لفائدة شكاتخورو
جوهرة تنهدات : غادي تغير بزاف دلحوايج .. الصحافة مكانوش من لعاگزين باش انشرو لفيديو ملي درتي داك لفضيحة فالحفلة .. و كلشي كيتساءل علااش درتي هادشي
عاصم بسخرية : عندها الزهر غا عوجت ليها حنكها
جوهرة : نتا واقيلة مناويش تدير عقلك فمرة .. إلا تزوجتو هاكة اتبين لإعلام و لجمعيات و كلشي بأنه كان سبب علاش تصرفتي هاكاك .. متلا قدام الصحافة اتقول درت هاكاك حيت مكنتش فوعيي و كنت كنحس بغيرة و مشعرتش براسي فاش هزيت ايدي عليها .. ولا شي حاجة اخرى لمهم شي كذبة تخلي كلشي اتيق بيك هاكة اتحمي الصمعة لي بناها باك من شحال هادا و تحمي حتى راسك من لحبس .. فكر اولدي
قاطعها مخنزر : انا ماشي ولدك
جوهرة : ولدي بغيتي ولا كرهتي .. و فكر فهادشي لي قلت لييك خاص توهم كلشي بأنه كتبغي سجى داكشي علاش تصرفتي بدون شعور و لغيرة لي تحكمات فيك و كنتي ناوي تزوج بيها فأسرع وقت على أساس باغيها تكون مراتك و كدا و كدا .. لمهم باك لي ايصرح بهادشي نتا غا تهنا حيت إلا درنا هادشي
جوهرة : ولدي بغيتي ولا كرهتي .. و فكر فهادشي لي قلت لييك خاص توهم كلشي بأنه كتبغي سجى داكشي علاش تصرفتي بدون شعور و لغيرة لي تحكمات فيك و كنتي ناوي تزوج بيها فأسرع وقت على أساس باغيها تكون مراتك و كدا و كدا .. لمهم باك لي ايصرح بهادشي نتا غا تهنا حيت إلا درنا هادشي و سجى اكداتو كذلك راه لجمعيات و الإعلام كلشي ايدخل سوق راسو و مغاديش تبقا لقضية .. قضية رأي عام بالعكس كاين لي اتعجبو هاد لقصة ديال لحب لي انوهموهم بيها
جوهرة : إلا كنتي مباغيش تدوز حياتك فالحباسات هادا هو لقرار الصحيح .. حيت ولو نيهان مترفعش عليك دعوة ايتدخلو لجمعيات و المنظمات الحقوقية هما لي ايرفعوها عليك .. لبنت قاصر و بفعلتك راه ناوي تدمر حياتك
عاصم رجع تكا على ضهرو و عينيه فالسقف مخزز على سنانو : هادشي كامل بسباب داك لبرهوشة
جوهرة : سجى مغاديش تشوفها أصلا .. غادي تكتبو لعقد و توريوه لصحافة و من بعد كلا اشد طريقو هي مع مها و نتا مع عائلتك علاما انساو الصحافة هاد الشوهة و فسخو داك لعقد ... لحل بين ايديك دابا
عاصم سكت شحال عاد نطق : إلا كملتي خرجي دابا
جوهرة مسحات على شعرها ايطرطق فيها شي عرق .. بالعيا لي فيها تلافتت غادة ناوية تخرج حتى كتلوة ليها رجلها بسباب الطالون .. داك الساعة غوتات بألم كتوجع
عاصم وقف عاطيها بالضهر شوية تلافت لعندها : منعاودش نشووف وجهك انا ماشي ولدك .. و متبقايش تلبسي داك لحبس ملي كيطيحك و توجعي علينا
خنزر فيها و مشا كيسوط
دازو يومين ..
ناض مفزوع من فراشو على صوت تيليفونو .. هزو مغوبش بسباب النعاس و بلاما اشوف شكون لمتصل جاوب : الصباح هادا
كمال : فين غابر نتا ؟؟؟ مبقيتيش كتجي لفااك و مكتجاوبش على اتصالاتيي و حتى داك لفيديو لي داير بووم مقلتي ليا والو عليه لي جا كيسولني مال صاحبك
عاصم : لواليد مخيرني بين السخط و الرضا إلا خرجت من لقصر .. قاليك باغي احل لمشكيل بنفسو و انا غا نسكت و داكشي لي داير دابا
كمال تنهد : عاصم عندي ليك خبار خيبة
عاصم هز حاجبو : شنو هي ؟
كمال : و بلاما ابقا فيك لحال
عاصم بعصبية : و هدر لباغي تهدر
كمال : الضوسي ديالك فالقوات لبحرية ترفض حيت الصمعة ديالك خسرات بسباب داك لفيديو و بسباب التهمة لي كانت اتلبسك كونك كنتي مشتبه به فقضية اغتصاب و ليومين لي بقيتي مسجون
عاصم بقا مفيكسي كيسمع ليه و ايدو مرخيين .. كيشوف بين عينيه غا أمنية لمرحومة مقدرش اوصل ليها
كمال شافو منطقش : عاصم كتسمعني؟
عاصم بصوت جاف فيه بحة فشكل : متأكد ؟
كمال : وي قالها ليا لواليد حيت راك عارف انه خدام فهاد الدومين .. مديرش فبالك ممكتاباش ليك
غا كمل كلامو زف بالتيليفون للحيط شخشخو و جمع لوقفة كيسرف لي جات قدامو .. داك لبيت رجعو بحال شي زبالة كاع الزاج تهرس و كاع لمخاد تشرگو و الريش ديالهم مشتت فكاع اركان لبيت .. كان كيلهت و صدرو كيطلع و اهبط .. حرقة كبيرة شاعلة فقلبو و ايديه كاملين كيترعدو بسباب قمة الأعصاب لي نزلات عليه .. معرفش كيفاش لبس عليه شورط قصير بعدما كان بالبوكسور بوحدو عاد خرج كيشتف برجلييه نيشان لبيت بااه حيت باقي الصباح بكري ايكون مزال ممشا لشركة .. بعدما وصل لباب لي كان مردود بغا افتحو و ادخل لكن كان كلامهم ليه بحال شي بووز وقفاتو على حركتو
إسماعيل : هي سجى مبغاتش توافق على هاد الزواج ؟
جوهرة : للأسف لا .. واخة عاودت قنعت نيهان بالفكرة و رطبت من كاع الجوايه لكن بنتها مبغاتش و قاتلي ميمكنش نبزز عليها شي حاجة .. ليوم سجى اتمشي لثانوية ديالها تقرا نخلي حتى لليل فين ترجع من لقرايا و نهدر معاها بنفسي
إسماعيل : لمهم تصرفي انا غادي نمشي لشركة دابا .. متنسايش خلي عينيك على عاصم ميمشي لحتى قنت بينما فكيت هاد لمشكيل انا و عمار كون ما لمعارف كون لبوليس حابسينو دابا بسباب التهم لي جاوه .. خاص نتصرفو بسرعة و نعلنو على هاد الزواج لكاذب ..قولي لبنت راه ولدنا مغاديش تشوفو كااع غا تسني على هاد لعقد و تكمل حياتها كأنه مكاين والو
عاصم كيسمع ليهم و ايدو مجموعة على شكل قبضة .. طول الشوفة فنقطة وحدة ساهي عاد قلب الدورة و حجبانو معقوديين ناوي على خزييت و الأفكار الشيطانية كتدور فراسو .. داك الساعة رجع لبيتو لي ولا بحال شي مزبلة . ..متسوقش ليه حدو مشا لبلاكار جبد تيليفون جديد بكارطتو عاد دوز لكمال كيتسنااه اجاوب .. بقا كيصوني شحال عاد تفتح لخط
كمال : شكون معايا ؟
عاصم عرف مغاديش اعرفو حيت النمرة جديدة : بغيتك تعرف ليا اشمن ثانوية كتقرا فيها
كمال : عاصم ! هدا نتا !.. شكون هادي لي كتهدر عليها
عاصم مورك على لحروف : داك لبرهوشة .. بينما لبست حوايجي بغيتك تجيب ليا عنوان الثانوية
كمال : مشات الساط اندير جهدي .. و اجي لفاك بعدا بقات بلاصتك ... الووو الووو عااصم كتسمعنيي ؟؟ ولد لحرام قطع عليااا
عاصم فهاد الأثناء راه دخل لدريسينغ كيهز فحوايجو لي ايلبس عاد دخل لدوش كيسوط و اتحلف : غاديي ندمك على النهار لي طيحتي عليا هاد لباطل .. غادي نرجع طاسيلتك جفاااف تحت رجليا .. صبري عليا الآلة سجى الزايدي
جالسة لور و الشيفور لقدام كيسوگ بيها حتى لثانوية لي اتقرا فيها
سجى بنعومة كتعلب فشعرها و التيليفون على ودنها : اه فطرت مزيان اماما بلاما تبقاي مشوشة عليا .. قربت نوصل لثانوية حتى نخرج مع لغدا و نصوني ليك باش نمشي معاك نتغداو فشي بلاصة . . اوكي مامي ؟ ... يله بيزو مابيل تشاو تشاو
كملات مكالمتها مع الإنسانة لي كترتاح فحضنها عاد رجعات التيليفون لصكادو ديالها و قربات لزاج ديال لباب كتشوف فالمناظر الطبيعية .. بقات ساهية معاهم حتى كتسمع صوت الشيفور : آنسة سجى .. وصلنا
سجى عاد فاقت من عالمها لوردي : وااو بهاد السرعة
هزات صكادوها عاد تلافتت لقات الشيفور حال ليها لباب .. بتاسمات ليه و نزلات : صافي اعمي غا سير و قول لماما انا بيخير
الشيفور هز راسو باه : كوني هانية ا آنسة
عاد ركب و مشا مخليها متبعة ليه لعين و الإبتسامة لبشوشة على وجها . متحمسة تعرف على الزملاء لي اتقرا معاهم فنفس لقسم .. قلبات الدورة قاصدة لباب الرئيسي و فرحانة حيت ليطاش لي كانو فوجها ختفاو بسباب مفعول الدواء لي كان مجهد و دار خدمتو بسرعة لبرق .. زادت خطوة أخرى فرحانة حتى كتفيكسا ملي حسات بدراعها تنتر من بلاصتو .. معرفاتش كيفاش حتى تزدحات على شي حاجة قاصحة بحال لحجر و دراعها غادي اتنسل بساب شي قبضة
يله جات تعلي راسها مصدومة حتى كتسمع صوتو لي نطق بييه و هو كيغلي من لداخل : خاص نهدرو
بلعات ريقها فاش عرفات مول الصوت .. بدات كترجف بالخوف قبل حتى متشوف فوجهو و تأكد .. تفيكسات شحال عاد هزات راسها كترعد و زادت خافت ملي تلاقاو عينيهم مع بعضياتهم
بقا كيشوف فيها مصدوم تصرفاتها ديال وحدة فالإبتدائي : وااش باغا نعاود هدرتي ولا كيفاااش ؟؟
سجى كتنخصص : شنو درت لييك .. علااش باغيني هننن
عاصم جرها بعجرفة ممسوقش لبكاها .. موصل حتى لطموبيلتو عاد وقف حل لباب خشاها و رجع سدو مخليها اتحماق بالخلعة .. عصباتو ببكاها لكن تمالك نفسو و دار لجيهة لخرى ركب و كسيرا
سجى كتنخصص : عفاك رجعني عند ماما و نتزوج بيك .. عفاااك
زاد خلعها ملي ضرب فران مفاجأ جنب الطريق حتى قالت مع راسها روحها اتخرج دابا و لي زاد كمل عليها هو ملي جرها من شعرها غارس ضفارو فيه حتى قربها لعندو .. كانو سنتمترات قلال كيفصلو بيناتهم و أنفاسهم لحارة متخالطة مع بعضياتها
عاصم مزير على لحروف بصوت جاف : غادي نعاود نسولك .. علاش رافضة هاد الزواج ؟
سجى بصوت أنثوي ناعم و غالب عليه لخوف : حيت مكنبغيكش و كبير عليا .. ماما كتقول ليا لعلاقات كينجحو بالحب
عاصم بسخرية طول فيها الشوفة و زاد زير على شعرها ملي بانت ليه كتنخصص بعمق عاد نطق بهدوء : سجى
رخف من شعرها و قبل ترجع لبلاصتها تلاح على فكها شدو ليها و عينيه كيشوفو فعينيها : اتزوجي بيا
سجى كتبكي مخلوعة حتى شافتو رخف على فكها شوية عاد نطقات كترجف : صافي انتزوج بيك .. ماشي مشكيل واخة مكنبغيكش و مكتعجبنيش هننن
عاصم بتاسم بمكر كيشوف فيها و حسابو فراسو
سجى بصوت باكي : فكي و فمي ضرونيي هنن
عاصم حيد ايدو لي كانت مزيرة عليها : خاص تبداي تولفي
ضربها لجبينها بصبعو : لعبتي مع واحد ماشي قدك
غا كمل كلامو دفعها بعجرفة حتى رجعات لبلاصتها مكمشة فعضامها و كتبكي و تنخصص صدعاتو فراسو حتى غوت : صاااافيييي حبسيي من لبكااا
سجى كتنخصص و دموعها كيهبطو : رجعني نقرا
عاصم ديمارا الطموبيل : ليوم عندك عطلة
سجى خرجات عينيها : لا معنديش عطلة .. ليوم قارية
عاصم كسيرا كتر : انا عطيتك عطلة .. عندك شي مشكيل؟
تلافت لعندها مخنزر حتى هزات راسها بلا زعما معندي حتى مشكيل
عاصم : يلله قطعي حسسك
سكتات سجى كتبكي فصمت .. كانت مدورة وجها لجيهة الزاج كتمنظر و تشوف حتى سهات و مبقاتش كتبكيي شوية حسات بيه جرها من دراعها بعنف .. تلافتت مفزوعة و متأوهة من الألم حيت غفلها : آآآآيييي هنن
عاصم عاقد حواجبو و وجهو حمر : من الصباح و انا كنهدر مكتسمعييش ؟؟؟!!
سجى هزات راسها بلا : هنن مسمعتش .. مدرتهاش بلعاني والله
عاصم بعصبية : أول حاجة انولي منشوفهاش هي هاد الدموووع ديال التماسييح لي كتهبطي كلا شوية .. فاااش نهدر جاوبينيي واش كتفهمي ولا نفهمك بطريقتيي ؟؟؟
سجى حركات راسها : اه صافي هنن
عاصم رخف من دراعها : انمشيو لقصر
سجى : هنن علاش ؟
عاصم غوت : قلللللت انمشييو عندك شي ماااانع؟؟؟؟
طولات فيه الشوفة كيبان ليها بحال شي وحش اي واحد اينفر اجلس حداه بلاما تشعر نطقات : ملي مبغيتينيش نسول علاش قلتي ليا انمشيو لقصر؟
عاصم تلافت لعند سجى بلاما انطق هز مخدة من فوق لكنباي شير بيها على وجها : تهزيي تق*** من تماااك .. لمرة جاية هزي رجلييك شكاتسنااي
كمال هز حاجبو : كنتحاور مع لبنت .. دخل سوق راسك ياااه
عاصم وجه صبعو كتحدير : طالع ليا لخرا ديال نشد شي واحد نقتلو .. تفاداني حسن لييك
سجى مكمشة فعضامها شوية تلافتت لعند كمال بتاسمات ليه حيت دافع عليها و بحركة عفوية دارت ليه بيزو فهوا كاشكر يله اتزيد وحدة أخرى فالهوا حسات بمخدة قصح من الأولى خبطتها لوجها
عاصم : اااااجيييي لهنااااااا
كمال عرف صاحبو ايخرج سمو فالبنت : مدارت والو اعاصم .. خليها علييك
عاصم شاف فسجى : اتجي نتي ولا نجي انا ؟؟؟ ختاري ؟
سجى بتكبر كتلعب فشعرها بنعومة : اجي نتا
كمال شد فمو ناوي ميضحكش شوية تفرگع كيتركل فبلاصتو بسباب الضحك : لعاااار هههههههههههههههههه
عاصم مرضاش ولاو الجنون كينقزو ليه فوق راسو .. جمع لوقفة داك الساعة نيشان لعندها شدها من شعرها مزير حتى لفين كان جالس .. ردخها بعنف كيحمر فيها و هي مخلوعة كتبكي مكانت قاصدة والو فالجواب ديالها معرفاتش شنو عصبو وعلاش كمال ضحك
سجى كتمسح فدموعها و تنخصص حتى دخلات عليهم جوهرة بعدما وصلها النداء من عند عاصم عن طريق لخدامة لي صيفط ليها : اهلاان بنتي سجى
شافت فيها مزيان لقاتها كتبكي : سجى ماالك
مشات لعندها بخطوات سريعة كتفحص فيها و كمال كيدور فعينيه حابس الضحكة : شنو بكاك ؟ و امتى جيتي لعندنا
سجى كتنخصص داك الساعة هزات عينيها لعند عاصم شافت فيه شوفة بريئة أما هو كان مدور وجهو كيشوف لجيهة لخرى و حجبانو معقوديين
جوهرة : سجى جاوبيني
عاصم تلافت لعندها : قولي ليها انتزوجو
جوهرة وسعات عينيها : اوااه بصح ؟ .. وافقتي على الزواج
سجى مسحات دموعها لي كيهبطو : خلعني داكشي علاش وافقت
عاصم تلافت لعندها مخرج عينيه : عاودي شنو قلتي؟
سجى هزات عينيها حتى جات فعينيه .. بلعات ريقها من نضرتو و بقات ساكتة ملقات متقول
عاصم خنزر فيها عاد تلافت لعند جوهرة : عيطي لواليد اقاد موعد مع لعدول بينما وجدو لوراق
جوهرة بفرحة : ااه صافي .. هاني انعيط دابا
و خرجات من الصالون كتصوني لراجلها تعلمو
كمال شاف فعاصم عاد نطق : شوف كيف كتبكي . حرام عليك
عاصم مسح على شعرو عاد دار لعندها : كيعجبك نعاود لجملة ديال سكتي من لبكا؟
سجى كتنخصص : شعري قصحتيني فيه
و سكتات كتبكي حتى حسات بيه شد دراعها ممزيرش عليها بزاف
عاصم بصوت هادئ : حبسي لبكة قبل ما نعطيك علاش تبكي نيت .. صدعتيني فراسي صوتك كيهرني
سجى : كتقصحني فإيدي
عاصم : سكتي باش منقصحكش البرهوشة .. زميي حسسك منسمعوش
سجى سكتات قاطعة لحس حتى رخف منها .. فهاد الأثناء دخلات جوهرة مبتاسمة و لفرحة على ملامحها : بنتي سجى متخافيش هاد الزواج غا على لوراق و قدام الصحافة فقط ... مجرد متسني على لعقد رجعي لدار مع ماماك .. عاصم مغادي تشوفيه مغادي اشوفك
سجى وسعات عينيها بالفرحة : واااو واش بصح؟
تلافتت لعند عاصم بحماس : يااااس
عاصم خرج عينيه : زميييي فمممكككك
ميلات شفايفها عاد تلافتت قدامها متفرحة واخة مفهماتش علاش هاد الزواج و هاد لحالة .. اصلا كتيق فقرارات مها و عارفة اتكون دارت هاكة غا على شي مصلحة و ملي عرفات أنها مغاديش تشوفو عاد رتاحت و تزول خوفها من الزواج بيه
عاصم غا ساكت و قاطع لحس حتى نطقات جوهرة : غدا اتكتبو كتابكم .. علاما انساو الصحافة هاد لقضية و فسخو لعقد
سجى فرحانة : خالتو بغيت نمشي لدارنا
جوهرة شافت فعاصم : وصلها .. مغاديش تقدر تمشي بوحدها
عاصم جمع لوقفة : تهزي تبعينيي
سجى جمعات لوقفة قاصدة جوهرة حتى لودنها عاد خبرات ليها : خالتو هو ايضربني مبغيتش نمشي معاه
بلعات ريقها مخلاتش لراسها لفرصة فين تفكر .. داك الساعة تبعاتو كتجري و بلاما ترد لبال كانت اتطيح و تجي على فمها كون محكمهاش من خصرها و طلعها لعندو حتى تزدحات مع صدرو و شعرها ضرب فييه و ريحتهم تخلطات مع بعضياتها
سجى رجعات بلور مكمشة عينيها و ايدو مزال على خصرها : آآه صدري كيضرني
عاصم بلاما اشوف فيها نتر ايدو و شد دراعها جرها منو : بقاي تشوفي العورة
جرها بعجرفة كتلاوح من جيهة لجيهة حتى لطموبيل ركبها و دار ركب عاد كسيرا بلاما انطق حدو ساكت و قاطع لحس .. بحاليلا كيفكر فشي بلان و كيوجد ليهم مزيان ليه
سجى تلاهات مع دراعها كتحك فيه حيت قصحها حتى قفزها بصوتو : ترجعي تقراي ولا بلاش ؟
سجى يله اتنطق قاطعها : بلاش قررت فبلاصتك
وزاد كسيرا مخلي لعجاج موراه حتى للفيلة ديالهم .. دخل مع لبوابة حطها و رجع مشرياان ناوي امشي حتى كتوقف قدامو سجى
عاصم هز حاجبو : حيدي من تماك
سجى دارت ليه إشارة باش اهبط الزاج و داكشي لي كان هبطو : شكاين؟
سجى بنعومة : واش تبغي تشوف روكي؟ لقيتو و الا بغيتي تشوف لمشيشات ديالي اجي
خنزر فيها عاد نطق : كنكره لحيوانات لا بحالك لا غيرك
طلعها و هبطها بحقد عاد كسيرا خلاها غا كتشوف هازة حاجبها و فمها مكمش مرضاتش : يخخخ مزيان ملي مغاديش نبقا نشوفو
قاطعتها جوهرة : كلشي واجد لعدول وحتى الصحافة .. اياخدو ليهم صور و هما كيكتبو كتابهم داكشي شكلي و صافي
نيهان ممتطمأناش : اكون خير .. خاص ندي بنتي بكري عندها لقراية غدا
جوهرة : اه داكشي لي ايكون
داز لوقت ..
كتشوف فراسها قدام لمرايا عايشة عالمها لوردي بحاليلا عندها حفلة معرفاش لا زواج لا طلاق .. بقات كتعوج فشعرها من هاد الجنب شوية تقلبو لجنب لاخر تالفة و التاج فوق راسها بحال شي أميرة من كوكب زمردة .. ما فاقت من عالمها حتى تحل لباب و دخلات نيهان لعندها
باست جبينها عاد جراتها بالشوية و خرجاتها حتى هبطو لتحت فقصر لمصاوري نيشان لفين مقادة لجلسة لي دايرين ليهم .. سجى غا شافت عاصم ميلات شفايفها بحاليلا فاقت من عالمها لوردي .. كان جالس فارق رجليه و ايديه كيمسحو على شعرو بحاليلا ناوي اقرعو و من حركات صباعو لي مشنقين باينة فيه معصب
سجى شوية نسات وجودو وتلاهات مع لغوب طايرة بالفرحة و ناوية تصور بيها .. معرفاتش شنو وقع و امتى بدا كيسولها لعدول واش موافقة بكترة متلاهات مع التاج فوق راسها و لي زوبجي لي كينين فالغوب لبيضة .. شوية و تبدا تنقز ليهم تماك بشعرها لحريري من لحماس لمفرط لي جاها
لعدول : دابا كنعلنكم زوج و زوجة
سجى ميلات شفايفها كتلعب فخصلات شعرها و الصحافة كتصور مرة تبتاسم ليهم مرة تدور شعرها لجنب مرة تخرج عينيها خايفة لعكر اخسر ليها .. كتحماق على للباس و لمكياج خالقة عالمها بوحدو
_مشا لعدول و مشاو الصحفيين لي كلا واحد من وكالة .. كانت فكرة سي إسماعيل باش اكونو فالعقد على أساس لخبر انزل غدا فالجريدات و اتنشر خبر الزواج لي جا على غفلة
يله اتقرب لعند مها وقفهم صوتو لحاد و كلماتو لي زعزعوهم كاملين : مراتيي مغادي تمشي فين .. رجلها برجل راجلها و لي حاول اتدخل فعلاقتنا غادي نقتلو اكون سوا شكون مبغا اكون .. سسسسسجىىىىى اجييي لهنااااا
سجى تلافتت لعندو بالعرض لبطيء مفزوعة من حدة صوتو أما نيهان هزات حاجبها فحالة ذهول و صدمة فنفس لوقت ناهيك على باقي أفراد لعائلة كلهم موسعيين عينيهم و كيشوفو فبعضياتهم
حتى كسر الصمت صرامة سي إسماعيل : عاااصممم شكاتخربق ؟؟؟
عاصم جمع لوقفة نيشان لعند سجى جرها لعندو محاوط خصرها عاد نطق كيشوف فيهم واحد بواحد بنضرة فشكل مخلطة بأحاسيس مختالفة : حتى واااحد معندو لحق اتدخل فعلاقتنا من هاااد لحظة و لي حاااول اتدخل ايلقاني فوجهو
نيهان بعصبية مشات وقفات قدامو كتسوط : واااش عااارف راااسك شنوو كتقول ؟؟؟ هادي لي كتقول عليها مراتك و هي فالأصل ماشي بصح .. راه بنتي من دمي ولحمي . من كامل قواك لعقلية كتقول مع راسك نخلي بنتي مع وااحد بحالك ؟؟؟
عاصم ببرودة مستفزة : شكون نتي ؟
نيهان حطات ايدها على قلبها اتجيها الجلطة : إلا مطلقتيش من بنتي دابا انعيط لبوليييس
عاصم شاف فيها داك الشوفة ديال واش من نيتك شوية جبد من جيبو لاكط ديالهم : تشوقت تعيطي ليهم .. مشا لحال يله تصوني ليهم
عاصم مضيعش وقتو أنه اجاوبو بالهدرة .. كتفى أنه اهز فاز كان حداه و شير بيه على وجهو جاب الله خوة عليه : هاد لمرة تعاود تجبدني انشير عليك بموس نيشان لعينيك
عمار عرف خووه لعبها عليهم ملقا جهد حدو جلس شاد راسو مقادرش اشوف فنيهان كتبكي و تنخصص على بنتها
إسماعيل : عاااصم راه هدرت معااك .. ماشي هادشي علاش تافقنا .. السيدة قنعناها بزز باش تزوج بنتها ليك فالوراق و من بعد كلا اشد طريقو .. هادشي كامل بااش متشدش فالحبس و هاكة كتجازيها؟؟
عاصم قاطعو حتى هو قبل اهدر : نتااا براااسك كتهمك غاا مصلحة الشركة و الأسهم .. كوون لحبس لي كنت اندخل لييه مغاديش امس صمعتك كوون خليتيني دخلت لييه .. مبغيتش نبقا داوي بزااف لي عندي قلتو
جوهرة : عاصم زواجكم على ورااق و لبنت عندها قرايتها ..
خلاهم داويين و دار قالب الدورة و سجى فجنبو جارها بزز ببكاها قول ميت ليها شي واحد .. مقدراش تفارق مع مها شوية و اتسخف ليه بالبكا و داكشي لي كان نيت مجرد مخرجو من لقصر طاحت سخفانة ليه
عاصم ساط بعصبية و تحنى هزها غادي بيها لطموبيل : واخة تمتلي تمثيل هوليود مغاديش تفلتي من هادشي لي تابعك
حل لباب حطها فبلاصتها و دار ركب .. قبل ميكسيري بانت ليه لعائلة كاملة خارجة كتشوف فيه خنزر فيهم و زاد مكسيري
نيهان النار شاعلة فيها . جسمها كامل كيترعد عليها : سسسسسجىىىىى
تلافتت لعندهم كترجف : اااااش داااانييي ندييير راااسييي فيييكمممم .. خرررجت على بنتيي و هي غا نية مفاهمة والو و تبعانيي .. عجبككك لحال اسي اسماعيل؟؟؟؟ رتاحيتي دابا ؟ تهنيتي؟
إسماعيل شد راسو معارف ميقدم و لا يوخر : جوهرة الدوا ديالي .. جوهرة عتقيني بيه
ياسين وسع عينيه : هاني انجيبو ليك الواليد
و مشا كيجري مخلوع على باه
عمار بعصبية مكتومة غا كيشوف فالأخير قصد نيهان شدها بلطف كيواسي فيها و هي مرفوعة كتبكي على لحالة لي فيها .. ممتخيلاش تنعس و تفيق متلقاش سجى
عمار : نيهان تهدني .. كلشي عندو حل
نيهان فحالة هستيرية : بنتيي خرجت عليها بسبابكمم. . كلشي مني كان عليا منرجعش لهاد لبلاد من نهارها معطاتني والو و غا مزيداني بالمصائب .. بنتييي سجىىىى
و سكتات كتبكي بحرقة
عمار مسح على شعرو : غدا انمشيو نشوفوها .. متخافيش عليها مغادي ادير ليها والو
فالجيهة لخرى ..
وقف بالطموبيل قدام عمارة كبيرة .. كان حي هادئ و باينة غا ديال الناس لي مرفحين .. كان كلشي مقاد و الجريدة لي قدام لعمارة مزينة بأحسن لورود و لجليسات كلا وحدة تنسيك فلاخرة .. باينة كيجلسو فيها غا صحاب هاد لعمارات لي كاينين فالحي
تلافت لجيهتها لقاها مزال سخافة و سادة عينيها .. طول فيها الشوفة بحقد عاد نطق بسخرية : هاد السخفة لي سخفانة من هنا لقدام مغاديش تلقاي ليها لوقت باش تسخفي
حل لباب دالطموبيل نزل و دار لجيهة لخرى حل عليها لباب و تحنى لعندها هزها كيسوط عاد رجع تقاد فالوقفة ساد لباب برجلو .. هبط عينو كيشوف فيها هز حاجبو معرفها سخفانة ولا ناعسة .. تنهد كيسوط عاد تمشا لجيهة لباب الرئيسي ديال لعمارة .. دخل نيشان لمصعد برك على رقم الطاج عاد رجع خطوة باللور و سجى مرخية بين ايديه بالغوب لبيضة بحال شي فراشة
عاصم سهى بتفكيرو لبعيد كيخطط و ارتب .. هاد الضربة لي دار ليهم عجباتو بزاف منها هرس كلمة عائلتو لي عطاوها لنيهان و منها نيت نتاقم على داك الشك لي شكوه و ظلموه ملي تشد فالحبس تحت التحقيق .. داك التمرميدة لي تمرمدها مستحيل انساها و عاد ضرب عصفور آخر بحجر هو اشوي كبدة نيهان ملي تهماتو حتى هي و نقصات منو شحال من مرة .. هادشي كامل خلاه ارد ضربتو .. عاصم من النوع لي الصغيرة و لكبيرة كتبقا تحرق فيه حتى يرجع دقتو عاد كيرتاح .. و لي مفرحو كتر هو انفرادو بمولات هاد لحريرة كاملة .. بسبابها صدق مدوز يومين فالحبس كيحققو معاه زائد خرجت ليه على مستقبالو و على حلم لمرحومة ديال الأم ديالو .. كلما تفكر شحال كانت كتقول ليه انفرح إلا خدمتي فهاد الدومين كيزيد احقد على سجى كتر و كتر
و أخيرا تحل لمصعد و خرج قاصد البرطمة ديالو لي شاريها بفلوسو كانت مخلياهم ليه مو الله ارحمها .. وصل لعند لباب دور الساروت حلو عاد دخل سادو برجليه و سجى وسط ايديه مجايبة لدنيا خبار .. محسات براسها حتى تخبطات من السما لأرض .. حلات عينيها فحالة هستيرية من لخلعة و لخوف معرفات راسها باش تبلات و منين طاحت .. لكن مجرد مجات عينيها فعينيه عرفات ايكون غا هو لي خبطها على لكنباي
عاصم ميل شفايفو بسخرية : فقتي البرهوشة
سجى دورات عينيها على جنابها بسرعة : هنن فيين انا ؟ .. فين ماما هنن. . بغيت ماما .. عفاك ديني عند ماما اتكون خايفة عليا .. بلييز
عاصم تحنى لعندها حتى رجعات بلور مخرجة عينيها و مخلوعة : من ليوووم كااين غا انا .. انا فقط كتفهميي ؟؟
سجى بقات كتشوف فيه مخلوعة شوية حركات راه باه فاش بقا كيشوف فيها مخنزر : و لكن انشوف ماما ياك ؟
عاصم نطق عاض على سنانو : سكتي حسسك منسمعووش
سجى عاد رجعات فيها الروح ملي رجع تقاد فالوقفة و بعد عليها : واش انبقا هنا هنن ؟
عاصم هز حاجبو : عندك شي مانع؟
هزات راسها باه : ديالمن هاد الدار ؟
عاصم : واش اتبقاي تجاوبي معايا ولا كيفاش
سجى بأنوثة : غا سولتك إلا مبغيتيش تجاوب صافي
عاصم هز حاجبو : ديالي هاد الدار و هي لي اتبقاي فيها معايا .. أسئلة اخرى؟
سجى بأنوثة : لا
حمر فيها عاد مشا دخل لبيت من لبيوتة لي تماك .. بقات غا كتشوف ساهية كتنخصص شوية جمعات لوقفة كتدور فعينيها على الدار .. كانت برطمة كبيرة متكونة من جوج بيوت و جوج صالونات واحد عصري و واحد مفرش بالبلدي و الأثات لعريق .. عاد لكوزينة كبيرة و لحمام فجنبها .. كلشي مصلوح و مفرش على حقو و طريقو باين مصمم ديكور نيت لي صايب هادشي و محتارف فيه .. بعدما عيات بالتبقشيش تفكرات ماماها مجات فين تستعقل ذكرياتهم بجوج حتى بداو دموعها كيطيحو بغزارة و حرقة مفاهمة والو .. كيفاش و امتى ولا مفروض عليها تسكن مع هاد لوحش كيف كتسميه فعقلها
فاقت من شرودها على صوتو : شكاديري تمااك
تلافتت لعندو كتمسح فدموعها : فيا الجوع
عاصم ساط كيمسح على شعرو حتى طاح على عينيه و لكلاكيطة فرجليه كيجر فيها حتى لعند لكوزينة معارف منين اجيها
سجى كتدور فعينيها : بغيت ليباط عفااك
عاصم هز لموس خبطها مع الطبلة : ماشي خدااامة تفششي عليا هنااا .. نتي ماشي فداار موووك ولا عرفتي اتنعسي بالجوع حتى ترشق ليا عاد تاكلي
سجى فهاد الأثناء مكتسمعش ليه و إنما داخلة لبيت لي كان خرج منو .. كتبقشش و تدور فعينيها على لحوايج حتى خسرات ملامح وجها : معنديش لحوايج هنن
تعصبات و هي كتقلب حتى صدقات محيدة لغوب كاع هي و التاج .. بقات غا بدوبياس و شعرها مطلوق على ضهرها لعاري .. حيدات حتى لكعب و بقات حفيانة عاد خرجات من لبيت كتنخصص موقفات حتى لكوزينة
هز راسو بعفوية معصب حتى كيحس بشي خيال واقف قريب ليه .. تلافت هاز حاجبو و زاد هزو ملي جات عينو عليها بدوبياس فالنواغ و صدرها فرقتو باينة و لحمها كامل كيشعل بالنقاوة و البيوضة .. عاد شعرها لحريري مطلوق على راحتو
سجى بنعومة كتبكي : خسر ليا لعكر هننن
عاصم عقد حواجبو كيشوف فيها بحاليلا تخوة فوقو شي سطل ديال لما بارد : من نيتك ؟!
سجى كتنخصص و شعرها غالبها : معنديش لعكر ديالي هنا .. بغيت مكياجي هنن
عاصم بداك لحر ديال مطيشة مبغاتش تقطع ليه .. تلافت نيشان لعند لبوطاجي قشع لفلفلة لحارة .. هزها عاد دار لعندها تلاح على دراعها غارس ضفارو فيه
عاصم عينيه خارجين فيها : علاااااش كتقلبيي هااا؟؟؟ علاااش كتحيمري عليااا ؟ هي صدقتيي ق*** مقطرة و دايرة فييهاا بريئة .. صراحة عاد فهمت علاش داك الزا** بغا اتعدا علييك
زير على لحروف كيهدر معصب : حيت كتستاهليي الق*** هادشي باقا غا صغيرة اعلم الله فاش اتكبري .. داك الساعة اتخرجي ليها نيشان
سجى عينيها مغرغرين بالدموع فكرها فنهار لحادث : هو لي قولبني .. قالي انلقا ليك روكيي
و سكتات كتبكي و تنخصص حيت جرحاتها هدرتو و قصحها فدراعها هي جوج
عاصم ميل راسو كيشوف فيها كتبكي : متعاوديش ليا قصة حياتك .. سكتي من لبكاا دابا
سجى عاد مزادت كتبكي بالجهد و تنخصص بحرقة لدرجة عصباتو حتى زاد زير على دراعها و هي بتصرف عفوي زادت فوثيرة لبكا .. جن جنونو هاكة كتزيد تستافزو و تلعب على لميموار لي كتدور فراسو . داكشي علاش هز داك لفلفلة السودانية حكها ليها على فمها بحقد حتى غوتات بحر جهدها مخرجة عينيها و مصدومة كتشهق
عاصم بسخرية : باش تعلمي تستحمري عليا و تذكري لعكر
رخف من دراعها : يللللللله حيييدييي من قداااميييي
سجى تحدرات فالأرض شادة فمها لي كيوزوز عليها و كيتشوط بالحر ديال لفلفلة السودانية .. مسكتاتش من لبكا حتى قفزها ملي خبط لموس مع لبوطاجي عاد جمعات لوقفة هاربة من لكوزينة و عينيها كيسيلو بالدموع .. بغات تحماق لحر بزااف كتحس براسها مخشية وسط لعافية
عاصم مكمش فمو كيسب غا من السمطة لتحت ..حتى برد شوية عاد نطق بسخرية : قالت ليك لعكر
زفر كيشوف فداك مطيشة مبغات تقاد ليه .. شوية تعصب حتى هز لمقلة زف بيها على لحيط لي رجع كااع مطلي و مسخ
دفعها فوق الزربية عاد جمع لوقفة ناوي امشي شوية غوت حتى قفزات : تبعيييينييي لبيييت
سجى بلعات ريقها مخلوعة ولات كتخاف تقرب ليه أولا تكون حدااه .. بقات كتدور فعينيها و تبلع فريقها لي نشف فحالة مكهربة حتى ستجمعات قوتها و جمعات لوقفة غادة لعندو .. خطوة كتقدمها و جوج كتراجع بييهم من درجة لخوف لي زرع فيها .. بعد صعوبة كبيرة قربات من لبيت ديالو كتدور غا بدوك دوبياس .. لقات لباب محلول بلعات ريقها من جديد و ايدها على فمها كتسوط عليه و تنخصص .. دخلات بهدوء كتنين بالحر ديال الألم
عاصم قشعها بنص عين : ناوية تسرقي ولا ناوية تدخلي ؟! .. مفهمتش
عاصم شاف فيها مطول فالأخير نطق مزير على لحروف : انا لي كنآمر هنا .. و انا لي كنقرر فبلاصتك و انا لي كنقول ليك شنو اتديري كتفهميي ؟؟ من ليوم كاين انا ماشي ماماك
سجى بالخلعة هزات راسها باه غا باش ميهزش ايدو عليها .. لكن مجرد ما تم جاي قاصدها قلبها قفز من بلاصتو : عفااك مدرت والو
جرها من معصمها مزير عليه حتى لناموسية .. جلسها بعنف عاد جلس حداها : حليي فممككك
سجى وسعات عينيها مزنگة : اتبوسنيي ؟
عاصم شعكك شعرو كيسوط : ياربي منهز ايدي عليها نوضرها كتر ما هي موضرا
سجى بصوت ناعم كتنخصص فاش كيرجع ليها لحريق : كيقولي إلا وليتي كتبغيني خاص نولي نبوسك
هز ايدو حتى لسما نزل عليها بتصرفيقة تلاتية الأبعاد عوج ليها حنكها حتى حسات بالدوخة شوية سخفات كااع و غيبات على لوجود .. خلاتو كيشوف فيها مخرج عينيه و حجبانو معقوديين على حدهم
تحنى لعندها لقا الدم دايز من نيفها خرج عينيه : هيييه نتيي .. شوووفي حلي عينيك
جمع لوقفة كيسوط : قتلتها واقيلة
رجع تحنى لعندها كيمخد فيها و والو حتى تخلع كااع و وجهو صفاار : سسجىىىى فيقييي .. حلييي عينيك الكلبة .. سجىىى حلي عينييك
داخ و تلفات بيه الأرض حتى خرج من لبيت غادي كيجري لكوزينة .. خلاها من موراه مغيبة و معارفة شنو داير بيها حتى رجع لعندها كيجري و فإيدو كاس دلما .. بحركات سريعة هز قطرات رشهم عليهاا
شوية صعر و هو كيغوت : تفووو علىىى مرررض .. سجىىى فييقي . مااتت واقيلة صافي قتلتها امكن
بدا كيضرب فحنكها بالشوية و قلبو كيضرب فالمية : سجىى .. فيقيي باش نجيب ليك ماماك .. سجىى الكلبة فيقييي
عيا كيمخد فيها باش تفيق و والو حتى تخلع ديال بصح و صدق مشا كيجري جاب قاميجتو لبسها ليها تستر شوية عاد هزها ناوي اديها لكلينيك .. مجرد ما تقدم بخطوة لقدام حلات عينيها كتأوه من الألم
سجى خنزرات فيه مرضاتش : حتى نتا خيب و مزوينش و مكتعجبنيش يلله
جمعات لوقفة كتسوط : أصلا نتا شارف مكتفهمش
عاصم خرج عينيه من كلامها .. بصدمة كبيرة بقا كيشوف فيها كتبعكك قدامو و تفحص ففمها قدام لمرايا بحاليلا خايفة عليه
سجى تنهدات بتحصر عاد تلافتت لعندو لقاتو مخرج عينيه فيها و ايدو مجموعة على شكل قبضة حتى لعروقة بانو .. بلعات ريقها كتدور فعينيها عرفات راسها قالت شي حاجة ماشي حتى لهيه
رجع علا راسو كيطل عليها بانت ليه مكمشة عينيها كتنخصص و ايدها على راسها باينة فيها موعتة جاب الله الديكور مقاصحش بزاف
عاصم ساط بعصبية عاد جمع لوقفة غادي لعندها : مالك ؟
سجى غا حسات بيه قرب لعندها رجعات باللور متفادياه : بعد منيي
خلاتو واقف فبلاصتو و خرجات تالفة على الطريق واخة الضبابة على عينيها قدرات تمشي حتى لصالون عاد تركنات فواحد لقنت و عطاتها لبكة دمعة مور دمعة .. شنو هادشي لي كتعيش ! فين كانت و فين ولات ؟! ..شنو وقع و جرا حتى ولا مفروض عليها تعيش مع واحد بحال عاصم .. من إمتى ولا محكوم عليها تفرق مها !
بغات تحماق بالبكا حتى سمعات حس خطواتو كيقربو لعندها .. داك الساعة سكتات حابسة لبكية
هزات راسها بعفوية لقاتو مخنزر فيها و عينيه حمرين .. بلعات ريقها : كنقصد انمشي لحمام
جمعات لوقفة شادة راسها و بالضبط فين جاتها الدقة ديال الديكور .. موقفات بخطواتها حتى دخلات لحمام و سدات عليها كتنخصص .. غسلات و طرفات حالتها بزز عاد خرجات لقاتو كيحط فالساشيات على الطبلة
سجى وسعات عينيها بحماس معرفاتش امتى مشات وقفات عليه بعفوية و نعومة : شنو فييهم ؟؟
عاصم مجاوبهاش حدو كيحل فالساشيات :جلسي كولي و سكتيني
سجى كتشهى : واش سوندويش ياك ؟ ياااي ايكون بنين
جلسات كتقلب و تشقلب تالفة خلاتو كيسوط بهاد لحركات لعفوية كتديرونجيه فمخو .. لدرجة خلاها ملاهية مع داكشي و دخل لبيتو تلاح فوق الناموسية متكي على كرشو .. كان تفيكرو مشوش من ناحية مستقبالو و لاياش كيخطط من جديد .. لي عارف حاليا هو خاص ارتب افكارو شوية بشوية باش اعرف شكايدير
سجى كتاكل بشهية داكشي جاها بنين و كتموت على ماكلة الزنقة .. خصوصا أن نيهان كانت كتمنعها تاكلها بزاف أما دابا جاب ليها الله مكاين لي اقول ليها بعدي من هاد لماكلة .. السيبة اتعيشها حاليا
بعد وقت طويل و هي كتنقب من هنا و هنا و اخيرا شبعات عاد جمعات لوقفة مخليا داكشي بحال هاكاك مرون و حالتو فوق الطبلة .. أما لكوزينة واقع فيها إعصار ملي عاصم بغا اطيب فيها .. لبوطاجي حالتو أما لحيط لي زف بيه بملقة ديال ماطيشة كاع مسخ و عامر
سجى دورات عينيها كتشوف فين اتجلس .. بقات كتمشي و تجي معارفة فين تحط راسها خصوصا أن النعاس بدا كيتملكها .. عيات تفكر فالأخير دخلات لعندو كتطل عليه بهدوء و صباعها ففمها كتاكل فيهم
تشجعات بخطوات جريئة كتقرب لعندو حتى وقفات فوق راسو : أحم سووري بغيت نسولك بلييز
عاصم سخط : قو** من هنااا و دابا .. هدرت بالشوية مبغيتش نوض نخلطك
جبروت رجل عاشق الجزء الثاني
محتوى القصة
التنقل بين الأجزاء