سمية : شي سعتاين وتكون فالمطار راه خليت طوموبيل لنسرين غتمشي موراها
منية : ايوا مسكينة نيت تمشي تفوج راه لي داز عليها ماشي قليل الحمد الله لي خرجات من ديك الغمة لي كانت فيها
تنهدات وهيا كطيب فلي كريب و قالت : ايييه اختي ايوا ش نديرو مكتاب الله وفملكه يتصرف
منية : ماشي ساهلة مااااشي ساهلة يا ختي ، حنا وأزماتنا عساك هيا لي عاشت داكشي وشحال وهيا فسبيطارات
سمية : متفكرنيش الله يهديك انا كتجي بين عيني غا فاش طاحت صحتها ورجعات فيها 34 كيلو رجعات ليا البنت بحالا معوقة غا عضومة كيبانو فيها وكانت لا ماكلة لا شراب وحتا هضرة قطعاها تجمعو عليها مسكينة دقة وحدة كونت غنترزا فيها ايوا ربي كبير الحمد الله لي رجعات لصحيحتها ورجعات حسن من لي كانت وهاهيا كدير مستقبلها
منية : ايوا داكشي لي بغينا فرحنا ليها وربي لي شاهد . دير مستقبلها وتفرح بشبابها لي معمرها فرحات بيه ايوا
شنو درتو مع هداك لي بغا يخطبها شنو قالت؟
فمطار باراخاس بمدينة مديد الإسبانية نازلة من الطيارة ببتسامة عينيها كيلمعو.
دوزات الاجراءات القانونية داخل المطار وتوجهات لبوابة الخروج كتجر شانطة ديالها وصاك محرفة بيه
كتمضغ المسكة عندها حلقة صغييرة فالأنف ديالها مكياج خفيف مطلعة شفيرات وعكر مبرد مع سروال دجين وكسوة صيفية مبردة فالألوان فاتحة واصلة تحت خصرها وصندالة عالية غادية كتقرقب بيها ..
كانت اختها نسرين كتسناها غير شافتها مشات لعندها تعانقو
نسرين : توحشناك الكبيدة
نريمان : حتا انا توحشتكم كيف دايرة ماما واشرف لباس عليهم ونعيمة؟
ضحكات نسرين وقالت : كلشي بخير ايوا ها نتي جا معاك الجو فلندن
خلاتهم كيجمعو ومشات دخلات لبيتها كان بيت متوسط فيه نموسية صغيرة فالجنب بيت
فراشها فالموڤ والزهري وماريو خشبي داخل فالحيط
وقدامها طبلة ديال المكياج فوقها مرايا مضورة وبعض مساحيق التجميل محطوطين فوق منها.
دخلات وشدات عليها الباب جلسات على الكرسي قبالت المرايا حيدات شال لي فوق راسها رماتو على الفراش حيدات حلقة لي فالأنف ديالها حطاتها فبواطة صغيرة د مجوهرات وهزات قطن كتمسح مكياج لي فوجهها..
بعدها ناضت حيدات حوايجها لبسات شورط حد الركبة والتيشورت ديالو فلون سمائي وشعر مجموع لفوق عشوائي خلخل رقيق مزين رجلها اليمنى
نريمان : وشنو غندير معاه فنضرك راه هضرت معاه وقلت ليه انا مبغاش نتزوج وهوا قالك لا نعطيك فرصة فكري على خاطرك..
سمية : امم ايوا صراحة الا جينا نشوفو طبيب تبارك الله واصل ومخصو حتا خير وكيبغيك وتابعك انا مكرهتش تزوجي وديري دارك تبارك الله هانتي دابا دخلتي ف 24 تبارك الله ايوا هادا هوا الوقت فاش تزوجي وديري دارك
ربعات نريمان يديها متكية على ثلاجة و قالت : ماما زواج خويتو من راسي، انا قلت ليك دابا خدامة على مستقبل ديالي وراسي عامر غير بشنو غندير من هنا لقدام. داكشي هوا لي غينفعني اما زواج معنديش فبالي نهااائيا
تجمعو على طبلة كيتعشاو وضحكاتهم وتقشااابهم واصل حتا لزنقة دخلات لبيتها عطات لكل واحد كادو ديالو لي جابت ليهم من السفر
كملو قصارة ديالهم وناضت مشات لعند نعيمة وكلاتها وهزاتهم كتبوس فيها وطل على شارع كتبرد
رجعات لبيتها شدات عليها حلات شانطة ديالها جبدات منها بعض الكتب ومشات لفراشها خلات ضوء خافت وهزات واحد من دوك الكتب بدات كتقرا كتكمل على رواية لي بداتها حتا داها نعاس..
فصباح لابسة كسوة طويلة وصنالة دالصبع وشال ملوي جمعاه اللور حوالق طوال هابطين كيبانو تحت الشال هزات صاك ديالها وشاشية فوق راسها وخرجات من بيتها كتعيط
هزات قرعة صغيرة دعصير حلاتها رشفات منها وقالت : مغادي يكون والو
نيكول : كيبغيك انريمان ! ومتنساايش ليه الفضل لي رجعتي بصحتك وحسن ملي كنتي كاع
تنهدات وقالت : وي ڤري هوا طبيب النفسي ديالي وعام ونص وانا متبعة معاه علاج نفسي وكان كيجي عندي لدار . ويخرجني بفضل الله وفضلو انا عاد خلاقيت وعاد عشت وعاد عرفت طعم الحياة عكس القديم ديما كنت متشائمة . خيفانة . مكنميزش الصح من الغلط. كنت عايشة فدوامة سوداء مخرجت منها حتا شفت الويل. لؤي بصح عاوني ولكن منقدرش نتزوج بيه حيت دابا مركزة غير على مستقبلي وشنو غندير من هنا لقدام
وهوما جالسين كيتعشاو سمعات نريمان تليفونها كيصوني. ناضت من على طبلة ومشات حيداتو من شارج شافت نمرة وهيا تحل الخط
( الحوار بالاسبانية )
نريمان : سلام لؤي
لؤي : اهلا كنتمنى منكونش كنزعجك فهاد الوقت!
نريمان : نو بالعكس ماشي مشكيل صافا؟
لؤي : تمام ممكن غدا نتشاوفو ونهضرو شوية الا بغيتي؟
نريمان : وي بيان سير ولكن ايمتا حيت صباح عندي لاصال ابخي الخدمة وغنسالي معطلة؟
لؤي : نفطروا اون سومبل الا بغيتي قبل متمشي لاصال؟
نريمان : امم اوك صافي ان شاء الله
لؤي : اوك غدا نتاصل بيك ليلة سعيدة
قطعات المكالمة ورجعات لبلاصتها حداهم كتكمل عشاها
سمية : بغا يشوفك؟
نريمان : وي غدا غنتشاوفو ،..
سمية : ايوا الله يجيبلك غا لي فيها الخير ابنتي
نريمان : امين اماما
اجييي،.. نعيمة هاكي
جات عندها كتجري طلعاتها فوق رجليها كتوكلها الخص ومطيشة
كا كل الليالي بعدما كدخل البيت وتأدي فريضة الصلاة كتبدل حوايجها ودخل لبلاصتها تهز واحد من كتوباتها منساجمة ومسافرة مع احداث د روايات لي كتقرا...
بعدما انقطعات كليا على وسائل التواصل الاجتماعي ، باغيا تعيش الواقع وتستمع بيه
من غير تليفون فيه نمرة وخاوي مكتهزوش معاها قليل..
بعد 7 اشهر وهيا كتعالج فالمستشفى وعام ونصف من العلاج نفسي بعد مدة طويلة
عاد حياة نفسها من جديد.
عاد حلات عينيها،
عاد تولدات وعاد كتكتاشف الدنيا بعد سنين طويييلة من المرض نفسي والجسد،،
فصباح مشمس خارجة من دار كيف العادة بكسوة صيفية بالوان مبهجة وشال خفيف جمعاه لور بطريقة جميلة وحويلقاتها هابطين طوال مع نضارات شمسية سوداء وصاكها فيه ملابس الرياضة
اتصل بيها وردات عليه فالحين : وي لؤي؟
لؤي : انا فالطريق نجي موراك؟
نريمان : لا انا خديت طاكسي شوية ونكون تما..
لؤي : اوك
ماهيا الا دقائق قليلة كانت وصلات لقاتو جالس فطبلة كيتسناها غير شافها ناض،،
كان شعرو أشقر وملامحو جدابة جسم رياضي طويل لابس كلاص
مد يديه سلم عليها ببتسامة
لؤي : تفضلي
كانت طبلة محطوط فوق منها الفطور وهوا كيتسناها جلسات قبالتو وقال باللبناني : نهضرو بالعربية ولا اسبانية ههه
كان صالون دالحلاقة كبير دخلات وبدات كتسالم هيا وصاحب الصالون لي كانت هيا الأم د صحبتها نيكول سلمات جميع بنات ودراري لي تما وبدات الخدمة مع كليان وعرائس لي كيجيو موسيقى على الجهد وهوما مجمعين وخدامين ناشطين محاااسينش بالوقت حتا طاح الليل
واش تعاود من بعد هاد المدة دخل لمواقع تواصل تشوف اش خبارو؟ وشنو داير وكيف رجعك!! واش تبدلات فيه شي حاجة ولا مزال كيف كان واش مزال فالمغرب؟ غيكون دار وليدات باينة غيكون تزوج وتبدلات حياتو..
حسات بالضيم مقدراتش تخيل الوضع رجعات حطات تليفون وقالت فنفسها : انا قررت منعاودش نشوف اخبارو صافي يعيش كيف بغا اصلا من حقو يعيش هاني انا منصلاحش ليه. صافي انريمان متقلبيش معندك متعرفي كااالمي راسك صافي نساااي
من حر الصدمة وتلفة خرجات هكاك كيف كانت فدار لابسة بيجامة وشعرها جمعاه بقراصة مقالت لولادها لا فين غاديا ولا فين جايا هزات الفلوس وخرجات نيشان لطوموبيلتها بصندالة د ميكة شادة طريق وهيا فقمة الخوف تفقذ بنتها مرة ثانية..
خلاهاا كتجنن كتغوت لربي لي خلقها دخل الطبيب والممرضات كيحاولو يهدنوها وهيا كتغوت وتنتف فيبرا لي دايرين ليها فيديها.
حولو يضربو ليها الشوكة وهيا كتدفع فيهم فكانت نهاية انها طيح بانهيار عصبي اتصل الطبيب ب جهاد كان مزال فطوموبيلتو ساهي ودموع فعينيه...
غير صونى عليه رجع فالبلاصة ،،
من تطوان لرباط ضاربة طريق دخلات عينيها منفوخين بالبكا لقاتو جالس حاني راسو الأرض غير شافتو وهيا تمشي لعندو كتغوت شداتو من قميجتو.
نتر ليها وقال
جهاد : حيدي يدك انا مدرت ليها والو هيا لي دارتها راسها وقلبات عليها عييت مندير معاها فالخاطر ولكن هادا جهدي صبري قليل وهكاك وصبرت معاها فوق القياس ولكن هنا حبسنا ها بنتك والله يعاونك
خلاها وتم غادي وهيا تشدو : يااااك هاكا كديرو لبنات ناس شنو دارت ليك كاع بنتي هاا شنو دارت مسكينة لي جااا يمسح فيهااا رجليه . معندها مدير بيك وغنعيش بنتي حسن من هاد العيشة مذلولة ديالك من اللول مرتاحيتش ليك ومن لول عرفتك فعاااايلي
قطعها كاز على سنانو : جمعي فمك ولا راه غندمك كنحتارمك حيت امها اما انا نسمعك لي عمرك مسمعتيه تفو
خلاها كتجدب وخرج مضااارش موراه ،،
رجعات كتقلب على طبيب وكتسولو على حالة د بنتها بدا كيعاود ليها على حالة النفسية ديالها وانهيار لي جاها وعاد اجهاض ضربات حناكها وفخاضها غادية جايا كتبكي من حر هاد الأخبار ليل ونهار وهيا بنفس الحوايج لي جات بيهم نهار على نهار حتا هيا كتزيد تمرض ملي، كتشوف الحالة د بنتها كتزيد تسوء،، صونى بيها التليفون شافت اسم جهاد ومجوباتوش قطعات عليه وصلها مسج من عندو فيه
ضروري تجاوبي انا غنصوني
يلاه هيا كتقرا وهوا يصوني عليها
حلات الخط وقبل متسمع ليه قالت : شنو باغي، مني علاش معيطلي، علاش اليهوووودي علاش اولد الحرام معيطلي خرجتيلي على بنتي دعيييتك الله ياخد فيك الحق
سمعاتو سكت مردش عليها وهيا كتنهج : معندك متقولي سير بغيتك عمرك لا طفرتيه فحياتك الله ينعل والدين
على هاد الكلمة هادي قطع ليها شافت فتليفون وهيا كترعد ومشات كتسرب..
مهنى بالها حتا حلات عينيها وبدات كتجاوب معاها دوزات 10 ايام فالطبيب عاد خرجاتها وداتها معاها لتطوان همها اللول والاخير هوا نريمان مكتفارقهاش حتا ثانية حتا من الخدمة لي كانت فيها كا طباخة ف احد مطاعم الكبرى فتطوان مبقاتش كتمشي ليها.
داز اسبوع وعلموها بلي دخلو مرا جديدة تخدم فبلاصتها وتما كانت زادت تأزمات الكرا طالع شكون يخلصو ليها مصروف دار طبيب نفسي لي خاص لنريمان باش غتخلصو؟ دواء ديالها باش غتشريه. هادشي غير شوية من بزاف
وهيا كتشوف بنتها كتموت نهار بعد نهار جا فبالها جهاد هوا بوحدو لي يقدر يساعدها عياات متحاول تشوف من عند المعرفة وناس لي كتعرف ولكن واخا هكاك جمعو ليها براكة قليلة مغتكفيها لوالو. فكرات ديك سلف ولكن باش غتردو كاع هاهوا سلفوها.
وصلها المسج ديالو بعد انتضار ومسج اخر من عند البانك
💬 : راني صيفطت ليك. الله يشافي
فالبلاصة عاود بلوكا نمرتها حولات اتصل بيه ولكن بلا فايدة ..
لبسات عبايتها وخرجات مشات لقات كونت ديالها تحولات ليه 5 مليون تنهدااااات كتحمد الله حيت مكاانتش ليها فالحسبان يصيفط ليها هاد 5 مليون
رجعات لدار ساكتة مقالت والو راسها غير كيفكر شنو دير وكيفاش تقدر تبدل هاد الوضع الفلوس كيف كتبداهم كيمشيو دغياا وعارفة هيا بلي مغاديش يطولو عندها بزاف.
دخلات لبيتها واتصلات بالسيدة لي كانت خدامة معاها ف اسبانيا كانت خدامة عندها فدار وخدامة معاها فصالون حلاقة كدير ليها الميناج. اتصلات بيها ما مرة ما جوج ماا تلاثة عاد جوباااتها وعودات ليها على الحالة والوضع لي كيدوزو منهم وحتا باش توكل ولادها معندهاش ومهددة تخرج لزنقة بغات سمية تنقذ حيات ولادهاا لي غيضيعو كون مدارتش هادشي.. فكرات مزيان وعاد قررات. تأسفات لحالتهم وقالت : واش تبغيني نصيفطلك الفلوس ؟ نساعدك معنديش مشكيل
سمية : انا عندي طلب واحد صافي بغيتك تعتقي ليا بنتي بغيت نديها اسبانيا ونرجع نخدم معاك فالدار ونرجع عند خوان نخدم معاه فالباتيسري عفاك نخدم معاك ومتخلصينيش المهم تخرجي ليا بنتي، من المغرب حنا عندنا وراقينا ولكن بغيت بنتي حتا هيا نديها وندير ليها وريقاتها وتعيش معايا تما. وتما نيت نعالجها نشوف شي طبيب مغربي ولا شي حد يعتق ليا بنتي عفاك متخلينيش
ايام مكتبغيش دوز، على سمية لي، هازة حمل كبيييير واملها كولو تخرج من المغرب وتمشي اسبانيا كيف ما كان الحال لقات ناس وقفو معاها وخدموها وساعدوها ماديا ومعنويا..
بدات سمية كتحرك مع نريمان دفعات ليها الڤيزا وتقبلات
حمدات الله حيت هم من همومها تفرج.. طلبات السيدة تشوف ليها مسكن فين تعيش ويكون تمن ديالو رخيص..
شافتو ليها ففيلاج بعيد على المدينة وحتا تمن مناسب..
باعت كاع اتات لي عندها بنص تمن قطعات بيي هيا ولادها ومشاو فالباطو على حساب ديك مرا لي كانت خدامة معاها
وتما بدات رحلة العذاب بالنسبة لسمية لي كضل خدامة. وتمشي تشوف بنتها فدار وتعاود تمشي لمدينة وتخدم حتا ليل.
فضرف اسبوع حسات بالفشل ومبقاتش قادرة تزيد..
عيااات بزاف ولكن دارت بين عينيها ان هنا خصها تقوى كتر وتاوض بنتها على سنين لي ضاعو ليها وتوقفها على رجلها من جديد..
قررات حتا نسرين تخدم ولكن مبغاتش ضروري لي يبقى مقابل نريمان فدار وقرر ولدها هوا ليي يقلب على خدمة فاش ما كان واخا يجيب ليهم غا جزء من مصروف ..
يوم بعد يوم كتشوف سمية نريمان كتزيد تضعاف وكتزيد تمرض وحتا الصوت بصعوبة باش كتخرجو. ماكلة نهاائيا لقمة وحدة مكتنزلش فمها وحتا الماء فمها شااحف الا مشربوهاش متشربش. حتا لواحد ليلة حسو بيها غادي تموت وضيع بين يديهم هزاتها سمية غتحماااق وداتها لسبيطار
شهور وهيا فالسبيطار وسمية كتقلب على طبيب نفسي يتبع العلاج دبنتها.
بعدما رشدوها ناس ونصحوها بطبيب لؤي وشكروه ليها
كانت صعوبة كبيرة باش تهضر نريمان معاه وتجاوب على الأسئلة ديالو تبعات معاه لمدة طويلة وكانت فاقدة الآمل نهااائيا ترجع لطبيعتها وترجع لحياتها. ولكن قدر يعالجها ويعطيها آمل فحياة وتغيير للأحسن..
وتقرر انها تبدا من الصفر خلاها تحيا من جديد وتحس براسها عاد خلاقت،،
خلاها تخرج من السواد لي كان محاط بيها وشافت النور بعد سنين طويلة من عمرها ضاعت..
#عودة_للحاضر
خرجات من الدوش وجلست ترتاح بعد نهار متومر فالخدمة ومعزتها كتنقز عليها وتلعب وهيا كتبوس فيها وتضحك
دخلات لبيتها تكات على فراشها هازة كتاب كتقرا فيه تشوش تفكيرها مرة خرا.
حتا كتنسى الموضوع وتعاود تفكرو عيااات متبرك على نفسها باش تنساه فمرا مدة وهيا منقاطعة على وسائل التواصل غير باش متمشيش تقلب عليه وتشوف اخبارو. ولكن قلبها معالم بيه غير الله
زيرات على راسها كتر من القياس وناضت هزات نعيمة. كتلعب معاها كتحاول تنسنى ومتبقاش كتفكر فالموضوع ولكن مقدراتش جلسات دايرة يديها على راسها كتهضر بينها وبين نفسها
نريمان : ماشي مشكيل غير نطلل ونشوف شنو حاط مغاديش نهضرو ولا نقوليه شي حاجة شنو فيها كاع مهم غا نعرف اش داير صافي هادشي لي كاين..
هزات تليفون وهيا مترددة تليشارجات الانستغرام وفتحات حساب جديد باسم Naoumary_24 ومشات كتقلب على كونت ديالو طلعات ليها وقلبها كيدق وسرعان ما خرجات بالزربة قبل متشوف. حطات يديها على راسها كتخمم وعودات دخلات كتشوف صور ديالو ولي ستوري لي عاد تحطو مكملاش ساعة..
تغرغرو عينيها وهيا كتشوف تصاورو من بعد هاد المدة طويلة..
لقات بزاف د تصاورو مصور مع وليد صغيور بقات طالعة طالعة حتا وصلات لصور لي مدة ديالهم عامين
وفوحدة من دوك تصاور داك الوليد وهوا يلاه خلق هازو فيديه كاتب عليها #بطلي ❤️ تما ضرب قلبها بالجهد
دخلات كتقرا لي كومنطير واحد مور واحد ... كلشي كيبارك ليه تجمعو الدموع فعينيها ممتيقاش تزوج وتزاد عندو ولد..
خرجات من الانستغرام ومسحاتو كاع ..حاطة راسها على المخدة ودموع هابطين من عينيها،،
صبحات مخصرة وطالع ليها الزعف مشات الخدمة وعقلها مرفوع غير ساكتة ونادمة. علاش كاع دخل وتشوفو اش حاط حياتو هديك وعادي يتزوج ياك هوا بغا يطلقها وطلقها غيابي وهداك السبب لي خلاها تمرض فديك 7 شهور . عيات متلوم فراسها وفالأخير حسات بخنقة وطلبات من صاحبة الصالون تمشي حتا تقاد نفسيتها. وداكشي لي كان رجعات لدار خرجات معزتها معاها ومشات لبحر.. حتا حسات براسها رتاحت شوية عاد رجعات راسمة ابتسامة مصطنعة مبغياش تبين ليهم اش كاين..
كان عشاها قليل ومجلسات معاهم مهضرات دخلات لييتها وشدات عينيها كتحاول تنعس. دخلات عندها سمية بتساؤل جلسات جنبها وقالت : قبل متكذبي عليا ولا تخبعي قوليلي مالك وجيني نيشان كنحس بيك ماشي هيا هاديك مالك
نريمان : الصمت
سمية : هضري كنسمعك
نريمان : والو اماما غير خليني نعس
سمية : كنسمعك انريمان قولي مالك
تغرغرو دموع فعينيها .
حطات سمية يديها على شعرها برفق وقالت : قولي مالك راه كتعذبيني من داخل انريمان قولي مالك
جوباتها بصوت متعب : تزوج اماما وتزاد عندو ولد
سمية : شكون جهاد؟
نريمان : بحزن ) اه
سمية : ايوا مبروك حتا نتي الا باغا تزوجي تزوجي فين المشكيل؟ نسااايه ابنتي راه ميصلااحش ليك سمعتي معصب غا مع جلايلو اش غتطلااي بيه عطا الله رجال مكاينش غا هوا فالدنيا ونزيدك ياك هوا لي بغا يطلق ايوا راه طلق يزيد خلفة حساب ليه غا هوا لي كاين
تنهدات نريمان وبدات كتعاود ليها بعد هاد المدة وهوما صحاب معمرها تعمقات معاها فالهضرة او عودات ليها اسرارها بالكامل. من غير انها فشلات فزواجها وطرا ليها اجهاض.. بدات كتعاود لنيكول وهيا معصبة وملامحها مغييرين حتا كملات
نريمان : وشوف الصدفة اليوم شفتو ف تلفازة فواحد برنامج شنو ندير انيكول راسي ضرني
نيكول : هضري معاه واجهيه وشوفيه بعدا واش تزوج بصح ولا مزال ومن بعد عاد قرري شنو ديري ويلا لقيتي فرصة وكنأكد ليك عليها الا لقيتي فرصة تعاودي تشوفيه طيحيه فشباك ديالك وحملي منو باي طريقة الا هوا باغي الولاد اكيد الاا عاودتي حملتي منو غترجع علاقتكم
نريمان : لا ميمكنش نحمل غا هكاك راه حرام فدين ديالنا انا بغيت علاقتي ترجع معاه حسن ملي كانت ولكن معرفتش كيفاش وشن. ندير حرت
نيكول : سمعي شغادي نقولك انريمان....
نيكول : هادا الحل الوحيد باش ترجع علاقتكم دونك هادشي لي خاصك ديري اوك؟
شافت فيها نريمان كضور الهضرة فراسها وقالت : لا انيكول مخدااامش هادشي راه ميسلكنيش انا فهماه وعارفة عقليتو كيف دايرة مهم صافي نساي الموضوع
كملو حديثهم ورجعات لدار غير كتلف الوقت معارفة مدير لبسات حوايجها ومشات لدار عند نيكول من تما مشاو يسهروا برا. حتا رجعات مع 1 د ليل لقات سمية عقلها غيخرج
نريمان : انا مبقيتش مرتاحة هنا ومعاجبنيش الجو قنت بزاف ومبقيتش حاملة نخدم مع شي حد مكرهتش ندير صالون ديالي بديك شوية د الفلوس لي عندي المهم نبدا بشوية حتا يحن الله اما باش نبقى هنا ممرتحاش
نريمان : ماما انا مطلبتش شي حاجة لي مكيناش انا قلت ليك نمشيو المغرب وخدمي فشي باتيسري تما نيت كيف خدامة هنا وانا ندير صالون ديالي ونبدا نروج الحركة والخير كيجي من بعد فين المشكيل وفين الغلط فهادشي؟
صباح نفس الشي خرجات بلا فطور ومرجعات حتا لنص ليل لقات سمية غادية كتجي غير دخلات وهيا تخرج فيها عينيها؛ شهاد الوقت لي داخلة فيه ؟
نريمان : قنت وبقيت برا معندي مندخل ندير
سمية : شناهواا ؟ وعلاش بسلامة. هادشي كامل هاا؟ باغا ترجعي المغرب على ود هداك ؟ هه عاجبك الدل لي كان معيشك فيه ع
قطعاتها نريمان بالغوات : ماما انا مرجعاش المغرب على قبلو انا طلبت منك نرجع باش ندير تما مستقبلي عارفة راسي غنولي مزيانة وغنحس براحة ملي غتكون عندي خدمة ديالي خاصة بياا لي كنت كنحلم بيها من شحال هادي عكس دابا خدامة مع ناس مفهمتش علاش مبغيتيش المهم على خاطرك الا نتي باغا تبقاي هنا انا غنرجع بحالي.
دخلات سمية واقفة ودخلات لبيتها..
داز اسبوع وسمية هضرتها قليلة مع نريمان..
دخلات مع 12 دليل لقات سمية مزال جالسة فصالة كتسناها مهضراتش معاها. مشات نريمان جلسات قبالتها وقالت : انا اليوم سليت الخدمة وهاد السيمانا غنرجع المغرب غنمشي لتطوان المهم بغيتي تمشي يلاه بغيتي تبقاي هانتي هنا انا معندي مندير اماما ومعندك علاش تقلقي مني انا
خلاتها جالسة وناضت طاحو دموع سمية لي تهدات وملقات مدير معاها..
سمية : نسرين جلسي باغا تقراي هانتي غتقراي. غتبقاي مع خالتك منية انا غنصوني عليها ونقولها شكاين.
شافت فنريمان وقالت : بقيتي على خاطرك؟
نريمان : حتا يوجدو لنعيمة وريقات عاد نمشيو
ساطت سمية بعصبية تلفااتها نريمان على القبلة دازت مدة بعدما وجدو وريقات لمعزتها عاد اتصلات سمية ب منية وطلباتها تبقى معاها نسرين تقرا وبالفرحات بغات تخليها معاها شدات الخلصة ديالها من باتيسري لي كانت خدامة فيه ومن عند لمرا لي كانت خدامة عندها فدار وطلقات الكرا ديال الدار قطعو بيي وبداو كيوجدو راسهم لسفر. حتا وصل لنهار لي غيساافرو فيه لبسات حوايجها وجرات شنطات ديالها وريقاتها وريقات نعيمة فصاك صغير محرفة بيه ..
وقف سمسار لابس كسكيطة فوق راسو كحلة فازڭة من جناب بقوة العرق قصيور وغليض كرشو سبقااه وعود فمو كيهضر هضرتو مخربقة بين الريفية وعربية :
وراه متيسعة ومبردة وهاد التمن هاوا هدااك نيت الا جاو عندك العائلة يجبرو فين يجلسو وينعسو
ردت وهيا حالة رجليها كتسوط من حر الشموشات : لا مغيجي عندنا حد شوفلياا شي دار خرا مطوفني هاد الصباح كولو بلا فايدة بغيت شي دار رخص واخا تكون صغيرة
رد : وزيد يلاه نوريك واحد دار خرا
ناضت كتنهج لابسة عباية كحلة مع صندالة عالية وخلخل رقيق فرجلها يمنى شال فالموطارد مع نضرات سوداء وصاك صغير محرفة بيه كيف العادة. دخلها فحي شعبي نقي باين غير من الزنقة ديالو صابغين الزنقة بالألوان مبهجة وكل دار مستفين حداها المحاابق. عجبتها الزنقة وتمنات تلقى دار تما.
صونا فالباب ونريمان كضور عينيها حلات ليهم بنت فالعشرينات
حتا جمعو كلشي كراو بيكوب هزات ليهم داكشي وعطاتو نريمان العنوان. زاد هوا فاللول وهوما شدو طاكسي غاديين موراه حتا وصلو الدار كان طاح الليل دخلات لقات دنيا كتشعل مسيقة وريحة ساني كروا قالبة..
جلسو كيتنهدو بجوج بيهم بعدما فرشو صالة لي غيجلسو فيها وفرشو بيت نعاس دارو فيه غا نموسية وبلاكار متوسط يحطو فيه حوايجهم بيدماا تحرك القضية عاد يشريو الحوايج.
ودخلات مقراج معاها دوشات حيدت العياء من عليها وخرجات تكات فوق السداري وامها فالطواليط حتا هيا كدوش..
هزات تليفون دخلات الانستغرام كتعضعض فشفايفها لقاتو مشافش المسج ومردش عليها فالتعليق لي كانت دخلات ليه..
ساطت بعصبية ومشات مسحت كاع مسجات حيدات ليه آبوني وخرجت من تما حطات تليفون على صدرها كتفكر شنو دير حسات براسها متحمسة لمشروعها وشيئ لي شاغل بالها هوا العمل وانها تشهر ودخل الفلوس وحتا هيا تكون معروفة وعلاش لا مشهوورة اصبح حلم من احلامها ..
حسات بهاد الشي لي كدير غينسيها فجهاد وبغات فعلا تنساه وتبدا حياتها من جديد وتنسى ..
خرجات سمية من الدوش وتكات حداها فالسداري
نريمان : فيا الجوع شنو نجيب؟
سمية : يلاه نخرجو نتعشاو برا شتي ديك العدو د خوك لي مبااانش نهار كامل
نريمان : كان فالبحر هوا وشي صحابو عاد تعشاو وراه غادي يمشي لدار..
رجعو بحالهم دخلات نريمان سمية كتنڭر على اشرف ودخلات لبيت لي مزال خاوي فرشات فيه جوج بونجات فوق زربية صغيرة رمات عليها مخدة وليزار وتجبدات تما لابسة تيشورط نص كم وشورت ديالو شعرها مطلوق ونعيمة حداها كضور
نريمان : اجي احبيبة تنعسي اجي حدايا ..
صباح صباح حلات عينيها وهيا كتفوه كتشم ريحة د اتاي بنعناع وسمية كتعيط من الكوزينة
سمية : صباح خير دوزي غسلي وجهك هانا وجدت الفطور ونوضي خوك نهضرو معاه نشوفوه اش غيدير
هزات معاها طبسيل د كروصان وطبسيل صغير د الزبدة حطاتهم فوق الطبلة ومشات الحمام. توضات وخرجات مشات لبيت لي نعسات فيه لبسات عبايتها د صلاة صلاة الصبح وخرجات كتفطر هيا وامها وينوضو ف اشرف لي حال فمو
نريمان : دايرة مع السمسار غيمشي يوريني صالون لي غنكري
سمية : ايوا على الله هاحنا تابعينك فبلانك نشوفو فين غنخرجو
نريمان : وماااما راه خاص غا الوقت والصبر وكلشي غنديروه
سمية : مهم ضبري راسك انا غنمشي نشوف شي ريسطو ندفع ليهم ديبلوم ديالي على الله نتقبل ونخدم
نريمان : ايوا على الله انا غنخرج معايا نعيمة غتقنط فدار بوحدها
كتزيد تخمم اش غدير فكرات وقررت دير فيس بوك خاص بالخدمة تشهر خدمتها تحط تصاور لي عندها فتليفون وخدمة لي كانت كتخدم ف اسبانيا باش تلقى الكليان. حتا من انستغرام لي كانت دايرة فالاسم ديالو
Naoumty_24
بدلات ليه اسم دارت فيه نريمان الوهابي وكتبات كاع المعلومات عليها وبدات تحط تصاور خدمتها واخا 0 اعجاب بدات كتحط وتحط ودير ابوني لبنات وعيالات لي كيطلعو ليها باغا تعرف
وفالفيس كتصيفط لكاع جروبات شمال وتطوان بالاخص كيف كيقبلوها كتلوح ليهم بوسط تعرفهم بيها وبخدمتها وناس كترحب بيها وطلب عنوانها
نهار بعد نهار كتزيد تحمس وكتسنى الدعم فرشات صالة بالفوطويات وجابت الماريا بطبلة ديالها وكرسي ستفاتهم فالوسط
قبلوها فالدعم وعاد رتاح بالها عونوها بالمطريال لي كان مزال خاصها
داز شهر وهيا غير كتوجد وتعرف راسها بين ناس مدخلات حتا سنتيم من غير الفلوس لي صرفات وضيعات وسمية مزال كتشوفها فين باغا توصل
ستفات شاريوات حدا مرايات 3 مصبوغين فالاسود وكرسي قبالت كل مرايا موراهم الفوطويات صالون على حقو وطريقو
بعدات كملات قررت دير افتتاح صورات صالون ديالها بعدما وجد ودارت بوسط فالفيس كترحب بناس لي بغا يجي يحضر دوموندات على حلويات وعصائر وطارت عرضات على مولات دار لي كاريا عندها وبقاو غير هوما فالصالون وكتسنى شي وحدة من ناس لي هضرو معاها فالفيس يجيو عندهاا وهيا كلها كترعد خايفة ميجي حد. بداو كيطلعو ناس فالدروج وكيسولو على Salon nariman .
دخلو وقلبها كيضرب كترحب باي وحدة جات من وحدة ل 5 ل 10 ل 20 ل 25 وكتشوف ناس كيتزادو تصدمااات خافت داكشي لي حاطة ميكفييش ولكن كفى وشاط وتعرفو عليها وهيا كتوريهم صالون ديالها وتوريهم الديبلومات ديالها لي معلقين فالصالة ديبلوم من عند جوديا. وشهادة من عند نجود كانت عطاتها ليها فالامارات. لي دخل كيشوف نعيمة ناعسة على الكرسي وكيمشي ليها كيبغيو يبوسوها وهيا كتهرب حمقااتهم بزينها وريحتها زوينة ونقية..
داز افتتاح على خير فرحات نريمان وهيا كلها شوق يتعرمو عليها الكليان وتروج الحركة
سمية : راه ديما كندعي معاك سيري الله يعاونك حتا انا نايضة خارجة الخدمة
نريمان : واخا يلاه نخرجو بجوج نعيمة اجي نمشيو.
جات عندها كتجري شداتها من حبل وخرجو مع الباب
كل وحدة شدات طاكسي مشات لخدمتها
دخلات نريمان لصالون حلات باب ديالو وهبطات الريدو لي بالعقيق دخلات لبيت دمكياج كتشوف راسها فالمرايا دارت عكر مبرد كيبري وطلعات ريسيل حيدات الزيف من فوق راسها جمعات شعرها بقراصة ومشات جلسات فالصالون دايرة رجل على رجل على آمل تجي شي كليانة
دازت ساعة.. وجوج وهيا جالسة حتا عيات عينيها مع الباب غير كتنهد وتسوط وتليفون فيديها كتخربق فيه دخلات الانستغرام هزات وحدة من تصاورها كانت فلندن كتبات تحت منها
" كان الأمر أشبه بشعور طفل أبكم، أغلق الباب على يديه، ولم يستطع الصراخ " 🖤
حطات صورتها وبقات كتسنى شي حد يدير ليها اعجاب. هزات صورة خرا مصورة ف اسبانيا فالبحر ودارتها فالبروفيل..
حسات بالخنقة بقوة ماا جا حد حتا هبطاات دمعة من عينيها بضيق مسحاتها حتا جخمطات عينيها ناضت المرايا هزات كريم كتمسح وهيا تشوف فالمرايا جوج عيالات دخلو هزات راسها بالزربة وضارت عندهم
تبسمات بارتياح ورجعات لبلاصتها دوزات نهارها غير كتعمر نهورا وشوف واش يجيو دوك ناس ولا لا. خدمات لسيدة وحدة بروشينغ تخلصات منها 40 درهم بقات جالسة تما حتا وصلات 9 دليل عاد رجعت لدار كرشها ملوية بجوج..
دوزات ايامها هاكا اغلب اوقلت جالسة وقليل الا جات شي كليانة تصاوب شعرها او وحدة خرا تعمر نهارها..
كتحاول نريمان تصبر وتقول كلشي غيتقاد كتحاول متحبطش ومتفشلش وترجع باللور كتزيد تفورصي على راسها باش تزيد لقدام..
~~
ف اقامة بولاية فلوريدا الأمريكية
متكي بالبوكسور فوق كنابي حداه اناء زجاجي فيه التوت كيهز و يحط فمو وتليفون فيدو طالع هابط كيف عادة وتلفازة كبيرة قبالو كيتفرج فالفيلم ويرجع يشوف فتليفون كيقرا لي كمنطير لي فالانستغرام
يلاه بغا يحط تليفون وهوا بحالا تشبه ليه شاف اسم نريمان طاح ليه تليفون من يدو هزو ورجع كيقلب مطلع ليه والو. بقا زايد كيقلب حتا بان ليه اسمها وصورتها لي فالبروفيل وفالكمنطير كاتبة " واش ولدك ؟ "
تبسم جانبيا وناض تقاد فالجلسة دخل كيشوف بروفيلها لي خاوي فيه صور مشيطات ومكياج وصورتها هيا..
سرط ريقو ورجع الكمنطير جوبها بكلمة " وي "
كملات شعر لوحدة من كليانات تخلصات منها ومشات تكات فوق الفوطوي هازة تليفون ديالها وهوا يطلع ليها رد على تعليق. غير شافتو وهيا تجلس مخرجة عينيها
وقلبها غيخرج من بلاصتو بقوة ماا كيدق
ردات عليه ف تعليق وقالت : مبروك الله يتربى بعزك اخويا 🤍
صيفطاتو ليه وبقات كتسناه يرد عليها.
شاف رد ديالها وحط تليفون ساهي فالتلفازة ...
وهيا بينها وبين نفسها كتهضر : شاف تصويرتي واقيلة؟ بفف كون غا درت تصويرة نعيمة بعدا عوتاني يقول تبعاه المرض خميييي انريمان عاد بقاااي ديري لي فراسك بفف..
ردت عليها معصبة : تمارة على الخاوي ايوا هاا مليون وزيادة غا لي حطيتي فيه وشي مدخول مكاين
نريمان : ماما راني مزال جديدة وخاص الوقت باش نتعرف ونتشهر بين ناس وندير بلاصتي ماشي غا بين ليلة ونهار ناس غيتكبو عندي بحال شتاء
نفضات سمية يديها وناضت لكوزينة وهيا كتهضر : صيف لي فيه الخدمة وهاهيا مكينااش والشتاء غتجي وتزيد تموت الحركة داك الساعة شنو غديري ؟ هاا مكتخمييش ابنتي والله ماا كتخممي
سكتات نريمان كضور عينيها وناضت لبيت لي كتنعس فيه بدلات حوايجها لبسات بيجامة قصيرة حد الركبة ورجعت جلست ساهية وسمية كتقلي الفريت
شدت تليفون بين يديها تشوف اخر الاخبار وتقرا تعاليق د ناس على الصور لي حاطة اغلبية كيسولوها على عنوان والاتمنة وهيا كتجاوب كلشي دخلات الانستغرام تشوف اش كاين .. لقات ريم العلوي دايرة ليها ابوني ومصيفطة ليها مسج خرجو القلوبة من عينيها بفرح ودخلات كتجاوبها
ريم : سلام الزين نتمنى تكوني هانية
ردت : اهلااااا ختي توحشتك بزاااف كيف دايرين لباس عليكم كيف دايرة خالتي آسيا خوتك كلشي مزيان؟
ريم : فالانستغرام عاد دارتو وهوا يطلعلي سبحان الله كونت ديالها مسكينة باقا متزوجات
ريهام : توحشناهااا يا ختي والله وفين ساكنة هيا دابا؟
ريم : والله ما سولتها مهم كانت ف اسبانيا واش جات واش باقي يعلم الله
ردت آسيا وهيا قالبة وجهها : خوك مبقيناش حتا كنشوفوه ولا كنعرفوه فين كاين عام هادا يا حسرة ملي تزوج قلب كمارتو فمرا. كيفما كان الحال ديك نريمان حسن من هادي لي مزوج بيها واخا مشفتهاش مباشرة ولكن محملتهاش متسرطاتش لياا
ريهام : يضبر راسو اماما هوا ولفها قاعدة ديما مزوج وديما مطلق دابا يندم
ريم : صراحة كون غير رجع لنريمان مسكينة كتعز عليا والله انا منلومها على والو صغيرة ومعرفاش وعادي اي واحد فينا كيغلط
آسيا : معندنا منديرو ليها الله يسهل عليها . هيا وخوك سلات علاقتهم وكل واحد تفرق فجهة هوا تزوج وهيا دابا دير حياتها
شافت فيهم مرات ماجد وقالت : انا كون جات علياا نعاودو نلاقيوهم شنو قلتو؟
آسيا : سكتي نتي خليه يعوم بحرو واش هوا عمرو خدا راينا ولا دار بيه.. ولا سمع لهضرتي انا لي مو المكتاب فرق بيناتهم صافي بلاما ندخلو راسنا الله يعاونهم
شاف فيه وقال : مالك مكتفطرش فاش ساهي؟
تنهد : والو معنديش الشهية د الماكلة
رد : امم وفقاش غتهبط المغرب؟
جهاد : مزال شهر يمكن ولا كتر غتكون عندي الخدمة
رد : واريانا غتمشي معاك؟
سكت جهاد مطولا هاز تليفون فيدو كيشوف فالمسجات و قال :
خرجات لابسة عباية وصندالتها عالية وشال ملوي بطريقة عشوائية مكياج خفيف وحلقة فالأنف ديالها وصاك كبير فيديها.. وتليفونها فيد خرا دايرة فيه ليزيكوتور وطالعين خيوط حتا وذنيها..
دازت لحانوت خدات قرعة د ماء باردة ومسكة خشاتها فمها وقفات فالطريطوار كتشير لطاكسي وهوا يوقف عليها نفس الشاب ولفات تشوفو وقف عليها ببتسامة
وقال : شنو دابا طوفتينا على النمرة مغتعطيهاليش؟
نريمان : وسير اخاي بحالك انا معندي بو نمرة
شاب : وقبيحة مع راسك شنو فيها الا عطيتيني فرصة نبين لك نية ديالي وبصح باغيك لزواج؟
بان ليها طاكسي اخور وهيا تشير ليه وقف حدا رجليها وطلعات وطلع حتا شاب
نريمان : واش مغتمشيش فحالك ؟
رد : حتا تعطينا النمرة ونهضرو مالك معقدة هاكا
سكتات وطاكسي غادي ورجع قال : اري نمرة والله حتا انا ولد ناس وناوي حلال ومتلقااايش معايا ڭرام د مشكيل
شافت فيه مطولا كطلع وتهبط فيه سرطات ريقها وهيا كتخمم.. شاب مقبول وزينو طبيعي حروفو كحلين شافتو كيهضر معاها بالآدب وقالت علاش لا منعطيش راسي فرصة نتعرف عليه ومنها نيت نسى جهاد لي شاغل بالها ومحمق تفكيرها ليل نهار وهوا راه يكون تزوج والد وممسوقش ليها..
دخلات نريمان رمات صاكها وقالت : واحد الكليانة كتجي عندي كانت كتكمي هادشي لي كاين
شداتها سمية من يديها وقالت : براكة من الكدوب شكون هادا لي كنتي معاه وجاية حتا لهاد الساعة
شافت فيها نريمان وقالت : واش غنكذب عليك ؟ بغيتي صراحة هيا هادي واحد السيدة كتجي عندي لصالون وكتكمي ماما منقدرش نكذب عليك. الا كنت مع شي واحد راه غنقولها ليك
سمية : بتشكيك ) زعمة
نريمان : والله منقدر نخبع عليك
سمية : يلاه دوزي تعشاي. خوك راه ناعس فبيتي لداخل من لي جا من البحر مور المغرب وهوا خامر
قالت وهيا كتحيد شال من راسها : شنو دابا غيبقى غا كيضور وبحر مغيخدم مغيدير لا تكوين لا والو!
سمية : يضبر راسو اجي انا غنسخن العشاء
بدلات حوايجها ومشات تغسل يديها جلسات مع سمية على طبلة غير كتنقب مقدراش تاكل ومقدراتش تقوليها كليت برا. عوتاني غتبدا تسولها معامن كنتي وعلاش وكيفاش. فضلات تسكت..
سمية : خدمتي اليوم بعدا؟
حلات صاك بصبعها الصغير وجبدات الفلوس مطوية غا زرقة على ختها
نريمان : الحمد الله يوم تحركات شوية واخا مكملتش لشي وحدة عصبوني بقوة الهضرة
حسباتهم سمية وقالت : ايوا بعدا 1300 درهم حسن من 300 بوحدها فنهار ايوا على الله تمشي الحركة هاكا
الأناقة كيف مولفة ديما مقادة الحالة وديما نضيفة هيا وصالونها لي كيشعل من الباب..
كيف كل نهار لبسات وقدات وهزات نعيمة بدلات ليها وداتها معاها منها تونسها منها تخرجها حتا هيا تبدل الجو..
كانت الحركة عيانة كليان قلالين لي جاو عندها ولكن واخا هكاك كان عندها امل بالأيام جاية غتكون حسن..
دازت 15 يوم .. نهار تخدم فيه مزيان ودخل غير الزرقة ونهار ميت مدخل فيه حتا درهم..
ولفات على الجو وفنفس الوقت حسات بالضيق وروتين المتكرر ديال كل نهار..
تفكيرها فجهاد مبقاتش كيف كان حولات فهاد الفترة تنساه وتعود على غيابو اما طارق لي ديما لاسقها باغي يخرج معاها وديما كتعطيه عذر عندي خدمة مزيرة ممسالياش عيااانة حتا لغدا وهوا يوميا كيطلبها..
دوزات نهارها مع الكليان واخير وحدة كملات ليها مع ساعة دالمغرب بقات كضور عينيها مكرهاااتش تبدل الجو وتنسى وتمشي حتا هيا تستمتع براسها صيفطات مسج لطارق لي كان مخلي ليها جريدة ومقرتهاش. بعد تفكير قررت تعطيه فرصة منها يتعارفو منها تبدل الجو وتجيب ليل فيديها..
خلات ليه مسج وناضت لمرايا تقاد وجهها جبدات عويناتها بايلاينر وطلعات شفيرات بريسيل وعكر احمر مائل للبرتقالي لبساات دجين ديالها وقميجة الصيفية لي واصلة تحت خصرها مع اكسيسوارات فضية وصندالتها العالية وخلخال رقيق كيبان فرجلها اليمنى.. مشات تشوف واش جوبها لقاتو صيفط ليها وصونى عليها ولكن مسمعاتوش
طارق : انا شوية نكون معاك نجي عندك لصالون
شافت المسج وجلسات كتضور قبالت المرايا تشوف راسها كيف جات. رشاات شوية من ريحتها خشاتها فالصاك وطفات الضواو سدات الباب هابطة فالدروج د عمارة حتا وصلات برا بقات واقفة فباب حتا بان ليها جاي جيهتها شافتو ومشات لعندو مد يديه سلم عليها ببتسامة.. بدلاتو نفس الابتسامة وقال : فين تبغي نمشيو
ردت : يلاه نتمشااو شوية هاهيا واحد الكافي فطريق نجلسو فيها
حرك راسو غاديي ساكت وحتا هيا. شاف فيها وقال : شحال فعمرك الريفية؟
تبسمات وقالت : 24 وانت؟
عوج شنافتو لتحتانية وقال : مبيناش فيك هه انا عندي 28 عام
نريمان : اه مزيان
رد وهوا كيشوف فالارض : واش فحياتك شي حد انريمان؟
ردت بتوتر وقالت : لا وانت
سكت وقال : صراحة نتي لي كاينة فحياتي واخا مزال علاقتنا متطوراتش ولكن عجبتيني
سكتات بدون رد حتا وصلو المقهى وطلعو لطابق الثاني لي كيطل على شارع جلسات كتشوف فالزنقة وهوا قبالتها مراقب حركاتها بعدماا خداو طلبية ديالهم شادة كاس د العصير دلافوكا كتشرب فيه
تنهد وقال : المهم انا سميتي طارق عندي 28 عام خدمة ديالي صباغ وجباس وكنت خدام فالمعمل ولكن مكملتش المهم باش نجيك نيشان انا ناوي المعقول ومكرهتشي نجي نخطبك من داركم ايلا قبلتي
سكتات كتشوف فالطبلة غمضات على عينيها وقالت : انا اطارق مبغاش نتزوج ومكنخممش فزواج دابا انا عندي هدف واحد هوا نخدم ونعمل المستقبل ديالي زواج نسيتو
طارق : علاش شنو سبب! شنو معجبكش فيا باش كتهرب
شبكات يديها وقالت : انا ماشي كنتهرب ولكن بصح مبغاش نتزوج انا خرجت من واحد التجريبة فاشلة منجحتش فيها ومعرفتش ليها مبغيتش نضلمك معايا
خرج عينيه فيها وقال : واش كنتي مزوجة؟؟
حركات راسها بالايجاب وقالت : اه كنت مزوجة وهادي 4 سنين باش طلقت ودابا ممستعداش لزواج كنتمنى تفهمني
سكت معاودش هضر وقالت : انا عارفة راسي غير غنقولك مطلقة مغيعجبكش الحال حيت نتوما فهاد المجتمع كتجيكم المرأة مطلقة فشكل مهم رأيك كنحتارمو وماشي مشكيل هاحنا اصدقاء وخوت
عاود شاف فيها وقال : معليش الا كنتي مزوجة انا عاجباني نتي وباغي نتزوج بيك كون مطلقة ولا ممطلقاش غنخليلك الوقت تفكري فيه على خاطرك مغاديش نزرب عليك المهم الوقت فيدك
شافت فيه ببتسامة وحركات راسها كتخمم فهضرتو..
خرجات ومدات ليه يديها شدها من يديها وقال : انا غنوصلك انا نشد طاكسي
نريمان : لا انا غنمشي بوحدي غير سير نتا اطارق تصبح على خير.
شير ليها على طاكسي حتا طلعات فيه عاد طلع هوا فواحد اخر ومشا
الأجنحة المنكسرة الجزء 14 (الفصل الثاني)
محتوى القصة
التنقل بين الأجزاء