ريهام : تزوج بغينا نقولو ليك هادشي باش متزيديش تعلقي كتر حيت هادشي غيزيد يمرضك وهاد موصيبة د ريم كانت بغااات تجمعكم وكانت باغا توقف معاك ولكن سمعناه تزوج هوا مقال ليناا والو... تزوج الالة بوحدو
صدمة خلاتهاا تشوف ما ترمش تسمع ما تهضر الدنيااا ضاارت بيها وأكدات ليها بلي بصح هيا فهاد الدنيا معندهاا زهر وشمن ربح عندهاا تبقى عايشة
لمن غادي تبقى عايشة حتا واحد فالدنيا مكيبغيهاا وحتا واحد مقريب ليهاا ولا يحن ويعطف عليهاا..
محساااتش براسها دخلات ف انهياار عصبي
من بعد اسبووع وحالها مكفس مكتبغي لا تاكل ولا تهضر غير البكاا اكتئاب ونفسية تحت 0° حاسة بقلبهاا عاطيهاا الحريق حلقهاا مقجوج صدرهاا ضايق عليهاا معارفة راسهاا واش فالسمااء ولا فالأرض..
دخلات لعندهااا جوديا عيااات تحاول تهضر معاهااا ولكن بدون مجيب
كذالك نجود كتهضر وتحاول تخفف عليهاا وتعطيها امل جديد ولكن بحالا كتكب الماا فرملة كيرغبوووهااا ويبوسوهااا غير باش تاكل مبغاتش حتا راسهاا مكتحرحوش ليهم... غير دموع نازلين من جناب عينيها وهيا مركزة فنقطة وحدة قالبة وجهها لجهة لاخرا..
دخل مع باب بخطوات بطيئة. لقاهاا يلاه نعسات بعداات ضربو ليها الشوكة باش تهذن وعطاوها دواء ..
وقف قدامهاا كيشوف فيهاا بالآسى لابس دجين زرق وصبادري بيضااء وقميجة زرقاء بلون سماء وشابو فوق راسو مع نضارات سوداء هاز سوارت فيدو هوما وتليفون.
حيد نضاضر كيشوف فوجهها لي حمرر بحالا محروق بالعافية وجسمهااا النحيف لي زاد ضعاف مع المرض رجعو كيبانو فيهاا غير العضومة مع قلة الماكلة ونفسية مدمرة..
كل حاجة كتوقع ليهاا كتكون فخبارو الممرضة كتوصل ليه صغيرة والكبيرة..
وقف حدا راسها كيشوف فيهاا لدقااائق متؤسف للحالة لي هيا فيها.. رجع خطوات اللور وخرج بحالو.
كان الصديق ديالو واقف براا كيتسناه خاشي يديه فالجيب يلاه شافو خرج وهوا يمشي لعندو...
" حوار بالانجليزية "
روبن : امضراا كيف بقاات؟
رد عليه وهوما هابطين مع الدروج..
جهاد : مزال هكاك عيااانة وضعاافت وزادت مرضات بففف
روبن : مشكيلة ،،
ولكن خاصها تفهم بلي دابا تزوجتي ومتبقااش معلقة بيك كتر.
حيت ماشي وقت الزيارة والوقت متأخر بزاف. عياا يحاول معاه مبغاش فالاخر جلس على كرسي مربع يديه ملقى ميدير يصبر حتا يصبح الحال...
دوز ليلتو مرة جالس حتا كيديه نعاس وينوض مخلوع. مرة ينوض يضور مرة يهبط لتحت. حتا صبح الحال شاف الباب تحل وسيكيريتي تبدل جا واحد اخر فبلاصة هداك د ليل. وصحاب ميناج دخلو ينضفو بيوت مرضى وقف حدا سيكيريتي وقال : ممكن ندخل نشوف نريمان وهبي؟
السكيريتي : مع 7 غتكون زيارة وديك ساعة دخل..
حرك راسو شاف الساعة لقاها 6:30
بقاا كيضور حتا وصلات 7 وشاف ناس داخلين.
دخل مع ناس كيقلب على غرفة 22. حل باب ودخل لقاهاا فايقة
امين : وقوليلي شكون هواا بعدااا... واش هداك لي هضرتي لياا عليه؟ نريمان قوليلي واش هواا لي قلتيلي عليه..
حركات راسها بالايجاب شاف فيهاا بحزن وجلس جنبهااا كيشوفهاا كيفااش كتبكي عليه والعافية شاعلة فصدرو. وبينو وبين نفسو كيقول سعداااتو عطياه هاد الحب كامل وكتبكي عليه..
حاول يخفف عليها ويواسيهاا بزز منو وهواا محاملش الوضع ولكن معندو ميدير بقاا معاهاا دخلو ليها الفطور مبغااتش تفطر عطاوهاا الدواا. خلاوهاا تنعس وخرج امين بقاا واقف براا ملقى ميدير مشااا فالشارع كيضور ويشوف فالناس لي غادي والجاي..
فالزيارة د العشية جاو يشوفوهااا نجود وجوديا وحتا امين دخل فيديه بنان وعصير.. وجلس جنبها وجوديا ونجود كيشوفو فبعضيااتهم. عرفاتهم نريمان عليه وجلسو كاملين بيهم معاهاا.
حتا تسلات الزيارة.
مشاو بحالهم وخلاوهاا دوزات ليلتهاا بوحدهااا وكتقول بينهاا وبين نفسهاا انه غيجي يشوفهااا ليل كولو وهيا فايقة. حتا داهاا نعاس. وصباح اول واحد جاا هوا امين.. وفعشية نجود وجوديا..
دوزات 20 يوم وهياا فالمستشفى وطيلة هاد الفترة مجااش لعندهااا ولا حتا اتصال ولا اخبار. من غير ريم لي جات لزيرتهاا مرة وحدة جلسات معاها شوية ومشات...
زادت مرضت كتر، ونفسيتهاا غادة وكترجع اللور بالهاا كولو معاه. وتخيلاتهاا كلها راه مع مراتو راه راه مساري راه مسافر راه عايش الحياة صافي مبقاااش مسوق ليها.
حيدو ليها كولي من عنقهاا وحيدو ليها الجبص من الكتف داليد اليمنى وخلاو ليها الحديد لي دايز من المعصم د اليد حتا الكوع.. بصعوبة باش كتهز يديهاا.. اما اليد اليسرى بالجبص من الكتف حتا لكوع وبدات كتحركهاا وتهزهاا واخا مزال محيدو ليهاا الجبص..
رجلين بجوج مزال مكتحركهمش ..
جالسة قدامها جوديا شادة تليفون فيديها شافت فيها نريمان
غلا : بالآسى) بصح عندك الحق نتاا كتبغي ديك الكاورية لي تزوجتي بيهاا ياك؟ ايمتاا العرس عندك؟
جهاد : غلا شنو بغيتي داباا؟ هااا سوقك نتزوج ولا نجلس نتي مالك
غلا : بغيت نعرف ولا ماشي من حقي؟ زعمة بالزربة بغيتي تزوج بحبيبتك القديمة ؟ ودغيا درتو العقد وبغيتو تزوجو..
جهاد : دابا نتي شن خصك لاش جايا؟ وعلاش كتسولي؟ ومن بعد سوقك؟
غلا : حرام عليك اجهااد اناا فاش قصرت معاك وشنو الحاجة لي قلتيلي ومدرتهاااش علاش كتعامل معايا هاكاا. علاش جايب وحدة خراا فبلاصتي
جهاد : بستفزاز) بغيت نبدل مبقاش عاجبني الحال معاك
غلا : بحزن) علاش اناا فاش قصرت اجهاد اناا ديماا ليك وف اي ساعة بغيتيني
جلسات حداه قربات لعندو كتر حطات يديها بيضااء المزينة بالذهب على صدرو وعينيهاا قدام عينيه : اناا ديالك ف اي وقت وف اي ساعة عمرني قلت ليك لا على شي حاجة ولا عمرني حرمتك وخليتك تشوف فوحدة خراا امم
حيد يديها من على صدرو وقال بتكبر وهوا كيشعل الكارو ديالو : مبقااش داكشي ديالك مقنعني بغيت نبدل بغيت شي حاجة جديدة
شافت فيه بشهوة وقالت : نتا عارف المرا صعيب عليهاا تبقى بلا راجل وانا اجهاد بغيت نبقى معاك عفاااك تزوج بيااا اناا كنترجااك عفاااك متخلينيييش هاكا..
شاف فيها بلا مبلاة وضور عينيه لجهة خرا...
حطات يديهاا من جديد على صدرو كدوز يديهاا فوق الزغب وكتشوف فيه بشهوة..
غلا : تزوج بيااا اجهااد عفااك مقدراااش نصبر بلا بيك ومقدراااش نعيش فدارنا حياتي كلهاا. اناا بغيتك نتا بوحدك.
كيجيوني خطاب خرين ولكن مبغيت حد من غيرك عفااك اجهاد
حيد يديها وقال : بصرامة) غلا اناا مزال كنحتارمك على وجه الوليد ديالك انسان محتارم ومن خوفو عليكم مكانش كيخليكم تخرجو نتي ابنت الناس كنتي فداركم محبوووسة وغير تزوجت بيك ولقيتيني عاطيك الحرية والطوموبيل ولي بغيتيهاا تزادو فيك 10
تصوري معايا نمشي نقول لباك دوك الفلاشات لي كنتي كديري معايا ودوك فضاايح لي درتي مور ضهري غير اناا كنسافر ونتي مكتخلي مااا ديري! وتفششتي علياا بلا قيااس كان عاجبك الحال ياك! كنت صابر عليك ونتي كنتي كتزيدي فيه. وحتا ملي حملتي بولدي وطرا بيناتنا سوء تفاهم قررتي ديري كورطاااج. وهادشي غير باش تستفزيني وتشديني لعندك باش نبقى تابعك.
سمعي لي درتيه نتي خلاني نتصدم فيك صراحة الوليد ديالك ميستاااهل تكون عندو بنتو بحالك.. بنات الليل ومدايرينش هادشي لي درتي نتي.. ونتي بنت داركم وكبرتي ف احترام ومربية ومخلقة وخرج منك هادشي كاامل. شوفي اخر مرة تجي عندي سمعتي واخر مرة نشوف خليقتك..
ومن احسن تزوجي باش تلقااي لي يبرد عليك شوية. اولا الا ملقيتيش ( هز صبعو) قضي بهاذا ( غمزهاا)
غلا : بصدمة ) شهاد نيفووو كتهضر معايااا بيه؟
جهاد : بسخرية ) هه خرجي عليااا حسن متشوفي وجه اخر معاياا راه طالع لياااا هاد الخزز لراسي..
هضرات بصوت مبحوح ودموع هابطين من عينيها الهضرة بزز باش كتخرج ليها..
صافي اجهاد سير متزيدش تعذبنيي كتررر.
واش كتجي تشفى فياا؟ هاااا اهئ اهئ اهئ
ولا كتجي تحك ليااا على ضبرة وتمشي!!
ياك مزوج وبمراتك وعلاش كتجي تشوف نريمان صافي درتي فيها خير ربي غيجااازيك عليه اهئ اهئ انا معندي باش نجااازيك ولا باش نعوضك على هادشي لي درتي فيااا. ربي لي غيخلصك على كل خير درتيه فياا.. صافي غير سير بحالك دابا اهئ اهئ
جهاد : بصرامة) نريمان واش اناا واعدتك بشي حاجة وموفيتهاش؟؟
واش اناا ضحكت عليك!
او استغليتك!
او قلت ليك انا كنبغيك وخليتك تعلقي بيا ؟
ومكملتش معاك وسمحت فيك!!
كنضن لو كنتي صرحتيني مكانتش الامور غتكون هاكا.. يمكن كانت غتكون كيف بغيتي نتي.
واخاا انا كنحسبك صديقة وانسانة عزيزة علياا لا غير..
أيام روتينية كدوز فالمستشفى عند نريمان دوزات 3 اشهر وزيادة من نهار لي دخلات فيه . بدون حركة مكتنوض ما والو غير متكية.. ديك المدة سفرات فيها جوديا رجعات للعمل ديالها ويوميااا متبعة مع نريمان شنو كدير وشنو خاصهاا...
مرة مرة كتجي تزورهاا نجود. واغلبية كتجي عندهاا جونة لي علاقة تطورات بيناهم ورجعات بيناتهم محبة كبيرة وصداقة قوية.. هيا الوحيدة لي كتونسهااا فوقت الزياارة
هزات تليفونها حلات ويفي وبداو المسجات كيوصلوهاا ..كتسنى مسج من عندو ولكن بدون جدوى. من نهار لي خرج من عندهااا. ودازو ايام وشافت اتصال ديالو تقطع قررات تصيفط ليه مسج تسول فيه. من داك النهار مشافتو دخل الواتساب ولا قرا المسج ديالهاا.. دخلات الفيس بوك بدلات اسم فيسبوكهااا ودارت اسمها الحقيقي. صيفطااات ليه عرااام د مسجااات. ولكن مدخلش نهاائيا واخاا كتشوفو اون لاين من ليل ليل وقليل فين كتشوفو مكونكطي فنهار. معمرو دخل المسج ديالهاا..
قطعاتها ) الا بغيتي تنساي خويااا من حقك ولكن اناا شنو درت ليك! اش دخلني فداكشي
نريمان : اناا بغيت نساااه فمراا وبغيت نسااا اي حاجة كتجي من جيهتوو باش نقدر. غير كتجي نتي او كنتفكرو كنمرض. اناا بلوكيتو من الفيس باش ماشي كل مرة ندخل نشوف صافي بغيت ندير حد لهادشي.
ريم : واناا معاك فهاد القرار ومن احسن متخليش املك كولو فيه. شتي حناا ومعارفين عليه والو لا فين هواا ولا شنو كيدير وكيف قالت ليك ريهام ملي جيناا لعندك هوا فشكل وعمرك تقدري تفهميه دونك من احسن بداي من جديد. انااا درت جهدي والله باش نجمعكم بجوج وبغيتك ليك قسماا بالله الا بغيت نجمعك معاه وعارفة كون بغاك هوااا وتزوج بيك عمرو ميندم ولكن اختي ممكتابينش لبعضيااتكم..
اناا عرفااك كتبغيه وصعيب عليك تنسااايه وبالخصوص فهاد الوضع. كن كنتي غااا بصحتك كنتي تقدري تسافري وتخرجي وتصاحبي وتبغي واحد اخور وتنساايه فمرااا بحالا عمرو مااا كان ولكن مدام نتي فهاد الحالة وهاد النفسية واه مغاديش تقدري تجاوزي هاد الحالة وتنسااايه بهاد السهولة...
نريمان : تنهدااات ) اول مرة شي وحدة تفهمني وتحس بيااا هانتي قلتيهاا يريت كن كنت غا بصحتي. واناا بين 4 حيوط بلاماا نعاودلك نفسيتي كيف دايرة وافكار والوساويس
ريم : بلامااا تقوليلي عارفة ومغاديش نلومك. اول حاجة كن كانو والديك معاك كنتي غتحسي بالحنان ديالهم ومتسوقي لحد.. زيد عليها
خوت ..وصحاب والخروج تعيشي حياتك متسوقي لحد. ولكن عضراااك انريمان وماشي ساهل هادشي لي داز عليك. حناااا غير كنهضرو نتي لي كليتي الدق صحيح وعشتي هادشي لي ميقدر يعيشو حد. اماا حنا منقدروش حتا نتخايلو راسناا فديك الوضع عسااك نتي لي عشتيه..
خرجات عندهم جونة حطات السينية على الطبلة ورجعات بحالها...
نريمان : داكشي لي عشتو اختي صعيب بزاف. متقدريش تنعسي على جنبك متقدريش تجلسي بحال الناس متقدريش توقفي حتا الحركة ميمكنش تحرك رجلك ولا يدك. كنت كنبغي غير نحك شي بلاصة كتاكلني مكنقدرش كنت نتمنى غا نمشي لطواليط ونقضي حاجتي بلا دوك تيواات لي كانو كيديرولي العداااب وتخايلي نهار لي جاتني فيه الدم كنت غنموت بقوة الحريق وعاد مقدرت نقولها لحد حشمت كنحس براسي فازكة ومقادرة نقول لحد اجي بدل لياا ولا اجي دير ليااا فوطة. حشمت ولي قرب لياا كيبغي يبدل لياا حوايحي كنقولوو لا. حتا جات جونة هيا لي زعمت نقولهاا ليهاا وحتا هيا مسكينة عوناتني جمعات لياا حوايجي لي توسخو وفراش لي تحت مني عاد قدرت نمسح وندير راسي فوطة بصعوبة ويدي كتقطعني بالحريق. وكيكون فيااا الجوع وباغاا ناكل بيدي ولكن مقدراش ضروري يوكلك شي حد واقف قدام راسك بحال بوليس كتاكل بالزربة باش ميزعفش عليك وشحال من مرة مكنتش كنكمل مكلتي كااع.
حنات راسها ريم ودموع هابطين من عينيهاا كتسمع لكلامها.
نريمان : انا اختي معمرني بغيت شي حد ولا ربيت الكبدة على شي حد بالعكس ديمااا كانو كيقولو ليااا معقدة حاسة براسك ومنعرف شنو مكنت كنعطي الفرصة لحتا شي حد لا يتصاحب ولا حتا يهضر معايا. كنت معقدة من زواج ومن الحب ومن رجال فمرا.. ولكن ماشي بيدي حتا بغيت جهاد. وعرفتي حتا هاد تليفون لي فيدي شراهلي جهاد نهار لي كنت عندو وحتا هواا لي كنشوف فيه كنتفكرو. دابا بغيت نساه اختي بغيت نساه فمرااا وقررت اختي عمرني نعاود نهضر معاه واخا نطلقااه
روبن : دابا نتا سديتي على كلشي!! مالك اصاااحبي على حاالتك. مطلق اللولة الثانية يلاه مزوج بيهاا مزال حتا متجمعتو فدار وحدة طلقتوو ..
هادي لي كتبغيك نتا ممسوقش ليهاا. كنخرجو نقصرو ونفوجوو كيدوزو حداك بنات غا زوينااات مكتشد فيهم حتا وحدة مالك اصاااحبي شاد على راسك هاكاااا عيش حيااااتك وبلاماا تزوج كاااع
جهاد : روبن كنخرج غاا نبدل الجو مباغي لا وحدة لا جوج اناا قلت ليك طلع ليااا كلشي فراسي مباغيي لا زواج لا حب لا داكشيي...
روبن : و...
جهاد : وصاافي اصحبي قلب الموضوع
روبن : وصااافي هاناا ساكت.. بفف
روبن :
#فلاش_باك
جالس فالحديقة دالمنزل ديالو متكي على فوطوي ..
جسم رياضية عاري لابس غير شورط وصندالة دصبع فرجليه .
جنبو فنجان د قهوة فوق طبلة خشبية صغيرة..
قبالتو واقف روبن لابس تيشوط وشورط قصير واقف علئ الآلة الرياضية كيتريني فيها ..
هز تليفون دوز نمرتها لقاها طافية , عاود مرة خرا نفس الشيئ..
جهاد : تليفون طافي
روبن : وشنو نوع صداقة لي بينك وبينها ؟ واش عادية زعمة ولا...
جهاد : عادي معرفة وعزيزة عليا لا غير
روبن : زعمه ؟ غير جات هياا وبغاتك غير هكاك !!!
جهاد : بعصبية ) متندمنيش حيت هضرت معاااك
سجل ليها اوديو بالعربية وقال : نريمان لباس عليك؟ انا قريت المسج ديالك ومعرفتش شنو نقوليك مهم ملي تفتحي تليفون نهضرو..
يلاه حط تليفون وداير يديه على لحيتو وروبن حداه كيهضر... وصلو مسج مباشرة دخل قراه لقاه من عند نريمان كطلب المساعدة ديالو ناض من بلاصتو دوز نمرتهااا كيحاول يصوني لقاهاا طفات مرة خراا.. مباشرة اتصل بالبوليس ودخل لداخل وروبن تابعو باغي يعرف شنو كاين. عاود ليه على مسج طلع لبس حوايجو بالزربة ورجع هبط وروبن موراه طلعو فالطوموبيل وخرجو بالزربة...
فلاش باك
تسمع صوت مجهد وشي حاجة تخبطات مع الأرض..
جميع لي كانو فديك الإقامة خرجو كيجريو شي كيطل وشي كيلبس حوايجو وشي خرج غير بليزار ملوي عليه .. وشي مسمع والو مستمتع فممارسة الجنس...
كانت الدورية د الشرطة كضور فديك اثناء
وصلاتهم خبر شابة انتحرات توجهو نيشان لعين المكان كانو الاشخاص لي فديك الاقامة خارجين هاربين كاين لي فلت وكاين لي تشد وكاين تخبع ولكن التفتيشية من بعد البحث القاو القبض على الجميع
..
وقف بسيارتو هوا وروبن خرج بالزربة لقاو الاسعاف هزو نريمان مغطيينهاا برداء أبيض.. والدم سايح فالأرض من قوة الصدمة مقدرش حتا يرمش عينيه...
وشرطة محاصرة المكان ممنوع يقرب شي حد..
ناس مجموعين مجوقيين كل واحد كيطل من جهة باغي يعرف اش كاين..
رجع لسيارتو وروبن هوا لي ساايڭ حتا وصلو المستشفى وبقااو جالسين كيتسناو رد الطبيب على الحالة ديالهاا. وكل خوفو هوا يسمع مااتت..
شاف فيه طبيب بالآسى وقال : لا ماا ماتتش ولكن دخلات فغيبوبة تقدر تخرج منهاا عايشة ويكتاب ليهاا عمر جديد وتقدر لا. مع الأسف هاد الحادث تسبب ليهاا فكسر على مستوى اليدين والرجلين وضربة فالصدر والعنق حالتها حرجة بزاف كنتمنااو ليها شفااء وحنا دايرين كتر من جهدنااا..
شاف فيه جهاد بحزن وقال : عفاااك دير جهدك وكترر من جهدك اناا كنتيق فيك
ابتسم الطبيب وقال : سي جهاد سبق ليا وعالجت الحالة ديالك ملي طرا ليك داك الحادث واناا دابا غندير جهدي وكتر باش ترجع كيف كانت وحسن ..
جهاد : شكراا بزاااف..
انصرف الطبيب وجلس جهاد على كرسي وجنبو روبن..
روبن : بقاات فياا هاد بنت
هز جهاد التليفون ديالو ودوز نمرة د جوديا اتصل بيهاا المرة اللولة مجوبااتش المرة الثانية عاد جوبات ..
جوديا : الوو جهاد؟
جهاد : خصك ضروري تجي
جوديا : علاش ياك لباس شنوو كاين!
جهاد :+ نريمان بين الحياة والموت معرفنااش الساعات لي جاية شنو غيكون مهم اجي الا باغاا تجي.
من قوة الصدمة مقدراتش تهضر. كيسمع غير بكاهااا. قطع المكالمة وناض خرج وروبن موراه...
#عودة_إلى_الحاضر..
بعد أسبوعان
جالسة نريمان فبلاصتها كيف عادة. شادة مذكرة صغيرة كتكتب فيها رجع بيها الحنين لأيام زمان ملي كانت فالحسيمة مع فضيلة وسعاد. ملي كانت كتكتب خواطر فدفتر د جوج دراهم وتخبعو فوسط حوايجها فداك الماريو لي كانت عندو غير باب وحدة مهرسة ..
جالسة كتكتب بداية
" سلاما على قلوب تكسرت وماتت بها المشاعر بريئة حتى اصبحت صامتة لا تشتهي سوى الراحة والعزلة ونسيااان "
يلاه بغات تزيد تكتب وهيا تسمع الاشهار فالتلفازة واسم جهاد داز مع وذنيهاا هزات عينيهاا بالزربة وهيا تشوف اشهار دياال حلقة من برنامج منى الشادلي كتستاضف جهاد ف أحد حلقااتهاا..
حلات فمها وهيا كتشوف بعض مقاطع ديالو ف مهرجانات والحفلات وهوا كيلبس نجوم عالميين،، ولقطات صغيرة من حلقة ختماتها المذيعة ب كلمة ...
شدات نريمان فيديها وقالت ودموع فعينيها : والله حتا متقلة عليك بزاف ولكن والله كنواعدك غا نوقف على رجلي سيري نتي رتاحي سافري ديري لي بغيتي واناا والله العظيم الا غنشد فالخدمة بحالا نتي لي فيهاا
نجود : وحتا اناا هادشي لي كنتسنى هه تهزي علياا شوية راه عييت..
شدات عليهاا الباب ومشات الحائط لي فيه تلفازة من بعد ماا خرجات من المستشفى لقات نجود دارت ليها تلفاازة تفرج فيهاا الا بغات تبقى فبيتها... وقفات بصعوبة شعلااتهاا هزات تليكومند ورجعات بالكرسي لفراشهاا. جلسات فطرف نموسية قبالت تلفازة شعلاتهاا ودارت القناة لقات اشهار مزال.
بعد قليل.. برنامج منى الشاذلي يستضيف المصمم العالمي جهاد ..
حطات يديها على قلبها لي كيضرب بالجهد. كتشوف قوة اشهارااات باغاهم غا ايمتاا يبداو.
شوية بدا البرنامج..
والجمهور كيسفق
ومنى كتقدم..
مساء الخير.. ضيفناا اليوم اسم لامع فعالم الموضى وتصميم الأزياء دخل لهاد العالم من بابو العريض رغم سنه الصغير
جهاد علمي العلوي ولد ف نيويورك سنة 1988 من اصول مغربية بدا دراسة تصميم ازيااء وصقل موهبته فسن صغير . غادر نيويورك ليستقر ب لوس انجلوس ويكمل تما دراسته..
وبعد دراسة وسنوات من اجتهاد وقع جهاد تصاميم عديدة من اسماء البارزة في قائمة المشاهير وتشبت جهاد بحلمه وافتتح اول محل باسمه لعرض اخر صيحات الموضة فصارت علامته التجارية اختيار الكثير من المشاهير فتحول الى اول شخص من اصول عربية " لبيفرلي هيلز " شيئ لي جعلو يتعامل مع اشهر الأسماء العالمية منها جينيفر لوبيز.. ايفا.. لونغوريا.. ليدي ڭاڭا.. مريم أوزرلي.. وايريكا مينا .. وغيرهم من نجوم
شافت فيه ببتسامة عريضة وقالت :
جهاد مرحبا بيك معانا..
جهاد : شكراا على استضاافة
منى : مرحبااا بيك واليوم حلقة خاصة بيك باش نتعرفو كتر على حياة جهاد المهنية والشخصية
جهاد : مرحباا
منى : نبداو معاك من اول كيفاش عاش جهاد طفولة ديالو ههه هاد القضية كلشي كيبغي يعرفهااا على الضيوف ديالناا واش حتا نتاا كنتي مشاغب ولا شخص هادئ هه
لمعو عينيهاا وهيا كتشوف ملامح وجهو.. كان لابس سروال فالأوسد وقميجة حتا هيا فالاسود مفتوحين جوج صدايف ديالهاا جالس بعفوية متكي على الفطوي. ومشبك يديه وابتسامة خافتة على وجهو..
جهاد : طفولة زادت زوينة واناا من نوعية اطفال مشااغبين بزاف صراحة كنت خايب فصغري وعصبي
بعد نص ساعة من برنامج ونريمان حاطة مخدة على حجرهاا ويديها فوق منهاا كتفرج. سولات منى جهاد وقالت : ورجعنا من بعد الفاصل باش نكملو حلقتناا جهاد سمعنااك انفصلتي على زوجة ديالك الأولى ومن بعد تزوجتي مرة خراا. وهادشي نتا مصرحتييش بيه مجرد كلام داز ولكن نتا مهضرتيش عليه واش هوا خبر صحيح ولا مجرد اشاعة...
تما خرجات نريمان عينيهاا بصدمة وقالت بينها وبين نفسهاا : مزوج؟؟ مراا اللولة!!! كيفاش هادشي اويلي هواا مزوج جوج!!..
هبطو الدموع من عينيهاا وهيا كتسمع شنو كيقول.
جهاد : مكنبغيش نهضر فهاد الموضوع وكنفضل حياتي الشخصية وهاد المواضيع يبقاو بعاد على سوشل ميديااا من احسن..
ساط من مناخرو وقال : هادشي كنفضل منهضرش فيه.. وغير باش نجاوبك غتقولك الحياة قصمه ونصيب الشخص ملي مكيتفاهمش مع الطرف الاخر كيكون الحل الوحيد هوا يتفاارقو ويبقاااو اصدقاء وتبقى ديك الصورة زوينة بيناتهم. وهادشي لي طراا ليااا..
منى : الحب فحياة جهاد؟
جهاد : امم حاجة ضرورية فالحياة
منى : بكل صراحة جهاد كيعيش شي قصة حب جديدة..؟
حرك راسو بالنفي : لااا ونهاائيا
منى : تقدر تكون من بعد!
جهاد : لا مكنضنش
منى : علاش هاد جواب؟ ناس لي كيكونو كيجاوبو هاكا اجهاد كيكونو مجروحين بزاف من الحب! نتا مجروح من الحب؟
جهاد : فالواقع مزال ملقيتش ديك انسااانة كيف بغيتهاا اناا
منى : همم ذوقك صعيب. كيفاش بغيتي شريكة حيااتك تكون شنو هواا النوع لي كيعجبك..
جهاد : مكنضنش غتكون!!
هزات حاجبها وقالت : ناس لي غيكونو كيتبعو البرنامج غيقولو هادا غرور من جهاد علاش زعمه هاد بنات لي فدنيااا حتا وحدة فيهم مفيهاا المواصاافاات لي باغي نتاا؟
معجبوش كلامهااا ورد عليهاا بصرامة : اي واحد معاارفكش غيقول غرور ولكن الواقع هوا هادا
اغلب الفنانين كيداعيو انهم فرحانين وعلاقتهم الزوجية بحال روميو وجوليت ولكن الاا جيتي تشوف الواقع ديالهم غيبانو ليك شي حوايج خرين. انا انسان مكنتصنعش ومكنبززش على راسي شي حاجة انا ممرتاحش فيهاا وو
مكملش كلامو طفاات التلفاازة وطلقاااتهم حرييين
نريمان : والله لا عودت فكرت فيك صااافي اناا غنديير حد ياربي كرهنييي فيه يااارب حيدو من بالي يارب نسيني فيه بحالا عمرني عرفتوو ولا شفتووو يارب ياااارب عونييييي نسااااه ياربي راه مرضنيييي فنفسيتي ياربي نسي فيه دابا قبل من غداااا يارب
حطات يديهاا على وجهها كتمسح الدموع لي فيهاا ممهنيهااا يديهاا كيااكلوهاا وقلبهاا غيخرج من بلاصتوو وعقلهاا كيقوليهاا شعلي تلفااازة شعلي شوفيه شنو مزالل كيقول
تكات على فراش كتبزز على نفسهاا متشعلهاااش ومتكملش الحلقة كاااع. فصراع بينهاا وبين قلبهاا وعقلهاا
فلاخر ناضت شعلات التلفازة لقات البرنامج سالا يلاه كتابة طالعة
رجعت طفاتهاا وقالت : يللااه هاهوا سالااااا ويلاه بردووو الحمد الله لي سالا اناا مبغيتش نبقى نشوفووو اناا مخصنيييش كاع نبقى نجبد سميتو حتا بيني وبين نفسي. صافيييي نسا انريمان نساا ونساا الله يعطيني الموت ياربي غا نموت ونتهنى اهئ اهئ
حطات راسهاا على المخدة باغا تنعس وحرام النعاس واش جااا طل عليهاا وعقلهاا كينغزهاا من جيه وقلبهاا من جيه كيقوليهاا شعلي تليفون صيفطييي سولي فيه
جربي دابا بحال والو تزدق ليك
حتا كتهز تليفون وترجع تحطو
حتا تبغي تنعس وترجع تفيق
تمنات لو كان هاد القلب بين يديهاا تفرسوو على هاد التمرميدة لي مرمدهاا دوزاات ليلتهاا صعيب محاستش فيهاا براسها ايمتا نعسات
ناضت قبل 8 فيقااتها نجود
فطرو مجموعين وخرجو داتها لحصة ترويض ومن بعد خرجو تغداو براا دوزو وقتهم كيتسراو جنب الكورنيش
كانت خدات ليهاا نجود عصياات خلاتهم ليها فالدار. حولات توقف بيهم ولكن مقدراتش كتكون علاين طيح. رجعات الكرسي وتسنات حتا الحصة الثانية . هبطات هيا وجونة كيف عادة
طلعو فالطاكسي وقفهم فمركز ترويض
وبدا الطبيب لي مكلف بالحالة ترويض ديالها هواا لي كيروضهاا باش تمشي بالعصا مقدراتش والحريق مجهد فرجليها بحكم الكسر لي كان فرجليها اليمنى عضم تهرس على 5 د مرات وكان صعب باش يبراا دغيا عكس الرجل يسرى لي بدات تقدر توقف بيهاا ولكن ماشي بزاف دغيا كتعيااا
حولات تمشي بالعصااا ولكن مقدراتش واكد عليهاا انهاا تحاول وداكشي لي كان مرة كتمشي بالعصى بزز ومرة كتمشي بالكرسي
راه اناا واخاا نخدم حياتي منقدرش نوفي حق ديالك انجود سمحيليا بزاف وربي لي غيجازيك واناا مخصني لا ريال لا جوج
نجود : وشدي شدي باركة من قوة الهضرة حتا تولي لباس ويحن الله.
رجعات نريمان دفعات ليهاا داك الجواا وقالت : والله مناخدهم ولا يجيو فيدي اناا دابا غنخدم باش نقدر نرد ليك شوية.
قطعااتها : نريماااان لوااااه را..
قطعاتها : شوفي صافي هضرة وحدة اناا والله لا شديت هاد الفلوس خيرك عمرني نساه ويلا بغيتي تزيدي تعاونيني هيا خليني نخدم ومتبقايش تجبديلي حس الفلوس اصلا نتي ممخلياااني مخصوصة من والو اذن بلامااا تعطيني
بقاااو مني منك حتا رجعات نريمان لنجود فلوسهاا
يومياا كتمشي الخدمة. وفديك ايام نجود كانت مشطونة بزاف مع الشوتينغ لي كان عندهااا. خاصهاا تخدم لبعض الفنانات وكانت خاصهاا تعامل مع شي مصمم اول واحد جاا فبالهاا هوا جهاد
هزات السماعة اتصلات بيه
نجود : ولاهيلا اول واحد جاا فبالي هوا نتااا وحيت تبارك الله خدمتك لا يعلى عليهاا بغيت نتعاامل معاك
جهاد : مرحبااا بيك اجي ايمتا مبغيتي
نجود : نجي عندك غدا؟ معاياش تكون مسالي؟
جهاد : ديك 11 د صباح اجي غتلقااايني تما وشوفي لي بغيتي
جونة : وهياا، معرفااش بلي نتي عارفة كانت كتبغيه يعني مفراسها ميتعااود معندهاا متقول.
نجود : لا لاااا انااا من قوة التلفة والتوتر محسيتش براسي حتا قلتهاا ليهاا. ونسييييت فمرااااا والله مبقى فبالي اناا غنقووليهاا بلاماا تمشي من احسن باش منحرجهااااش
جونة : صراحة الا بغيتي تسمعي مني غير ديهااا الا كانت مزال كتبغيه راه غتبان عليهاا ويلا كانت بصح نساتو ومبقااش فبالهاا راه باينة مغاديش تسوق ليه غيررر ديها معاك ..
خرجات من الكوزينة ومشاات لبيت لعند نريمان لقااتهاا كتصلي على الكرسي ديالهاا..
خلاتهاا ومشات...
تجمعو على الطبلة كيتعشااو وهضرة ضايرة غير على الخدمة والشوتينغ لي عند نجود. مطولووش فالهضرة بزاف. نريمان من شدة التعب كلات شوية شربات دواهااا ودخلات لبيت طاحت طيحة وحدة. حتا صبح الحال.
نجود : نريمان راه باينة كيعجبك جهاد رونك بلاماااا تخبعي او تكذبي او دخلي وتخرجي فالهضرة. كلشي باين من ملامح وجهك لي فاضحييينك واخااا كتبغي تخبعي راك غير كتفرش راسك.
شكات نريمان ف جونة غتكون عودات ليهاا. شافت فيهاا وقال : قالهاا ليك شي حد ياااك؟؟
نجود : بنكران) مقالهاا ليااا حد ولكن راها باينة انريمان واش حسابلك انا مزال صغيرة مغادي نفهم والو ؟ راه كلشي باين!!
جهاد : روبن انااا منبغي حتا وحدة دخل عندي هنااا ومديرش ليااا بحال مراا خراا جايب ليااا هاديك. هاد الدار منبغي حتا وحدة دخل ليهاا
روبن : مقدسة عندك هاد الدار هههه
جهاد : بفف ونوض سير خليني جالس بوحدي
روبن : هاهوااا غادي غير نقص شوية من تخمام هههه
ناض روبن مشااا وبقا جهاد متكي. فبلاصتو المعتادة على ضواء خافتة .. دخل البوم صور وجبد منو صورة د نريمان كانت عاملاهاا فالبروفيل ومع بروكرام عندو فتليفون اي تصويرة شافهاا كدخل عندو نيشاان ل ڭالري...
بقات عندو صورة ديالهاا وممسحهاااش. شد تليفون بين يديه كيتأمل ملامحهاا البريئة وابتسااامتهاا جميلة..
نريمان : واخاا رااا ( بتوتر) راه جاا جهاد وجاب ليك شي حاجة قال كنتي موصيااه عليهاا.
نجود : امم مزيان قالك شي حاجة ؟ ههه
نريمان : لااا لاا شنو غيقولي حتا حاجة.
نجود : هههه واخاا ويلاه نمشيو معندنااش الوقت.
خرجات معاهاا ومشاو نيشان وقفو قدام اوطيل فخم..
دخلو لقاعة كبيرة فين غتبدا نجود، الفنانين بداو كيجيو. كيسلمو على نجود بطريقة راقية وكلام موزوون. ونريمان حالة فمهاا فيهم وكتشوف فيهم باعجاااب كاين فيهم لي كتعرفو وكاين لي اول مرة غتعرفوو. فرحات بزاف حيت كتشوفهم مباشرة وحتا هوماا كيهضرو معاها وكيتعرفو عليها. وزادت نجود كتعرفهم عليهاا وكتشكر فيها وتعاااود...
بداو الخدمة ونريمان واقفة كتسااعد نجود واقفة بصعوبة صابرة على الحريق. لي بغاتها نجود كتمدهااا ليهاا وتشد معاهاا كملو المكياج والشعر وبدات نجود كتلبس ليهم وتقااد ليهم.
طلعو لقاعة اخراا فيهاا المصور وطاقم المساعد. بداو كيصورو فجو رائع. من بعد خرجو مشاو البحر فاليل باش يصورو حتا تماا.. ونريمان حالة فمهاا فيهم حتا كملو فوقت متأخر عاد رجعو لدار حطات نريمان راسهاا على المخدة فالبلاصة نعسااات..
فصباح كيف فاقت لقات نجود جالسة كتشوف فتصاور د الليلة لي مضت. كتشوف فيهم باعجاب وابتسااامة...
نجود : هاد العالم انريمان بحال البحر معندوش حد كلمااا عطيتي فيه حتا هواا كيعطييك.. اجي تشوفي ناس كلهم حمقوهم هاد موديلات وكلشي باغي نعطيه اسم د مصمم.
نريمان : بحزن) كيجيني فشكل داك السيد ممفهوومش صراحة.
نجود : ويي بصح فشكل غامض ومتعرفش اش تحت راسو ولكن انسان معندي منقول فيه زوين من جميع نواحي..
فخبارك راه عندناا واحد المهرجان من دابا 4 ايام وحتا هواا غيكون حاضر مهرجان الدولي للموضة وعرض ازياء غيكونو فيه بزاف د الفنانين والمنابر الاعلامية ضروري تمشي معاياااا حتا نتي..
نجود : بصراحة حتا اناا دخت معاك. فواحد الساعة كنقول مزيان طلقااو وتكون بيناتكم شي حاجة وكنرجع نقول لااا من احسن تبعدي عليه اصلا بحالو كيعجبهم غير زهو والخروج وبنات.
شافت فيها نريمان بصدمة وقالت : اويلي
نجود : وراه باينة واحد ممزوجش وعايش بوحدو شنو كتسناااي منو هه. اناا كان فهد مزوج بيااا ومقاانعش ديماا كيكذب عليااا . كيقولي عندي خدمة فالسعودية ف المانيا وهوا كيسافر ويدوز وقتو مع عاهرات
نريمان : بتوتر) صعيب انجود تلقااي فهاد الوقت شي حد لي كيتاااقي الله وشاد فالدين ديالو ومكيديرش هاد الفعايل
نجود : نتي كتجيني مزال معارفة والو فدنياا واخاا لي قدك كيكونو عارفين العجب ههه مزال انريمان دنياا توريك ومزال تفهمي الحياة ويتحلو عينيك على شي حوايج خرين
نريمان : بحزن)
انا عشت فواحد الدار. متقدرش تفرج ف التلفازة فشي حاجة نتي بغيتيهاا. لي لقيتيه بادي تفرج فيه. كانت عندي واحد جداتي عطياهاا غا المسلسلاات نهار ومطال وهيا كتفرج من واحد، لواحد. واناا ملي حليت عيني واناا غير فالشغل مكتحملنيييش تشوفني جالسة ولا نخرج نلعب مع بناات فالزنقة. كانت كتعطيني نعجن واناا مزال صغيرة. ونسيق ونطلع الحوايج نشرهم ونمسح المهم شغل كامل كنديرو مكنكمل شغل حتا كيقرب يطيح الليل. ويلاه كنبغي نجلس نرتاح كانت كتنوضني عوتاني
سيري سخني لياا المااا ...
سيري جيبي بانيو..
اجي كمدي ليا رجلي..
اجي مسحي ليااا ..
سيري ديري ليا ماء نتوضى..
طلعي لسطح شوفي الحوايج لي يبسو هبطيهم..
اجي سيري تسخري لحانوت ..
نهار كولو انجود مكنتش كنرتاح رجلي كانو كيهبطو بقوة الوقوف والجرا. ونهار لي كنت كنبغي نخرج لزنقة كنت كندير السبة بتشطاب نخرج نشطب حتا الزنقة ونحط الشطابة ونجلس نلعب. ومكتكملش فرحتي حتا كتقتلني عصااا. ليل عاد كنت كنجلس نخرج تمارين لي كانت كتعطيناا اسناذة..
ونقابل خوياا معاق الله يرحمو ( تنهدات) محليتش عيني على زنقة نشوف ونعرف شنو كاين حتا انااا عشت غير بين مدرسة ودار عمرني شفت البحر ولا وصلت ليه غير كنسمع بيه وكنشوفو ف تلفازة. عمرني دخلت القهوة وعمرني سافرت حياتي كلهاا غير دار دار دار دارررر. كانو هوما كيسافرو ويخرجو ويوصيوني اناا نحضي ليهم الدار.
شافت ف نجود بعيون مدمعين وقالت : كنت كنتمنى نكمل قرايتي وتكون حتا اناا عندي قيمة ونكون بحالك وبحال جوديا قارية وكنعرف اللغة واخاا غا الفرنسية ونفهم حتا اناا ومنكونش بحال هاكاا كنحس براسي معنديش الزهر فمرا والله
نجود : متقوليش هاكاا انريمان خصك تعرفي ان القيمة نتي لي كديريهاا لراسك. خدمي وكاافحي وزيدي قراي راه معندكش 70 عام. راه مزال يلاه 18 وزيادة مزال صغيرة ومزال الحياة قدامك ومزال تحققي اهدافك وطموحااتك وحنا معااك. غير متفشلييش وقوي راسك وحاولي. تقوي شخصيتك. وكوني على يقين داكشي لي كنتي باغاه غتوصلي ليه.
نريمان : كنتمنى من الله يوفقني
نجود : اكيد يلاه نوضي نفطرو باش نخرجو خلي ديمااا ضحيكة على وجهك ومتضعاااافيش اوك حبيبة..
نريمان : بتردد) للااا مكينااش حداياا يمكن عندهاا شي شغل مشات تقضيه يلاه خرجات
جوديا : مم وشمن شغل عندهاا هادي
نريمان : معرفتش اختي تكون عندهاا شي خدمة وصافي
جوديا : ويي يمكن .. المهم انريمان راه ديك ولد خالك ولا ولد عمك هداك امين راه جاا عندي الخدمة ماا مرة ماا جوج باغي نمرتك قالي صيفط ليك فنمرتك القديمة ومكتجاااوبيهش هضري، معاه شوفيه شنو بغاا راه برزطني كل مرة البنت لي خدامة معايا كتقولي هاهوا جاا
حطات فنجان د نسكفي بالحليب من يديها وقالت : اه كنت مشيت، فاش يلاه جلست نهار اللول فالكرسي داوني الكوميسرية وسولوني وقلت ليهم لي كاين..
صغر عينيه وقال : شنو قلتي ليهم..
نريمان : جوبات بعفوية ) سولوني كيف دار داني وقلت ليهم كان متافق مع داك مول طاكسي وحتا هوا اعتارف وقال كان شافني فين كنمشي وديك ليلة هضر مع مول طاكسي باش يهزني انا وعاد يمشي من طريق لي فيها هوا باش يهزو. وداوني لديك دار ( بتردد) وصافي حتا طرا لياا داكشي
سرط ريقو حس بيها مبغاتش تقوليه وقال : وشنو من بعد قلتي ليهم؟
نريمان : كان بغاا يتعداا عليااا ولكن مخليتوش كنت كنرغب فيه ميقيسنيش وكان كيهددني يجيب صحابو يتكرفصو علياا الا مدرتش داكشي لي خصو. واناا مبغيتشش ومنبغي حتا واحد يقيص فيااا ولا يدير لياا شي حاجة. ملي مبغيتش عيط لصحاابو وانا ملي شفت راسي غنضيع قلت اللهم الموت حسن ليااا وانا لي رميت راسي من تماا ولي كاين قلتو البوليس ماا زذت ماا نقصت واخاا قالت ليااا جوديا قولي هوا لي رمااك ولكن مبغيتش.
جهاد : يعني مغتاصبك حد؟؟؟
نريمان : الله يستر ربي نجااني
سكت مطولا وقال : بففف ( شد عينيه وعاود حلها) اناا مكنتش باغي نسول طبيب على هادشي. حيت كنت غير غادي نمرض فنفسيتي.. مي كون غير سولتو كوميم كنت غنكون مرتاح من جهتك..
نريمان : بتساؤل) علاش؟ مفهمتكش!
جهاد : هه لااا والو صافي نسااي. فخبارك هواا كان روشيرش؟ راه ماشي بنت ماشي جوج دار ليهم نفس الحالة. كيغتاصبهم بوحشية شحال من بنت مزال فطبيب بسبابو... وكان كيجيب لبنات مغربياات لعند رجال لي هناا. وكانو كيخلصووه فلوس صحيحة. هاد البلاد صعيب شوية
خرجات نريمان مشات لبسات كاب وبدات كتوجد راسها وتوجد المكان لي غتخدم فيه الكليان... ما هياا الا دقائق قليلة وصلو. بداو الخدمة وكان يوم متعب بزاف. وكان من الضروري توقف وتبقى واقفة لمدة طويلة.. حتا حساات برجلهاا كتقطع بالحريق.. كملو معطلين ونهار كامل مهزاتش التليفون حتا خرجات هيا ونجود طلعو فالطوموبيل عاد حلات تليفون لقات جهاد مصوني عليها لمعو عينيهاا من قوة الفرحة.. دخلات الواتساب وصيفطااات ليه مسج.
شدات عينيهاا بضيق باغا تفهم علاش تمشي وشنو باغي والهدف من شوفتو ليهاا. خاافت يكون كلام جوديا بصح ويكون غير كيتفلى عليها اولا باغي يدوز بيهاا الوقت كيف قالو ليها .. اه كتبغيه وكتموووت عليه لدرجة الجنون ولكن فخاطرهاا مبغاش تصدم ولا تمرض الا كان هاد اهتمام مجرد فخ...
تنهداات بضيق وقالت : جهاد علاش بغيتيني نجي شنو الهدف من مجيتي لتما ؟ متفهمااتليش هاد القضية
جهاد : مم عادي مفيهاا والو الا عرضت عليك ولا؟
بعدات تليفون من وذنهااا كتحس بذاتهاا كترعد باغا تهضر باغا تخرج ديك الهضرة لي واحلة ليها فالحلق باغا تعرف راسهاا من رجليهاا.. رجعات تليفون فوذنهاا وقالت : جهاد سمعني الله يجازيك بالخير، نتا عارف شنو كاين وبلاماا نعاود نقولك
قطعها بصرامة : شنو عارف ؟
تنهدات وقالت ودموع فعينيها : نتا عارفني كنبغيك وبزاف لدرجة بلاما نقولك معالم بيها غير الله. واناا مرضت بهاد شي مرضت اجهاد بزاف نتا تزوجتي وزدت انا تصدمت كتر .. بلاماا نعاود ليك على حالتي كيفاش كانت دايرة اناا عمرني بغيت شي حد فحياتي كلهاا نتا اول واحد نحل عليه عيني ونبغيه بهاد الطريقة فلاخر ملي قنعت راسي بلي نتا مزوج واناا مخاصنيش نعاود نفكر فيك ونحاول نساك ونبداا حياتي من جديد. اهئ اهئ اهئ حتا كناخد هاد القرار وكتجي عوتاني تروني فراسي. ( كتنخصص) جهاد الله يجازيك اخويا اناا ماشي ديال تفلية ولا تستاغل محبة ديالي وتبغي ضحك عليااا. الله يجازيك ويرحم ميمتك متعاودش تصيفط ليااا خليني نساااك خليني نبدااا حياتي من جديد خليني نتعايش مع الوضع خليني نركز فخدمتي وفمستقبلي . اهئ اهئ اهئ
نتا تبارك الله راه عندك مستقبلك وتقدر دير لي بغيتي وتمشي فين بغيتي عطاااك ربي كلشي الشهرة فلوس الحياة لي ناس كلها كتمناهاا لي حطيتي عليها فمك كتحضر..
كمل كلامو وقال وهوا كيشوف فعينيها : هاد الغولاسيون غتزيد تطور وانا مغاديش نخليك ..نعطيو فرصة لعلاقتناا
حذرات راسها الأرض ممتيقاااش واش بصحح كتسمع منو هاد الهضرة ولا غير كتحلم عودات شافت فيه لقاتو كيشوف فيهااا وقلبات وجهها لجهة خراا متوترة ويديهاا كيترعدو..
جهاد : نريمان!!
نريمان : الصمت)
جهاد : سمعيني اي قرار يرضيك اناا معاك فيه. وبصراحة نتي عجباااني وبزاف وكل حاجة فيك كتجدبني ليك ومن نهار اللول لي شفتك فيه ونتي فبالي. اناا باغي نكمل معاك انريمان !! صافي!
نريمان : بتردد) مبغيتش اجهاد من احسن منزيدش نمرض كتر من هاكا
جهاد : فين المشكيل دابا الا كملناا مع بعضياااتنا ويلا عطيناا فرصة لعلاقتنااا؟؟ حنا خصناا نزيدو نهضرو ونتعارفو على بعضياااتنا كتر باش نيت نرتاحو لبعضيااااتنا ونتفااهمو وميبقااش داك الحاجز بيناتناا.
وصلها حتا لباب وخرج معاها بقا متبع ليهاا العين حتا دخلات عاد مشاا. اما هيا مشات نيشان الحمام شدات عليها وجلسات كتلهت شادة فصدرهاا لي كيطلع وينزل بقوة ناضت كتشوف وك فالمرايا.. غسلات وجهها بالماااا ورجعات خرجات جلسات قدام داني مقادراا لا تخدم ولا تحرك .
داني : ياك لباس كتباني لياا ماشي هيا هاديك ؟
نريمان : لا والو حتا حاجة
داني : واش بينك وبين جهاد شي حاجة؟
نريمان : لاااا لا والو شنو غيكون حتا حاجة..
داني : امم زعمة ههه كيبان العكس..
بنكران : عادي هوا صديق وصافي
داني : بعدم تصديق) امم واخاا..
كملات الخدمة ورجعات لدار يلاه بداو يتعشااو وهيا دخل نجود.. تعشااو مع بعض. ومشات بحالها لبيتها شدات عليها. وحتا نريمان ناضت لبيتهاا لقاات مسج من عند جهاد
الأجنحة المنكسرة الجزء الثامن
محتوى القصة
التنقل بين الأجزاء