صباح واقفة حدا ماريو كتقلب بين حوايجها شنو تلبس ختارت كسوة كيف العادة حيت مع الحديد لي دايرة ف رجليهاا ميمكنش تلبس سروال او شي حاجة مزيرة.. لبسات كسوتهاا فاللون الأحمر غامق منقطة باللون الأسود كلها .. لبسات شال فالأسود وسبادري فالأسود وصاك فاللون الأحمر وصمطة ديالو فالأسود. وقفاات بالعصياات وخرجات بخطوات بطيئة مكرهاااتش ترمي دوك عصياات وتمشى على رجليهاا عادي توحشاات تخلف وتجري وضور على رجليها .. خرجات هيا ونجود ركبو فالطوموبيل ومشاو الخدمة.. بعد جوج ساعات خرجات نجود وخلات نريمان خدامة مع البقية. وصلات العشية وبدا يطيح الضلام ونريمان متوترة كترر.. وكلما كتشوف عقارب ساعة كيضورو كيزيد توتر ديالهاا... كملات لأخير وحدة ومشات لعند داني..
نريمان : داني بغيت نهضر معاك
داني 28 سنة شاب طويل اشقر عندو شعر طويل ديما جامعو لفوق.. يديه بجوج هابط معاهم الوشام من عنقو حتا لصبعان يديه مزين شنافتو بحلقة ذهبية .. شاف فيها وقال : شنو؟
هز عينيه عيط لبنت لي مكلفة بشعر قاليها تخدم لشي وحدة وعاود شاف ف نريمان لي جلسات على كرسي ببتسامة
داني : بعدي زيف ديالك شوية اللور باش منوسخوش..
بعداتو وهيا متوترة كتشوفو حط كريم مرطب فيديه وكيدوزهاا على وجهها حسات بقلبها كيضرب بالجهد اول مرة شي حد يحط يديه عليها ويخدم ليهاا وجهها. عكسو هوا لي كيخدم عادي جدا مبتاااسم حد فوندوتن على وجهها وبدا كيحط مكياج
حط ليها الوان ترابية وتاوهاا مع الكسوة لي لابسة مع ايلاينر جبد ليهاا عوينااتها هيلايتر مضيئ زادهاا جمالية و عكر مااط فالغوز مبرد . كمل ليهاا عاد قلبهاا جهة المرايا تشوف راسهاا. تصدماات ملي شافت راسهاا اول مرة تحط مكياج بحال هاكا مولفة غير كريم او فوندوتن خفيفة وعكر.
اما داني خدم ليها باتقاان بين جمالية ديالهاا اكثر. فرحات حتا لمعو عينيها
داني : عجبك راسك؟
نريمان : اووه بزاااف والله شكرا بزاف. وااو ومجااش معيق
شدات عصات بيديها ومشات خرجات مع الباب بان ليها خرج من طوموبيل وجاي جيهتهاا تزادو دقات قلبها رسمات ابتسامة خافته على وجهها وقف حداهاا مد يديه ليها سلمات عليه..
جهاد : صافا مزيانة
حركات راسها بالايجاب
شد فذراعهاا غادية معاها بشوية فحين حشمانة منو ومن الشدة لي شاد فيها وناس لي دايزين كيشوفو فيهم باعجااب .
حل ليها باب طلعات فالطوموبيل وطلع هوا شد باب وضور وجهو جيهتها كيشوف فيها باعجاب ضورات عينيها فيه بحياء وهوا يقول : جيتي زوينة بزااف ، اصلا كلشي فيك زوين
حذرات راسها وخدودهااا حمارو عينيهااا كيلمعو من الفرحة
وقف نادل ببتسامة طلب جهاد العشاء وشاف فيها حاط يديه على طبلة : كيف غادياا مع الخدمة ؟ كيف كدوزي نهارك!!
نريمان : مزياان روتين هانتاا عارف..
جهاد : امم مزيان رمضان بقات ليه غير سيمانا
نريمان : وييه توحشناا داك الجو ديالو
جهاد : وي بصح انا عام لي فات دوزتو فالمغرب وهاد العام غيكتاب ندوز نص هناا ونص ف امريكا..
تبدلو ملامح وجهها وشافت فيه بالآسى : واش غتمشي؟؟
جهاد : ويي عندي تماا الخدمة وخاصني ضروري نمشي
نريمان : بحزن) واخاا الله يعاونك.
قلبات عينيها مقدراش تشوف فيه من دابا مسخياش يسافر كتحس براسهااا غتبقى بوحدهاا بحال الحنش مقطع راسو..
شاف فيها ببتسامة خافتة كيدقق فملامح وجهها لي حس بيهاا وحس بداكشي لي فالداخل ديالها وقال : نتي عارفة الخدمة ديالي بين امريكا والامارات كل مرة مسااافر لشي بلاد دونك ضروري ديماا غادي نساافر ويلا بغيتي تمشي معايااا منكرهش بصراحة..
جهاد : تنهد) بصراحة مكنبغيش. نهضر فالماضي ديما عندي ديك القاعدة لي داز صافي ميتعاودش يتجبد وصراحة كنفضل منهضرش على ديك السيدة..
حركات راسها حتا وصلو الطوموبيل حل ليها باب طلعات وطلع هوا فبلاصتو شافها لقاها ساهية كتشوف فالشارع..
تنهد وقال : نريمان كلشي غتعرفيه مع الوقت مزال غنتعاارفو على بعضياااتنا مزيان نعرف عليك صغيرة والكبيرة وحتا نتي هكاك تعرفي عليااا اي حاجة بغيتيهاا وغتزيدي تفهمي عقليتي وطبيعتي
خدات نمرتهاا ومشات بحالها دازو اياام يوميااا تواصل بين جنات ونريمان تزادت المحبة كتر وتزاد تعارف بيناتهم رجعو صحبات. الهضرة بينهاا وبين جهاد مزال كيفماا هيا يلاه كيصوني يسول فيهااا ويهضرو شوية ويسول على اخبارهاا وفينماا يقول ليهاا نتشااوفو كتجبد ليه عضر انها متقدرش. خوفااا من نجود متبغيش ليهاا او تقول هادشي لجوديا ويكون شي مشكيل. فضلات انها متخبرها بوالو وتبقى سااكتة..
داز النص فرمضان وطلب جهاد من نريمان يطلقااو بعد صلاة التراويح. طلبت من نجود تخرح تشم الهواء هيا وجونة وداكشي لي كان خرجو مع بعضياااتهم وهيا تقول نريمان : جونة راه درتها بلعااني بغيت نخرج انا وياك راه دايرين اناا وجهاد غنطلقااو وخفت نجود متبغيش
جنات : ايوا الحبيبة شغاادي نقولك اناا غا لي حرماه مراتو كيجي عندي نمتعو ولي معذب ومعندو لي يكون بيه اناا مولاتو ولي حاامي اناا لي كنبردو ولي عطشااان اناا كنسقيييه
نريمان : هههههههههههههههههههه ضحكتيني هههه معرفتك فران ولا ثلاجة ولا سقاية
جنات : هههههههه المسخوطة اناا جمعاهم كلهم غا لي عندو الفلوس مرحبا هاك لقدام ولور الله ينعل بوهاا حياة ههه اراو غا الفلوس
جمعات نريمان ضحكة وقالت : شناهواا ؟
جنات : شغيكون الحوب؟ كنعس مع ز** بالعربية تااعرابت خليجي نصراني لي كان .. باغيني ارا الفلوس وهاناا موجودة بحال هاد شارف مول هاد ريسطو اليوم دايرة معاه
نريمان : بصدمة ) وماشي حرام هادشي لي كديري!! راه غتجمعي غا المرض ودوك الفلوس لي كتشدي منهم مينفعووك فوالو
جنات : محنااا على فالك اختي بفف ملقيتي متقولي اناا دايرة احتيااط ديالي وحاضية راسي اصلا رجال كلهم بحال بحال هادشي لي باغيين اصحبتي ايوا اللهم نضبرو على راسنا
جهاد : ممم مزيان واخاا شوية ديال التعب مي كلشي كيدوز دابا لاتوليي لي غنفتح فالمغرب قريبة توجد ايوا وغنمشي ان شاء الله.
نريمان : توحشت المغرب انا بزاف واخاا هنا الجو زوين ولكن قنت بزاف. شمن مدينة لي غتكون فيها نتا؟
جهاد : الرباط وصراحة الجو دالمغرب بوحدو
كيهضر وكيضور عينيه وهيا كل مرة تنقب من حاجة كتلاهيه وتخليه يهضر عاد كتهز وتاكل وتشرب عصير..
نريمان : اه بصح. ماماك غتبقى هنا؟
جهاد : ويي هيا باغا تبقى هنا غنمشي بوحدي وحتا ريهام كتقول هيا وراجلها غيرجو المغرب
حركات راسها وهواا مجمع هوا وياها توخرات وقالت : شكراا بزاف على فطوور
جهاد : تء تء لا زيدي فطري لمن درناا حنا هادشي؟؟
نريمان : ههه لا والله حتا شبعت صافي
جهاد : اوك لي بغيتي
نريمان : واخاا نخرجو نجلسو برا
جهاد : ويي بيان سيير نخرجو.
وقف مشاا جيهتها شداها من يديها ومن خصرهاا وهيا كترعد
مخرجها برا كتحس بأنفاسو كيضربو فوجهها جلسات على الفوطوي وهوا مقابل معاها.
جهاد : شوية دابا على لي كنتي هانتي كتمشاااي شوية
نريمان : اه شوية راه الرجل ليمن ملي تهرسات نقصاات ليا رجعات عندي رجل ناقصة على رجل ومع ترويض عاد تقادات ليهاا مع لوخراا ولكن مزال مكنزعمش نمشي عليها
جهاد : من الأحسن خليها تبراا على خاطرهاا باش عضم يرجع كيف كان
نريمان : اه داكشي لي كاين.
شاف فيها بتمعن وقال : ايوا شنو غادي تقوليلي ضروري غتعاوديلي شي حاجة!!
نريمان : اااا لا صراحة معندي والو .. ااا ( بتردد) انا لي بغيت نتعرف عليك كتر وتعاود ليهاا على راسك شوية
جالسة على فوطوي حاطة مخدة على ركابيها وحاطة يديها عليها مشبكاهم اما هوا متكي بكوع يديه على جوج مخااد فوق الفوطوي كملات كلامها وقال : امم شنو الالة باغا تعرفي ؟
حرك راسو بالايجاب وقال : اهاه واخاا الالة المهم انا ماما سميتها آسيا بنت الرباط. مهم مشات الأمريكان تكمل قرايتها تماا طلقات بابا وجاا خطبها وتزوجو. المهم حنا 6 خوت. انا وماجد وريهام وريم وعندي ختي اخرا مزوجة فرنسا سميتها نسيبة وخويا مزوج عايش فلندن. الوليد ديالي رجل اعمال معايش معانا راه فالمغرب مزوج مرا خراا جزائرية وعندو ولاد خرين. هوا وماما مطلقين علاقة بيني وبينو شي مااكيسول فشي وشي مكيهضر مع شي واخاا كنشوفو قدامي فالطريق مكنهضروش مهم لي نقولك ان الوليد ديالي كان تزوج بديك السيدة فالسر وكان كيخون ماما ملي كنت انا مزال صغير وكنت كنشوف كلشي قبالت عيني ملي كانت ماما كتمشي لقرايتها ولا خدمتها وكنرجع اناا من قرايا كنت كنلقاا معاه شي وحدة وفبيت ماما.. بلاما تعرف ماما ايوا وناض صداع عائلي من بعد سنين دازت قررت اناا نخرج ونمشي نعيش فمدينة خرا وداكشي لي كان ايوا قريت وبديت الخدمة حتا وصلت لهادشي.
شافت فيه بالآسى وقالت : صراحة ماماك قاصات مسكينة الله يحسن عوانها
جهاد : ويي ايوا الحياة هاكا
شافت فيه بتردد وقالت : ووو وعمرك بغيتي شي وحدة فحياتك!؟
حرك راسو بالايجاب وقال :
ويي مغاديش نكذب عليك ونقولك معمرني عرفت شي وحدة. صراحة عرفت بزاف مي داكشي فات
حسات بقلبهاا كيغلي من داخل وقالت : واخاا مزيان
جهاد : طبيعي انريمان اي واحد غيبغي يتصااحب ويعيش حياتو بحال كاع دراري مي دابا صراحة عندي فحياتي غاا وحدة وهيا لي عجباني
ابتسمات وهيا كتشوف فيه كمل كلامو وقال : دابا عاوديلي نتي بغيت نعرف صغيرة والكبيرة..
بدات كتعاود ليه وهوا كيحرك راسو بالايجاب مركز فكل كلما كتقولهاا وحتا من امين هضرات عليه وقالت ليه انه كل مرة كان باغي يتزوج بيها خلات جهاد عارف عليها كلشي من صفر...
دوزات الوقت معاه كيتهاودو حتا جاهم الجوع وعاود دخلو لداخل يكملو على لي بقاا من الفطور فجو الضحك وتقشاات بيناتهم ..
شافت فيه ببتسامة وسنانها كيبانو جبدات من ساشي بواط حلاتها وهيا كتشوف فيه. لقات فيها براسلي داليد مع منبت بالأحجار الكريمة. حلات فمها فدهشة من روعة البراسلي وشافت فيه
بقاو جالسين مرة يهضرو مرة يبقااو غير كيشوفو فبعضيااتهم .. حس جهاد بالراحة وهوا جالس معاهاا مساخيش بالجو قررو يخرجو ناضت طلع لبيتو بدل حوايجو وخرج شاد فنريمان حتا لطوموبيل. خداها فجولة خارج دبي مستمتعين بالمناضر الجميلة وروعه الأماكن. جلسو يستراحو فمقهى كان طاح الليل عاد رجعو لدبي ورجعها لدار مع 10 دليل دخل معاها حتا باب د لاسنسور عاد رجع بحالو كيف دخلات طلقاااتها نجود لباب كتسول وتبحث فيهاا وتقلب ليها فمها وعنقها
جراتها نجود لبيتها ودخلات شدات الباب وجلسات كتبح وتسول فيهاا عودات ليها نريمان كلشي وراتها حتا براسلي لي جاب ليها
نجود : امم ايوا هادشي زوين شنو زعمة متقربش منك ؟
نريمان : كيفاااش ؟ راااا عادي هادشي لي كاين
نجود : ياااك بعداا ايوا عندااك تخبعي عليااا شي حاجة
نريمان : لا بالعكس كلشي قلتو ليك والله. جلسو مجمعين حتا تنصص الليل وشافت تليفون حداها كيغيبري عاد ناضت دخلات لبيتها وجوبات. جلسات كتهضر هيا ويااه حتا غلبها نعاس عاد قطعو المكالمة ونعسات ..
دازو ايام ونريمان بين الخدمة ولقاء مع جهاد كل مرة وفين يخرجو مرة يتعشاو مع بعض مرة يتغداو مرة يخرجو من المدينة يمشيو المدينة خراا مرة بحر مرة فالرمال والصحراء والجمل. كل مرة كتزيد تستمتع بقربها من جهاد وحتا الحب كيتزاد يوم بعد يوم.. ختار جهاد يبدل الجو على سطح اليخت فكانت هادي هيا مفاجئتو لنريمان لي كانت كتسناها من نهار قالها ليها. وصل العيد الكبير وكيف العادة عيدو مع اهل نجود.. بعد الضهر اتصل بيها جهاد وطلب يشوفها ويخرجو مع بعض. لبسات جلابة فاللون قهوي غامق مطرزة ومنبتة. مع سبادري عالية فاللون الأبيض وشال فاللون القهوي حتا هوا مزين ببعض احجار وصاك محرفة بيه. خرجات ببتسامة لعندو شد فيديها وزيدها لعندو سلم عليها بالوجه وطلعها حداه فالطوموبيل..
جهاد : اليوم عرفتي فين غنمشيو؟
نريمان : فين؟
جهاد : مغاديش نقولك ههه.
عيات مترغب فيه مبغاااش يقوليهااا حتا وقف حدا باب كبير. جوج رجال لداخل حلو الباب ودخل جهاد وقف طوموبيل
خرج وشد فيديها
نريمان : عندمن حنا دابا؟
جهاد: نتي فدار عندنااا غتشوفي ماما اليوم راه قلت ليها عليك وقلت ليها غدوزي معاها نهار دالعيد هنا
نريمان : بصح؟ وشنو قالت ليك ؟
جهاد : امم ضروري غيعجبها الحال.
دخلو بجوج بيهم لقاو خوتو كلهم مجموعين والأم ديالو حتا هيا شافت ف نريمان وابتسمات ابتسامة خافتة. سلمات عليهم نريمان كلهم كيرحبو بها من غير مدام اسيا لي كتهضر معاها ناقص. جلسات معاهم تغداو مجموعين طبلة فيها المشاوي والمحمر اطباق مغربية على حقها وطريقهاا. تغدات معاهم وهيا حشمانة دوزات معاهم عشية كلها واخاا بغات تمشي حصروها مخلاوهااش. حتا تعشااات عاد خرجات هيا وجهاد دوزو الوقت مع بعضيااتهم عاد رجعها لدار. بعد اسبوم جالسين فمقهى تنهد جهاد وقال : نريمان
نريمان : نعم !!
شبك يديه وقال وهوا عاقد حجبانو : كنت خديت قرار ولكن قلت منزربش نعطي فرصة راسي نشوف واش اه ولا لاا.. وصراحة مع هاد المدة كل مرة كنزيد نتشوق كتر
نريمان : بخوف ) واخاا اااااا شمن قرار خديتي. شافت فيها وهوا مزال على نفس الوضعية عاقد حجبانو مصغر عينيه فيها
جهاد : نريمان تزوجي بياا؟
سرطات ريقها وعينيها كيلمعو الدموع تغرغرو ليها فعينيها هبطات راسها كتشوف متوترة مقادرة تقول حتا كلمة
وهوا مركز فملامح وجهها تنهد وقال : انا قلت ليك غنعطيو لبعضياتنا فرصة نتعارفو فيها ونتفاهمو كانت نيتي حسنة باغيك ومقتانع بيك من قلبي نريمان انا ( تنهد ) انا كنبغيك
هزات عينيها ومع الهزة هبطو دموعها وعودات هبطات عينيها بالزربة
جهاد : نريمان انا كنهضر معاك بالقلب خالص ويمكن هادي اول مرة فحياتي نكون مشوق وباغي غير ايمتا نتزوج بيك بهاد السرعة وتكوني معاياا
انا عارفك كتبغيني وحتا انا كنبغيك واكيد مغاديش يكون بيناتناا شي مشكيل وغنكونو ديماا فوق طوب اوك حبيبة!
وقف شد فيها وخرجو بجوج بيهم طلعات فالطوموبيل وكلمة تزوجي بيااا كتردد فوذنيها.
وصلها حتا باب الإقامة خرج معاها كيف عادة حتا لاسنسور وعاد رجع. كانت نجود كتهضر فالتليفون فالبالكون شافتهم بجوج بيهم قطعات المكالمة ومشات الباب حلاتو كتسنى نريمان .. حتا تفتح الباب لاسنسور شافتها خارجة دايرة يديها على قلبها.
نجود : على السلامة هاي هاي معنقهاا وشاد فيها يا لالة
ابتسمات بخجل وقالت : اويلي فين شفتيني
نجود : ههههه دخلي دخلي على فين شفتك.
جلسات فالصالة وابتساامة عريضة مرسومة على وجهها جلسات قدامها نجود كتبحث فيها بحال كل مرة ..
نجود : هاي هاي ناس كي دايرين شنو قلتو فين مشيتو؟؟
نريمان : الصمت
نجود : مالكي كضحكي غت بوحدك !! هضري قولي شنو ياكمااا باسك اليوم بشريناا معاك الحاجة هههه متقوليليش لا شوفي شفايفك كيف حمريين هههه
جهاد : بصصصصح؟ موجودة واخاا الالة واخاا هيا لي متعاودش
نريمان : ههه يلاه قولي شنو نخلص ليك
شاف فيها وعاود قلب عينيه
نريمان : شحال نخلصك ؟
جهاد : وخليني ساكت حسن منقلب الضورة مناقص عليناا حناا من شي طبيب كااااع
نريمان : ههههه علاش مالك وقلتي نخلصلك
جهاد : دابا تخلصيه بالضوبل احبيبة غا بلاتي نفكوو هاد الروينة لي حنا فيها ونشوفو داك ساعة
شافت فيه مفهماات والو وفنفس الوقت خافت جاها كلامو بحال شي تهديد مفهمااتش شنو بغااا يقصد سكتاات وهيا كتشوف فالطريق
جهاد : هههه قالتلك غتخلص دابا نشوفو
سكت حتا هوا وقف طوموبيل وخرج جهتها شد فيها كيف العادة ودخلو لعند الطبيب. بعد الفحص جلس الطبيب وقال : ايوا الحمد الله بدينا نشوفو التحسن دابا خصك تحيد الحديد لي على براا وبالنسبة الحديد لي لداخل غتخليه لمدة عام عاد غادي تحيديه وغتبقى كتمشي عادي تلبس عادي يعني بحالا مدايرة حتا حاجة غير هوا خاصك الراحة من بعد العملية اللولة. وبالنسبة لعصيات مغاديش تبقااي تمشي بيهم غترجي تمشي عادي بحال لي كنتي قبل الحادثة.
جهاد : امم اوك وايمتا هاد العملية ؟
الطبيب : هاد الأسبوع الاثنين جاي مع 9 صباح ولكن خاصها تجي نهار قبل تبات هنا
جهاد : واخاا شكرا بزاف
الطبيب : العفو مسيو جهاد مرحبا ..
جالسين كيفطرو فكافي كطل على البحر حاطة يديها على حنكها شافت فيه بحزن وقالت : العملية غتكون صعيبة ياك ؟
نريمان : بصدمة ) شنو ولكن منقدرش .. مما م ممااا ماا منقدرش نخرج من عندها هاكا وزيد انا مزال خدامة معاها نتا عارف
عقد حجبانو وقال : سمعيني الا متيقاش اولا خايفة مني من دابا يلاه نكتبو العقد وبالك مرتاح حتا نتزوجو وهاكا حسن
نريمان : الصمت
جهاد : شنو قلتي ؟ راه اناا مباغيكش تبقااي مع شي حد اخر من دابا لفوق واخاا تكون مامااا وهاد نجود ماا هيا ختك ولا شي حد من عائلتك.. دابا نتي غتولي محسوبة عليك دونك اناا لي كاين هاد ساعة.
نريمان : بحزن ) منقدرش اجهاد نمشي معاك وهيا كيفاش غتفهمها عوناتني وقفات معايا هاد المدة ودابا غير نجي ونقوليها انا غنمشي مجاتش . والخدمة كتحتاجني فيها بزاف انا لي كنشد ليها الخدمة ملي كتكون هيا مكيناااش واش فهمتيني !
قلب عينيه كيشوف فالبحر ساط من مناخرو وبقى ساكت مجوبهاش
جهاد : دابا يفوتك هاهوما عاد دارو ليك يبرا. دابا تبراي احبيبة ديالي وترجعي حسن من لي كنتي
هبطو دموعها من جناب وعينيها فيهم الحزن
نريمان : مغاديش نتهنى اهئ اهئ دابا ومعذبة وعاد زيد عملية خرا من بعد وصعب من هادي حياتي كلها غادية مكفسة .
جهاد : شوفي حياة كلها صعيبة ولكن انسان خاصو يتقوى باش يتجاوز كاع المحن ديال دنيا. ونتي قوية وغتولي لباس وحسن من لي كنتي كاع ونتزوجو ونعيشو بخير
نريمان : بحزن ) ان شاء الله
جهاد : المهم مغاديش تاكلي اليوم حتا لغدا فصباح وانا غنبقى معاك حتا تخرجي من هنا اك غير هوا دابا عندي شي خدمة غنمشي بالزربة نقضيها ونرجع لعندك . شي كليان غيجي عندي صافي احبيبة
حركات راسها بالايجاب
نريمان : اه صافي واخاا انا نتسنااك حتا تجي.
وقف باسها من خدها وخرج.
حطات يديها على حنكها وهيا فرحانة فالداخل ديالها واخاا توتر والخوف غالب عليها.. من شوكة لي ضربوها ليها حسات براحة واستسلمات لنوم.
ريهام : وفين المشكيل اماما الا بغا يتزوج بيها
آسيا : مرتاحيتش ليها ومبغاهاش دخل لداري ونبقى نطلقاها كل مرة خوك ملقى ميدير تسطا ولفهاا قعيدة بحالو بحال باه وتعدااا باه هادي مراا تالثة يقولك باغي يتزوج ومتعرفي يزيد رابعة وشنو فيها كاع شنو خاسر هوا
ريهام : فخبارك غير كتعصبي راسك والله
آسيا : ولدي الالة واناا كنخاف على ولادي حيت هوما الروح ديالي اناا مزال مدخلات ليا لعقليي وحدة فبيت نعاس د ولدي وعريانة غا بالبينوار شنو بغيتي نفهم! راه واضحة اريهام راني ماشي كنرضع فصبعي
ريهام : حتا انا جاني داكشي فشكل ولكن ان بعض الظن إثم. دابا شنو غتمشي نشوفوها ؟
آسيا : انا مغاديش نمشي ومعندي منشوف فيها
ريهام : على راحتك اماما يلاه اناا مشيت..
خرجات لبرا لجردة غادية لجهة طوموبيل كتسوط طلعات فالطوموبيل وقالت : مبغاااتش عييت منهضر معاها ملي جا جهاد وقاليها غنتزوج ب نريمان وهيا معصبة. ودابا ملي صونى عليها لبارح وقاليها راها دارت العملية وقلت ليها يلاه نديرو الصواب ونشوفوها مبغاتش
ريم : باز والله الا غير كتزيد ماما تعقد الامور..
ريهام : بيني وبينك حتا انا ماشا غير بزز. كتجني ديك البنت فشكل تقيلة وممفهوماش وصراحة كتجيني الهضرة د ماما على حق حتا اناا مبغاش داكشي يدخلي راسي
ريم : واش تسطيتي ولا مالك حتا نتي زدتي فيه بنت مسكينة معقدة فحياتها سي نورمال تشوفيها هكاك و تخايلي راسك غا نتي بوحدك لا واليدين لا خوت لا محبة لا حنان د عائلة لا لي يشوف حتا فيك راه ديك البنت اريهام عنات بزاف الا حنا كبرنا بخير وعلى خير هيا مسكينة يعلم الله كيف كان حالها وكيف كبرات ويلا جلستي معاها وعودات ليك على حياتها بالتدقيق والله حتا تبكي عليها بالدم. ديماري ديماري زيدي يلاه نمشيو بفففففف
جوديا : مكرهتش كون جيت نشوفك ولكن بلاماا نعاودلك راه عندي مشاكيل بزاف وزيد عليها الخدمة مكنتييق فحد واخاا كاميرات واخاا كلشي كيبين ليهاا حسن نيتو ولكن والو تقة مبقاااتش عندي ياا نريمان كنت صراحة بغيت نجي غا سيمانا ولا اقل غير نشوفك ولكن ضروفي صعيبة يا الحبيبة
انتهت وقت الزيارة مشات نجود وجونة ودخل جهاد بقا مع نريمان قرر يدير فيلم يتفرجو فيه شعلو فالتليفون ديالو وجلسو كيتفرجو وكل مرة يدوز يديه على وجهها وفين ماا تبان شي لقطة قبل الساخنة او لقطة حرجة كضور وجهها وتقلب عينيها لجهة خرا وهوا كيضحك عليها. حتا داها نعاس
صباح كيف فاقت لقاتو جالس قدامها داتها الممرضة لطواليط توضات ورجعاتها فالكرسي ديالها. صلات وهيا جالسة وجهاد كيشوف فيها بتمعن حتا كملات. فطرها بيدو وهيا فرحانة وعاجبها الحال. دوز معاها الوقت كامل مرة يتفرجو مرة يهضرو مرة يسكتو تعشاو بجوج بيهم وجلسو كيتفرجو فيلم اخر.. فالصباح كتلبس حوايجها وممرضة قدامها كتساعدها. خرجاتها فكرسي متحرك لقات جهاد واقف برا ببتسامة هبطو معاها حتا لطوموبيل طلعات قدام وديمارا طوموبيل لعند نجود لي كانت فانتضارهم رحبات بجهاد ودخل مع نريمان حتا لبيتها جلس معاها شوية وهوا غير كيسوط، ورجع خرج بحالو.. بيناتهم غير تليفون 15 يوم جاا 3 مرات شافها فيها وغير شوية وكيرجع يمشي بحالو وصل الوقت لي غتحيد الغراز هوا لي داهاا ورجعها. حتا لباب ضار عندها وقال : انا ماشي تبدلت كيف كتقولي ولكن معاجبنيش الحال كون غير سمعتي ليااا من اللول ومشيتي معايا
حلات الباب يلاه بغات تخرج وهوا يحل الباب من جهتو وخرج بالزربة وقف حداها
جهاد : صبري نخرج كرسي
وقفات جونة حداهم ببتسامة شدات لنريمان فيديها بغات تخرجها وهوا يقول جهاد : شدي غير كرسي اناا نخرجها.
خشاا يدو تحت فخاضها ومن ضهرها وهيا كترمش عويناتهم بخجل شدات فيه جلسها
شاف فجونة وقال : خليناا نهضرو واحد شوية
جونة : اه واخاا.
خلاتهم ومشات وقفات فالجردة لي قدام الإقامة حنى جهاد على ركابيه شاد فيديها بجوج كيشوف عينيها حومر ودموع محبوسين فشفارها زير على يديها وقال : سمحيلي الا غوت عليك راه مكنتحكمش فراسي انا هاكا عقليتي وطبع ديالي هاكا دابا تفهميني مع الوقت حنا مزال جداد على بعضياتنا ومزال نتفااهمو...
ومزال الامور تقاد بيناتنا كتر انا كنبغيك وباغي نكمل معاك حياتي ومبغيناش المشاكيل يكونو بيناتنا لا دابا لا من بعد
نريمان : بحزن ) صافي واخاا
جهاد : المهم غدا غنجي نشوفك وبعد غدا غنسافر وغير نكمل غنرجع اك!
نريمان : واخاا اجهاد ..
شاف الحزن فعينيها حاس براسو رجع كيغير عليها وخايفة عليها من اي واحد . مكرهتش يديها معاه ويبزز عليها مترجعش عند نجود فمرا ولكن شاف الحالة لي هيا فيها والنفسية ديالهاا لي مدمرة . بزز على نفسو وخلاهاا تبقى معاها.
كيف طلعات لدار .. دخلات وجونة كدفع بيها الكرسي شافت فيها وقالت : نجود مكيناش؟
جونة : خرجات بكري قالت عندها الخدمة.
نريمان : امم واخاا انا غندخل لبيتي نعس متفيقينش..
دخلات شدات عليها الباب جلسات على فراش شادة تليفون فيديهاا للحضة اتصلات ب جوديا وتسنات حتا جوباتهاا.
بعد السلام كيسولو فبعضياتهم على احوال تنهدات نريمان ويديها كيترعدو وقالت : جوديا بغيت نهضر معاك بواحد الموضوع
جوديا : ياك لباس شنو!
شدات عينيها بقوة وعودات حلاتها جمعات قواها وقالت : جوديا راه جهاد بغا يتزوج بيا
جوديا : بصدمة ) شنااهواا؟ ايوا ومن بعد
نريمان : شنو من بعد؟ راه كنتشاور معاك ضروري نقولك هادشي
ردات عليها جوديا بصوت خافت وسرعان مقلباتهاا غوات )
واش ملقيتي بمن تزوجي !؟؟
غا بجهاد تسلاو الرجال من دنياااا غا واحد كيتخير فالعيالاات ويبدل فيهم بحاالا كيبدل حوايجووو؟
نريمان : الصمت
جوديا : سمعيني هادي اخر هضرة غنقولها ليك وقسمت فمي بالله انريمان كتسمعي اقسمت فمي بالله وتزوجتي بيه عمرك فحيااااتك تعاودي تشوفي كمارتي انا بغيت نردك شااان وهمة ويكون كلشي فيديك ولكن نتي رضيتي بالذل وختاريتي تبقااي مع صحبتي ومترجعييش معايا وختاريتي تبقاي فديك البلاد على واحد ز** لي كيقيل ويبات ي ** فالقحاب دالعالم وانا جوديا لي من نهار اللول بغيت نخلي ليك كلشي فيديك سمعتينييي كلشي ونتي متخدمييش ومضربي حتا شي تمارة غير تحضي ليااا خدمتي وتقابليها لا غير ولكن نتي فضلتي تبقااي مع نجود نهار كامل ونتي واقفة على خدامة ماا تخرجي بحال ناس ماا تسافري بحاال الناس وحاسبة راسك راهاا معيشاااك فجنة
الا عاجبك هاد الذل الله يغرقك اصل بوك فيه انا معندي مندير ليك عمرك سمعتي لهضرتي ولا درتي بكلامي ولا خديتي نصيحتي. كنتي كبيرة فعيني ولكن صراحة هيا هادي والله مبقيتي ساوية عندي شي حاجة لي نقولك الا بغيتي العز ديريه راسك وعتقي كرامتك لي ممسوحة فالارض وسيري غبري عليااا حيت طلعتيلي فصحتي بهاد زمر ديالك
قطعات عليها المكالمة خلاتها مصدومة فبلاصتها وتليفون مزال فوذنيها ،، حسات بالدنيا ضارت بيها شمن اتجاه تشد ولمن تسمع وهيا بين ناريين.
حسات بضيق ميعلم بحالو غير هيا شدات عينيها ومع الشدة هبطو دموعها نهار وليل وهيا فبلاصتها ماا خرجات ما كلات ما شربات دواهاا غير مركنة فبلاصتها كتمسح دموعها وشهيق ديالها كتسمعو جونة من برا عياات دق عليها وتعيط ليها ولكن بدون مجيب..
حتا وصل الليل ودخلات نجود عودات ليها جونة كلشي ومشاات كدق عليها وتعيط ..
حاسة براسها مرفوع ومكيناش فهاد العالم ساهية فنقطة وحدة ودموع هابطين من عينيها. جابت نجود ضوبل دساروت وفتحات عليها الباب لقاتها جالسة فبلاصتها مصدومة كتشهق. قربات عندها بالآسى حطات يديها على وجهها برفق وهيا تخلع نريمان بحالا كانت ناعسة وخلعها شي حد
نجود : باسم الله عليك احبيبة ديالي مالك؟ مالك انريمان شنو واقع ليك
حطات نريمان راسها على صدر نجود وزادت فغواتها والبكاء عنقاتها نجود بقوة كتواسي فيها وجونة واقفة حداهم كتشوف فيها بالآسى حتا ترخات نريمان
نجود : جونة خرجي وشدي باب موراك بغيت نهضر مع نريمان
جونة : واخاا
ضارت لعندها شافت فيها بتساااؤل وقالت : عاوديلي مالك علاش كتبكي شنو سباب واش دار ليك جهاد شي حاجة؟
بدات كتعاود ليها نريمان على الحوار لي ضار بينها وبين جوديا. ساطت نجود من مناخرها وقالت : مئة مرة قلتليك هاديك الزمرة معقدة من رجال ولي عرفاتو كتقوليه متزوجش مالها سوقها بنادم مغاديش يعيش حياتو مغاديش يبغي مغاديش يتزوج بففف زادت فيه
نريمان : انا عارفة راسي والله ماعندي زهر حياتي مفيها ميتشاااف عييت من كلشي
نجود : سكتي حبيبتي انااا معاك تزوجي بلي بغيتي وعيشي حياتك كيف بغيتي معندهاااش الحق تحكم فيك بغيتي تزوجي ومقتانعة بيه الله يسهل عليك وهيا تعاودهاا لمخهاا بزاااف على هاد الحكام بصفتهاا شكون بالسلامة بففف.
نجود : ولا ميمكنش نوضي نسهروا ونجلسو مع بعضياااتنا
نريمان : لا غير خليني والله مفياا لي نجلس ولا نهضر خليني عفااك غا نعس
نجود : اك على خاطرك يلاه تصبحي على خير..
باستها نجود وناضت خرجات. هزات تليفون فيديها لقاتو طافي حطاتو فالسرج وبقات متكية كتسناه يتشارجا حتا داها ناس. ضرباتها الفيقة فنص الليل ناضت مخلوعة شافت التليفون مزال فشارج مشات حيداتو بالزربة ورجعات لبلاصتها كتنهج. شعلاتو لقات عدد من اتصلات من عند جهاد ومسجات فالواتساب.. دخلات كتبات ليه مسج
نريمان : سمحلي راه نعست وتليفوني كان طافي اجهاد سمحليا..
حطات تليفون حدا راسها لربما يكون مزال فايق ويجاوبهاا. رجعات ناضت خرجات بعصاا كتعرج. توضات ورجعات لبيتها صلات جالسة على فراشها دعاااات الله يفرج عليها ويبين ليها الطريق الصحيح حيت تالفة ومعارفة الصح من الغلط. غير ماشا بحال شي حد اعمى وكيزطم فين ماا جاب الله.
كيف ناضت من نعاس لقات مسج ديالو
جهاد : صباح الخير احبيبة مع ديك 11 نجي نشوفك 😘
ابتسمات بفرح وردات عليه. دخلات لعند جوديا بغات تكتب ليها مسج وترجعات فالأخير مسحات داكشي لي كتبات..
مع 11 كيف قال ليها دق فالباب كانت جالسة فالصالة لابسة بيجامتها ولايحة الشال على راسها بطريقة عشوائية غير حلات ليه جونة وهيا تخرج وشدات الباب خلاتهم بوحدهم.
شافت فيه بتوتر معرفات باش تجاوبو شمن عرس هادا لي مفيه لا عائلة لا واليدين لا خوت لا صحابات شكون غيكون جنبها وشكون لي يفرح معاها ويشطح ليهاا ويزغرت ويكبر بيها. ضاق صدرها من قوة التفكير شافت فيه وقالت : معندي لمن ندير العرس نتا عارفني حتا عائلتي معنديش وحتا عمي الا بغيت نهضر معاه مراتو مغاديش تبغي راني عاودت ليك كانت بغات تزوجني لولدهاا ما مرة ما جوج وهيا كتهضر معايا وانا مبغيتش ودابا نقوليها باغا نتزوج غديها فيها ولا تسوق ليااا.
تنهد وقال : شوفي انديرو واحد الحاجة زوينة غنديك لدارنا لعند الواليدة وعائلتي كلها غتجمع وصحابي كلشي المهم غنرصيو امورناا وغنديرو حفلة حاضرين فيها كاع عائلتي ونتكاتبو قدام الجميع وصافي شنو قلتي.
شافت فيه بعينين حزينة وقالت : جهاد بصراحة كنحس بماماك بحالا مباغانيش من داكشي لي كان طرا فدار وهيا كتشوف فياا ناقص موحال تبغي نتزوجو
ساط من مناخرو : خوي راسك من ماما ماشي سوقها فحياتي وفقراراتي راه انا لي غنعيش معاك ماشي هياا وانا لي مسؤول عليك وباغيك وباغي نكمل حياتي معاك معندهاش الحق تقول ييه ولا لااا
جهاد : نتمنى الوقت يدوز بالزربة حيت صراحة صبري تقادة
( غمزها )
ابتسمات بخجل وقف هزات العصا وقفات معاه .. طول الشوفة فيها ببتسامة خافتة مصغر عينيه . كتشوف فيه وترمش عويناتهاا وترجع تهبطهم
قرب لعندها وضمها لصدرو شاد خصرها بقوة ملسقها مع الجسم ديالو حتا طاحت ليها العصا حاطة يديها على صدرو كتشوف فعينيه وصدرها كيطلع وينزل خيفانة . قرب لعندها كتر حط نيفو على نيفها كيدوزو برفق حولات تبعد ولكن زاد زير عليها كتر شاف فشفايفهاا الصغيورين المورديين وقرب طبع قبلة طويلة كيدوز شفايفو مع شفايفهاا برفق بقبلات متتالية حولات تبعد مرة خرا هز يديه حطها على رقبتها وزيرها معاه كيلتاهم فشفااايها ،،
رجعات شدات الباب مزال مصدومة حطات يديها على شفايفهاا لي مزال كيضروها دخلات لبيتها كتشوف فالمرايا لقاتهم حوومر جلسات كترد النفس والحدث مزال كيضور قبالت عينيها..
الآيام كدوز روتينية فالدار عند نريمان كتعطي راسها الراحة كيف وصاها الطبيب متبعة دواها وكتحاول متمشيش على رجليها هاد المدة باش متحلش ليها رجليها ويعاودو يخيطوها ليها من جديد..
دازت 15 يوم بدات كتحس بتحسن وبدات تقدر توقف عليها وتمشي ولكن مزال كتحرقها. قررات ترجع الخدمة باش تبدل الروتين والجو ديال الدار وتخرج تفوج شوية..
جالسة مع نجود فالبيرو ديالها شادة تليفونها بين يديها كتكتب لجهاد مسج.
ونجود حداها هازة مراية فيديها كتقاد حجبانها
نجود : شنو كيقولك دابا ؟
ردات عليها وعينيها فالتليفون
نريمان : بفرح ) قالي شنو بغيتي نجيب ليك معايا ..
نجود : هاي هاي وشنو غادي تقوليلو ؟
نريمان : معرفتش غنقوليه حتا حاجة
نجود : لااا لا تخيري عليه وطلبيي لي بغيتي راه من حقك.
نريمان : كنحشم اختي هانا صيفط ليه مسج قلت ليه مبغيت والو غير تكون على خير
نجود : هههههه لا لاا نتي ناوية ذوبي السيد .. ايوا خاصك توجدي راسك راه مبقاش ليك بزاف غنعطيك يا حبيبتي شهر ولا كتر لي يكفيك تعيشي فيه الرومنسية وتسراي مع حبيب قلبك عاد ترجعي الخدمة
نريمان : بصح ومتعصبيش مني الا تعطلت!
نجود : لا بالعكس دابا عندناا اعراس وخدمة كتيرة خاصناا نوقفو بالجهد انا على ودك هضرت مع ناس لي عندهم لعرس قلت ليهم من بعد شهراين تكوني نتي دوزتي الفرح ديالك ودوزتي الحوب والرومانسية ههه
حذرات نريمان راسها بخجل وقالت : ان شاء الله . غنتوحش الخدمة فديك الوقيتة
وقف طوموبيل وخرج وهوا مدوز يديه بين ضهرها تحرجات من الطريقة لي شادها بيها وناس كيشوفو فيهم باعجاب جلسو فجو مبهج كانت حديقة كبيرة فيها مقهى فالجو الطلق وخضورية والأزهار فجميع الاشكال والالوان. ومضلة فوق كل طبلة كيديروهم غير فالنهار وفليل كيحيدوهم..
البحر كيبان ليهم من البعيد وفجنبها حديقة اخرى فيها ملهى ديال اطفال كيلعبو تما...
حلات فمها باعجاب وقالت : واااو كتحمق هاد البلاصة
جهاد : عجباتك؟
نريمان : وي بزاف صراحة نبقاو نجيو غير لهناا الا بغيتي
جهاد : فينماا بغات الحبيبة ديالي تكون انا معاها انا عرفت الجو غيعجبك هنا داكشي علاش جبتك هنا عندهم الماكلة زوينة لي بغيتيها كاينة فطور غداا عشااء فالليل عوتاني كيكون الجو زوين بزاف دابا نجيو ليه وتشوفيه يعجبك الحال كتر
نريمان : واخاا ان شاء الله ..
طلب جهاد الغداا وبداو كياكلو وهوما مجمعين مع بعضياتهم
تنهدات وقلبها كيضرب.. تنهدات وقالت : جهاد راني ممستعداش حاول تفهمي شوف ياك قلتي الجمعة دير ديك الحفلة واخاا صافي مغاديش نقولك لا ولكن منديروش العقد غدا خلي حتا الجمعة ونديروه قدام كلشي
جهاد : صغر عينيه) اك لي بغيتي مي اليوم احبيبة غتباتي معايا ومغاديش نقولك لا على العقد صافي خلي حتا الجمعة توخر لور مشبك يديه مور راسو شاد الضحكة وكيشوف فملامح وجهها لي مصدومة
نريمان : واش كتهضر من نيتك؟؟
جهاد : ايوا وشنو ؟
نريمان : ميمكنش اجهاد
رجع حط يديه على طبلة : يمكن ولا ميمكنش انا لي كاين قلتو ليك ونتي ختاري
جهاد : بصرامة ) انا مكنضحكش عليك. ومكنكذبش عليك. ونيتي حسنة معاك وبغيتك فالحلال انريمان هاد الهضرة مفياا لي يعاودها كل مرة انا طالع لياا كلشي فراسي وختاريتك نتي نكمل معاك حياتي وانا هاني؟؟ . نتي عارفة تزوجت وطلقت ومكتباش نكمل حياتي مع هدوك غتقولي شنو هوماا اسباب باش طلقت.
واخاا الالة نقولك لي كاين كنت كنبغي واحد السيدة فرنسية وكانت عايشة ف امريكا وعلاقتنا دامت 4 سنين كنااا فوق بخير وملي قررنا نتزوجو وقعو مشاكيل بيناتنا. فديك الفترة كنت كنعرف واحد السيد امراتي
وداك السيد انسان طيب ومتخلق وكان عرض علينا واحد نهار لدارو ومشيت لعندو وشفت بنتو مرة وحدة وقررت نتزوج بيها وصافي تزوجت بيها واخاا مكنتش كنبغيها. وصافي مكتااابش ومكملناش.
لبسات عبايتها القهوية ولوات شال على راسها خشات فرجليها صندالة ارضية وهبطات لعندو. كان كيشوف قدامو يلاه حس بيها قربات عندو حل ليها الباب من الداخل بلاما يضورو وجهو فيها.
طلعاات وهيا خيفااانو من نضراتو الحادة يلاه بغات تهضر ضار لعندها وقاطعها بصرامة : ممكن شي تفسير على هاد المسج؟؟؟؟؟ واش كتبرهشي علياااا ولا شنوووو!!!
نريمان : انا مرتاحيتش لهاد الزواج وكيف قلتلك انا خايفة بزاف ومعرفااش شمن قرار لي ناخد. بزاف دالحوايج تخلطو عليا وكنحس براسي ماشي هيا هاديك. انا مبغيتش نتفارق معاك وفنفس الوقت مبغيتش نزربو فهاد الزواج
جهاد : سمعي نقولك اناا معنديش الصبر لي نبقااو انا وياك غا خارجين داخلين ونضيعو فالوقت انا عندي 31 عام وباغي نتزوج ونعيش فالحلال حسن مندوز حياتي فالحرام ومن وحدة لوحدة واهم حاجة بغيت ندير وليدات يعمرو علياا ونحس بالأبوة يكونو هوما كلشي فحياتي . الوقت لي نتفلى ولا نضيعو فالخوا الخاوي قسما بالله معندي وراني كنحلف ليك.
نريمان : نتا سبق ليك وتزوجتي عندك تجارب انا معرفاش ومفهمااش وصعيب علياا نبدا حياتي جديدة مفاهمة فيها والو.
شافت فعينيه وقالت داكشي لي مخزن فالداخل ديالها قررات تخرجو باش تهنى وتاخد جوابها : خايفة تكون مزال كتبغي هديك كنتي نتا وياها على علاقة ولا مزال كتطلقاو ولا كت.... المهم اولا كتعرف بنات خرين وكت..
جهاد : شنوو؟؟
نريمان : بتوتر ) داكشي وصافي مهم نتا راجل كدير لي بغيتي وفلاخر كتبغي تزوج وعاد كتفكر فالحلال
خرج فيها عينيه وقال : دابا نتي غااا كتخربقييييي شنو معنى ديال هاد الهضرة دابا ؟؟؟؟ شنو عندك فداك الدماغ؟
السيدة كنت كنبغيها متفهمنااش سلينا ابخي رجعنا تزوجنا .. اوك و تزوجنا زواج متعة واخاا هيا بغات زواج يكون حقيقي ويكون عندناا ولاد ولكن مبغيتش وفلاخر مكملنااش المراة اللولة. كنت موفر ليها كلشي طوموبيلتهاا كونت ديالها فالبنك اي حاجة بغاتهاا ولكن لقيتها زيرو داك القمع والزيار لي كانت كتعيشو فدارهم ملي تزوجنا وعطيتها الحرية دارت مبغات وكانت كتفشش كيف بغات ولكن تجوزات الحدود ديالها معايا وبالخصوص ملي عرفت كلشي عليها وملي تخاصمناا كانت حاملة داك الساعة وكانت هديك هيا نقطة ضعفي هوا ولدي لي كنت كنتمناه يجي لدنياا ونهزو بين يدي ولكن هيا لعبااات ليا على اعصابي مكانش باغا الولاد كانت ديما كتقولي لا حنا مزال صغار نعيشو حياتنا الولاد من بعد اناا ممستعداش اناا مبغاش الولاد انا غندير كرطاج وديماا كنت كندير معاها فوق الخاطر وفينماا يكون شي مشكيل كتبغي تمرضني وتستفزني وتهددني بلي غتحيد الولد ومشات دارت كورطاج يحساب ليها غنبقى تابعهاا ولا غنرجو نتصالحو ونكملو ولكن انا خديت قرار طلاق وقرار منرجعش فيه واخاا حاول معايا الوليد ديالها مرجعتش فالقرار ديالي وعودت ليه كلشي باش ميقولش ضلمت ليه بنتو.
ودابا هاهيا رجعات لدارهم عياات متحاول نرجعو ولكن مبغيتش هادشي لي ضارك فراسك ولا مزال شي حاجة خرا؟
نريمان : الصمت
سكت لثواني وقال : وهاد الهضرة لي قلتي اناا راجل غندير لي بغيت وعاد نفكر فالحلال راه عادي اي واحد فينا عندو الغريزة ديالو وكيبغي يفرغ شهوة ديالو ولكن اناا... ( سكت شوية وعاود هضر ) كون كنت كندير شي حاجة مكنتش غنفكر فالزواج وتيقي ولا متيقيش ملي طلقت مقصت شي وحدة لحد الآن . الاوقات ديالي كلهم كندوزوهم بين الخدمة وكلوب ونجلس بوحدي فالدار، هادشي علاش انريمان بغيت نتزوج .غتكوني فهمتيني دابا!
حركات راسها بالايجاب وهيا حاذرة راسها. بقات على نفس الوضعية وقالت :
نقدر نقولك بحالا حسيت بالغيرة وتمنيت لو كنتي متزوجتيش وكنت انا اول وحدة تزوج بيها.
جهاد : عادي هادشي ولي فات راه مات مورايااا. داكشي مغاديش نبقاو نهضرو فيه الحياة هيا هادي. ملي مكتفاهمش مع شي حد كيكون الحال هوا الفراق.
الأجنحة المنكسرة الجزء التاسع
محتوى القصة
التنقل بين الأجزاء