بلباسها الطبي جالسة وسط القاعة المخصصة لتحاليل ..داتها كلها مزال كترجف بالحلمة لي حلمات ...زياد صدمة لاعبة عليه كيدير تحاليل و صور على قلبها و يعاود يديرهم ولونو مخطوف بينما عهد استسلم وجلس حداها كيشوف فيها بصمت وهي كترعد ....اما العائلة بقاو برا كيتسناو وكيعيطو على عصام لي تليفونو طافي ما عارفينه فين مشا ...
حليمة بداكشي لي شافتو خلا الخوف يسيطر عليها و فوسط بكائها نطقات امام الكل : سحرو ليها الكفرة بالله بغاو يرزيوني فبنتي وهي مزال ما شافت والو فدنيا ...
جواد بعصبية ضرب يدو مع الحيط ساخط : كلشي منك احليمة باب دارك ديما حلاه وغير لي جا يدخل ما عرفناها دار و لا قهوة ..عيت ما نهضر معاك ونتي كديري غير لي فراسك ...
حليمة هبطات راسها : ما كيدخل عندي حد ياك غير جيران والعائلة لي كيجيو شنو بغيتي نقول ليهم ما تجيوش....
جواد من تحت سنانو مزير : ما يجيوش الالة زيارة ليها قانون ماشي فين ما ندخل نلقاهم سابقيني دايرين يديهم فالماكلة و وسط كلشي وزيد شكووون تما لي عزيزة عليه هاجر ياك نهار طلقات شحال من واحد دوا فيها خايب وهادو اش كتسناي منهم احليمة اااش يرسلو لبنت لقبر باش ترتاحي ...
حليمة مسحات دموعها : انا دايرة غير نيتي ....
جواد دور يدو على راسو : الوليدة فهمي هادشي كلشي تعرفي ليه تال بنادم ما تفهمي فيه والو هانتي قدامك شفتي اش رضات لبنت غير شعر و دم كحل وهادشي كون بقى فيها كانت لعام مدوزوش معانا ....
كلشي حدر راسو ما قدروش يهضرو ولا يتكلمو و صدمة مزال لاعبة على وجهم اما جواد مبغاش يسكت غير صوتو لي كيتسمع في كلينيك كامل ...
لداخل كلشي كيسمع لكن هاجر كان عقلها مرفوع ..وقف قدامها زياد ورما لوراق من يديه بحيرة ونطق بصدمة ....
زياد : هادشي ميمكنش ...
هاجر رجعات لواقع فور ما سمعات كلامو هزات راسها و نطقات بصوت مبحوح و بشوي واضح تعب من عنيها : شنو كاين ا زياد ....
كل من زياد وعهد شافو فيها لمرة تانية بصدمة ..هما بجوج مقالوش ليها أسمائهم ومن فاقت ما قالت والو و اول ما نطقات دكرات اسمو بشكل عادي .. نطقو بجوج دقة وحدة...
-هاجر واش رجعات داكرة ديالك .....
هاجر بملامح فارغة شافت فيه لمدة دقيقة كامة وهي فقط كتشوف فيهم بنفس الملامح وفقط عنيها لي كيرمشو ...تبدلو ملامحها لصدمة عاد عاقت براسها ..حطات يديها على جبهتها كتحسسها بطريقة مربكة بغات تنوض لقات جسدها مرخي...بقى فقط عنيها لي كيدورو فكل مكان عاد نطقات ولمعة فعنيها ...
-ما عرفتش ....
عهد حس بالارتباك ديالها وهو يوقف حداها بحنية قال : متخلعيش كلشي معاك هنا ما تخافيش ...
هاجر بتوتر شافت فيهم بجوج : ما عرفتش .."دورات عنيها لباب "..بغييت عصااام ...
زياد برقة : هاجر بشوي عليك كلشي ايرجع كيف كان فقط جاوبيني عرفتيني شكون انا ..."حركات ليه راسها بشوي وكمل هو كلامو "...باش كتحسي ...
هاجر بعيون واضح فيهم الارتباك هبطات راسها لتحت ..مدو ليها كاس لما تشرب و كيتسناو فيها تنطق ...بعد مدة لا تقل عن القليل نطقات اخيراً ....
-حلمت واحد الحلمة ...
زياد كمش حجبانو وقرب ليها كتر : باش حلمتي .....
هاجر شافت بعيد ونسيم دخل من شرجم ولف وجها بلطف ..غمضات عنيهم وبدات كتعاود كل تفاصيل الحلمة بينما هم ملامحم كتشكل ما بين صدمة وعدم التقة لكن من كيتفكرو داك ردان لي ردات فور ما فاقت كيزيدو يتأكدو ان هادشي لي كتقول حقيقي ....
زياد تكى على لكرسي فاقد للقوى صعيب شي واحد يسمع هادشي كامل و مايتأترش فكيف بهاجر لي عاشتو فحلمها بأكمله ...هز راسو لفوق و نطق فقط ...
-سبحانك يا الله ....
ومن غير الله يرفق بعبده و يخرج له مخرجا ولو بعد حين ...
هاجر حطات راسها بين يديها و بصوت مخنوق كملات كلامها ...
-ما عرفتش كيفاش هادشي من فقت لقيت راسي عاقلة على كلشي ولكن ما عقتش ان داكرتي رجعات حيت صدمة الحلم كانت مأترة عليا و لماء لي شربتو و توام لي خلاو لي بين يدي مبغاوش يمشيو ليا من بين عيني كنحس بيهم موجودين حدايا لكن ما عرفتش فين ...حاسة براسي بحالي كنت فشي غيبوبة و رجعت حييت من جديد ....
زياد ركز عينو فيها مزيان عاد نطق اسمها بتأتر : هااجر ..."هزات عيونها فيه "....نتي حاملة و بتوام ....
جسدها كلو رجف بصدمة و يديها بدون وعي حاطو كرشها مزيرة و تنفسها جهاد و عنيها بداو كيلمعو بدموع ...اما زياد بان فيه تأتر بزاف بالحلمة لي عودات ليه لأنه انسان شاد فدين ديالو مزيان و قريب لله ..هبطو ليه دموع بخشوع وخجل من لطف الله و رحمته ...مسح دموعو ويدو كترجف هز لوراق قدام هاجر ونطق بشوي ....
-لاحضي لفرق لي واقع بين كل صورة ...
كانو تصاور ديال قلبها ركزات فيهم بدون
فهم ...وبعد مدة كمشات حجبانها و هزات صبعها ببطئ نحو وحدة من صور و نطققات بتسائل...
هاجر: شنو هادشي....
زياد هبط تصاور وقال: عقلتي نهار جيتي عندي اول مرة اش قلت على قلبك....
هاجر ستدكرات الكلام وعاود نطقاتو بالحرف...
-قلتي ليا لعروق ديال قلبك مسدودين جزئيا وهادشي كيخلي دورة دموية توقف فبعض الاحيان و كتعكس ليا وهادشي لي كيخلي قلبي يضرني ولا بقى هكذا يقدر يتوقف فأي لحضة ودوا ليعطيتيني فقط كيجيري دم باش يقدر يدوز بسهولة ولكن مع المدة دوا مغاديش يبقى يفيدني و بهادشي نقدر نموت فأي لحضة ....
زياد عاود هز صورة : هاد صورة ديال قلبك ست اشهر دابا وهنا كيوضح بلاصة كحلة فوسط لعرق وبهاد سبب كان مستحيل نديرو ليك العملية حيت يقدر فوسط العملية العرق يطرطق وهادشي كيعني الموت ...."عاود هز صورة تانية "..هادي خديتها ليك من رديتي داكشي و شوفي مزيان جهة العرق ماكاين فيه والو و كيبان عادي بحال لخرين ....
هاجر خطفات منو صورة بصدمة كتشوف فيها..بدات كتقارن كل صورة مع الاخرى ممتيقاش اش كتشوف عنيها و نطقات بجهد....
- شنو كيعني هادشي ا زياد .....
زياد هز يدو بجوج و نطق ببساطة : العلم لله ..تصدمت من شفت هادشي و عاودتهم كثر من مرة و لقيت نفس النتائج والعرق لي كان سبب هادشي ولا عادي و دورة الدموية ديالو كدور من اتجاه الايسر نحو الجهة اليمنة بشكل عادي..."حط يدو على جبهتو " ...منقدرش نقول ليك هادي معجزة لان زمن المعجزات مبقاش ولكن هادشي فوق استطاعتي نفهمو ا هاجر فقط انقول ليك انك تشافيتي كأن تا حاجة ما كانت فيك ....
هاجر تجمدات فمكانها ولوراق طاحو من بين يديها ممتيقاش اش كتسمع..حطاات يديها على قلبها لي عنات منو مدة عام كامل بألم و كل ليلة كتشهد ضناً انها مغاديش تصبح وكيف اليوم يقولو ليها تشافيتي وهما لي قالو قبل مكاينش دوا لهادشي لي عندك ...
صدمة فتعابيرها المتسائلة و بين عنيها رجعات ليها الحلمة لي حلمات ..عضات فمها من لتحت مقدراتش تهضر و فقط دموع لي بدا كيهبطو من عنيها بغزارة تا مبقاتش قادرة تستحمل كثر وهي تنفاجر ببكاء شديد ....
فرحة ...شكر..خجل...كل الاحاسيس تخلطو عليها فمكان منها غير البكاء ربما دموع اكثر الرسائل تأثراً نحو اي شخص...فكانت دموعها و شكرها و خجلها لله وحده ....
وقف زياد مقدرش يستحمل بكائها و نطق بشوي : هاجر نصحك نصيحة ما تعاودي لتا واحد هاد الحلمة خليها بينك و بين الله و انا اندير راسي عمري سمعتها...
خرج و جر معاه عهد لي مقدر ينطق بوالو ...
فور ما خرجو خلاو لباب محلول لي بسرعة دخلات العائلة عندها من سمعوها كتبكي .....كيسولوها وهي فقط كتجاوبهم بعناق حتى بكاتهم معاها كاملين....
رجعوها لغرفة ديالها و هي طلبات منهم يجيبو ليها حوايج باش تبدل ...
دخلات لدوش غسلات لحمها كامل و لبسات ملابسها الداخلية ومن فوقهم لبسات عباية بيضاء بزيف ديالها مغطية بيه كل داتها....خرجات عندهم وملامحها متعبة و جرحة لي فوق عنيها بالعملية كتزدح و كضرها ..ورغم دالك مبغاتش تجلس ليهم..بين عنيها شخص واحد وهو "سمير" ومن شافت عصام مكاينش عرفات شي حاجة واقعة و زيد الحلم كيأكد ليها كلشي...
توجهات عند زهير لي كان كيهرب نضراتو منها..طلبات من العائلة تخرج و بقات هي وياه راس فراس بدون مقدمات سولاتو ...
-فين هو عصام و سمير ....
زهير بتوتر قال: ختي هاجر راكي مزال مريضة حاولي ترتاحي شوفي وجهك كيف صفر انا انعيط على عصام دابا يجي عندك...
هاجر بسخط : زهييير قووول ليا فيين هو خويا و راجلي بلا ما تخبي عليا كثر...
زهير من سمعها نطقات على سمير خويا ملامحو تخصرو و نطق نيشن بدون لف او دوران ....
- سمير لي كتقولي عليه خويا غتاصب بنت ختك اريج و دابا راه فالحبس وهو عتارف بهادشي كامل ....
هاجر: لا واش من نيتك كتهضر سمير غتاصب اريج ..."رجعات كضحك بجهد و نطقات وسط ضحكتها"...و الله تا زوينة هادي سمير يغتاصب ...
زهير شاف فيها بحزن عارفها اتصدم و ما اتيقش حيت كلهم عارفين هاجر تكدب كلشي ولو والديها ما تيقهمش ولكن سمير تايقة فيه تيقة عمياء ..سرط ريقو بصعوبة عاد قال...
-هو عتارف بهادشي قدام كلشي.....
هاجر سكتات من ضحك وشافت فيه بعيون حمراء و وجها صفر بتعب مدات يديها : عطيني ساروت طونوبيل ....
زهير قصح معاها : هاجر تيقي ولا متيقيش هادشي لي كاين وما عندك ما ديري لا مشيتي عندو ....
هاجر بنفس النبرة لكن عنيها و مضو ببرود: عطيني سوارت ا زهير ....
ساط بجهد و وهو يجبد ساروت مدو ليها و هز يدو لفوق...
- متصدميش من تعرفي حقيقتو ....
هاجر نترات ساروت من بين يدو :ماشي نتا لي ايوريني شكون هو سمير ....
خرجات كتخبط فرجليها شافت زياد جاي لعندها وهي تقرب ليه من شافت عائلتها جايا لعندها من شافوها خارجة ..نطقات بشوي حدا ودنو...
هاجر: خاصني نمشي لواحد بلاصة ما بغيت تا حد يعرفها بغيتك تعاوني و تحاول تشد العائلة كاملة تبقى فلكلينيك تا نرجع ...
زياد فقط حرك ليها راسو وخلاها تمشي وهو وقف فوجه لعائلة بإبتسامة ...
زياد: نتوما هما عائلة هاجر...
سي حميد حرك راسو وبقات عينو على بنتو لي خارجة: باك لباس يكما واقعة شي حاجة لبنتي...
زياد بلهجة جدية : حسن نهضرو فهادشي فالمكتب عندي و مكرهتش تكونو كاملين مجموعين....
واحد شاف فالأخر بخوف و تبعو زياد لمكتب و من وراهم بقى زهير تابعهم من لور كيسوط مبغاش يخليهم حيت عمو فؤاد و عصام وصاوه الهضرة متوصلش لعائلة و كلهم كيتسترو على الفعل ديال سمير هذا لي خلاه يزيد يكره و ميحملش هادشي ....
خرجات كتسوط من نيفها متسوقاتش لجسدها لي محتاج راحة ولا جرحة لي فوق راسها و مزال كيضرها...كان فراسها فقط الحلمة لي حلمات و سمير ....
ركبات فسيارة زهير و نيشن شدات طريق لمركز شرطة ممصوقاش اش ايوقع تم لأن العام لي تفارقات فيه مع عصام و قابلات لوطيل و تصرعات مع مرضها جعل منها مرأة قوية و كتوقف على شغل بيديها.... قبل ما تفقد ذاكرتها كلشي شهد ان شخصيتها ولات بحال ديال عصام و اليوم بعد ما رجعات داكرتها رجعات ليها نفس الشخصية ....
جالسين قبالت بعض ..واحد عنيه حمرين مركز شوفة و الاخر مهبط راسو لتحت وضرب لي فوجهو بدا يزراق ....شاف المينوط لي فيديه وهو يشير لبوليسي لي حداه يزول ليه المينوط ...
سمير من شاف المينوط تحيد حك معصمو بتعب و بقات عينو لتحت..كان واحد صمت مخيف بينهم لدرجة تا واحد ما قدر ينطق بيناتهم ....
فرق عصام شفاه ديالو و بقى شوي عاد نطق بهدوء...
- ماشي نتا مولاها ....
سمير رجف جسدو بخفة ما بانت لتاحد من غير عصام لي لاحضها و عيونو فالأرض قال...
- غتاصبتها و ضربتها ...
كمال لي مزال دم كيغلي ليه نطق بجهد: و مزااال كتقووولها المجرم ..."شاف فعصام معصب"...شفتيي مراتك اش جااابت لينا غير المريض درناه فوق راس وهو كيحفر لينا بين رجلين ....
عصام بغضب ضرب يدو مع طبلة بجهد و جمع الوقفة وهاز صبعو فوجه كمال..
-لحد الان صاابر لييك غير حيت فاهم باش كتحس ولكن تجبد مرااتي غادي نتصرف معاك شي تصرف ما غاديش يعجبك ا كمال..المشكل بينك و بين سمير وانا داخل فيه هاااجر منعاودش نسمع سميتها على لسان تا قواد فيكم .."غوت بجهد"...تفاااهمناااا...
جلس فبلاصتو كيسوط مخنزر فسمير طالع ليه دم و نطق تحت من سنانو...
- عاااود ليا اش كاين ...
سمير هز راسو بتعب :انا قلت لي كاين ....
عصام عاود ضرب يدو مع طبلة مغدد باغي ينقز عليه ...
-سميييير ما تزيييدش تمرضني جيييني نيشن عااارف هادشي ماشي ديالك واش مكنتيش شارب دواك من درتي هادشي بالبنت...
سمير حرك راسو بـ لا : كنت فالوعي ديالي ودرت كلشي وانا بعقلي ...
عصام لون تخطف ليه من وجهو ما قدر يقول والو من غير..
-علاااش...
سمير حدر راسو : كنت كنبغيها و طلبتها من يدين باها و من مبغاهاش غتصبتها باش يزوجوها ليا .....
عصام ضحك بجنب بسخرية ممتيقش ..
- واش كتصحابني ولد لبارح اسمير ولا عاد غادي نعرفك..."هز يدو بخمسة صباع"..خمس سنين و نتا تحت يدي عارف عليك كلشي..."تقاد فالجلسة وعاود نطق نفس الجملة "...قول ليا الحقيقة ا سمير وكنواعدك كلشي ايتصلح...
سمير زير على فمو بجهد ما قدرش ينطق حرف ...وريق ديالو حابس ليه ما قادرش يسرطو بالغصة لي خنقاه فحلقو ..زاد هبط راسو كثر بغى لارض تشق و تبلعو و ما يتحطش فهاد الموقف قدام عصام ولا اي واحد ...
شافو عصام تزير و بدا لونو كيتبدل وهو يتنهد بجهد تكى على لكرسي كيشوف فيه مزيان و نطق جوج كلمات بهدوء تام...
- هاجر حاملة ....
سمير بصدمة هز عينو فيه بينما عصام كمل كلامو بإبتسامة صغيرة ...
-حاملة بتوام ..."ركز عينو فيه"...عارف كيف اتولي حالتها من تعرف اش درتي..يقدرو دوك توام يطيحو ليها و يقدر قلبها يتوقف هادشي مفكرتيش فيه كيف اتكون هاديك ليهزاتك و علاتك ونتا غضرتيها .....
سمير صدمة علات وجهو ولونو تبدل ولا شاحب بحالي تضرب بموس ....وسط صدمتو و نضراتو بينو وبين عصام دخل بوليسي كيدوي مع لبوليسي لي متواجد فنفس الغرفة مع سمير وعصام و نطق بصوت متوتر ...
- شاف مرات سي عصام بغات تشوف المشتبه به ...
شافو فعصام لي بدورو تصدم و جمع الوقفة بجهد ...
كلهم دورو عنيهم لباب وهي بجلبابها الابيض و بملامحها الشاهبة دخلات عندهم و عنيها جات مع سمير لي جمع الوقفة و دمعة هابطة من عينو ...قدامها مقدرش ينكر و بدون ما ينطق حرك راسو يمين و شمال ...
عيونهم تلاقات بحزن ..هي كتشوف فيه بعيون كيلمعو بدموع و حلقها نشف وهو خلا دموعو ينزلو و يفضحو كل ما في قلبو لي قرات فيهم كل ما لم يستطع لسانه قوله....
نعم اخطأت و خنت....
القدر كان أقوى مني....
بس وحياتك ماخنتش....
غلطتي اني ما قلتش ....
عن سبب دنبي و غلطتي....
وحياتك لم اخنك حتى في كوابيسي ...
نفسي أقلك عن حبي و اشتياقي لها...
ولي بسكتني خوفي وكبريائي..
زي ماضيعت من عمري كتير....
كنت أقدم لك أنا حبي الكبير ....
كنت بنفسي أوهبك عمري اللي باقي....
انتِ أول حب عشته .....
وهي آخر حب عشته....
صدقيني وارجعيها لي ...
لأن بعدها عني راح يكون انهياري و نهايتي ....
غمضات عنيها بالم و مسحت دموعها لي هبطو على حنكها تحركات بهدوء و توقفات وسط لقاعة وقلبها كينبض بعنف مقدراتش تشوف فشخص المصدوم لي حاط عينو عليها ...خجل او ربما شيء اخر لي خلاها تهرب عينيها منو و تركزهم غير على سمير ...
بقات كتشوف فيه وقربات ليه بهدوء..هزات يديها و حطات صباعها برقة على ضربات لي فوجهو و نطقات بحنية ...
-عصام لي ضربك ...
حرك راسو بجهد بمعنى لا وهي تبسمات برقة و بجنب عنيها شافت عصام لي ربع يدو لصدرو.... كيشوف فيه بواحد طريقة فشكل...
ما دخلش ولا غوت عليها ولا نطق ولا سول علاش جات ..بل بقى صامت وحاط عينو عليها وضلو محاط بيها كأنه كيحدر اي واحد فالغرفة يقرب ليها ولا ينطق حرف واحد فوجها ...
جراتو من دراعو امام الكل و نطقات بصوت هادئ...
- اتخرج معايا من هنا ....
لبوليس خرجو عنيهم بينما كمال تهز من بلاصتو جاعر مشا كيخبط فجلايلو وقف قدامها كيغوت....
-وااااش عاارفة اااش داار هذاااا بي بنتيييي ولا لااااا ولا حيت بنتي نتيي ماشي سوقك فيها و سمير لي هامك يغتاصب لي بغى حيت لالة هاجر اتخرجو ...
هاجر خنزرات فيه بغضب : كماااال نتا عارف و انا عارفة متخليينييش نجبد سمييي عليك...
كمال سكت للحضة و لكن من تفكر انها فاقدة داكرتها نطق : اااش كتعرفيييي ا هاجر واش باغية تخلي بنتي يضييع حقها من هاد شيطااان حاشة لله يكون انسان كيف طوعاتو نفسو يحط يدو على بنت عندها 13 عام ويا حسرة هو لي رباها بييين يدو وانا كيف لحمار عاطيها ليه حيت قلت لولد تيقة وهو غدرنيييي و خسر ليا بنتي ....
هاجر خسرات سيفتها ورا كلامو ..دورات عنيها لناس لي كاينين ما بغات تا واحد يسمع هضرتهم و هي ترك دراع سمير و جرات معاها كمال برا ممصوقاش ليه ...وقفو فمكان فارغ وهو ساخط بغى يحل فمو وهي تهز صبعها فوجها كترعد....
هاجر: اقسم بالله اكمال و ما تسكت تا نشوهك رااك عارفني زلزال و ندير كثر منها ماشي حيت ساكتة طلع ليا فووق راسي ..متنسااش اش درتي بختي و شكون عتقكم و دخل خيط بيد بين عائلتي وعائلتك باش تزوجو و تسترو الفضيحة ماشي نتا داير كثر منها و تجي تحل فمك على سمير ...
كمال رغم انه تصدم من رجعات ليها داكرة لكن الغضب كان عمى ليه عنيه و نطق ساخط...
- اناا وختك درنا هادشي برضى ماجيتش و غتاصبتها وياك تستنرنا وليدرناه مافراس حد من غيرك وما قلناها ليك تا كنا كنتيقو بيك لكن باااش تشبهيني بهاد لحمار لي غتاصب لي بنت وحدة لي عندي و تعدى عليها راه عمري نسامحك ا هاجر ...
هاجر كبرات مع كمال وهي وياه بحال لخوت ولو يتغاوتو تاحد ما يقدر يقول لعيب لكن الغضب لأن فات حدو و جراتو من كول قامجة مخسرة سيفتها....
هاجر بعنف: لبنت عمرها 13 عام شنوو بغيتيه يقووول بغييتيه يقول هي لي رمات راسها عليا و يمرغ ليها وجها فلارض قدام ناس ...
كمال دنيا درات بيه بصدمة خرج فيها عينو و نطق بتوتر : ككك كفاااش...
هاجر بسخط : عام ونص هادي و انا كنقول ليكم اريج لسمير حيت هو كيبغييها وناويها حلالو وتا هي بغاااه ..وقع الغلط و الله يصلح ومشا طلب يديها منك ونتا باش رديتي عليه قلتي ليه حمق وعايش بدوااا و متستهلهاش ....
كمال رجليه فشلو عليه جلس فوق الكرسي حاط يدو فوق راسو مصدوم وكيفكر وهاجر جلسات حداه كتبرد بشوي ...
هاجر: سمع ا كمال نتا عارفني كيف دايرة معنديش مع زواق و نجيك نيشن سمير و اريج غلطو بجوج و دارو كلشي برداهم ما كاين لا غتصاب لا والو و سمير بفمو قال ليا كلشي لكن ما دكرش ليا شكون لبنت ودابا من وضحات صورة انقول ليك لي كاين ...البنت فعمرها 13 فين اتعطي وجها من تنشر خبار انها تغتصبات
والهضرة لي تكتر عليها وعلى العايلة ونتا براسك فين اتعطي وجهك ا كمال و المجتمع مكيرحمش نهايتها هي اما اتنتاحر ولا اتحماق ليك بنتك...وزيد ما كاين اغتصاب تسرعو وفعلا دنبهم كبير ولكن راه خداو كفايتهن باركة غير ندم لي كياكل فيهم و شوهة لي تشوهو بيناتنا و حمدلله الهضرة خليناها غير لينا و ماخرجنها لحد تا من والديا ما فراسهم والو ...دير عقلك اكمال و فكر بيه شوف هاد سمير لي نسب كلشي لراسو و رضى بنفسو يمشي لحبس وحمل دنب لنفسو باش بنتكم تبقى بعزها و كرامتها..فين تلقى بحال هاد راجل لي يبغي بنتك وعلى ود شرفها و كبريائها عفط على كرامتو ورضى بدل و بكلام ناس وانا عارفك ماخليتي فيه غير لي نسيتي ...."تنهدات بجهد".... كمااال رخف على راسك وخليونا نعيشو هانين ومرتاحين اما هادشي ماعندو فين يوصلنا راه تا لبغيتي دخلو لحبس ما اتقبلش المحكمة حيت اصلا كيشرب دوا ....
كمال هز راسو كيشوف فيها مزيان و نطق بهدوء : كتيقي فيه بزاااف ا هاجر وغادي تندمي شي نهار ...
هاجر تبسمات بشوي : مغاديش ندم ا كمال و صااافي عوتاني ما تردهاش ليا فوجهي دير غير بوجه داك الخير لي درت فيك نتا وختي و ما خليتكمش تفضحو وخلي تا سمير و اريج يعيشو بلاما نزيدو عليهم فدنب .
..
كمال ساط بجهد و دور يدو على وجهو : اهاجر هادشي لي كتقولي فيه ممسلكش بنتي صغيييرة بزاااف ...
هاجر ضرباتو لدراعو : وصافي تا نتا كان بإمكاني نجيب اريج تشهد و تقول لحقيقة كاملة لكن انا ما بغيتش نوصلها لهادشي و نجيب بنت ختي لهاد لبلاصة و تعتارف قدام ناس ..بغيت نخليها بعزها تا يديها هاد ولد ناس لي رضا كلشي لنفسو باش ما يقيصها سوء...
كمال هبط راسو كيسوط بقى مدة طويلة هكذاك و هاجر كتحرك يديها على ضهرو وتعاود ليه الحلمة لي حلمات و كيف تلقات بوالدين سمير و شنو قالو لسها..عودات ليه كلشي وهو بصدمة تزير ماعرف ما يقول ولا يفعل بقى غير كيسوط كيف الحنش و اخيراً هز راسو و نطق كلمة وحدة ...
- غلبتيني ازلزال...
كلشي بصدمة شافو فكمال لي قدامهم كيرمشو بحالي ما فهموش اش قال...
لبوليسي : سي كمال عاود اش قلتي ...
كمال دور وجهو لجهة لخرا بإحراج: انتنازل على شكاية لي رفعتها فوجه سكير كان سوء فهم ودابا عاد فهمت ...
سمير تصدم بينما هاجر مشات عندو كضحك بغات تعنقو وهي تلقى يد سابقاها جراها بجهد لعندو دخلها فحضنو وهزليها راسها مقابل معاه كيشوف فعنيها بواحد لمعان غريييب و نطق بصوت تقيل ....
عصام: هاجر....
قلبها بدا كيضرب بجهد وسط قفصها الصدري وهي تهرب من بين يدو وجرات سمير لي مافاهم والو هاربة من عصام لي بقى عينو عليها....
ساط بجهد و بقى هو وكمال و صحابو يكملو اجراءات ديال تنازل على القضية بينما عقلو مرصاش من تفكير و فور ما لقى الوقت تاصل نيشن بكلينيك لي فيه زياد يهضر معاه ....
ركبو فسيارة و شدات طريق وهي سايقة وهو مزال مصدوم فبلاصتو بعد مدة رجع توگد ونطق بتسائل...
سمير : شنو قلتي ليه باش يتنازل....
هاجر بإبتسامة: قلت ليه ما عمرك غادي تلقى بحال هاد راجل لبنتك ولا مشيتي تا دخلتيه لحبس بنتك غادي تبور حداك ومكاين لي غادي يندم قدك....
هاجر دورات راسها مصغرة عنيها :احياني على نص عقل ونتا دايرها قد راسك يزلق فيها جمل و ولدو ودابا دخلنا عليك بالله نهار جيتي كتعاود ليا مالك ما تقول ايا اريج نيشن ندخل بيناتكم و نصلح جرا مالك خبيتي عليا ...
سمير حك راسو بشوي : كنتي فاقدة داكرة و خاصك اصلا لي يعاونك ما....
تقطع صوتو وفمو بقى محلول كيرمش بزربة و صدمة علات وجهو شوي وهو يشهق بجهد من طلع معاه اش واقع ...بسرعة دور عينو ليها بصدمة ....
-وننناري دلمك كتسوووقي....
هاجر تهزااات كاملة بضحك : ربع ساعة وانا سايقة بيك فين كان عقلك ديك ساعة ...
هاجر تبسمات: وكون ما رجعاتش تلقاني حداك هاد ساعة ..."جراتو من شعرو بجهد تا غوت بألم عاد طلقات ليه شعرو "....وهادي ترجع ليك العقل ا سمير هادشي ما فيهش ضحك لبنت صغيرة بزاااف وهادشي مصالحش...
سمير مكيحشمش من هاجر ولي عندو كيحطو نيشن بدون نفاق ...
- مكناش معولين نديرو هادشي ولكن وسط تعناق و البوسان سخنا و وقع لي وقع ....
هاجر هزات حاجب و هبطات لخر وهي تعاود تشدو من شعر كديه و تجيبو بيد و يد كتصوق بيها وهو فقط مخليها دير بيه مابغات ورغم الالم ضحك من نيتو وهي تخنزر وقرصاتو بجهد فكتفو ...
-كضحك بوجهك حمر .."عيباتو"...سخنا و وقع.لي وقع ..."عاود خباطو بجهد"...والله ما كتحشم ليماك ولكن هضرتي ماشي معاك هضرتي مع هديك لي مشات كتعرا عليك عاجبها راسها بلكلبة لخرا...
دخلو لكلينيك بان ليها فؤاد واقف مع طبيب وهي تمشي عندو بإبتسامة وهو كدالك بتاسم من شافها ودور عينو بجنب لسمير لكن ما قال والو بقى محافض على نفس تعبير سلم على هاجر و حرك راسو لسمير و خلاهم يدخلو يشوفو اريج و سومية لي جالسة حداها...
فور ما دخل وريحتو ملئاات الغرفة دورات راسها بزربة وجات نيشن معاه هو تصدم وهي كثر منو ما عرفو كيف دار طار عندها كيقلب ليها وجها لي مضروب وبلايص زرقين ولا كيترعد...
بقاو كيشوفو فبعض وهما يتبسمو دقة وحدة وجرها عندو دخلها فحضنو مزير عليها وهي دورات يديها عليه معنقاه بجهد... نساو كل العالم ولي كاين معاهم و كتفو ببعضهم فقط و بالحب لي جامعهم ...
هاجر جرات ختها وسدات لباب خلاتهم بوحدهم فالغرفة...
هز ليها وجها لعندو وباسها بين عنيها بلطف و صباعو كيتحركو على وجها برقة ...
طلع فوق البياص و نعس حداها خاشيها فحضنو وعينو فعنيها و ببطئ تحركو نحو بعض و شفاهم لتقاو كيتحركو منساجمين و بلطف دخلو فقبلة عميقة ..كسروها فقط من حتاجو لتنفس ...رجع دخلها فحضنو كيتنهد براحة وكيقبلها فجبهتها بدون ما ينطق ولا يعاود ليها اش وقع وهي كذالك ما قالت والو كتافو ببعض فقط ونساو كلشي يكفي يكونو قراب لبعض لا غير ....
جالسين فجردة برا و سمية بتسمات بضعف بداكشي لي عودات ليها هاجر ..
- مبروك عليك اختي من رجعتي لينا بعدا بصحتك وعقلتي على كلشي...
هاجر: الله يبارك فيك اختي.."قرصات ليها خدها "..اش واقع ياك صلحنا الوضع وبجوح ايتجامعو مالكي مزال مقلقة...
سمية بألم هبطو ليها دموعها عيات ما تخبي فيهم و مقدراتش ونحو حضن ختها تخبات كتبكي من نيتها ..رغم انه ديما مشادين و وحدة ما كتشبه لخرا فالعقلية و شخصية لكن وحدة ما دوز لخرا ولا تقاصت وحدة فيهم تنوض لخرا لقيامة لكحلة على وديتها ....
هاجر: شششش صافي باركة من لبكى تا حاجة ما يسوى قيمة دموعك اختي ...
سمية وسط شهقاتها: عايرني اختي ومرغ ليا وجهي فلأرض..اغلى حاجة وهبتها ليه عايرني بيها بحالي عمرو عاشرني ولا عرفني ...
هاجر خسرات ملامحها : هدا هو بنادم و ساعة غضب اختي قال فيها هاد لكلمات ما تنسايش راها بنتو ...
سمية : تا انا راها بنتي و اغلى ما عندي و لكن ما وصلتش نخرح معاه العيب ماشي بحالو عايرني فوجهي ...
هاجر عنقاتها بجهد: ششش صافي تا دابا الكورة بين يديك بقاي فداركم تا يعاود يجي يطلب يد كيف درت لعصام ...
سلوى ناعسة فالارض و هازة رجليها فوق صداري هزات كاس بين يديها : تبارك الله على مولات دار ....
حليمة كتشوف وحدة بوحدة مخنزرة: تبارك الله على عيالات اخر زمن تجمعتو ليا هنا عنداك تصحابو راسكم عزبات كتسناو الخطاب يدقو فباب دار واش اتنوضو تمشيو عند رجالتكم لا و نتوما سيمانة مدوزين عندي عطلة هنا ....
هاجر هزات راسها : انا متهضريش عليا اماما الله يرحم ليك الوالدين ...
حليمة : مزينتك مرا لقيتي سبة بالوحم وجايا تشهاي عليا هنا اما داك راجل مسكين سيمانة ما طل اتكون كرهتيه فالولاد ولي يجي منهم ...
هاجر هزات كتافها : مكنقدرش على ريحتو شغادي ندير معاه يصبر تا يفوتني هادشي ....
حليمة خنزرات فسمية و اسماء وسلوى : ونتوما اللفعات هادي كتوحم قلنا لباس و نتوما مالكم سيمانة ونا صابرة ليكم وهازة هبالكم وجالسة نطلب فرجالتم يصبرو ونتوما هنا كل وحدة مشبحة ليا فقنت ولاو دوك سدادر كيطلبو شرع منكم ...
اسماء هزات راسها ولفات حليمة وفمها الماضي.. ولات كتجيها عادي ومكتقلقلش ومع الوحم زادت عزازت عليها : انا اخالتي بحالي بحال هاجر شوفي غير هادو مالهم ...
سمية هزات صبعها : والله ومايعاود يجي يطلب يدي من با لا رجعت ليه وخا نعرف نبقى حداك هنا ....
طارت لكوزينة هزات لمدلك ودخلات عندهم كتخبط وهما غير شافو المدلك طارو من بلاصتهم وحموها غير لغوات وحدة دفع لخرا ما وقفها غير صوت سي حميد لي كيغوت من لبيت ...
- وااش مغاديييش نعسوو هاد ليلة يهديييك الله احليمة غدا فايق بكري ودراري لتحت صغار ناعسين ....
حليمة حطات صبعها على فمها : شششششش تهضر شي كلبة فيكم ندمغها هاد ليلة يالله تفرتكو عليا من هنا شهمتوني يالفعات ....
بزربة تفرقو و كل وحدة طارت لبلاصتها حابسين ضحكة ...زاينة طلعات عند راجلها و سومية هي واسماء هبطو لتحت لبيت هاجر فين ناعسة اريج لي كتنعس بكري بساب دوا ونورة لي جابتها اسماء معاها و هاجر دخلات لبيت ديال ايوب لي عطاه ليهم هي وخالتها ينعسو فيه وهو كينعس فصالون ....
دخلات لدوش غسلات لحمها و نقات راسها مزيان ودارت دوا لجبهتها ورجعات لغرة على جبهتها لي قطعاتها باش تخبي ليها جرحة ...
مشات لكوزينة هزات قرعة ديال هواي مع كاس ودخلات لصالون كتشرب بشوي جاها لوحم عليها ...صونا تليفونها وتهز معاه قلبها ..شافت الاسم لي فشاشة و عضات طرف فمها و تنهدات بشوي كتحاول تبان عادية وقبلات لخط كيف عادتهم ديما فهاد الوقت يتاصل بيها و يباتو يهضرو مع بعض...
هاجر: الوووو ...
عصام بصوت تقيل : سلام صافا ....
هاجر عضات فمها بحالي كدوز من مرحلة الخطوبة اول مرة : حمدلله ونتا لباس عاد جيتي من سفر ...
عصام : اممم ساعة باش حطاتني طيارة ..
هاجر دورات شعرها ورا ودنها : وصلتي لدار ولا مزال فطريق ...
عصام تنهد بشوي و نطق بصوت مبحوح : توحشتك ....
هاجر خشات راسها فالمخدة غوتات بصمت بحالي عاد كتعيش مرحلة المراهقة ..بعدات تليفون ونحنحات بشوي عاد تكلمات ....
هاجر: غير سيمانة و توحشتيني فيها دغيا ...
عصام دور لسانو على شفاه ديالو ببطئ : وقتاش غادي تحني عليا مابقيتش فيك كاع هادالايام هاربة عليا ما خليتيني نشوفك ولانطمأن على صحتك خليتيني نعيط على كلينيك باش نعرف كيف دايرة صحتك ...
هاجر كدور فشعرها و صوتها فيه دلع : وكون سولتيني كنت انقولك كيف دايرة صحتي ما تحتاج تعدب....
عصام تبسم بخفة.من نغمة ديال صوتها : مكفاكش هاد لعداب لي عايش فيه انا دابا ....
هاجر عضات فمها من لتحت : انا ما حبستكش عليا وقت ما بغيتيني اجي عندي لدارنا ...
عصام هز حجبانو : زعمة ...
هاجر ضحكات بشوي : كنهضر معاك من نيتي ...
عصام : اممم كدابة ..
هاجر حابسة ضحكة : والله تا كنهضر بصح ....
عصام : اوا من هادشي كامل هبطي عندي انا كنتسناك فطريق لكبيرة ....
هاجر تصدمات بزربة جمعات الوقفة : كفااااش....
عصام بتاسم : كيف سمعتي....
هاجر طفات عليه تليفون وعنيها كيدورو بزربة طارت لبيت خدات احسن لبسة عندها و تمات خارجة وهي توقف ورجعات حلات لمجر كتشوف فملابسها داخلية وهي تهز وحدين مشبكين بالاحمر مغريين فلبسة ....
دخلات لدوش لبسات ملابس داخلية ومن لفوق لبسات سروال ديال توب اسود مع تريكو فالابيض...دارت فوقو كاب قصير ...ومكات فقط بالكحل و ڭلوص ودارت درتها خلات لغرة خارجة من زيف كتغطي ليها جرحة ......لبسات صباط طالو ديالو قصير وهزات صاكها دارت فيه سوارت و تليفونها وهزات كونطاك ديالها و خرجات ...
ركبات فسيارتها لي رسلها ليها عصام من جات لدارهم و شدات طريق لي قال ليها عصام ...
شافت طونوبيلة ديالو وهو واقف متكي عليها وشعرو كيديه لبرد مدخل يدو فجيبو وملامحو حاملين هدوء و وسامة ...
وقفات طونوبيل ورا طونوبيل ديالو وهو بإبتسامة دار عندها وتم غادي جيهتها وهي خرجات و الحرج واضح فملامحها ...وقف عليها وباسها فحنكها بشوي ....
حركات ليه راسها بالإيجاب وهو سد ليها طونوبيل و جرها معاه لسيارتو ركبها حداه و رجع هو لبلاصتو شبك صباعو مع صبعانها و شدو طريق كيسوق و كل مرة يهز يديها يبوسها ليها ويدور يشوف فيها و يرجع يركز فسايقتو وهي اطير بالفرحة من لداخل كتشوف من نافدة بينما عنيها كيشوفو فوجه عصام لي منعاكس على زجاج النافدة ....
دخلات ابارطمو و هو من وراها سد لباب ..حيد لفيستا ونزل كيحيد فسباط ...
عصام : رتاحي اندوش دغيا و نرجع....
حركات راسها وخلاتو يمشي و هي دخلات لبيت نعاس كدور فيه و غير بينها و بين راسها بدات كتحيد حوايجها و بقات فقط بي ملابس داخلية لبسات فوق منهم بينوار توب مشبك و طلقات شعرها و خرجات كتعوج هزات لمليات فرشاتهم فلأرض فصالون عمرات لقنات بمخاد رطبين و مشات كتجري لكوزينة هزات تقضية لي خداوها فطريق ...عمرات كيسان بالمونادة لي كتوحم عليها و قدات فطباسل فواكه جافة فالاشكال و هزاتهم حطاتهم قدامها فوق المخدة و تكات شعلات تلفازة لقات فيلم كيعجبها وركزات كتفرج فيه و لحمها كيبان بيض وعامر بالغلض لي غلضات هاد الأيام وصدرها زاد كبر و تبندر باغي يخرج من بلاصتو ...
هزات كاس كتشرب منو بشوي ومتبعة لفيلم حتى طلعات معاها ريحة مع منخارها وهي تغمض عنيها براحة ..دورات راسها ليه كتضحك وهو جاي عندها كينشف شعرو ولابس بوكسور فقط ...وقف فباب صالون و طلع عينو وهبطهم فيها مزيان و رجع ركز مع ابتسامتها .....دخل جلس حداها متكي على يديه داير عندها وهي حاطة كاس على فمها كتشوف فيه بنص عين ...
عصام : مالكي كضحكي ....
هاجر زادت وساعت ابتسامة ديالها : فيك ريحت لفريز ...
هز حجبانو : هادشي لي ضحكك ...
عضات فمها حابسة ضحكة : غير ممولفاش ليك وصافي ...
عصام جرها من درعها لعندو و حط يدو على حنكها كيداعبو و نطق بعدوبة ...
-باش تبقاي معايا مرتاحة و متبززيش على راسك ...
هاجر تكات على دراعو كتشوف فيه بحب ...
-شكون قال ليك مبززة على راسي....
عصام هز ليها شعرها كامل حطو فوق عنقو ونطق بصوت تقييل : اممم زعما ...
هاجر بطفولة : غير من كنفيق مع صباح كتجيني ردة وكيخسر ليا لمزاج اما فلعشية كنولي عادية ....
عصام بقات عينو على كرشها و نضراتو تبدلو ونطق بهدوء...
-ما بقى كيجي عندكم حد ....
هاجر دغيا فهماتو وهي تحرك راسها : لا ماما و بابا جمعو و طواو وسدو بابهم ما بقى حد يدخل وما كنتصارفو مع حد ...
شافتو مزير وهي تهز ليه وجهو باستو فراسو بمودة ...
-متخافش الفقيه كل نهار كيجي يقرا فدار وديما القرأن مطلوق وفليل كنقراه انا وحاتم وحمدلله تا حاجة ما واقعة ...نسا عليك هادشي ومتخليهش شاغل بالك حمدلله دازت وكلشي مزيان دابا
بقى كيشوف فيها مدة طويلة وهو يدخلها فحضنو عنقها بجهد ودخل راسو فعنقها كيشم ريحتها و يطبع قبلاتو براحة ويدو كتسارة فكل انحاء جسدها بإشتياق و وسط تنهداتو الكثيرة نطق بصوت ثقيل ...
-توحشتك ....
خشاها تحت منو وطلع فوق منها وجهو حمر كيشوف فيها وهي بإنجداب كتلعب فكرشو لمطارسية و كتلمس عضلة بعضلة و بهدوء طلعات يديها ودوراتهم على عنقو و نزلاتو عندها بشوي لتلتقي شفاههم أخيرا بكل اشتياق و حب .. حسات بصبعو ففكها كيلمس بشرتها حتى وصل لفمها ودخل لسانو اعمق كيتدوق ريقها بحب وهي منساجمة معاه فكل حركاتو و كتنين ما بين شفاها برغبة ...
نزل يدو لرقبتها و دخل اصابعو وسط شعرها الأسود رجعو لور ... بعد منها ببطء و انفاسهم الساخنة كتضرب بعض و بجوجهم وجهم حمر و عنيهم كيبريو ...هز لي لغرة من فوق جبهتها ولمس ليها جرحة لي فوق عنيها بحنان وقبلها بلطف...
رجع كيقبلها قبلات متتالية و بطيئين خلاها تنادي بإسمو بين شهقاتها الكثيرة ... زادت شعلاتو كثر مقنعش بهادشي وهو يدور يدو على عنقها ودخل هو وياها فقبلة عميقة و طويلة كياكلو شفاه بعض و بتدريج بدا كيتكي جسدو عليها وهي كتحاك معاه برغبة....
وسط رغبتهم و شهوتهم ما حساتش بنفسها انه عراها كاملة كيتمنضر فجسدها المغري لي شتاق ليه بزاف ...جر لغطى فوق منهم و نساجمو بجوج تحت غطاء واحد و الجو سخن بالممارسة و كترة اهاتهم العالية و سخونة جسدهم الملتهبة لي لتاصقو ببعض غير ابيين بالافتراق يكفي ما داقوه من بعد و ألم و اشتياق و حرمان ...
أخيرا تجمعو تحت غطاء واحد يرتوون عطش بعضهم البعض بلدة و اشتياق و اهاتهم لي كتسمع بصوت خافت ولهيب أجسادهم
عرق كل لفراش و مزال حرارتهم منطفأتش ....
معك يا زلزالي ..
لا يوجد طقس معتدل..
ولا هدنة طويله..
ولا حياد مطلق ...
فالحياد مع امرأة مثلك..
معجونة بلوزها .. وعسلها ..
وحليب أنوثتها ..
وموسيقى أمشاطها ، وخواتمها ..
ترف ثقافي لا أقدر عليه...
وتنازل سخيف..
عن صهيل رجولتي...
كيف يمكنني..
أن أهادن زلزالاً ..
أو طوفاناً...
أو غابة إفريقية مشتعله ؟...
كيف يمكنني أن أصالح نحلة...
تخطط لارتشاف دمي ؟....
كيف يمكنني..
أن أتفاهم مع جسدك...
وهو لا يعرف إلا لغته ؟....
كيف يمكنني أن أربح المعركه ؟..
و أنا رجل واحد ..
و أنت قبيلة من النساء ...
صبح يوم جديد حامل في طياته الكثير ...خرج من سيارتو كيدلك كتفو وهز صاك عامر مطرطق وقف قدام لباب يالله ايدق وهي تحل لباب كضحك وعنيها فيهم فرحة جميلة ...
تبسم ودخل دور يدو على خسرها وهزها معاه بتعنيقة ودخل راسو فعنقها باسها و نطق بصوتو لي كيريحها ..
سمير: توحشتك ....
بعدات وحناكها حومر بإبتسامة..
اريج: وقتاش رجعتي ...
سمير لعب ليها فشعرها : مع لفجر .."عاود قرصها فخدودها" ...كيف بقيتي ...
اريج عضات طرف لسانها : حمدلله مبقيتش عيانة كيف كنت...
سمير ميل راسو وهبط عندها بشوي و بصوت هامس نطق : ولتحت مزال كيضرك ...
ضرباتو لكتفو بخجل وجالسين كيهضرو مداو مجابو فهاديك لي وقفات عليهم كيف ابليس فرقاتهم وهما غير شافوها بعدو عن بعض...
- اجي عندي ابنتي ندير ليك هادشي لوجهك و لحمك بحيد ليك لطراس ولاد لحرام هاد شفارة ما بنتي ليهم غير نتي يكريسيوك ولكن تا نتي كطيري علاش ما تخلي تليفونك فداركم ولا لا بد ديري بيه اشهار ....
سلوى تنهدات : اوا بنات ليوم هما هادو حمدلله من خرجات طريفة ...
سمية دورات عنيها و سكتات حطات خمسة على فمها من نهار جابو اريج ختارو كدبة ديال كريساج باش تا واحد ما يشك بشنو واقع ..
اريج هزات صاك فتحاتو كتبقشش وحركات راسها لجداتها : بلاش ها هو سمير جاب لي كاع لي نحتاج ...
هزو عنيهم كاملين وهي كتحط فوق طبلة اخر ما كاين فالماركات ديال كريمات و علب ديال ماسكات لوجه و لحم و لشعر و مكينة ديال مساج لوجها والة بخار ديال ضو ...
وشكلاط سويسري اغلى ما كاين مع ساعة بيضة ديال جلد و مزوقة بدهب الأبيض من لداخل ...عنيها ولاو كيبيرو عاجبها لحال وهزات ماسك عطاتو لعمتها سلوى تقراه ليها حيت كلهم مكتوبين بالانجليزية وهي ما كتفقه فيها والو...
سلوى : امم هذا ديال لحلزون كيحيد لاثار و تجاعيد ديال لوجه...
-بابا قال ليك رجعي لدارك ياسر غادي يرجع لمدرستو وخاصك تسني لوراق ديال دخول ...
اسماء بقات غير كتشووف فيها جابت ليها شلل كتفات غير تحرك راسها و نورة دارت وهبطات لتحت فين كانت وخا صغيرة جات شخصيتها حدودية مكتحملش تجمع و كتلقى راحتها تكون بوحدها ...
فوسط دروج وقفات وعيونها حاملين الحقد فشخص لي طالع غير هز عينو خسر سيفتو بحالي شاف جن ...
هي هابطة وهو طالع تلقاو فنقطة وحدة وكل واحد كيشوف فلأخر بنص عين وبجوجهم حاملين بريق كره فعيون بعض و نطقو دقة وحدة ...
نورة: حمار...
حاتم: كلبة ...
فمقهى مطلة علب لبحر ونسيم خفيف كيداعب ملامحهم المرتخية و رائحة البحر فتحات ليهم شهية ..مقابلين بعض كيفطرو فجو هادئ وجميل...
هاجر: المنضر من هنا كيحمق كون غير جبنا معانا تا حاتم ....
عصام فور ما دكرات حاتم كمش حجبانو وحط كاس ديال لقهوى ونطق بشوي: وقت ديال دخول مدرسي بقى ليه شهر وحاتم خاصو يدخل لمدرسة ...
هاجر هزات كاس لعصير ديال ليمون كتشمو باش تمشي منها دوخة ديال صباح : وااييه عندك صح انا نسيت هادشي ..شمن مدرسة معول دخلو ليها ...
عصام شبك صباعو مع صبعانها كيلعب بيهم بهدوء قال : نتي عارفة خدمتي كاملة فإفريقيا الجنوبية و حاتم قرا تما وصحابو كلهم كاينين تم مبغيتش نبدل ليه حيت هو ممولفش قراية ديال المغرب و مغاديش تعجبو ...
هاجر صغرات عنيها من فهمات قصدو : بغيتي نعيشو فإفريقيا الجنوبية ...
هاجر عضات فمها مت لتحت و حدرات عنيها كتفكر عاد نطقات : اتعيش معانا ماماك...
عصام ركز عينو فيها :وي هديك منقدرش نخليها ورايا ...
هاجر شافت فيه و تبسمات برقة : اوكي معنديش مشكل اصلا دوك ليام لي مشيت عندك عجبني الجو تما ولبلاصة لي كتعيش فيها واعرة بزاف ..طبيعة تم غادي تخفف عليا شوي من لوحم ...
عصام زير على يديها: متاكدة و بخاطرك....
هاجر بسرعة تهزات باستو فخدو ورجعات جلسات كضحك: بخاطري و بزااااف ..
عصام تبسم عاجبو الحال وقال: ولوطيل هو ولفيلا ليعندك فطنجة اش اديري بيهم ...
هاجر: داكشي ديالك انا غير كنت حاضياه ليك ....
عصام قصح شوفة :هاااجر...
ضحكات عاجبها الحال: غير كنضحك معاك انا داك الوطيل خدمت فيه عام كامل بكل جهدي ودابا ولا كيدخل ليا فلوس صحيحة وتشهر فطنجة منقدرش نبيعو لشي حد ..غادي نهضر مع خويا جواد يقابلو ليا وهو يتخلص شهريتو كمدير ليه و انا يوصلوني لأرباح ديالو و الفيلا يسكن فيها هو ومراتو ونشالله لاربحت كثر نقدر نزيد نكبر المشروع و ناخد وطيل فاكادير ولا مراكش...
عصام حرك راسو بإعجاب: الالة ماعندي مانسالك صراحة فاجئتيني من سمعت لوطيل ولا حسن من لول وخا كنا مطلقين كنت كندخل سيت ديالكم نبحت فيه وفين ما كندخل كنلقى راسي متفاجئ وكنشك واش هادي هاجر ليكنعرف ولالا ...
هاجر بفخر : اوا هادشي تعلمتو منك وزيد راك عارفني كندخل فبنادم طول وعرض و مكنتصوقش ولي دار شي حاجة كنجري عليه و منرحموش وهادشي خلا گاع الخدمة يخافو و يركزو على خدمتهم مزيان ......
عصام هز.ليها يديها باسها بإعجاب: تبارك الله عليك ...
تبسمات بخجل ودورات عنيها إتجاه لباب شافت شخص لي داخل عندهم بإبتسامة كبيرة ..باس هاجر فراسها وحرك راسو لعصام وجلس فكرسي بيناتهم وهاجر كتشوف فيه...
هاجر: اش هاد تعطيلة ياك قلنا 10 نطلقاو هنا ....
سمير طلب لراسو لفطور ونطق بإبتسامة: دزت شفت اريح و تعطلت ...
سمير ولا وجهو حمر حشم من عصام لي تبسم نصف ابتسامة وشرب قهوتو عادي ....رغم المشاكل و صداع لي ناض لكن فور ما دخلات هاجر و تنازل كمال على دعوة دارو راسهم نساو كلشي ما عاتبو حد فيهم و عصام تعامل مع سمير عادي بحال ديك الحادثة عمرها كانت ولا دازت على ودنو ولا امام عينو ..وسمير من شاف هادشي حس بالخجل و فنفس الوقت براحة ...
هاجر : اوا شفتي كمال و لامزال...
سمير : صراحة مزال كنتسناه هو يعيط ليا ....
هاجر: صبر غير شوي ديال الوقت و كلشي ايتصلح...
عصام قاطعهم بصوت هادئ: ساليتي داكشي لي مشيتي عليه لألمانيا ...
سمير دور يدو على شعرو : نتي عارفة مكملتش دكتورة ديالي وهاد الايام عيطو ليا دراري تم لي قريت معاهم و قررت نرجع نكملها ...
هاجر بقات كترمش شافت فعصام لي بدورو ما قال والو وهي تسكت ما عرفات ما تقول ..فطرو فجو عائلي ...بعد مدة دار سمير عند عصام لي هز حجبانو فيه .....
سمير نطق نيشن : من كنت جاي خوتي عيطو عليا قالو ليا ضروري تجي بغاوني فموضوع مهم ....كنضن بغاو يفرقو الورث ولقاو الواليد كاتب كلشي فسميتك ...
وقفات سيارة عصام امام باب دار ومن وراه وقفات سيارة سمير ..خرجو بجوج دقة وحدة وعصام شبك يدو مع يديها وملصقها معاه...
دق سمير فباب دارهم وحلات ليهم حنان ووجها صفر وعنيها حمرين دايرة درة ولابسة جلابة سوداء طويلة غير شافت سمير طارت عليه بتعنيقة كتبكي بجهد و وفي فمها غير حاجة وحدة ..
دراري خرجو كيجريو من سمعوها كتبكي شافو سمير ومن وراه عصام وهما يجرو حنان و نطق بعصبية ...
-دخلو ...
دخلو لداخل كيسمعو تجويد القرأن ..دخلو لصالون وهي تبان ليهم سعاد ناعسة فوق سداري شداها لموت و واحد وقف فوق راسها حاط يدو على جبهتها كيقرا عليها القرأن ...
دورات عنيها و فور ماجات فسمير بداو دموع يهبطو ليها و فمها كيتحرك ما قدراش تنطق حرف.. فقط يديها كتشير بيهم تجاهو ...قرب عندها مافاهم والو شد ليها فيديها و جلس على ركابيه قدامها ..لمس ليها يديها بحنية و نطق بصوت حنين ...
سمير: مي سعاد مالكي اش كيضرك ...
سعاد زادو دموع كيهبطو كثر ...حركات عنيها لحنان لي كتبكي و كترعد فبلاصتها من حالت مها ...من عنيها فهمات و قربات لعندها ..قدات ليها الجلسة باش تقدر تشوف كلشي ...
جات عنيها نيشن مع هاجر لي مخشية فعصام باين عليها الخوف و بصوت تقيل بزز باش كتنطق قالت...
سعاد:جلسو بغيت نهضر معاكم ...
جلسات هاجر و عصام لي مخنزر قدامها بينما سمير بقى جالس على ركابيها قدامها وعنيه فيهم بريق دموع رغم بزاف لحوايج لي دارت فيه ولكن شكلها قدامو ضرو فخاطرو بزاف و نطق بغصة خنقاتو فحلقو ...
سمير: الوليدة ماشي قوة الهضرة هادي نوضي نديك لكلينيك ...
سعاد حركات راسها يمين و شمال: لا اولدي عارفة ما بقى ليا وقت كنشوف الموت بين عيني و العافية شاعلة فيا لداخل حاسة براسي كنتحرق اولدي ...
بدات كتبكي بجهد خلات كلشي يتحسر معاها ..
جلسو دراري و عيالاتهم حداها و حنان مخشية فحضنها كتبكي ..بينما سمير مصبر راسو ...
سمير: الوليدة اش كتقولي مزال عمرك طويل وتحضري فعرسي نشالله و دردكي فيه بصحتك كاملة ....
سعاد كدور راسها يمين و شمال و كضرب فصدرها : سمعني اولدي اش انقول ليك مزيان ..."سرطات ريقها بصعوبة "...مك الله يرحمها قبل ما تموت دارت هي وباك يعطيوك لارض لكبيرة لي كاينة فالبلاد حيت نتا صغير فيهم ...و انا من سمعتها خفت ما يبقى ليا والو ونهار ماتت و دوها لقبر انا درت ليك سحور باش تحماق و دفنتو فالقبر مع مك باش عمر العقل يرجع ليك ....
سمير بصدمة بعد يدو من بين يديها و رجع لور ودنيا كدور بيه كيفو كيف الكل بينما هي كملات كلامها بسرعة باغية تعتارف بكلشي و كأن الموت كتشوفها قريبة وحدا فمها كتسنى تبوح خطياها باش تاخد روحها ....
- وانا لي عمرت عليك خوتك باش ديما ينقصو منك و يضربوك باش عمر العقل يرجع ليك ..ما كنتش كنحملك وكنت كنقول لمكنتيش نتا كان كلشي ايكون فسمية بنتي ...عماني شيطان و بعت دنيا بجوج دريال...من شفتك كبرتي و زدتي لقدام و بدا عقلك كيرجع خفت على راسي و كنت عارفة هاجر لي هزاتك و رجعاتك هكدا و نهار هاجر ما تكونش غادي ترجع كيف كنتي ...
"شهقات بصوت مرتفع كاانها تجيفات و نطقات وعنيها خارجين كتعدب "....من مات باك فدار هاجر مشينا نعزيو وتم دخلت لبيتها خديت ليها شعر من المشطة ديالها وحوايجها مسخين و ديتهم عند شوافة قرات عليهم و دورتهم على منيكة و خشيت قطيب فجهة قلبها باش عمر صحتها ترجع ليها ....وفنهار ثالت جات عندي لهنا تعطيني فلوس لعزو وانا عمرت ليها اتاي و حطيت ليها توكال فكاس ديالها و شرباتو بين عيني ....
هي كتعاود ما دارت وهما صدمة تشكلات على وجوهم حتى عصام ما منعش انه يتصدم و الغضب عمى ليه العنين ولا كيترعد فبلاصتو وهاجر دموع هبطو ليها ومقدرات تنطق بوالو من غير ...
- اش درت ليك اسعاد وخا نكون عدوك ما ترزيني فصحتي هاد رزية لي درتي ليا عام ونص هدا ...
سعاد كتهج بجهد ونطقات كلمة بحروف متقاطعة: س..م..ح..و..ل..ي..ا.....
سمير لي مقدرش يستحمل جمع الوقفة وخرج كيجري و تبعاتو هاجر من وراه باغية تحبسو و دموع كينزلو ليها وعصام بتخنزيرة تبع هاجر ..شدها هي و سمير دخلهم فطونوبيل و شد طريق نيشن لفيلا و صدمة لاعبة على ملامحهم كاملين وهضرات حليمة كتعاود على طرف ودنيها ..فور ما وصلو لفيلا جاهم اتصال ان سعاد ماتت الله يرحمها ....
بنادم اشكال و انوع ....فين ما كاين المزيان اتلقى الخايب ضروري ...يقدر واحد يحسدك على والو فقط نتا هاني فراسك وهو تابعو المشاكل و يحسدك تا كيتمنى ليك المشاكل باش يعجبو الحال و يهدا ليه بالو ..وكاين لي يغير منك على تققشيرة لازدتيها عليك...
بنادم جيعان و دنيا كلها ماتقدو و شيطان كيزيد يزين ليه طريقو يولي هو وياه خوت فراضاعة و يحساب نفسو هو مول الحق بينما هو في ضلال عضيم...
شنو فائدة تقتل حياة طفل وهو ما تصرف فيك غير الخير و الاحسان و شنو فائدة ترزي وحدة فصحتها وهي كان على طرف لسانها غير الكلمة الحق ونهار شافت منكم دغل هزات الغالي على قلبها ودارتو تحت جناحها دفعاتو وهو تصلق و وصل فين بغى...
شنو فائدة نحسد وانا الله خالقني كيف انا وكاتب ليا كلشي قبل ما نتولد وانا نتكبر و منرضاش بقسيمت الله ونحسد واحد عطاه الله كلشي ..
شكون قال ليك تا نتا ما يجيش نهار لي تلقى ربي مخبي ليك حاجة كثر من هداك ليحسدتيه عليها ...علاش حنا انانيين و كنحقدو و نحسدو و منرضاوش بلي عاطينا سيدي ربي ...
علاش كنطاولو ونبيعو روحنا لشيطان وفلخر كنلقاو نفوسنا ما درنا والو باش نقابلو الخالق عزوجل...
غريبة هاد دنيا ..كيف ناس ولات كتاكل فلحم ناس و تنام مرتاحة البال و ضميرها هاني ...كيف تقدر يا انسان ضر خوك و نتا عارف ليام دايرة و بزيم سمطة ايرجع ليك فلخر ...
ها هي ليوم سعاد ماتت وهي نادمة على فعلتها لكن شكون لي يسامح ليها ..واش سمير لي طيرات ليه العقل و عيشاتو فعداب سنين ...ولا هاجر لي رزاتها فصحتها وخلاتها تعدب وتعلن رحيل من ولدها و راجلها ....
كيف طلبي سماحة ونتي ما خليتي الرحمة فقلوبهم باش يسمحو ليك ....بنادم غالط وغلطو كبييير ما تحس بضربة تا تلقى الموت حدا فمك قربات و ديك ساعة تقول..رجعووني..رجعونييي..طلب نفسك دقيقة وما تلقاهاش ..حيت دنيا كلها كانت قدامك ونتا عشتي فيها طول فالعرض و من جا وقت الحساب عاد كيبان لينا نرجعو نديرو الخير ...
دازت جنازة سعاد ولا هاجر و لا سمير مشاو يعزيو ...مرضو فصحتهم و سدو على راسهم باب بيتهم ...نعاس مبقاوش كيقدرو ينعسوه و صدمة ما بغات تفارق وجوهم و شهية غبرات صامو على الماكلة من غير هاجر لي كيبزز عليها عصام تاكل على وديت توام لكن كل لي كتاكلو كتردو من بعد....
العائلة ما فهمات والو فشنو واقع ولكن تا واحد ما عطاهم راس الخيط كلشي ساكت وضرب طم..وخوت سمير ما مرة ما جوج كيجيو عندو يبغيو يشوفوه فكيتلقاو رفض ما بقى حامل حد ولايسمع كلام حد....
عصام بنفسو وقف على شغلو وجاب ناس عاودو حفرو على قبر كل من اب و ام سمير و لفقيه لي كان يقري حاتم هو لي خرج سحور من لقبر ..لقاو ديال سمير مزال صاين و من فتحوه لقاو تصاور سمير وهو صغير وفيه شعرو وكتابة غريبة بينما ديال هاجر لقاو الدمية تفتات ما بقى فيها والو ...
داز كلشي بسرية و رجعو قادو لقبورة من جديد وحلو سحر لي كان داير على سمير ....
تا واحد فيهم ما بقى كيحس براحة فالمغرب ولاو مخنوقين و باغين غير يهربو يمشيو شي بلاصة بعيدة يقدرو يشمو فيها الهوا نقي..اما لهوا هنا خنقهم و ازمهم كثر ...
سمير ما قدرش يصبر جمع حوايجو و بدون ما يقول لحد فين غادي سافر بصمت وخلا كلشي يتصدم وما كمل نهار تاهز عصام ولدو ومراتو ومو و توجه لإفريقيا الجنوبية و يدو فيدين مراتو لي ضعافت و مرضات فصحتها و نعاس مابقات كتشوفو ...
بعدو من ناس لي كيعرفوهم وعاشو ما بعض لراسهم ..هي عائلتو و هو عائلتها ....
دازو ايام كثار و فأرض واسعة وخالية مليئة بالورود الجميلة و شجر داير بالفيلا متوسطة كل تلك الورود انثى جميلة لابسة كسوة صيفية خفيفة و شعرها الاسود الفحم كيديه لبرد و كرشها كبرات و تنفخات .....من بعيد شافت عصام وحاتم لي كيتسابقو مع بعض متقدمهم جاز سبع لي تربى فالمحمية ديال عصام ....
صوت ضحكات حاتم كتسمع فكل ركن خلاها تبسم و تبعد يديها كتسنا شكون ايوصل عندها الاول ...حاتم تا قرب يوصل لماماه و هو يفوتو عصام بسرعة خطف هاجر بين يديه وهزها لفوق بين دراعو كيضحك وحاتم كيضرب فرجليه ...
حاتم معاجبوش الحال: بابا نتا غشاش رجليك كبار وسبقتيني حيت انا صغير ..
عصام وهاجر هزو راسهم بجوج كيضحكو من نيتهم على ولدهم صغير ...
نطقات هاجر بصوت خافت لحاتم: تسنا تا تكبر وهو يشرف و ديك ساعة اتسبقو وتوصل عندي نتا الاول ....
خبات وجها فصدرو كضحك : تصور يتلقى بشي بنت تكون زلزال بحالي....
عصام كمش حجبانو : ديك ساعة انعلنو مباشرة الحرب حيت ولدك مكيتفاهمش بيدو ...
هاجر كتعيبو : سير سير ولدي مربي قالك....
عصام هز حاجب و هبط لخر: ها هي فين بقات تايجي وقتها واتوقفي على كلامي لي قلتو دابا ....
رجعو بجوج كيشوفو فولدهم مبتاسمين بدون ماينطقو بحرف بينما هو دور راسو ليهم من شافهم كيشوفو فيه وهو يتبسم من كل قلبو ...ونضراتو كان واضح فيهم حبو ليهم بجوج ...
قلبان لا يلتقيان الجزء 15
محتوى القصة
التنقل بين الأجزاء