_قبل رابطة الدم ؟ فهم اصدقاء ، الصديق هو لي تيضحك معاك على صغيرة و كبيرة ، هو لي تيسمع لك بتفاهاتك و احلامك ، هو لي يكره لي تتكرهو و يبغي لي تاتبغي و تيفهم عليك بالنظرة !'و نظرتو لي لمح عليه الحالية لا تبشر بالخير ..كان واقف جنب سيارة تيتكلم وصوتو واصل عندو .
زياد: و انا شكون ؟ ماشي عائلتك ؟ عارفة هادي الوقت لي تندوزه انا وياك ؟ نطلع عندك اسبانيا ؟
ايناس : نوو ! غدا نزلو مغرب للصويرة
زياد: نطلع عندك كولشي قريب !
ايناس : صعيب ! صعيب نسمح فيهم نبقى معاك
زياد: ( تجنن كن كانت قادمو كن كلاها ) عرفتي اش ديري ؟ ( سكتت تتسمع ) سيرررري تقااااودي و ضربي على نمرتي
_قطع الخط وبقات نتطلع فيه و تنزل ، ركب فسيارة غير انفاسو تتضارب و براء مركز مع تلفون مابغاش يهضر معاه تاسمعو تيسب
زياد: شنو درنا ؟
براء: انا معاك اصاحبي ! ندوزو عند يوسف؟
زياد : الله يفكرني فشهادة ! دوز نسلمو عليه و ندوز نتعشاو عند الواليدة موجدة العشا
براء: سير عالله ! شنو دير فطومبيلتك ؟
زياد: خداتها الواليدة! ماشي خسارة فيها من بعد نشوف شي حديدة
..تحركو عند يوسف الحومة لي لقاوه واقف تيكمي كارو ، تسالمو و شدو الحديث بضحك و نشاط ، عزيز عليهم يوسف، عند نهاية إلقاء تمناو ليه كل الخير و رجعو ادراجهم لعند زاينة ، مع دخلة براء هز راسة تيشوف فيلا نعمة و شاف فيه زياد مبتسم
: راهم مسافرين
براء: فخباري ! ( حرك راسو بعدم اعجاب ) ولو وتسافر ماشي داك سفر لي تتبغي ! مرات عمي تتموت على الاسواق و عمي عزيز عليه الكالم اوا تتبقى مفرقة معاهم
..دخلو الصاالون لقاو تحية ! نوصير هو نوصير ، أي بلاصة يتمحط فيها ، ماعندوش مع جلسة نشيان ، خاصو يطلق يديه و رجليه ، تجمعو على طبلى مع حسام و عمر و زاينة تترحب بيهم ، حطت لهم العشا و تاتسخر و اولادها معاونينها ، حديثهم على السفر و البلدان ، ختمت لهم بصينية آتاي وهزت آولادها صغار ينعسو
زياد: آشنو الكابو ؟
نوصير : آولدي اش نكول ليك ؟ تيبقى رزقك وانت تعرف
زياد: هضرتي مع عمي نبيل ؟
نوصير : هضرنا و ناقشنا ونفس الفكرة عندو ! قالك يشري ارض ولا الدار يرهن فيها فلوس ، العقار ماشي سطابل (تابث ) اما مشروع يخدم ليك حسن ويدخلك الصرف باش تاخد اراضي هما
براء: نيشان ! اش يدير بارض ولا الدار ! نفس مشروع لي كلتي داك نهار ؟
زياد: اوا هو ضومين الوحيد لي نقدر نزعم فيه الواليد عندو خبرة فيه ! ياك الواليد ؟
نوصير : متافق معاك ! ولكن شكون يشدو ؟
زياد: ( خبط ضهر حسام ) حسام يجيريه ! ولد الحاج زكريا يخدم تاهو معانا
نوصير : ( شاف حسام ) آش كلتي ؟
حسام : ياك مشروع كراء السيارات ؟
زياد: هو ! المحل لي يكون فيه بيرو يكون فسونطر ، و طموبيلات نوعو ، الجديد مع الكراج الواليد و نبداو مشروع
نوصير : كراج ماضرب ليه حساب ! هادي خمس سنين شريت ارض لي جنب لافيراي طلعنا كراجات راه غير مسدود ، اهم حاجة يكوت مشروع مقوم من ناحية تسويق
زياد: مشروع انا نخدم عليه مع حسام ! نشوف الناس معرفتي مختصين فاإشهارت مهم حسام يشد بوسط جيغون
نوصير: هانت ها خوك ! مانزيدكم غي الخير ، مهم لي نوصيك يخدم بوارقيه معاك ، الحساب صابون و نهار لي يغلط راه كولشي باوراق
براء: اللهم يسر !
زياد: آمين !
نوصير : تشدو طريق ليلة ؟
زياد: وي ! الحال مبرد ، (نادا عليها ) الوااليدة
نوصير : ( دخل عندها ) زاينة زياد غادي
زاينة : ( عيونها تغرغرو ) يخليو حتى صباح ؟
نوصير : واهوما يعرفو ..
..ودعاتو ! لان من طنجة يزيد فرنسا يمضي عقدو جديد مع فرقة الجديدة ، ودعهم كلهم و قبل خوتو صغار لي تيحماق عليهم ؛ نزل معاهم نوصير و حسام منزل شانطات اخوه ، فاخير و دعهم
زياد : الواليد تلفون بيناتنا ، اخر شهر رسل لك شيك خرج فلوس بدا مشروع ومعاه الوكالة وتهلا فالواليدة
نوصير : ( بحضن طبطب عليه ) الله يرضي عليك ! كن هاني اولدي
حسام : ( عنقو ) بسلامة و الله يوصلكم على خير
زياد : تهلا ! و دير الخاطر الواليدة و عنداك مع اخوتك و حضي معاهم
...سلم عليهم براء و حط شوانط فالكوفر و ديمارو سيارة متجهين للطنجة ، انا براء فاكان ودع خديجة ولاجودان قبل ، طريق كلها زياد تيسوط و يتنهد
براء: رخف آصاط على راسك
زياد : الله يدير الخير ! الواليدة رجعت تاتعيا ، تنفكر نجمع تاني الفلوس و نشوف لها شي ارض فين طلع شي مدرسة فبلاصة احسن من الحومة
براء: مع الوقت انشاء الله ! ولا شوف كريدي
زياد : ماعنديش معاه حتى بضحك ! براكة لعبنا كريدي مع فرقتنا فاول كرهوني فيه
براء ؛ دوز اسبانيا ؟
زياد: ماندوز ما نهبط ! ندوز هاد سيمانا معاك جات تشاوفنا مرحبا ماجاتش الله يعاونها ..
...بمجرد وصولهم سالمين للطنجة ، رسلو مساجات امهاتهم انهم وصلو ، اما براء عارف تلفون نعمة فالسفر ما تتخدمو ما تتديها ، وصلو برطمة على وقفتهم كلها شد كنابي ، نهال تعب منهم ، طريق كلها هما تيهضرو و يتحذثو ، مر الصباح فالنوم ، زداو ظهر و العصر ، معروفين دراري بقوة نوم ، فاق براء هو أول هز حوايجو دخل دوش ، وخرج بشورط دار قهوة اتقطر تلاح بلاصتو مع تلفون طالع نازل ، وجدت قهوة حطها فوق طبلة تيفيقو
براء : زياااد ! ( قرب ليه ) فيق راها كارصيا تحت
_ناض طافج متفاجأ تيشوف جهة الباب ! لكن بتسامة براء عطاو أخبار
زياد: مريض و حق الرب ! ضحك القلاوي
براء : ( قرب ليه كاس قهوة ) اوا قضي و عدي ! انت بارح جالس تتحلف عللى والو
زياد: ( شرب قهوة نزل راسو ) من شهر جوج انا و ياها متافقين نتجمعو شهر تمنية فالمغرب ولا انا نطلع لعندها فين ماكانت ، فاخر تكولي العائلة ؟ تانا سامح فيهم
براء: قضي الغرض اصاحبي !
زياد: ( اشار بيديه لنفسو ) الا دبك ورقة زواج لي تتمضي حطها ليا دبا نمضيها ! نهار تفقنا اناوياها اخر وانا حاسبها على حسابي والبنت صافية مامخلياش ليا غرام شك ولكن راك تشوف ظروف، ندوز هاد مطارق و نستقر فرنسا من جديد و نشوف
براء : وانت ماتتهضر ما تتشرح ماا تالعبة ! جلس فوق طبلة و حط لها اوراقك
زياد : ماعنديش مشكل فيها ! وعندي مشكل مع الواليدة اصاحبي
براء: آسمحلي راك قاد براسك ها ساعة ! قضية ترفضها على اساس العرق كاوري لي فيها هاديك قضية اخرى
زياد : نبقى ندووور ! ندووور ! ندير مادار يوسف
براء: هههههه وايلي ؟ من انا ناحية
زياد: نزيد لادوز !
براء: ( هز حواجبو ) من نيتك ؟
زياد : تابعانا ! تابعانا وفيها ، فيها اللهم نسبقوها
براء: سير عالله ! الله يسخر اسيدي ، اسبوع يكون فالمغرب ولا برتغال ولا فرنسا
زياد: فحْدايت ميمون عند شلوح الواليدة زاينة إيمزي
_احلام وافكار ! الخالق هو الوحيد عارف بمصيرهم و خروجهم للوجود ، جلسو فدار علما يتبرد الحال ، فاخير لبسو خارجين بولفار ، زياد عزيز عليه طنجة و شوارعها ؛ اقصدو مقهى نفس وقت ملهى داخلها ، موسيقى صاخبة ، ودنيا عامرة ، شادين كؤويهم فيديهم ، خاترين فتصرفات ، مايهزهم لا ريح ولا جو الا بخاطرهم شافو شي بنات تيضحكو من بعيد و زياد بتسم لهم
زياد : زيد نقصرو اولد لاجودان
براء: ( طلعهم نزلهم ) فين لي عجباتك ؟
زياد: (دور وجهو ضاحك ) خاصها تكون واقفة اصاط ولا الا ؟
...قلبوة دورة ! سطاج البنات ة سهرات و ضرب و غرق فاتوه ! كل واحد فيهم قلبو و عقلو عامر ، بنات قلبهم با تضاهي لي وحدة فيهم ولو تكون اجمل منهم بمراتب ، جلسو vip و مستمتعين كل واحد شاد تلفونو براء مع انسطا و زياد تيشوف مساجاتو مع ايناس ، عارف قصح معاها ماتقدرش تصل بيه الا ماتصلش بيها، الشوق غلبو و حنين دوز الخط و بلوتوت فأذنو رن رنات فاواتساب لان الخط معلق ، حتى تفتح صوت رجل
زياد: ( ناض خرج بعيد على ضجيج ) احم ! نعم ، ممكن نتكلم مع ايناس ؟
: (شاف فيها من زجاجة الغرفة ) صعيب حاليا ! ايناس بارح سقط من على حصانها تهرست من يديها
زياد: ( حس بقلبو تزعزع و نفس ضيقت ) مزال نتما فالبرتغال ؟
: سي
زياد : ( طبطب على صدرو ) كفاش طاحت ؟ حصان مولفها
: تتوقع ! كانت فالغابة شاف شي للفعة لي خلاتو يحس بخوف و فاخير طاحت ايناس
زياد: فاقت ؟ شوية هيا ؟
: بخير هاد الساعة ! جاوبتك لان ايناس عاودات ليا على علاقتكم و تنظن امر تيهمك بزاف
زياد : تيهمني بزاااف ! تهلا فيها على مانوصل
...زير على تلفون بعصبية تيسب ! حتى خرج عندو براء
براء : شنو واقع ؟
زياد: واحد ضبع انا مامنييش جووووج ! البنت تهرست و فطبيب انا جالس تنتحاسب شكون يجي عند لاخر ..
...خرجو من ملهى ! اتجهو برطمة كانو باليزات مزال _مجموعين ، غقط جمع صاكو صغير و رجع معاه براء حتى مطر ودخل تيشوف الvول للبرتغال ، لقى طيارة بعد اربع ساعات ؛ قطع وخرج توادع مع براء و رجع دخل ينتظر الوقت و دفع باكاج منتظر باحر من جمر وصولو عندها ! مافكرش جوج مرات ؛ ياما كان مريض وقفت معاه؛ وقت لي كان معطوب فرجليه كانت ونيسو و فرحتو ، عمرها ردت عليه هضرة ناقصة ولا تحاسبت معاه ، عارفها ماتتمشي الخيل الا هيا حزينة، للعن عصبيتو لي خلاتو يسبها بارح !
أولاد الوازنة الجزء 119
محتوى القصة
التنقل بين الأجزاء