أولاد الوازنة الجزء 123

من تأليف Sousou Idrissi
2020

محتوى القصة

رواية أولاد الوازنة الفصل الرابع أحفاد الوازنة

_كما متوقع فنفس ليلة عائلة نبيل لاخبر لها بالمفاجآت ! نعمة من بعد مادوشت و تعشت دخلت بيتها تاتلعب بالبلاي مندمجة حتى رن هاتف بالفيدو ، حطت بلوتو فأذنها و تلفون قبالتها

براء : زين باقي مقصر ؟

نعمة : ( حطاتها تتفوه ) الملل

براء : ( حط تلفون قبالتو يوجد عشا ) ماخرجتيش ؟

نعمة : نو ! فين نخرج غير صداع ( شافت فيه ) تتطيب ؟

براء : تنطيب ! ونتي تتعرفي طيبي ؟

نعمة: لاء !

_هز راسو فيها تيضحك دائما صريحة بشكل عفوي ! كمل تقطاع ديالو، تيسمع صوتها مع للعبة و هو تيقاد العشا ديالو ، كمل خرج صالون شاعل تلفزة تيتعشى

نعمة : خويا زياد ايجي مغرب؟ يديرو عرس؟

براء : زياد راه طلع فرنسا ايتزير مع الماتشات عندك من هنا حتى راس العام وشوف تشوف مع العرس !

نعمة: اه اوك !

براء: نتي تتفكري نديرو عرس؟

نعمة : ( سهات تتفكر ) و انت ؟

براء : هادشي خاص بيك نتي ، ولكن ضروري نفرحو ولا الا ؟!

نعمة : مع لافامي ! ماشي مع الناس عمرني عرفتهم ولا شفتهم يبقاو يشوفو فيا

براء : ماغاديش يبقى فيك حال على اللباسي عروسة وداك الحوار وطني ديالكم نتوما لبنات ؟

نعمة: زعما يبقى فيا الحال على تصاور ؟!

براء: ( مسح يديه ) وشكون عرف ! مهم العرس ماباغاهش ياك ؟

نعمة : مابغيتوش ابراء

براء: ( تكى هاز تلكمند ) نهار رجع طويل ! بففف عيييت

نعمة : ( نزلت رأسها تلفون رسلت ليه فيديو ) شوف !

_فتح مساج تواني بدا فيديو ، كان فيه منطاد تيطير فسماء ، بقى تيشوف و نفس وقت تيكتشف مكان

براء: فمراكش هادي ؟!

نعمة : وي ! شفتي طوب ياك؟

براء : اممم ! ناضي هادشي ، شنو نجربوه ؟

نعمة : ( بحماس ) جو لادووووغ والله ماكرهت

براء: مابقى والو احبيبة ندوزو لي بغينا مع بعضياتنا

نعمة : ( نزلت راسها بخجل ) ماعرفتش

براء: شنو لي ماعرفتيش ؟

نعمة: نهار يسولوني صعيب نجاوب

براء: ( مسح وجهو ) شوفي نعمة ! صبرت بزاااف ودوزت بزااااف ماتجيش حتى لهادي وضربي ليا كولشي فزيرو

نعمة : ( بملل ) عاااارفة

براء: ( قرب تلفون ) حطي داك المرض من يديك وشوفي فيا !

نعمة : ( نزلت راسها حطت بلاي ) براء صافي ماتحنملش هضرة بزاف! قلت ليك عارفة ، مي الا بابا ماعجبوش حال ماعندي ماندير لك

براء: (،تيبرد راسو ) عمي الله يعمرها الدار مايكون غير الخير ! ( تياكد بصبعو ) انوصيك وصية الوحدة ! هو الواليد الا سولك واش قابلة كولي ليه آاه ! تافقنا ؟

نعمة : ( زدحت ديك بلاي ) علاش تتقولي هادشي!؟

براء : ( رجع لور تيسوط ) واخة ! هانا ساكت احبيبة ديالي

نعمة : انا ماشي حبيبة ديالك

براء: حبيبة ديالي بسيف على دلمك ! مادرناش الحرام ولا عصينا ربي ؟ مافهمتش انا هاد خوف ديالك منين ؟

نعمة: انا ماخايفاش ! انا تنحترم بابا بزاف ، تنقولها ليك من هنا ؟ بابا هو اول

براء: الصمت

نعمة : بون نوي

براء: ( بحدة وجنون ) تقطعي غادي نسمح فهاد القلاوي كااامل نصبح عندك ! خلي لابيل و تلفون ديريه فلاشارج ونعسي نشوف هاد نعاس

_بالحرف طبقت هضرتو ، حطت تلفون مقابل وجها و حطت ذراعها على وجها متكية ...دارت عندو لقاتو حاط يديه على حنكو متأمل فيها

نعمة : ياك عيان ؟

براء: عارفة نهار لي العيا ديالي يخفاف و نعاس يجيني ؟

نعمة : امممم ؟

براء : النهار تكوني معايا انعمة ! هاد البعاد مرضني الله يهدي عليا الواليد

نعمة : ( غمضت عينيها و فتحاتهم ) تنحلم ديما

براء: ( بصوت دخلو تعب و نوم ) شنو تتحلمي ؟

نعمة : خدامة فمجال لي حلمت بيه و عايشين انا وياك

براء : ( بتسم) تتوصلي الحلمة بليل ولا غير بنهار؟

نعمة : تبغي نوصلها بليل ؟

براء: ونتي تبغي ؟

نعمة : ( دارت على أقل من مهلها قربت تلفون هو مراقبها تا قربت كاميرا تسمعت ) مواااااح

براء: ( صدماتو تيضحك ) اها ؟ زيدي

نعمة : سير تفرج ! انا انعس

براء: تلفزة مافيها والو ! نتفرج فيك الحووب

نعمة : ( عينيها تيتغمضو ) امممممم

بدأ يديها نعاس، هو مع تلفزة تيتفرج فبرنامج واقعي صوت أنفاسها قوذنيه ، للحظة سمع مساجات و دار شاف فيها ؛ فتحت عينيها بتقاتل

براء: كن سديتي مسنجر هاهو فيقك

نعمة : ( حالة عين سادة عين فتحت مساج كان فنيتها تمسح لكن صدقت كوبات رابط رسلاتو ليه نعست ) فففف فيقني

براء : رسلتي ليا شي حاجة؟

نعمة : ( حلات عينيها مزيان ناضت جالسة تتشوف ) ااااه ؟ الا

براء: ( من ردة فعلها فتح مساج دخل رابط هو يضرب بموقع لايبشر بخير) آش هادشي؟!

نعمة : ( توترت ) لادخلت واحد كروب هما رسلوه

براء: آشمن كروب؟ شكون فهاد كروب؟ علامن تتقلبي بضبظ ، ( بعصبية) فاش تتفكري لدلمك نتي تتقراي هادشي ؟

نعمة : ( دخلت تتمسح تخرج من داكشي ) بصدفة صافي

براء: بصدفة ؟ انا تنقول بنت غارقة ماتتجاوبش راها كاينة راها ماشي فدماغ ونتي جالسة تتخبشي فلي يمرض

نعمة : غير قريت وصافي

براء: ( بجنون ) مزاااااالة صغيرة على هادشي ! هااادشي مايصلاح لا لقارايا ولا لفهامة ، ( ناض غادي جاي ) برهوشة! ناس حايرين مع كروبات و تشالنجات وهيا غادة العذاب

نعمة : صمت

براء: جوج كلمات !! ترسلي ليا مودباس و جمايل ولا ندير شرع يدي ! مزيان تبارك الله عوض تقلبي قرايتك بقى ليك ، ال م ا س و ن ي ة


_الا رجعنا بالزمن للطفولة نعمة ؟ اللا حظو انها كانت طفلة كثيرة اسئلة و كثيرة بحوث، تتبحث فدراسة محبة ليها تترافق نبيل لانه تيشفي فضولها عن عدة مواضيع، كما سبق على طبلة فطور كانت هيا تتصحح ليوسف بعض معلومات ، اكيد نعمة منها الكثير من مجتمعنا ، اطفال من صغرهم مميزين و ذكيين ، متميزين فدراستهم بنقطهم و ذكين فتعامل معها ، هنا كل شيء يكون على مايرام ، لكن ان يكون لك مراهق ذكي و منطوي على نفسو ؟ هنا تيكون واحد جرس انذار تينبهك ، كما قال براء الناس ملاهين مع تشالنجات و كروبات ونتي غادة العذاب ، عن تصريحو اول لابأس به مرة مرة الإنسان تيكسر ملل و يحط تشالنج للترفيه لكن الشيء ادا زاد عن حده ينقلب ضده، شباب اليوم قليل القراءة او بمعنى منعدم تقافة ، له تقافة الغرب فقط ، سوشيل ميديا و الفاشن ...بحيث تتلقا فمجتمعنا فرق فالتفكير مراهقين لكن اغلب تفكير سوشيل ميديا و كيفية بحث عن نقود ، الا جينا نتكلمو على جانب عائلي ندخلو متاهات كثيرة ، لكن نسال الله يحمي اولادنا ..اما تصريح تاني بالعذاب ، فهو وصفو دقيق، فال م س و ن ي ة هيا منظمة منشقة من ال ي ه و د ي ة ، هي للغة معناها البناؤون الاحرار ، و تدعو للاباحية و الفساد و الإ ل ح ل د و تتستر تحت شعارات خداعة مثل الحرية و المساواة و الإنسانية ، ابرز نقطها هيا تكوين حكومات لادينية ..هو موضوع لاينتهي فاسطر و صحفات ، و اهم استقطاب عقودهم هو الميدان الفني الملقب بالمأثرين ، بحيت تتشاهد فنان خرج من العدم و فظرف و جيز انشهر مثل نجمة ساطعة فسماء ، و الناس لي تيبحثو و يعرفو مثل نعمة اكيد تيلاحظو ان العالم ليه كواليس و أسرار و هدا الجانب تيغفلو عليه الوالدين، ولو يكون والدين _مجموعين و نعم تربية و الامور تحت سيطرة لكن ان يكون لك مراهق فالمنزل ءدءو عقلية ذكية لا يشفع لك عنده سوى الله ، من هنا تأتي اغاني الغرب و حياة الغرب لي تتأثر على عقولهم ، ربعت يديها بيديها شادة واليد اخرة شادة تلفون تتمسح بسرعة لي قدات عليه و فالجانب الآخر كان براء تيبحث و يشوف لي صهدو ؛ للأسف كانت داخلة كروب الحاد ، ماشي اي كروب عادي؛ بل كروب سري من كونطات و المنشورات تيتوضح انه مجمع من مختلف العالم و لها اخر منشور بدا يقراه كانت كاتباه بالانجليزية

_هل حقا هناك حياة وراء الموت ؟

_هل من النظرية ممكن ان تغير البشرية؟ ما رايكم بمزج الفسلفة بالفزياء

...جلس تيتنهد ! لان الفيديو لي وصلو ما شي فيديو عادي! من كوكل او للضحك او للبحث ، بل هو فيديو مشفر و شخص لي تيهضر عليه لازم تفكر كلامو لان اغلبه بالحروف الإغريقية ، هز حواجبو انهم كفاش مستهترين بهادشي فسوشيل ميديا! هنا نتبه انها يلاه فالبداية لأن هادشي مستحيل يمشي فالمسنجر او للمحتوى عادي...دوز الخط و جاوبات ساكتة

براء: ماتتهضريش ؟

نعمة: صمت

براء: منين دخلتي لهادشي ؟ شوفي ديري فراسك راه انا معاك ماشي ضدك

نعمة : غير فضول ! كان واحد فيديو تيدور فسوشيل ميديا على جستن بيبر و دخلت نقرا و نشوف ونعرف ...

براء : تعرفي تشوفي ؟ متافق معاك مي كاين يوتيب سوليني ياك انا وياك تنهضرو فكولشي؟ انا نرسل لك ادلة لي تتبث لك بلي داكشي راه كاين ولكن راه بحد ذاتو الا دخلتي فيه راكي تتخرجي عن الملة الدين ! تبغي هادشس لراسك و لعمي ؟

نعمة: bul shit !! انا دخلت غير نشوف و نبحث

براء: علاش داخلة كروب فيه بسيوكو و م ل ح د ين ؟! ماعرفاش راه تيخترقو لي كونط و يقدرو يخترقو حتى كاميرا تلفونك ؟ امممم

نعمة: عارفة !

براء: ماعارفة والو ! هادشي ماغاديش ندوزز ليك احبيبتي ، غدا نكون عندك

نعمة : دير لي بغيتي! بعد مني

براء: احلمي


_كانو فطريقهم للفيلا ! بنتها فحجرها غير تاتشوف حنيكات حومر و رائحة خاصة بيها تتحوم بيها ، كانت محاوطاها بحضن و مبتسمة بحب و فرح ، اخيرا تاتشم هواء بلدها و تتشوف شوارعها ، كان تيصوك بيهم فرحان بابنة عمو و بنتها ، دقائق وصلو الفيلا عطا كلاكصون لعساس فتح ليه الباب ، دخل حتى وقف بسيارة ، كانت نور خارجة عندهم تستقبل رؤيا، سلمت عليهم بحرارة و امير دخل مبتسم تيبحث على جنى ! لقاها جالسة ماشي على طبيعتها تتبان شبه حزينة

امير : اهلا اهلا

جنى: ( كانت معنقة محمد ) بيبي !!

امير : ( حضنها تيقبل راسها ) على سلامتك ( طلق منخا سلم على العلوي ) على سلامتكم

العلوي: ( بود ) الله يسلمك اسي امير ! هانية امور

امير: ( جلس معنق ختو و تيبوس فولدو ) و لله الحمد

_للحظة دخلت رؤيا مع ابنتها غير شافتها جنى طارت بالفرحة تتصرخ ، لأن امير وصى نور تخليها مفاجأة ، عنقاتها تاكانو يطيحو و رؤيا تتضحك من هبالها و ياسمينة بدات تبكي تاهونا العلوي حمقاتو ، تسالمو على بعض و جلسو مع جنب لعض ، جنى تجلس تجلس و تعنقها تاني و رؤيا تتحضنها بحب

جنى: ( تتعمل حركة بيديها انها ممصدقاش ) نووو واااي ! رووروو

رؤيا: ( تتضحك ) توحشتني ؟

جنى : ( بحضن و قبلة حنك ) اوووف كووورست

رؤيا: و علاش ماتجيش عندي؟ امممم !

جنى : ( قلبت عينيها ) اااغييط تانتي تبداي

العلوي: ( بهدوء تيلعب مع ياسمينة ) لا جاوبيها ؟

جنى : ( بحركة جنبت شعرها ) احمم

امير : ( جر ختو عندو طبطب عليها ) غادي تجاوب! وتجاوب على كولشي ياك ؟

_نزلت عيونها تترمش و العلوي مراقبها واضح انه هاز منها بتنهيدة لي دار ، اكيد رؤيا و امير نتبهو لكن تجاهلو ، نور نادات عليهم لللعشا ، جلسو _مجموعين و رؤيا متحمسة فوقاش تشوف ماماها و براء و الميمة و الكل و اول شخص اكيد فاروق لي بقى ليه ساعة على خروجو من العمل

نور: مرحبا بيكم فداركم ! تفضلو

جنى : ( غير هازة محمد ) باغي يشرب ؟

امير: ( شاف ساعة ) نور هدا تعطل على نعاس؟

نور : ( بابتسامة ) نطلعو ينعس ؟

محمد: ( خداه خلاه فحضنو ) ماعليش ! جلسي تعشاي

...احفاد الامس هم آباء اليوم ! ياسمينة رجعت تتحس بالفرح و الراحة نزلت تتكتشف هما جالسين تيتعشاو ، اي حاجة فالمغرب آشتاقو لها، الخبر الما الاكل ، دوزو العشا ديالهم و رجعو تحولو صالون !

جنى: بابا تعطل؟

امير : قريب يوصلو

العلوي: ( وقف )تسمحولي !! ( تنهد تيشوف فيها منزلة راسها ) ها جنى معاكم غدا رجع انشاء الله

امير : هانت مقصر معانا ! منها تشوف الواليد

العلوي: عندي واحد رونديفو مع شي ناس ! الله يوصلهم على خير انشاء غدا ارجع نشوفهم

..ودعهم وناض خارج و امير لمح اختو توصلو و تبع راجلها لان هدا واجب ، لكن متنعت هو يعقد حواجبو

امير : ماشي صواب هدا؟! شنو ماوقع بينك و بينو لازم ديري واجبك

رؤيا: ( بهدوء ) ماوقع باس ! الا عيانة خليها

جنى وقفت حانية راسها ! تحترم خوها، تتفرق بين الحب و دلع و الاحترام ، خرجت من امامهم و تابعاتو هيا تتمشى و تنبحث عليه حتى لمحاتو واقف متكي على سيارة مكراوزي رجليه تيتكلم فهاتف قربت عندو بخجل و توتر ، نتظرت حتى نهى مكالمة

جنى : آتمشي ؟

العلوي: ( بحدة )باغاني نبقى ؟

جنى : ( بصعوبة فكلام ) مافهمتش كفاش كبر موضوع ! انا...

العلوي : ( قاطعها ) كفاش كبر ؟ كولي انا من اول تندوز لك ( بإشارة بيديه تيدور ) تندوووز ! تندوووز ! تندوووووز ولكن هادي ماغاديش ندوزها ، ماكنتش تنظن انا سي مغيث مسافر و اليوم بنت عمك عاد وصلت من كندا اما عندي هضرة مع امير

جنى: ( تتدور فعينيها بباحة مألمة ) انت ضربتيني

العلوي: حمدي الله جات ضربة خفيفة و بردت جنوني فدار! اما راه حرقتي ليا دمي ولكن اجنى شغل يتبدل ، مابقيتيش بنت تمنطاش عام لي خديتها و صغرت عقلي معها! كبرتي وغادي ديري عقلك معايا بسيف عليك

جنى : ماتقولهاش باابا صافي

العلوي: سي ! نكولها نخليوهم هما يحكمو علينا

جنى : ( بوجه كئيب ) بليييز

العلوي: ( هز يديه ) نتي لي بليز اجنى !

جنى: صافي انا نقولها بابا وماما ونقول لهم غير فكرت وصافي

العلوي: لا تكولي كولشي ! ( تيعاتبها باصابعو) تكولي لهم مشيتي من مورايا بلا اخباري تتوجدي العملية التجميل

جنى : ( تتنفي برأسها ) ماشي عملية ! عمليييية

العلوي: ماعلاباليش اجنى ..

جنى : ( هزت عيونها هيا تشوفو داخل بسيارة ) صمت

..دور وجهو يشوفها فين تتشوف! لمحو هو كدالك نازل من سيارة، هبة عندو خاصة ، شعر رمادي بلاتيني و قامة ممشوقة اغلق السيارة و نزل راسو داخل ..

العلوي: ( قرب وجها بهمس ) هدا هو لي يعرف ليك ! اما انا هبلتيني

جنى : ( حطت يديها على صدرو ) بلييز العلوي انا جنى يور بيبي

العلوي: ( دور وجهو نزل يديها ) حيدي خليني نسلم

_تقدم نحو بكل هدوء احترام ! ناداه بصوت رجولي

العلوي: مسيو لاجودان !!

فاروق: ( توقف نطق بجمود ) أهلا

_صافحو باليدو مرحب بيه! و هيا جات تترجع بها خطوة وارء تاقربت ليه و واضح عليها توتر ! تبسم لها فاروق

فاروق: عمووو !! حاكمين عليك تسلمي عليا ؟

جنى : ( قربت تا وصلت وجهو سلمت عليه ) عمي انا توحشتك

فاروق: ( طبطب عليها ) لا باينة ( يلاه جا يهضر هو يسمع صوت لي ذوب قلبو )

: بٍّا

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.