_انه يفيق على غوات و صداع السكان شيء ممتع ليه، باب دار تضرب فيه كرة عشرين مرة هو ما عاد ماتايحلى لو النعاس وتيزيد يتقلب لجهة الاخرى ، خبط عليها بنعسة حتى سمع عصر تيوذن ، منين دخل من الخدمة الصباح وهو ناعس ، تكعد تيتكسل تيحك فشعرو خارج من البيت هز كارو من جيب و خرج نازل تحت يلاه فتح الباب وقف تيتفوه هوما يتجمعو دراري حداه هضرة من هنا ! هضرة من لهيه كولها ضحك عليها، هما ينوضو جوج تزايدو
*** : تاابرب تا اسلم عاد مات
جاوبو لاخر باستهزاء : انت كنتي معاه ؟ شهدتي ليه ؟
***: اخا يوسف اش كلتي داك نهار ؟
يوسف: اسير عطيني اتساع ! اش كلت انا اش كلت ؟
***: انت منين ؟
يوسف: ( دور راسو تيضحك ) من دورة اصاحبي
***: كن ماشفتش بعيني انكول ضارب جوان
جاوبو تاني نفس نبرة : تا راه ضاارب جوان
***: ( هز يديه باستسلام ) العفوووو
يوسف: على لي اتلفووو ! الجمعة اصاحبي ماتتوقروش
_رجع طلع للدار هيا دوز من امامو نازلة من سطح منزلة شبكة فيها حوايج، دخلت جلست تتطويهم و شاعلة تلفزة هو دخل يفطر و يتغدا نفس وقت ، و غير تتسمع فالماعن زداف ، زدردلاف و تتسكت مهم يهنيها من صداعو ، رجعت حوايج بلاصتهم دخلت طل عليه هيا تلقاه هاز لها الة خبز خاصة بتويت حلها
يوسف : مالكي تتغوتي ؟ راه نصاوبها لك قبل ماتخسر ، علاش ااحنا نتسناوها حتى تخسر ؟
هالة : نهار كلو ناعس ! ماقربت لك ؟ ما فيقتك ؟ تنكوول اربي غير ينوض يخرج ، خرجتي وجمعتي ليا جقلة فالباب و ساكتة و لي خايفة منو طحت فيه ؟ ( جرت ليه الة ) بعد ليااا من ماعني ايوووسف راه قربت نخرج زنقة نغوت
يوسف: ( برود ) اخرجي شكون شدك ؟ ( وقف تيتهد عليها ) اناا اننننن
هالة : ( دفعاتو ) بعد مني آتحمقني ! يلاه باش نفطر انا صباح ؟ تنبغي الخبز مكرمل
يوسف: ( تلاح شد تلكمند ) دبا نصاوبها ! ديري لنا طعام بليل ياكي ؟
_قرب لابراي و بدا يشوف فيها تيسولها وهي تتوريه ، شد داك بابي قادو يلاه ينزل لها سليب ناضت تغبن تاني هو يهطبو بقوة تيضحك كايشوف ويعاود عندو عادي مراتو حلالو
يوسف: منين نبدا ؟ ندهن كولشي؟
هالة : باغي تخرج عليا ؟ شبر شبر
يوسف : ( ضرب كوش لولة حط لبابي فوق كوش ) نتر فوق ولا تحت؟
هالة: شوف انت
يوسف: تتعكسي ؟ ( للحظة ضرب حساب عكس شعر هيا تغوت بجهد ) ناضي تازغبة مابقاتش
هالة: ( تتلوى ) اااااي اممم
يوسف: نوضي باركة من القوالب انا مع دخلة تتبقاي تترعدي عليا ! اي بشوية اي ضرتيني هو مسكين رطب مافيه تاعظم و تتطيحي عليه الباطل وهاد اللصقة تتجر لك اللحم و الجلد و صابرة من اليووم داك حوا الله يحسن عوان نحيد مو من جذر ( مد لها لابراي ) نوضي كملي شغلك منين تسالي عيطي ليا نكمل لك لي خاصك
هالة : غير سير خرج
يوسف: تانكون منونخ عاد نخرج( حيد ساروت من الباب ) هانا في كوزينة حتى تتسالي وأنا معاك
_بقات دقة دقة تاكملت هو فالكوزينة مع آلة رجعها خدمت ، تتفيق معطلة من هادي لهادي حتى تتكمل شغلها عاد تتشوف راسها لكن مع يوسف صعيب، ولو معمر عليها مضحكها لكن فاقصها بضحكو ، كملت دهنت بزيت بابونج لبست سوميج خفيف بدات تجمع دنيا هو يبعت معها من جديد داخل بحال طوم جيري بشحطة لي خارج من جحر ناشط هاز راسو سما تيشطح بيديه
يوسف : مي فغيغ مي سوووغ سلام عليكم بونجوغ ! هادي مراتي كي جادوغ
_جرها بخفة تيشطحها معاه ! و هيا تتضحك هو زايد فنشاط
يوسف: ( هزها بين يديه سرير ) المذاق ديال حماق جولادوغ من الاعماق ( حط يدوها على حجرو ) بشهادة دينصووور
_ضحكة مع للمسة مع قبلة، قادتهم العلاقة حميمية، زواجهم كان مزروب تواحد ما وافق عليه، لصغر سنهم ، مقارنة مع مشاكل زواج ة مسؤوليات و يوسف معظم كلامو موافقو ضحك و المزاح، لكن القلب عالم ليه غير الله، من ديما كان تيقول انا اول نتزوج و ندير اولادي كولشي تيضحك عليه، قالها و فعلها...
هالة : امممم
يوسف: ( هز راسو تياخد نفس ) ياااواااخة نشوف دم من نتعكد !
...دوزو ماتش تاني دخلو دوش ! صلات لي موراها دائما تتدعي معاه بالهداية مرة يصلي مرة يقطع، دخلت كوزينة بدات توجد ليه الطعام كل مرة داخل عليها يضحكها تا تتبكي و يخرج تاني ، مع المغرب وجد الطعام، نزل برا عاود طلع
هالة شدت بزطام هو هز طبسيل كبير مع معالق تابعاه تتطل عليه ، تبعاتو تامشى راس درب عند العساس جاو دراري بداو ياكلو ويضحكو و دخلت مطمنة تتاكل مرتاحة، حتى سمعت تلفونو تيرن نساه طلت عليه لقات مسنجر طالع باسم بنت شافت تاشافت و هزت بلوكاتها ، عارفاها شي تالفة تتقلب فين تلف وقت ، هالة ولو صغيرة عقلها خدام؛ تتشوف يوسف كتاب مفتوح امامها ماتشغلش راسها بهاد تفاهات ....ساعات سمعاتو طالع
أولاد الوازنة الجزء 126
محتوى القصة
التنقل بين الأجزاء