محمد(كحب )كح كم اححح ونهاك الله ا حيااة مسألة وققت ونتي معاياا
حياة:اوى هااا حنا غنشووفوو نزيدك شهر الى مكان والو جي اخوياا نفرقو هدشي والله اعاونا ويعاونك ولا دخل لمغريب نتسما بعدا راني مزوجة ماشي انا هنا ونتا لهيه
محمد:واااخة الالة ميكون هي خاطرك ...سيفط ليك شي اماانة وصلااتك
حياة(بغتج)انا مبايتش فلووسك باغاك نتااا
محمد(تنهد)تانا باغيك جنبيي لوحدانية قتلاتنيي وبغيت لي تونسنيي
حياة:اوى راه كلشي فيدك ...خاصني نقطع هيبة عندها لخطبة ليوماا
خيبة:خودي ايها شي كادو زويين وقوليها من عند محمد الله اكمل عليهاا ياربي
بعد وقت لا باس به من لهدرة والاسئلة جبدات اقبال تصويرتهاا عطاتها لنورة
نورة:غزااالة والله خسااارة ...ولكن ربي كاااين ...هادي قلتي ليا ملي كانت عندها 13 لعام دونك دابا عندها 16 لسنة يعني ماشي بزاف تاع لوقت مغتكونش تبدلات بزااف ان شاء الله يتجمع شملكم
حياة:ربي ربي ورينا نشوفو واش تجي معاك ولا لا.......
بقات عليه تورا ليهاا تصوريتها اما اقبال دايرة رجل فوق
رجل وشادة تيليفونهاا حيت ديجا شافت تصويرها
حياة:متيييتزة ...زوينة عليك ابا جابر
جابر:براكة هي واحد زويين
حياة:ههه يالله دغيا دير لينا شي عراسية بشيخات قبل منمشيي
جابر(تاوب كيرجع تيليفون لجيبو )ان شاء الله
مشات وهوا بقا مجمع مع اقبال اما واحد غيتة حسهاا مقطوع ...وبلاصتها بقات خاوية ديماا صداعها وهدرتهاا فدار مكتسكتش
كانت مخشية فلبييت وشادة بلاصتها كتجبد فكمايم تيشوورت وترجع تقادوو مربعة فوق فراشهاا معارفة مديير لا تلفازة لاا تيليفون لا بيسيي تموسق لا كتاب تلها بييه حتى لماكيااج هزاتو ليها حيااة وسورتات عليها لماريو
جايبة الغالية مقراج تاع لما صغير وقفات اقبال شداتو من عندهاا دور جابر صينية عندو وهوا مجمع مع اخ صديق فنفس لوقت كيدير فاتاي
عمر جوج برارد وداوهم يتشحروو وجابوهم عاد دخلات حياة بقفطين بيتي سلماات عليهم وكلسات جنب اقبال تدخلات لالة لعرووسة سر طاايح عليها ولحناك مزنكييين كترمش فعينيها وقلبها غيسكت حطات طباسل تلحوة او لفاكية وايديها كيترعدوو ...سلمات بلا بيز على السيدة وسلمات بايدها على الاخ عاد صديق لي زير عليهاا وطلقهاا ...مشات كلسات حدا حيااة
زوجة الاخ (ليلى):تبارك الله هههه صديق ختار وعرف اش يختار
هيبة(حشمانة)هه ربي اخليك اختي
صديق(نحن صديق موجه هدرتو لجابر واقبال )بماا انك نتاا لي فمتابة الاخ ديالهم كيف قالت هيبة ....فراك عارف شنو سبب الزياارة انا ان شاء الله باغي المصونة هيبة على سنة الله ورسووله
جابر:الري وشوار لمولات لكلمة فلاخير انا منزيدكم هي لخير لا انا لا اقباال ...هيبة !!
حشماات وضرباتها اللقوة تنطق اخ صديق وقال:اوى نقولوو الله اكمل بخير السكوت علامة الرضى
تحط لحم بلبرقوق او لووز طايب على حقو وطريق لخبز ولموناضة وطباسل لهريسة طبسيل كبير نيت حيت طبلة كبييرة وضارو عليها كامليين
الغالية:زيدو مرحبااا بيكم
ليلى:الله اكبر بييك اخالتي شكراا ....
كاين لي سااكت وكاين لي كيهدر ...اما غيتة خرجات من لبيت كتسلت دازت لبيت لبنات كتقلب على تيليفون ...ملقاتوش بانت ليها عشرين درهم تحت حوايج حياة هزااتهاا وخرجات كتجري لبييت
كيتعشااو في اماان الله مونسيين بلحيمات ولبرقوق ولموناضة الغالية كانت كتهضر مع ليلى حتى طلقاتها بتكريييعة بلا هواهاا حبساتها بزز وسدات فمهاا
هزات اقبال عينيهاا فيهاا بمعنى منيتك ...
اما صديق وحلات ليه دغمة فموو مبقا عرف واش يسرطها ولاا يرميهاا ....روعاتوو واعدا حاجة عندو هي تكراع على لمااكلة مكياكلش بااقي ....سرطها بزز وتقاد فلكسلة
جابر:سييي صديق زييد
صديق:لااا هيي بصحة كلييت الله اخلف
سرطها بجغيمة لماا ودوزهاا هانية تعشاو وهزوو لحم وحطو تلاتا تلفرارج محمرين ديال دجاج ...ناض من جديد غسل ايدو بالصابون ورجع كلس...بزز دار ايدو هي باش ميعيقش ولكن شكون خلااه .... دار لبال مع الغالية لي كتاكل بعفوية كيف موالفة ....كتهدر وتااكل وكدير الصوت بشق بلزق كون محشم كان اينووض يسد ليها فمهاا يالله بيحط ايدو فدجاج هزهاا
هيبة:ويلي مكلتي والوو
صديق:ماا عنديشش مع دجاج بزااف
الغالية :تالحم مكلتيش فيه يكما معجبكش طيابيي
صديق : الله اعطيك صحة (تنهد مكرهش ينووض وعروقو كيتجبدوو مع دوك الاصوات.....
من بعد لعشاا وقف صديق كي قباض ررواح وقال:نخليكم هاد السااع(حرك راسو لخوه باش ينووض )
جابر:كلس اصااحبي كاس اتاي ونوض
صديق:الله اخلف مرة خرا ان شاء الله...
سلم عليهم وخلا هيبة هيا اللخرة تالجنب لباب خرجو ادرااجهم او وقف هوا وياها جنب لباب ...كان فايتها بطول هي شوي ماشي بزاف قراب لبعضياتهم بزاف
صديق:غداا جمعي لياا لوريقات باش نتكاتبوو ان شاء الله
هيبة:ولكن اصدييق مزال خاصني حتى انا نتقدااا زعمة راه عرسي
صديق:غدا نتغداو مجموعين !! او نشوفولبروكرام ديالناا شنو بان ليك ...
هيبة (معرفات باش تبلات تطاحت من فوق لكرسي كتحك فكتفها )اححح حرام عليك
الغالية:ياااتيي عواض تشرطيي قايلة ليه لي عطيتيي ....ومالك فيه ابنتييي فايت فيك زوااج كييي غادية بلا عرس او تدهاز ميجيبو ليييك بقات فهاد سليك لي دار ليك فايدك
هيبة:وماما لعرس راه انا لي مبغيتوش ومعنديي مندير بيه اصلااا ...ولخاتم راه ب 60 الف قلاك سلييك
حياة:انا بغيت هاد سلك نحر ملت مك بيييك
اقبال: بينها وبين راجلها نتوماااا اااااش دخلكم يعطيهاا ت درهم ياك هيا لي بغااات !
حياة:اختيييي الالة زمارة نتي براسك الى مطلبتيش اصدااقك غنشتف على مك تي كيفاش هااادي اختي سيري بعزك رااك غااالية ...هداك صداق حللو ليك الله ...الناس كتمشيي ب لملاين ودهوبات ويزيدها دار من لفوووق (كتعيب )عطيني لي بغيتيي ...انا بغيتها تعطاااك فقستي ليا مرارتي
هيبة:غير لي بغا يقوليك شي حاجة
حياة: نوضييي بعدي ليا من كريي صباح هدا دعيتك الله ...انا بغيتو يلوح ليك شي عشرالاف نضحك على ملتك تااا نشبع نوووضي لبسي خراك نجمع ليك ورااقك يجمعك ربي
اقبال:هيبة فيقي غيتة
خلاوها تمشات ونطقات الغالية كتحك فراسهاا وقالت:هاايه وشت هدا لي خطبها بحالااااا موسوس لاا ؟؟ تي راه غسل ايدو شي تلت خطراات ولكاس تاع اتااي تشافو عاد شرب ....اما كاس تلما توسخ
اقبال:جاني عاادي بنادم نقي كتحسبوه موسوس !
حياة:انا لي شفت هوا السيد صعييييييبب شوفي هي خوه كيبان كيلمش حدااه ....مي يا مي وبنتك غير دميعة
اقبال:اشمن عرس !!....ماتبقاي تعرضي ليا على لبشاار راه هي كليسة صغيرة وصافي صدقة للمقربيين ...من بعدونهضرو فهادشي ...(جبدات من بزطامها تمنلاف ريال مداتها ليها وناضت )
حياة:اتدي شي قفطااان !!
اقبال:لا لا مكاين لااش ...انلبس جلابتييي
حياة: ناااري بتجييك مقووودة السااطة
الغالية:راه غنضرب ملتك بهادلكاااس هاايه ....تي كي غديري مع هاد الرااجل وفمك قطران
حياة: يمشي يخراا افايقة ليه اناا
فعلا مشات اقبال لبييت هزات جلابة فلبلو سيال ساامبل مطويلاش بزاف صبور كتلبس مع سبرديلة وفيها سيور هابطين من لقدام تالصدر بنفس اللون....
اقبال:حيااااة اجي اجي
حياة:نعام احبي
اقباال:ضفري ليا شعري دغياا
قربات ليها كتعوج سرحات ليها شعرها مزيان وضفاتو ليها من لفووق ...هاد لمرة هزات صاك صغير حيت جلابة بلا جيااب فلبيج دارت فيه وراقها او تيليفون ولي تحتااج...يالله كتسد صونا تيليفونهاا جبداتوو وجاوبات ولبنات وراهاا مناكريين على لماكياج لي مبغات دير.....
اقبال:صباح لخيير
شهيد:صباح لحبب ...شي بوسة على صباح والله مكرهناهاا
اقبال:فراسك هاد تزلال ديالك شي نهار نهرس ليك فمك عليه
شهيد:نبوسك ديك الساع والى طلقت منك هرسيني كامل اختي والله منقوول احح متي لي تقوليهاا
اقبال(بهمس)حماار
شهيد: ايييه لقديتي عليه.....ههه فينك خرجتي من دار خرجي نشوفك
اقبال:غادية داباا اش بغيتي تشوف فياا
شهيد:وهي خرجي البااكور خمسة دقايق وسيري فحالك انا فشاريع لفووق
اقبال:امري لله ...وخة صبر (قطعات عليه لقات لببنات اللور متكين على لماريو وكيسمعو ليها طلقوها بضحكة عالمية
حياة:شوف ليك لقحيبة ههههه
اقبال:كولي لغيتة تلبس دغيا هاني جااية
هيبة:متعطليييش احبيبة هههههه
خلاوها تخرجات وضحكو وهزات هيبة ايديهاا على شكل دعاء وقالت:ياااربيي تسهل عليهااا وتزوجهاا بهاد شهيييد يااااربيي
حياة:ههههه حسن عوانووو من درووك ههههه ...اقبال طبعها صعيييب عندها هي نيشاااان تشوفو كيلعب بزنطيطو تبود معاه سواايع من ديبار
هيبة:اختي هيا لي عبرات مربات كبدة على شي ولد لمراا ههههه ..نمشي نشوف ديك لغبييينة اش كدير عطيها شوية لماكياج احيااة عفاااك اتمشي وجها صفر تماا
حياة:تمشي تخدم وتشرييه ملي ولا فيها هاد لفرييع ....هزي ليها ماسكاراا ولعكر ...تقرب لياا لفوندوتان او لهايلايت نشتف على مهاا سلاتنم ليياا هي فتصاور لكلبة لخراا
**
خرجات من داار بجليلية وسبرديلة باقة جديدة فلبيض هابطة مع تقيشرات قصار بيضين ...جلابة مع طولة وضعفهاا جاتها موااتية لوجه مافيه واللوو سنسلة تنقرا فعنقها لا غير ....لمحات طموبيلتو ومشات لجيهتو طريق كانت خاوية حيت مزاال لحال
جابر: خاصك هي تكوني كتعرفي طيبي كسسكوو وطاجيين والله تاتشريه بحوايجوو
اقبال: اخويا نتا وكرشك تاتموت ...تبوقلات تقول داخل لراابع هاد شهر
جابر(حط ايدو على كرشوو لي باانت نيت مع لابس تيشورت )ااا سكتيي لمعدة هاد لياماات قهرتنيي ...طحت فلحم لبارح معقتش براسيي هههه
لحديت طوااال وغيتة غير كتسووط مهدرات متكلماات وحتى هوما محشاوهش ليها هيا عشرة ...ملقات فاش تلف لوقت ...ضرباتهاا بنعسة موسدة الثاك ديالهاا ...شافها جابر من لمراية وقال :باقة ناافخة
اقبال:شغلها هدااك ولفات لحزارة
جابر:لفششوش بزااف خايب
كملو طريقهم حتى وصلو لجديدة هاد لمرة مدخلووش لنطاق لعروبية دخلو فارجاء مدينة جديدة مدينة دكاالة وشكون لي مكيعرفها وكيسمع بيهاا ...بلادلجود وخيراات لبلااد...
غيتة مرة مرة ضحك حيت فعلا نشطوو القضية محسوش ببطريق لي طويلة شوية جات خارجة شزية على لمدينة ماشي بزااف وقفو قدام داار وطفاا لاشين وقاا:اف عرسنا غي فسااعة
العمة(خرجات كضحك)ونشاااط زييين اولد خوويااا
خرجو من طموبيل زعاونو لحاجة هزو تقديية لي جابو معاهم من لمدينة ديسير لحم وكرطومة تاع السكر ..مشاو فاتجاه داار لي فستقبالهم راجل كبير باينة خوا الاب كيرحب ويعاود....دخلوهم لصالون كبيير مفرش على حقو وطريقو ...حيدو سبابطههم ودخلوو كلسات لحاجة جنب جاابر او لبنات مقابلين معااه....
الحاجة(كتشوف فدار)تبارك الله تبارك الله...بوهاا حاادك دغييا طلع داار تعقلي انجيية هن كي كان
نجية؛اوى اميي رااه سنين هاويلي
دخلات الام كترحب بقفيطين سامبل ودرة على شعرها او لفواطة طويلة وقالت:انهار كبيييير هدا لي جاات عندنا
لحاااحة(باست راسهاا)كيدايرة ...لباااس ...
الحاجة: توما لي تجيي تشوفوونيي اما انا شرفت
...: هههههه باااقة صاييرة اتشرفي وتحطيي نجية ..ولدي بنياتي مرحبا بيكم فييينن محمد او بهيييجة
جابر:الله اكبر بيك الحاجة ...هاهزكا جايين وراناا
دقائق معدودة تدخلوو لخريين...
حياة(حطات ليها وراقهااا ) ها ورااقك عقد الازدياد او ليزيكستري تخرجي دروك ديري واحد فطوكوبي لكارط
هيبة:صاافي شكرا ...غنمشي نتغدا معااه
حياة:وكضي راااسك ازمر ....تبقايش هي حالة فمك راه عندوو ماشي معندووش ...تشرطيي فصداقك ودهازك
تحط لغداا وبااشرو بلاكل كياكل بتااويل كل مرة يمسح ...تسلاو غداهم على خير ...وقفوو ومشاا قصد لعدوول تفاهم معاهم وعطاهم لوريقاات ودار معاهم غدا مع لعشرة..وخرجو من عندوو ناشطيين
دخلاات شاابة عشرينية لحشمة غالبة عليهاا لابسة قفطان كروونة مع شاال كرونة حتى هواا كتسلم وعينيها فلارض مهزاتهوومش ...هز جابر عينيه فيهاا ملي بغات تسلم عليه واخدة حقها من زيين ولحشمة زايداهاا ...مع سلماات عليه تسلاات من الصالون تحت اعينهم في سااع ...هز جابر عينيه ف غيتة خاطف الشوفة وتلاقاات عينو معاها نيشان ....ربتات ايد على فخضوو كان ولد عام
جابر(راسو تزير )من بعد من بعد ....عمي هادا لوقت مزال تابعاني طريق
المختاار:هااو او اتاااي لي كيطيب ؟
جابر:مرة خراا اسي المختاار ....مزال تابعاني طرييق لمكنااس ان شاء الله
جمع لوقفة ومعاه عموو او هشاام ...دازت من حدااه الهام مهبطة وجهاا كتزرب وخرج تاتبعاتو اقبال او غيتة وجدااه ضرب واحد الشوفة فغيتة وشاف فهشاام لي عينيه لصقوو عليهاا ...
جبد الساروت من جيبوو وعطاه لغيتة وقاا:سيري ركبيي فطموبيل (حمر فيها )دويت معاااك
غيتة:واخة (شداتهم من عندو ومشات كتنكر)بنادم كيداير
دخلات لطموبيل كتسووط وهوما واقفين كيتداكروو ...تاتفرقو كلهم كل واحد قصد طموبيلتوو
طريق كلهاا ونجية والحاجة وحتى اقبال كانت هضرتهم غير على الهاام ...مصوابة !! حششومية !
نجية:وهادي هيا لمرا لي تجي معاك اجابر يااك اقبال !
حكاية أنثى الجزء العاشر
محتوى القصة
التنقل بين الأجزاء