حكاية أنثى الجزء السابع

من تأليف لبنى السرابي
2020

محتوى القصة

رواية حكاية أنثى

صديق:ديريها فين تجييك ...شنو قلتيي فهدىتنااا امتا نجي لداركم 
هيبة:باقي لحااال على هاد لهدرة يالله عرفنا بعضياتناا بلاتي شوية 
صديق:داكشي لي نضيعو معاك فزنااقي نضيعوه فدارنااا ...راني قاصد لمعقوول اهيبة نعلي الشيطان 
هيبة(بميوعة)اوى يكون خيرر 
*
خلاتهم مجموعين فالصالون وخرجات كتسلت لابسة عباية اع حياة وشعرها كيلعب وراهاا هي شافتو فوق لموطور وتبسماات قربات حداه كتنهج وقالت:بزز خرجت هههه 
بدر:ت ت حشومة عليك كنتي اتحرمي عينياا من هاد زيين 
غيتة(ضحكات تا تهزو حنااكهاا )وصافي هانتا شفتيني وسير قبل ليشوفنا شي حد 
بدر:غدا نتلقاااو مع ربعة شوفي كي ديري نمشيو نكلسو فلقهوة ديالنا !!
غيتة:ديال الشيشة !!
بدر:سيييي ههه هاديك قهيوة كل واحد داخل سوق راسوو 
غيتة:صافي واخة (بفرحة)وضرب بيا ضويرة بلموطور
بدر(جرها كيضحك)وتعطيني بووسة
غيتة:هههه وطلق اويليي ايشوفنا شي حد
بدر:غدا منتفاكش معاك تاتعطيها لياا 
غيتة:صافي هاني مشييت باي باي 
طلق منها ومشات كتجري بلعبااية من زنقة لزنقة توصلات لدارهم مع حلات لباب كتنهج متجي غير ف جابر طلعها وهبطهاا كتنهج وقال :فين كنتي !!
غيتة:هاا اا مشيت غير لحانووت تقدات ليا لكونيكسيون 
جابر:طلعي فحالك طلعي 
دازت بلخف من جنبوو وطلعات تبع ليها لعين وتنهد وحل لباب وقف تماا ....هاد الاعجاب خاصو يتدفن هوا خاصاه مرا بعقلها مرا ديال زمان ماشي مرا لي تعاون مع زمان عليه لجيل تاع غيتة قااسح وهوا باغيها درويشة ...وصل لعمر لي خاصو يدير وليداتوو وينسا علييه لعب دراري صغار ...


يوم جديد صبحات شتاا ولبرد خرجات اقبال من الدار دايرة ايدها فلمونطوو لكحل وغاديا فاتجاه لمحال ديالهاا لي داز من حداها تعطيه السلام حتى وصلات وتحنات كتحل فلقفل تاع لمكازة باش تهزوو يالله بغات تهزوو تحطات ايد داافية حداهاا هزات الريدو تطلع كاامل وطلعات عينيها فيه وقالت:صباح الله 
شهيد؛ صبااح لخيررر 
اقبال(ساست ايديهاا) لباااس تلفتي على دارك 
شهيد:لااا جيت نشوف عشيرتيي ههه فطرتي !!
اقبال:فطرت !
شهيد(هز راسو لسماا مكمش عينوو من شتاا رقيقة كطيح خفيفة ) توحشت نفطرو انا ويااك بنص فيه لفرماج ولكاشير ورايبيي بحال اياام زماان وعلا شي ميسقات تاع الرااي تت مخيرة 
اقبال(دخلات لمحل كتحل فلمونطوو زضارت شاافت فيه كان ماد ليها سندويش كومير وسطو لفرماج ولكاشير ورايبيي تبسمات بلا هواهاا وعوجات راسهاا وقالت)باقي عاقل !!
شهيد:كضحكي علياا !! شكون لي ينساا بخال هاد لحوايج 
كلسات فكرسي ومدات ليه كرسي هز رايبي ديالهاا حركو وحلوو وحطو ليها فوق الطبلة وهيا كتشووف ودكريات الطفوولة كترجع معاها حدت بحدت 
اقبال(عضات من لكومير غمضات عينيها وحلاتهم كتشوف فشتا تجهدات شوية)لوقت دغيا كيطير 
شهيد:حنا لي دغيا كبرناا ....مكرهتش كون رجعنا سنين اللور 
اقبال:الى كانت ترجع ليا ختي نرجع ...الى كنت نرجع با معاود نفس لحاجة نفضل لعكس !!
تجبد جيتهتاا وحط ايدو على ركبتهاا وهبطات عينيها لايدوو وهدر بحنية تاتلقات عينيها معاه وقال:طال زمان ولا قصاار اترجعو تلقاو 
اقبال(بحرقة)امتا اشهيد !! امتااا ...هاد القضية كتاكل فيا نهار على نهار ميمكنش نكون كالسة فطبلة ومنتفكرهاش شنو تكون كدير ...شنو كتاكل شنو كتشرب 
شهيد:الناس لي داوها كانت ميسرة ليهم ....بلا شك اتكون بخير متشغليش بالك 
اقبال:ان شاء الله 
شهيد:نتلقاو فلعشية !! 
اقبال(مسحات فمهاا) لاش بسلامة 
شهيد:نبدلو لجوو هههه 
اقبال:نوض لخدمتك اسي شهيد نووض
وقف كيضحك كيقاد فلكاشكول ديالو قرصها من حنكها تدفعات ليه ايدو وقالت:جمع مكاافشك ازمر 
شهيد:حااارة ابنت لغالية ...لعشية هاا 
خرج خلاهااا مبتااسمة كضحك على تصرفاتوو وترمش وهيا كتسمع ف صوت شتااا جنب لباب ناضت وقفات حدا لباب كتستنشق ريحت شتاا 
جايين بنات كيجريو بشتاا وتخباو جنب اقبال 
...شتا تجهداات 
اقبال(دخلات لمحال جابت مضل كحل مداتو لبنت )كاين شي واحد كيخرج بلا مضل !
...انا ههههه شكرا ابيلوو 
اقبال:يكما نوصلكوم !
...لا لا بلااش لمضل كاافي بسلااامة ...زيدي نتي ايمشي علينا لحال 
تفكرات غيتة وحلات تيليفون تشوف اشنو عندها ليم لقاتها مداخلا تالعشرة ورجعات لمخالها تبااشر خدمتهاا ....
***
كدالك هيبة وقفات امام لبوتيك مع تمنية بيل لبرد وشتا ايديها كيف التلج شادة مضل بايد وكتحل ودخلات كتفتف وتحك فايديهاا وتنفخ عليهم ....مزال مكلسات بلاصصتهاا تخل لباب وهزات عينيهاا كان صديق بمونطو اسود وروايح هاز فايدو كاس تلقهوة 
صديق:صباح لخيير
هيلة:ههه شنو كدير هناا ...صبااحو
صديق(مد ليها لكاس)هادي طريقي لخدمتي وشفتك 
هيبة:هههه شكراا (حطات لكاس على لكونطوار كتسخن فايدهاا تاتملكوهاا ايدو لكبار دافيين ونفخ عليهم نفسهم سخونة ....حسات بالضو فجسمهاا وحنوكهاا سخنووو وعينيها كيدورو 
هيبة(بتوتر)صدييق هه 
صديق(كيح ايديه مع ايديها باش يولد لحرارة ويدفاو)مبرادة 
هيبة:ممم بزااف 
صديق:صدريي داافي غير لمبغيتيش تدفااي 

هيبة:هههه سكت باركة كتحشمني 
ضحك مبين على سنانو وقال:هاد لحشمة اتسالي معاياااا 
هيبة:وسير تخدم ههه
صديق:انا مول الشي الله اجعلني مندخل تال جوج ههه
هيبة:اييييه اسيدي مزيان ههههه ولن انا لااا اتجري عليااا 
صديق:واخة الالة تصديرة زوينة انمشي ولكن طنااش نشوفك نتغداو بجوج داكوغ 
هيبة:وااخة هه 
باسها فحنكهاا خلاهاا مزنكة وخرج هزات لكاس تلقهوة كتجغم منو ودفي راسهاا ...من وراها مسحات لباب تزاج وشعلات ضواو...وصلات طناش بيل و دخلات نسرين كتقرقب بطالونهاا 
هيبة:بونجوووغ مداام 
نسرين:بونجوغ هيبة صافاا ؟ فين صفااء مزال مجات 
هيبة:قاتلياا عندها كونترول مع طبيب !! 
نسرين:كتراات بزااف ...بون عطيني الشيك ديال لبارح على وديت لفوغنيسور لي مجااش 
هيبة:داكووغ 
هزات الساروت حلات لاكيس هزات لفلوس باش تهز الشيك ملقاتوش تبلوكات للحضة كتفكر فين دارتوو وترجع تقلب 
نسرين:هيبة !! دغيااا مزرووبة 
هيبة(سرطات ريقها)مدااام ...الشيك ملقيتووش

شافت فيها نسريين بغرابة وقاات:كبفاش مكاينش؟؟
هيبة:(جاتها القفقافة)كنت حاطاه هنا امدام..
جات نسريينمن جهتها مالقاتوش وهيوتصعر وقالت:كبفاش مكاااينش؟؟
هيبة:معرفتش..انا لبارح كي عطيتيه ليا حطيتو هنا(تتشير لمجر)حطيتو تما
نسرين:(بعصبية)قولي لتما اعطييه ليك فففف اشنو ندير..فين غيكون مشاا(شافت فيها بتشكيك)ياكما هزيتيه وصرفتييه؟؟
هيبة(قفزات)اويلي لا..مدام الله يخليك اش هاد الهضرة؟؟هادي هي الثقة
نسرين:وفييينووو؟؟(كانها تذكرات)الكاميراا(هزات راسها الفوق)كانت خدامة
هيبة:عمرها طفات
جبدات تيليفونها لي فيه سيستم متصل بالكاميرا وكاع تسجيلات عندها..رجعات الكاميرا لور متوترة ومعصبة وهيبة حداها...ردو الكاميرا لور ومترقبين فاش عطاتو ليها ودارتو فالمجر ومشات عند كلياان دخل..بقاو تيشوفو ودوزو لبعض الدقائق فاش بانت صفاء كتهز شيك ودارتو فجيبها.. بعد دثائق تمشات ناحية هيبة هدرات معاها و هزات قجاقلها وخرجاات
نسرين:(خرجات عينيها)لاااااا مي نووو..بنت الحااام هي لي هزااتوو
هيبة:(تصدمات)اويلي والله الى هي
نسرين:(صاحت فوجهعا)هادشي كولو بسبابك..نتي لي مكلفة بلاكيص علاش تخليها ليها ولا تخليها خاوية
هيبة:ولكن انا كان خصني نشوف الكلياان اش خاصو؟؟
مونية:هي لي مكلفة بالكليااان الالة...نتي اش حركك من بللصتك(بشك)ياكما متافقة نتي وياها ودايرا ليا هاد المسرحية....هااا علاش جات عندك 
هيبة(دمعو عينيها)مداام الله يخليك..انا ماشي شفارة وماشي كذابة وزايدون ماشي اول مرة تعطيني شييك...هيا جات عندي باش نقولييك راه مرييضة صاافي هءهء
مونيا:(غوتات بعصبية)شييك بثلاثين الف دررهم الى مشا انمشيي للحبش فهمتيي راه شيكاات عاادوو
هيبة:(طيحات دموعها)انا مهزيتوش راكي شتي كلشي على عينيك هي لي هزااتوو هءهءهء
نسرين:(بتوعد)جوتو جيغ اهيبة ..الى طرات شي حاجة تاتخلصييه كاغ نتي لي غيسبونسابل على بووسط ديالك متخويييهش
شدانها القفقافة وعطاتها هي البكا وتنخصيص..فحين نسرين تتجري اتصالها باحد معارفها فالبنكة بغات توقف الشيك وتديكلاري بلي توضر ليها لكن الصدمة ان الشيك تصرف ومشاو الفلوس
كي قطعات صاحت فوجه هيبة:هااا لي قلت...صرفاااتوووو بنت الحرااام(هزات عليها صبعها)دابا غتكري ليا واش معاها ولا نعيط للبوليس
هيبة:(تتبكي)امداام انا ممعاهاش والله ممعاها!! هءهءهء
نسرين:خسااارة كنت تايقة فيييك اهيبة ....لبوليس هوما لي ايفكو جرة(جبدات تيلي بغات تصوني 
دخل صديق على غفلة وسمع غواتهم..لمح لوخرا تتبكي وغوبش وقال:ياك لبااس؟؟
نسرين:(تتحاول تهدأ روعها)سادين اسيدي عندنا مشكل
صديق:(قرب من هيبة)انا ماشي كليون..هيبة مالك؟؟
هيبة:هءهءهء مشا واحد شيك ديال الفورنيسوور هزاتو واحد البنت معاياا هءهءهء
مونيا:(بانفعال)قولي متافقين
صديق:الله يخليك امدام لزمي حدك..مكاينبش كاميرات هنا؟؟
هيبة:كاينين..وشفنا هي لي هزاااتوو
صديق:(غوبش انسرين)ولاش كتهميها هي؟؟
نسرين:حيت غتكوت مشاركة معاها(شدات راسها)ثلاثين الف درهم هي مشاات لياا..شنو غندير؟؟
صديق:سيري لابونك ديالك وقفي المعاملات
مونية:سبقاتني الشفارة وصرفااتوو....هي اعتارفي اهييبة !
صديق:(بنرفزة)متهنييش النااس بالشفرة..كاينين كاميرات وهيبة مدارت والو
نسرين:اتكوون شرييكتها توريني انا فالبناات
هيبة(بغات تسخق)هءهءوالله مقستووو كتحطي مكتر عمريي هزيتووو 
نسرين:تالعند لبولييس وتفاهمي معاااهم ا هيبة 
صديق(مسح على وجهو معصب)شحاال مشا ليك فهاد الشيك 
نسرين:3 تلملييون كلهاا مشاااات

خزر فيها وخرج مخليها تتغوت تتعرعر بيخرج ليها عقلها فحين صديق جاب دفتر الشيكات وسنا فوق الكونطوار على شيك بمبلغ ثلاثين الف درهم ومدو ليها:هااكي ها شيك ديالك..ومتهمبيش السيدة حيت مدارت والو
هيبة:(مصدومة)لااا صدييق ..اش كدير؟؟انا مهزيتوووش
صديق:عارفك مهزيتيهش..(شاف ف نسرين)ها شيك ديالك..وسيري ديكلاري بلي شفرااتك..(خزر فيها وطلعها مزيان)والمرة حاياا قبل ماتخدمي شي وحدة ديري احتياطك حسن ليك(لاح ليها الشبك)ياله اهيبة
هيبة:ولكن صدييق(مبغاتش تمشي)
جرها مخليين نسرين تتشوف فشيك بغرابة تهدنات نوعا ماا ..هزاتو وسدات المحل وزرباات تصرفو هو لول عاد تديكلاري بصفاء

طلقات من ايدو كتبكيي وقالت:واش حمااقيتيي هءههءء لاش عطيتيهااا لكاميرا بينات كلشييي 
صديق(بحدة)بااغة تجرجري فلمحاكييييم هااااه لبوليس مكيعرفش هاد تخربيق اهيبة حتى نتي اتمشي معااهااا...حيت لبووسط دياالك .. ولنفرض تشداات او جمعاتك تانتيي معااهااا تيقي فشلاهبية !! ...لبوليس انا لي عاارفهم
هيبة:(كتنخصص)ماشي انااا لي سرقتهم هءهءءه لاش ايشدوووني علاش انا معنديش زهر 
جرها ناحيتو بلطف حتى تلقاات بصدروو معتارضاتش بتاتاا من حضنو كانت محتاجة لييه اجهشت بلبكاء وهوا كيرطب معاهاا ويطبطب على ضهرهاا حاضنها عندوو

صديق:صاااافييي حبيبة دياليي ....كالم طواا ....كلشي اييتقااد 
هز ليها راسها ومسح دمووعهاا بايديه رمشاات فييه وهيا قريبة لدووك لعينين لحرشين لي عطاه الله مكمشيين مداخل فيهم حتى لونر من غير السواد واخة ضاربة فيهم الشمش ...هبطات عينيها دغياا كترمش وكتمسح فبقاايا دموعهاا
هيبة:انمشي لداار 
صديق:نووو عفاااك خلينا بجوج حتى ترتااحي ...نخرجو برا لمدينة تشمي لهواا. داكوغ
هيبة:مبغيتشش نعدبك براكة هدشي لي درتي هءهءه منين انرد ليك فلووسك اصدييق حرام عليك حطيتيني فموقف بحال هداا 
صديق(هز ايدها باسهاا )قرييب اتولي مرااتيي ...وفلوسي فلووسك (ضحك تبانت لخوية اللور فضرستو )وضحكيي مجاش معاك لبكاا مزيان ملي مدايرة والو لوجهك اما كون وليتيي باندة صغيورة 
هيبة:كطنز علياا ؟
صديق؛ههه شوية يالله اجييي ....
حل ليها لباب وركبها ومشا لبلاصتو ....

فساحة الليسيي كانت خاوية من سبور حيت لبرد ولارض فازكة بشتاا 
غيتة(مقابلة مع لمراية فطواليط كدير لعكر او حنان حداهاا كدير ماسكاراا )شوفي كيي جانيي 
حنان :واااو الق** منين ضبرتي على هاد لعكر 
غيتة:طيرتو لحيااة عاد شراتوو عرفتي غااليي 
حنان:ناري لونو خطيير عطيني ندير منوو
غينة:اويلي تسطيتي نديرو عكر وااحد مالهم جاين من ورا الشمش (هزات واحد اخور بلون زوين )شوفي هدااا تهوا وااعر 
حنان:اراايه 
غيتة(طلقات شعرهاا ورشات الريحة على مطاب جهد )يلالة وعلى زيين عطاني الله 
حنان:هههههه شكار راسو داز منهنااا ...هاكي قادي ليا لايلاينر عفاااك 
شداتو من عندها وقداتو ليها باحترافية وايديها تابتة 
جمعوو مكياجهم و تبوو حوايجهم وخرجو كيطلوو يكما كاين شي حد شدوها جرية وحدة لساحة تاع سبوور وتوجهو لناحية لباب تاع الدخيلية حاضين جنابهم...لقاوه مردود شوية 
غيتة(بهمس)جرية وحدة تالباب
حنان؛عندك نعمرو غيس 
غيتة:عرفي فين كتحطي فراقشك عهه ...واحد جوج تلاتااا 
ضربوها بجرية بلخف حلو لباب بلخف وخرجوو كيجرييو تبعدو على لباب شوية وقفو كيطلو مبان ليهم حد حيدو الصيكان من ديورهم وحيدو الطابلياات خشاوهم فالصااك 
كانت غيتة لابسة مينيي بوط بطالون وسروال جينز لااصق على طايتها بسميطة تجلد وتيشورت سخون فلموطارد خاشياه فالسروال لاصق عليهاا بكول فيي مبينة منو سنيسلة رقيقة تنقرا بخميسة او حنان بليبة كحلة سخونة وكسيوة حد الركبة تاع شتواا ...ليي شافهم ميعطيهمش عمر التانوية بلطااي ولميكاب لي داز يهضر ويشووف وهوما واقفين كيتسناو دراري توقفات طموبيل جنبهم نزل منهاا بدر وصااحبوو سلم على غيتة بلابيز وقال:دوختينيييي حشومة عليييك
غيتة:هههه مشينااا !!
بدر:ركبو اللور 
ركبو فعلا اللور سلمو على صااحبوو ونطالقوو بيهم كيضحكوو 
حنان(بهمس)عرفتي مك ويعيقو بينا ههه 
غيتة:فمك لاحسوو جروو مكابن لي يعيق عندنا اصلا هي داك لمنونخ ساعتين يفرع لياا ك** على جوج حرووف حااافضاهم ...عيشي اللحضة احوبااي ...
امام مقهى الشيشة وقفوو خرجات غيتة فرحاانة شدات فايد بدر ودخلات معاه 
بدر:توحششتك 
غيتة:ههه تا انااا
بدر:نكلسو فبلاصتنااا 
مع الدخلة ضربها الدخاان تشيشة كيطاير كل كينطر من قنت بنات ودراري شاب والشيباني طلعو دريجات قلال وكلسو فبلاصتهم لموسيقى لواي واي خداامة وسرباية كيسربيو جوج حواايج قهوة كحلة ! والشيشة بانواعها ...كاين لي كيفوخ تجواناات ويقاد لمجاج 
قهوة لممنوعات لي مرخصة بلقانون وفاللخر يقولوو شباب ولا غادي لهاوية ناحية الادمان ...
كيعطيوك وفنفس لوقت كيعاقبووك ...شراب كيتباع فلمحلات التجارية لكبرى!! والا شافوك كتشربو براا يشدوك بتهمة السكر !! 
مقاهي الشيشة ولات بلا عدد مبقاتش مختاصرة على شباب تا لبناة لقاوها موضة تهاد لعام مكاين هي لمنسل بنكهة التفااح ولا النعنااع لي حبات خاطرك موجودة هي خلص وتشيش تالصبااح ...
قدامهم السربااي كي قااد الشيشة ويشعر فلمبيخرة شاف فبدر وقال:نطر ولا تنطر ههه 
بدر؛ارااا اهياا هههه هاديي هيااا لعرووسة تاع الشيشة تديها نتااا 
شدها من عندوو ونطر منها ما يكفي صدرو باش يعمر دخان تالقااع تلاح على لفوطووي كيبخ دخان لفووق تبنج ...كي تيقولوو النترة لاولى من الشيشة هي النݣعة ديالهاا اولى نقولوو هياا الشيشة بنفسهاا الى عمرك ضربتي الشيشة متقدرشش على الراس اللول ديما السرباي كيتكلف ويتكيف بلااصتك 
تقادو الشيشاات وتحطو طفايات تلكاروو وقهيواة كحليين كالسة حنان مع لاخر كيضحكوو وزعمات على الشيشة كحبات لمرة اللولة والتانية وتعلمات! 
اما غيتة نقزلو ولفاات كتساابق مع بدر شكون يشدهاا ششاف تعياا وخدا ليه وحدة
غيتة:ههههه هرفت علييك 
بدر:بصحتك الالة(بخ عليها الدخان)قربي حداياا 
قربات حدااه ولاح ايدو وراهاا ولات موكية على كتفوو هز ليهاا راسها شوي وباسها بخفة فمهاا 
غيتة:ويليي صاحبك مقابل معانا ههه 
بدر(همس فودنها)اجي معاياا ...منتعطلوش
غيتة:غتبرد!
بدر:نشعلووهاا ههه

جرها من ايدهاا تناضت وتابعاه لفين !! معارفاش 
دخلو لطواليط وسقط لباب من عندو كلاها بلفاالو وقالت كضحك اماا لحشمة !! ماشي بلاصتهاا
غيتة:مالك 
نقض على شفايفها عطشاان استحلاتها ومشات معاه تعيش اللحضة ومولاها ربيي ...حياة وحدة لي غنعيشوو علاش منجربش كلشيي ...هادي هيا فكرة غيتة فلحيااة فقط ...
مقاهي الشيشة كتوقع الرديلة ولفسق فجناب طواليط ولا من مجيب 
مرخصة!! مخلصة الضريبة !! كلشي مستوور بحيط شغلكم هدااك خلص لكونصوماصيون ديالك ودير لي بغيتيي 
تيشورت لفوقاني تاع غيتة طاار وهيا ميتة بقات بديباردوو سميطات وسوتيان عازل صدرها لفووق وبااين صغير كيشعل قبلة جامحة مص فوق صدرها هلاهاا بااينة ...وهيا مغيبة وتاابعة لمساتو لحاارة وقبلاتو لي سارحين فعنقهاا تال فتحت صدرهاا ...احساس جديد ونشوة جديدة ريعان لمرااهقة ودودة مزال جديدة 
هبط سميطات السوتيان ريوكو سالو على صدرهاا دق شي حد فلباب قفزها من النشوة لي هيااا فيهاا عينيها ديجا معسلات ومرخية بشيشة ونشووة لي كتجرب اول مرة شافت فييه كان صدرو عرياان وصمطة تسروال محلولة 
غيتة:شكوون 
بدر:عاااامرة اصااحبيي !! (شاف فيها مخفتييش )شي برهوش هداا (رجع باسها من فمهاا)
غيتة:بدر يالله نكلسوو ...برااكة
بدر:غير شويية نشوف دوك الشهدات 
غيتة:ولاا ههه براكة مرة خرااا 
بدر:لمرة جااية نمشيو لدار ونكلسو بخاطرناا 
غيتة:اويليي حشوومة تااني 
بدر:داكشي عااديي مالك عمرك مجربة !!
غيتة:لااا اول مرة والله 
بدر:هههه (رجع باسهاا)ولكن راك سخوونة مع رااسك نخاف هلى رااسييي معاك نبغي نلعبو شوية نصدقوو فشيي بلان ههه
بعد عليهاا كيقاد سمطة تسروال ولبس تيشورت ديالو وتجاكيط قدات مسائلها وحاسة برااسها طايرة فسماا لبسات تريكوو وقداتوو وشد ايدهاا وحل لباب كتمسح فلعكر ....خرجو نيشان مع بنت كتبكيي متكية على لحيط ولولد كيحزر ففيهاا 
...مديريش من لحبة قبة !راه عاادي 
لبنت:ديني عفااك مقداش نوقف 
هاد لكلمات جاو فمسامع غيتة وهيا دايزة من قداامهم متسوقاتش اخر همها تعرف لبنت مالها فديك لحالة وكلها كترعد 
خرجو لجيهت لفوطوي عاودو شعلوو جميرات وكلسوو يشيشو وبدر وصاحبوو كماو جواان 
بدر:هدا صعيب عليييك ههه دوقي منوو طيري لسماا 
غيتة:بحال لمعجوون !! 
بدر(ضحك وتكا على كتفهاا)هدااا الحيبان اقووود جوان ادوقيه ولكن ماشي هنااا تانمشيو لدار باش متموتيش لياا هههههه
غيتة:انا باغة نجرب كلشيي هههه عزيز علياا نجرب كلشيي باش نقول راني دوزت لحيااة 
بدر:ديلمك هداا ببووووحدو راه حياة خراااا ههههه دابا خليك فشيشة من بعد ونعطيك 
غيتة(لحنان)نتصوروو ؟
حنان(داخت بكترة دخاخن وشيشة )باغة تمشي لسبيطار ولا شافوهاا خوتاتك 
غيتة:مكيقلبوش ليا تيليفون (دارت رجل على رجل )صورة دغياا اندير ليها لكوود ههه (تقداات وعطات بجنب ودايرة الشيشة فمها منشوية بيها وحنان صوراتهاا وجرهاا بدر عندوو كضحك تصورات فحضنوو قفزووو كاملين على غوتة من لتحت ...طارت التبويقة وناضو كيطلوو من طيراس لقهوة لتحت بنت فعمر الزهوور طاحت فلارض كطلع النفس بزز ولغوات عليهيااا.....جيبو لماااا تخنقاااات ....سخفاااات ...واش ماااتت 
كتحس بيها كطلع النفس بلكشاايف وعينيها كيتقلبوو 
غوت ولد بجهد كان عند رااسهااا :عيطوووو لومبيلوونص راه كتمموووت (دفع صااحبوو بجهد)اش عطيتيهااا اولد لق** قوادت عليناااا (تحنا عند لبنت )ختيييي ختييي فيقي الله ارحم بااك 
دقائق كتساارع النفس تخرجوو تهمداات على لحركة فدهول لجمييع وجها زرااق وكشاكشها خرجوو كتسقط 
#ضحية_الادمان

طوقات الدنيا بلبوليس او جات لومبيلوونص 
غيتة لي تحت تاتير الصدمة هيا وحنان كان جرهم بدر وخرجو بجريي من لقهوة او وقفو بعيد يشوفو اش وقع كلشي هرب حيت نصهم قااصر ونص لاخر زايد شي لعبة فوق الشيشة ...
خرجوها فوق لبيااص مغطينها كلها ولبوليس داا لكليكة لي كانت كالسة معاها قطعو جوج دراري طريق كيهدرو باسف وقفهم بدر 
بدر:اش وقع ليهاا
...:ماااعرت اش ضاااربة هادييك اخااي كشاكشهاا خرجوو وزرااقت اتكون ضاربة زطلة ولا لفنييد داباا خرجات تاعلى مول لقهوى بحال والو يسدوها لييه 
غيتة:واش ماتت ؟
...:مااتت هياا ومشاو فيها لخرين لحبيبييس بنادم مقادرش على لحشيش لاش كيديروو تناااكت على لوقت ...
اول مرة كتشوف لمووت قداام عينيهاا وبنت تكون فنفس عمرهاا مزال شاابة وصغييرة ....كتفكر كيفاش كتركل فلرض كتحاول تنفس بدون جدوى ...
بدر:غيييتة غيييتة ....وكضي معاياا ماالك تخلعتيي !! 

غيتة:ماتت مسكيينة ....واش الشيشة قتلاتها 
تكلم صاحب بدر وقال:اختي الشيشة راه هي دخاان معندو ميدير ليها ....ديك لكشكووشة ديال مااااكتر شي برهوشات ولاو فايتين دراري فلبلية 
حنان:غيتة يالله نمشييو غنتعطلو 
ركبو ساكتين وكل مرة تهز عينيها فلقهوة مزال لبوليس تماا وتفرقات جوقة 
صدمة خلات غيتة تجيها اللقوة وقفو قدام ليسيي مع ستاا قل قسم نيشاان نزلو بلا ميهدروو غادية مصدوومة فطريق

حنان:والخرااا لبسي طابليتك 
وقفات وجبدات طابليتها لبسااتهاا 
حنان:انا مشيييت نتلقاو غداا 
حركات ليها راسها باه وزاادت مشات غيتة فطرييق كي لمصدوومة فعقلها لقطة وحدةة بلوكات دماغهاا كامل 
**
خرجات من السونتر واقفة فطريق كطرطق لمسكة وكتسنااه توقفات طموبيلتو قدامها ضحكات بميووعة ورمات لمسكة ودخلات 
حياة:تااج راااسي هههه
محمد:تكايسي عليا من لحلاوة الالة زينت لبنات (باس ايدهاا )مصاب كون ديتك معااياا ليوم قبل غداا
حياة(دلات شناايفهاا بغنج)ياك اسدي محمد يالله بديت نوالف عللليييك وتمشي وتخلينيي مزال حتى مفرحت برااسي معااك 
محمد:الالة حبيبتي شخور قلال وهانتي فدارك معاياا (تنهد)غير رحميني من هاد لحلاوة زاايدة راه قلبييي هشيششش 
حياة:هههههه (قرصاتو من حنكوو)ويتك ويتك على خلوة ريشبووند 
ضحك ليهاا وقال:شنو بغات لالة حبيبتي ليوما اللخر ليا هنا فين بغيتي ندوزووه ؟؟ نتغداو وتمشي معايا لاوطيل نجمع حوايجيي 
حياة:لاوطيل مامعانااش (هزات عينيهاا )نسيتيي اتفااقنااا تنهار نجي عندك ونمشي فينما بعيتيي 
محمد(ضحك)وعلاش هدشي كلوو
حياة:وشنو ضمن ليااا تمشي وتخلينيي ما انا مم لعزبات ما اناا من لمزوجاات !! تيكون راجلي وتااج راااسيي ديما حداياا وديك السااع انا ليييه على طول هههه
محمد:ميكون هي خاطرك (تنهد كيشوف قدامو وشافيهاا)حياة انا شفت فيك لمرا لي باغي تكون معااياا ....شتي معاياا ميخصك والوو لي حليتي عليها فمك تحضر غير بقاي فجنبي ديماا وانا معاك ديماا 
حياة:وشنوو حنا دراري صغاار اسدي محمد !و راه زواج هدا مافيهش اللعب والضحك انا كنت بااغة رااجل شارب عقلووو ماشي برهووش تابع لياا لبرهوشات بحالوو وملي جابو ليا الله نوض نخلوض لااا تالهادي لا ههه
محمد:يخليلي لياا انا لالة حبيبتي اتنوري ليا حيااتي اللاة حيااة ههه 

لحضات كانو فمحال لملابس النسائية تهز وتختاار حوايج لبرد وحوايج شتواا ...كتموت على شي حاجة سميتها الستاان ...لي شوميز دو نوي عندها بلعرارم ومزال كتااخد لوان لي بغيتي تلقاه عندهاا ومحمد كيشووف ويتيري لفلووس ...زغبوو الله وتلاقا باكبر فتااخة عرفاتها مكنااس ...
من بعد مرجليها طاابوو بتقدية ....داخا لاوطيل تغداو فيه باحسن لاطبااق كلات تحلات الصدفة تسروال كلشي الا كرشهاا تسمح فيهاا 
محمد:يالله نطلعوو !! 
حياة:واخة اسيديي زيد نطلعوو ولكن راه والله لكانت ليك 
محمد:قااسحة ههههههه 
طلعو فسانسسوور متخوووومة مااكلة وصدفة السروال مزيرة عليهاا ...دخلو لشومبر كبييرة كان فوقها سري كبير فوقو باليزة كبييرة فيها لحوايج وشانطة تاع لبيسيي 
كلسسات على لفوطووي شادة كرشهاا خلاتو هي دخل لدووش ضرباتها بتكرييعة عالمية نفساتها شوي ...
خرج من دوش وجا كلس حداهاا وقالت :نعاونك تجمع حوايجك 
هز خصلات من شعرها دهبي شموو داير رجل على رجل ولايح ايدو وراهاا وقال:متعدبيش راسك حويجاتي قلال جمعتهم انا غير بغيت نكلس معاك اونصوومبل شوية براحتناا...قرب لعندهاا وهيااا راخية راسهاا جنبوو ديرها بجن ومديرهاش بيها عوجات فمهاا من بعد محط ليها راسهاا على صدروو وقال:مممم هادي هيا الرااحة لي كنقلب عليهاا (باسها فراسهاا كيلعب فشعرهاا)شنو درتي فلقراية ؟ اتكملي ياك 
حياة:غنشوف شي صونتر كون هاني 
محمد: خلي ليياا لكونط ديالك ....انبقا نسيفط ليك فييه باش تقضيي بحالا كاين معااك 
هزات راسها بغنج كتقاد ليه كول لقاميجة :لهلا يخطيك عليااا اتااج رااسي 
زرب عليهاا وباسها فمهاا كمشات عينيهاا محاملاش هاد لخطوة قبلة سطحية دغيا بعدات راسهاا كضحك :انمشي لدووش دغياا
محمد؛مالك حششمتي غير راجلك اناا 
ضحكات وغير عطاتو بضهر جمعاتهاا سدات لباب دووش ومسحات فمهاا وعطات لمراية بضهر كتسووط
حياة(بهمس)تحاجة ما فااابووور احيااة بايتي لورااق بغيتي لفلووس صبرييي اه غير بووسة مغتلصقش فييك (كمشات ملامحهاا بتدمر)ففف مكيعرف تيبووس 
دق تليها فلباب وقال:الحبيبة دياليي تعطلتيي !!
حياة:عطيك حبة فز** اوجه صفيحة ففف (بالم )وااالوو احبيبي هانيي جااية 
حلات لباب وشافتو كيشوف فيها بملامخ لخوف وهيا شادة كرشهاا كتالم
محمد:حياااة !! ماالك شنو عندك 
حياة:والووو امحمد عفاك ديني لدار دغيااا 
محمد:اشمن داار !! نديك لوبيطال واش كضرك كرشك
حياة(بكسوف مسطنع)والووو هي وجع لبناات عفااك دينيي ايتجهد عليي 
محمد:اااا لا غيكل !! واخة صبري احبيبة نديك ...كتاخدي شي دوااا ولا !!
حيااة:ممم لا لا اي خاصني هي كاس تزعتر نولي بخيير 
محمد:داكوغ يالله نديك 
هز ليها صااكهاا وجا شدها من خصرهاا وبالطالون كتولي فايتاه بالطول ....
**
دخلات لدار لقات سقيل تاحد مكااين حطات سبرديتدلتها فدرووج ودخلات بانت ليها لغالية جابدة عليها بنعسة ومغطية بمانطة فالصالون وشخيرها يكيتسمع غادا لبيت كتهدر :نتي لي جات معاااك الغالية 

بدلات حوايجها بسورفيت بيتية داافية ومشات سخنات لما توضاا جمعات شعرها لفووق تڤيبرا تيليفونها وجبداتوو وابسمات فور مبانو ليها ميساجات من شهييد ...دخلات كتشوف كانو تصااور هزات حجبانها وهيا كتزومي تصاور مكانوش بنفس لوضوح ديال تصاور داباا حيت تخداو بكاميراا صغيرة 
مع كل صورة ضحكتها كتوسع صور ليها فليسي ولكارطابل وشهيد لايح عليها ايدوو ومكروازي رجليه ولايد لخرا كيرجع بيها شعرو اللور بجوج فيهم فالصورة كانو ضااحكيين 
شافتو كيكتب وبقات عاسة على لمحادتة تطلع لميساج وقال: كنت بوكوص تبارك الله 
ضحكات كحرك فراسها بلا حول وكتبات: داخلنا عليك بالله مفراسيش كتبان كي شي قرد طاحت عليه شتاا 
شهيد(كتب) حويمضة عندك هادي اعشييرتي ههه
الغالية (فاقت طافجة وكتسمع فلمقراج قريب يقوليهم نوضو طفيو علياا )اويلي حي امتا شعلت علييه مشات كتجريي شوي مع تقيلة وخيرها كيلعب مع وقفت فلباب لقات اقبال كضحك وعينيها فتيليفون ششدات قلبهاا وقالت:الله ي بنتي طيرتيها مني خلعة ....طفي على لمقراج راه سبوولتو دارت النوااار 
اقبال:نسيييتوو (طفات عليه )
دخلات غيتة صفرة مقطوعة من الدم شافتهاا اقبال غادية مهبطة راسها لبيت ساكتة وعيطات عليهاا :غيتة !!
غيتة(هزات راسها فيهاا شادة سميطات الصاك وسرطات ريقهااا) نن نعاام 
اقبال:مالك ...كتباني صفرة مريضة !!
غيتة:هاا اه اه شوية لوبية عند لغدا ضراتنيي فلمسراان 
الغالية:ندير ليك كاس تزعتر !! 
اقبال(قريات ليها )اش هاد الريحة فييك ؟؟ عينيك حمرييين بكيتي
غتية:لاا فلقيسم واحد لبنت جابت ماركة تاع الريحة رشيت منهااا ودوخااتنيي يمكن داكشي بااش عييني حمريين (سرطات ريقهاا )انمشي نتكااا كنحس بمسارني كيتقطعوو 
مشات كتزرب خلات اقبال متبعاها بعينيهاا تمشاات يالله بغات دخل لكوزينة دخلات هيبة عينيهاا قداش بلبكااا يالله بغات تهدر دخلات هيبة وترمات فحضن اقبال كتنخصص تخلعاتهم وخرجات غيتة كطل 
هيبة:هءهءهءه علاش انا معنديش زهر ا اقبااال علاش

اقبال:شهاد اهدرة اهيبة (عنقاتهاا)ماالك اختي شنو عندك !! 
هيبة:هءههءه تكنقول هاهيا تحلات فوجهي هءهءه كتسد فخطرة 
الغالية:وااااتي دوي اش طااري مالك !
اقبال(تنهدات)اجي اجي كلسيي وهاودي لياا شنو زقع لييك ...كلشي عندو حل اهيبة 
تمشات معاها لصالون كتنخصص كلسااتهااا سمعوو لخطوات فدرووج وتحل باب الدار ودخلات حياة محملة ومجملة بالصيكان تلحواايج 
حياة:الحيااااة حلوة بس نفهاااامهااا
الغالية:لي ضاربك ضااريك على الشرموووط 
حياة:علاش بيتيه يضربني الغالية على خانز وبنين !!
شافت جيهت الصاالة وبانت ليها هيبة ماشي تالهيه وقالت:لالة دميعة هههه مالك تاانيي خاصك هي علاش طيحيهم !! 
اقبال:سكتي شوية خلينا نفهمو اش وااقع 
حطات الصيكاان وعيطات لغيتة دخلهم 
العالية:راه ضرخا لمصران خليهاا ناعسة 
حياة: ضرها لمصران مسيكيييينة 
اقبال:هضري اهيبة شوشتينيي 
هيبة (مسحات دموعهاا بكم تيشورت )مولات لمحاال هءهء .......
عاودات من اللول ليهم اش وقع وهيا كتنخصص وتبكي 
خبطات حيااة جنابهااا وقالت:اوييييييلي على بنت الق** دات 3 تالمليوون ونتي كتبكيي نعل جد بوووك ابنت لحرااام 
هيبة:هءهء راه فلكاميراا من ورا مهزاتهم جات عندي ومولات لمحال كاتليا مشاركة معاهاا 
اقبال(ساطت كتمسح وجهاا وقالت )دابااا شنوو ديكلاراات بيييك !! 3 تلمليون اهيبة مشات من محل نتي مسؤوولة علا لاكيس ياكو !! ...شنو كنتي كتسناايهاا دير متلااا 
هيبة:ولكن انا مهزيتش هءهء ياااما حطات ملايين فشيكات ومهزييتش 
الغالية:شوووو بنت لحراااام تاكل فيهم السم هيا تبرع ونتي اتموتي بلغداايد ....الله ياربيي وراني متاايبة ليك اشمن دنب خرج فبنااتي 
اقبال(بطنز) ميغفر ليك الله وتقاد عيشتناا....حتى تسمح ليييك لحيمة لي سخات عليك ورميتيهااا
حياة: دابااا شنو درتووو واتي دوي فرعتي لديلمي راسي بخناااينك تفووو على مااركة ....
هيبة؛ مدرت والووو 
اقبال:عطيني نمرتهااا نشوفو كي نقادو معاها هادشي بلا متوصلك لبووليس ....وخة نعرف نخلص ليهاا فلووسهاا ...لمحاكييم ولبوليس اهيبة مغيرحموكش ونتي بنفسك كتقولي بلي فلكاميرا من ورا مهزاتو جات عندك نتي الاولى عاد هزات قشهاا ...يعني ناوية تغرقك معاهاا !!
حياة:نهار اللول كلت ليييك كركبي مهااا ولكن نتيي بهللة وعقلك فيه عمرااان او لخرااا 
هيبة:ماشي وقت زمرك احياة خليني عليك (سكتات من لبكاا)لفلوس اقبال ...تخلصوو 
اقبال:شكون خلصهم ؟ يكما تسلفتيهم 
بدات كدور فعينيها بتوتر وعينيها حمرين وقالت بتردد : خ خلصهم عليااا صديق الرااجل ليي شفتي داك نهار 
اقبال(رجعات بضهرها اللور وربعات ايديهاا )دابا ولا لبرانييي يخلص عليك (بحدة)هيييييبة وكضي معايااا هاد سي ايخااان بيناتكم شي حاااجة لله فسبيل الله ايحط عليك 3 تلمليون فاااابوور 
حياة: 3 تلمليون ابنت لحراااام كاع عطاها عليييك يكماا كتعطيه شي حاجة

هيبة(بلغوات)بزااااف علييييك تنعطيه بنت ليك ق** 
خبطات اقبال فطبلة بجهد :سكتووووو شوية مكالسيبينش فباااار راه داار هااادي فتووو شماااكرية فهاااد لفم لخااانز !! ....عندها لحق !! عزيتي عليه وعطاك تلاتا تلمليووون 
حياة:اختي مطيييورة مع راسك 
هيبة:نتي مولفة بلفتيخ انا بزاف عليك 
اقبال:غغترجعي ليييه فلوسووو ونبينا عليه السلااام 
الغالية:ومنين جاتك 3 تلمليون 
اقبال:عطا الله منين نتسلفهاا لمهيم ترجع ليه رزقووو ....
هيبة:اقبال هوا كاليا مناخد منك والووو (سرطات ريقهاا) مصدعني هي على زواااج 
حياة:هاااا لي قلت تحاجة مبقات فابوور عطا عليك تلاثا مليون باش يبان فعينيك بطل 
اقبال:هدشي فيه زوااج !! غدا ولا بعدوو يبقا يعايرك بيهاا !! ....اترجعي ليه زمروو واتديهاا فحياتك اهيبة واش نتي دمااغك مزال معشش فيه داك خينااا باغة تزوجي !!
هيبة(بحرقة)هوا تزوج فكر فياااا علاش انبقا نفكر فييه 
اقبال:هاد الضد لي نتي غادية بييييه ايخرج عليييك اهيبة ....تزوج الله اعاونوو نتييي ديها فخدمتك عيشي حياااتك 
هيبة:لااا عاايشاهااا الحمد لله حاالتي تورييك .... كونما داك السيد كون بايتة نتكلاصا فلحبس هءهء اشمن خدمة !! نهار كلو واقفة وفاللخر تلوح ليك جوج دريال كتمشي ليا غير طرونسبور وتحاسب معاك من لفوق على الدرهم وخوه 

حياة:الى فتي عليك كحل الرااس وخممتي هي فراسك اتعيشي قااااايدة ....اما هاد الافكاار تاع التحضيري مسحي بييهم ...هاد الراجل لي يكون حسن مني اناااا نكون حسن منووو.... زواااج !! طفروه لي تزوجوو قبل منك ... متبعديش ها مك حداك هرب وخلاها بخمسة 

هيبة:علا اساس نتي غادية لحج ولا تعمري !! راك تزوجتي 
حياة:زواجي انا هي طريييق ماشي محطة واش انا هترت نضيع شبابي مع شاارف ؟؟ ....نوضي الله اجيبك على خيرر غسلي داك دمااغ ديالك من زواج لهم .....الناس وصلات لقمر الالة غنووو عاد تزوجوو ونتي باقة حاصلة حدا قزيبت مك كتسناي راجل يصرف عليييك ....لهلا يحي هاد روييجل لي يولي يأمر فيااا حقا ولواد راااجلي 

اقبال:ديري علاش ترجعي اهيبة راك مزال صغير على هاد تخربيق زواج ...السيد يالله عرفتيه شهر هداا باغة تزوجي بييه ؟
هيبة:واحد معاه 4 سنين شنو قدييت منوو ....لخدمة ضاربت تعيييت خدمة!!! فينما حطيتي رجليك تلقا باااك صاااحبي ....عييييت من هاد تكرفيص اقبال ....لكان واحد قادر يعيشني كي بغييت باقي صغير وسخي شنو فيهاا ؟؟ زواج معيبش لعيب هواا تكوني مزوجة على لغدر 

حياة(ضحكات)كتمعني ؟ هههههه لي خلاتوو مك تديه لبنت 
الغالية:خلييييوها زواج ماشي عييييب ....السيد قصدها لباب مالكم فهاد التشائم كاامل !! لكان يعيشها مزيان يصرف عليها ويتهلا فيهااا اش بغات شي خدمة وشي عدااب من صباح واقفة على رجل وحدة كتصرف على لقوورع !!

اقبال(وقفات) ضبري لرااسك ....جهدي اهيبة درتوو معااك مخليت شكون طلبت عليييك ...مكتصبريييش لخدمة لي خدمتيهاا لا فيها تكرفيص لاا بعيدة لا صالير نااقص ....شنوو باغة ؟؟ نتي باغاها بااردة وبان ليك زواج هوا لحل راك غير كتخربقييي !! فكري مزيااااان فهاد تخلويض لي جبتي معااك ....
طلعات لسطح تنفس شوية صونا تيليفونها للمرة الرابعة عاد حاوبات معندها خاطر :شهيد
شهيد:علا سلاامة !! خليتيني منشور محشومااش 
اقبال:خليها مرة خراا اشهيد عفااك 
شهيد:مالك ا اقبال صوتك معاجبنيش 
اقبال(تنهدات)والوو هي شي مشاكيل مع لبنات وصافيي متشغلش باالك ....نخليوها مرة خراا نكون على رااحتي احسن 
شهيد:دااكوغ بيلو لي بان لييك ....كاين فاش نعاونك ؟؟ 
اقبال:لااا متحتاجش اشهيد شكراا ...نخليك داباا

خرجات غيتة تسخر لحانوت جامعة شعرها كوب شوفال وضافرااه على طولتوو ولكيت فودنها كتسمع ل موك صايب "طال غيابك اغزالي" ...هازة فايدهاا قبطة تنعنااع ولخبز...حسات بلكيت تحيدوو من ودنهاا وضارت مبهووضة تلقات جابر
غيتة:جاابر خلعتيني 
جابر:نتي كتخلعي المعزة!!
غيتة:بزاف عليك تمعزة ههه 
جابر: بحيليسة مزيانة هههه 
غيتة: توحدة ممزيانة خاصكم دلعوني بمولات الساالف 
جابر:لي زهرها تالف 
غيتة:ههههه زهري متاالفش ...جابر نسولك 
تمشاو فطريق وقال:شنوو 
غيتة:عمر مات قدام عينيك شي وااحد 
جابر: جدي الله ارحمو كنت حاضر ليه مليي خرجاتو الرووح 
غيتة: متصدمتييش !! 
جابر: اخرتناا قبر اغيتة ...علاش انتصدم هوما ليوم وحناا غداا ...مات موتا ديال الله ...عاش حياتوو مومن ومات وسط ولاادوو وحفاادوو وفداروو وصل اجلوو معلا لواحد هي يصبر لخايبة هياا موت لغفلة ويموت لواحد صغير مشااف متشووف مدار باش يلاقي ربي ورا لمووت 
غيتة:صافي صافي سكت ....كتخلعني هاد لهدرة 
جابر:مخصهاش تخلعك ....خاصها تفيقك بنااادم غير ساارح فهاد الدنياا ...نهار ربي يبغي يديه راه يكون واقف معااك تيدي مول لامانة اماانتوو ....(تنهد داير ايديه وراه)موت لغفلة ا غيتة صعييييب وميحس بيه هي لي جربوو واناا جربتوو ماشي فواحد فجوج ودقة وحدة 

تابطات دراعو باسف وقالت بطفوولة:الله ارحمهم ويخلي ليك شاادوو 
جابر:امييين ياربيي اه فكرتيني شادية سيفطات شيي صااك فيه شي حااجة وقالت لياا فيه واحد لكادوو ل غيتة حيت قرب عيد ميلادهاا ....علاه نتيي باقة كديري لعيد ميلاد
غيتة(غوبشات فيه)مالي كيجينك شرفت !! وكبر منيييي او باقي كيديرووه 
جابر:داكشي هي تخربييق حنا عندنا لعيد صغير ولعيد لكبيير داكشي لاخر هي تخربيق
غينة:ناااري ياخويااا شحال بلديييي .....وعطيني كادووويااا 
جابر:تالغدا بنهار وجي دييه دابا تكفحي لداركم لخبز برد 
غيتة:ههههه واخة يالله
تسناها تمشاات كيحل فباب دارو وقال:بريهيشة 

**
الاياام كتمر وكل واحد تشغل فحالو هيبة عاطياها لبكا صباح وعشية محيلتها لخدمة لي مشاات ليهاا ولا عمران لي لاح تصاورو فعرسو حيت عارفهاا اتبركك عندوو 

لبكا ورا لميت خساارة ولي مشا لهلا يردووو ولكن كاين نوع من النااس مكتنسااش وكتبقا تحسر على حياتها فكوان فلبييت حتى طيح بلفقصة ضعااف وتقطع لماكلة وشراب تنسا الدنيا وتضرب على كلشيي وتلوم راسهاا ...مالي اناا هاكاا ....علاش بوحدي لي فلهم ....علاش وعلاش وعلاش !!
نهارها كامل كيدوزو غير فلحسرة 

اما حيااة كركباات محمد وتسجلات فصونتر اللغة كتسنا بفاارغ الصبر ورااقها والاحلام لي نسجاات بين خدمة وتبرع ...الاستقرار وزواج مامدكورش فاحلاامهاا ...انساانة انسانة واعية بليي فهاد زماان خدمتك وفلووسك هوماا راجلك هوما علامن تعول الرااجل كيبقا غير خضرة فوق طعاام ....

اما اقبال الانسانة لي كتعطي بلا متتخد تفكيرها كلو عقلاني مكتخطي لخطوة حتى كتحسب حساابهاا ...انسانة وااقعية وعارفة بحق زماان وعارفة بلي كيفما كاين بناادم فدنيا كاينين ديااب دايرة بييك من كل جيهة وطريق خاصك تكون واعي وعارف بلي الدنيا ماشي هي فلوس وحب ....
**
وسط لقيسم الاستاد كيشرح وغيتة شادا لميساجات مع بدر وكتفرنس لبرد 
بدر:يوماين مشفتك غبرتي علياا
غيتة:راك عاارف قريب نشدو لعطلة شهر واحد الامتحاناات 
بدر:وضروري نتلقااو هاد لاياام 
غيتة: مممم انشوووف مع لخمسة نسالي لفرض تاع لماط او نخرج ونتلقاو ولكن ماشي فلقهوة 
بدر:ههههه خفتي ولااا
غيتة:وشنوو تلتيام منعست من ورا داكشيي 
بدر:هاديك اغيتة راه ضربات لقرقووبيي باغة تنتااحر ....هههه واش الهبيلة الشيشة اتقتلهاا !! الله اهديك لقهوة سدات دوك ليامات ورجعات حلات عاادي ...الحياة كتستاامر الزين دياليي 
غيتة:وماانعرف 
بدر:شووفي لعشية مع لخمسة نوقف حدا ليسي الالة منمشيوش لخدمة نجيبو دويرة فوق لموطوور لجو وااعر 
غيتة:صافيي نسالي لفرض دغياا ونخرج عندك ....
رجعات تيليفون لجيبهاا ورجعات كتكتب سطر تكتبو وسطر تفوتوو بزربة حيت فاتوها ومبقا والوو وتسالا السااعة ....ضربات طناش وناضت جمعات قشهاا وخرجاات مشات لداار ...لقات هيبة فلبييت فوجها بااينة لكاابة 
غيتة:ناري يااختيي زدتيي فييه ....نوضيي نوضي سيري لحمام وخرجي ضربي شي تصويرة طرطقي لمو لمرارة 
هيبة: بقا غير برهووشة بلغات لبارح تعلمني اش نديرر 
غيتة:مقلت هي لي كاااين ....مامااا كاينة بيلوو ؟
الغالية(كتحط لغدا فلكوزينة)لااا مجيااش عندها لخدمة كلسي تغدااي 
غسلات ايدها وهزات لما ولخبز وحطو طبسيل تاع لمرقة ولفرييت 
الغالية:اهيبة بنتي كوولي موليي ....تقتلي راااسك !! متزادش فهاد دنيا وحدو راجل 
هيبة:اماما كنبكي على لخدمة لي مسهلش فيهاا الله 
الغالية:ايدير الله خير ابنتيي كالك دابا ملقيتي متااكلي 
هيبة(غرغو عينييهاا) اقبال اماما اتبقا تصرف علياا خياتي كااملة ؟ 
دخلات حيااة كتحيد فلمونطو وقالت:نعل ديل مي انا لي جااايية هاد دار ضربات مها جاايحة وبراااكة من تنغنيييغ معل جدك شخاااصك ااش 
الغالية:وحطي هي قزيبتك اللرض ونتي شااعلة من فم لباب يلاطيف 
حياة:لي فحياتو هاد لبعرة كي بتكون حيااتوو ليل تبكي صباح تبكي تخرا تبكي ياااخخخخزيت ...نوضيي تكعديي غسلي ديك لحالة وتبعيني لصاالون ندير ليك سوان لديك لكماارة
هيبة(كتاكل)معندي فلوووس 
حياة:حسبيها كريديي وتييي نوضييي طرطقتي لياا مرارتيي ابنت لغالية نوضييي راه ضبرت ليك على خدمة 
هيبة(خرجو عينيها)حلفييييي 
حياة:يكما اسحاب ليك بحالك بقيتي تبعكي مع ديك صفاء واحد لقحيبة فنهار طيرتهااا جاتني على النقشة سرسبتهاا ...وخاصهم بنت فلاكيص فالصونتر 
هيبة(بفرحة وقفاات)حلفيي بالله (نقزات عنقااتهاا) نمشي ندوش داباا ونخرجوو صافييي 
غيتة:وحياااة ياك اضبري لياا فصييف نتعلم تمااا ؟؟
الغالية:علاه نتوما كاع بتقلبوها كوافوورات
غيتة:الا انا بغيت ندير ميكاب ارتيست ولي ستيتيك 
حياة:ملي نبغي نخرج نوصي علييك مولات الشي وها ختك اتكون تماا تبحلسي ياك نتي بحليسة 
حياة:لعز ومصر تالباب كندااا ابب 
حياة(هزات كفوفها لسماا)يااااااربيييي طيرني دغياا (شافت فهيبة)شكاتسنااي نحني لييك 
هيبة:صافي صافي هاني خارجة داباا ونهز سيفي .....

تغدات غيتة وعسلات ايدها بدلات حوايجها براااحتهاا حيت مكاينينش لبنات لماكياج خشاتو فصااك وسدات لمونطوو وخرجاات لمحل اقبااال لقات هي مهدي محني على طموبييل 
مهدي:على بابي واقف قمريييين واحد في السمااا والتاني اغلى من لعييين يفهم بلوفااااا 
غيتة(ميقات فيه )خخخخليك بلخلاا وطيح فشي مرجة ....فين اقبال !
مهدي:كبرتيي ازوييزوو هااه ....مشات تجيب السلعة
غيتة:ففف زمر 
كملات طريقها وضريات الدورة لزنقة لي فيهاا جابر بان ليهاا محنيي على راس تناموسية وكيصرغ فييه بدات كدور فعينييهاا ومشات عندوو هي شاافها او وقف 
جابر:هانية ؟ 
غيتة:بغيت اقبال 
جابر: مكاينااش اش خااصك 
يتة(كتدبل فعينيها وترمش )بغييت 50 درهم قالت لياا انعطيها ليك لييوم وغبراات 
جابر:لاش بغيتيها بسلامة هاد خمسين درهم
غيتة:نسحر بيها هههه اضحكت ومصروووفي الشخشي اسيدي انا حرررة فييه
جابر:خشي ايدك فجييب جبديهاا وتكفحي لقراايتك
قربات عندو بفرحوقالت:اشكن جييب 
جابر ؛هداا ايدي عامرين صبااغة 
جبدات جيب تاع السروال وخشات ايدهاا وقالت :فيه والوو 
جابر:لاخر 
قريات عندوو كتر وحنات رااسها على جيبوو وهواا مشاات عينو لخالة لي تحت نيفهاا ودوك شفار لخبليين ولفم لي جامعااه جبدات خمسين درهم وبعدات:شكرا شكرااا 
جابر(تنهد)شديتيها ؟ وتكركبي دغياا من حداياا 
فعلا شداتهااا وضرياتها بجريية وحدة تاليسيي خدات سقااطة باش دوز نص نهارها ودخلاات مبطا عليها امتاا توصل لخمسة داز عندها نص نهار كي نهار كاامل لعقل لي يركز مع لفرووض مكااينش مرة تنقل مرة دير من عقلهاا ولاستاد كل مرة يعطيها انداار وتكمش ...عطاتو لورقة وخرجات كتجريي قبل متسالي السااعة خرجات من ليسيي شافت بدر فوق لموطور بلكويرة كحلة ولكااسك وشاد فايدو كاسك اخور ضحكاات ومشات عندوو حيد لكااسك باسها فحنكها 
غيتة:نتحركو منهناا دغياا لبركاكة عطاهم الله 
بدر:يالله ركبي هااك لكاسك 
عطاه ليهاا دارتو وركبات ورااه فرحاانة وشعرها طلقاتو كيطااير لوور لي داز من حداهم يبقا يشووف وهيا عاجبها رااسهاا جاب بيها دورة كبيرة على لمديينة وخرج من نطاق لحضري شوية فطرييق فيها شجر ولغرس ارض فلاحية وقف كيحيد فلكاسك وهبطات وراه كتحيد فكاسك وقالت:ناري كيحمقني لموطور ههه 
بدر:الله دابا نكلسوو بخاااطرناا ميبرزطنا حد 
ضحكات كتحيد فصاك حطاتو فوق لموطور وشدات فايدوو تمشااو جنب طرييق وكلسو وسط ربييع نيشاان حدا لكبال 
غيتة:بغا غير لي يخون ليهم لكباال ههههه
بظر:ههههه ياك اشفيفيرة نوضي عمري الصااك ههههه 
جبد كارو شعلوو وبخ وقال:ملقيت جهد لشيشة اما نجيبها لييك 
غيتة:شهيتيني فيهاا ههه مرة خرا ونمشيو تهناا زوييين 
باسها فمهاا وقال:نبقاو نجيو هنا بطموبيل صااحبي الى عجبك لحال هناا 
ضحكات كتجمع شعرهاا كيضحكوو تنترات ليه لكااروو وقال:صعيب عليييك 
غيتة: ياك قلتي ليا الشيشة كتر من لكارو ننن
بدر:الشيشة عجباتك غير حيت منكهة
غيتة(بتحدي)انا باغة نجرب كلشي(هزات كتافها)شنو معنات تجربو نتوما لي بغيتو وحناا لااا 
بدر:ارااي ارااي هههه نتي غير الشيشة جيفااتك ههه
بتحدي دارتو فمهاا كضحك جاها مداقوو مر وبدات كتكحب بغا يحيدو ليهاا وجبداتوز وقالت:كح كح صبر ههه والله تندير ديك لكوورة لي كدير بدخان 
ضحك عليهاا وهيا كتجرب تلعب بدخان بشكال لي بغاات السعاتي بدون جدوو مداتو ليه وخرج الدخان على شكل دائرة كبيرة وخرج منها دخاان 
رجعو ليها باش تجرب تجريبة ورا تجريبة تلقات رااسهاا كماتوو كاامل وقالت:من حكلكم متقدرووش تحيدووه هههه زوين 
بدر(غمض عينيه بايدو كيضحك)ههههههه موصيبة معاك نتي كلشي باغة تجربييه 
غيتة:ومالها اش فيها نجرب كلشي الا شرااب ههههه حيت هوا بليية صعييبة 
بدر:نتي لي بلية صعيييبة 
ضحات بغنج وجرها عندوو باسها بوساات متتالية فركن الطبييعة لي ضايرة بيهم بوحدهم منهم لخلاا ولقيفاار 
غيتة:نمشيوو 
بدر(مزال طامع فكتر من لبوساان)ففف اغيتة ديما كتقطعي عليناا 
غيتة (وقفات من عليه حيت كان مكلسها عندوو)دابا ستااا ابدر وختي غير على سبة
وقف وجرهاا عندوو باسهااا وقال:اتعوضي هدشي بشي كليسة فداار ومجيب ليك داكشي لي كيعجبك 
غيتة:تالشي نهار داباا يالله نمشيوو تعطلنااا 

ركبو على لموطوور وطلباتو يحطها بعيدة على ليسيي باش ميشوفهاا حد جرها عنقهاا وتهيا بادلاتو لعنااق كضحك
غوتات بجهد من بعدماا تجرات من شعرهاا بعنف حتى طلقات من بدر ورجعات اللور متجي عينيها هي فعينيه كيطلقوو لقرطااس
غيتة:هءهء ايييي (حلات عينيهاا)خويااا 
جابر(تبهض فلمنضر لي شااف كان خارج من الصيدلية تبانت ليه معانقة مع واحد ميمكنش تلف لييه واهة تكون بين عشرة النااس محس براسوو تلقاا رااسوو حاتي على شعرهاا بنتفة من جدر) خلا عشتك هدا (جمعها معاها بتصرفييقة. وشادها من شعرهاا كتكبكيي)
بدر؛اصاااااحبيي شكون نتاااا 
جابر(طلق مت غيتة صااعر شد باادر من لكويرة ودخل فييه براااس ترجع اللور وتلاح فوق لموطوور )انورييك شكون انا البرهووش

شهقات غيتةة ملي شاافتووو نزل على بدر ب بروصي لنيفوو دوخو تطاح على موطووروو ....

شافت جابر وجهو مكيبشرش بلخيرر ودنهاا حسات بيها تصمكاات فهاد اللحضة عرفات بلي هاد نهار ايولي اكفس نهار فحيااتهاا

جابر:دوي. القواااد شكاديرر 
بدر(شد نيفوو لي داز بدم باغي ينووض تجروو جابر من قرفادتوو وقفو ودخل ليه كرووشي لوجهو تغوتات غيتة )وصاافي اصااحبيي سمحلينااا صاافي

بدلت غيتة راجعة باللور وضرباتهاا بجريية هز جابر عينيه جيهتها لقاها غادية قاطعة طريق صااح باعلى صووت

وقال:غيتااااااا

تلفتات فيييه كتبكيي وزادت كتجري مخلياه شانق على بدر 
جابر:شنو بينك وبيينهاا 
بدر؛والووو اخويااا هي طلق 
جابر(دار ايدو على شكل قبضة وبدر حاما بايدو على وجهووو)انفرع ز** بوووك مصااحب معاهااا ؟؟ دويي 
بدر:والله مندوور بساحتها باقي اصااحبيي هي برد 
دفعو مرة خراا تطااح وقطع الشاانطي غادي جاااهل لجيهتها

هز باكية تدوا لي طاحت ليه حدا الطموبيل وركب عينيه كيدوروو على غيتة

جابر(مغيدد)بلااتي الخااانزة ....حسيتيي بجنااابك ...واخة 

عفطة وحدة تبع طريق منين مشات كتجريي لقاهاا غادية بجري فزنقة حبس من الطموبيل ونزل خلاها خداماا مع دورة باش دور تشووف لقااتو تاابعها وغوتات وزااادت كتجري هوا يجرييي وهيااا تجري ....محساات بشعرهاا مجرور تطااحت اللور من حر تجبييدة جات على ركاابيها حدا رجلوو 

غيتة:هءهءهءهء عفااااك هي طلقنيي (كتنهج وتبكيي )هءهءهءه

جابر(كيشوف فزنقة عامرة قداموو وزير عليهاا)نوضي بلا شووهة ...تكعدي البرهووشة

وقفهاا شادة ليه فايدو لي فشعرهاا كتزااوك السعاتيي معامن هيااا ....لعافية ششاعلة فيييه بحالا خاانتووو ...لبنت لي حاسبها مزال صغييرة على هاد تخربيق مصااحبة وكتعانق فزنااقي بلعلاليي ....
الرااجل القح ميرضااش بهادشي لا لختوو ولاا عائلتوو وغيتة كتر شي حاجة تعششات لييه فقلبووو وعارف راسسوو خاايب باغي يبعد عليهاا ولكن لقلب ميشااور 
جابر(مكنزز على سناانوو )ركبييي 
غيتة(حل ليها لباب ركبات وطلقها شدات راسهاا لي حاسة بشعر تنتف من جدر ...كتشوفيه مكلضم حداها كتاافو عرااض وغير طرشة من ايديه خلات ودنهاا كتزنزن 

جابر(عفط على لفيتااس وخرج من الزنقة غادي فطرييق وهيا كتنخصص مغمضة عينيها تاتجرات عاود من شعرهاا لجيهتووو عين فطريق وعين معاها)درتيي الصاااحب الالة غيييتة 
غيتة:هءهءه الله ارحم واليديك اجاابر هءهءهء انشرح ليك نبوس ليك ايديك ورجليييك

طلق من شعرهاا وعطاها بتصرفيقة لحنكهاا تعواجت الطمووبيل ورجعهاا وقال مجنن :اتبووسي ترااب قبرك ليووماا ابنت لغالييةة....صافييي تحل لجاام سخن عليك رااسك ....عاهدنا بيك كتقراااي نتيي كطلاوطيي مع الصااااحب (جهل وهز قبضة ايدوو عطاهاا لكتفهاا تغوتات)وكتعااااااانقيي ابنت لكلب 

غيتة(غوتات بالم وشدات فكتفهااا كتبكييي بقا هي لبولة مخرجااتش ....ديما كتسمع شادية كتقوول خوياا حنين ولكن ايديه خاايبييين ...ولكن عمرها تخيىلات راسها اتاااكل منو حقهاا
ولفات عصاا لبناات تنتفهاا وضربهاا ودغيا تعياا هداا مكاين هي كور وعطيها فينما جاات ....وقف جنبب طرييق وضار جيهتهاا حسات بلبوولة اتخرج ملي حل عليها لباب وجرهاا كطلب وتزاوك 
غيتة:خءهء والله منعاااود عفاااك اخوياااا مضربنيش هءهءه 
جابر :فين كنتي معااه دوييي فين كنتيي

غيتة(لهدرة كتخرج هي بزز وهوا مزير عليهاا طريق خاااوية مكاين لي يعتقهاا منوو ) مكنا فيييين هءهء (جاتها طرشة لحنك تشداتو )ااااي هءهءهءه

جابر(بلغوات)دوييييي اندفن مك هناااااا (خبط فالطموبييل كينخض فيهااا )فين كان كيطلاوط بيييك البرهوووشة 
غيتة:هءهءههءء والله مداني لشي بلاصة جاب بيا هيي دويرة فلموطوور هءههء وح وحق الله مكدبت علييييك 
جابر:زيدييي لعند اقبال ونتفااهموو
زيرات على ايديه برجاء بغات تبووسهاا كتبكيي:لا لا لا هءهءهءههء والله منعااااود اقسم بالله منعااااود هءهءهءهء عفاااك اخوياااا متقوليهاا والووو 
جابر: خايفة منهاااا ؟؟ مخايفاش من رااسك لي كالسةة كدوريي مع قويوويد ديال لخلااا هااا (شدها منشعرهاا) مدارتهاااا تااااختك ...مبقاااتش فييييك ؟ هادي هياا التيقةة الصلكوووطة دوران فزنااقيي مع صلااكط (ركبلهاا برجلوو مغيدد مكرهش يشتف على مهاا باش يبرد ولكن معندها فين تهز دقتوو 
كانت اتسخف لييه فايدو بدا دم هابط من نيفها من سخونية دم لوات ليه فايدوو لقاتهاا تفلتهاا دفعها تكلسات فطروطوار كدمع ودم كيقطر فوق ترااب حل لباب جاب قرعة مخنزر محنش فيهااا حيت عارفها تستااهل لاح ليها لقرعة وقال:غسلي كماارتك


حلات لقرعة كترعد وهوا واقف عليها كي عزراايين كتبكي وتغسل فنيفهاا هز ليهاا راسها بعنف فايدو كلينيكس هي شافت فعينيه خلعها وهيا تسدهم بقا هاز ليها راسهاا لفوق محني عليهاا وضل ديالو عليهاا ايد شاد بيها شعرها اللور والتانية حاط كلينيكس على نيفهاا تحس بدم حبس وطلق منها بنترة وقال:نوضيي لخربتكم البرهووشة ....طحتي من عينيي 

غيتة:عفااك (كتشهق)متقولهااش ل اقباال 
نترها من ايدها توقفهاا بجهد وداهاا لجيهتها حل لباب ودخلها كلات لعصا لي عمرها كلاتها فحياتهاا ديما تاكل لقرييص عضة منهناا نتفة منهنااا...ولكن عمرهاا داقة شي دقة حرشة من عند راااجل حرش محنش فيهااا 

جابر(صاح فوجها مخرج عينيه فيهاا تلصقات فكرسيهاا)قطعييي حسك....تنخصيصة وحدة نقلب لقواد تاع بوووك منهناا 

غيتة(تخلعاات وسرطات الشهقة ونفس بجوج هز ايدوو بغا يضربهاا عاض على فمو تغمضاتت عينيهاا وضرب ضربة قاااسحة فبلاصت لاير بااك قدامها لوكان جات فيها دخلها غيبوبة ...
تنفسات برتياح ملي مضربهاش ورجع لبلاصتوو معيييط ....لاا صووت ولا حركة من جيهتهاا حسات بتحتهاا فازك معرفاتش امتاا طلقااتهاا غطات فخاضها بلمونطوو وكتحسس ودنهاا لي كتصفر وحنااكهاا غيطرطقوو بلحمورة تاع تصرفيق .....

وصلو لحومة وخافت تنزل ويصبنهااا تغوت عليهاا وقال:تكربكيي .....تبااانيش فكمااارتييي ولااا غنشتف على مك

حلات لباب كتهبط فلمونطوو وهزات صاكهاا مخبية حناكها بشعرهاا وشادة دراعهاا كيضرهاا ...عطاها دقاات تموت متنسااهم ....غادية كتزرب بلا متشوف وراهاا 
*
اما هوا دقتو وعارفها كيداايرة ....شعلاتووو بديك التعنيقةة لي ضربات لبدر كان ممكن يتعامل بهداو كون هي لقاهم وااقفين ...لا هادو زااعمييين ومولفين بتعنااق ....

وقف قدام محال اقبال كانت محنية على لكاابوو وليكات فايدها كتزير فكروو ومهدي واقف حداها 

جاي وجهو كحل مكيشوفش فجناابوو شافو مهدي وقال :الدنياا ضلاااامت اهيااا 

مهدي: تكركب من هنا امهدي واحد دقيقة 
هزات اقبال عينيها كتحيد ليكات وكتشوف فجاابر صدرو كيطلع ويهبط وجهو مزير :شكااين 

جابر(بحدة)اش حاااضية نتيي اش 
اقبال:هزات حااجبهاا ) جي نيشان اش كترون علياااا 
جابر(مسح على وجهوو كيحاول يتهدن ليرونها كتر وهيا كتسنا فيه يهدر )معاودات ليك غيتة والوو 
اقبال:بحالااش !! 
جابر(عض على فموو )واحد لبرهوش كيتبسل عليهاا 
جمعات حواجبها باستفسار ؛مفراسيييش شكون هدااا
جابر:اقبااال ..... جوج كلماات مغنعاودهمش معاك ... بغيت نتزوج بغيتة !! 

اقبال:جااابر ....دويت معاااك عاد لموضوووع مزال بعييييد غيتة خاصها تقرااا نتا وياها مغتفااهمووش 

جابر(خبط على لكاابو معصب وقال بحدة)ختك كبرااااات نتي لي باقة صغييببرة ...ختك خاص راااجل يربيهااا حيت رجليهاا غيخرجووو شواريييي .....وغترجعي على كلاااامييييي ا اقبال برب تغترجعي على هدرتي ....حضي لبرهوووشة قبل مدير شي موصيبة نصدقو نادمين عليها كااملين ..
..
ضرب فيها وزااد معارفش اش خرج على فموو خلاا اقبال شادة فجنبهاا كتسوووط وكدوز لسانها على فمهاا بحييرة.....ميمكنش يقول هكا غير حيت بسل عليها شي واحد ...
اقبال:مهدييي سد معاك لمحااال 
مهدي:صافي واخة 
دخلات لداخل هزات مسائلها ولبسات مونطوهاا وخرجات فاتجاه الداار

هزات طموبيلتهاا ومشات لدار من باب دار كتسمع فلغوات تاع غيتة 
غيتة:ههءههءهء علاااش ولدتووني علااااش ....كون غير عطيتينيي بلاصت انصاف كون راني عاايشة احسن عيشة .....وليت عايشة فحبس 
الغالية(بلغوات) بقااااا تلعبييي بديييلك تلتجيبيي شي شووووهة هااا ....بغيتي الزنقة خرجييي ليهاااا عاااايشة قاايدة ابنت لحرااااام مافقلبك رحمة ماااالك اش مزيووود عليك 

اقبال(بهدوء وقفات )هنيونا من لغوات ....اش كااين

مسحات غبتة دموعها شادة درااعهاا وقلبها كيضرب اتسخف فبلاصتهاا ...يكون قالها ليهااا ...اقبال متقدريش تعرفي واش معصبة ولااا فرحانة ....ديما على وجها لهدووء 

اقبال:رااه دويت ؟ ....مالكم ونتي الالة غيتة ....معاجباكش هاد لعيشة !!! 

غيتة(كتنخصص)ماشي هكاك هءهءهء هيا لي فييين مااا درت شي حاجة هءهءه تقولياا عيشتك ملقاوها النااس

اقبال: باغة تعيشي حسسن منهادشييي ؟ منحقك اختييي منحقك ولكن اناا هداا هوا قيااسيي ! ....كتفكريي لفوووق بزاااف قراايتك اديرك لفووق ....
سخن عليك رااسك اغيتةة راك اتولييي نادمة عمرك كااامل ....شكون لبرهوش لي بسل عليك ولقاك معاه جابر

الغالية : شفتي هااادييي سر بوها تخرجووها من لقراااية (بغات طير عليها ضربهااا) شهمتنييييي ....الى مت هيا سبابييي 
غيتة:هؤهءه مدرت والو والله ما بيناتنا شي حااجة 

اقبال:بقاااي تحلفي على لكدووب .....اخرتك ايخرجوو فيك غير نتييي .....انااا اغيتة حلفت بالله مباقة نحط عليك ايدي تصرعيت عليييك... 18 لعام تبارك الله راك درتيهااا مراكيش ترضعي فصبعك ....


إقبال: ديتيهااا فمستقبل دم جوفي نحطوو علييك (بدات كتلوي فايدها)بديتيي كتلووطي منعقلش عليييك ....قدام مك انقوليك جوج كلمات .....
كنتي مصااحبة مع هاد لبرهووش اتفرتكييي هدشي واتديها فقراايتك حيت ميمكنش جابر يشعل غير حيت شافو بسل علييك .....ويزغبك شي نهار اغييتة ونحصلك بعينييي .....اقسم بالله ....الى باقي عتبتيي باب الداار ....سمعتينييي....غيتة اناااا راااااني عييييييت ....واش عارفة اش نااهياا عيييت ...نتمنا تفهميها....ضميري مرتاااح من جيهتك حيت درت معاااك لي ميديرووش باااك ....ولا كنتي اختي نتي عينيك كتشووف لفووق ....كنحلف ليك بدينيي وبالله لي شانو عضيييم....لمرة جاية نسمع عليييك غير تنفنيفة ....باب دار مبقيتيش اتعتبيييه وعاارفانيي مكنرجع فهدرتيي ....

حركات راسها كتنخصص وهيا بعيدة عليهاا دايرة مساحة الامان ....
دازت اقبال لبييت والغالية واقفة داييرة ايدها فجنابهاا كتشوف فغيتة :حصلك ؟؟ عطااااك علاش كتقلبيييي يااااك هاا طلعاتك تزنيكة بسيف على مك الصفرييطة ....بغييييتها فيييييك باش تعلمي تجيني ممصووصة من لعنق اجروة اشكااايين نعيط ليهااا تهيشرك

غيتة:والله تنتاااحر هءهءهء 
الغالية(دخلات لكوزينة)راه سطح يجيبك حبل وبوونت 

مشات دخلات لبيت كتبكييي وكتبدل فحوايجهاا وايدها عطاتها لحريق وحتى ودنهاا لقات دراعهاا زراق شوي ...حاسسة براسها اتسخف لبسات تيشورت بلكمايم وتلاحت ففراشها مغيبة معرفات امتااا نعسااات 
**
الغالية نازلة فدرووج كتمسح فايدها فجناب لبيجامة طويلة :ابلااااتيييي ....شكووون معندكم سارووت (حلات لباب فوجه مبتااسم بملامح وسييمة وضحكات )مسا لخير اولديي

شهيد(تبسم )لالة لغااالية مساء اللنوور لبااس !

الغالية:لبااس اولدي !!....شكون معاياا والله معرفتك 
شهيد:واايلييي هههه شهيد ولد لحومة لقديمة 
الغالية(كمشات عينيهاا كتففكر)شهيييد ...شهيد ....والله اوليدي ما ستعقلت ههه الراس عمر (حلات عيينيها ؤبجهد )هاااااا شهيييييد ويليييي علياااا شهيد ولد الاستااد ياااك

شهيد (تحنا باس ايدها كيضحك)هوا هدااا الالة لغالية ....كيدايرة اش خباارك !! 
الغالية:لباااس اوليدي ونتاااا !! كبررتي وزيااانيتيي هههه والله اوليدي معرفتك

هبط راسوو كيضحك وحك لحيتوو وقالت:هء زيد زيد اولدي تبقاش واقف 
شهيد؛مرة خراا اخالتي كلمي ليااا غير اقبال 
الغالية:هههه اتفرح ملي تشوفك ...كنتي. عزيييز عليهاا 

شهيد(ضحك كيقول فرااسو فرحات نييييت ههه)
الغالية:والله تدخل اولدييي زيييد مرحبااا بيك جيتي تالهنا وما تشرب اتااي (حلات لباب وطلعات قدامو)دخل اولدي دخل

دخل وراها داير ايدو فجيااب السروال طالع درجة درجة وهيا قدامو كترحب بيه تدخلاتو لداار وكتعيط على اقبال لاخيرة كانت كتصلييي لعصر لي فااتهاا ....هي سمعات مرحبا بولدي شهيد ....تالفات ليهاا التحية مع الدعااء سلماات وحيدات لعبااية بدلات عليهاا دغيياا وجمعات شعرهاا لفووق وخرجات شافت لغالية خاىجة من الصالة وجراتهاا

اقبال:شكون دخلتي ؟؟ واش ل دق باباك دخليييه ليا لدار ؟

الغالية:وصافي تانتي دخلي دخلي شوفي شكوون 

خلاتها ومشاات الاخيرة دخلات لصالون لقاتو كالس رجل فوق رجل ولايح ايدو على لمخاااد والتانية كيربت بيها على ركبتوو تبانت ليييه بسورفيت بيتية لوجه نقييي وشعر مجموع 

شهيد:مكترحبووش بضياافكم !! 
اقبال؛ من نيتك ؟؟ تلفتي على داركم ولااا 

شهيد؛ههههه لااا جيت هي نشوف لالة لغالية وبناتهااا ....نحي صلة الرحم فيها شي عيب !! لااا 
اقبال(كلسات قبالتوو ) واش نتا مكتكبرش !! يشوفك لواحد يختارك من بين النااس غير نتااا ولا شاف عقلك كيدور فيه هيي تخربييق وتخلويييض يتصدم 

شهيد:ههههه نتي لي كتشوفينيي هكا اما انا بعقلي لحمد لله

تقااد فكلستو ملي شاف الالية جايبة الصينية وقال:عدبتي رااسك اخالتي والله

الغالية:ولوواه نديرو معاك صوااب هههه

فهاد الاتناء دخلو لبناات ...هيبة لي قدات شعرها او لوجه تنقاا وبان فيه الضو من كترت لبكااا او سهير سمعو هضرة رجالية

فالصالون وطلات حياة براسها وقالت:اهلا اهلاااا عندناا ضياااف 
اقبال:عزاااز بزااف 
شهيد: حيااااة ياااك ...لخرا هيبة ديجا شفتهاا 
سلمو عليه وكلسوو تقالت الغالية :شهيد معقلتوش عليه 

حياة:اااااه ههههههه شكون ميعقلش على شاروخان زماانووو 
هيبة:تا نا عاقلة شوية ولكن ماشي بزااف هههه عقلت ملي كتركبنا فوق لبيكالة

شهيد:وشفتييي كلشي عقل عليااا حتى ل اقباال 
اقبال(شادة حنكهاا وكتشوف فييه بمعنى منيتك !) عندي الداكرة ضعيييفة 
حياة:لعندااااك ههههه اقبال مكتنساااش وبليمارا باقي عندها
لبورتكليي فطموبييل (جاتها دقة من تحت الطبلة )ممم مالي كدبت هههههن 
شهيد:ههههه فين غيتة !! 
الغالية:نعساااات ضارها راسها هاديك عندي خميرة لعجينة ههه دوز اوليدي كااسك مرحبااا


حياة(قربات لاقبال وقالت بهمس)ولد لحراااام زياااان وتكضر كان طالع كي ستيلو بيك

اقبال: عقول لعصافير واجسام لبغال 
هيبة:راه دكتور صيدلي اشمن عقول لعصاافير ....بوكوووص يختااااي ههعههه 

شهيد(حط لكااس )خليت ليك الراحة الالة لغاليةة ....سمحوليا على هاد دخلة على غفلة 
الغالية:الله اولدي مرحباااا الف مرحباااا 

وقف ومشا لبس سبااطوو وقال:اقبااال ! واحد دقيقة 
اقبال:صبر شوية هاني جااية

نزل لتحت مشات لبسات حوايجها وزادت مونطوو عليهااا وخرجات عندوو 
اقبال؛واش معندك علاش تحشم
كيشوفيهاا باعجااب وسااكت حتى بداو عينيهاا كيدورو وقاالت:تشوف لعماا

شهيد؛نشوفك هي نتي باركة عليااا ههه
اقبال:شهيييد كبرنا على هاد لملااغة لاا !! 
شهيد:جااامي !!! ...ركبيي !
اقبال:علاش 
شهيد:وهي ركبيي نكلسو شوية 
اقبال(تنهدات بقلة حيلة )هدا الله معاك

تبسم ليهاا وحل الطموبيل وطلعات ديماراا وقال:نديك لواحد لبلاصة ههه شنو تبغييي تسمعيي ....بلاتي بلاتي ندير على دووقي (جبد تيليفوون وركز فييه شافت فايديه شوفة مخطووفة ورجعات كتبركك ....ضفار بويض نقااية وزغب اسود رطب مكتااسي ايدوو شوية ...ساعة جلدية فايدوو وهاز تيشورت تالمرفق شوية ...شهيد من النووع لمزغب

اقبال:قرد 

هز عينو فيهاا وضحك : بزاف على مك البرهوشة ....

بدات اغنية الزمن الجميل الرااي على حقو وطرييقوو باغنية الشاب نصروو

شكون لي قااال نتلقاو من بعد فراقنااا 
شهيد(شافيها ) كنت نقووول محال نلقاك وتلقينييي ... ساعة دار لحال(قرصها فحنكها)وربي وحدو راه جمعنااا ...تلاقات عمريي عينيك مع عينيااا 

ضحكات بخفة وتحرك بالطموبيل تحت نغماات الدكرياات مرة مرة يشوف فيهاا وتبادلو الشوفة سااكتة وقال والاغنية مزال خدااامة

شهيد :تيقي بيااا ا اقبال ..... ديما كنتي كطيحي فباليي ...كنت كنقول اتكون تزوجااات محال واش تكون عاقلة عليااا 

اقبال: شي حوايج مكيتنساوش ا شهيد ....

بعد لحضات كانو قدام لحومة لي جمعااتهم حطو الطموبيل وتمشاو بين زناقي ولحال ضلاام دايرين ايديهم فجيااب من لبرد وكيتمشاو بخطوات بطييئة كيرجعو دكريااات

شهيد؛هههههه عقلتي هنااا .....كنت عطيتك لبيكاالة مقطع ليها لفران وطحتي ههههه

اقبال(ضحكات)كان كيحساب ليا تهرست من نيفيي هههههه 
شهيد:حمزة لي كان مع باااك شحال سلختو مسكين ههههه الله اسمح ليا منوو ...ولكن كان كيشوفك كيتبلوكاا ليه لا ميموار ههههه تعقلي نهار فلقتوو بحجرة لراسو ومشا دار جوج غرزات ههههه داك نهااار شحال كليت تاع لعصا من عند لوليد 

اقبال:حيت مكنتيش كتحشم هههه 

شهيد(شافيهاا )لااا حيت مكنتش كنحمل ضحكي
مع شي حد من غيريي (تقابل معاهاا كيهدر بتباات عكس طنز لي مولف) كانت بيلووو ديال شهيد بووحدوو

اقبال(بطنز)او شهيد ديال كلشيي

شهيد (هز حواجبو وتمشااا)ههههه ككنت مفوت شوية

وصلو لحومة ديالهم رجعو دكريات كتيرة واهمهاا نهار داو انصاف شاف ملامح وجها تبدلوو وتنهدات وحط ايدو على كتفها ودورهاا وقال:اجيي ندوزو منهناا 

شهيد:لجيتي لصراحة هاد لحومة خاصها كااملة تردم وتعاود تبنااا قدامت بزااف ولحيوط رشااو 

اقبال؛الناس ملقات حتى باش دير الضو جنب الدار بقا هي تعاود تبني 

شهيد:الله احسن لعواان .... كلشي غلا ....شوفي هاد الزنقة هههه بوطو واحد لي مضويي وغير شوية ...عقلتي اش وقع فيهاااا ولا نفكرك

اقبال(ضحكات ) واحد لبرهوش سخن عليه رااسووو وبغا يدير فيها شاروخاان 
شهيد(ضحك وهوما متوسطين الزنقة لي مضلمة شوية قليل لي كيدوز منها حيت ديقة جا قدامهاا ايديه فجيابوو وكل مكيهدر كيخرج دخان من فموو بسخونية جسمو وبرودية لجو )شنو زعمة محسيتي بوالووو داك نهار ههههه ولا كنتي صغير جاتك بحال هر

اقبال: جاتني بحال زمر !! كون كانت قدامي شي حجرة ديك الساع كون فلقتك بيهااا

شهيد(ضحك )نسولك وجاوبي بصراااحة ا اقبال 
اقبال:شنوو 
شهيد(دوز لسانو على فموو كيبلل شفايفوو ) دزتي من شي غولاصيووون فهاد سنين لي فاتت زعمة تصاااحبتيي ههه

اقبال:اسئلتك حااامضين معرفت علااش ! ....يكما بانت ليك سميتيي مونيكاا !! داكشي خليتو ليييك....مكان شعندي وقتوو 

شهيد (قرب لجيهتها شوي وقال)زعماااا بغيتي تقوليي بلييي انااا بوحديي لي بستك هههه اعتاارفي وبلا كدووب 

اقبال: علاش جاتك عجب !! ولا مولف بلبنات تصاحب معا هدا وداااك 
شهيد (فرنس عاجبو لحاال ) هادي حاجة كتفرح ههه كان ليا الشرف 

اقبال(ضحكات)والله متكسااب لعقل اشهييد 

ضحك وقال:مسحيي شي حاجة فجبهتك 
اقبال(مسحات)فين 

شهيد :بلاتي(جبد كلينيكس من جيبو وقرب لجيهتهااا وعينيه كيف الصقر فدوك شفايف لحمرين بلبرد مسح جبهتها محسات تهرب ايدو لخلفية راسهاا وجرهاا بخفة حتى رتاطمات شفايفهاا لبااردة مع شفايفوو الداافية بشهقة منهاا كان فمها محلول شوي خلاه يمص وحدة من شفايفهاا بدفئ....


🎀انا رجل تدوق من تغر النسااء بحورا ...
ولم اكتفي منهن الا على تغرك ...
فكتفيت....وارتويت ...وابتليت ... 🎀

حلات عينيها بجهد وهيا كتحس بشفايفوو على فمهااا ونفس سااخن ضرب فوجها ...دفعااتوو بجهد وبغات تهز ايديها تجمعها معااه تشدها ولواها اللور وصدق محاوطهاا باييدوو 

اقبال:لحماااار طلقق ولا غندير ليك الشووهة 

شهيد:معجبااتكش !! نعاودهاا 

اقبال(جهلات وهيا كتحس براسههاا مربووطة وايديها ورااهاا )جرب جرب الى منشتف على مكك قدام لي يسوا ولي ميسوااش .....تفووو 

شهيد:اقبالل ...سمعيني نشرح لييك (شافها خنزرات فيه وضحك)وبرب منادم والى مسكتيييش انضرب لييك احسن بووسة فحيااتك ( كلاها مع لحيط وشاد ايدهاا اللور كيضحك بحلا مخاصو تا خير شاف فشفايفهاا وعينيهاا وقال بهمس) من صغرك كتجيبي ليا تمام

اقبال(حركات راسها بلايجااب معصبة )طلق اشهيد مترجعنااش برااهش

شهيد(بهدووء)كاين غير انا ويااك هنااا (عينيه فمهااا )نروي سنين مشفتكش فيهاا ....مافيها باس لواحد يتبرهش مرة فلعمر

قرب ليهااا محسااات تهزات رجلهااا نيشان عطاتوو لحجروو تطلق منهاا شاد بين رجلييه معرف يضحك ولا يتألم 
شهيد:ههههه اخخحح بنت لحرااام ركاالة

استااغلاات انه محني وضرباتوو لضهرووو بقبضة ايدههااا محاملاش لبلااان :نشوف كماارتك كدور حدايااا نهرسها لييك 
شهيد (تقاد فلوقفة شاد حجروو كيضحك )هههههه اقبال هههه متقوليش ليااا تقلقتيي اصاااحبيي 

اقبال(دفعااتوو ورجعات ادراجها كتزرب وكتسب ....مقنها فزنقة كي شي مراهقة دوزات ايدها على جبهتها وهوا وراهاا كينادي باسمهاا دازت من حدا شجيرة جنبهاا لحجر وتحناات عليهاا
شهيد:ههههه ولا ولا خليك بعقلك هههه (نقز ملي شاف لحجرة جاتو لرجل 
اقبال:تبعني نفلقك اولد مينة ....سلكووط لاخر

شهيد:صاافي هي بردي ابيللو بغيت غير نحي صلة الرحم (عطاها بجنب ملي شافها رماات حجرة جاب الله صغيير اماا يفلقوو جاتو فلكتف) دابااا شنو لي معجبكش ا اقبالل لبوووسة !! ندير ليك محسن 

اقبال(عطاتو بضهر تخرجات لطريق وهوا وراها مخليها على خااطرهااا كيضحك وطانز عليهاا )طااكسيي 
شيرات لطاكسيي وقف وشافت ف شهيد وحلات لباب :برهووش 
شهيد: كلشي حلو فيييك اقولي لي بغيتيي هههه 

خلاتو ومشاات كتسووط خلاتو مكالي بطموبيلتوو كيضحك مكمش عينييه ورجع شد حجرو بالم وقال:اححح 
اما اقبال صعراات ولات حمرة وحجبانهاا مكرونين محملاتش الديكوور وكيفاش كانت دمدوومة وهيا عارفااه اكبر بااسل عرفاتو لبشرية ....وصلها ميسااج وحلات تيليفونها لقاتو هوا كاتب :: غندعيك على هاد لعاااهة لي درتي ليااا ...الله ايااخد فيك لحق 
اقبال:الله اعطييييك موصيبة 

مول الطاكسي:نعام ابنتي ؟
اقبال:لااا اسيدي مامعاكش 

نزلات قرب الدار من بعد معيطات لحياة لاحت ليها بزطاامهاا خلصات مول الطااكسي عااد رجعات لداار ...قبل مطلع صونا تيليفونهاا لقاتو جابر وجاوبات :نعاام 
جابر:هبطيي بندوي معااك !! 
اقبال:انا حدا لباب ....
حولات تبرد راسهاا تبان ليهاا جابر جااي ماشي على برجو كتر منهااا لاقي سبعة فربعة فوجهوو 
جابر:فين كنتي !! 
اقبال:غير هناا ...مالك 
جابر(تنهد ) لهدرة لي قلت ليك قبيلة ديري راسك مسمعتيهااش ساعة غضب وصافي 
اقبال: جابر اناا راه قلت ليك مغنحيد ليك مغنعطيييك ....ولكن انا جيتك لصراحة غيتة صغيييرة وماشي ديال زواااج ...ونتااا ايدك ساابقاااك اجاابر ودقتك خااايبة وختي برهوووشة سايط ليها الرييح ..ونتا باغي مراا لزمان
جابر(سرط ريقوو ودوز لسانو على فمو مزال مغووبش مكيشوفش فاقبال )هدشي كلو عارفو
اقبال(سكتات حتى تكلم هواا 
جابر:المهيم غداا انمشي لجديدة ....لحاجة عياانة شوية نمشي نشوفهاا 
اقبال:ميكون عندها بااس ....عنداك تجي مزوج ههههه 
جابر: هاحنا عند الله نشوفو هاد لمراا لي كتشكر فيهاا 
اقبال:ههههه الله اكمل بلخير ....الخير فيما اختاره الله.....الحب كيجي من بعد
جابر:داااكشي لي كااين....الله اهديك هههه حنا باغين لي نديرو معاها دراريي ماشي نضل نشعر ليهاا فلحب ....تكون معايا هي بنت النااس ميخصها خير ....اقبال عينيك مع غيتة ....راك رخيتي ليهاا بزااف 
اقبال(هزات ايدها )جابر راني عيييت ...جهدي كلوو درتو معاهااا 
جابر:(عض على فمو من لدااخل مفقووس ) لحاضي الله ...هاني مشيت ردي لبال 
رجع ادراجوو ودخلات هيا لداار لقاتهم كيتسناوها لعشاا غسلات وجات كتااكل معاهم 
اقبال؛فين غيتة 
الغالية:عيت معاها راها مفݣوعة تسناا لحزارة 
هيبة: ضسرات هاديك والله 
حياة(فمها عامر ) خليهاا يحساب لمهاا راسهاا عايشة فقصر الابهة والله الى مناضت لا لقاات شي دغمة تسناهاا
اقبال:كولي وسدي فمك 
الغالية:وشهيد تبارك الله كبااار ومتبت ههه 
اقبال(شربات لماا معصبة ومقندشة ) داك الصلكوط عمرو يكبر 
هيبة:هههههه ربي اش دار لييك


حياة: من صغركم كي لم شمع لفاار تمشيو ضاحكين ترجعو مناكريين بااز 
اقبال:تعشااي وسكتيي 
هيبة:اقباال حياة لقات ليا خدمة فصونتر معاهاا
اقبال:هاد لمرة ردي بالك ولبووسط ديالك يبقا تحت عينيك...باقي كيهدر معك داك خيناا
هيبة(حرجات راسها باه )ممم
اقبال:قوليه فلوسك انرجعهم لييك هاد سيماانة ونسدوو هاد لباب

مبقاتش هدرات سكتات كتفكر فهاد صديق مصدعها على زوااج كل نهارر ومبقات عارفة باش تجاوبوو...
من واحد التااحية بغات ...

تمشي تزوج تديها فحياتهاا راجل صغير زوين بفلوسوو شنو يخليها ترفضوو ومن جيهة خراا شخصيتو كتخلعهاا كيبان قااسح وخة سخي كيبان مسااهلش وهيا غير هشيشة دغيا دمعتها كطييح ...

تهزو لماعن وتكلفات هيبة غسلاتهم صلاة اقبال لعشاا وكلسات فبيتهاا كتقراا تصونا تيليفونها بنمرتوو ديك السااع دارت ليه بلووك وخلاتوو كيطرطاا بوحدوو ...تحل لباب عليها وبانت الغالية 
الغالية:اقبااال نوضي شوفي ختك ماالهااا كتغوت بودنهاا

وقفات طافجة خرجات من لبييت لبيت غيتة والغالية لقاتهاا شادة ودنهاا كتبكيي 
غيتة:ودنييي هءهءهؤهء
اقبال (حيدات ليها ايدها كتشووف فودنها حمرة )اش وقع كيفاش ضرااتك !! فيك لحلااقم 
غيتة:هء هءهءه لااا ضراتني بووحدهاا 
حياة:موصيبة كخلة معاك نتيي ...كل مرة ضراك خااجة فنص الليل 
هيبة:يكما دخل ليك لماا فدووش 

غيتة(عينيها منفوخين بلبكاا مقادرة تقول والو لمشات تقالت شي كلمة مشات ليها تالودن لخرا)قبيلة ف صبور جات فيا كورة فودنيي هءهءهء ودابا حرقاتني بزاااف

الغالية:نقطر ليك شوية زيت لعود ؟ اتفووتك دغياا
غيتة:لا لا هؤهءهء مبغيييتش 

اقبال: موصيبة هااادي ....انمشي نشووف شي صيدلية حاالة بيرمانونص وخة قليل لي كتحل فهاد لقنت
الغالية:تخرجي بووحدك ؟ الدنيا خااوية ولبرااهش 
اقبال:خرجت ملي كنت صغيرة عسااك درووك 
الغالية:داك لوقت ماشي هوا داباا ...شماكرية غير مشتتين 
حياة:نمشي معاك زيدي 
اقبال: صبري نتي شوية نمشي نجيب ليك دوواا صبري 

رجعات غيتة تكات كتوجع بودنهااا ...هزات اقبال لمونطو تصوونا تيليفونهاا وجاوباات كتلبس :وي جاابر

جابر: داك بوراص ديال مهدي خلا ليك لبولة شااعلة فلمحال 
اقبال:انا مغهمتش عقلو فين ...انا نيت خاارجة داباا وندوز عليه

جابر:فيين خااارجة الليل هاداا
اقبال:غيتة ناضت عليها ودنها نمشي نجيب ليها شي حاجة من الصيدلية دغيااا 

جابر(عض على فموو وحك عينيه )بقاااي تماا انا راني باقي خاارج نجيب ليك دواا زنقة تخلطاات 
اقبال(حطات سوارت)متعطلش ....قوليهاا جاتها كورة فودنهااا وعطاتها دابا لحرييق ..
جابر: صافي ...

قطع معاها كالس فالطموبيل لاح التيليفون فلكرسي حداه ومسح على وجهوو ...تقيسو بصبعك يتفركع 
جابر:تفووو كنت هاني فك**

توجه لصيدلية وبما انه لحي ولا قدييم وعمر شمااكرية وبرااهش قليل الصيدلية لي كتحل بليل قطع مساافة حتى لشارع لكبيير او وقف دخل كيلعب بسوارت لقا لبنت لي مقابلة
وقال : السلاام الالة ....لخوادرية ضراها ودنهااا 
**واش مقيحة ليهاا !! 
جابر(حك لحيتو )لا لااا غير ضاربات هيا وختهااا وطرشاتهاا لودنهاا 
**هههه يكما كتبووحط عليكم 
جابر:دقة خاايبة نييت مكتبوحطش 
**داكووغ لمهيم اتاخد هاد مخفف الالم (كتكتب )ان شاء الله صباح يكون خير

جابر:تحتاج طبيب 
** الى طول فيها هاد لحريق ومفتهاش صبااح تمشي 
جابر:شكراا اختيي ....شحال عندي (جبد بزطاموو خلص وهز الصااشية )واحد دوليبران 

حطاتها ليه وكمل خلاصها وزاد وهياا حاضياه من اللور لابس قبية كحلة وسروال دجين وشعر ضارب ليه لواحد كي عادتوو من غير اللحية لي بانت شوية مشوكة ولعينين حرشين بشفاار لكتااف ...

توجه لطموبيلتوو ...كيقشر فشناايفو مغزف وقف قدام لباب لي تحلات ديك الساع وخرجات اقبال مد ليها دوا وقال :كي بقات 
اقبال:شوية لحريق وشوية تبوحيط راك عاارف (كتشوف فدوا ) شحال هناا 

جابر(تنهد معندو خاطر لمقابحة معاها تاني )طلعي سوارت لمحال نطفي ضوو ودخلي فحالك ...
اقبال(جبداتهم)وسد مزيان لقفل كيتعكس....

رجع بالطموبيل اللور وبقات واقفة تخرج راسو من الطموبيل وقال: مغطلعيش !؟ 
اقبال:لااا اجي ضربني حسن ...

طلعات لدار من بعد مسدات لباب كتاوب عطات لغيتة دواا وكلسو حداهاا تناضت هيبة هازة تيليفون كيفيبري تبعاتهاا اقبال بعينيها تخرجات ...

اقبال(لحياة)اش بلان هادي !!
حياة:كلاهاا كرهاا بغات تبردوو هاديك 

اقبال: مبقيت فاهمة والووو فيكم
حياة:وناااري تجمليش الصاحيبة اش درت انااا ....باغة ندير مستقبليي ماعيني فزواج 
اقبال: فين وصلتي مع الصونتر ؟؟
حياة(كتبلد فعينيهاا) ضروري زعمة نقراهااا !! 

اقبال:ملي تكوني فلمطار وسط لكور مامعاك حد بغيتي شي حاجة اش ديري
حياة:ندير راسي زيزوونة ....لحركات كنديروهم تا معا لمغاربة بقا هي نصارة هههه تخافيش علي ...نعجبك

اقبال:عجبتينييي نيت (شافت ف غيتة تهدنات شوية)صافااا ؟
غيتة:شوية ...


صديق:هدرتي مع دااركم ؟
هيبة:صديق ...صبر شوية غير هاد السيمانة واخة 
صديق(ساط) واش كنبان ليك برهوش اهيبة تجرجري فيااا !! راني بشلااغمي يمكن 
هيبة:دابا مالك تقلقتييي ....انا يالله بديت خدمة ...صبر نبدا معاهم ومن بعد جي مرحبا بيييك

صديق:اهيبة شفتي ديك لخدمة مغتتحتاجيهاش معايااا 
هيبة:وااخة هكاك ...ضروري نخدم 
صديق(تنهد)دابا نتي مباغنيش وكتصدري فيا شوية بشوية

هيبة:علااش كتقول لي مفيااش ا صديييق !! بغيتك هي تصبر شوية نوجدو راسناا تحنااا لخطبة عندها اصوولهاا 

صديق:وااخة الالة انا منهنا سيمانة نقدر نساافر شي يوماين على ود لخدمة ومراهااا غنجي نيشااان سوا هدرتي سوا سكتيي ...
هيبة:هههه وخة اسيدي 
**

صباح جديد مضبب وشتاا خفيفة شووية بحكم اقبال منعساتش بكريي بقات مع غيتة صبحات مدكدة فيقها صوت التيليفون وهزاتو صوتهاا ناعس جاوبات تحت لمانطة 
اقبال:الووو 
جابر:صباح لخير....ناعسة ولاا 
اقبال:ممم شحال السااعة (تاوبات)منعستش بكريي منجي تما تالعشرة 
جابر:صاافي ....كي صبحات !! 
اقبال(حكات عينيهاا)لا شوية راه ناعسة مامشاتش هاد صباح ....نتا شديتي طريق 
جابر:تالعشية ان شاء الله سيري كملي نعاسك ...
قطعات معاه وتقلبات لجيهة لخراا مشابعاش نعاس تفيقوها لبنات بتقرقيب حل لماريو سدوو هز هاد لقرعة حط هاد لقرعة مدابزين على مونطو وصااك 

حياة:لاااا ورتينييي اختيييي ورتينيي 
هيبة:وعكر عندك لي يتحرك ميتم مالك فهااد السم 
حياة:اختي شريهم بفلوسك ودهني بيهم حتى ترمتك والله منحاشيهاا ليييك

هيبة(حطاتو)هاهواا كوليييه نتي كااع يخخ 
حياة:وبشوية !! نفااايخيات تدجاج 
تقابلات مع لمراية كتقااد شعراها وقالت:بيلووو عطيني طموبيل ديالك ...دابا انا وهاد خيتيي مافيا لي خلص عليهاا 
هيبة:راني ماشي مزلوطة لديك الدرجة 
حياة:سكتي دابا نهرس لمك فمك ....وا اقبال
اقبال:مع طنااش جيبيها لياا محتاجاها 

حياة:كوني هاانية الى تعطلت سيري لطااكسي ابب هههه
هيبة:لحمار حماري ونركب اللور وباز 

خرجو بابهى حلة متقوليش خدامين فصالون لحلاقة روايح وشعورات ولحوايج متناسقين وزوينين صويكات شيك سخنات حياة الطموبيل و ركبوو...غادين موسقيين باغاني وائل كفوري على نبووري ونقيطات شتاا مرة مرة طيح على زااج
حياة:تقولي ختك مامهلياش فييك نعرض على حبي لفطوور 
هيبة:او لخدمة الالة غنوو انا لي خاصني نحل 
حياة:تسعود از** معاش تحلي ماشي سبعة ونص 

هيبة: اوى فين اتفطرينااا يلالة 

حياة(ضحكات)فقهوة القحاب مزيانة ههههه

وقفو قدام قهيوة لقاوها بين وبين دخلو لداخل لمكان داافئ خداو طبيلة وعيطات لسرباي دات وجابت معاه فلهدرة وضحك وقالت:حميداا شي فطور نبقا نتكرع فيه تالغدا ...اومليط بلفرمااج او جوج قهيوات فرماج ولعسل ولانشون وجوج مسمناات

هيبة:اختي هدشي فين كيمشيي لكرش لاصقة 
حياة:حضينيي (هزات عينيهاا كيدوروو فلارجااء تشافت واحد كيشوفيهاا ضحك ليهااا وهوا كيفطر وتبسماات ليه حتى هيا وشيرات ليه بطراف صبيعاتهااا 

هيبة(شافت جنب فين كتشوف )راك مزوجة يمكن 
حياة(شافت فيهاا كضحك وقالت من بين سنانهاا) زمي فمك ولاا وجهك نحكو مع لرض 

**صبااح لخييير 
حياة(هزات حياة عينيهاا مدبلات ولعكر حمر )صباح النوور والسرورر هه
(جر كرسي حداهم وفايدو كاس تلقهوة وقال)غبرتيي علينااا 
حياة(بتحلوين)اوى كون سولتي فياا تلقاااني 
....ياااك هههه دابا لفوت منييي وا سمحيليا ههه وتدابا نخلصوو لحق اشبان لييك فشي غدا معتبر 

حياة:على حسب فييين هه 
....وايليي حياة ونديهاا لقهوة لعطارة عارف عينيك كبيرة ههه واحد السيدد صااحبي دار واحد ريستو صغيرة كيدير فيها الطنجية وطواجن شهوة منهم ...اش قلتي 
حياة:خلص معاك هاد لفطور (غمزاتو)ونششووفو الطنجية بلانها كيداير

..والله منردها فوجهك هههه شكون لبنت لي معاك !!
حياة:ختيي صغيرة 
تحط لفطوور كي بقاتو وزادت عليه لعصير وهبية كتشوف وحاطة ايدها على جبهتهاا 
...نخليك دابا فطرو بخاطركم ...وقت لبووز نتلقاو احياة ..
حياة:صافيي الزين 
مشا لكونطوار خلص فطورو وفطور لبنات ولاح ليها غمزة فطريق وزاد 
هيبة:مقرااجك ميسخنش احياااة واش منيييتك 
حياة(كتشرب فلقهوة)مالي!! يكما لقيتيني حالة رجليي 
هيبة:داكشي ليبقا ليك والله 
حياة:محديي ما فجنبي رااجل يمشي يخراا (دارت لمسمن فمهاا)تلقا داك الشارف مدور بيه لكاوريات ونتي كالسة تفقهي فياا 
هيبة:باااز والله راك تزوجتي داباا 
حياة:باااطلا الق نخسرو لهدرة على نبووري توحليها ليناا ...فطري وميكي علي ....مم ننسيت اش قاضيتك مع داك خينا نتييي 
هيبة(ضحكات)بغاني لزواج قالييك وزبان 
حياة:بغاا يفرح لقريد 
هيبة:لا بان ليا ناوي لمعقوول الصراحة احياة راجل كامل مكمول مافيه ميتعااب ....بداروو وباطرون فخدمتو مقاولة كبيرة تاع لبني عرفتي شحال كيدخل ...وبووحدو اختي لا عدوزة تنغصها علياا لا لويسات كلشي مزوج وشاد مدينة

حياة:معمري سسمعت بييه 
هيبة:مع تبارك الله نتيي مدوزة قشلة 
حياة :انفرع مك فطريي 
**
لبسات حوايجها مستاعدة تخرج دازت لعند غيتة لقاتها ناعسة وشعرها مليوح على لمخدة شافتها نااعسة وخرجات سادة وراها لباب ...حلات لاخيرة عيينيهاا وجبدات تيليفون من تحت لمخدة ودارتو فودنهاا
غيتة:نعام 
بدر:شكون داك صعصع ديال لباارح ؟ ياك معندكش خوك منين تسلط علينا داك خيناا 
غيتة:رااه بحال خوياا كابريين معاه من صغر .الحمد لله لي مقالهاش لبنات اما عمري نحلم بليسي 
بدر:عمة خوتاتك ملائكة مكيتصااحبوش 
غيتة:حللال عليهم وحرام على غيتة 
بدر:احح عرفتي على دقة عندو تقول لقاني مع موو 
غيتة:حشوومة ابدر مو ميتة هوا لي جلاخة ....كون تشوف شنو دار لياا انااا !! الله اعطيه موصيبة 
بدر:مبقيناش نتلقاو على براا شوفي كي ديريي ...هاد لمرة نشوفو والله تنفرشخو جاني غفلة يحساب لييه غلبني بدوك لكتااف جنوي واحد يبيسوو 
غية:صافي قطع من بعد ونهدرو لعشية نجي ليسي
**
فلمحال واقفة كتعاتب فمهدي على ضواو لي كينسااا وقف جابر مد ليها سوارت وكان شاد طريقو 
جابر:كي بقات ؟
اقبال:لاا بخير الحمد لله خليتها نااعسة 
جابر:ممم لمهيم هاني مشييت واحد السيمانة هكااك 
هبطات كريمة من دار فور مشاافتوو وقالت:جابر لبااس 
جابر(ببرود)لباس اختيي الحمد لله 
كريمة(بتساكة بزز )نحمدووه مساافر ...سلم على لحاجة 
جابر:مبلغ(شاف فاقبال)بعد غداا ايجيب لييك لي كاري لفوق لكراا عطيه التوصيل ...يالله الله اعاون 
إقبال:سلم علييهم 
حرك راسوو باه وزااد يالله بترجع لمحال بانت ليها طموبيلتو تخالفات مع جابر فطريق او وقفات حدااهاا هزات عينيها فيه لقاتو ضاحك ناااشط بحالا مواقع والوو :بنااادم يلاطيف
حرج من الطموبيل كيعطعط برواايح وشعرر راجع اللور ولكاشكول فلعنق كيف عادتوو فتح ايديه وجاي عند شهيد:بيلوو 
اقبال:مهدييييي ارا ليا داك الساروت لكبير 
مهدي (من لمحال)اش بتزيري بيه ؟
اقبال:رااس حمار 
شهيد:دابا انا راس لحماار البرهووشة ؟؟ والله مندي علييك مزال مبالغاش ....لاا نسيييت بلغتييي (حط ايدو على صدروو)كنت حااضر 
اقبا(بهدوء ساطت كتستغفر الله مكروازية رجليهاا او متكية على طموبيل وراهاا)اش بااغي اولد مينة !! مكفاتكش الشوهة تلباارح ! 
شهيد:احلى بوسة قلاك شووهة هههههه والله تخنزيرة مكتجي معاك هي طلقيهاا ....انا بغيت نعرض عليك لغدااا اشبانليك
اقبال:تاكل فيه السم 
شهيد:ماااا شي مشكيل المعلمة تا السم معاك يكون زوين 
اقبال(عطاتو بضهر حلات لكابو )سير لشغلك صباح الله سير 
شهيد:الصراحة بغيت نتعلم هههه الصننعة زوينة علمينيي لميكانيك نديباني راسي بعدا لطحت اومبان 
اقبال:كتقلب علياا نقتلك !!
شهيد:خوك ميت ميت راني شهييد اصلا هههه لاش اتقتلينيي تدي اتم فابوور لااا مجااتش....
اقبال؛شهيد خليني فخدمتي الله ارحم بااك 
ششهيد:شووفي بت هنا نبت تنشيو نتغداو اونسومبل ....خدمي مالي مقنتك درووك تقنات من بعد (غمزها ومشا لطموبيلتو وتكاا وكروازا رجليه مقابل معاهاا)يالله ابيلو خدمي 
دروات راسها لجيهة لخراا غمضات عينيها وخدات نفس عمييق مبردة على الاخر وقالت:مهدي جيب لييا لكلي 20
هيا خدامة ومركزة مع خدمتهاا وهوا مقاابلهاا داير ايديه فجياابوو كيدندن باغاني الرااي كينعش فالدااكرة معاهاا عارفها كتسمع 
كل مرة تهز عينيها فييه وترجع لخدمتهاا 
شهيد(هز التيليفون ودار اغنية وائل كفوري )تبكي الطيوور تدبل زهوور ..فاكر يووم معاد يعووود 
اقبال(ضحكها )هههههه خلييكي فالرااي الله اجازيك بخير شغل لبنان متوصلش ليه معندك لصوتو لا بلحوحتو 
شهيد:بباااز بغينا نشطووك 
اقبال:هههه نشاط زوين شكراا
شهيد:ااا شريفة طناش هادي انموتو هنااا ؟؟ 
اقبال:واش تنبان لييك معندي شغل بحالك 
شهيد:مرة مرة نخطفوو سويعات لينااا....الدنيا ا اقبال ماشي كلها خدمة
اقبال(حيدات الليكات كتمسح فايدها)شوو شكون كيدووي نص حياتوو دازت هي تزلال على لبناات ....متكدبش عليااا اشهيد شي فلوس صحيحة هادي باش دخلي ل كلية الصيدلة
شهيد:درت عقلي من ورا مامشيتي ههه 
اقبال:ممم سبحان الله
شهيد:نكلسو الالة فشي بلاصة نحنجرو انطيح بجووع ساعتين وانا واقف كي سلوم الضو ونعاود ليك ...
اقبال(سكتات شوي وقالت)صبر شوية غيجي واحد لكلياان يدي طموبيلتو ونمشيي 
شهيد:داكووغ الالة نزيدو نصبروو 
** 
خرجات حياة من لمحاا رفقة هيبة وقالت:كيجاتك لخدمة 
هيبة:زوينة !
حياة(عيباتها)زوييينة ....انوضي تكعدي من هاد لفشوش لي فيك نتي راه معرت اش بااغية يمكن لبوسط تاع لباطرون وتقولي فيه تماارة ....لاش اختي قريتي لاش 
هيبة:شكون اختي لي كره يكون مرتااح ولفلووس تجيي تاالبين ايديه 
حياة: لقلووس نتي ديريهم متسنايش واحد يعطيهم ليك بنفخة ...شنو دابااا تمشي لداار راه عندك هي بوز تاع سااعة باش تحلي 
هيبة:ونتي فين غاادية!! عند داك لبرهووش !


حياة:غادية نتغدااا معا داك السلكوط 
هيبة(خرجو عينيهاا)واش شوية لبااااس لاااا ....اختي شغلك هداااك انا غادية لداار 
حياة:وسيري وصليهاا ل اقبال البروالة ....قوليها نتغدا ونجيب ليك طموبيلتك ....
شدات هيبة طاكسي غدا لدار تصونا تيليفونهااا وجاوبات:ويي صديق 
صديق:فينك !! 
هيبة:غادية لدار نتغدا ...عندي بوز تاع ساعة يالله تكفاني لغداا 
صديق:متمشيش ندوز عندك نتغداو هي حدا خدمتك !! شنو بان ليييك 
هيبة(دوراتها فراسخا وقالت)مم وااخة صافي ....(قطعات)عفااك اشريف غير حطني هناا ...
خرجات كتسنااه وجبدات مرااية من صاكهاا كتشوف وتمسح لكحل من تحت عيينيهااا تحساات بريحة جنبهاا وايد تحطاات على جنبهاا هزات راسها بشهقة حطات ايدها على صدرو حيت كان قريب ليها بزااف وقالت:ههه خلعتينيي 
صديق:ههههه وليت بووعوو دابااا 
هيبة:حاشة هههه
صديق:مشيناا 
ركبات معاه وتاجهو لسنااك زوين ونقي قريب لخدمتهاا كيكلسو فيه لعائلات خداو لي بلا ديالهم ...تبدا تيليفون هيبة كيصوني ...توقف صديق على لمااكلة كيتسناها تجاوب تقالت:ماما 
صديق(رجع لماكلتو وخلاها كتهدر تكملات) جبدتي معاهم لموضووع
هيبة:اه ماما مواافقة ...غير ختيي لي مشغولة شوية 
صديق:نتسناو حنا هاد ختك تاتسالي عاد نتزوجوو !! هيا لكبيرة قلتي ....مامزوجاش 
هيبة(كتاكل)لاا مبغاتش 
صديق؛على هاد لحساب مبغاتكمش تزوجو كاملين هههه باش متبقاش بووحدها وصاافي 
هيبة:لااا علاش كتقول هاكا ...بلعكس كتبغي ليينا لخيير غير هيا مكتبغيش تزرب فلحاجة وصاافي 
صديق:لا بايمة كتبغيي ليك لخير ....سيمانة واناا كنتسنا لمواقفة نجي نخطب كون رااه عفدنا داباا ونتي فداري 
هيبة :ههههه شفتك زربان
صديق:عيت بلوحدانية ....بغيت لي يونسنيي ويعمر عليا بلوليدات
هيبة:لوليدات !!
صديق:اوى شنوو لوليدات مناوياش تولديهم 
ههيبة:نعيشو حنى بعدا عاد نولدو هههه
صديق:من بعد ونهضرو فهاد لموضضووع احبيبة ...تغداي

دخلات لريستو ومعاها نفس الشاب تاع صبااح كضرب بطالونهاا فوق زليج وكتحيد فنضاضرهاا وقالت:اوى فيين طنجية اشي ندير 
ندير:صبريي شوية نتي وكرشك تالموت ههه 

كلسو فطبيلة وريحة طواجن جابت ليهاا جووع ...طلب ليهم طنجية ولي صلااد ولموناضة وكلسوو على لهدرة والضحك 
ندير:زيانيتي العفريتة 
حياة:كنت خاايبة ولاا هههه 
ندير:حاشااا ههههه نتي الزين بعينيه ...
حياة:ازمر راه هدا عطلنا اصااحبيي تابعاني لخدمة 
ندير:رخيي فيك نفس هههه

فعلا تحط طبسييل عامر لحم معلك وطايب على حقو وطرييقو وشلاايض ضايرين بييه لموناضضة ولخبز سخوون كيفور ...باشرو ماكلتهم كيتبننوو ...وتيليفونها عيا يصووني جبداتو ولقات نمرة محمد ديال فرنساا ورجعاتو لصااك 

ندير:شكون هداا لي صدعنا من صبااح ههه
حياة:شبوقات لعيالات لدخلش ليهاا صعيبة عليك

ضحك كيااكل تسلااو وختموها بديسير دايزو لكلام حتى مبقات لكرش فين تزيد 
ناضت لحمام تغسل ايدها وهزات تيليفونها معااها بدا كيصوني من جديد وجاوبااتوو 
حياة(بغنج) رااجلي زويين 
محمد:حياااة اش هاد شيي ساعة وانا كنصووني !! فين كنتيي 
قلبات عينيها كتبركم وقالت:والله احبيبة مكنت مساالية ....لخدمة مزيرة عليا هاد ليامات بزز كنحك رااسيي

محمد:اوى غيرر علميني منبقاش مشطوون عليك ...عييت نسيفط لييك فلواتسااب تشحفت 
حياة:راك عارف بنهار مكنساليش ...بليل اسيدي ونشدو جموع تايصبح لحال هي بقا لياا على خاطرك امولاي

محمد(ضحك)بعدااا هي بهاد لساان كتسكتييني ...وبقاي تجاوبي على تيليفونك الله ارضي علييك 
حياة:شنوو درتي فلورااق ...دفعتي لياا ولا مزالل !
محمد:يالله جمعتهم ...تنين ندفعهم ان شاء الله نتي كتمشي لسونتر !
حياة:كنمشيي ضروري ...نخليك داباا لخدمة لخدمة
محمد:واهة الزين لعشية ونهدرو 
قطعات معاه غسلات ايديها وفمهاا وخرجاات مع هزات عينيها هزاتهم ف سمير ضحية من ضحاياا الفتيخ لي مخلا مشرا ليها وبلوكاتو فاللخر وخلاتو منشور فالزنقة تخبااات ورا لحيط كتندب ليكون شاافهاا ....كلل مرة طل ...مبقاش بان ليهاا معرفاتو فيين زاد خرجات كتخبي فوجهاا بشعرها توقفات على ندير وقالت:انا مشييييت
ندير:باقي نص سااعة 
حياة:لا لا وتقوول تعطلت خاصني نمشيي (هزات صااكهااا وغادية خارجة كتزرب مع هزات عينيها جاات فعينووو خرجو عينيه وهياا زرباات متسووقاتش
سمير:حياااة !! ....حيااااة اجيييي حيااااة 
تبعهااا وهياا غاداا كتجريي تشدها من دراعها وقال:حصلتيييي ابنت لحرااااام 
حياة(خرجات عينيهاا)ايييييوا جمع كرك شمن بنت لحراام يكما والدني مع شي وحدة !! ....بزااف عليييك اناا يجلاااخة 
سمير:يااااااك اختي 
حياة:معنديش خوياااا وميشرفنيش نتا تكون خووياااا ....نهار تحط ايدك علياا متوقف تالقااع لكوميساارية 
سمير(زير عليهاا) شااااا ,لكوميسارية انا لي غنديك ليهااا 
حياة(شافت فايدها واششاافت فيه وغوتات)وعتقو الروووح اعبااض الله بغاا يضربنيييي واااااع


طلق منها كيشووف فبناادم وضرباتها بجرية لطموبيلت اقباال سدات لبيباان وتبعها بجريي ديماراات كتقلي ليهاا السم بايديهااا وعطاتو صببع كضحك وزادت مع طريق 
سمير:بلااااااتي عقلي على كمااارتيي ...
**
لبسات لمونطو تاعهاا غسلات ايدهاا واقفة كتهدر مع حياة فتيليفون تداز عبد لكبيير قدامهم كيبركم وايديه وراه 
ع.الكبير:كنس نااقص ييلاااطيف اخخ
هزات عينيها فيه وحركات راسها بلا حول مجات فين تهبط عينيهاا تشاافت عبد لكبيير تهز تالفووق وتخبط على ضهروو وحماهاا لغوت ....
خرج شهيد من طموبيلتوو كيزرب لجيهتوو شدو من ابدوو واقبال واقفة اللور كتفرج 
شهيد:شريييف يكماا تقسحتيي
عبد لكبير:اححح اضهرييي اتريكة لعوجة طريقها كحلة ....دارتها ليا بلعاااني باش نطيييح ونموت 
شهيد:شكون هادي؟
ع لكبير:اححح احح شكون من غيرهااا هااا دييك خيتييي انا لي علمتها صنعة رجاال فاللخر اش داارت ....كول نتا اش دارت 
شهيد(عاونو ناض وقال)اش دارت 
ع الكبير:داااااار لييييهاا ....دات ليااا كليااااني ورزقييي وخلات ليا محالي كيصفر اش ندييير ...هاا نبيع لببوش 
شاف شهيد فاقبال كيضحك وهياا كتمسح ابديها مع بعضياتهمم كتشوف فلكبير ببرود ولفات نكيرو ليوميي عليهاا مبقات كتسوق ليه كااع

اقبال:باقي فيك جووع ؟ ...زيد خلاص تابعاني خدمتي 
ع الكبيير:بجهد الله ولملايكة هاد لمحاال ايرييب 
شهيد(شافيهاا)بحالااا زدتي فيييه الحاج لااا ....سير بيع تسااابح ولا شوف اش دير يالله 
بقا الاخير متبع لعين لاقبال تدازت من حداه كضحك وقال:ضحكييي كضحكيي ....عند بالك زيييينة 
اقبال(كتحل فللباب) عارفة راسي عزيزة عليك ...منديش عليك ...شهيد يالله 
خلاوه وااقف تسناهم تركبوو وكمل طريقو كيسب 
شهبد؛مال هداا ؟؟ واش شوية لباس 
اقبال:هدا هوا لمعلم ديالييي اسيدي السيد لي علمني لحرفة تدرت عاد لمحال لي كتشووف ....هوا مكان شباغيني نخرج من لمحال ديالو وندير دياليي 
شهيد:بغاك ديما متعلمة عندوو !! ...كابن شي بنادم مكيبغيش شي واحد.يكون حسن منو
اقبال:منديش علييه ...كبر وتنبان ليه انا فبلاانوو ...عفاك وقف هنا نبدل دغيا ونجيي 
شهيد:واخة متعطليش 
وقفهاا فراس الشاريع بقا متبع ليهاا لعين ومبسم مشيتها خفيفة وكتحرك بعفوية ...

طلعات لدار لقات هي غيتة والغالية كيتفرجو 
اقبال:هي تغدااو انا مزال خارجة 
الغالية:اوى داك لغدا لمن درتوو ؟؟ تا هيبة مجاتش

مجاوبتهااش ودخلات لدووش غسلات وجها وايديهاا مزياان ودخلات لبيت دهنات ايدهاا بمرطب وقفات قدام جيهتهاا تشوف اش تلبس بعد لحضات كانت ختارت سروال جينز زرق بااهت او تريكو كم مقطن بكول في فلكحل لبسات سبرديلة هاابطة كحلة ...
هزات قلم تاع لكحل كتشوف فيه واش ديروو ولا بلااش وتشوف فعبنيها فلمرااية ...زعماات ودوزات خط يدوب يبان ولكن مع مكتكحلش ديما دغيا بانت الزياادة على عبنيهاا وبرز لونهم لبني ليي كيتفتح مع الشمس شعرها جمعاتو كوب شوفال وهزات تيليفونها وخرجاات 
غيتة:كيحمقني عندك هاد تيشوورت ا بيلو 
اقبال:بغيتي تقولي لياي بلي عمرك لبستييه !! 
غيتة بدات كدور فعينيهاا والغالية كتشووف فيهاا وقالت:وفييين غادية 
اقبال:خاصاك شي حاجة ؟
الغالية(كدور فعينيها)هاا غااا واحد الفين بغيت نزرر لا حادة كنتها ولدات ودايرة سبووع 
اقبال(رجعات لبيت جبداتها ليها )هاهيااا 
الغالية:يخلف عليك 
غيتة:واناااا هنن
اقبال:غير لبارح ديتي مصرووفك ...فين كيمشيو فلوسسك كتكمي ولا ؟
غيتة:ههههه كنضرب جوانات 
نزلات ادرااجهاا ومشات اجيهتوو هزات عينيها فبه باين كيتمنض فيهاا حلات لباب وقالت:لعمااا 
شهيد:بنت لحرااااام ضرباتها بتكحيييلة نعاماس
اقبال: والله منجااوبك 
ضحك وديمارا الطموبيل وقالت:باااز واش غاسل الطموبيل بريحتك ؟؟
شهيد:مالها ! معجباتكش 
اقبال:لااا زوينة ....غير هيااا مكتر شوية لاا بناادم يكلس معاك دقيقة ينوضض دايخ 
شهيد:هههههه دوخي هي نتيي براكة عليي ....غنديك لواحد لبلاصة زوينة اتعجبك عارف عزيز عليك لكالم 
مجاوباتش باقيي وسسكتات تصونا تيليفونوو وجاوب 
شهيد:لواليدة هانية ....لا لا مغاديش نتغداا فدار ليوم هي بصحتكم ....وصاافي تنجييي تنجي ....ودويناا الالة مينة تنجيي ونهدرو ماشي داباا ...يالله بصحتكم 
قطع معاها وقالت:لباس عليهم 
شهيد:لباااس ههه يكما نديك تشوفيهم 
اقبال:هههه نتا عارف مك مكانتش كتحملنيي 
شهيد ؛داكشي فصغر ههه داباا حاجة خرا تانيي
اقبال؛ماشي مشكيل نتشاوفو مرة خرا 
وقف قدام اوطيل وجنبو كانت ريستوو ضايرة بزااج ولعود معامراش بزااف وطبيعة فجنابها منضر زويين ...دخلو لدااخل وتوجهو طبلة فيها طباسل وناب بيض وسريبتات حط شهيد ايديه كيربت على الطبلة في حين اقبال كتقاد فكلستهاا تهزات عينيها فيه 
اقبال:مالك !! 
شهيد: تاتعجبينيي 
اقبال: بصح !! نتا مكتعجبنيش 
شهيد(بغرور)عارفك كنتي تاتموتي علياا

اقبال:ششكون هاد لحماريي لي كدب علييك 
شهيد:اتسكتي ولا ضرب مك بطبسييل حسن ...قلت ليك كتموتي علياا هيا كتموتي علياا سدات مداام
اقبال:بنادم مريض فراسوو 
شهيد: مبغيتيش تعتاارفي ماشي مشكيل ههه ولكن راه كتموتي علياا 
اقبال:انتغدااو ولا جايبني هنااا معندي ميدار 
شهيد:هاهوا جاي اش تااخدي (هز لموني 
اقبال:خود لي بغيتيي 
شهيد(كيشوف )جران بلبيشاميل كتاكليه !!
اقبال(مسحات على وجهاا)لا حول الله يارب ...اه كنااكلوو فيه لفيتاميناات كيزيدو فلعقل مزيان لييك 
شهيد(ضحك كيقراا توقف لليهم السرباي وقال) دو بلا غويال او لي صلاد ب نوكا او لي بواصون 
خدا الطلبية ومشااا بقا شهيد كييربت فصباعو هلى الطبلة وقال:اوى اقبال ....عاودي ليا شوية عليك على خوتاتك 
اقبال:وشنو باغي تعرف 
شهييد:بيرك غاارق وغير مزاد غرقتي بووه ههه بغيت نعرف شنوو وقع منهاار خرجتي من لحوومة نشو درتي بززاف 
اقبال:شلااا مداااز اشهيد (تنهدات)ولكن كنفضل سكات حسن حيت لي فات ماات وحنا ولاد لوقت 
شهيد:تبسم )قوليا ا بيلو مكتفكريش تكملي قراايتك !! 
اقبال(سكات شوي ) مبقاش عندي لوقت ...كنت نااوي نكمل ندوز امتحان التااسعة وغادية هكاك تالبااك ولكن لوقت مكااينش يالله نهاري كتديه لخدمة ومشاغيل الدار وصافي ....ولكن هدشي مكيعنيش قطعت لقرااية ...درت صونتر قريت لفرونسيي شديتها مزياان كنحاول مرة مرة نرااجع باش منسااش اما لقرااية ديما تلقاني شادة كتااب فايدي 
شهيد؛(تنهد)فصراحة كنتي غتوصلي لشي حاجة زويينة كون كملتيي ....كنتي قرااية بزااف مصاب لبرهوشة تختي تكون بحالك شوية هههه...هاد لوقت تاحد مبقا بغا يقرا كيف لبنات كيف دراري 
اقبال:نسيتي راسك ؟
شهيد:ههههه كنت جامعهم بجوج متحكرينيشش حيت كنت كنعطيك تكتبي لياا جوج سطوورة مرة فسيمانة ....غير حيت كان كيعجبني خطك ...اجي باقي خطك زوين 
اقبال:بايتيه يتبدل ههه خطي هوا خطي 
حل لمونطوو من لداخل وجبد ستيلو فلارجونسي وجبد بزطاموو كيقلب على ورقة وهيا كضكك تلقاها صغيرة وقال :هاكي كتبي نشوف 
اقبال:الله اهديك اش نكتب هههه حجاب 
شهيد:كتبي انا اقباال ....وكتبيي 
شدات ستيلوو وجرات لورقة وكتبات :هاهيااا شنو تاني 
شهيد:مممم اعلن كتبي كتبي (شافها كتبات )ل شهيد فيهري وكتبي ازمر ....عشقي له وشكليهاا مزيان 
اقبال(مدات ليه لورقة )برهوش 
شهيد:انا اقبال اعلن لشهيد فهري كرهي له ....لاا مجاتش معاك برب 
ضحكات تاتحطو لي بلاا ولي صلااد وكيسان تلموناضة وقرعة تلماا
شهيد:كوليي 
باشرو ماكلتهم بحوارات متنوعة شي كيجبد شي تقال:نوو ماشي حل تشوفي ليسيات فاس كامليين ....شكون ضمن لييك اتكوون خلات ليها نفس سمية ....ديك لوقت ا اقبال راه ماشي هوا داباا ...
اقبال:لبنت لي كنتسناها تثوني لياا معمرها صونات ....فطومة لي كانت بيناتهم ماتت ولادها فبراا ومعارفاش تا شنو سميتهم ....حرت 
شهيد:بلا شك هاد جارتهم عارفة سمية ولكنية ديال بنت فطومة ....دونك اتاصلي بيهاا وغنسول ليك فكلية الطب ...اما لبقيتي كتسنااي امتاا تجي لدارهم تماا بقيتيي 
اقبال:ايكون خيرر ان شاء الله ....
تغدا ولهدرة بيناتهم مسكتووش خداو ديسير ختموو بيه تشاافت فسااعتهاا وقالت:جوج داباا خاصني نمشيي 
شهيد: وشكون غيخلص 
اقبال: يخلصك الله 
ضحك ونااض جا عندو السرباي خلص لي علليه ومشااو فلخروج حط ايدو على كتفهاا غادين ناحية الطموبيل وقف من جيهتهاا وعوج راسو فيها بابتساامة خلاتها تشوف فقنت اخور وقالت مالك 
شهيد:اجي لمك هنااا (مخلهاااش تستوعب تجرهاا لصدروو )كنت باغي غير امتا نعنقك باش نقولييك بليي بلاصتك بقات خاوية فحياتي ملي مشيتيي 
هزات ايدهاا على ضهروو كترمش فسماا وقالت بهدوء :لمكتااب 
شهيد:بصح (داهب شعرهاا من اللور بايدوو وبعد ) تدابا معندي علييك فين 
حكات تحت عينيهاا يالله بغات تهدر وقف عليهم امين هزات اقبال عينيها فيه ببروود اما هوا كان مخنزر شافو شهيد ودور راسو لجيهة لخرا وقال:لمساا الله 
امين؛اهلااا اهلااا ....اقباااال شكاديري هنااا ومع شهيد من لفووق 
اقبال(بهدوء)علاش كتسول نتااا 
امين:غير حييت كنتي مشحفانب على قهوة وليتيي دابا فريسطوو ومعامن مع شهييد 
شهيد(شافييه بنص عين)امييين ....براكة من ديك لبلا بلا لخاوية ديالك ...باغي تربطهااا ولا شنووو 
امين(مغزف ) لاااا علاش انربطهاا ....ربطووك نتا بعدااا 
اقبال:شهيد وصلني عفااك 
امين:مراتك عاارفة بلي خارج مع لي كانت اتكون خطيبتي اشهيد ؟

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.