شهيد(ساط كيمسح وجهو)انا مامزوجش ...غير ف غولاصيون مع وحدة او كومبليكي من لفووق ....
اقبال:اااه ماماتش ....مصااحب مع وحدة تكون معقدة ولا تكون مزياانة مامنحقكش تخرج مع وحدة خرا ونتا معاهااا !! سمعتيي....هادي اخر مرة تجي لعندي اشهيييد ....اخر مرة نشووفك قدااميي ولا غندير ليك اكبر شووهة تعرفها فحياااتك ....اناا راه ماشي دمدووومة !! ....دنياااا مرمدااااتني باش بحالك ميضحكوش عليا بجوج كلماات ....
قطعات عليهاا وسمعات لهدرة مجهد وراها دارت على غفلة ولقات شهيد شانق على اميين وسكيريتيي كيحل فييهم
اقبال:برااهش
من ديما كتبعد على صدااع وكتحاول تميك باش تبقا هاانية كل مرة تشوف سااعتهاا وقفات طاكسي حداهاا حطات ناس فلوطيل يالله بتصوني ل حياة كلاكصونات عليهاا وجابت الدورة ...
كان شهيد مكالي بطموبيلتو او واقف مقابل معااهاا خلاها على خاطرها حيت لغوات مغيجيب نتيجة اما امين دخل من بعدما دار لفتنة وخدا ليه غدااه على خاطروو
حياة(بحوايج لخدمة ومقبط صفر فشعرهاا) عرفتي هي ساالتة قلت ليهاا خرجات ليا لي غيكل فسروال
اقبال:نتي ولكدوب تالعند الله
ضحكات وتلاحت حياة فلبلاصة لخراا حيت عارفة اقبال مكيعجبهاش سوكانهاا
وصلاتها لخدمتهاا وكملتت هيا طريقهاا وتيليفونها كيصوني بنمرة بريفي هبطات عينيها فتيليفون ببرود وقطعاات ...من ديما مكتجاوبش على لبريفي وداباا متاكدة بلي شهيد حيت مبلوكيية نمرتوو ...وقفات قدام لمحال لقات مهديي يالله كيحل دخلات بلا تا كلمة باشراات خدمتهاا وكا مرة تشد عنقها لي تزير عليهاا
وصلها ميساج من نمرة معارفهاش فيه " اقبال راه كنت بغيت نقولها ليك غير مجابتهاش لوبت انا مكدبتش علييك ولا خبيت عليك ... شوفي والله لتفرقت علييك ملي لقيتك كعااي تا طيبيي ""
شهيد؛منهنا لغدا نشووف ...راني فلخدمة من بعد ونهدرو
*
وصلات ستاا واقبال مزال فلمحال تنسات لموضوع وكتصرف عادي على طبيعتهاا تشافت كريمة جااية جيهتهاا
اقبال(باتسامة) كريمة !! الزااز تااني
كريم:يااك بعدا غير لي مبغااش يدي هاد الزين
اقبال (كتمسح فايدها وكضحك) اوى رجال عمااو
كريمة:لا يحتي كاع رجال بعينيهم الا الدكالي
اقبال:بااااقة اكريمة بااقة مبغاش تنساايه
حركات كريمة كتافهاا متكية على طموبيل وقدامهاا اقبال وقالت:ميكونش ساحر لياا ؟؟ اختي بزااف هدشي نشوفو نبغي نطيح !! (تنهدات) انا لي عارفة اناا حرقتو عمرها تبرد ... قوليا شي راجل بحالوو داخل سوق راسو وعندو غير نيشان ممعندو مع تلاوي ونكان على لبناات ؟؟ جيبي ليا هداا لي من لخدمة لدار لجامع ميعمر فبيران ميعمر بلا عيالات ...هانتي شوفيي...ولاو رجال مزيرين على تراميهم كتر منا لعيالات ...تشوفي وججهو مسطر بلمسطرة وشعر مزلج بدهنة والترطيبة !!
اقبال:هههههه والله اكريمة حتى نتيي بزااف اختي ...واش راجل داير فيك هاد لحالة !!
كريمة:نتي يمكن عمرك بغيتي وطاحو كوارييك باشش تحسي بياا
اقبال: خلي فبالك واحد لحاجة اكريمة لحاجة قدما عزيتيها قدما تعزك ....راه كل واحد كيدي غير لي مكتاب لييه ....الدنيا مامقداش ...وراجل لي نطيح عليه كواري متزادش
شهيد:وتخيلي معاياا ... تعيط كل نص سااعة بغاتني نجابها حتى فدووش وملي منهدرش تقوليك كنتيي مع شي وحدة !
اقبال:اوى كونما عارفااك اتشك فيك !! نسونجي لاخر
شهيد: كنموت فزين ولكن صافي كبرنا داباا كنقلب على الاستقرار وراحة لبال مع شي تيتزة داخلة سوق رااسهاا بحالك ! علاش بحالك ...انا باغيك نتيي
دورات السااروت كتحرك فراسها يمين وشمال وقالت: الله يشوف من جيهتك
شهيد:يااربي امييين ...واجي فين غادية ! هههه
خلاتو وتحركات مخلياه كيتحلف فيهاا ومشا ركب طموبيلتوو ....شد طريقو على انغاام موسيقى اجنبيية كالم وتوجه لدارهم مسافة الطريق لا باس بها كان دخل بين ديور كباار ونقيين كل واحد بجريدة ديالو وسااد عليه لكاالم وبعيدة على هرج لمدينة والطموبيلات ...باركة الطموبييل حتى تعلقات فييه مرااهقة فضهرو تمشا وجا وقال:نعل حسك الخاايبة
ملاك:هههه (دورات عليه ايديها ورجليهاا )نشوف باك واش صحيح ههه
شدها من رجليها حكمها وقال:اختي اش تاتااكلي ؟ لعضم على لحم او كتوزني كتر مني
ملاك:هههه كناكل رزقك ...عندنا ضيااف
شهيد:شكون ؟
ملاك:نسيبتك وزوجتك المستقلبية
توقف عن لحركة وهبطها كيقاد فلكول وجمع دوك لحجباان لعراض
سعاد:اوى راها بنتكم حتى نتومااا ...فدوى يالله ابنتيي ايطيح الليل
شهيد:انوصلكم اخالتي ماشي مشكييل
وقف بغير نفس دار ف رجلو بانطوفة تاع برا مع تقاشر قصار بويض وخرج كيتسنااهم تخرجات فدوى بليبووط قصير مع جلابة وسيكانها بوويض باينين قربات ليه بابتساامة تضار فيها
شهيد(مخنزر)هاظ لفعايل مكنحملهمش
فدوى(عوجات فمها)نتا الى مفيك صواب منكونش بحالك !!
شهيد(يالله بغا يهدر شاف سعادجاية وطمر )لحساب من بعد ركبي
شهيد:علميني بعدا ...ولا انا حيط قداامك غادية لدارنا زانا اخر من يعلم
فدوى:كون جاوبتي فتيليفونك كون عرفتي
حل لبواط تاع الطموبيل بزعفة وهيا كتشوف جبد منها باكي تلكارو وبريكي وسدها بزعفة وقالت: بااز
خدا كاروو دارو فموو وشعل وقال:نتيي راه مندوي معاك تنكمي جواان او نشرب لماا لقااطع باش نكون مبرد
خرج من الطموبيل وسدهاا خلاها كتبرق فعينيها يالله بتبعو تخرج بان ليها تيليفونو محطوط شافت فيه لقاتو مبعد هاطيها بضهر كينفت الدخاان وهزات تيليفون لقاتو بلا كود بحالا لقاات قرعة تلما وسط الصحراا ...
صونا تيليفونها وهيا نازلة فدرووج لقات بدر تبسمات وجاوبات :بب
بدر:زين تلعالام نجي نشووفك !
غيتة:اوييليي بغيتي تشريها لياا مع ختيي !! لا لا خلي تالغداا مشا لحال
بدر:شنو درنا فلبلاان !! اتجي
غيتة:خلي هي نسي ختي شوية او نشوف كي ندير حتى انا قنط
بدر :صاافي الزيين نعول عليك ايعجبك لحال
قطعات معاه وخرجات من لباب تاع صونتر غادية فزنقة كتقرا لي كموتطير وتجاوب لي تعنب عليهاا بجوج قلووبة ...قربات لزنقة ديالهم وهيا مهبطة رااسهاا كي لمشة فتيليفون حتى تجراات من شعرها تشهقاات وتردعات مع لحيط هي شاافتو كي جن مخرج عينيه
تعشاو مجموعين على طبلة بطاجين تلحم وششلاضة ... مرة مرة يصوني تيليفون اقبال فلبيت
غيتة:نجيبو لييك
اقبال(حركات راسها بلاا)تعشااي
الغالية:وصدعنا شوفي شكون
ووقفات ملي تفكرات لبنت لي صصونات عليها قبيلة مشات كتزرب هزات تيليفون وفمها عامر بان ليها نمرتوو ولاحت التيليفون على الطبلة باهمال ورجعات لعشاهاا ساكتة ...حتى بدا تيليفون هيبة كيصوني حداهاا او حياة كدالك
شافو فبعضياتهم
وقالت حياة بهمس :تقواديت هادي ابنات الغالية !
هيبة(ضحكات وقطعات على صديق وحيدات الصوت ورجعات لعشاهاا
(غطات راسها وجبدات تيلي كتبقشش وتقلب على لكونط فلنستاكرام تاع جابر معرفاتوش ...
شدات لهدرة تالجوج تليل مع بدر وحلف نعاس لجاهاا حيدات لغطا لقات لغالية كتشخر ....ناضت كتسلت لبسات بانطوفتهاا ومشات لصاكها عاضة على فمها كتحل بشوية وعبنيها فلغالية
جبدات لباكية تاع لكارو ديال بدر جبدات منها واحد وخبات لخراا وخرجات من لبيت كتسلت مشات لكوزينة هزات بريكي وصاشي ديال لفاني وحلات باب الدار قلبها كيضرب ...
طلعات كتسلت فدرووج تالسطح وقفات فاخر درجة مقابلة مع لباب ليتبعها شي حد وكتفكر لسبة لي دير الى لقاوها تفكرات طابليتها منشوورة ..دارت لكارو فمهااا وكتشعل بلبريكة تبان حمر وسط ضلاام
كيف تيقولوو ....اول نطرة هيا صعيبة هكاك غيتة مرة تخرج دخان من نيفهاا مرة من فمهاا وعاجبهاا لحاا ل ....
صديق:علاه باقة كتحلا ليا لخدمة بلا منصبح على وجهك !! ...خرجيي الزين رانيي حداا خدمتك
هيبة :واخة صبر هاني جاية نسالي مع كليانة ونخرج عندك ....تخلصات بزربة من عند كليانة بالضحكة وصواب ....دخلات لحمام فايدها صااكهاا مسحات تحت عينيهاا ديما كيهبط ليها لكحل عاودات لماسكارا وقدات لقيمجة لي كانت بالوان غامقة وفيها بابيون عند لعنفق خاشياها فسروال اسود تاع دجين وسباط كحل طالون رشااات الرييحة ودارت فغاجو لحنيكاتهاا وخرجات شافتها حياة وقالت: افين ا خيتي
هيبة:نعطي ديك لاماانة لصديق ونجي ...مريم معندك حتى كليانة ! حضي ليا لاكيس خمسة دقايق ونجي
مريم:صافي سيريي احبي
خرجات دايرة صاكها صغير بسنسلة فضية فكتفها وشعرها كيديه لبرد قصير حد كتاافهاا ...كمشات عينيهاا تشافت طموبيلتو ومشاات بخطوات قلبها كيضرب ...حل ليها لباب من لداخل وركبات وشافت فيه كيف ديما رواايح ونقاا وديما لقوامج بيضين او لونهم مفتوح لحيتو لي نقص منهاا شوي كحلة يكتسيها بعض شيبات وشعر راجع اللور قوي تقول زارعوو...
صديق:الزيين دياليي كي صبحتيي (قرب ناحيتهاا بقبلة على حنكوكها بجوج وبعد )
شاف كرسي لي غيجلس فيه وتلفت ليها لقاها لاهية مع يديها جبد كلينكس مسحو وجلس عليه
جات ريحات فكرسيها تتمسح يديها وقالت:شحب الخاطر
الصديق:بلا شك عاودات ليك هيبة علي؟؟
دارت ليها طن فراسها:اااه صدييق..
الصديق:(بابتسامة)هو هذا..كيدايرا الالة بخير؟؟
اقبال:الحمد لله ونتا مزيان؟
الصديق:الحمد لله
اقبال:(بجدية)نقدر نعرف مجيتك لهنا لاشمن سبب؟؟
الصديق:جيت اولا(جبد من جيب المونطو جوا حطو قدامها)نرجع ليك فلووسك
شافت فلفلوس ومتحركاتش وهزات عاود عينيها فيه وقالت:راك غالط..هادو فلوسك نتا خلصتي على ختي وانا رجعت ليك دينك
الصديق:(بابتسامة)انا ماعندي دين عندكم من غير امانة وحدة ترجعوها ليا
اقبال:(بجدية)لي هي؟؟
ااصديق:(بادب)حمم انا مكرهتش نتناسب معاكم..شوفي اختي اقبال انا واحد سيد معقول وختك شفتها مرة وجوج وعجباتني حيت بنت ناس ومحتارمة راسها..دريويشة وماعندهاش مع دخول والخروج..وانا راجل وحداني معقول بغيت نكمل ديني الى كتاب ..وختك قريت فيها المعقول ومكرهتش الى قبلتو علي نجي لدار
كان شهيد كلس قدام اقبال سمع شنو تقال وهز ايدو كيسووط اما اقبال بان ليها هي كتكب لما فالرملة ...حكات جبهتهاا وقالت بصوت مكسور :وخة اختي سمحيليا صصدعتك ....وعفاك الى جااات تاصلي بيااا الله اخلييك
بشرى؛واخة اختيي بسلامة
قطعات معاهاا وحطات التيليفون ودارت ايدها مشابكين تحت فمهاا
شهيد(كانت باينة فيه ماشي على برجوو وزاد كمل ..تقاد فلكرسي وقال)ففف انلقاو حل هي صبري !
اقبال:اشمن حل ! كنعلمو بلغيب ححناا (مسحات على وجهاا وساطت )
شهيد(سكت شوي )اقبال(شافت فيه )سمحيليا على لباارح ديك لهدرة لي تقالت لييك مبغيتكش تسمعيهاا
اقبال:ديه لجابر راه حدا دار ورجعي دغياا متمشي فيين
غيتة(تفافات)هاا غير ديه ليه خفت ليل هدا
اقبال:واااايلي علاه فين كنتي دابا لي خفتي ؟....ترلعي داباا ورجعي
شداتو كتنفخ غادية وكتنكر :يشبعني عصاا وندي ليه كسكسوو ياكل فيه السم ....بغيت ليه لهرس فدوك ليدين لي تحطو على حنكي
صونات فلانتيرفون واقفة فدريجة تطل عليهاا من شرجم خرج كيلبس فتيشورت دييالو ...ميت مهلوك بلعيا ونعاس حل لباب ونزل كيحك فعنقو ويعوجوو بالم تحل باب الداار قبل ميهدر قالت:شد شد
هيبة:من غير لهزيتيه المجووعفة الله اخليها قاعيدة ...
**
صباح صبااح ملي صلاة اقبال لفجر معاوداتش نعسات لبسات حوايجهاا عبارة عن سروال دجين كحل او مونطو فصوف من لداخل ولقب فيه ريش كري .. صونا تيليفونهاا وهزاتو كان شهيد جاوباات فلحين وقال:الزين صباح لخير ...هاني لتحت موجوودة !!
اقبال:صافي شوية ونهبط
فاقت حياة بضو وتقدات فبلاصتهاا كتاوب مكمشة غينيها وقالت:خارجة دابا مع لحيبان هههه
اقبال:دعي نلقاو ختك من لهدرة لخاوية
هيبة(تاوبات)صباحوو ....ممم لمونطو جاك وااعر
حياة:طايح عليها سر تاع الزعطة
اقبال (ركلات حيااة من فوق لماانطة وضارت كتهز فوراقها ولبيرمي ديالهاا ) برهوشة
خرجات اقبال كضحك خرجات من دار كان لجو مزال مبانش بزااف ولبررد واقفة طموبيلتو حدا طموبيلتهاا نزل منها حتى هوا مكبط بتجاكيط موطارد وسروال دجين وكاط فرجلو او لكاشكول فعنقوو كل مرة واحد فشكل مكيحيدووش ....تبسم ليها تاتسدو عينيه
وقال: الى قالو زين راك زيين
اقبال:صباح الله تاني ....تسكت ولا نهز طموبيلتيي ورجع تنعس
شهيد:صاافي مباقيش نضحك ...خايبة كي جووع ....
توجه لباب لي اتركب فيه وحلوو واشار ليها بايدو وقال:نهار كبير هدااا ...غسلتها بلورد والريحان باش تركب فيهاا بنت لغالية
اقبال(قربات جيهتو كتحرك راسهاا بلا حول ورركبات كتسناه يسد لباب تحنا عليه )غنباتو هناا
شهيد:تقريبا عاام يمكن ...معقلتش ....وفهاد لعام شي شهر لي كنا بخير ...هيا من النوع لي كيبغي يخنقك ...فين كنتي فين مشيتي تقلب تيليفوون
اقبال(شافو لقدام)من حقهاا مافيك تيقة ابو لعيالات
شهيد: اقسم بالله منهار خطبتهاا شديت معاها طريق ...بنت الناس معرفة تاع لواليدة مبغيتش نخرج معاها لعيب قلت هدا لوقت نديرو وليداتناا ونشدو لرض السعاتي مخلاتنييش منكدبش علييك ...غير لواليدة الله اهديها اماا كنفك معاهاا الف خطرة فشهر
اقبال:حتى لخطبة لطولات كدير مشاكيل
شهيد:مبقات لاخطبة لا زمر ...ساليت معاهاا تمشي تفرع راس مهاا
سكتات اقبال مزادت وراه كلمة كتبقشش فتيليفونها تصونا جابر هضرات معااه وصاتو على لمحال لي خلات محلول ل مهدي وقطعات معاه
بعد سعاات دخلو لربااط لعاصمة ....بشوارعها لكبيرة ونقية وقت طناش طريق عامرة ..
شهيد:شنو بان لييك نتغداو ولا حتى نشوفوو هاد نادية متوكل
اقبال:نمشيو بعداا نشوفوو عاد نعرف اش كاين
شهيد:واخة ...هز تيليفون واقف فسطوب كيدور نمرة لصاحبو تشدو وحطو داير مكبر الصوت باش يقدر يسوك على خاطروو
شهيد:رضاا بخير اخوياا !
رضا:صافاا صافاا الحمد لله ...لبنت لي سولتيني عليهاا راها كااينة وهضرت معاهاا ...قلت ليها واحد لولد بغا يهدر معاك ضروري يسولك على شي حاجة
شهيد: يكما مبغاتش ؟
رضا:نن با ديتو اتكون معاياا مع لوحدة وهدر معاهاا ...داكوغ
شهيد:مغسي بوكوو خوياا
رضا: داكوغ نخليك
قطع معاه وشاف فاقبال لي كطرطق صباعهااا وقال :لحمد لله متعكساتش ليناا ...دابا طناش ونص انتسناو هنا واحد نص ساعة بينما جاا...شنو سميت خالتها بعداا
اقبال:عتيقة اوو راجلها سميتو السعيد ...
حرك راسوو باه كيتسناو على نار حاطة ايدها على ركبتها كتربت بصبااعها بتوتر بحالا كالسة على جمر كل مرة تسولوو فين صاحبك تعطل ....حط ايدو على ايدها فوق رجلها تزكات علىى لحركة وشافت فيه
شهيد: رخفي فيك النفس غيجيو دابااا
اقبال:ففف
شهيد:عرفتي شنوو...خليني انا نهدر معاهاا ندخلها بشي طريقة لي تعطيني العنوان بلاا متشك ...الى شافتك هكا مستريسية وزربانة غنكونو كبينا لما فالرملة
بقات اقبال ساكتة كتاكل فشناايفهاا وتوتر رااكبها من ساسها لرااسهاا
شهيد (شاف صااحبو ومعاه بنت واقفة معااه وشاف فاقبال)هاهوماا جااو
خرجوو ناحية لبنت وصارحب شهيد ...اقبال حلقها نشف وقلبها غيسكت لاول مرة كتلف ...خافت متعطيها شلبنت راس لخييط ...
شهيد(بضحكة وتبسيمة توجه لعند صاحبوو تسالمو سلاام رجولي بلعنااق )عاش من شاافك
شهيد:ااه خالتك عتيقة !! ديك السيدة كانت عزيزة علييا بزااف وعمي سعييد بغيت هي نشوفهم ملي مشيت لفرنسا مبقيت عرفت عليهم حتى خباار ويمكن لعنوان لي عطاتني مبقاتش فييه
نادية:نعطيك نمرتهاا وهضر معاهاا
شهيد:لااا !! ههه انا بغيت نفااجئهاا ونمشي عندهاا بغييت نشوفها وا تعرفني من ورا هاد سنين ولا لا .... غتكون باقة تيتيزة كيف كانت
مداتهاش فيه ركبات وقربات لكرسي شوية لقدام عارفاه طويل لعجلات رجليه طوال تقدات ودارت السمطة في حين هوا ركب حداهاا
شهيد:ابلااتيي ...نهدر مع مي بعدا نتسامح معاهاا ومن بعد قلعي ههههه نتوما لعيالات سوكانكم اللارووب
اقبال:الى مكانت فراسك لعيالات راه وصلو لقمر كيتك نتاا
دخلات وسط طريق جوايه جوج من جديد زحام ساايكة بهدووء وتقاالة عكس شهيد كيعفط فطرييق او كيبدا يضوبل فعباد الله بلا موجب شرع ...خرجات من رباط بسلاسة وشدات طرييقهاا عماتها شمش ف عينييها لي بانت من وسط ضباب واضحة مرة تبان مرة تغيب ...
مد ليهاا شهيد نضاضرو وقال:ديريهم باش ميضروكش عينيك
اقبال(شداتهم دارتهم وقال)شكرا
بعد سااعة ديال طرييق وقفوو جنب طرييق من بعد ما لما تاع سويكلاص مبقاش خدام وزاج ضبب ...
شهيد: نسيييت مزدتش لما فييهاا
نزلو من طموبيل وحلات لكابو عندها قرعة تاع بمحلول ازرق خاص بسويكلاص عمرو ومشات جرباات لقاتو خدام وقالت ...مشيناا
شهيد:صبري شوية ...نهار كلو ديالناا شميي لهوا شوي
سدات الطموبيل وتكاو عليهاا شوي جو باارد مقابلين مع ارض زرااعية خضرة وهوا نقي طريق خاوية تقريبا قليلل فين كدوز شي طموبيل
شهيد:اقبال
اقبال:ممم (شافت فيه نعاام)
شهيد (تقابل معاهاا حاول يرجع ليها زغيبات ورا ودنها السعاتي معامن هوا ضربات ايدوو فسماا قبل متوصل لوجهاا وضحك)تفو على ماركة
اقبال:هضر كي نااس وشد ايدك عندك
شهيد: نتي كتخلينا نهدرو كي نااس ؟؟ وخة نهضرو كي نااس ... كتعجبينيي ا اقبال (شاف فيعينيهاا لي كيرمشو فيه وكمل)كتحمقيني ....ومغنتفاكش معااك ....غنتزوج بيك وخة نعرف نشنق عليك تالعند لعدول
اقبال(حلصرها بايدو على الطموبيل دارها لوسط مخلاها فين تمشي )واشش نتا شوية لبااس هههه حيد اشهيد من بسالتك
اقبال: لساخي نتا بروحك انا مزال باغة نعيش ...واش نتا يالله مخلص برووصي ديال السرعة وبااغي تاني تزيد ....
بعد نكيرهم شددلت طريق محبسووش باقي تالفااس بعد ساعتين ونص كانو فمدينة فااس ... كل مرة يوقفو يسولو على لعنوان واحد يسيفطهم لطرييق تدخلو فنطاق فيلات صغار يالله تبناو كاين لي صالح كاين لي مزال مسكنش فيها كايين لي خدام فلاصلاحات وزواق جردة
شهيد:بلاتي نسول هاد السيد ...
نزل من طموبيل كيسول والراجل كيوريه فين اما اقبال عينيهاا كيدورو فلارجااء ...كتفكر كي غيكون اللقاء قلبها كيرفرف هي بووحدوو من توتر ...ركب حداهاا شهيد
وقال :سيري طوالة ...لفيلا اللخرة على ليسر ديالك هوا لعنوان
اقبال:متاكد ياك !!
شهيد:جوج خطوات وغنتاكدوو بعينيناا (حط ايدوو على ايدهاا )رخي فيك نفس واخة ...متسرعييش وتهدني تقدر تكون لبنت معاارفة واالوو ....متنساايش راهاا فسن كغااف بزااف
تحركات بالطموبيل وقفو فعين لمكان حدا فيلا مصلو حة باخر مكااين جردة ولباب من لعوود منقووش غادين فاتجااه الدار تحبسات اقبال عن الحركة ملي شاافت مرااهقة عاطياها بضهر بشعر حد ضهر زعر بدا قلبهاا كيضرب بغات تزرب تششدهاا شهيد :اقبااال
اقبال(عينيها تغرغرو وبان برييقهم لي خلاه هي كيشووف )ختي اشهيد
كالسين قبالت التلفاازة كيتفرجو من بعد يوم شاق فلخدمة... حياة دايرة بانيوو تلماا كدفي فيه رجليها لي طابو بلوقيف ااما هيبة مزال مجات من اخدمة حيت هيا اللخرة كتسد ...
حياة:رجلي طااابوو بجهد ففف
الغالية: وبسيف واش طالون ولوقفة
حياة:راه ماشي لخاطري ...الى لبست لبلا مكنرتاحش فيه فلخدمة ولفت
غيتة:وااقبال مغتجيشش ليوم
الغالية(تنهدات )معرفت اش داارت ...
حياة:راها فااس داباا
غيتة: ممم حياة نطلبك طليبة
حياة(هزات عينيها فيهاا) شبااغا تاني
غيتة:عفاك خليوني نمشيي ...عرضاتنا واحد لبنت راه شدينا لعطلة بغيت هي نفوج شوية
شد فايدها وتاهياا ما منعاتوش هزات عينيها جيهت لباب لقات لبنت مكاينااش ....توجهو لباب صوناا فلباب كيتسناو الرد تاتحل لباب من طرف سيظة ف لاربعينات ب بيجامة طويلة سخونة او فولار على راسهاا صابو ديال الدار وفواطة تاع لكوزينة وقال:نعاس اسيديي !!
سعيد: نهاك الله !! علاش غنخبيوها عليك !! حتك ابنتي من ورا ملقيناهاش تكلفات بيها واحد السيدة كانت خدامة عندناا هناا !! ملي عطيناها ليهاا ومعاودنا عرفنا على ختك والووو
اقبال(حطات ايدها على فمهاا بحالة صدمة تدخلات لبنت لي شافت قدام لباب سمعاتها اقبال او قلبها قفز ...وقفات بزربة وتوجهات لبنت لي مفهمات والووو ...شافت ليها فعينيهاا نيشان كانوو كحلين وتوحيمة ف حنكهاا طلقات منهاا
خرج اقبال بزز وفلباب لقاو فاطمة كتحل ليهم لباب لاحض شهيدبلي بغات تقول شي حاجة وعيطات ليها عتيقة ومشات بجري تالفة ...
اقبال:مخبييينها مبغاوش يعطيوني ختي اشهييد
شهيد(شد كتافها بين ايدوو) تكاالمااي ا اقباال عفاااك ....غنلقاو حل
قدام الطموبيل والريح كيضرب فيهم باارد كيهدن فيهاا لاحض عينيهاا لي كساااتهم دمووع ...عياات تخبيي عياات تخزنها فقلبهاا ومتضعفش قدام ايي شخص
حس بيها هازة جبل فوق كتاافهاا زير عللى كتاافهاا وجرها ناحية صدرو بلطف ...معتارضاتش بتاتاا
شهيد (بحب) خرجي لي عندك اقبال ....بكي باش ترتااحي (زير عليهاا وبقبلة على شعرهاا تسمعاات شهقتهاا فحضنو ومزيرة عليه وكتاافهاا كيتهزوو
بلطف كيدوز ايدو على ضهرهاا. وراسهاا باش ترتااح وتنفس شوية ...كان عندها امل كبير يكون لقاءها بختها ليووم ولكن القدر عندوو كلمة خرى
**
لحظة عناقك... لا أريدها أن تنتهي لاتنفسك كلما رآودني الشوق إليك
**
تنهد من بعد ملاحض بلي تهدناات شوي ولكن مفرقووش العنااق لدقاائق كتيرة فنفس لوضعية. تطلقات منوو وبغات تبعد وعوج راسو فيهاا شد ليها وجهاا وقال:صافاا !!
كانت مهبطة عينهاا كتمسح ما تبقا من دموعهاا وحركات راسها باه وعطاتو بضهر بتركب وقالت بصوت مبحوح كتجر فنيوفها:بخير ..
اقبال من النوع لي مكيبغيش يبين ضعفوو او يبكي قدام شي حد من غير لي خلقناا ....انسانة لي كتسبق فرحتهم على فرحتهاا ولو يجيو يطلوو على قلبها من لداخل ايلقااو مرييض كيفتاقد لحيااة وطعمها كيفتااقد لفرحة وبزاف لحوايج هي كتعطيهم ومكتلقاش لي يعطيهاا ولو شوية ....
من النوع لي ولفوها هياا تعطيي هياا تقابل ...هياا تحن فيهم وهياا ضحك ليهم وتكون ليهم كيف الشمعة ....ولكن هاد الشمعة لطفاات شكوون غيشعلهاا ؟؟
قبل متركب حط ايدوو على درااعهاا وجرهاا لنحيتوو وشد وجهاا بين ايدوو وشاف داك لوجه ليي ولا حمر ولعينين حمريين كيالموو ...دوز صباعو على شفارها وهوا شااد وجهاا وهياا ساكتة ومستسلمة على الاخر قال بصوت داافئ :بيلوو !!....غنلقاوهااا وخة نبقاو حياتنا كاملة كنقلبوو عليها ...غنلقاوهاا ...وخة ندق دار بداار حتى نلقااوهاا (باس جبهتهاا بقبلة دافئة بنفس سخوون وختم بقولو : رتاحيي عفاااك
وهوماا فحوار داافئ كيحاول يبرد عليها شوية من لي حاسة بيه سمعو خطوات كيزربو جيهتهم ...دار بجنبو كيلمح فاطمة جاية كتزرب بصابوو وفايدها ميكة تاع زبل وكتشوف وراهاا ...طلق من اقبال لي منتابهاتش نهائيااا
فاطمة(بزربة )الحمد لله لقيتكم مزاال هنا(شافت وراهاا ومدات ايدها لشهيد ولهدرة بزربة )هاداا عنوان السيدة لي عطاوهاا انصااف خلاتو لياا مسكينة سيرو عندهاا ....بسلامة
فاطمة:شوفي ابنتي راه دين على رقبتيي خلاتو لياا هي تعاودليكم انا معارفاش واش ختكم عندها ولا لا لي عارفة ابنتي عطاتني هاد لعنوان وكالت ليا نهار يسول شي حد فانصااف عطيه لعنوان
من واحد لواحد كينزل يسول ...من بعد قالو لهي بليي هاد لعنوان خارج لمدينة بشوية ...مترددوش يشدو طريق لي تنعتات ليهم ...من واحد لواحد وشتاا مرة تجهد مرة تحبس غادين فطريق بلا ميعيااو
وقف قدام جامع كان لفقيه واقف باش يدخل يادن صلاة لمغرب توقف عليه شهيد وقال:السلام عليك اسي لفقيه
..:وعليكم السلام ورحمته
شهيد (شاف فلورقة)عفااك كنسول على هاد لعنوان وقالو لياا هاد دوار نييت ....واخد السيدة كيقولو ليهاا(شاف لورقة تاني)بنت ..بنت لغزواني
...ىايييه عرفتهاا اولدي شكون ميعرفش لغزواني ....عندو بنت وحدة ....اتمشي اولديي نيييشاان شفتي ديك الدار لحمرة لي عالية شوية ومصلوحة !! قدامها كاينة واحد دويرة صغييرة ايوريوها لييك نااس
شهيد:شكراا اسي لفقييه
رجع لطمروبيل وشاف فاقبال :قربناا دار لي هناا (شاف فطرييق )نتمشاو على رجلينا حسن !! زنقة ديقة بزااف
اقبال:داكشي لي بان لياا
خرجو من طموبيل كيتجنبوو لايس فلارض رجال جايين يصلييو وخة شتاا ولبرد او دراري كيلعبو فلغيس بعد شهيد اقباال لجنبو ملي شاف سيد جاي فوق لبيكالة باش ميطيرش عليهم لغيس تنهد وهوا كيشوف فطريق كي مزفتة عليهاا حفااري ولماا وديوور حالة يرتى لهاا وصلو لدار لحمرة وسولو وسيفطيهم لدار فلقنت كانت قديمة الدار ولباب رااشي من لحديد بلما لتحت ومصدي ....اقبال مبقاش ليها جهد تهدر كاع صدمة على صدمة ...دق شهيد فلباب لي كان مشدود هي ب السلك مكاينش بلاصت الساروت ...سمعو صوت سيدة من لداخل جاية وحبس
حلات سيدة كبيرة فلعمر شوية غليضة ولاوية عليها بينوار غليض شافت فيهم وقالت:علامن تسول اولدي ؟
شهيد:بنت لغزواني !!
....:انا اولدي شكون نتوماا
اقبال:جينا عندك من طرف فاطمة ....نتي هيا لي بقات عندك انصاف ...انا ختهاا !
حكاية أنثى الجزء الثامن
محتوى القصة
التنقل بين الأجزاء