حياة:ومن زمان بغاتو نسيب ها ربي قبليها ....شكون قال الشيخة دعوتها تقبل (جاتها دقة لكتف )احح
الغالية:إقل حياااك الحماارة ....شنو منفرحش راجل كامل مكمول شكون لي متبغيه راجل بنتها ها....السلكوطة أتولي سيرتها على كل لسان لي مهضر فينا لبارح يهضر فينا ليووم ...عند بالك هاد جيران معارفينش غيثة هربات مع برهوش !!....وجابر هو لي يليق ليها ...راجل قد كلمتو قد دراعوو لمخيرة تبغيه علاش هاد غيثة. متبغيهش !
إقبال:أنا مبغيتش نخسر جابر على ود غيثة الغالية فهميهااا !!....بنتك قطران حار وجابر مغيصبرش ليها ...راه ولد لبلاد هداك باغي مرا حادكة وكادة بيه وبدارها ماشي وحدة مقابلة شعرها وضفارها وتصاور فقنات لبيوت !! ....كون جيت نفكر بحالك كون زوجتها ليه نهار طلبها نهار اللول
حياة:(شدات راسها كتجمع فشعرها )راه بحلاسة هادييك ...شوف كي تاتبحلس عليه دروك حسب الله ملي تزوج بيه ...الراجل تحلوني علييه وخة يكون قاضي لقضا يولي كي لعجينة فايدك
الغالية:(تنهدات) دابا واش تقبل وتقولي بغيتوو ولا تزيدنا شوهة على شووهة
إقبال: منعرف ليها (كطرطق فصبعانها)هي قبيلة كتقوليه خويا! ودابا توافق تزوج بيه ....بغيتو تمرضونا بهاد تزويجة وصافي
حياة:هاا
ياك أ إقبال سرها زواج أش تبقا دير وراك أو ورايا أنا نمشي ...نتي غتزوجي واش الغالية اتبقا تابعاها درجة درجة !!....ختك فيها واحد دودة ميصلاح ليها هي الدكالي ايبرد مها فخطرة تولي تهضر وعينيها فلرض كي دجاج لما
غيتة:هءهءهء معرفتش هءهءه قاليا الى هربتي غيقلبو علييك ويرجعوك تقراي
اقبال:علاه انا غير جيت وخرجتك من قرايتك
حياة:قاسك !!
غيتة:(كتمسح عينيها من دموع وتحرك راسها بنفي)والله مقاسنيي مخليتوووش
حياة:(ميقات )كنتوو كديرو قيام الليل ها ....كنتي كتسنايه ينعسك على الريش !! علاش هربك ابنت لحرام هي باش يدييك يغتاصب مك ويلوحك لكلاب
غيتة:(كتافها كيتهزوو وغاطسة راسهاا وسط رجليها ) هؤهءهء منعاودش والله
إقبال:شوفي أغيثة غنجيك من اللخر ...غتزوجي
حياة:ختاري دروك يا تزوجي بهاد شمكار لي شوهتي راسك وشهمتينا معاك بسبتوو يا تزوجيي ب واحد خر...
غيتة:(شهقاات كترعد ونزلات على ركابيها كتبكيي وتزاوك مشات عند إقبال وسط رجليها شادة فيها برجاء)لا لا اختي عفاك عفاك ....هءهءهء متزوجينيش ليييه الله ارحم ميمتك مبغيتوش مكنبغييييهش
اقبال:مكتبغيهش وهاربة معاه !!....فين كان عقلك أغيتة فين
غيتة:ديوني دابا لطبيبة تقلبني وحق القران الكريم مقاسنيش مخليتووش ه،ههءهءنء هربت هءهءء وعيطت ل لجابر جا سلخوو
حياة:داك جابر بالضبط !! هوا لي غتزوجي بييه
غيتة:(تسرطات ليها لبكية ودموع هابطين على حنووكها كيجرييو طلقات من رجل إقبال كترمش وشافت فحياة كتحرك راسهاا بلا وشعرها طايح على كتافها مشعكك )هء كتكذبيي عليا هءهءهء
إقبال:جابر بغاك لحلال وحنا قبلنا أغيثة ....دابا عندك جوج إختيارات يا هو ! ....يا ترجعي عند هداك
حياة:دابا لاش كتندب ليا هنا هاه ....باغة داك سلكووط
غيتة:مبغيت توااااحد اختي عفاك هءهءهء مبغيتش نتزوج (جرات حياة او وقفات بهستيرية )نووووضي نوضي ديني لطبيبة والله تا باقة بنت مقاسنيش علاش مبغيتوش تيقوونيي هءهءهءه انقتل راسي والله تنلووح راسيي من سطح
حلات لباب وغادية كتجري ترجعاتها الغالية من شعرها وقالت :زيدي الكلبة بقات هي شوووهة سطح ....ها دخلي
غيتة:اي اييي ماماا طلقينيي وهءهءهءه
دخلاتها لبيييت كتعطيها بصندالة وحياة كتغوت أما إقبال شدات راسها وغمضات عينيها....قلبها كيتعصر وهيا براسها مبغاتهاش تزوج هاد تزويجة لمعوجة !! ....كانت بغاتها تمشي بعزها وهيا لفوق وراسها عالي ومفتاخرة براسها وبشنو دارت ....كانت اقبال بغات تفرح وتقول اه انا لي ربيتها ...انا لي كبرتها ...انا لي حيدت من عمري وعطيتها....او وصلاات لاش بغات ومامشاش جهدي خاوي
وصلو لقدام العمارة فين كاينة دارهم ونزلو مبتاسمين لبعضهم بعد شهر عسل زوين ..هبط هو ليفاليز وجرها حداه داخلين للعمارة وتيضور عينيه كيسكاني..
حل باب الابارطومون بساروت وبابتسامة نطق:دخلي احبيبة
فرنسات ليه ودخلات متعبة واها ماشي هي لي سايقة..ديركت تلاحت فاقرب فوتوي بتعب فحين هو كي سد الباب بدا كيشمشم وقال:ريحة الغبرة فففف
مشا حل الشراجم وهي متبعاه بعينيها..صبعانو دازو على لي طابل لي فطريق..وعينيه كيشوفو فالارض باشمئزاز
هيبة:جلس ترتاح اتكون عيتي
صديق:فين غنجلس؟؟دار كلها موسخة(مخسر سيفتو)ندمت لاش مشيت وخليتها
عطاتها للانتقادات تاطابت وعيات وهو جهدو مبغاش اسالي. مكملات ديك الدار تا ظوزات فيها ربعة تسوايع..عاد وقفات فالحمام تتحك فيه وتنهج ولات كلها مشنتفة وعرقانة وحمرة ..ويديها طابو حيت سيد تيبغي الشقا بجافيل وهي مع بيضة دغيا بان فيها وولاو يديها حمرين بجافيل
مكانتش عندها لا لقدرة لشي علاقة ولا حتى لݣانة .. بقبلات على عنقها حتى مصو ليها وخلا لطراس فسخ ليها حوايجها وبقات قدامو كيف تخلقات
بدون مقدمات بدا عملية الايلاج وهيا مامستاعداش غوتات حيت توعتات حيت كانت ناشفة ...اي بمعنى علاقة دون إثارة بالنسبة ليها او حتى مداعبات لي كتخلي الغريزة عند الأنثى تكون وتبغي حتى هيا العلاقة
كيغطس راسو فعنقها بدات كداعب شعرو وظهرها فور مندامجات معاه فلعلاقة ...ولكن سرعان ماهو أعلن عن نهايتها ...بوسة خفيفة على فمها كينهج وقال:بصحتو...بقاي هكا شوية سمعت بلي لمرا لبغات تحمل مخاصهاش تنوض ديك الساع !
مد ليها باش تمسح خلاها مصدوومة بحال شي حاجة بداتها ومكملاتهاش داها لعوينة تشرب ! ورجعها عطشانة
مشا دوش ليه بخاطرو وهيا ضارت على جنبها معجبهاش لحال ...كيلبي رغبتو فيها وهيا لهلا يقلب فرغبتها ونشوتها واش وصلات ليها او لا
في بعض الأحيان ...أغلب مشاكل الأزواج كتكون فلحياة الزوجية الحميمية ...يقدر يبان مشكيل بسيييط ولكن مع لوقت كيبدا يتفاقم بلا ميحسو ...
هزات تيليفونها كتصوني لإقبال مكتجاوبش ...وحياة حتى هيا ساطت وزادو على ما بيها بالها مشوش ومهانيش ...من نهار تزوجات مكيجاوبوش وحتى ملي يجاوبو كيبانو ماشي نورمال ...
خرج لاوي عليه لفوطة مع هيا بغات تحط تيليفوون ....كمش فيها حجبانو وقرب ليها :معامن كنتي كتهدري ؟
هيبة:تا مع وااحد ! غير صونيت ل حياة ومجاوبااتش
صديق:علاش كتصوني ليهم ؟
هيبة:راه خوتاتي يمكن ! نتا مكتصونيش لخوتك
صديق:(توجه لماريو كيحل حوايجوو مستفيين طاويهم بيدو تريكو على تريكو وسروال على سروال لقوامج معلقيين وتقاشر مرتبين فلمجر هوما و الملابس الداخلية ) كنهدرو الى كان علاياش نهدروو
هيبة:اوى نتااا ! ...انا منقدرش نعيش بلا خوتاتي هوما لي عندي
صديق:كنبغي نسولك وكنسا !...باك فيناهوا
هيبة:(تكات راسها على لمخدة ومغطية صدرهاكتلعب بايدها)معرفت من صغر مشفتوش ...ملي مشا
صديق:على هاد لحسااب مك كانت صعيبة !
هيبة:بجوج بيهم كانو خايبيين ....فاللخر زاد وخلانا ...وإقبال مسكينة لي هزاتنا وقراتنا ...وخة ماما تهيا خدمات ولكن ماشي بحال
صديق:(قرب ليهاا كيمسح فشعرو )فاش كانت خدامة ماماك !
ناصر:مينة راك زدتي فيه شوية !! ...الى كانو هوما مفاهمين اش دخلك نتي فيهم
مينة:(صعرات) ولدي هدا قلاك سهرت وكبرت وفاللخر يدي لي منبغي !وا كون هي شي عائلة تفرح ....بوها سكايري ولم خارجة لطرييق ؟ واش نتا كنتي معانا ولا لا!! عجبك اش كيقول ولدك
شهيد:لواليدة ! راك هي كتمرضي فراسك بلا فائدة !! ديك لبنت إن شاء الله هي لي غادي ندي!....أش كان كيدير باها ولا أش كانت كدير مها ! داكشي مشغليش فيه ....غناخد لبنت ....تحطها على جرح تبرا
مينة:(ميقات )تحطها على جرح تبرا .....هيا بيطادين ....أسمع نقوليك اولد كرشي ! دوك ناس ماحنا منهم ما هوما منا .....واش 15 لعام باش تهنيت من دلقوووشهم تديني عندهم نخطب هاد بنتهم !!
ناصر:(هز حاجبو كيسووط مرتوو واعرة وحارة قطراان )والله الالة الا باز
مينة:نتا سكت حلوة قدام ولادك....وخة يجيب ليك تا بنت حباس تقوليه الله يسخر اولدي ...حنا بغينا ليه عائلة محتارمة بنت الاصل ولمفصل وبنت شكون وشكون ....مخلي وحدة كتشقشق بالزين ونقا وغادي ليا عند وحدة علم الله وااش نيت نيت بنت السيكليس
تدفعات الطبلة بجهد تاتكفح كاس وناض شهيد معصب وقال وهو عاطيهم بالظهر خارج: مرضتينا فعقلنا برب
سمعو لباب زدف وخرج معصب لطموبيل ...كيكمي !!
لكماية عند شهيد فقط ملي كيتعصب أما ملي كيكون ناشط أخر حاجة طيح فبالوو ....
مينة: يالله زيد ...ولا يخبط علينا للبيبان !! غدا ولا بعدو يولي مسوطنا
ناصر:خلي عليك لولد أمينة ! راه عارف أش كيدير واش تزوجيه بوحدة مباغيهاش ! خليه يدبر لراسو هو لي غيتزوج بيها ماشي حنا!! ...هو بفموو كيقوليك لبنت تحطيه على جرح يبرا...هو لي عارفها غنعرفوها حسن منوو .....كوني تسمعيي أمينة وخلي عليك لولد يعيش حياتو
مينة:شلا حياة بغا يعيش مع داك لكنس الناقص ....علم الله اشمن جايحة تلات بيهم
ناضت ملاك كتجري خرجات بقا هي ناصر و مينة
مينة:وا ناصر واش تضمستي ولا زمان دار ليك زهايمر !! ....نسيتي ديك خيتي أش كانت ولالا هاه وخارجة الطريق ....وحاسة بجنابها علم الله هاد بنتها كي غتكوون نسيتي بلي عطات بنتها صغيرة !! ....ياك نتا الفهايمي سلختييه وتصرعيتي عليه باش يفرق بنت السيكليس
ناصر:كان صغير أمينة ! كانو عندو امتحانات كنت بغيتو يجمع راسو من رفاايݣ ...أما لبنت كانت درويشة لمعقول يتقال أمينة واه متكونيش عاقيصة !!
ميينة: (حطات ايدها على صدرها )أنا عاقيصة أنويصر
ناصر:اوى هي هادي(عطاها بجنب كيشوف فتلفازة)
هزات مخدة صغيرة سيفطاتها عليه جاتو فلوجه وقالت: الله ينعل لي ميحشم
حياة:شحال من وحدة تزوجات واحد مكانتش تحملو ! ...رجعات كتموت عليه ...ها انا نيت مالييي كنموت فدااك شبر ونص تاع مْحَيْنة ....بيا غير وراقي ولكن بزز مني نتحلون عليه
إقبال:(مسحات على وجها )متقارنيش راسك بغيثة أحياة ! واش جابر هو محمد ؟
جابر أحيااة أنا لي كنعرفو راه قدما كتشوفيه كيضحك راه ميعقلش عليهاا لدارت علاش
حياة:خليها تربا يضربها وميخلي لي يضربها ! على اساس دروك مضاربهاش يتسناها تاتولي مرتو
إقبال(تنهدات )مبغيتيش تفهمي والله ....جابر قاسح على غيثة ابنادمة واش كتفهمي
حياة:(ضحكات) من جبهت لح** ايبرعها ....يبرد لمها دودة لي فرخات
إقبال:(شدات رااسها) أنا فين وهي فين ! ....خلينا من غيثة ! شنو درتي معاه
حياة: يجي هاد سيمانة على حساب هدرتوو ففف لاش جاي ...يسيفط ليا انا نقاد شغلي راسي
إقبال:(حركات راسها بلا )حياة هدشي فاش غادية مغاديش يكمل على خير ...هاودني منك تصدقي نادمة
حياة:الحياة تجارب احبي ....ياربحة يا دبحة
دخلات عليهم الغالية وكلسات وقالت:امتا قاليك جابر ايجي؟
إقبال(شافت فيها )زربانة ...خايفاه يهرب ولا
الغالية:داك لولد مقطر ليا من عيني بغييت نتناسب معاه ....كنت بغيتو ليك تفاهمو ولكن ملي بغا غيثو الله يسخر تاهيا دابا دير عقلها مع لوقت
إقبال:غنهدر مع جابر ...هدشي مامنو والو واش يجيب جداه عاد نوليو محاشمين معاهم !! النااس كنمشي عندهم ترسل وتسول تجي لبرهوشة تاع بنتك تشوهنا
الغالية:غتزوج بيه واييدها على راسها....خليني مني لييها وكوني هانية غير ديري مع ناس
اقبال:نرجعو براهش
الغالية: ديري نيتك معايا أ اقبال ها مرة يا بنتي ولا عليك
حياة:يالله ورينا ....خدمي دوك الافلام لي ضلي تشوفي
دخلات لغالية عند غيثة لقاتها مكورة فقنت سرير غاطسة راسها وسط رجليها باقة بنفس لحوايج ....شعرها طايح على جنابها طويل ....كيتسمع هي تنخصيصها وصوتها بح بكترت لبكا
الغالية:غيييثة ...غيثة نوضي بدلي دوك لحوايج
غيتة(من وسط رجليها )هءهءهءه بع ....هءهءه بعدوو منييي بغيت نمووت
كلسات حداها كتهز ليها فشعرها وقالت:يالهبيييلة واش جابر شي حد غريب عليييك
غيثة(بغات تموت بلبكا )لا ولا ولااا ههءءهءهءهءه مبغيتووش هءنءنءنءهءه اععععع
الغالية:هانتي غير سمعيني وحليي وذنك !....واش عند بالك دروك لمتزوجتيش بيه ترجعي تقراي هاه تخرجي لزنقة وتخرجي مع لبنات كيي كنتي....والله يا بنيتييي لعتبتيها لكراطة وجفاف تيجي لي يديك .....شوفي غا ختاري وهني راسك شوهتيه يا نسترو هاد لفضيحة بجابر منا وفينا يا تسترييه بداك لكلب لي هاربة معاه ومخليانا كنتشواو
غيثة: (شدات يد لغالية كتبوس وتزاوك )عفاك اماما ه ءهءهءهءهءه الله ارحم ميمتك مبغيتهمش هءهءههءه وجاابر راه خووووياا واش غتحمقووني واش كاينة شي وحدة كتزوج بخوووها
الغالية:جابر كون معتابرك ختووو ميجيش يخطبك ....لي معتابرهم خوتاتو هوما لي كبروو معاه ....اسمعيني الله ارضي عليك ...هانتي ابنتي راك اتقتليني بسكر واش مبقيت فيييك هاه هضرة ناس واش باغة تقتلينا ! ...درب كلو عرفك هربتي وشافووك مع جابر ....شوفي هانتي كاع مبغيتيش ....دوزي غا شهورا وتفرقوو الى متفاهمتوش
إقبال:(بهمس)واش هادي بعقلها؟؟
حياة: على أساس جابر يطلقها؟؟
غيثة:هءهءهءه حرام عليكم
الغالية:ومع لوقت يرجعك تقراي منخافش عليك .....نعرفك بحيليسة وحاجتك تاخديها ....واش واحد يعيشك مزيان ولا واحد يتكرفص علييك ها هدا لي هربتي معاه في يبان قدام جابر ....كان غيتكرفص عليك ويلوحك لكلاب ياكلوك كونما جابر
الاخيرة كتسمع وتبكي وتعض فيدها جاهلة وتحرك راسها بلا فينما جاتها فكرة انها تزوج بجابر فبالها
غيتة:هءهءهءه ولا ولا ولا ولا
الغالية:شوووفي أغيثة ....الى مدرتيش بهدرتي حسبني مت ودفنتيني مانتي بنتي ما انا مك ....مرضتيني وهلكتيني وطيحتي بوجهي اللرض ....هدا هو لحل لي بغينا مبغيتيش ؟ وجدي راسك تجوجي بداك لي هاربة معاه وداك لخنز يا لخانزة كنتي فلعز ومشيتي لدل برجليك
الغالية:فطري وندخلك نحك لبنتي ....الله ارضي على بنتيي ....ديري بكلامي والله متندمي
مهدراتش من غير دموع لي شقو طريق خدودها تاني
دخلاتها لدوش من بعد مسخناتو دوشت ليها وغسلات ليها شعرها لي تشعكك وتعقد بنتيف وشتا لي طاحت عليه ....وغيثة كتبكي بصمت
الغالية:براكة غير لي فينا يكفينا أغييثة ....متزيدينيش تانتي براكة هي قرحة إنصاف كاوياني ومخلياني بلا نعاس ....متزيدينيش نتي....راني نموووت راه مبقيتش قادة على هم
اقبال: يمكن غدا (تنهدات )ندوزو هاد لحريرة عاد نشوفوو
الغالية:وهاك دي معاك صينية
هزات الصينية والغالية بطبسيل كبير تاع لحلوة و ديال لفاكية ...حطو كلشي على طبلة وفرقو كيسان اتاي
حياة:امتا ترجعي لخدمتك ! نهار تنين!!
هيبة:همم (حكات تحت ودنها وشاف فصديق ) لا مغنرجعش
خرجات حياة عينيها وحطات لكاس بغات تدوي و حبساتها اقبال عرفات فمها كينطق هي عسل وسكر
اقبال:علاش اهيبة !
بغات تهدر وهدر صديق من بعد محط داك لكاس بلا ميشرب منو. وقال:عادي ...هيبة مغاديش تحتاج لخدمة ! وخصوصا هاديك فيها غير تمارة !
حياة:تمارة !!
هيبة : قاليا الى قنطي غتخدمي معايا...دابا هاني كالسة تنلقا محسن ....فشي شركة بعدا
اقبال(بهدوء)متأكدة !
هيبة:اه
هزاات حياة حلوة كتبرد فيها وتهدر هي فنفسها :يالله سيري نتيي جري على وحدة باش دخلي دمدومة تختك فاللخر طلع معاك لقالب !! وخة تكوني واكلة مخ ضبع
الغالية:سيي صديق ! كول أولدي شي مكلتيه !
حياة:(ميقات )راه كيعرض بوجهو ا مي ! ....صديق راه من لفاميلة دابا كاع متعرضي عليه
صديق: غير بصحتكم راه قدامي لبغيت راه اناكل
هيبة:واش غيثة مبقااش بغات تخرج من داك لبيت ولا ! (حطات كاسها) نمشي نشوفها
فعلا وقفات وتبعاتها حياة فساعتها مع حلات لباب جبداتها مع هيبة بقرصة وسدات لباب وراها تناضت غيثة مفزوعة...
هيبة:احححح يعطيك جهل
حياة:كتر من هاد جهل لي غادي تجهليني ابنت لكلب هااا ...نضبر لجد بوك لخدامي وتخرجي منهم !! ...فيها تمارة القحبة كيهزو عليك الرملة
هيبة:راه هو لي مبغاش احياة ففف
حياة:نعل جدك وجد داك بونضيف لي تطليتي بيه ....وجهك صفر تقول جاتك ستيدعا تاع لحبس !
هيبة:ففف راه منع عليا لماكياج(شافت فغيثة )ومال هادي وجها منفووخ ! بكيتيي !
هزات غيثة كتافها وحياة شافت فيها ورجعات شافت فهيبة: طينة وحدة لا نتي لا هيا...مفراسكش الكلبة هربات مع داك السلكوط ! وصلات ليك لفاس نعاماس
هيبة:(خبطات جنابها )اويلي على بنت لحرام ! صافي (قربات ليها ضرباتها لكتفها)تقداو لييك البرهووشة
فيتة:بعدي.مني حتى نتي هءء
هيبة:نتي راه دبانتك عمات ابنت الغالية
حياة:الى عمات نديررو ليها لعكاكز ! ...هاهيا فيديها بغات واحد بعقلو ولا نرميو جدها لداك شمكار معامن هاربة
هيبة:وشكون هدا لي بعقلوو
غيتة:واللهه منتزوج بيه هءهءهءه ...نشرب دوا لفار ومنخليهش يقرب ليا
حياة:شربي تادوا لبݣر الى بغيتي
هيبة:وفهمووني. شكون هدا لي بغا يتزوج بيها
حياة:الدكالي ...بغا يستر لبرهوشة تختك ...شوهاتنا فدرب ..كريمة مخلات لمن قالت راه هربات مع واحد ! ...وسيهم عبد لكبيير شافها طالعة مع جابر فلفجر وخارجة مع فصباح ...حيت جابر هو لي لقاها ففاس
هيبة:(شدات حنكها)ويييييليي على فضيحة ...وييليي على شووهة
هيبة:والوو اصديق غير ديك لبرهووشة بغات طير وصافي الله يزوجوها ويتهناو
صديق:ختك صغيرة ...فعلا كتبان قافزة بلا قياس خف من رزقهاا
هيبة:دابا دير عقلها(شافت فيه )غنرجعو فلعشية ياك !!
صديق:تنشووف ...
سد الموضوع هناا وزاد بطرييق وقف قدام مارشيي وقال:بقاي هنا نتقضا لي خاص ونجيي
هيبة:نمشي معاك
صديق:(كيحل فلباب ) دنيا عامرة هي بقاي
خرج وسد بلكونطاك ديالو ملي بعد ...طلع شراجم مضلمين عليها ...حاولات تحل واحد فيهم مبغاش ساطت وبقات شادة تيليفوون كطلع وتهبط ...حتى حسات بلكوفر طلع دخل تقدية ومشا لبلاصتوو ...هبط شرجم لي من جيهتوو فقط وشافت فيه وقالت؛سديتيي كلشي تخنقت
صديق:اش بغيتي نخليهم يتمنضرو فيك لبراهش ؟....مكتشوفيش فطريق كيف عامرة
هيبة:انا مالي ومالهم اصديق
صديق:والو هي يتمنضرو فييك
ساطت ودورات راسها لجيهة زاج وقال :وحلو غير شوية يتنفس
صديق:(ديمارا) ندخلو لطريق بعدا ونحلوو
ساطت من نيوفها وسسكتات حل زاج شوية فقط وزاد...
الغالية:لبسيه متمرضينيش اغيثة !
غيتة:هءنءنء واش كاين شي حاجة بزز اماما مبغيتش ...هيا مبغييتش
ضحكات وعاوناتو فتقدية لي هاز وشدات فايد لحاجة تطلعاتها كل جوج درجات توقف كتنهج
الحاجة:اهيا خيك كبرنا
اقبال:هانتي وصلتي ههه
تلقات ليها لغالية كضحك وناشطة عكس لي كتبكي لداخل وحياة كتلبسها فلقفطان وتقاد ليها فشعرها
الغالية:مرحبا والف مرحبا الحاجة
فصالونهم المتواضع..جلسات الحاجة جدة جابر مع عمو وجابر لي جالس تيمسح فيديه على سروالو..الجو مكهرب عند اقبال جابر والغالية اما تا حياة راه مشات دخلات عند غيثة لقاتها تتهرنن
حياة:(خرجات فيها عينيها)واش نتي باقي هي كتهرنني..فاش هربتي يالقحبة مبانش ليك تهرنين يااك...(خزرات فيها )تكعدي لبسي عليك
غيثة:(تتبكي بحرقة)معمري نسمح ليكم
حياة:(بسخرية)لهلا تسمحي..تانسمحو ليك حنا بعدا عاد سمحي نتي..تجعدي براكا من الفشوش الخاوي
ناضت تتجدب وتبكي تتلبس فالقفطان وتطلق شعرها ..شداتها حياة قادات ليها وجهها بشوي تالماكياج ميبانش داك الحزن كولو فوجهها..كيما كان الحال باقي صغيرة واي نكسة خاطر تتبان فوجهها
الغالية:مرحبا بيكم الالة الحاحة نهار كبير هذا
الحاجة:ترحب بيك الجنة والخير الكثير ابنيتي...وفينها عروستي
؟؟
اقبال:هاهيا شوي وتجي ...كبي ليهم اتاي
كبات ليهم اتاي ودورات اقبال طبسيل تالحلوة مشكل عليهم خداو منهم لي حب خاطرهم
الغالية:الله اكبر بيكم(بابتسامة)تا جابر راه عريس تمناه اي مرا لبنتها..وولدنا ماهوشاي غريب علينا ..وانا منلقاش حسن منو لبنتي غيثة....
على ذكر اسمها تمات جايا من البيت لابسة قفيطن فالشيبي بارد سامبل وشعرها طالقاه على راحتو مع ماكياج خفيف خلى الدكالي احل فمو مضبع فيها..من ديما تتحمقو بزينها كلها على بعضها كتفتنو..متيقدرش اقاوم زينها وحركاتها الدلوعيين..ايام وشهور ويمكن سنين وهو تيقنع راسو بلي راها بحال ختو لكن ما فالخاطر ميمكنش اتخبا
ساحراه بمشيتها وبدوك شفيرات لي بلا والو طوال ودوك الشوفات..كان هو لوحيد فعائلتو لي قاري بلي معاجيها حال ومابغياش هاد زواج..اما الحاجة راه تتفرنس عاجياها غيثة وفرحانة
الغالية:سلمي ابنتي على ناسك
زيرات غيثة على يديها من هاد الكلمة..وتمشات جيهة الجدة باست ليها راسها ويديها ونطقات لوخرا:اتبارك الله والصلا على نبي..
الجدة:اوا على بركة الله..تاحنا منلقاوش حسن من بنتك الالة الغالية
الغالية:الله يكبر بيييك
جابر:مكاين لاش نتعطلو..اقبال غدا حمعي ليها وراقها
غيثة:(نقزات كي الحزقة)عندي شرووط
الغالية:(تحرجات)ههه ماشي وقت تشراط
غيثة:بغيت العرس
عقد جابر سبعة فريعة ونطق؛نديرو العقد والعرس تالصيف
شافت فيه خايفة ونطقات وعينيها على اقبال: بغيت العرس
الجدة:مقالت عيب..نعرسووو ليها ههه
اقبال:حممم
جابر:نديرو لاكط والعرس نهضرو فيه من بعد
بغات تهضر غيثة قرصاتها الغالية وفرنسات للناس خلات الهضرة واحلة ليها فحلقها ..قربات تبكي وتجدب تتشوف ؤاسها غتزوج بالبلاش وهذا سر لي يخفاف تا كيجيبها فراسو
دازت الهضرة والاتفاق كان على اساس غدا تجمع ليها اقبال وراقها باش اطرقو مسمار العقد..اقبال ممرتاحاش وحياة بغات هي تصدرها متخليهاش وراها تمحن اقبال اما الغالية هي المباركة لتناسبات مع جابر
كالسة وسط الصالون كتسنا فيه يدخل وتسوط ...كطوي فلحوايج لي تصبنو لبارح وليزور تاع سرير لي شرط عليها كل نهار يتبدل !
هزات تيليفون وصونات ليه ...صوني ياما تصوني مجااوبش ...تصونا تيليفونها عند بالها هو تلقات اقبال جاوباتها وقالت: بب
مجاوبهاش باقيي قاست حوايجها بلاصوص ومشات تبدلهم ليسمعها طرب من نوع اخر لبسات وهزات لكسوة دارتها فشبكة تاع لحوايج فدووش لقاتو مجموع نقطة تلما مافيه من ورا مدوشش ...هزات حوايجو دارتهم فشبكة حتى هوما مع وخرجات ...حطات لعشا فطبيسلات وزوقات طبييلتها كلشي عاجبها فهاد دار متولة بمعنى الكلمة....كلسو فالصالون كياكلو....ساكتين حيت مهدرش تاهيا فضلات تبقا سااكتة حتى يهدر ....
وصلها ميساج فتيليفون وهزاتوو كضحك وهوا كيشوف فيها وهزات عينيها فيه :غير خوتاتي !
صديق:شنو بغاو !
هيبة:ميسولوش فيا ويلي ههه اجي نسولك ...علاش منعرضوش على خوك او مرااتو ضريفة ديك السيدة
صديق:شدي تيقارك اهيبة !! داري ميدخل ليها حد
هيبة:اويلي راه خوك ومرتو زعمة صلة الرحم
صديق:ملي نبغي نشوف خويا راه كنشوفو فخدمتو ولا زنقة ...مرتو شنو بيني وبينها تاتوصل داري
هيبة:عادي اصديق مافيها والو تا انا بغيت نتعرف على شي حد من عائلتك شنو فيها؟
صديق:خليك بعيدة ! يبقا راسك هاني وراسي هاني ....بنادم مغاديش يبغي ليك لخير هاد لوقت خوتاتك او متيقيش فيهم
هيبة:لا اخويا !! نتوما تربيتو هكاك يمكن حنا لا ندابزوو ولكن منفوتوش بعضياتنا
صديق:شوفي احبيبة ....بغيتي انا وياك نبقاو مزيانين ! ...ديك خيطي بيطي كل مرة لداركم مكايناش وباش كل مرة يجيو عندي هنا حتا هيا لا فلمناسبات مرحبا ...غيرها كل يشد وقارو احسن هكا عيبنا ميديه حد
سكتات وتعشاو جمعات روينة وغسلات لماعن ومسحات لكوزينة تشوف هنا وهنا لتلقا شي طبعة ويبدا نكير لعدوزة تااني ...كان فلبيت متكي كيتفرج من بعد ما بدل وغسل سنانو ...هزات لفوطة ودخلات لدوش هزات شعرها لفووق او دوشات بماء دافي والصابون لا غير خرجات ملوية بفووطة ...لبسات شوميز بشورط منو لحمها ومشطات شعرها هزات بغات دهن ايدها تحبسها وشافت فيه
صديق:اش داكشي تاني
هيبة:غير كريم مرطب ايتقشر ليا وجهي وايدي
صديق:ديري داكشي ملي منكونش عفاك
حطاتو ومشات لبلاصتها حداه تكات على صدروو مقابلين مع تلفازة
صديق:(حل عينيه فلوقت لي كان كيحاول لايلاج )شنوو مالك
هيبة:والو صافي
سكتات من بعد مغطس راسوو فعنقها وقال:مالك ناشفة !
هيبة:(بالم)معرفتش ...وغير بشوية !
دازت ممارستو معاها ناشفة الشيء لي خلاها تقسح بضعف نضا شغلوو و وقف كينهج عكسها هيا لي تحتها عطاها لحريق ...مكانتش مستمتعة معاه فلعلاقة لي جمعاتهم ...تبدل عندها لجو وطلع ليها الدم خلاتو هي دخل لدوش وطلقو دموعها فررر ...طريقتو فلمعاشرة جاتها فشكل ...ماشي هدشي لي قرات عليه وماشي هدشي لي شافت فلقطات فلافلام ....فين لبوسان في لكلمات...فين القصص لي كتقول ساحت بين ايديه ! تحاجة من هادشي معاشتها لحد الان
مسحات دموعها ومعاهم هاد الافكار وقالت :يمكن مزال مزعمش علي لديك الدرجة راه يالله تزوجنا!
وقفات وتحتها كيضرها شوية من قوة الايلاج ونشووفية هزات بينوارها ومشاات لدوش تاع دار دوشات بخاطرها وخرجات عينيها حمرين لقات ضو طافي وهي لفيوز من جيهتها شاعل ...
هيبة:صديق نعستي !!
صديق: (كان عاطيها بضهر)ممم غدا عندي شي خدمة بكري ....تصبحي على خير
هيبة:تصبح على خير (شافت ساعة لقاتها عاد تسعود ونص كلسات فطرف سرير كتنشف فشعرها وكتنهد ومشات شعلات تلفازة ونقصات ليها الصوت وكلسات من بعد ملبسات تكمل لفيلم لي عجبها فنيتفليكس ...دازت لقطة بين جوج بما ان كانت اذاعة اوروبية حاطة ايدها على خدها وكتفرج وسهات فيهم وهوما كيتبادلو فلقبلات متقوولش هدا تمثيل...شافت فجيهتو لقاتو داير مخدة على راسو هزات تيليفونها. وقالت :لبناات نعستووو
**
كانو لبنات بجوج فلبيت كيهدروو على غيثة من بعد محطو لناس لعشا وتفرق كلشي على امل غدا لوراق يتجمعو
هزات حياة تيليفونها وقالت: هيبة
اقبال:(كلسات بلاصتها وهزات تيليفونها ودخلات لكروب لي جامعهم بتلاتا ) عاد ناوين
حياة:مال جد مك مجيتي
هيبة:غنطرطق والله
حياة:(هزات عينيها فاقبال لي كانت كتكتب وقالت:سبعام تلباكور دازت !
اقبال: سكتي نعرفو مالها (كتبات )ياك لباس مالك اهيبة
هيبة:والو غير مع صديق ... فيه وسواس نقاا كتر من داكشي لي كان مبين ليا ...عاودات ليهم اش وقع فدخلة واش وقع فافران ولمواقف لي وقعو ...من طبع هيبة مكتخبيش لي ضراتها تقولها لخوتاتها ...و حياتها حطاتها كتاب مفتوح لصديق !
اقبال:هيبة اختي ... حضري عقلك معايا راه عادي كاع لي مزوجين فشهورة اللولين كيلقاو صعوبة وكاين لي كتقول اش داني لهاد زواج ! علااش ؟ حيت راه كتولي مسؤوولة ومبقيتيش بوحدك
امينة:(حاطة ايدها على حنكها)اوييليي على صݣع بونوارة ! هدا راه ماشي من خاطرو ابنتي !! واش خدامة تما !
فدوى:(كتمسح فنيفها بكلينيكيس)اه هاديك هيا خدمتها ! غير مع الرجال ضل نهار كلوو تكركر معاهم ...هادي تاع زواج اخالتي ؟
مينة:(مصدوومة وكتشوف جيهة اقبال لي كتهدر فتيليفون ...لابسة بلوزتها ديال لخدمة فلاسود دايرة كسكيط وسروال كحل ) اوى هادي اش من زين فيها !! .....لا لا هدشي لي كيدير فيه مالايقش لولدي ...مخلي زين ولطاي وغادي عند هادي ؟ نهارها كلو وسط الرجال
الغالية: (حيدات عليها لمانطة بعصبية )تكعدي .....داك لفشوش لخاوي هو لي وصلنا لهنا اما كون كنت حارة مع جد بوك كون راك عينييك متهزيهمش من الارض (جراتها )تكعدي نعل بوك لكلب
خرجات كتنفخ وتسووط دازت لطوليط سدات لباب على جهدو وتكات على لفابو شادة راسها مزير عليها ...بغات تكمي وربيي كبير
خدمات ليها لماكينة وخاصها تشللهم وتعاود ديرهم فنشافة يتعصرو ولات كلها ما والغالية مقابلاها وكالسة فلارض كتحك فلماعن جيكس فلكوزينة ...غيثة واصل ليها لما تالركابي وشعر شاد نايلست....
بعد يومان كالس جابر فطموبيلتو قدام دار اقبال ساهي قدامو وكيفكر فهادشي وكياتكون تخريجتوو تاتحل لباب حداه ركبات اقبال ...وراهاا تحل لباب ركبات غيثة لعينين حمرييين نقطة من دم وحداها حياة
حياة:نسيبييي لعزيز
جابر:سدي لباب مزيان احياة وهنينا
بعدات غيثة لجيهة لباب لاخر ورا جابر ...وعينيها كيدمعو هي بوحدهم وتمسحهم بسكات تليعاتها حياة وقالت بهمس :شي شوهة عند لعدول !!! من تما تشوفي شي جامع فين طلبي
سكات فطموبيل واقبال لقدام راسها مرون ...اجلات لمجية ديال شهيد غير بينما سلات مع غيثة وتعرف كيف اتسالي حجايتها عاد تسنط لخطبتها
جابر:امتا جاي شهيد
اقبال: ليوم بليل
جابر:خير لبر عاجله احسن ...
اقبال:(تنهدات )ايكون خير
وقفو قدام مكتب لعدول غيثة لابسة تيشورت بيض وفوقو كويرة فوق لمؤخرة وسروال دجين وشعر مطلوق على طولو مغطي مؤخرتها ...عطات لجابر بضهر كتمسح فعينيها وحاسة براسها مجرورة لحبس
حياة:اش كتسناو
جابر:شي حد داخل صبر
جابر لي لابس قميجة كرونة وسروال دجين وسرديلة كحل حال صديف لمايم وطاويها شوية وساعة فايدو لي مكتاسيهم زغب كحل دايرهم فجنابوو كيتسناو اخوا المكتب وخرجات بنت او ولد فشباب فرحانيين او واليديهم وراهم....خوا ليهم جابر طريق حتى دازو
وقف شهيد عليهم مبتاسم وقال:يكما تعطلت عليكم
جابر:لاا جيتي فوقتك ندوزوك تانتا ههه
شهيد:ههههه واخويا مكرهتش ولكن تلاقيت مع جلاخة معكسة
حياة:(ضحكات)هههههه لسه مشفتش حاجة
شهيد:(ضحك وشاف فاقبال وغمزها) اختي انا قابل عليها هههه
لحضات وكانو فلمكتب ...كالسة غيثة قبالة جابر ايديها عرقانين كترعد وغصة فقلبها ومقابلة معاهاا اقبال ...هزات عينيها فيها كتستنجد بيها ...ملقات هي نظرة انكسار وعتاب فيها بزاف تلمعاني
العدول:اسيدي على بركة الله .... البطائق الوطنية اسيدي
عطاوهم لي بغاو وبداو كيعمرو وقال:توصلتي بصداقك ابنتي ؟
غيتة:لا
جابر(عطا جواا لاقبال )ها صداقهاا فلحفض والصون
غيتة كتعصر فايديها ولبكية فحلقها واحلة ....سنا جابر ومدو ليها تسني قرصاتها حياة لي وراها كي لعسكري هكا ولا هكا تنتف مها حدا لعدول ...واقفة كي لمردة وايديها فجنابها
حياة:لمكتعرفيش تسني بصمي
اقبال:(بين سنانها )سكتي
غيثة:(هزات ستيلو كترعد شافت ف جابر لي كيبادلها الشوفة وكيطرطق فصباعو خنزر فيها وحول عينيه لكتاب بمعنى سني نحنح كيقاد فكول لقميجة وخنزر فيها ...هبطات ايديها كتفتف كتبات سميتها ...وسنات على عقد زواجها من جابر ....على سنة الله ورسوله
حكاية أنثى الجزء 13
محتوى القصة
التنقل بين الأجزاء