دخلو لمحال فيه لبيجامات بشكال ونواع لغالية ورخيصة على حساب التوب ...لي شوميز دونوي او جهاز لعىوس من بينوار ومستلزمات لحمام وبانطوفات ....وخة غيتة هي مجرورة وبزز منهاا جيبها تالحوايج ولماكياج كيضربهاا طلاميس وكتهزهاا طيارة
مشاو شافو غيتة لي كتقيس فلبيجامات ...خداو ليها لي شوميز دو نوي لي بغات لي شافها يقول نيتت فرحانة بهاد.زواج وهيا راه غيرر لي ضريها ضربها على شوميزات وحوايج نعاس ولي دوبيااس مشبكين بدونتيل
خداو ليهاا اش خااصهاا ومشاو لمحال اخور خداو ليها قفطان بيض مخيط بصقلي لغداا باش تبرز ...هنا غيتة طلع معاها لقاالب ورجعات لمود لحزن ولغمة منين جدييد كل مرة حيااة تليعها من قنت ملي تبدا دمع ...
حياة:شي سباط اصوغتي مع لقفطان !
...شحال كتلبس
حياة:36 37
....ههه رجيلاتها صغييورين ...داكوغ كاين هاد شكل يالله جبناه موديل جديد وسامبل مكيديموداش
جرها بنتير تولات كتقول اي اي اي وحل ليها لباب تاع اللور ركبها وسد لباب ...وركب حتى هواا
مسافة الطرق وكانو فداار لغالية ديارة ليهم عرااضة لجدات جابر او عموو لي كيتسناوهم مع لغالية ...نزلو لبببنات وهزو تقدية ونزلات غيتة منفخة وكتعرج غير باااش تبقا فيهم ...توخر جابر كيقاد طموبيل فالضل اما لبنات طلعو وهياا بقاات اللور درجة درجة تحساات برااسها تزدحات مع صدروو وشهقااات و تهزات واقفة على طولتهاا....
اما هواا حدوو هزهاا بايد بحالا هاز ربطة تاع نعناع وطلع بيها مشافش جيهتها..محطها تلقداام لباب تاع دار ...او دخلوو مع تزغريتة تاع لغالية من الصاالوون
الغالية:الله يتبت لغرس اولديي ويتازيكم لخير
شافت فيها غيتة بغات تغوت ولكن خافت من نتيف ولعضاان وطمرات جراتها كلساات فصالون حدا جابر ولحاجة او ولدها كالسيين وحياة واقبال
غسلاتو مزيااان من بقاياا لمااسك نشفات ودهنات بكريم مرطب غير شوية...طلقات شعرها ومشطاتوو عاد خرجات ...تبسمات لييه هوا لي كان كيحط فلقاميجة وقال: وجدي ليا شي قهيوة بينما دوشت
هيبة:دوشتي هي صبااح !
صديق:كتحاسبي معايا فدووشش ولا غير جاب ليا الله ! شنو نكلس بلعرق او وسخ زنقة
هيبة:لااا غير قلت وصاافي ....وخة غنوجدها لييك
خلاتو دخل ومشاات دارت لقهوة فلماشين ولغدا راه كيطيب ...رجعات لبيت حلات جيهتوو تجبد ليه ميلبس وتهتم بيه كي قرات ....
بان ليها البوم تاع تصااور فلمجرر اللور جبداتوو وكلسات فطرف سرير بابتساامة... حلاتو كانو تصاوروو من صغروو....كتبان ديك الشخصية ديالو غير فتصاور يعطيك نبدة بلي ماكيتفاهمش ....هيا كتشوف وتبسم وتقلب فتصااور ...تجات عينيهاا فتصويرة خلاتها تكمش عينيها وتجبدها من لبلاستيكة وتمعن فيها ....كان صديق بلبسة المخزن ...فلزرق وسمطة بيضة وسباط كحل...فلبرااج سنة 2006 لوجه نقي مافيهش الزغبة وكان ضعيف على كيف ولا داباا
هيبة:كان بوليسييي ؟
تحل باب دوشش وهزات عينيها فييه ملوي ف فوطة فنصوو وكينشف فشعرو مع هز عينو هزهاا فهيبة وداكشي لي شادة البووم تصااوروو ...جمع سبعة فربعة
وقفات لدوش كتشهق وكيفاش طرشهاا بلاا حتى مبرر ومخبي عليها موضضوع بحال هداا وهياا لي حطات حياتها كتاب مفتوح منهار عقلات على راسها كلشي عاوداتو ليه من غير قصة عمران حيت اي رجل ميبغيش يعرف مراتو كانت مصااحبة وخة يكون مدوز لحرام بانواعوو!!
ناضت لدوش كتشوف فحنكهاا كان حمر شوية لا غير وعيششة دميعة دغياا تورمو ليها لعينين
غسلاتهم ومشاات هزات تيليغون ...من بعد مامسحات دميعاتهاا مبغاش تبيين ليهم والوو مع حلات لخط سمعات
ناصر:نتي راه وليتي لينا كي لقنبووولة ؟ خاصك غير علامن تفركعيي
دورات راسها لجيهة لخرا كتبركم هي بوحدهاا ورجعات شافت فيهم :داباا واش اتنوضوو تااكلوو ولااا لااا (شافت فملاااك) نتييي غا كلمة جوج دلي خنونتك عليهم كي لكاانيش ...مشفتك تاشفت نجوم والله تنوض نبرد فيك سمي
صديق(سااط ) واخة (حط صبعو على فمها قبل متهدر )تزيدي حاجة خرا نتفاهم معاك
هيبة:هههه لاا بغيت نقوليك غير يالله تغداا
صديق(جرها قبل متمشي كيضحك وباسهاا فمهاا ) نتي دياليي....
وقفات سيارة شهيد قدام باب دار اقبال..نزل منها هو لول مشيك ومأنتك على الحالة..بسروال دجين مع شوميز خفيفة وفوقها مونطو اسود رجالي.. وريحتو تعطعط والابتسامة مفرقاتش فمو هي مترع فمو لضحك فرحان حيت ايخطب كاجول ديالو"بيلو"
شهيد:راه نعرفة سنين عاد نعرفها ...(شاف فجابر)اشبان ليك اخويا نديرو عقد وجليسة خفيفة بيناتنا ونوضو نايضين
جابر:شوف العروسة(شاف فاقبال)اش قلتي ا قبال؟؟
اقيال:حمم مزيانة
هيبة؛حسن من تضياع الفلوووس..(بابتسامة)الله يكمل بالخير
شهيد:امين ياربي حمم نقراو الفاتحة
جابؤ:نقراوها اسيدي
هزو كفوفهم تيقراوها ومينة هي حالا يديها وتتقرا فوق خاطرها وتطلع وتنزل فاقبال تا جات عينيها فحياتها لي تتخزر فيها وهي تبتاسم ليها بزز ولوخرا عطاتها بتسامة بزز تاهبا
جابر:ولاالضالين...شهيد مبروووك اخويا
شهيد:الله يبارك فيك هه
مينة:الغالية عاديني بيك تتولدي هي البنات..جابر ولدك؟؟
جابر:نسيبهم
مينة(لمطات فمها)مممم مزيان..
ناضر:الباقي اتافقو عليه العرسان..حنا لي علينا درناه ههه مرحبا بيك ابنتي معانا
اقبال:(بتساؤل)جايبها بزز باينا ففففف محاملانيش ملي جلست وهي تخنزر
هيبة:مالك غتزوجي بمو راه غتديه هو..هو باغيك مكاين فين تحكري..زيدي نحطو العشاا تمشي تدردب فحالها قبل ماتنتفها حياة ههه
حركات راسها بالايجاب ودماغها مشوش تتفكر فهادشي لي غدير..وجدو العشا ونضاوه وداوه بجوج..حطو من الخير لي موجود ولي مكاينا كونوها وكبرو بيهم
كلشي كياكل واهضر الا مينة لي هي نقبات ورجعات لور
الغالية:كولي اخويتي
مينة:مالح ياختي ماقديت عليييه
الغالية:بصح!!
شهيد:لالا هو هذااك زوويين يعطي صحة لي صايباتو
حياة:(نقزات)اقبال لي مطيبة
شهيد:الله بعطيها صحة(شاف فيها وغمزها تاوحلها ليها)
اقبال؛(شربات الما)كح كح
مينة:مممم تتملحي يا بنيتي ..حاولي تتقصيها عندي طونسيووو كي غنديرو فالايام جايا
شهيد:مغتعيش معاك..
مينة:كيفاش؟؟
شهيد:ان شاء الله ناخدو بارطما نسكنو فبها
ناصر :الله يسخر
مينة:ولكن اوليدي داركم واسعة وعريضة لاش تخسر الفلوس؟؟جي سكن معاناا
شهيد:حسن الواليدة
جابر:حسن صراحة
ملاك:بنين الله يعطيكم ااصحة
تلغالية:أكولي ابنيتي هههه هي كولي
مينة بقات تتشوف فيهم كي طاحو عما فدجاج وممسوقينش ليها وتتسوط كي لفعة معاجبها حال..وتحضي لغالية لي تقرب ليهم دجاج محسوسة منها
تعشاو وتبادلو الهضرة وناضو. يتوادعو معاهم..تسالمو مع بعضهم..سلمات اقبال على مينة وقالت:الله يعاون اخالتي
مجاوبهاتهاش نافخة ريشها لسما ولوخرا طمرات..سلمات عليها حياة وقال:الله يعاونك..تهلاي فراسك راه العمر دغيا تيطير..اويلي نتي قد هاكا ومتقدي لا على سكر لا ملحة
مينة:تادوزي داكشي لي دوزت ودوي ابنيتي
حياة:انا هي نصحتك ههه حيت يا خالتي اارجال راه هي يشوفو المرا تهدات صحتها ايزيدو واخليوها
مينة:(شافت الغالية تتسلم على ناصر )اوا لاااالا..... باك زاد وخلى مكم ملي نيت باقي بصحتها
كلاشاتها ومقدراتش حياة باقي تجاوبها حيت ردة فعلها اتكون هي تسلخها اللهم شدات فمها ويديها مغددة..نزلو فحالهم وشهيد مساخيش هي تيفرنس للخلا عاجبو الحال
الدار عند الغالية عمرات تاني بجيران وطيابة لفوق كطيب فلحم بلبرقوق ودجاج والسفة بدات بكري مع صباح باش يالله يكون كلشي واجد...اقبال واقفة عليهم من هادي لهادي اما حياة كانت فلبيت قدام غيثة لي لابسة شورط قصير وديباردو من دوك لي شرات كلشي جديد ومحنية كتبكي ....اما حياة شادة تيليفون ولمشطة فايدها كتصوني لهيبة
حياة:الله ياربي واش هادي مغتجيش تاني !
غيتة:ه،هءهءه عفاك احياة راه مبغيتش نتزوج الله ارحم واليديك اختي
حياة:(هزات عينيها فيها ) مكيعاود هي لغربال ملي كنت كتحيدي فزغب بوشعيب كنتي ناشطة !!
غيتة:(دورات وجها كتمسح فدموعها ) تفوو
حياة:زيدي عندي هنا نقاد ليك شعرك ونماكي ليك كمارتك ...لبسي بينوارك على لبرد ....
الغالية:اويلي على بنت لحرام تبكي على عمرك هه قطعي حسك
بدا صلا على نبي فدرووج وزغاريت ....كان جدة جابر ومرت عمو وعمتوو و هو وراهم بقميجة بيضة او سروال كحل وتجاكيط كحلة كتبان فيه عريس
لغالية واقبال كيرحبو بيهم ويعاودو حتى دخلوو هز عينو فغيتة لوسط كالسة وجها مغطي بلفوال ...مكانش غيجي تيمشيو كاع نااس ولكن بزات عليه عمتو وجداه باش يكون تركاب لخاتم فحضور ناس ..لقميججة محلولين ليها صدايف لفوقانين ...كيتبس فلي كيبارك فييه
خرجو لبنات حياة وهيبة ماكين ولابسيين وحدة تنسيك فلخرا زغرتات حياة ولعيالات كيصليو على نبيي
حسات بيه غيكلس حداها سرطات ريقها وبدا قلبها كيضرب على جهد...رؤيا مواضحاش بزاف من تحت لفوال عينيها كي لبويا كيمشيو ويجيو فناس كلشي ناشط وكيضحك ويشرب فاتاي وهيا كتسب فيهم وتعاير ...تحسات بلفوال كيتهز ...هبطات عينيها تشووف لقاتوو جابر بدات كترمش وتزنكات مقادراش تشووفيه ...واش لبارح كان خوها ! ليوم راجلها ! شي حاجة مقدراتش غيتة تقبلها
محدو كيهز فلفوال او وجها دائري كيبان وخالة تحت نيف ...بقا غادي بداك لفوال تحيدو على وجها كامل تأملها شوية كيف وتاها لمكياج وريحتها جدباتو...
حيد ايدو وشاف قبالتوو كيقاد لكول تاع لقميجة وعمتو كتغمز فيه باس يبوس جبهة لعروسة ولكن معامن غمض ليها عينيه بمعنى هنينا كل واحد فيهم جامع ايدو قدامو ومشابكهم ...
جابر لي باغي غير امتا ينوض فحالو خلاص معندو مع جموع لعيالات بوحدو لي راجل تما داير لخاطر وصافي ...هدر لعمتو فودنها حيت كالسة جنبو وناضت دوات مع اقبال ومشات معاها.. غيتة هادي لي لبكية واحلة ليها عند حلقها...لي تبسم ليها تبسم ليه وتجمعها فلحين مضحكات مدوات ولحنة فايديها بانت حمرة من بعد محيداتها هزات عينيها لقات اقبال جايبة بلاطو صغير ...فيه طبسيل تاع تمر ...او طاس بيض فيه لحليب وجوج بواطات تاع لخواتم واحد ليه ولاخر ليها ومزلعين فيه لورد
هيبة:(بهمس )جابر بحالا مقلق مفهمتش انا هاد تزويجة والله
حياة:نوضي الله ايجيبك على خير ...جابر كان طايح فغيتة يلالة هو غير محملهاش ملي هربات مع داك سلكووط
هيبة:ياختي ...والله متلقا حسن منو هدا بعدا عارفينو
اما اقبال كانت فلبيت كالسة وحاطة ايدها على عنقها حاسة بشي حاجة واحلة ليها وشطيح برا وزغاريت ...تيليفونها كيصوني بنمرة شهيد ولكن مقادراش تجاوب ....حلات حياة لباب تشافتها وسداتو ودخلات عندها
حياة:اقبال !! مالك
اقبال:والوو احياة
حياة:كيفاش والو ...قولي مالك اصاحبتي تناقشتي مع شهيد ولا شنو
اقبال:(تنهدات )حياة حاسة براسي ماشي هيا هاديك مخنووقة و ففف ....خفت ندم على هاد تزويجة لي زوجنا غيتة ....مباغياهش احياة شمن زواج شمن عيشة اتكون بيناتهم بجوج
حياة:علاه ناس زمان كانو كيعرفو بعضياتهم ياك حتى كيجيبوها ليه !! راه شحال من وحدة مكانتش حاملة راجلها وتلقاها كتموت عليه دابا ....شوفي غيثة كون مزوجناهاش دابا كانت ادور ليام وغدير لينا شووهة لي نموتو منساوها....خليها تربا ودير عقلها ....حنا معطيناهاش لمن والا عطيناها لجابر منا وفينا ...ماشي بزز عليه هو باغيها وقادر يصبر ليها تادير عقلها ....نتي !! نتي نوضي ديها فراسك وديها فحياتك ...غيتة راه نهار هربات مع داك لقواد مفكرات لا فيك لا فينا
اقبال:(مسحات على وجها )معرفتش احياة والله اول مرة كنتلف ونشد لرض
الغالية:(نزلات بدقة على غيتة لي كتبكي )سيري اغيتة انا ساخطة عليييك كي شوهتينا
حياة:خلينيي نزل لحمارة موووو
هيبة: (حبساتها )براكة من شووهة احياة
منتابهووش لاقبال لي هبطات دمها كيفوور عليه حلات لباب على جهدوو تلتسمع زداف مع لحيط ناضو قافزين عرفوها هبطات لييه طلو من شرجم لقاوها مشات ليه وهو كيتلا ح كي شرويطة بشراب
اقبال:اشباغي فهاد الليل البرهوش
بدر: شتي ختك (ضرب قبضة ايدوو مع لايد لخرا وعض على فموو )انشوها
اقبال: (دفعاتو تطاح مكانش طويل عليه حيت حتى هيا طويلة ...وزايد راخيه شراب )شوف ....غتحسب خطواتك منهنا ولا راه مغيفكونيي معاك غير لبوليس ...سير فحالك
بدر:مغاديش بت نبت هنا ل قحبة مكم كاملين (جمعاتها معاه اقبال بطرشة تشهقات حياة لفوق
هيبة:ناري ناري عطاتو
الغالية:خليه
اقبال:(دفعاتو وقالت بلغوات وناس كطل تشوهو تشوهو ) بعد من هاد لقنت حسن ليك
بقات كدفع فييه تبعداتو كيسب ويعرعر اما صاحبو هي سمعها قالت لبوليس وهو يطير
بدر: وهانية والله تهانية ....شتووو هادو راه غير قحبات دايرين فيها عفيفات ....وخرجيي عندي طرشتيني عند بالك واووو شي حاجة .....مكناس كلها دايزة عليكم الكلبات
جابر:اقبال (مسح على وجهو )تحركي منهنا ميلقاوكش زيدي
اقبال:جابر مغنمشي فين ...صافي روينة غرقنا فيها
حياة:اويليي غتقتلني بلعصاب
كذلك شهيد وقف تكيشوف دنيا عامرة جاي كيقرب بلخاطر مفاهم والو يالله جبد تيليفونو يصوني ل اقبال بغا يشوفها باش يدير معاها وقت غدا فصباح يتكاتبو ...تبان ليه جابر جارها من دراعها مخرجها من وسط ناس رجع تيليفون لجيبو ومشا كيجري كيسمع غوات جابر
جابر:اتمشي منهنا تيمشيو لبوليس كوني تسمعي
شهيد:ياك لباس
اقبال:(شدات راسها ) مغنمشي فين اجابر لي عطا الله عطاه
لحقو عليهم لبنات وعاودو لشهيد اش وقع ....تصدم ولارض دارت بيه مشا كيجري ناحية بدر لقا دماياتو دايزة من جبهتو لاحت ليه حياة فوطة حطها على جبهتو وكيقيس ليه فالنبض فعنقوو تالف
تسمع صوت لومبيلونص او وراها فاركوو تاع لبوليس دايرة الصوت ...عاد مزادت جوقة تجمعات
وقف شهيد مشا لجيهة اقبال لقا وجها صفر وقال :اقبال مغيوقع والو كوني هانية ....مابيه والو هي سخفان....اقبال
اقبال:سمعتك اشهيد سمعتك
لبوليس جاو فرقو جوقة لقاو بدر منشوور فلارض جاو المسعفيين هزوه فلبياص ولبوليس كيسولو ولبراهش كيقولو ليه باش تضرب وشكون ضربوو جاو نيشاان لاقبال لي واقفة مع شهيد وجابر لي بغا ياكل راسو علا مكانش....
***:نتي لي ضربتيه
حياة:(نقزات)لا ماشي هيا ماشي هيا
اقبال:حياة !! ...انا الشاف
**تفضلي معانا
الغالية:(ناضت كتجري تلاحت على لكوميسير باست ليه ايدوو كتبكي)انا مزاوكة فيك اولدي متديهاش ...راه هو لي ضلم ...هو ها الناس شاهدين انا مزاوكة فيك
طلعات الاخيرة كتجري جابتها ليها من لبيت وهبطات مرفوعة
شهيد:غنتبعوك انا وجابر . ...غيكون غير لخير ا اقبال
اقبال:(حركات راسها باه وتمشات معاهم ناحية لفاركو ولغالية كتغوت تسخفات ليهم وسط طريق ضارت اقبال تشوف لقات حياة وهيبة كيفيقو فيها...مخلاوهاش ترجع شدها من دراعها لبوليسي واشار ليها باش تزيد شافت فيه ورمشات وزادت قدامو يالله بغات طلع سمعات سميتها وضارت كان شهيد
شرطي:واش غنباتو هنا !!
شهيد:صبر اصاحبي !! راك مجارش قتالة احتارم راسك
شرطي:الى مسكتييش غنجمعك معاها
اقبال:شهييييد سكت شوية
سكت كيعض على فموو ومد ليها لكاشكول ديالو من عنقو وقال:ديريه على لبرد ...انا تابعك دابا
طلعات وطلع حداها شرطي وسد لباب كيبان ليها كلشي من شبيك جوقة مزال مجموعة على الغالية لي سخفات ليهم وهيبة لي غتموت بلبكا اما حياة معرفات لمن تعطي راس ....دارت راسها وسط ايديها وغمضات عينيها ....الشيطان فلحضة خلاها دير موصيبة اتديها لهاوية
جابر هز الغالية ومعاه حياة داوها لسبيطار او شهيد تبع سطافيط ...بقات هيبة فدار كتندب وتبكي او غيتة مكورة على راسها فلقنت كدمع وتنخصص
وقفو فلكولوار جابر شد راسو كيمشي ويجي وحياة بقات نازلة مع لحيط تكلسات فلرض غير بلبانطوفة ديال دار وعقلها مرفووع محيلتها لوحدة مغيبة ولا لخرا لي وسط لبولييس
صونا جابر بشهيد وهو غادي جاي ولاخر ماشي قل منهم ....شحال صعيب تلقا راسك بحال مربووط مقادر دير والو متكره شكون كانت عندك سلطة لكل شيي باش تكون عارف كلشي
شهيد:دابا خاصو يفيق ويسمح ليها وشوف تشوف .....منكدبش عليك اجابر !! دقة لي جاتو فجبهة ودمو لي كان سخون محال يفيق ليوم
جابر:هيا اش اصاحبي ....اقبال تبات تما
شهيد:(مسح على وجهو)معرفتش ....معرفتش
ناضت حياة كتبكي شدات فدراعو وقالت:اويلي على تبات تما هءهءه اش كتقول اجابر مالها قتلاتو
جابر:(قطع )مكتعرفوش تحبسوها !
حياة:مشفتهاش راه كنت بغيت نهبط ليه ومخلاتنيش معرفت كيفاش رجعات ليه لكلب مخلا فينا هي لي نسا مصبراتش لهدرتو ....دابا شنو اقبال مشات بين الرجلين !! والله تنمشي نكمل على جد بوه
حل باب تاع لحديد بالساروت ودخلها ورجع سد عليها من جديد ....مكانتش بووحدها كانو عيالات معاها ....حطات راسها على لحديد بارد كي تلج وغمضات عينيها ....ساطت حابسة لبكية لي شداتها من حالتها ...دارت ايديها لي بردو فجيب لمونطو وبقات واقفة متكية على لحيط وعينيها فلارض وريحتو فلكاشكول لي مضورة على عنقها كتستنشقها بدل ريحة لغمولة لي فلقنات والرطوبة....
**كلسي اختي كلسي.....مزال لكعدة طويلة
**شنو سبابك اختي
*خليها منها لهمها....من كترت سوالات
اقبال كلسات فواحد لقنت مفرش ف كاشة حمرة لاحت راسها على لحيط ولعيالات كيهدرو ويديو ويجيبو فلوقت تقول مولفين ....كل وحدة اش سبابها ! هالي دابزات مع جيران وجابوهم جملة لكوميسارية....كل وحدة وهمها فهاد دنيا ....
حسنا: (خرجات من مكتب لكوميسير وفايديها كارطابل جلد سيدة فتلاثينات حتى هيا مهلية فراسها وزوينة كتدي شوية ل شهيد فلملامح )لقيتها قالت كلشي وسنات على لمحضر ...يعني عتارفات بلي هيا لي ضرباتو. ...شهود اولا شي حاجة خرا معندها باش تفيد دابا
شهيد:(رجع شعرو اللور وساط)شنو لمعمول دابا احسنا
حسنا:متقدرش تخرجها بكفالة ! ...خاص لبرهوش يفيق ...الى قتضى لحال دورو معاه ونسدو هاد القضية !! الى وصلات لمحاكيم وهو مقسح راسو فيها لحبس اولد عمي !
حياة:والله ومتسكتي تنعس مك حداه ياللشارفة ....شلي فمك عاد دوي على ختي
بغات الام طير على حياة تنتفها سعاتي معامن هيا غرسات ليها حياة ضفارها فعنقها وطيرات ليها الشال جابر وشهيد يجر والرجال لخرين يجرو فلمرا لي بغات دير فيها موتا حمار وسط السبيطار كتغوت وبغات طيح لرض
تجاو لفرمليات وسيكيرتي كيجريو فرقو حياة وفايديها الشعر بشيبو ...هزها جابر جارها ولبانطوفة طاحت فلارض وقمشة فوجها
حياة:عقلي عليا الكلبة والله تنغيز ليك كمارتك
**:ياسيري يا الشمكارة ....بيناتنا لمحاكيم والله لتفكينا معاكم ابلاتي
خرجو حياة كتركل جارها جابر لطموبيل وباغا تفلت ليه وترجع لسبيطار وشهيد اللور جايب بانطووفتها وقلبو ضارو وتعقد ليه لسان على بيلو ديالو...لي قدما بينات راسها قاسحة كتبقى🎀# أنثى 🎀 لي بلاصة بحال السيلول ولحبس غادي ضرها بجهد
حياة:(كتبكي)خليوني نشتف عليها ختي بزاف عليها ....طلق اجابر هءهءهءءه وطلاق ديوني بلاصتها ويطلقوها هءهءهءه (طاحت فلارض كتبكي وكلس جابر فلارض على ركابيه جرها عندو)
جابر:صافي احياة ....لي كانت يدير ليها الله خير ....صافي اختي نوضي
حياة:هءهءهءهءه خرجات علينا اجابر خرجات علينا
دور راسو وغمض عينيه وقلبو مزير جر حياة عندو كيسكت فيها
حسنا:هدا هو لقانون اشهيد ....معليك غير تصبر وتصبر حتى هيا....تنشوفو غدا هادو اش غيديرو....
هشيد:عطيني الاحتمالات احسنا اش غيوقع الى القضية وصلات لمحكمة شنو لحكم ؟
حسنا: راه قلتليك شنو كاين ....الى مشات لقضية وصلات لمحكمة ودار هاد لبرهوش شي محامي وغرق ليها الضوسي ....تقدر دوز لحبس(شافيها مخرج عينو ) هدشي لي كاين ....تقدر دوز حتى لعام على حسب التقرير لي غيكتب طبيب ودفاع تاع لمحامي
خبط فلفولون تقفزها وقالت:منسبقوش الاحدات اشهيد !! انا غنوقف على هاد القضية بيدي وان شاء الله يكون خير
شهيد:دابا لبغيت نشوفها ايخليوني
حسنا:لا !! حيت مكتربطك معاها حتى شي صلة ....مانتا خوها ولا عندكم نفس الكنية ....غدا غنشووفها ونهدر معاها ويكون خير اشهيد سير دابا لدار مكاينش حل اخور
جابر:(دخل وشاف صديق واقف رما السلام وصديق مخرج ايديه من جيابو حتى جابر محكرش وبقا واقف ) سلام عليكم
صديق:وعليكم سلام ...لقضية صعيبة شوية
جابر:شوية وسكتي (تنهد )مشاكيل صافي
هيبة:(بدموع)دابا شنوو اقبال تبقا تما
جابر:هدشي لي عطا الله اهيبة ....مافجهدنا والوو كون نعطيو لفلوس وتخرج كون راها خارجة ولكن ميمكنش دابا
كانت غيثة ورا باب بيتها كتسمع ليهم وكتبكي بغات تموت بلبكا..ندم كياكل فيها من لداخل بغا يخنقها ويقتلها...معندهاش لوجه ولا لكلمة لي تقولها ليهم ...هي سباب بغات ولا كرهات
صديق:(شاف فهيبة وحرك ليها راسو باش تجي عندو ومشا بعد على صالون )هيبة نوضي تالغدا ويكون خير
هيبة:صديق غير خليني ليوما هنا منقدرش نخلي حياة بوحدها
صديق:هيبة راني عيان مغنرتاحش فشي قنت من غير داري ...يالله بلا متزيدي عليا مغنخليكش ورايا سالينا ....خليتك نص نهار شوفي لكارتة لي وقعات
حكاية أنثى الجزء 14
محتوى القصة
التنقل بين الأجزاء