واثق الخطى .. يحفظها كخطوط كف يده .. مدرك تماماً كم تعشقه .. جاهز حتماً لخطوتها التالية ... و مستعد بكل تأكيد لكل خططها البديلة.
برشاقة ملفتة راوغت .. و تدللت .. و تمنعت حتى استنفذت كل حيلها.
و في تلك اللحظة ... اقتحم حصونها المزعومة بنعومة بالغة أفقدتها كل ما حاولت التظاهر به من قوة.
❤️❤️
زير عليهاا ملهوف عليهاا شوقو طغاا عليه وعليهاا ...كان عناق صاامت خداو فيه وقت ...ريحتها لفطرية لصقات فنيفوو دائما نفس الراائحة الطيبة فجسمهاا....رخا منها وهز ايدوو شد حنااكهاا مبسم وبااسهاا فحنكهاا
شهيد(بخفوت)توحشتك
اقبال(بتبسيمة فرح ) حتى اناا
شهيد (تبسسم من جواابهاا )على سلاامتك ....ان شاء الله اخر الاحزان
حل ليهاا لباب لقدامي ...حيدات اكاسكيط او الصاك دارتهم اللور وركبات مودعة هاد لبلااصة بظهرهاا
تحرك شهيد من تماا كيركب فالسمطة وقال:شنو تسمعي
اقبال(حلات الزااج )لواالو....خلينا هكااا حسن (خرجات ايدهاا من الزاج كيضرب فيها لبرد لوجهاا ولايد لخرا حسات بيها تهزاات وشافت فييه ...باسهاا بحب وشابكها مع ايدو وحطها على فخضو مرة يشوف فيها مرة مركز معاها فطريق
شهيد:انخرجو على لمدينة شوية منها تشمي لهوا ومنها نفطرو
اقبال(شافت ساعتها )تمنية داباا
شهيد :مالك هربو لييك لباطوات ههه ...راني مطالقش منك ليوم...عارف غير غادي دخلي لدار اتنسااينيي من هادي لهادي ....كلهم توحشووك
اقبال:تا انا توحشتهم بزااف ... عمري. بعدت عليهم هاد لوقت كاامل (زير على ايدهاا
سمعاتو حل لكووفر ومشاات عندو لقاتو كيجبد فسليلة او طابي مقطنة وجوج مخيدات صغار وقالت كضحك :شفرتي مك تاني
شهيد:ههه بلعماا ...
خدات من عندو السلة وهوا هز داكشي لااخر حيت مدابز مع رجلو....دخلو تحت الشجر كيقلبو على بلاصة زويينة ...تقابلو مع طموبيل وفرشوو طابي تحت شجرة دايرة ظل وكيدخلو منها ضو الشمش عليهم تكاو على شجرة بجوج
اقبال؛ كتعجبني هاد لبلااصة ...كالم وزوينة
شهيد:غير فصباح ههه لعشية تلقاايهاا سوق
دار مخيدة ورا ضهرو وتكا حداها جبدو من سلة تيرموس تاع لقهوة او لبتي بان وحلوة تاع لكريم ...وكيسان بيضين قرعة لماا ....كبو لقهوة سخونة وفطرو فجو زوين مسخاوش بييه ...جمعو السليلة وبقا قدامهم غير كيسان لقهوة ستاغل اللحظة وتكا على ركبتها تهبطات عينيها ليه
اقبال:ضسرتي اولد مينة !
شهيد:ضساارة زوينة
تبسمات وهزات ايدها لشعروو داعباات خصلااتو ...جبد من جيبو لبرااصلي وركبو ليها فايدها تحت نظراتهاا الهادئة
شهيد: هاهوا رجع لبلاصتوو
جاباتو ب تبسيمة وسكتوو كيسمعو فالطيوور واصواتهم وحركاتهم مرة مرة فشجرة فوقهم ...من حركتها ف راسو جابت ليه النعاس وبداو عينيه كيتغمضوو وهوا مدابز معاهم ...علاش لاا وهوا مناعسش الليل كلو ملي وصلو اتصال حسنا وهوا كيتسنا نهار يطلع باش يكون اول واحد تشوفوو
غفاا فعلاا هبطات عينيها ملي شافتو سكت ونفسو منتااظم ...خلاتوو على رااحتوو وبقات هيا سارحة بمخيلتهاا فطبيعة لوقت من الزمن
فيقو غير لفيبرور فجيبو ...حل عينيه حمريين وتقلب على جنبو كيحك عينيه وقال: واش نعست ؟
اقبال: ماشي بزااف ...مشيناا !
شهيد:واخة
وقفات كتقاد فشعرهاا وعطاتو ايدهاا تعكز عليها تنااض كيعفط عليها شوية وخة كتعطيه لحريق مزال مبراتش كلياا ...يالله حيد الجبيرة ولكن مستاعن ب باانضة ...جمعو لكلسة وبلاصتهم ومشاو لكوفر حطو داكشي وسد
بغات تمشي لبلاصتهاا تشدها من ايدهاا وقرب ليهاا
اقبال:مالك تاني !!
شهيد(ضحك وهوا كيحاوطها بايدو وقال)مالك محسوسة !
اقبال(قربو وترهاا وخصوصا طموبيل وراها ملقات فين تبعد ) لا راك نتاا لي ساخي بعمرك (شافتو كيدور عينيه فوجهاا وفمهاا )ش شهييد غنهرسك من رجلك لخرا
فاقت لغالية على صوتهم ونااضت كتحك فشعرها وتجمع فيه ...نوضاتهم بزز منهم يرجعو لماعن فلكوزينة لي خملوو وحكوو كلشي ...طباسل تلحلوة مشكلين فوق لبوطاجي ومغلفيين
مينة:زييييد غوت زيييد يسمعوك جيرااان (كتخبط على الطبلة ) شهيد ليي يتمناو ولادهم يشبهوه كيغوت على مووو ويعلي فصوتوو ....زيييد اولد كرشيي ...30 عام ونتاا مرضي جات لحرامية ف شهر بغات ترجعك مسخووط
ناصر(شد راسوو )لااا حول ولا قوة الا بالله ...اميينة
مينة(صعرات) مكااين لا مينة لااا زمر ...الى بغاها يمشي الله يعاونوو انا مت ودفنيي
شهيد:عمري عرفتك اناااانية
مينة(بلغوات)اناااانية ؟ انانية حيت بغييت نشووفك حسن مني ومن باااك بغييتك تااخد بنت النااس بحالك بحالها
شهيد:بنت الناس راني لقيييتهاا وغدا ولا بعدو غادي نعقد عليهاا ....بغيتي تمشي معايااا تبارك الله مبغيتيش شغلك هداك ...ديك لبنت هيا لي غنتزوج بيهاا ....بغااا لي بغا وكره لي كره
الغالية:والله اسيد الحاج تطار (لحياة)علاه مخلصتيهش
حياة(كتغمز فيهاا باش تسكت ولكاس تاع اتاي فمها تهزات اقبال عينيها فيها وقالت) الدعقة نسيتوو
اقبال(شافت فلحاج )قوليه التنين ان شاء الله يتخلصو لورااق الحاج غير مع التلفة راك عارف
الحاج:اوى على سلامتك ابنتيي تكون اخر الاحزان ان شاااء الله رب العالميين ...خليناكم بخير...اه لبولة تاع الدروج شكون حرقهاا ؟ طلعت لسطح لبارح اتاجيت على راسي
اقبال:ان شاء الله غير نجمع اموري ونديرو ليك هاد لعرس
حياة:مكاين عرس تنجيي
هيبة:مشيتي بعداا باش ترجعي هههه
حياة: واحد ست شهور يتقادو لوراق وغنجي ...قاليا محمد.دغيا يطلعو ليك حيت عندو الاقاامة
الغالية(طلعات )اهبطو تعشاو راه لبرد
هبطوو لقاو ريحت لحريرة فاايحة فدار شربو زليفاتهم وسهروو شوية ومن بعد كلها شدات بلاصتها نعسساات ...هزات اقبال تيليفونها برااحتها عاد لقات ليه وقت ...كتشوف فلميساجات وليزابيل لي وصلووهاا وكانت عينيها كيقلبو على نمرة وحدة مسجلاها ب إكس ...الرقم لي كانت كتصوني ليه وتلقاه طافي ...لقاتهاا كتصووني مرة وجوج وعشرة وديما شاداها لبواط فوكال ...
دخلتت لميساجات لقات لبواط فوكال شداها كتر من 20 مرة يالله بغات تخرج ...لقات ميسااج منهاا. كمشات عينيها كتقرا كان بحروف فرنسية
خرجات هازة السوارت وتيليفونهاا من بعد ملبسات سبرديلتهاا ...نزلات ديمارات الطموبيل خلاتها شاعلة وكتاكد من لورااق ...طلات على الزيت والرادياتور لقاتها ناشفة من لماا
اقبال:حياااة يا حيااة كون زادت معاك غير شهر يولي الحمار حسن منهاا ...زادت فييها لماا دغياا وتحركات بينما بان ضو بدا يبان وشدات طريق فااس وعقلها فيه غيير امتا تشووفهاا فقط وتاكد واش فعلاا هياا ...وخة احساسها كيقول هياا ولاا غير بغات تبرد خاطرهاا ،هدشي كلوو تشوفوو ملي توصل ...
ضربات تمنية ونص دخلات اقبال لفااس لي شافتو تسولو وينعتهاا لشارع حطات الطموبيل فيه وتمشات برجليها فايدها تيليفون كيصوني لانصاف مكتجاوبش ...وصلات لجردة ودخلات عينيها كيقلبو بلهفة بيين شجيرات وكدور بجنابهاا ...تبانت ليهاا بنت هزيلة فجسمهاا عاطياها بالظهر فور مشافت شعرها العسلي الممزوج بخصلات دهبية مظفور اللور خفق قلبهاا كالسة فلارض ودايرة ايدها على خدودها كتشوف ف صابوها لي تكال من لتحت (عوجات فمهاا كتنهد وترمش بعينين كيف اللؤلؤ بخضوريتهم الصاافية وشفار مموجين شهبيين وعينيها كبار بلقة او لفم صغير وحمر لكصة على جبينها مموجة وطالعين ليها بعض الزغيبات من شعرها لي مماشطاهش هي ظفراتو بالزربة
كانت لاابسة سروال دجين عريض عليها شوية او لفوق تريكو بيض ...حسات بخطوات وراهاا ودورات راسهاا محافضة على وضعيتهاا ضربات الشمش فدوك لعويناات بانت ليها اقبال جاية وكتقرب جيهتهاا وبقات كترمش فيهاا
فور مشاافت اقبال وجهها رجعات خطوة اللور بشهقة وتمتمات بشفايفهاا باسم انصااف وعينيها تغلفو بالدمووع وهيا كدوز من قدامها اللحظات الاخيرة قبل متركب فطنوبيل ويديوها اكتر مع 15 لسنة ...الشبه كان واضح بل نسخة طبق الاصل لغالية فشبابهاا ....وقفات انصااف كترمش وكتلعب بايديها وتشوف فاقبال لي تشللت عن الحركة وجمدات
اقبال(فاقت من سهوتهاا على دمعة طاحت من عينيهاا رمشات وخلات لقطرات يطيحوو من عينيهاا محساات براسهاا تا قربات لانصااف وجراتها لحضضنها وسمحات لتنخصيصتها تخرج ) انصااااف ختييي
انصاف (غمضات عينيهاا واقبال مزيرة عليهاا كان حضن فريد منوعوو وهيا لي عمرها لقات لي يعنقهاا معرفات واش دور ايديها ولا تكمش ...متردداتش ودورات ايديها عليهاا وصوت بكا اقبال ضرها فخاطرهاا
اقبال(شدات وجه انصااف كتبعد شعر على عينيهاا )انصاف يااك (حركات انصااف راسها باه وعينيها ضببو بالدموع)اناا ختك هءهءه ختك لي مخلات تبلاصة مقلباتش عليك فيهاا
انصاف:واش بصح ختي ....علاش ..لحتونيي
اقبال:نلوح راسي فلعافية ومنلووحكش اختي ملحتكش زمان لي كرفصنا كامليين (مسحات عينيهاا وخدات نفس من جديد وقالت)دابا ماعليا فراق معااك (بفرحة )لقييت لي ضااع لياا
الغالية: والو غير صابحة ماهيااش ...علاه اقبال فاقت ينوضيهم باش يفطرو ماشي من عادتها تعطل
حياة:اقبال مكاينااشش !! مشفتيهاش
العالية:لاا يكما خرجات لمخبزة !
حياة(تاوبات )تقدر ...نغسل وجهي و ..نمشي نفيق دوك لعيالات
طلاات عليهم وضربات فلباب وقالت:انوضضووو البكر كل وحد هازة ز*** وتحزق نوضوو تفطرو
هيبة:صباح الله مالك
حياة:والو احبيبة هي نوضي تفطريي لتحكيها فكرشك
هيبة:بااز على صبااح تاني ابنادمة راني محاملااش اووف (دازت فيها ومشات لدوش كتقاد فحوايجهاا
غغيتة(كلسات ففراشها كتلبس تيشورت فوق ديباردو )فين بيلوو فاقت
حياة:من زماان احبيي نوضي
تناوبو على الدوش غسلو وطرفوو وهيبة تكلفات بلبيت جمعاتوو او حياة حولات لفطور اماا غيتة مقطووعة يوماين هادي بغات هي السبة باش تشوف حنان وتعطيهاا ادمانها من جديد
كلسو جهد ربع ساعة وناضت حياة تصوني ل اقبال كيبقا يصوني تيعياا ويطفاا
العالية(تششوشات )راه قلبي مقبووط علياا ...وهاد النوضة مع الصباح ماهياش
هيبة:يكما تكون مع جابر ولا شهيد معندها فين تمشي ! وبلا متعلمناا
حياة :نصوني لجابر على الله (دارتو كيصوني تجاوبهاا )الدكالي صباح لخير
جابر:صباح لخير !! ياك لبااس هانية الوقت
حياة:مشفتيش اقبال ...فقنا ملقيناهاش وتيليفونها مكتجاوبش فيه
جابر:ماشي من عادتها ...تكون مشات تقضي شي غراض ؟
حياة:اشمن غراض اجابر ليوم لحد وكانت تقولها ولا تجاوب
انصاف(فركات ايدها حشماانة وكتشوف فجنابهاا والناس كي لابسين وهيا لابسة صابو مقشر ومحلول من لتحت وسروال كااشف وشعرها مامشوطش )حم ..انا مليي عقلت على رااسي ...كنت عند واحد لمرا كنت كنقوليها مي ...هدشي ليي عارفة شوية ...لقيت راسي فلخيرية (حكات عنقهاا) كنت تنقوليهم ديوني عند ميي ...كيقولو لياا هدييك ماشي مك غير كطلب بييك ...نتي مكنعرفو عليك والو...صافي كانو شي مرات كييعاملونا خاايب ... ولي كبر منك ضروري يحكر علييك ولتشكيتي كيزيدو عليك حتى نتي ...
واحد نهار ...لمديرة ضرباتني حيت ...دافعت على رااسي وضربت واحد لبنت نتفاتني ...عاقباتنيي او مخلاتنيش نمشي لدرسة ولا حتى نااكل ...دخلاتني لكوزينة نعاون الطبااخة...لقيت بريكة او خبيتها فحوايجي ...وبليل انا ولبنات ...شعلنا لعافية ودخلو كيطفيوها وحلو لبيبان وهربناا
اقبال(تنهدات)هربتي
انصاف(جرات من العصير كتحرك راسها بالايجاب ) ممم هربت ...هوا فالصراحة كون غير مهربتش ....كنت انا او واحد لبنت خرجناا لدنياا بحالا جاين من شي بلاصة مكايناش فالدنيا ...معزولين وجاتنا لمدينة كبييرة بزااف ....كنعسو فالجردة وكناا كندخلو لواحد لقهوة ...كيعطينا ناكلوو بشرط نغسلو ليه لماعن ونسيقو لييه القهوة ....
داك مول لقهوة واحد نهار بغا يتعدا على صاحبتي او ضربناه بطبسيل لراسو وهربنا ههه
اقبال(تبسمات بقهرة )اوا
انصاف:صافي هربناا ...دخلناا لسووق كان عاامر معرفتش كيفاش حتى تلفنا على بعضياتناا ...عيت نقلب على صااحبتي ملقيتهااش كان سول وتواحد مكيجاوبني
اقبال:شحال كانت فعمركم
انصاف:معرفتش ...يمكن 14 يمكن قل ...بقيت كنقلب ...كنقلب والوو ملقيتهاش ...شافتني واحد لمرا فالطريق تنبكيي وجات عندي كتسول فياا وداتني معاهاا ...كاتلياا اتعلمي شغل الدار وتخدمي عند النااس...انا كان كافيني ديك الساع غير نعس بلا منخااف
وداتني معاها فين خدامة .... عاودات لناس بلي انا غير بنت لخيرية او خدموني ... او صافي انا لدابا باقة معااهم
اقبال:كي كايعاملوك
انصاف (سكتات شوية كتحك فايديها ) بنت لخيرية كتبقا غير بنت لحراام ...تاحد مبغاها ولااحهاا لزنقة (هبطات راسهاا )لمهيم كنت كنعس بلا منخااف لي باقي مكيهمش ....واحد نهار ولدهم سمعك فالراديو كتهدري وقاليا بلي كيقلبو عليك كان عطاني تيليفون صغيور هوا باش كنت كنصوني لييك ديماا ولكن ...ديما كنلقاه طافي
اقبال:كانت عندي ظروف خايبة
انصاف:(قفزات )خاصني نمشيي
اقبال(شدات ايدهاا)فيين ا انصااف
انصاف(بخوف) عطلت السخرة على مولات الدار ...مغتخلي فيا غير لي نساات
كلسساتها بلاصتها وقالت : نتي هي صغيرة فينا كاملين ...جيتي فواحد الظرووف خاايبة بين مك وبااك ...الاب سكايري وقماار ...والام تغلبات بكترت ولد ولد حتى ولات عندها خمسة لبنات فكل مرة كيبغي ولد كتولد ليه بنت
انصاف:خمسة لبنات
اقبال:مم ...واحد نهار باات مصبح خلانا مدابزين مع الجيران و الدار كل مرة طيح بلاصة فالسقف وشي مرات كنا كنضويو غير بالشمع ونباتو جيعانين ... تفكيرهاا خلاهاا تقول بليي لعشتي مع ناس حسن منا غاتعيشي بخير ...وداكشي لي دارت عطاتك مك لنااس لباس عليهم منهناا ... قالت بلي ايتهلاو فيك وتعيشي حسن من عيشتناا (تنهدات )وزيد وزيد ...مفكرات لا فيك لا. فيناا ...ولكن ماشي ديما بنادم مزياان ... مبقاتش بغاتك عطاتك لوحدة خدامة عندها هيا نفسها لي كنتي كتقولي ليها مي ... قلبات علينا ملقاتناش وبقيتي معاهاا ولكن تاهيا الله احسن لعواان ظروفهاا ربي لي عالم بيهاا او واخة هكاك مفرطاتش فيك ....وبقيتي معاها تادرتي ست سنين او لكمالة راك عارفاهاا (هزات عينيها فيها لقات دموع اقبال تلقاو وساكتة
انصاف:من بين خمسسة لبنات بوحدي لي تقلت عليهاا (طاحو قطيرات من عينيها ...تهزات اقبال ايدها مسحاتهم ليهاا وتنهدات ) اناا هء هء انا بووحدي لي تقلت علييهاا ....عندي خوتاتيي او كيعيطو عليا بليتيمة هءهءه محراامش ؟
الغالية(حطات ايدها على قلبهاا وناضضت مقادراشش تدويي اماا غيتة كمشات عينيها فلبنت عرفاتها ومعرفتهاتش ...هيبة مشا عقلها لانصاف حيت نفس المواصفات وشبه كبير بيينها وبين حياة والغاليية فشبابهاا اما غيتة فمعرفاتهاش على اساس انصاف بل تدكرات ليلة فاس فقط
الغالية:بن ...بنتيييي(طاحت على وقفتها على ركابيهاا تغوتات غيتة
غيتة:مامااا
الغالية طاحت فالارض تبداو كيرشو عليها لماا عاد حلات عينيهاا
اما حياة مشات عنقات انصااف مزيرة عليهاا والاخيرة كي لمصدوومة معارفة واش تفرح ولا تبكيي
حياة:واخيراا
تبسمات انصاف فقط مهدراتش عينيهاا على الغالية لي عاونها جابر و اقبال تكلساات وشافت فهيبة لي بدورها مصدوومة فيهاا
حيداتها من حضنها وشدات وجهاا كتبوس فيه وتششم ريحتهاا وتبكيي
اما غيتة فكان اسم انصااف مجرد اسم بحالو بحال باها غير كتسسمع بيهم ....معاقلة على تواحد فييهم ولو دكرى صغيرة ...بالنسبة ليها انصاف غريبة عكس لبنات كل وحدة كتعنقها من قنت وتبكي حيت رجعات ليهم ...
انصاف احساسها فشكل دخلات فحالة صدمة وحشمة ...هيا من النوع السااكت...الحنين ...لي مكيهدر الى مهدرتيه وديما قلبوو كيسبق عقلو فاتخاد القرارات
تحت صدمتها كلساتها الغالية وحاضناهاا مخلتهاش تحرك تالقنت وغيتة هي كتشوف وكالسة حدا جابر
جابر:مسلمتيش على ختك
غيتة(شافت فيه )ممم (ناضت متوترة هيا الاخيرة وقفات عليهم وتحنات على انصاف عنقاتهاا وقالت:مرحبا بيك
مسحات انصاف عينيها من دموع وهزاتهم ف غيتة من بعد مرجعات لبلاصتهاا وقالت:شك...شكرا (بقات كتشوف فيها )
انصاف (بصوت خافت ) علاش انا بوحدي لي علياا الظرووف ؟ انا بوحدي لي بغيتيني نعيش حسن من خوتاتي (طاحو دموعها وهبطات راسهاا كتبكيي ) نتي لحتينيي بحال شي مونيكة هءههءههءه كون هي خلييتينيي حدااك هءهءءه كون هي خليتيني تا اناا وسط خوتاتي
شهيد:ولو خلعتيني علليك ...خفت تكون طرات ليك شي حاجة الله احفظ
اقبال:دابا اسيدي نخلصو لحق
شهيد:من ناحية لحق ...تخلصيه تخلصييه مانتناقشوش عليه ...بيلو عقلتي على الدار لي كنا شفناا
اقبال:ايه مالها
شهيد:ففف تبااعت ...شفت وحدة خرا تاهياا مزياانة والتمن منااسب ...شنو بان لييك نمشيو غدا نشوفوها فالصبااح
اقبال:نخليوها لعشية ...صباح خاصني نخلص شي فاكتورات كلشي لقيتو تجمع علياا ...وعاد زيد لوراق نجمعهم
شهيد: ممم لعقد النكااح باش نمرتك بلعلالي
قطعات عليه وقالت: سلكوط
وصلها ميسااج منو باقة فبلاصتها وحلاتو كتقرا : من قلة الادب تقطعي على راجلك وتسبيه
ضحكات وخلاتو بلاكة ومشاات
هيا عارفة طبعو وهوا عارف طبعها كيداير بجوجهم قابلين بعضياتهم بلا كلام وغزل وميساجات تالفجر ...علاقتهم غادية فنضج كبير وكل واحد متاكد من مشاعر التااني ليه هدشي كافي
الغالية:شنوو بغيتي لغدا ا بنتي
انصاف(هزات فيها عينيها وهبطاتهم )لي بغيتوو
حياة:شوفي تشرطي تشرطيي اقل حاجة الزين دياليي ...
هيبة:انا بغيت الرفيسة
حياة:نعميها لمك لا ؟ سميتك انصاف
هيبة:ياختي مالك كتسيفي خلي راسك درويشة واحد نص نهار
انصاف(ضحكات)تا انا كتعجبني
غيتة:مديريش فيها لحلبة
حياة:خفتي تخنزييه
غيتة:صافي ديريها اماماا وكترييييها عفاااك
الغالية:تبقي ستر
هيبة:لا اماما عفااك كتخلي فيا رييحة بزااف
كلمة ماما!! كتسمعها قلبها كيضرها واش تهيا تقدر تعيط بيها لغالية شي نهار !! مقادراش حتى تهز عينيها فيهاا ...هيا فعلا محتااجة لعائلة محتاجة لحضن ودفئ عيات من كلمة بنت لخيرية يتيمة معندها حد
جابت ليها اقبال صااكها لبييت ولبنات كل وحد باش تكلفات دخلاات اقبال لبيت لقات انصاف كتشوف اش تلبس تحاجة مفرحاتهاا كلشي عندها قديم ...ستاقرات فبيجامة ...جل حوايجها كتعطيهم ليها بنت مولات الدار ملي كيقدامو عندها ومع هيا ضعيفة عليهاا كتلبس كلشي عرييض ...شافتها اقبال هكاك وخرجات مخلياها تاخد راحتها
جمعات شعرها لفووق مشطاتو هي بايديها تاتلقا ليه وقت تمشطو ...مكدوز عليه لمشطة من لحمام لحمام
جمعات حوايجها وجلابتها كلشي دارتو فصاك وسداتوو ومشات كلسات فالصالون متبتة وغير كتشوف فعينيهاا عجبها لفراش ودار واخة صغيرة نقية ومتولة علاشش لا ومولاتها اقبال ...كتشري ليهم لحاجة بلعشق ولخاطر وخة تزير ماشي مشكيل لمهيم تاخد لي بغا لخاطر وخصوصا ملي كتفكر اياام الضو مقطوع و النعاس بالجوع
قصرية تاع التريد بالدجاج محمر لفوق او لعدس ولفول ريحتهاا فتحات النفس ...جاية غيتة كتشطح بلمعالق ولفورشيطات
الغالية:يالله زيدو قبل ميبرد
غيتة:ياميي توحشتهاا
هيبة:دغيا دغيا شوية ويجي صديق
حياة:دكرنا السمن ولعسل تهنينا من خنشوشو هاد ليوماين
هيبة:اقبااال راه مكنظلمهااش
اقبال:حيااة وقريها شوية اصااحبتي زدتي فيه
حياة:ومكنحملش ديل موو
الغالية:نتي لي مزوجة بييه ؟ كعلا تحملييه يا تبقي ستر كولي وسكتيي
كمشات فيها عينيهاا ورجعات كتاكل ولهدرة كلها انصاف ...انصاف ...بمعنى الكلمة هزاتها لغيرة ولفات تكون هياا الصغيرة فالدار واخة يضربوهاا وميخليو ميديرو فيها مفشينها
تغداو وجمعو الروينة وكلسوو فالصالون مجموعين حتى صونا تيليفون هيبة
هيبة:هدا صديق (جاوبات )السلام
صديق: انا تحت الدار
هيبة:مم واخة طلع بعداا
قطعات معاه وشافت فيهم:غنمشي تنرجع من بعد
حياة: غبري واحد الشهر وجيي
هيبة:راه تلتيام وانا هناا احياة فوق جهدو
اقبال:سيري اختيي ...
الغالية: ورجعيي من بعد عفا بنتي
هيبة(وقفات وباست انصاف وعنقاتها)انا غير ملي رجعات ليناا انصااف هاديك هيا الدنيا ...
كتقلب وحشماانة ومدعوقة ...سراول وقوامج تيشورتات ...كتعض فشنايفهاا وتشووف كيهدر معاها براهييم ويزرب عليها بلهدرة واقبال مراقبااهاا مرة مرة تبسم ...فكراتها فراسهاا فالصغر تاهيا كانت هكا ولكن زمان قسحهاا وخلاها تخرج الجبهة ودير بلاصتها بين الرااجل وبين لمرا
براهيم:شوفي هادي بيااسة تجيك غزاالة ...لمارك تاع توركياا(ورا التيكي ل اقبال )هاهيا شفتيهاا والله صبنن وعاود
اقبال:براهييم نقص شوية نقص راحنا غير جيران عطي لبنت تقيس دعقتيهاا
قربات تبوسوو على اساس حنكو السيد باغي فمهاا على فمو عاد يبرد ..باستو بقبلة خفيفة تشدها من دقنهاا وعصر ليها شفايفها بقبلة بورشاتهاا عاد بعد ورجعات لبلاصتها مهبطة رااسهاا لتليفوون كتخرح فعينيهاا مهدراتش بااقي ...
على مسافة الطريق وصلو للدار ف الليل طلعوو وسد وراه لباب ودخلات كتجري لبييت وتبعها كيحيد ف تجاكيط ديالو لقاها ربعات وسط السرير كتحل فلكرطونة
غيتة:مشريتيش ليا نمرة !!
جابر:حتى لغداا ان شاء الله ...شوفي فياا (هزات راسها فيه وكيضرب فودنو بصبعوو )اودنييي منك اغييتة ...هكا ولا هكاا عينييك نلعب بيهم لبي
جابر:انمشي نتوضا نصلي ...شنو درتتي فالصلا واش كل مرة نبقا نغزك
غيتة:الشهر الجااي نبداها منقطعهاش والله
جابر:مسحي ديك الجلاخة من ايدك ورجلك بعداا عاد نهدرو
خرج خلاها كتسووط ولكن دغيا ضحكات مع تيليفونها ...دغيا شعلاتو وبقشات فييه ...ناضت كتبدل كتحل فشعرهاا قدام امرااية وكدندن وتبدلل حوايجهاا توقف وراها من بعدما صلاا داعب جناابهاا ونزل لعنقهاا طبع فيه قبلتو وقال: خديتي لي بغيتي ؟
غيتة:اه نردها ليك فساعة لخير
دوز ايدو على كرشها وباسها فحنكهاا ودورهاا عندوو هزها على لكوافووز باش يالله يتقاد طولها معااه وقال : كتر من هاد السااعة
حكاية أنثى الجزء 19
محتوى القصة
التنقل بين الأجزاء