صورة مصغرة لـحكاية أنثى الجزء 20

حكاية أنثى الجزء 20

hikaya 7ikaya onta 
رواية حكاية أنثى

غيتة(بتحلوين )شحال تعطيني

جابر:لمك هادشي لي خسرت عليك اليوم ماكفااكش (عضها فودنها)

غيتة:دخل ليا لويفي لداار ...اي اي ودنيي (ضرباتو لكتافو )وجاابر

جابر: واخة
غيتة (ملي جاتها فالشطيح هااانية )تا انا واخة
جابر:ولكن تلبسي شي حاجة من دوك لي مخبية فلمجر
غيتة(عرفاتو كيهدر على شوميزات )لاا ...غانحشم ومانشطحش

جابر:نتي تحشمي ...الشيطان يحشم ونتي ماتحشمي ...دابا شنو قلناا

غيتة:ولكن منديرو والوو غير نشطح ونعسو
جابر: شطحي بعداا ويكون خير
غيتة(دفعاتو)اوا خرج تنلبس

جابر(ضحك وقرب ليها جر السوتيانات من اللور حتى تسمعو طق مع لحمها وقال)حيدي هادي (غمزهاا وخرج)

خلاها معلقة حدا لمرااية متبعاه وقالت: ولد لحرااام وشوف لييك لي مكيفلتش لفجر (شافت فلمجر )تت تفوو فمي كياكلنيي ...كلشي فسبيل لويفي
ناضت كتشوف اش تلبس كان واحد فلكرونة هوا لي مستور بلا شبكة جايي سامبل تالحد لفخاض وصميطات بالدونتيل ولتحت بالدونتيل وتوبو من لموبرا لاصق عليها....لبساتو منو لحمهاا تحتو غير سليب اسود ...طلقات سالفهاا و لخلخال فرجلهاا كايتحرك
دخل عليها لقاها كتقلب على لحزام تقفزات وغطات صدرها بييه وقالت:مزال مقلتش ليك دخل

جابر( كيطلعها ويهبطهاا وكلس فبلاصتو وقال) ياله دغياا
غيتة(حناكها تزنگوو وكتغطي بشعرهاا ومحاملاش تشوف جيهتو مدات ليه ايدها وقالت) :ارا تيليفونك

جابر(مسلوب بيهاا )شنو بغيتيه

غيتة:يكما باغيني نشطح ليك على طيور لجنة

ضحك و جبدو من جيبوو مدو ليهاا وعطاتو بالظهر كاتقلب فيوتوب تستقرات فاغنية مصرية بالدربوكة وحطاتهاا
جابر:علاياش كتقلبيي تاني

غيتة:ووصبرر صبر ...فف
عاطياه بالظهرر كتقاد فلحزام عاد طلعات معاها بلي اتشطح لييه كتبقا دافعة الجبهة تكتساطح مع لحييط
بقات عاطياه بالظهر وبدات بأول حركات لخصر كتموج بمرونة مع الاغنية ...مهزاتش فيه عيينيها حيت غادي تلف مرة تعطيه بجنب مرة تقابل معااه مرا تعطيه بالظهر ...وهوا فكلتا لحالتيين مستمتع

هزات شعرها لفووق كتحرك فنصها باحتراافية وعاضة على فمهاا تحسات بيه شدهاا من خصرها وغوتات قاافزة
بغات تسلت من ايدو ودورها عندوو كتنهج ولات حمرة وصهدات

جابر:براكا علييك معيتييش (حل ليها لحزام كايبوس فيها وهيا كتبعدو وشادة فكتافو كتنهج)

غيتة:عييت بغيت نعس ....وطلقني ع عفااك
جابر(ضربها لمؤخرتها تغوتات ) نعسيي ورتااحي الالة غيتة مولاتي

تسلتات منوو كيي لفارة وهربات ليه فوسط الدار كي لعادة ...راشقة لييه وليوم بيها ولا بيه ...تابعها بلخاطر وقال:فينماا شديتك اغييتة مزيان

لقاها فلكوزينة وقالت بتوسل:عفااك اجاابر عفااك
جابر:فيك فيك
غيتة(المكتوب مامنو هرووب ):تانا والله مبقيت نشطح لييك (شافتو كيقرب وقالت كتغبن )وبلاااتي مشربتش لكيينة ففف

هزات لما بالنفااخة وتمشات قداموو وهوا وراهاا دخلات لبيت وطرقو ومشات هيا لحدا لمراية كتشرب فلكينة وتخنزر فيه ...جغمة جغمة

جابر:غيتة !
غيتة :وصبااار(شافتو جاي ليها وحطات لكااس)صافي صافي
جرها عندوو وقال:مالك عكسية
غيتة:وغي بالشوية
جابر: ششش

طاح الشوميز فلارض وتبعوه ملابسها الداخلية وحوايجو كذلك ترمات على سرير وهوا فوقهاا كيوزع قبلاتوو ويتلاحم جسمو مع جسمهاا ...

**

كانت اول ليلة ليها مع خواتاتهاا ...لبسات بيجامة جديدة ومشطات الشعر و ظفراتو كيف عادتهاا وتكات فبلاصتهاا من حداها اقبال و السداري لاخر حياة

حياة:حتى لين قريتي ا انصاف
انصاف:التامنة ونتي
حياة:لباااك الزين
اقبال:او ماشداتوش
انصاف؛ لمهيم وصلتي لييه ...ونتي ا اقبال
اقبال:السابعة ...مكملتهاش
انصاف:علااش ؟
سكتات اقباال كتنهد تنطقات حياة: حبسات لقراية ملي داوك ...او خرجات تخدم عليناا وخدمات فلميكانيك


انصاف(سكتات شوية وقالت):دوك لي كيصايبو الطموبيلات
حياة:هادووك الزين
اقبال:تبغي ترجعي تقرااي ا انصااف ؟
انصاف(بحسرة)مكرهتش ولكن مشا لحال

حياة:علااش مششا لحال ...مزال دوزي لكاطريام حرة
اقبال:بالصح الى بغيتي نشوف ليك لعام الجاي تبداي ب التاسعة حرة اشنو بان ليك
انصاف(قلببها ضرب بفرحة وحماس ):بغيييت والله ...كتعجبني لقرااية
اقبال:ايكون خير لعام الجاي يحضر الله
انصاف:حمم اقبال نطلبك طليبة !
اقبال(شافت فيها )شنو خاصك !

انصاف:لاا بغيت نقول زعمة ...قلتي لياا بليي واحد لمرا هيا لي رباتني تولات عندي ست سنين
اقبال:بغيتي تشوفيهاا ؟
انصاف:ااه هيا اخر حاجة بقيت عاقلة عليهاا قبل لخيرية ...عاقلة على شي لقطات معاهاا ...كدير ليا لحنة

اقبال(تبسمات):اصلا كنت غنديك عندها ...حيت صونيت ليها مجاوباتشش ....واعدتها باش ملي نلقاك نجيبك تشوفيها
انصاف(تبسمات)شكرا اختي

حياة: بيلوو غدا اتكااتبيي الزين
اقبال:هههه منيتك خاصني بعدا نجمع لوراق وندفعوهم لعدول يدوزهم فلمحكمة عاد نطيحو لعقد

حيااة:لااا احبيبة وراقك ديجا دازو من لمحكمة ...او دابا خاصك هي تمشي تسني نتي وشارووخان فالصباح (ضحكات مبينة على سنانها )خاصك تشكريني راني تكلفت
اقبال:كاطنزي ؟
حياة:بلعما ياختي ...شهيد صدعني هاد ليامات مشيت ياااختااي جمعتهم لييه او دفعهم هدا مكاان الكبيدة

انصاف:واش غتزوجيي
حياة:ايييه الكبييدة غداا اتزوج ...غدا نصايب لختي شي مشييطة فنة بحالك
انصاف:هههه ان شاء الله
اقباال: اوى غدا تزوجي بييه نتيي (جرات عليها لماانطة وتغطاات عطاتها بالظهر)
حياة:اختي تزوجي تاكلي لحلوة ويلي تبقاي حدا مك ظفري شيب لتحت مع شيب لفوق
انصاف(حشمات):ههه اويليي

***

على نسمة الصبااح كانت اول وحدة تفيق هيا انصااف ...حلات عينيهاا فالسقف ولفات تفيق بكري ...تقلبات على جنبها كترمش كان كيحساب ليها هيا لي فايقة حتى لقات اقبال فايقة كتلبس

اقبال(هزات عينيها فيها وتبسمات)صباح لخير
انصاف:صبااح لخيرر

اقبال:نعستي مزياان ؟ رجعي نعسي مزال لحال ياله السبعة
انصاف:لاا ولفت نفيق بكريي

اقبال:تخرجي معاياا ؟
انصاف:واخة !
اقبال : لبسي غير شي مونطو خفيف فوق السورفيت ...عندك
انصاف(بخفوت )لاا
اقبال:بلاتي نششوف لييك فلماريو ديال غيتة ...

خرجات الاخيرة لبيت الغالية حلات جيهة غيتة لقاتها مخلية شي حوايج هزات منهم قبية

الغالية:خارجين !!
اقبال:شوية ونرجع ...نمشي نطل غير على لمحال دغيا نهز شي حاجة ...عندي مانقضي
الغالية:العشية غيجيو !!
اقبال:معرفتش نرجع ونشووف انا مشيت ...ديري وشوفي لحوايج لي خلات هناا غيتة عطيهم لانصاف تنااخد ليهاا شي حااجة

الغالية:واخة ...تندير ونكسي بنتيي
الغالية:ان شاء الله ...هاهياا معاك داباا ...عوضيي لي حرمتي راسك منو الغالية
الغالية(تنهدات) :ربي غفور رحيم ا اقبال

اقبال(سكتات شوية وقالت): ونعم بالله ...هاني مشيت

هزات فايدها ا ش خاصها وخرجات لعند انصاف لقاتها غسلات وجهاا وكتسناها مدات ليها لقبية وحلات بلاكار صغير تماا جبدات منو صندالة تاع الصبع عطاتها ليهاا عاد خرجو فجو الصبااح
غادية انصاف وكتشوف وسااكتة وجامعة ايديها فجياب لقبية والظفيرة جنبهاا

-صباح لخير اقبال
اقبال:صباح نوور الحاج لبااس
_لبااس ابنتي ....على سلامتك !! والله تكندعيي معااك ديماا الله افرج علييك وربي مخيبناش
اقبال: الحمد لله الحااج لمكتابة كدوز على الراس
_اتحلي لمحال
اقبال:ضروري كاين منقضيوو ؟
_بغيت ندوز الطموبيل وتشوفيها لياا اما مهديي خفتو يبهدلها لياا
اقبال:هههه والله الحاج تا غي ظالمينو وكان ...راه عجينت ايدي وعارفة اش علمت معليناا جيبها ويكون خير

كملات طريقها مع ختهاا وبعد تردد وحشمة قالت: علاش كيقولو لييك على سلامتك ...كنتي مريضة
اقبال: لاا ...كنت فلحبس
انصاف(خرجو عينيها )اويليي وعلاش !! شنو درتي
اقبال :قصة طوييلة الزييين
انصاف(باسف)داكشي علاش كنتي طافية تيليفونك
اقبال:ايييه داكشي علاش

وصلو لمحال وجبدات الساروت كتحل فريدو تطلعاتو وساست ايدهاا ودخلات كتشعل فالضو وانصاف كتشوف وسااكتة

انصاف:لمحال ديالك زويين
اقبال:عجبك ههه تخدمي معاياا ههه
انصاف(بنيتهاا)اهاه والله تنخدم معاك غير علميني
اقبال:هههه واش نتيي حمقة ...نتي الالة هي قرااي ليناا ان شاء الله لعام جااي ..
انصاف(كلسات فكرسي واقبال كتمشي وتجي قدامهاا كتقاد فشي حاجة )وزعمة غايرجعوني
اقبال(شافت فيها ورجعت كملات شغلها )غاترجعيي الزييين ...صبري هاد الشهورة وغنمشي نسول لييك .. خاص غير الاراادة وكلشي يكون مزيان

انصاف:كنحلم نولي استاادة ونقري لوليدات الصغار
اقبال: تعاش ههه
انصاف: العربية ههه

اقبال(بحب ):ان شاء الله احبيبة ديالي
انصاف(وقفات):نعاونك نخرج معاك هدشي براا
اقبال: واخة ..حطي هاد لخيوط حدا لباب
فعلا شداتهم وخرجاتهم حداا لباب ورجعات اللور كتسوس فايديها وكتقرا لبلاكة لفوق ...ميكانيك بيلو لجميع انوع السيارات ...

دورات راسها لجيهة لخرا كتشوف فموطور جاي جيهتها كان مهدي هز عينيو فيهاا وتبسم ليهاا ونسا راسو بلي راكب موطور

انصاف(غوتات)عندااااك عندااك


خرجات اقبال من غواتهاا لقاات مهدي فلت جوج دراري وطاح لارض هوا وموطورو مشات اقبال كتجري عندوو
مهدي:ناري رااسيي اععع
اقبال:واش مكتشووفش قداامك امهديي نووض (عاوناتو وهوا شاد جبهتوو)

مهدي:اححح تخلخل ليا لمخ (جمع لموطور كيقلب يكما تهرسات ليه شي حاجة وجرو جهة لمحال تشاف انصااف ... بقا كيشوف فيهاا ويتبسم كي لهبيل)
مهدي:صباح لجماال ...صبااح الطبيعة ...صافاا ؟؟ تي باغل فغوونصي
اقبال(ضرباتو لراسوو) اداك لحيماري جمع راسك
مهدي(كايرمش فانصااف وهياا مزنگة وعطاتو بالجنب كترجع الشعر ورا ودنهاا محس تجاتو سربيتة لعينيه نيشاان )لمعلمة !

اقبال:كتقلب عليا فهاد الصباح امهدي ؟ ...شوف ليا السلعة لي خاصة بغيت نمشي
مهدي:شكون لبنت ؟
اقبال:ختيي ....وسربيناا ا مهدي
مهدي:اااه صوفيا ؟
اقبال: انصااف

مشا كيقلب فالسلعة وعينيه عليهاا وهيا حلفات لهزات عينيها فييه عطاتو بالظهر وتهناات هوا كايقول شنو ناقص واقبال كتكتب محنية على لبيرو وكضرب لحساب ب لكالكيل حداهاا وانصاف مراقباهاا وكطل شنو كتكتب وجامعة ايديها حداهاا
تسالات هزات لورقة ولفلوس لي كاينين تماا وخرجات مع ختهاا
اقبال: الى جا لحااج ..عيط ليا نقاد ليه طموبيلتو
مهدي:واخة(عينيه ف انصاف)جيبي معاك انصاف (شافها راجعة ليه وبدا كيضحك)ههههه صافيي صافي

خلاتو ومشااو وقالت :ماتديش علييه غير كيضحك ههه.
انصاف: خهه ماشي مشكيل

خداو اش خاص للدار وطلعوو لقاو لغالية فلكوزينة وريحت لقهوة معطرة ...لقاتها كدير فالبغرير

انصاف(بتردد)احم ..صباح لخير
الغالية(بفرحة جراتها عندها )صبااح لخير لي تجمعو بنيااتي وعلاه مالو ميكون صباح خيرر ....نعستي مزياان ؟

انصاف:ااه الحمد لله

تبسمات ليهاا وحطات لقبية وجمعات الصالون ومشات لكوزينة عند الغالية واقبال لي كتعمر فاتاي وقالت بحششمة:نعااونكم ؟
الغالية:لااا سالينا فيقي غير حيااة
انصاف:واخة

مشات لبيت لقات حياة مزال ناعسة عيطات ليهاا تعيات والاخيرة مسمعاتهاش وقربات ليهاا
حياة:ممم
انصاف: نوضي تفطريي
حياة(حلات نص عين شافت انصااف. محنية عندهاا وهزات لماانطة وقالت بصوت باح) :اجي اجي عندي
انصاف(ضحكات) كيتسناونا
جراتها تطاحت وغطاتها معاهاا كتبووس فيهاا باشتيااق وانصااف فرحاانة ومقاداهاا فرحة

حياة:احح على طريف لفاني انااكلوو ..مالك اختي على هاد زيين
انصصاف:هههه
انصاف:شوفيي لمك ...دوك زوينات دغيا كيطيروو ...والله يامك وتزوجيي وحنا مزال مشبعنا منك
انصاف:هههه اويليي اش ندير بالزوااج ...مزال مابلغت اصلا
حياة(قفزات )اويلييي ...علاه شحال عندك
انصاف:سطاش
حياة(سكتات وندات على اقبال )وااا بيلوو
دخلات عليهم وقالت مالكم
حياة:انصاف مزال مابلغاات

اقبال(كمشات حجبانها )واايلي ؟ ...غيتة بلغات على 15 ...نتي سطاش داباا
انصاف:ماعرفتش
حياة:عادي احبي متشوشيش صاحبتي بلغات على سبعطاش
اقبال:ولكن ضروري تشوف الطبيب ...من بعد ونديك تشوفي واش نوررمال ...ياله نوضو تفطرو

حياة:الكبيدة نمشيو لحمام !! شهيد ايجي فلعشية !
اقبال:بحالي بحالك مزال مسولتوش ...(مزال مكملاتها تصونا تيليفونهاا )هاهوا كيصونيي
مشات لبيت لغالية وجاوبات وقالت:صباح لخير

شهيد(بصوت باح )صباح النور مراتي
اقبال: صباح النور لي غيطرطق ليا مرارتي ...معامن تشاورتو تجمعو وراقي بلا خباري
شعيد:نبقا نتسنا فملتك تايشيب رااسي اختي ؟ ...وراقك الجمعة دازو من لمحكمة او دابا راهم عند القاضي ...دابا بغيت هي نسولك ...نجيب لعدول لدار ولاا نمشيو عندو

اقبال(بقات سااكتة واستسلمات للامر لواقع )لي بغيتي !
شهيد:بغيتك غير نتيي اوكان ههه...شوفي غنفطر دغياا ونجي عندك نشوفو الدار ونشوفو لوراق لي خاص يتجمعو باش نسالييو هاد لمسمار دغيا ونتهناو
اقبال:صافي واخة

تجمعو على لفطور كيداكرو على لعشية صوناو لجابر علمووه او هيبة كدالك

حياة:متعطليش باش نمشيو لحمام
اقبال:اشمن حمام راه منمشيش ليه واخة تجريني ...سيري نتي وانصاف نمشي نقضي غراضي ونجي

حياة:ناااري اميمتي على عكسية...نشوف غيتة تمشي معاناا ؟

صونات ل جابر ودوزها ليهاا كانت عاد خارجة من دووش
جابر:هاكي حياة
غيتة(خنزرات فيه لاوي عليه فوطة )اراا
جابر(دفع ليها راسها ومشا جيهة لمااريو )
حياة: المعزة ! تمشي لحمام

غيتة(ميقات )المعزة عندها تيليفونها الحبيبة صوني ليها فيييه
حياة:شوف هاد بنت لحرام اتغددني مع الصباح ...وبزعط لدرتي تيليفون طلعيه معاك دابا تمشي لحمام ولا لا
غيتة:معلمتينيش بكري ياله دوشت
حياة:ايييه الناس دوشات بكري


الغالية:هاااء وتي سكتي يكون حداها
حياة:مالك قلت شي عيب فين عمرها دوشات فالصباح...تلاحي فحالك
غيتة:تصاوبي ليا شعري؟
حياة:لا مغنساليش وخاصني عام معااك تلاحي فحالك

قطعات معاها ودارت لجابر لصقاتوو بتبلحيس:عفاااك اجابر نمشي لصالون نقااد شعري عفااك
جابر(كيلبس فتيشورت ديالو )خليه طبيعي كيجيك زويين
غيتة:حرام عليك ! شحال مصاايبتوو بغيت نبوكلييه
جابر:وااخة ان شاء الله ...صايبي لفطور
غيتة(مدات ليه ايدهاا)وارا فلوس الصالون عاد نمشي لكوزينة ديرها بيااا

جابر:راه غنصمرها معاك
غيتة:الله اعطيك صحيحتك
جابر:شحال
غيتة:عطيني 100
جبد لفلوس من لبزطام ومدها ليها وقال:ياله ديري ليا لمسمن
غيتة:واااع
جابر:لبسيي وجي لكوزينة ولا غانگرجو لييك ...وسربيي
تعصبات وحييدات لبينوار بالزعفة ولبسات وجمعات شعرها فازك ودارت زيف حياتي ومشات لكوزينة شدات تيليفونو مخنزة دخلات تشوف كي تيتقاد لمسمن وطريقتو
جبدات لقصرية او طحين وعجناتوو وبدات كتكرص فيه


غيتة:نتا لي غتعمر اتااي (ايديها عامرين عجينة)مكيصدقش لياا
قبل ميجاوبها صونا تيليفونوو وتقطع لفيديوو كانت شادية فلواتسااب جاوبهاا واقف حدا غيتة كتسمن وتحط فبلاطو

جابر(بفرحة )ومبروووك يتربا فعزكم ان شاء الله ههه الله اودي علاش معلمتينيش لباارح ..
_ختك اخاي مبغاتشش تخلعك ...
جابر:الله اينوضها على خيير يااربيي
غيتة(بفرحة )وينوو ولدااات قوليه يسيفط ليك تصويرتوو ...فين شادية

دوزوها ليهم فلكاميرا ناعسة وشادة ولدها فلكلينيك وراجلها حداها حتى بداات كتبكي ...لولادة وسط لغربة صعييبة
جابر:شوف لحمارة لاش كتبكيي ؟
شادية:هءهءه توحشتك والله
جابر: يا صافي راك عياانة ماتبكييش اختي مبقا والو شهر ستا ان شاء الله تجيو
شادية:ان شاء الله ...تهلا فغيتة ...الله اعطيكم تانتوما شي كتكووت ههه
جابر:اش اودي ربيت تا موو
غيتة:الله انجينيي
شادية:ههههه ها عبد الرحمن كيسلم عليك اخالووو قول لخالي باي باي
جابر(بحب )الله اصلح ويجعلو درية صالحة ياربي

قطع معاهاا فرحان لختو واستقرارهاا وفخاطرو تهوا متمني امتا دارو تعمر ولكن كيشوف بلي هاد النقطة مزال بعيدة شوية

دارت ليه داك لمسمن بستين كشيفة ...كل مسمنة لياش كتشبه توحدة متفرح لقلب
ها لودنين خارجين ها هيا محروقة من الجنب هاهيا عوجة وغليضة ولا رقيقة تفات لقيااس

حطات ليه الطبسيل كيشوف فييه وهز عينو فيها وقالت :لمهيم لمشااركة !

جابر:هدشي كيتكال بعدا ؟
غيتة(گلسات جنبو كتهز فكتاافهاا )لمسمن هاهواا نتا ومعدتك
جابر(قطع منها شوية)الله اخرج هاد الطرح معاك بسلام
**
بعدما جا عندها شهيد ... مشاو الاقامات جديدة مزال ناس كتصلح باش تسكن دخلو لدار فالطبقة الراابعة ...مشمشة ومتوسطة فلكبر ...صالون وجوج بييوت وكوزينة او سيجور كبير حتى هوا ودوش وطواليط

شهيد:عجباتك
اقبال: مزياانة ...قريبة لياا لخدمة وقريبة ليك
شهيد: ههه جات لوسط باش تواحد مايتقلق ههه ...خاصها غير الاصلاحات ولفراش فشهر تكون ناضية
اقبال:وجد غير لفلوس ههه نهار واحد كلشي يوجد

تقابلات معاه واقفين اماام شرجم فلبيت كيشوفو لتحت وقالت: غتجي لواليدة فلعشية !

شهيد(هبط عينو ليهاا )لاا مغتجيش ...على راحتهاا
اقباال(سكتات كدور فلسانهاا وبعدات من حداه خارجة من لبييت ...خلاتو واقف حدا السرجم وهيا خرجات لكوزينة دوزات ايدها على لبووطاجي وتنهدات ...توحدة متبغي تبدا زوااجها بلعكس
جا عندها مزال كايعرج شوية وفايدو لعكاز وقف قدامهاا وقال: مالك داباا ؟
شهيد(شافت فيه)نتا عاجبك لحال دابا مك متجيش

شهيد(هز راسو كيسوط ورجع شاف فيهاا )دويناا فهادشي ا اقبال علاش كنعاودو فيه ...لوالييدة مبغاتشش ليوم ولكن من بعد معندها مدير من غير ترضا بلواقع ...انا لي غنتزوج ومن حقي نختار معامن غنبقاا ونكمل

اقبال:غير هاد القضية تاع القعد وهيا مكايناش ...ناقصة شوية
شهيد:ليلة بيناتناا احبيبة ...واش انا لخاطري راه مكرهتهاش تحضر ومزال طامع فيها ترطااب ولكن لبقات مقسحة معندي منديير ...تنا مكنديرش شي حاجة لي غنتحاسب عليهاا حييت عصيتهاا ...هادي حياتي وخاصها تقبلهاا....دابا خلينا من هدشي ...عجباتك الدار ؟

اقبال:مم عجباتني
شهيد:غدا ان شاء الله نجمعو لوريقات او نتمناو تحاجة متعكس
اقبال؛ان شاء الله ...مشينا .مزال تابعني شلا ميدار

فعلا خرجو من داار وكل واحد فيهم قصد شغالو ...اقبال خلصاات لفاكتورات لي دازوو ومشات تقدا السلعة ليي خاص لمحاال وتقضا شنو خاص لعشية...من هادي لهادي معرفات امتا وصلات تلاتا تعيات من لخاطر


جاو من لحمام مزنكاات وانصاف مخشية فبينوار قصير ديال غيتة وسورفيت ودايرة زيف على شعرها

حياة:لحمام كان سخوون غير مامشيتيش الغالية
الغالية:ملي نمشي انا ديك روينة شكون غيجمعها...بصحتكم تحميمة
حياة:اوى حنا تحمحمنا ومولات الشي مزال فالزنقة

الغالية: على فعايلك الزينة !! مخلية ليها لفاكتورات كيتسنااوهاا
حياة:والله اميي تنسييتهم (شافت ف انصاف) غير نرتااحو ونوض نصايب ليك شعرك ونقص ليك منو داكشي لي محرووق

الغالية(تبسمات لانصاف وقالت) سخفك لحمام
انصاف:دييما كيسخفني

الغالية:انا نيت نهار نمشي ليه نطيح مرييضة ....يمكن اقبال جات
وفعلا كانت هياا حلات لباب مدخلة التقدية وناضت حياة عاوناتهاا كلسات اقبال مسخسة وقالت:بصحتوو الحمام
انصاف:الله اعطيك الصحة اختي

حياة: نووضي نتيي نوضي لدوش ضربيها بفركة عاد كلسي ترتااحي
اقبال:خلي هي النفس ترجع فياا
الغالية:واش مينة مجيااش؟!
اقبال:هادشي لي فرااسي

حياة:كعلا تجيي مالك غتزوجي بيهاا ؟
اقبال:انمشي ندوش دغيا عييت
ناضت لغاليية لكوزينة وحياة كتعاون فيهاا باش يوجدو لعشاا وانصاف كدور بجنابهم تشوف فاش تعاونهم متبقاش كالسة
واخة مخلاوهاش تعاونهم بقات عليهم ترجعات كتسيق فالدار وتجمع فيهاا وتسوس الصالون دوزات تجفيفة على الدار او الدروج مسحاتهم اما اقبال كانت فالدوش كتريح عظامهاا

**
هيبة بدورها كانت كتوجد شنو تلبس من بعد مخبرات صديق وقاليها واخة مكفاتها فرحة ...جامعة الدار ومنقياها كيف ديما غداه كيطيب وموجود خاصو غير يدخل

**
انصاف:متنقصيش منو بزااف ههه
حياة(كتنشف ليها فشعرها )نحيد غير لي محروق صافي

قدات ليها التقطيعة وضرباتو ليها بالسوشوار وبان لونو عسلي جدااب
حياة:زغبة عندك زوينة غير خاصك ديري ليها شي زيت باش تعالجيها ...انشري ليك واحد لكام كنت كناخدهاا لغيتة
انصاف:واخة

اقبال:هيبة غتجي ؟
حياة:قاتليك غتجي

غيتة(حلات عليهم لباب لابسة عبايتهاا ولاوية زيف على شعرها خلعاتهم)هنااا جييييت
حياة:بسم الله الرحمن الرحيم ...مالك فداك الزيف
غيتة(حيداتو كضحك وطلقات شعرها بوكلي )كنت فالصالون وخفت يضربني لبرد كيجااا
حياة(قربات ليها كتشوف فشعرها )شكون هاد لملاوطة لي صايباتو ليك مشادش مزيان
غيتة(حيدات لعباية )مشيت غير عند هاد نوال لي حداناا هيا لي لقيت خاوية (شافت ف انصاف والاخيررة تبسمات ليها ) اهااه انصاف تصايبي ليها وانا مسيفطاني لعند ديك جحمومة اتشوط ليا شعري
حياة: نتي اختي راه ايدي كيطيحوو مع شعرك ويلي نبقا مكوزة عليك النهار كلوو (شافت فحجبانها)ايهاااي على بنت لقاايد ...قطعتي حجبانك

مع قالتها هزات اقبال عينيها فيهاا وركزات فحجبانها وقالت:قطعتيهم
غيتة:لااا بلعما غير نقيتهم من لوسط (كدور فعيينيهاا )هانتي شوفي
ضرباتها لكتفهاا وقالت:قطعتيهم الحراامية صاافي بقيتي عليهم تدوزتي عليهم ياك
غيتة:احح راه غلاض بزااف
حياة:الله اعميها لجد بووك نتيي
ميقات ومشات كلسات حدا اقبال لي كترتاح ولفوطة على شعرها تقدات حياة لانصاف شعرها سامبل وقدات ليه التقطيعة لا غير ومشات كلساات

الوقت دغياا كيدووز عند الكل هكاك شهيد كان فوووق فووق السلك واخة قضية مو ديرونجاتو وجاب عمتوو على اساس تقنعها كان فبيتو كينشف شعرو باش يلبس وهوما لتحت منوضينها

العمة(نعيمة ) : الله اهديك ....واش ولد واحد بغيتي متحضريش ليه

مينة:كلمتي راه قلتهاا وراني حلفت انعييمة بغيتو تمشيو معاه ؟ سيرو الله اعاونكم انا لي ميسمعش كلامي معندي مندير بيه
نعيمة:او اش غيقولو علينا النااس امينة ختي !؟
مينة(ضحكات باستهزاء)هااا هاااي ياخيتي هوما غير مسوقين ؟هوما لمبااركين لي بنتهم تزوجاات ...حبااسة او مهاا تشلوطات تعياات وكلسات اللرض ...اش هااادشي معامن بغا ينااسبنا ولد خووك انعيمة
نعمية(تنهدات )والو اختي الزماااان مدا من عافيتك تاشوية اخيتي

مينة:حتى نتيي انعيمة ياصحيبتي
نعمية:واختيي راه نتي لي كتقوليها فيهم خاايبة ! ...هاهيا حسناا قاتليك لبنت تبارك الله واعية وكبيرة فعقلهاا وحتى دارهم بعقلهم ....يالله كون مكاينة شي حاجة غدافع عليهم
مينة:همم حسنا راه تاابعة خوهاا قراها اش تقولييك اختي
نعيمة:بلاا هضرة زايدة نوضي لبسي حويجاتك وفرحي بولدك راك تندمي

مينة(باصرار)هوا لي غيندم و قداامك ايجي يبوس رااسي ويقوليا قلتيييييها ليا انا لي كنت معمي ...سيري اختي نتيي سيري
نعيمة(كتقاد فزيفها)ومالي غنحير فييك ؟؟ نمشي مع ولديي
مينة:واعقلي انعيمة عقلي
نعيمة:تي سيري....ملاااك ...ملاااك يالله ابنتيي مع خووك
ملاك(شافت فمهات برجاء وخافت تقوليها لاا كلسي
مينة:سيري تانتي تبعييهم لاش تاتشوفي فياا خليوني هناا كي ليتيمة

طارت ملاك لبيتها بفرحة تبدل عليهاا متسوقات كااع
لحال ظلاام وشهيد راه واجد بشوميز بيضة وفوقها جبادور فلبلو مارين شفافة وسروال كحل وسباط كحل ...كيبان عريس رش الريحة واللحية كحلة مقادة وشعر قوي كحل مرجعو اللور كيقاد فلكوول واللمسات الاخيرة ...دار لبواطات تاع لخواتم فجيبوو ومعاهم جوا مخصص لصداق اقبال لي مهضروش فيه بتاتا ومجابتهاش وقتوو

نزل وريحتو سابقااه نزل لقا عمتو وبااه لابسين ومقادين ومعاهم ملاك بقفطان شهوة وشعر كحل على كتافها ضاحكة وفرحانة

شهيد؛مابغاتش ؟
ناصر:لي عليك درتيه ...صافي خليهاا ماشي بزز اولدي

شهيد(تنهد)غير سبقوني هاني جااي


خرجو من الدار محملين بلحلوة ولورد وضياافة لاهل لعروس
دخل شهيد لعند مو لقاها گالسة كدير لكروشي ومخنزرة باسها فراسهاا وهيا مهزاتش فيه لعيين وقال ب بشاشة :نعلي الشيطان اماما ...اميمتيي الوالييدة

مينة:كلمة وحدة راني قلتهاا مغنصومش تلتيام على لي ميستااهلش ...سير
شهيد:نمشي ونتي سااخطة عليا
مينة:انا مسااخطاش عليك مفرشااك بالرضا ومغطياك بالرضاا ...وداك رضااياا هوا لي غترجع عليه شي نهار سير داباا منك ليهاا

باسهاا فرااسها بوسة عميقة وتنهد وقال بصوت مكسور:على خاطرك اميمتي
عطاها بالظهر خارج وهزات فيه عينيهاا ...اي ام تبغي تشوف ولدها عريس ولكن بشرط تكون راضية على عروستوو غير سمعات لباب تدار تسد عطاتها لبكاا وتنخصيص وقلبها كيشويهاا

طلع لطموبيلتو سااكت و تهوما مهدرووش من وجهو عرفو القضية مهيااش ...مسافة الطريق عاد برد وتهدن ورجع كيهدر ويجمع مع عمتو او بااه ديجا دا طموبيلتو باش يجيب لعدول راكبة معاه عمتو او ملاك وقفو قدام عمارة كيتسناا تجااية حسناا كتجري بالطالون ولجبادور وركبات اللور حدا ملاك وباست عمتهاا و شهيد

حسنا:عميتوو ...لعريس يكما تعطلت
شهيد:لا لا ياله وقفت
حسنا: طاطاا مجاتش
نعيمة:راسها قااسح خليها دابا ترطااب

**
حياة بقفطان واقفة كتسد لانصاف الصمطة تاع لقفطان وقالت:جاك غزااال يختيي ههه ياك الغالية
الغالية:لي زين زيين ...وبنتي زيينة
انصاف:ههه شكراا
حياة(باستها فحنكها تخلات ليها لعكر وقالت:يخليلي انا التزنيگة ههه

كانو فبيت لغالية خرجات حياة وخلاتهم بجوج انصاف عطاتها حياة قفطان كرونة وطلقات شعرها لا غير يمكن هادي اول مرة تلبس بحال هكا ياله بغات تخرج تبع حياة تعيطات ليها الغالية وفايديهاا بواطة وقالت:اجي ابنتي اجي

كانت سنسلة وفيها خميسة تاع دهب وقالت:هاكي هادي ديريها بصحتك
انصاف:لا لااا والله غير شديها ديالك
الغالية:ديالي ديالك ابنتيي زيدي وسكتيي مترضيهاش فوجه ماماك ...مزال نشري لبنتي لي بغاات ولي حلات عليها فمهاا (تنهدات)انا لمباركة لي رجعتي لياا ...
هزات انصاف شعرها ودارت السنسلة جاتها زوينة مع عنقها طويل وبيض وقالت:شكرا
خرجات حشمانة وايديها عرقانين لقات غيتة لابسة قفطان كحل وطالقة الشعر ومصايبة لحالة مشات كتجري عند انصاف وقالت:ركبي ليا هاد الطوينگة
شداتها من عندهاا دارتها ليها فودنهاا وقالت: صافي
غيتة(تبسمات ليهاا )صاافي (شافت السنسلة )سنسلة ماما هادي !!

انصاف:اااه (بضحيكة )عطاتها لياا
غيتة:فخطرة ؟
انصاف:اه ...جاتني زوينة !!
غيتة:اه زوينة ...بصحتك
خلات غيتة واقفة ومشات لدوش تشوف كي جاتها فرحانة اول دهب دير فعنقهاا ...حاسة بدفئ زوين وسط عائلتها ياما حلماات بييه

اما غيتة ...سرطاتها ومشات عند الغالية لقاتها كتقاد فشالها وقالت:عقلي على هدشي امااما طلبتك تعيييت على ديك السنسلة وفاللخر عطيتيها لانصاف

العالية:ياك شريت ليك وحدة اش بغيتي
غيتة:كنت بااغة هاادييك ومحمقااني عندك
الغالية:يسخر الله ابنتيي ونشري ليك بحاالها والله لعظيم
غيتة:غير شديها عندك مبغيتهااش
خرجات كتخبط ولبكية فحلقهاا ...هيا ماشي حسدات انصاف ولكن كانت كتعشق ديك السنسلة وتركلات عليها ومصورات والو من الغالية


هيبة تاهيا كانت على اتم استعداد بدهبها او حويجاتها والظفيرات مصبوغين و الشعر مقاد ولمكياج فضلات مديرو تال عندهم هي باش متنوضهاش معاه ...كالسة فالصالون كطرطق فصباعها وكتسناه يدخل كل مررة تشوف ساعتهاا

تيليفونها صونا وجاوبات
حياة:الشيخة فينك ؟
هيبة:صبري يدخل صديق ونجي ...مالهم جاو ؟
شهيد:راه قرااب اصااحبيتي سربي رااسك ديما نتي معطلة ؟
هيبة(سمعات لباب كيتحل )صافي صافي ها صديق جا شوية ونجي

قطعات معاها وناضت ضااحكة لجيهة لباب شافتو دخل كيحط فلافيست وقالت:على السلامة !
صديق(طلعها وهبطها )الله اسلمك
باستو فحنكو كتحيد عليه لافيست وقالت: دوش دغيا ونمشيوو ؟
صديق:حاس براسي ماشي هوا هداك اهيبة التبوريشة والرااس ...هز الصاشية تاع الدوا ...صوني ليهم واعتادري منهم منقدرش مرييض

هيبة(سطل تكب عليها )كيفااش ...ياك ...ياك واعدتيني اصديق
صديق(تخطاها وغادي لبيت كيحط فحوايجو وكيكحب ) واعدتك ولكن نمشي مرييض صافا باا ...عادي اهيبة ماشي ضروري تحضري راه غير عقد ماشي عرس كبير

هيبة(تحجرو دموع فعينيها ومشات جيهتو كيهز فلفوطة ولابس هي بوكسور )حرام علييك فخطبتها محضرتش ودابا لعقد
صديق:ملخاطريش احبيبة واش تخليني مرييض وتمشي ؟؟ سيريي لكنت مكنسوا عندك والو وزاايد ناقص راه لباب اهيبة سيريي ...هدشي لي نستااهل من عندك
دخل لدوش وخلاها وعطاها الاختيار وهيا عارفة بليي بهاد الاختيار شدها من ايدها لي كضرها ...تمشي وتخليه مرييض ولا تمشي لعقد ختهاا ؟؟
كلسات جنب السرير كتبكي عمر فرحتها كملاات كتهزز رجلها ودموعها كيطيحو على خدها

خرج من دووش لقاها عاطياه بالظهر وكالسة وبدا كيكحب ولحالة حالة لبس حوايجو وتلاح فلفرااش وقال: الى كنتي اتخرجي...جيبي ليا معاك كاس تلما نشرب كينة عفااك

جر عليه لغطاا ..شافت تعيات وناضت كتحط حوايجها بالزعفة ولبسات بيجامتها ومشات لصالون
صونات لاقبال ولاخيرة جاوباتها وقالت:هيبة ! مزال مجياش
هيبة:سمحيليا اختي مغاديش نجي (كتبكي)هءهءه صديق دخل مريض لدار ...قاليا جيي ولكن مقدرتش نخليه مريض بوحدو ونجي

اقبال:وعلاش كتبكي ا هيبة صافي مكتابش اختي ...صافي
هيبة: سمحيليا عفااك هءهءء
اقبال:هههه وصافي اهيبة نعلي الشيطاان راه غير عقد غادي غير نسني وصصافي مغاديا فيين...قابلي راجلك مريض معندك مديري حشومة تخليه بوحدو


قطعات معاها ونطقات حياة ولعافية شاعلة فيها :مجياش تاني ..فخطبة غيتة مخلاهاش ودابا تاني مجاياش
اقبال:قاليك مريض
حياة:مريض!! هداك يمرض شعب وميمرضش الق** لي حطوو انا لي عاارفاه دارها بلعانيي باش متجيش ...وهيا كي لحماارة دمدووومة ا اقبال ختك دمدوومة
اقبال:حيااة ! صافي سكتي محدها مزال مجاتش عندي وتشكات مغنهدرش ومغندخلش بين لمرا وراجلها...شنو نمشي نهجم على الراجل ونقوليه نوض باش نعرفك واش مريض ولا كتبووحط ...نعلي الشيطان وسيري شوفي الغالية شنو بغات

كانت انصاف كالسة حداهم غير كتسمع بودنيها وكتشووف ...عجبها الهدوء لي فاقبال ولعقل لي كتخدم وكتقول فراسها تا انا بغيت نكون هكا بحالها ونفكر بعقلي قبل قلبي

كانت اقبال بتكشيطة بيضة مطروزة بالصقلي ...شدة خفيفة على شعرهاا وطوانك طوال شوية بلفضي مع اكسسوار فلعنق رقيق وسامبل وخيط الريح فجبهتها داخل بين شعرها مكيااج خفيف ونفس لوقت بين ملامحها طايح عليهاا السر ...قلبها كيضرب وايديها عراقو كل مرة تمسحهم مع ركابيها ...تسمعات زغارييت فالصالة عرفاتهم وصلو كتسمع لغالية كترحب وتعاود وحياة كدالك دخلوهم للصالون ومعاهم لعدول جوج هازين بايديهم لكتااب ومعاهم جابر لي استقبلهم فلباب ...تقدم ليهم اتاي من طرف الغالية او حياة اما انصاف اكبر حشومية باش تبان قدام الضياف وغيتة خلاص ...تبدل عندها لجو من بعد مكانت فرحانة شادة تيليفونها فلكوزينة

الغالية:نوضي نتي عاونيي
غيتة:الا ياك غيتة غير فنياانة ومكتعرف دير والو
الغالية(بهمس) :دار لييك كون مجات حشوومة نتف بووك
انصاف:ششنو خاصك نعاونك
غيتة(شافت فانصاف بنص عين ورجعات لتيليفونها مكرهة
الغالية: ارضي على بنتي ...دي هاد طبسييل تاع لحلوة لطبلة وجي

انصاف(بتردد) حمم واش نسلم عليهم ولا بلاش
الغالية(ضحكات)هههه سلمي ابنتيي راه ولينا عائلة لي لابس لزرق راه هوا راجل اقبال ان شاء الله وصغيرة ختو ولمرا لكبيرة عمتو وهاديك بنت عمو لي لابسة لخزي وباه او لعدول تاحد مغريب ابنتي سيري

فعلا هزات طبسيل مشكل حلوة كبير ودخلات للصالون عينيها فلارض مزنگة على الجهد حطات الطبسيل وعمة شهيد بقات كتشوف فيهاا دات ليها لعقل سلمات عليهاا من وجها
نعيمة:ارضي على بنتيي
سلمات على شهيد او جابر ولعدول او خرجات باغة طرطق بالحشمة
نعيمة(لشهيد)شكون هاد لبنت اولدي !!
شهيد :هادي انصاف خت اقبال الصغييرة
نععيمة:الله احجبها ياربيي امزينهاا ...ميبغيوش يعطيوها لمنير
شهيد(حك نيفو كيضحك )ههه نعلي الشيطان اعمتي لبنت يالله عندها سطاش
نعيمة:ومتجي فين دير تمنطاش تيجي منير من بلجيكا مالك اش بغيتي
شهيد(ضحك ) سكتي سكتي بغيتي مينة يطيحوها لمسلمين
نعيمة:تعاود لمخها هاديك ...ياولدي امزيناتها ياربي عشقتها لمنير
ضحك شهيد على عمتو وهوا كيتسناا حبيبتو لمصوون طل عليه ويشوفها وخة كان معاها الصباح هاد اللحظة بالضبط تاع الانتظار كتكون حلوة

وجابر بدورو كيقلب على غيتة لي مبانتش ومشافهااش كاع ملي دخل جبد تيليفونو وسيفط ليها ميسااج فالنمرة لي شرا ليها وقال:فينك !!
جاوباتوو :فلكوزينة
جابر:بلا متجيي هنا تيخرجو لعدول
غيتة:مجياش اصلا

من جوابها عرفها ماشي تالههيه وطمر ورجع تيليفون لبلاصتو
العدول:سيادناا ...هدا لوقت مزال تابعنا قران اخر ان شاء الله تعالى
شهيد:اييه واخة ...حياة عيطي لاقبال
حياة(وقفات )واخة غيير بداو
بقا كيرمش كيتسنا فيهاا تزغرتات الغالية هز عينوو فاميرة بفستان ابيض طايح عليها السر والحشمة ولبيض وتاها سلمات عليهم وكلسات من جنب جابر هزات عينيها فشهيد لقاتهم كيخرجو لقلووبة هبطات عينيها بحرج
_نبداو بسسم الله ...عطيني لكارط ابنتيي ...
مداتها ليه وعينيها فلارض قلبها كيضرب والعدول كيهضر تم القبول من طرفيين وجا وقت يسنيو سبق شهيد اللول وعطاوها لكتاب سنات حتى هيا وقلبها وايديها كيترعدو

طلقات حياة تزغريتة كتصلي على نبيي وختمها العدول بالدعاء وقال:بالرفاه والبنين
الكل:اميين


لعدول مشاا وبقاو غير هوماا ...وقف جابر كيقلب بعينوو على غيتة لي مبانتش كااع تلاقا ب انصاف

جابر:انصاف فين غيتة
جابر(بلا متهز فيه لعين )فلكوزينة ...كالسة
جابر:شكرا

مشا طل لقاها كالسة شادة تيليفوون خنزر ودخل لعندها بلا متناابه ليه تطير ليها تيليفون من ايدها تشهقاات وشاف شنو كدير او دارو فجيبوو

جابر:اش مكلسك هنا ؟
غيتة:خلعتينيي ارى ليا التيليفون
جابر:غنصمرها مع ملتك اش مكلسك هناا !
غيتة(بنفااخة )بغييت شغلك
جابر(قرب جيهتهاا وهز ايديه ترجعات اللور وعض على فموو )قسما بالله تنفرج فييك عباد الله و مگاديتي معاياا عقلك ...مالك اش عندك تانيي
غيتة(هزات كتاافها بصمت وهبطات راسهاا
جابر(دوز ايدو على عنقوو وسااط)اتخرجي لياا عقليي اغيتة بالله(ركز فيها الشوفة وطلعات ليه لكناوية لراس جرها بنتير من دراعها تزدحها معاه وقال) حجباانك
غيتة(بدات كتفتف)غ غيير طراسيتهم
جابر:زيدي حيدي ديك الشووهة داباا ومن بعد ونهضرو زيدي
غيتة:صافي سير انا جاييية
جابر(حمر فيها عينيه )غييييتة
غيتة:وااخة
دفعها قداامو كتسووط وتمشاا وراهاا غادية لبييت دخل وراها وسد لباب وهيا مشات ل مراية كدمع وهوا شاد فجنبو ومخنزر فيهاا

جابر:والله واخة تبكيهم دم ...مسحي الزمر لقيتي رااسك منتووفة لي دايرة لياا الطراساج ؟ (ضربها لرااسهاا )ومسحييي لباااكور
غيتة(بتنخصيصة )بعد منيي هءنءن تفوو (كتمسح فحجباانهاا ودموعها هابطين باطلا وتجر فنيووفها )صافي بقيتي على خاطرك

جابر:معامن تشاورتي تقطعييهم
غيتة:حجبااني هادووك نقرعهم مشغلكش فياا
جابر(عض فمو وبدا كيشعل مسح على لحيتو وقال:زيدي قداامي لداار
غيتة:مبغيييتش ومغنمشيش معااك يالله وماشي بزز منيي

دمو فور عليهاا جرهاا بنتير من دراعها بغا يعطييهاا تاتحل لباب ودخلات لغالية وشهقاات ومششات عندو ؛عفاااك عفاك اجاابر
حياة(دخلات وراها حيت ششافتها داخلة كتبكيي ) مالكم

غيتة:غنعيط لاقبال هءهءهء والله تنقوليها بغا يضربنيي
الغالية:سكتيي يسكت لبوك لحس ....بغيتي تنكدي عليها تفرحتها تاهياا
جابر(شاف ف حياة بحدة)نتي لي قطعتي ليهاا حجبانهاا ؟

حياة:بلعما اخوياا واش قستهم (شافت فيها ) اختي باز
غيتة:مشغلكش بغييت نقطعهم بغيييت يالله ضرب راسك مع لحيييط مقلتش لييك تزوج بيييااا
بغا يمشي ليهاا وجات قداموو الغالية كطلب فيه بهمس وقالت:الله ارضي علييك اولديي راه معندها عقل ...صافي مسحها فياا وخلييو ليلتها دوز بخير

حياة: ناري يااختيي شفت فقسوحية الراس تعيييت وبحالك مشفتش
الغالية:جابر بدل ساعة لخرا الشيطان كيحضر اولدي يعطيك ستر

تحلف عليها بعينيه وهيا كالسسة كدمع وخرج
**

شهيد:حبيبة مالك !
اقبال(عينيها فلباب)ممم شفتهوم دخلو لبيت كاملين ...واقعة شي حاجة
شهيد:اش بغا يكون واقع ..(بان ليه جابر )ها جابر خرج وحياة مشات لكوزينة (لاح ايدو وراهاا )صافي داباا طرقناا لعقد ندوزو لتطبيقي

اقبال: خليك بعقلك اشهيد ههه
شهيد:والله يامك ....معرفتكش هادي عمتي نعييمة
اقبال (بهدوء)متشرفين اخالتي
نعبمة:ربي اخليك ابنتيي ...الله اكمل عليكم بلخيير

شهيد(قرب لودنهاا )نطلعو لسطح بينما جا لواليد
اقبال(توترات من قربو )شنو غنديرو فسطح
شهيد: نعبر لييك هههه....

يالله قنعهاا حلات حياة على ناصر لي وصل لعدول ورجعات كلسات كضحك ...شافت فجابر وحركات ليها راسها وطمنها ورجع مجمع مع شهيد وكيضحك وعقلو معاها شعلات فييه لعافيية


وقفات اقباال هازة جلايل التكشيطة ومشات لكوزينة شافت انصاف كتغسل لماعن وتبسمات وقالت:اش كديري خلي داكشي من بعد واجي كلسي معاياا

انصاف:لا صافي ساليتهم ...جيتي زويينة والله ههه
اقبال:ياك بعداا
انصاف(بتردد )داباا جيت انا وكلشي تزوج ...مزال مشبعت منكم
قربات ليها ودارتها فحضنها بحب وقالت:تحاجة مغتبعدني عليك مزال ا انصااف ...انبقا ديما حداك ايفرقنا غير الليل وصافي ههه ...علاشش الليل نديك تسكني معاياا !؟

انصاف(بزربة)لا لا اويييلي مجاتش ...غير ضحكت معاااك ....حشوومة
اقبال:علاش حشومة ممم ...دار ختك هاديك
انصاف:واخة هكاك...راجللك ايبغي ياخد راحتو فدارو معاك
اقبال(رجعات ليها شعرها اللور )لعقل يلالة .... وقت لي بغيتي تجي عندي مكاينش لي يخسر لييك خاطرك احبيبة دياليي ...اصلا انا ديما غنكون حداك فلمحال وحتى هنا ههه

دخلات لغالية كتسوط تلقات اقبال وطمرات وقالت :مجاتش مينة ...باز لقلبها ياخويتي

اقبال: مبغاتش شنو ندير ليهاا ...يالله الغالية سربيو لعشاا ...هدا لوقت

الغالية:صافي راه واجد انحطو
اقبال:فين غيتة !
الغالية:ديك لبهلولة بغات تجيها حق شهر ..مخلات عندها خاطر تااني
خرجات من لكوزينة ومشات لبيت لقات حياة كتهدرر عند راس غيتة هي تحل لباب وسكتات
اقبال:غيتة مالك
حياة(بضحكة )لهبيلة مسخساتش بييك ههه
اقباال:فيك لوجع ؟ شربتي شي دوا
غيتة:اه شربتو
اقبال(داعبات حنكها )يالله نوضي كلسي معاناا ...ونوضي اغيتة
حياة:سيري غسلي وجهك
خرجات وشافت اقبال فحياة وقالت:مالهاا

حياة:السنسلة لي دايرة انصاف عطاتها ليها لغالية ...اوى لالة غيتة قاتليك وليتو كديرو لفرزيات من داباا
اقبال:على هدشي كتبكي
حياة:وضار فيها جابر على حجبانهاا .... هبيلة وقالو ليها زغرتي هيا ختك ...زيدي زيدي

خرجو كلسو فالصالون تجات غيتة سلمات على الناس وگلسات جنب اقباال وعينين جابر بغاو ياكلووها

شهيد(شافو وضحك )اتكايس شوية اجابر
جابر(حك عينيه وتنهد ) السعاتو لله وصافي
شهيد:ايصاوب الله ...سلك

من بعد متعشااو جابت حياة صينية تاع لفضة صغيرة فوقها تمر ولحليب او لورد حمر وجوج بواطات فيهم لخاتم ... وكلاتو تمر او وكلها وشربو لحليب كيف كتم جميع العدات المغربية وختموها ب لخواتم وانصاف وغيتة كالسيين كيشوفو ومبتاسمين لابتسامة اقبال لي باينة فعينيها لفرحة ...ركب ليها لخااتم وباسها فجبهتهاا وضحكات وبدات لغالية كتصلي على نبيي وعينيها مدمعيين تبدات كتسكت فيها نعييمة

نعيمة:اوى لواه ا الغالية
الغالية:دار لبنات خااوية اختي
نعيمة:نطلبو ربيي يتبت لغرس (شافت فانصاف )والعقبة لعزييبة ان شاء الله بشي سعد زيييين بحالها ههه
الغالية(مسحات عينيها)اميين ياربيي


ضحكو ونشطوو بيناتهم وهو يستادن ناصر باش يمشيي وناضت نعيمة وملاك لي كلسات حدا انصااف وتشاركو لهدرة وضحك

الغالية:مزال لحااال كلسو
نعيمة:هدا الجهد اختي ...الله يسعدهم ياربيي ويسهل على الجميع
الكل :اميين

تسالماات معاهم
ناصر:اوى نتا مغتمشيش
شهيد:مزاا شوية هههي غير سير
ناصر:تهدا نضر
الغالية:هههه وتاهنا راه دارهم
ناصر:ههه مقلتي عيب لالة الغالية ساعة سعيدة
دار خوات وتا جابر نااض ونحن لالهم ام الغيت باش تنوض قلبات عليه عينيهاا تجات اقبال وشداتو من دراعو وقالت:خليهاا ليوم اجابر غدا تجيي

جابر: واخة الالة ...يالله اللهم يسر
اقبال؛اميين

شدها شهيد من ايدها وقال:نطلعو لسطح وربي كبيير
اقبال:واخة صبر هههه سبقني هاني جاية
جابت كاب من لداخل وبدلات سباط ب بلغة خفيفة وطلعات لسطح بان ليها واقف ايديه فجيبو ومغمض عينيه

اقبال:ها اناا اسيدي اش كااين
شهيد(شدها من ايدها جابها قداموو وتبسم ليها )بغيت نشوف لحيبان بوحدي فيها شي مانييع
اقبال(تبسمات )اييه مزيان ههه
شهيد(هز ايديه رجع ليهاا شعرها اللور وشدها من عنقها وقرب ل جبهتهاا بااسهاا وهيا حسات بتبوريشة من ديك لقبلة الدافئة حتى حطات ايدها على ايدو

شهيد:نهرب بيك ؟
اقبال: مزال لحال
شهيد:امتا نزيدو 15 لعام اخور ههه
اقبال:هههه نتا وزهرك
شهيد:مسولتيش على صداقك

اقبال(سسكتات شوي وقالت)لي بيني وبينك كتر من صداق
شهيد(تبسم ليهاا وجرها عندو وقال بهمس )زعمة متقوليهاش بطريقة خرا ...غير مرة وحدة صافي
اقبال :زعمة ضروري تسمعها باش تعرفهاا

شهيد(ايدو فحنكهاا )لاا غير نسمسعها منك وصافي
اقباا(بغات تبعد وزيرها عندو وشافت جيهة لباب ) راه حنا فالسطح زعمة
شهيد:طلقينا خلاص
اقباال: كنبغيك (بابتسامة )صافي رتاحيتي

باسها جنب فمها هاد لمرة مامنعاتوش ...داز لشفايفهاا بقبل سطحية بعدهاا لتاهم شفايفها بتأني ...مغمضة عينيها كتحس بلقشعريرة فجسمها كامل وبعد شوية مخلي فمو قريب لفمهاا وهيا مغمضة عينيها معاه وقال بهمس : كنحماق علييك


بعدات عليه مني سمعو التخرشيش فالدروج وقالت بضحكة ؛مسح فمك من لعكر
طلق منها كيمسح على فموو ويضحك وقال: تسمم هدشي ندعيك علييه

اقبال:نهبطو ؟ تحرك لبرد
شهيد؛غنمشي (جبد من جيبو جوا مدو ليها وحلاتو قدامو كان شيك شافت فيه وشافت فشيك

اقبال: صدااق موديغن
شهيد(حك ودنو )مع داكشي كتير خفتو يتقل عليياا
اقبال (مشافتش كاع شحال وتبسمات ليه ) نهبطو
شهيد: يالله

هبطو وهوا كمل الطريق للدار وهيا دخلات لدارهم لقاتهم فلكوزينة وانصاف كتشطب دخلات لبييت كتمسح ف وجها وكتحل فشعرها تدخلات حياة وقالت: شنو درتو فالدار (هزات الشيك
اقباال (كتمسح فمها )مزيانة عجباتني ...غدا ان شاء الله نمشيو نجمعو لوريقات ونشوفو لبانكة

حياة:هاي هايي على الدكتور
اقباال:بديتي تااني
حباة:ههه لا لا دابا عجبني كتر ...غدا نمشيو انا وحبيي ونتقداو ليك دهازك يلالة راه مجابو والو يعني صداقك جمع ليك فيه كلشي
اقبال:مامساليااش ا حيااة مرة خرا
حياة:متصدعيش ليا مخي ! انا راه ليوم ولا غدا تخرج ليا لفيزاا مغاديش نعيش ليكم

اقباال:وييه ايضربنا لخلاا ...زيدي زيدي حلي ليا هاد شعر لي درتي
حياة:خديت ليكم تصاور مقوودين ابب نخرجهم ليك وديريهم فدارك ان شاء الله

اقبال:راسي مقلووب بالنعاس

وداكشي لي كاان جمعو الدار وغيتة نعسات هيا اللولة فبلاصتها حدا لغالية دا ليها جابر التيليفون وخلاها
ولبنات كل وحدة فين تلاحت بلعيا صيفطات اقبال التصاور لهيبة ونعسات
لاخيرة كانت باقة فالصالون شادة كلينيكس ولعينيه حمريين بالدموع كانت فرحانة تحضرر لاقبال ...سمعات تيليفونها وهزاتوو كتشوف فالتصاور وتبسم

هيبة:الله اكمل عليك اختي

ناضت طلات عليه لقاتو نااعس قاليها راسها تقلب تيليفونو كيتشارجا ...لقاتو بلكوود بقات كتجرب فلكود بلا متحس لقات راسها بلوكاتو ...خرجو عينيهاا وتزنكاات حطاتو كيف كان ومشات كتسلت لبلاصتهاا حداه من بعد ماغسلات وبدلات وتريحاات اضعاف لعادي وتخشات حداه عاضة على ففمهاا عاطياه بالظهر ....تقلب جيهتهاا ولاح ايدو عليها ودوزها على كرشهاا ب بطء

صديق(بصوت باح بنعاس )امتا تفرحيني !
هيبة(بهمس )معرفتش
صديق: تفوتك ونمشيو لطبيبة
هيبة(غمضات عينيها)واخة

**

طلع صبااح مشمش كلشي صبح ناعس من لعياا فاقت هيبة على صوتو لعالي فاقت طاافجة كتشوفيه

صديق(مكشكش)اش وصلك لتيليفوني
هيبة(كلسات كتمسح على عينيهاا وقالت وتلفة نعاس فيها )اشمن تيليفون ؟
صديق:واش كتفلاي علييياا ولا شنوو ...تيليفون مبلووكي لبارح حطييتو صحة سلاام

هيبة(شافت فيه وسرطات ريقها ) وعلاش نتا بالسلامة داير ليه لكوود اشنو مخبيي فييه !
صديق(بلغوات )اش وصلك ليييه اااش
هيبة (وقفات مدوخة )متغوتش علياا اصدييق .... كون مافيه شي حاجة مكنتيش دير هاد لحالة هادي ...انا محيد لياا لفيس ومامخلينيش ندير لكود ونتا جوج تيليفونات كلهم بلكوود ! واخة معرت فاش تكون خداام

صديق:نهدر معاااك شوفي فياا
هيبة :صديق راني ياله فايقة من النعااس ....ايييه انا لي بلوكيتوو مايسحابش ليا غيتبلوكاا
صديق:ااخر مرة تقربي لياا لهاد الزمر راه فييه لخدمة ماشي لماكيااج

عطاتو بالظهر كتبركم تجرها من شعرها وغوتات :صديييق طلق
صديق:شوفي فيااا متعطينييش بالظهر
هيبة:صدييق طلق عفاااك
**
ححياة:واش هيبة كتغوت ؟
اقبال(ساطت ) واش جايبانا مع الصبااح احياة
حياة(قربات لباب )اوى قاتليك مريض نشوفو هاد مريض كيدار زيارة لمريض فيها لاجر ...والله تمدابزين
اقبال:دقيي
حياة: بلاتي

فاقو صبااح ولصقااتها حياة باشش تمشي معاها تقداا و فطريقهم يشوفو هيبة خلاو كلشي ناعس تاتلاقاو مع لغوات

صديق(واقف حدا لباب كيلبس سباطو معصب ) الله اعميها ليك ونلقا كلشي تمسح
هيبة:مدرتهاش بلعااني اصديق
صديق(بلغوات )وتيليفونيي متقيسيييهش ابنااادم
هيبة: كون ما فيك الدغل مكنتيش ديير لكود
صديق:صبرييي نيت هاني راااجع لييك


جرات حياة اقبال طلعو فالدروج ملي سمعو الساروت كيدور خرج وزدح لباب وراه
حياة:الله يسسد عليك بيبان الرحمة الكلب
اقبال(ضرباتها لكتفهاا)سكتي شوية

حياة:سمعتي غواتو !!
اقبال: شكون هادوو لي مكيتناقشوش احيااة راه الزواج هداك
حياة:هادو راه بزااف
اقبال:دابا شنو غنبقاو هنا كيي الشفارة ؟
حياة: هبطي ندقو على ديك لمدلولة
اقبال:فف غير لي بغا يدير بكلامك

دقات حياة تجاها صوت هيبة من لداخل وقالت:قرييب
حلات هيبة لباب عينيها حمرين باينة بكاات هي شافت اقبال وسرطات لبكية بزز منها وقالت:لبناات

حياة:صابحة دمعي تانيي
هيبة:دخلو بعداا

دخلوو وكلسو فسيجور وهيبة كلسات مقابلة معاهم كتفرك فايدها
اقبال:هيبة اشنو واقع ؟
هيبة:مواقع والو اختي ...تنااقشناا وصافي

حياة:علاش تاني تناقشتو ؟ نسيتي لكاس فوق الطبلة
هيبة (حكات جبهتها كابحة دموعها )حيااة
اقبال:صمت
هيبة:لبارح قلبت ليه التيليفون او بلوكيتو لييه وتعصب الصبااح حيت كانت فيه خدمتوو
اقبال:داك لغوات كامل على التيليفون ؟
هيبة :هوا اصلا هاد الايام معصب مع خدمتوو عندو شي كريديات كنسمعو كيهدر مع لي خداميين معااه

حياة:وشنو نتيي !! ديك لي كيفرغ فيها عصبيتو ا هيبة واش مغتفيقيش خلاص

هيبة:هاد ليامات ...قاليا بلي بغا يدير بحال شركة صغيرة مقاولة ...وقاليا نديرها بسميتك
حياة:مفهمتش
اقبال(بهدوء)زعمة الشيكات ولبونات ولكريديات بسميتك
هيبة: ممم هدشي لي فهمت ...قاليا غيكون عندك نصيب من ربااح ونتي اتكون غير سميتك تما انا غنتكلف حيت منقدرش ندير جوج ومزال لبنكة كتسسالني

حياة:ونتي كي لحمارة وافقتيي ياك
هيبة:معرفتش ...ديما كيجبد معايا لهدرة مزال مقلت والو
اقبال(تنهدات )لااا اهيبة بغا الشركة يضبر لرااسو معاهاا ميدخلكش فهادشي ...غدا ولا بعدو مايلقا منين يرجع لفلووس تمشي نتي بين الرجليين ولا ....عجباتك الدخلة تاع لحبس بغيتي تشوفيه من لداخل كيداير

حياة:خليهاا ...اخرتهاا مكتوبة فجبهتها هادي
اقبال:انا قلت لييك ا هيبة اش كااين ....بغا الشركة الله اعاونو عليهاا ...نتي يعطيك شبر تيسااع مباغيش يخدمك وباغي يدخلك فالتخرميز ديالو و الشيكات و الرواين ....محتاج لفلوس ! تلاتا تلمليون ديالو راها فلباانكة من دابا نمشي نخرجهاا لييه

حياة:نااري اختي بااز حق الله وا نتي مقااريااش ؟ حالة فمك كي لبكرة
هيبة:سكتي نتيي الله ارحم بااك فكي حريرتك عاد جي عندي ....كيداز لعقد اختي (تبسمات)جاو التصاور فنين اختي (...انشوف لخاتم

مدات ليها اقبال ايدها وشداتها هيبة كتشوف فلخاتم وقالت:وااعر فن فن بصحتك

اقبال؛الله اعطيك الصحة الزين ...حياة نوضي
هيبة:كلسو معاياا تفطروو عفااك
حياة:نمشيو عندنا مييدار
هيبة:واخة اختيي ...كيدايرة انصااف ببدات كتولف شوية !

اقبال:شوية وصافي معرفتش كيفاش اتبقا بوحدها مع لغالية
هيبة:علاشش
اقبال:مزال مزعماتش عليهاا ...وطبع انصاف فشكل سكووتية الى مهدرتيها متهدر
هيبة:لحبيبة ديالي مكلستش معاها بزاف
اقبال:مرة خرا ان شاء الله

خررجو من عندها مودعينها خلاوها ترجع تجمع دار وهوما مشاو يقضيو اغراضهم فالصباح

فاقت انصاف كتاوب ملقاتش لبناات سمعاتهم خرجو الصباح ودابا راها لعشرة و الصرف ناضت جمعات فراشهاا دغيياا او جمعات لبيت وخرجات قضات حاجتها وغسلات ومشطات شعرهاا وخرجات لكوزينة لقات لغالية كتعمر فاتااي

ترددات تدخل ومعرفات اش تقول علاقتها بلغالية لحد الان مكتعداش صباح لخير تصبحي على خير ااه لاا شكرا ...هادو هوما لكلمات ليي جامعينهاا معاهاا ....واخة قلبها بيض ..صعيب تنسا بلي بسبابها معاشتشت طفولتها كيبغات وسط خوتاتها

بقات مترددة ودخلات شادة فكمايمها او حناكها مزنكيين وقالت:حمم صباح لخيير
الغالية(كانت عاطياها بضهر وشافت فيها بتبسيمة )صبااح لخير ابنتيي...كي صبحتي مزياان
انصاف:الحمد لله ...لبنات خرجوو !
الغالية:خرجو ابنتي الصبااح ...بقات غييتة رراها فلبيت ناعسة سيري ابنتتي فيقيها تفطر دابا يجي راجلها يديهاا واجيو تفطروو

انصاف:وااخة


خرجات من عندها خلات لغالية كتنهد ورجعات لشغلها ...دخلات انصاف لبيت عند غيتة وبدات كتعيط عليهاا ولخرا كتنين

انصاف:غييتة ...غيتة نوضي
غيتة(تقلبات جيهتها )شنوو
انصاف؛نوضي تفطريي ...احم ماماك قاتليك نوض تفطري ليجي رااجلك
غيتة(كلسات منرفزة )الله اقطعو
انصاف:حشوومة ويليي كيبان ظريف
غيتة:حيت ماشي نتي لي كليتيي لعصاا منوو ...حيت ماشي نتي لي زوجوك بزز منك لواحد معتابراه خووك
انصاف: اللهم هدا ولا داك لي كان غيتعدا علييك ...
غيتة:مبغيت تواحد فيهم ...بغيت هي نكون تاع رااسي هءهءهءه مبغيت لا زواج لا زمر هءهءه

انصاف عزات عليها وكلسات حداهاا جراتها عندها وقالت:وصاافي متبكييش عفااك ...لي وقع وقع داباا تاحد ملقاها كي بغاها ا غيتة

غيتة:كون غير انا لي عطاونيي ماشي نتي
انصاف:نتي غير كتخربقي ! عارفا شناهيا الزنقة ولخيرية ولا معارفاش .... فلوقت لي نتيي كان عندك كلشي انا مكان عندي حد ....حتى من الزنقة نعست فيهاا ونتي عمرك نعستي فالزنقة ؟ لاا ....فلوقت لي كنتيي تاتقراي انا كنت كنشوف لمدرسة غير فالطريق

غيتة:هءههءء انا معارفاش شنو وقع ليا ا انصاف مكنتش هكااا هءهءه مبقيت حاملة والووو كرهت حياتي كاملة كون غير بقيت مرجعتش كاع هءهء اللهم نتكرفص فالزنقة ولا نتزوج

انصاف:طلقيي ورجعي لقراايتك
غيتة:زعمة لطلقت غنلقاهم كيتسناوني بنفافر هءهءء هوما بزز منهم زوجووني لييه
انصاف: صافي سكتي عفااك ...نوضي غسلي وجهك نوضي

خرجات كتمسح فعينيها لقات لغالية جاية لجيهتهم شافت فيهة مغوبشة ودازت لحمام

الغالية:زيدي خرجي عينيك لقيتيهم صغاراات ...الله اعميها لييك هاديك هاه (دخلات لبيت لقات انصاف كطوي ف فراش غيتة )خلي داكشي طويه هيا مكروضين ليهاا ...دوزي تفطري

انصاف:ماشي مشكيل سالييت

تبعاتها لصالون لقات لفطور محطوط جات غيتة مخنزرة وكلساات حداهم عينيهاا حمريين
الغالية(تنهدات )والو يا بنتي داك لعقل امتا ديرييه

غيتة:خليتو لييكم مبغيتوش...ولكنت متقلة عليكم غير قوليها مبقيتوش تشوفوو وجهيي (بداو شفايفها كيترعدوو هي بوحدها عينيها تغرغرو

انصاف (بقات فيها ) وصافي ا غيتة فطري اختيي

الغالي(كبات ليها اتااي )اخليها هادييك تقول لي بغاات كتبغي تجيهاا الدم كتولي كيي لهبييلة

مسحات عينيها كتفطر ومنفخة كتفرج ومرة مرة تجر نيووفهاا

اقبال وحياة صبحو على لمحالات والسوق وروينتوو واقبال معندهاش مع هاد كترت شري شري بلا حااجة

اقبال:حياة براكة غدا ونكملو اش خاص راه مزال تابعاني المقاطعة
حياة: عرفتي اش ديريي ! خليني اختي فالسووق وسيري انا نتقدا ليك
اقبال: هنيتيني من صباح ديريها
حياة: صافي دي معاك هدشي ولي بقا غنجيبو فالطاكسي
اقبال:شحال يخص
حياة:اراي غير ربعين ونا نتكلف
اقبال: قليييلة اختي نزييدك ضربي نتي صداق فالشرااوط
حياة(مدات ايدها) طلقييي طلقي حيت نتي لخليتك تشريه بوحدك اتخسريه لياا فلكاسكيطات ولكروات تاع الطموبيلات طلقييي

ضحكات اقبال مدات ليها اش خاص ومشاات خلاتها منها لداكشي لي كتموت عليه تقدا لحوايج وتشاطر مع مولاها

فطريقهاا باش تخرج دازت من حدا دهايبيي رجعات بخطوات اللور وبانت ليها سنسلة وفيها خميسة صغيرة ...قربات لزاجة كتشووف فيهاا
مواعداها بيهاا من شهور هادي ودابا جا وقتها دخلات لمحال وجبدها ليها عبرهاا وقال: ستا وعشرين الف امدام ...حاجة مزياانة
اقبال:تصايب فالتمن ...وديرها فبواطة خليني نمشي


كانو مزال كيفطرو تصونات اقبال لغالية وجاوباتها

الغالية:نعاام
اقبال:كلمي ليا غييتة قوليها تنزلل عندي دغياا
الغالية:وااخة (قطعات )نوضي تكلميي لختك شوفي اش بغاتك

جمعات لوقفة وناضت كتلبس فبانطوفتهاا ونزلات لتحت لقات اقبال فالطموبيل ركبات حداها وقالت:صباح لخيير
اقبال:صبااح النوور ... كي صبحتيي

غيتة:خهه لبااس ...
اقبال: هزي ديك الصااشية

هزاتهاا كضحك كانت فيها بواطة حمرة شهقااات ملي لقاتها سنسلة وقالت:ليااا

اقبال:عجباتك
تلاحت عليها كتعنق فيهاا بفرحة كبيرة بغات تغوت وتنقز :واااعرة واعرة اختيي حمقااتنييي هههه

اقبال:بصحتك ...باش متقوليش كنديرو لفرزيات اغيتة
غيتة(سمطات عرفاتها شنوو كتعني )ماشي هكاك ابيلو ولكن بقا فيا لحال وصافي

اقبال:غيتة ...راك بعقلك عارفة شنو وااقع مديريش راسك صغيرة ...الغالية ملي عطات السنسلة لانصاف راه ماشي حيت مبغاتش تعطيها ليك نتي ....مك بغاا ترجع لي ضيعااتو اغييتة ...نتي هدشي مغاديش تحسي بيه حيت ديماا معاناا ولكن مع انصاف لاا .... ختك راه خمسطاش لعام معارفين عليها والو نهار جات بقا فيك لحال على سنسلة ؟

غيتة:الصمت
اقبال:فلوقت لي خاصك تقربيي من ختك وتعوضي معاهاا سنين لي فاتو ديريها صااحبتك خرجي معاها

غيتة:ممم جاابر يخليك تخرجي
اقبال:داكشي بينيك وبين رااجلك اغيتة...مغنبقاش انا تابعة كل وحدة فيكم بحال لخيط لبيض .... خاص تكون التقة بيناتكم شوية ونقصي من داك التبربيص لخااوي ليي فييك جابر راه رااجلك واجب علييك تحتارمييه ويحتاارمك

غيتة(كتغبن )انا من اللول مبغاش هاد زواج ...هوا فشكل وعقليتو فشكل

اقبال:راني دويت معاك اغيتة راك مبقيتيش صغييرة ... حيدي منك هاد الغيرة ولفشوش الزاايد حيت معندو باش ينفعك ...نهار نشوف هاد جابر لي فارعة ليا بيه راسي كايظلمك ...راني مغاديش نسكت غير ديريها فبالك ...

غيتة(هبطو دموعها )سمحيلياا ا اقبال

اقبال(تنهداات وطبطبات على فخضها ) لمسامح كرييم ...ديري عقلك هدشي لي نقوليك ...ياله ديري السنسلة

ضحكات وسط دموعهاا ودارت السنسلة فعنقهاا حمقااتهاا باست وعنقاات اقبال تشبعاات

اقبال:يالله نزليي ...هزي ليا شي حوايج من لكوفر طلعيهم مزال عندي مانقضي

غيتة:واخة
خلات ليها لكوفر هزات التقدية ورجعات غيتة لنشااطهاا ...كتحط فالدروج او ترجع تهز اش خاص تسدات لباب وندات :انصاااف ...انصااف
جات الاخيرة كطل ونزلات عندهاا عاوناتهاا وقالت:فين اقبال

غيتة:معرفتش مشاات تقضي شي غراض يمكن

طلعو لحوايج لبييت ولاخيرة نشطات وغير كضحك بقات مجمعة مع انصاف فالصالون في حين الغالية كتنصب لغدا وكتسمعهم كيضحكو تحلات عليهم حياة لباب كتنهج والصيكان فايدهاا

حياة:ففف عيييت
غغيتة:شنو هادشيي
حياة:حناش تشريي ...جيبي ليا لمااا
انصاف(طارت )انجيبو لييك

مشات عمرات ليها لما وجابتو ليهاا تجات الغاليية كتمسح فايدهاا وقالت:مالك مبكرة على لحوايج
حياة(رتاحت ) طيرتهم ليها...عارفاها اتحط فلوسها فالدار ولفراش وتبقا الله كرييم راه عرووسة

غيتة:شنو شريتيي ليهاا انشووف
حياة:تاتجي لعرووسة (جرات الصاشيات )احح اربيي هادو قالت ليا نكسي لبنات

جبدات بيجامة غوز خفيفة وبانطوفة كحلة وقالت:هادو لانصاف شوفي واش مزيانين فلعبار باش لمكانش نبدلهم ليك

انصاف:علاااش ...ياله كسااتنيي اختي والله وتابعها مصااريف
حياة:شدي وسكتيي شدي نوضي قيسيهاا
جبدات بيجامة فلبلو سيال نفس نوع لخرا وبانطوفة على شكل صندالة محلولة من لقدام فللكحل مداتهم لغيتة :هاكي المعزة

غيتة:تنكيوو
جبدات جلابة طالعة معاها شاال او صابو فلكحل وقالت: هاكي ها لبارووك

الغالية:يعطييكم الستر نيييت خصااني جلابة

غيتة:كون غير جبتي ليا بلاصتها بانطوفة هادي عندي بحالهاا

خرجات عندهم انصاف بلبانطوفة ولبيجامة جاتها كيووت كتحمق وقالت:زويينة شكرا
حياة:بصحتك الزين دياليي

غيتة:انصاف نشوف بانطوفتك
انصاف:هاكي
قيساتهاا لقاتها نفسس النمرة وقالت:يااه تانتي كتلبس 37 بحالي ...نتبادلو ا انصاف
انصاف:لي عجبك اختي خودييه
الغالية(شدات حنكها وشافت فحياة لي دار ايدها فوق رااسها كتشاليي )تبقي سترر هااه

غيتة(ميقات)مشغلكمش
تبادلو لبانطوفات ومريضنا معندو بااس
حياة:هادي لي بقات هنا تاع هيبة تاتجي ليهاا ...بقات غير الشاانطة ملقيتش كيندير نجيبها تالعشية ....نوضي حولي هدشي لبييت
ناضت غيتة وتبعاتها انصاف كيديو لبييت قشعات السنسلة مدليية ملي كتحنا و قالت:منين جاتك هاديك

غيتة:سنسلة ؟ شراتها لياا حبيييبتي بيلو
الغالية:داكشي الحرامية علاش طلعتي ناشطة

حياة(بغات تاكل جنابهاا )اويلييي على اقبال بغات لي ينتف مها...واش هيا تابعها مصاريف قد السخط وشارية ليها سنسلة علم الله شحال

غيتة(ميقات ) مالك حسدتيني عليهاا وبااز
انصاف:بصحتك جاتك.زوييينة
غيتة:الله اعطيك الصحة ...بحال هاديك لي عندك
انصاف:ااه بحال بحال
هزو كلشي لبيييت ونطقات حياة وقالت:انا بنتك غطرطق ليا مرارتيي اختي هناري
الغالية: راه بقات مكروفة على السنسلة تشراتها ليها
حياة:حق ربي تباااز ...مالك على هاد تريكة لعوجة وحدة متشبه وحدة
الغالية(كتقلب فعقيق الجلابة ) اوا زريعة مخلطة
حياة:مببعرة ماشي مخلطة....غيييتااا وا غيتااا سربي رااسك راه جابر قالياا تجي لدار
غيتة: اععع مبغايتش
حياة:انوووض نريشش حياة بووك الكلبة ...ضوري لخربتك


جري عليا نجري علييك هاد لورقة خاصها تكاليزا وراق الملكية وراق الضرائب وزيد.وزييد من هادي لهاادي

شهيد:صافي لوراق هوما هادوك
اقبال:داكشي لي بان لياا راه كاملين ...يكما غيعكسو حيت زعمة فايت لحبس ؟

شهيد(كيشوف فلوراق وخاتم الزواج مزين ايدو حتى هوا ) لا لا راك عطييتيهم ضماانة ..واخة كون سعفتيني من الديبار نهز لكريدي بسميتي بووحدي ونهنيو القضية
اقبال: راه هدرنا فهادشي اشهيد
شهيد:واخة غندفعهم لبانكة دغيا يدوزو كنعرف واحد السيد صاحبي تما كادر فلبانك

اقبال:اوى على مولاناا
شهيد: ندفعو هدشي نمشيو نتغداو ...
اقبال:واخة ياله

مشاو لبانكة دفعو الضوسي ديالهم وخرجو مشاو يتغداو وتيليفون اقبال كل مرة يصوني

شهيد:لخدمة !
اقبال(طلات على التيليفون )وييه ...لعمل يناادي
شهيد: ناخدو شي حاجة باردة ونمشيو
اقبال:لا منقدرش شبعت وصلني لطموبيل
وقف خلص وخرجوو كيضحكو وصلها لطموبيلتها وقال:متغبريش
اقبال: فين غادي نغبر ههه انا حداك
شهيد(جر شعرها من اللور وقال)كاينة شي بلاصة حدااك لييوماا ...نجيو ضياف

اقبال:وتقوول داكشي مزااحم مانصيبش
شهيد: لويكاند نطلعو لافران ندوزو النهار تما ونجيو
اقبال:فكرتيني ...انصاف بغات تشوف لالة فاطنة لي ف فاس
شهيد:نسييت مقلتش لييك اش وقع
اقبال:ياك لبااس
شهيد(تاسف )ملي كنتي فلحبس ... صونات ليا واحد النهار قاتليا بليي راجلها توفى مسكيين
اقبال(بصدمة )واايليي ! الله ارحمو مسكين
شهيد:كنت بغيت نمشي ولكن كنت مقادرش نسوك بلكسيدة ...سيفط ليها شي بركة وصافي
اقبال:خاصناا نمشيو نشوفووهاا وندي انصاف اش بان لييك
شهيد(داعب حنكها ) لي بغيتي شوفي النهار لي ينااسبك (سكت شوية )من غير السبت خليه لياا معاك

اقبال:صافي ان شاء الله(ضربات ايدو حيداتها )شهييد تت كتهرني

شهيد(ضحك )طليناه خضر معاك نتي وهرانك هههه
اقبال(خرجات من الطموبيل )ياله شرييه

مشات لطموبيلتهاا حاسة براحة نفسية حمدات الله عليهاا ...ختها لي كانت بحال لغصة فقلبها هاهيا حداهاا ...او الراجل لي كان فعقلها تهوا رجعو الزمان ليهاا ....هادي هيا لحياة مرة تعطيك مرة تااخد لييك وهكا غادي تستمرر الحياة

وقفات فلمحال ديالهاا باشرات خدمتها كل مرة تجي عندها وحدة او واحد يسلمهاا بلاصتها زوينة فين ما حطات رجليهاا كتخلي بصمتها زويينة ...تحنات على لكابو كتشوف شنو لمشكييل تسمعات صوت غيتة وهزات راسها لقاتهم جاين هيا وانصاف كيهدرو ...تبسمات ليهم وقربو جيهتها

اقبال(مسحات اييدها )فين حدكم

غيتة:انا غادية لدار وانصاف بغات تجي عندك
اقبال:حياة جات
غيتة:جاات وخرجاات داباا معرفت فين مشاات ....ياله انا مشيت ...انصاف ديري وجي عندي
انصاف(بابتسامة )واخة

رجعات اقبال لخدمتها كتهدر مع انصاف تقالت
انصاف:علميني باش نعاونك
اقبال(ضحكات ) كتقلبي ليا على لحبس انصاف ...مخدمة قااصر
انصاف:هههههه ياك نتي خدمتي بكرييي
اقبال:وداك لوقت ماشي هوا هدا تاني هههه ..قنطتي فدار !! تبغي تمشي لواحد السونطر هنا ...تعلمي الصنعة ولا الطبخ بينما بدا لعام ونسجلك
انصاف:اوا تهادي صنعة ...انا بغيت هي ندوز معاك لوقت وصافي

اقبال:واخة الالة ...ولكن عندااك تهربيي هههه
انصاف:لا لا ههه
اقبال:مهدييي ...مهدي اجيي
خرج مهدي هي شاف انصاف وشعلو لقلوبة وقال: نعاام
اقبال:عطي لانصاف السوارت وريها لارقام ديالهم

مهدي:نهار كبير هدا والله
اقبال:مهدييي
مهدي:صافي صافي ههه

دخلات معاه وهوا راه طيرات لييه لعقل اما هيا عينيها فالسوارت كتهز فييهم وها كيقوليها الارقام

**
وصلات لدار مبانش ليها جابر وطلعات تكتشوف لباب محلول تاع الدار دخلات كتسمع فهدرتو مع شي حد
_صافي راه تقااد داباا خاص غير طلق لييك لالين
جابر:صاافي شكراا امحمد
_لعفو

تصادفو فلباب خرج الراجل ودخلات هيا سدات لباب شافت الروتور تاع لويفيي وجمعات فمها باش مضحكش عارفاه مكحكح من جيهتها ...كالس فلبيت كيقاد شي وراق هز فيها عينو وطول فيها الشوفة ورجع هبطهم فلوراق

غيتة:هااااي
جابر:على السلامة
غيتة(كدور فعينيهاا ورجعات باللور ملي شافتو قاصدها )صافي سمحلياا ... مديش علياا لبارح
جابر:امتا نديو علييك اغيتة !! يكما حتى ضفري شيب عاد نقولو والبااس دارت عقلهاا
بقات كترمش غيه وتلعب فضفيرتهاا وقالت: وقلت ليك منعاودش
جابر:غيتة غير سيري معايا نيشاان مرحبا مشيتي معايا كطرطااي غنكحلها علييك

غيتة(بتبحليس)وصاافي فهمت
جابر(سكت كيشوف فيها ونتابه ل السنسلة )منين جاتك
غيتة(بفرحة )شراتها ليا اقبال...زوينة ؟
جابر:لحاجة كيزينها مولاهاا


غيتة:اوا هي زوينة(قلبات عينيها )حيت انا زويينة
جابر(ميق فيهاا )منين جاك لاصقة فلرض كي الربيع
دفعاتو من صدرو وقالت:بزاف علييك ... تيليفوني ديتيه لبااارح
جابر:كنت غندي تارووحك (جرها من راسها خبط جبهتو مع ججبهتها تاتوعتات )غير جات مك من جيهتك
غيتة:احح حرام علييك
هز ايدو عطاها لجنبها وقال:باقي تقطعي حجبانك لمك

غيتة:لا لا مضربش مبقيتش نقطعهم
جابر:لمرة جاية نوصلك لشي صالون رااني يهودي ....تجي نتي تلعبي علياا كورة ولا كيفاش

غيتة:اخر مرة
جابر:غنشوفو اخر مرة فين غتخرج ...

**
واقفة فلكوزينة كتغسل لماعن تسمعاتو كيسد فلباب ...عضات على فمها وضرب قلبها وتسناتو تشوف اش غيدير ...داز لحمام هوا اللول غسل علييه وقال:هيييبة

هيبة:نعاام
صديق: حطيي ليا لغداا غانموت بالجوع
هيبة:وااخة راه طايب

هزات ليه الطاجيين لي ولا مدمن عليه من ايديها ولخبز تاع الدار وشلاضة ولعصير داتهم لصالون ومشات سلمات علييه

كلس كيتغدا وطايرا لييه كيبان مديرونجي ماشي تالههيه
هيبة:صديق مالك
صديق:غير مشاكيل لخدمة (هز فيها عينو )او لمدام بلوكات لياا تيليفون على نبوري
ههيبة:مقصدتش احبيبي والله
صديق:ندوزوها بجغيمة لما اهيييبة ...تنقوليك الف مرة رانيي عصاابي تفاداي عصبيتي ونتي بحالا كنقوليك جي عصبيني

هيبة:الصمت
صديق:معليناا ...غدا تمشي معايا على وديت لوراق لي قلت لييك
هيبة(سرطات الدغمة وهزات لما تشرب وقالت:حمم ...صديق انا غير خطيني من هدشي
صديق(حبس لماكلة )كيفاش ؟
هيبة:انا هاد الشبوقات ولكريديات مقديتش علييهم ...شوف شي حد ييتكلف
صديق:نخلي مرتي ونمشي عند لبراني نتيق فييه ولا كيفاش ؟
هيبة:و شنو ضمن ليا هدشي مايمشيش فالصو منين غتجيب هاد لفلوس كاملة

صديق:ديجا قلت لييك لورت ايتفرق ونخلص لي علياا نتي اش دخلك فهاد لمشاكيل ...سميتك لي غتكون وسينياتيغ ديالك
هيبة:مبغييتش غير شوف شنو دير...والى خاصك لفلوس نرجع ليك تلاتا تلمليون ديالك
(حط السربية بزعفة وقال:التقة لمكانتش هي بلاش اهيببة

هيبة(شافتو ناض وتنهدات )صديق دابا حنا كنهدرو اش وقع لييك ...اجي كمل غداك
صديق:خليتو ليك كولييه بوحدك

هيبة(حطات لكاس من ايدها كتسووط وشدات حنكها كتشوف فلفرااغ

***

اسبووع داز طااير الضوسي تاع اقبال وشهيد تقبل خداو الدار لي كتبوها بسميتهم بجوج داز اسبوع مشاارجي بجري عليا نجري علييك شهيد كان مكلف بالإصلاحاات او اقبال كانت كتجهز فالدار ومعاوناها حيااة
هيبة هيا وݣانت صديق مرة فوق السلك مرة فلحضيض كل نهار وهوا ...من بعد مداها لطبيب وتاكد بلي كلشي طبيعي عاد رتاح وتهنا شكوو من ناحية لفنيد

اما انصاف ف هيا كتحاول تولف لغالية او تنسا لي فات وخة الدقة صعيبة ...نهارها تقريبا كيدوز مع اقبال يافالدار يالمحال وعاجبها لحال بخواتاتها خصوصا حياة واقبال فينما خارجين يخرجوها يشريو ليها قبل متحل فمها

حياة هاديك من بوتييك لبوتيك كتوجد لسفر ديالهاا لي مبقا ليه والو من بعد ما خرجو وراقهاا وشدات لبيي تاع الطيارة لي خلصها محمد من فرنساا كانت فرحة عاارمة و هيا كتشوف حلمها مبقا ليه والو ويتحقق كيفما بغات تكون نتيجتوو ....ربيع كتعيا تصدر فييه ولكن لصقهاا ومزال كتقلب على بلان تصدرو

اما غيتة فهاديك بووحدها عايشة فعالمهاا ...من بعد مكانت كترفض لعلاقة لحميمية معااه ولات كتشوفها هياا لجوكر لطلباتهاا ..وخة موفر ليها كلشي ...من طبعها كتعشق لحاجة لي ماشي ليهاا
لكارو هوا لكارو بلية غادي وكتشبت بيهاا ودايرة احتياطاتها باش متكشفش

فاقت خاسرة بالنعاس كتحك فعينيهاا ناضت لدوش كتاوب غسلات وبدلات عليهاا ...تدخل جابر كيعيط عليها

جابر:غييتة
غيتة:بلااتي بلااتي
كانت وقيت لعشيية قبل لعصر ...دخلات عندو معاجبها حال وقال: عاد فقتيي
غيتة:ممم (حكات شعرها)اووف
جابر:ماالك
غيتة:بدلت شمبووان كلاتني لقشرة
قرب ليها وقال:فينهيا لقشرة !
غيتة(حكات تااني جنب ودنهاا وشافت فصبعها ملقات والوو ) اعع داكشي غادي وكيكتر
جابر(جرها لكرسي )كلسي نشوف ...كضلي تطلي ليه فزيووت
غيتة:سيرومات هادووك قالاه زييت ...احح تمااا تماا شوف
جابر(واقف عليها كيقلب شعرهاا ومكمش عينوو فشعرها ...بداو كيبان ليه داكشي لاصق فجدور بيض فجناب شعرهاا ...جر بظفرو ودارها بين صباعو وهيا تسمع طق وشاف فشعرها وقال :غيتة
غيتة(حكات شعرها )ممم حك ليا هنا
جابر:فيك لݣمل امولات السالف


ناضت طافجة من بلاصتهاا وقالت ؛واش منيتك اشمن قمل

رجع كلسها بزز وقال:رصاااي نشووف
غيتة(كتغبن )اععع منهار مشيت للصالون وهاد لحكة فيا هءهءه شعرييي
جابر(كيقلب فشعرهاا ) والله يا ملتك تبغيتها ليك هههههه لمگملة لخرى ههههههه(شدها من كاتفها بغات تنوض)ريحيي ههه

غيتة:مضحكش هءهءههء كتكدب مافيااش لقمل مافيااش(حكات بلاصة خرا )شوف هناا شووف

فعلا مشا لبلاصة فين حكاات تبانت ليه حشرة صغيييورة كتمشي فخصلات شعرهاا محبس رااسو من الضحك وهوا كيسلتها من شعرهاا وتحنا عندها مدور عليها ايدو وحل بين صباعو قدام عينهاا وقال: السلاااام

غيتة(غوتااات كتبكيي وتنتف فشعرها وناضت كتجدب )هءهءههءهءه ولا ولااا

جابر(كيقلب فلرض)لحمارة مهاا لاحتها
غيتة(بدموع )هءهءهءه (كتنتف فشعرهاا )حيدوو ليااا هءهءه حيدوو عفااك

جابر:وا غي هدااي نشووف
غيتة(بعدات و الدموع خرجو )بعد منييي غضحك علياا هءهءهءه ديما كنغسل شعريي ديما هءنءن عمرو جانيي
جابر(ضحك )صافيي ...صافي متبكييش راه ماشي جاك لقمل معناتها راه شعرك موسخ تقدر تكوني تعاديتي

غيتة:كلشي من ديك لكوافورة تاع لميكة هءهءهءه ونااارييي وناري
جرها عندو كتنخصص والضحكة غالباه تضرباتو لصدرو وقالت:تهجروو تهجروو هءهءهه

جابر: لمݣيملة لخرى هههه سكتي دابا اش جا ميخرجو من هاد الشعر هي قولي لياا ....عيطي لماماك شوفي واش تعرف شي حاجة !

غيتة(بامتناع)لااا لا متقولهااش ليهاا غضحك علياا
جابر:راه مك هديك
غيتة:انصااف هءهءهءه احسابليها غير موسخة

جابر(باسها فراسها كيضحك وجرها عندو كتبكيي )عنداك يولي فيا لقمل
غيتة:هءهءهء حرام عليك اجاابر هءهءه

جابر:صافيي متبكييش انخرج لصيدلية نشوف ليك شي عجب
غيتة: متمشيش لهادي لي هناا هءهءه بعد من هناا باغي تفضحنيي كلشي غيعرف فيا لقمل هءهءه
جابر(نفاجر بالضحك وهيا اتسخف بلبكا )هههههههه ...صافي صافي هههههه

بدات كضرب فييه وتبكي ومشات لدوش هزات لمشطة كتمشط بالجهالة حتى نتفات شعرها

جابر:اش كديري دابا اغيتة
غيتة: غير خلينييي جيب ليا الدوا اجاابر عفاااك
جابر:صبريي شوية ونرجع

خلاها مضاربة مع شعرها مشات كتقلب فيوتوب لقات وصفة فيهاا صابون لبلدي وتيد وزيت لعود مشات كتجري خلطاتهم ودارتهم لشعرهاا وطار ليها فعينيها حرقها ولات كتجدب

اما جابر مشا لصيدلية بعيدة على الزنقة دخل عندهم كيسول وغالبة عليه الضحكة
جابر:شي حاجة لقمل دقة بطلة
_هيا تانتا تعادات ليك لبنية فلمدرسة ههه ياله لقيتي واحد السيدة خرجات تهيا نفس الشيء

جابر(ضحك ) لا لا لبنت كبييرة ... مشات عند شي كوافورة من تما وهيا كتحك شي سيمانة داباا
_اااه لمطشة لي مشطات بيها هادي تمشط بيها لخرا كاين شي كوافورات كاع مامسوقيين ...انعطيك شومبوان او واحد لبوماضة ...شعرها قوي ؟
جابر:رطب ولكن طوييل
_كاينة واحد لمشطة خاصة كتحيد الصيبان
جابر:الى كانت تنفع اتيهاا راه تقيسها فعينيها متقيسها فشعرها

جمع ليه دوا ف الصاشية وراه طريقة الاستعماال ومشا لدار لقاها فالدوش وقال:لمݣملة
بغات تنووض ومع مرجعة شعرها لقدام وهيا تخبط لفاابو وغوتات

غيتة:اااااع هءهءهءه راسييي
جابر(حط داكشي ودخل ) صافي صافيي كلسيي اللرض ...ا ش هاد لعجب فراسك

غيتة:احح حرقنيي كب علياا لماا كب
حط لقاميجة وبقا هي بديباردو كحل دخل لدوش وهيا كالسة على لكرسي ب ديباردو وشورط وشعرها قدامها طايح هز الرشاشة كيكب عليها وكيدوز على فروت راسهاا وكيضحك عليهاا
جابر:ههههه ايكون سمن بدوك السيرومات لي كدهني ....نربيو شي وحدة لعيد لكبير
غيتة:بعد منييي هءءهء هدشي حرقني فعيني بزااف

هز لمشطة كيمشط ليهاا طيباتو بلمشيط وقال: اجي ندير ليك الدوا عاد غسليه بالشومبوان
غيتة:واخة
عطاها فوطة لشعرهاا نشفاتوو مزيان وخرجو لكوزينة على وعدو وسعدو كيدير ليهاا الدوا لشعرها ومع طويل عدبو

جابر:خاصك كل نهار بوماضة مع شعرك وشوف تشوف
غيتة:اي بشوية جريتيني
هز لمشطة لي شرا سنانها من لحديد طوال ورقاق وكتار سرح ليهاا شعرها وحاط حداه كلينيكس كل مرة يجبد وحدة من شعرها دايخة بالدوا ولا ماتت بلخلطة لي دارت قبل

جمعو ليها لفوق وقال:خليه بلاتيي شوية ونعاودو و نمشطو ليك عاد غسلييه
غيتة:ياك غيحيد
جابر: غيحيد المقيملة ديالي ...انهبط لمحال
غيتة:وشكون يمشط ليا ؟
جابر:نص ساعة وعيطي ليياا (حك لحيتو )ها لي مبغيناا عاديتيني ههه
غيتة(لعينين حمريين )عندك شعروو بعدا
جابر:ياااك وعيطي لانصاف تمشط لييك
غيتة:عفاك غي كنضحك معاك ...جابر ..ففف


الصباغة كملات فالداار سيمانة ونص كانت كافية باش الدار تصلح لكوزينة بوحدها لي بقات لبلاكارات ولمجورة مزال مسالاهمش جابر بلخدمة

كانت انصاف او ملاك و حياة واقبال فالدار كينقييوها من لخدمة تاع لمعلمية باش يدخلو لفرااش
انصاف وملاك كيجففو ويمسحو واقبال كتركب فلبولات و الزاج تاع الشراجم لي تغسلو وحياة كتمسح فيهم وتمد ليها

حياة(كتنهج )سخفت اصااحبتي
اقبال(طالعة على سلوم لابسة تيشورت وسروال دجين ولاوية على خصرها قميجتها كتقاد فالترية تاع لبيت على شكل وردة )مدي ليا لبولة من لهدرة
حياة:(مداتها ليها ) جا ديكورها واعر فبيت النعاس

اقبال: ماصوناتش هيبة !
حياة: صونيت ليهاا مكتجاوبش ايكون معاها داك بونضيف تاني
اقبال:مدي ليا لبولة لخرا

حياة: واش شهيد ايجيب فراش بيت نعاس داباا
اقبال :مشا يجيببو وغيجي تالولد يركبو هوا ولماريو

حياة:سبقتوو غرفة لعملياات
اقبال:باااز

انصاف(دخلات مزنكة ) اقبال راه ساليناا
اقبال:صافي الزيين شكرا كلسو ترتاحو
ملاك: ناري كنت انضربها بزلقة عالمية

حياة:نوحلوو هي مع مااينة هههه
ملاك:ههههه ....اقبال نخرجو انا وانصاف فينا الجووع

اقبال:سيري
انصاف:ولا تلفناا
ملاك:اويليي هههه الى تلفنا نمشيو لكوميسارية ههههه يالله لبسي قاميجتك
اقبال:بلااتي ...حياة عطيهم شي ميا درهم تنصرف

ملاك:لا راه عطاني شهييد اختي
اقبال:غير خليها لتخصكم شي حاجة
مداتها لانصاف شداتهاا وخرجو كيضحكو من بعد مسالاو ليهم الروينة

ماشي بزاف توقف شهيد مع لكاميونيت هازة بيت النعاس كومبلي مفصل بداو كيطلعو ويحطو وسط الدار كلشي مغلف بلميكات ولكرااطن وحياة واقبال كيعاونو فيهم وكيدخلوو لداخل ...كراطن لماعن تهوما وصلو حطوهم فلكوزينة وتلاجة فران ماكينة الصابون الخ

شهيد:ركبتو تريات كون خليتي تجييت
حياة:مالك مزوج ب حلوة ريشبوند ...راه خديتي ميكانسياناا
اقبال: بحال بحال عرفتك اتعطل
شهيد: فين لبنات ؟ خرجو
حياة:مشاو يتغداو
شهيد:صافي خليهم ...اجي شوفي ا فين يمونطي لماريو
مشات معاه خلات حياة فلكوزينة كتستف فلكراطن تصونا تيليفونها وساطت

حياة:الوو ربيع
ربيع: هاد ربيع يبس من كترت مناشراه كل مرة
حياة(ميقات)راني قلت ليك مااامساليااش هاد السيمانة
ربيع: وامتا تكوني مسالية ؟....ياك باقة عند كلمتك من هنا واحد السيمانة نمشيو لطنجة
حياة(ضحكات)اوى السفر فابوور ؟؟ مخصااه تقدية مخاصو حواايج
ربيع: غير بلاتي لمك هدشي كلو نخرجو منك ...نسالي خدمتي ونفيرسي ليك شي حاجة
حياة:هاد لحاجة لكانت قل من الف درهم غير خليها مسخنة جيبك الزين ....الزهو كيبغيي لفلووس امون شاف

ربيع:واخة الحب وتقداي دااكشيي
قطعات معاه وقالت:تقداا كفن اولد لحراام ...ساعتك سالاات الكبيدة نتغدا بيك قبل متعشا بياا

شهيد:صافي هنا مزيان
اقبال: مزيان صافي
شهيد :اجي شوفي شي حاجة فلبيت لاخر

تبعاتو على نيتهاا تسد لباب وكلاها مع لباب وحاوطها بايدو كيهدر بهمس : شنوو قصارة السبت دازت

اقبال: مكتشوفش فاش غرقناا
شهيد:ماشي مشكيل خيرها فغيرهاا ... (غمزها )ناوي نبات فالدار ليووم ...نجرب بيت النعاس
اقبال(ضحكات )خود راحتك الدار دارك
شهيد؛ شوية لبااس !! نبات وحدي فالداار تنخاف
اقبال: وصافي بعد راه لمعلم فلبيت اشهييد
شهيد(باسها فحنكهاا ) لعشية ندوزوها انصومبل ولا نجي نبات عند الغالية

اقبال:وخة ههي بعد
شهيد:عطيني بووسة
اقبال( دفعاتوو )بعد لهيه من لبسالة اشهيد
شهيد:مقبولة منك ...ابنت لغالية
حلات لباب وسداتو عليه ومشاات لكوزينة شافتها حياة وقالت:مزال متعطي لسيد رزقو

اقبال(كتحل فكارطونة )دخلي سوق جواك ....ليوم يمكن غنبات هناا
حياة: باتيي الحب بااتي ...اشو زعمة بقيت غير انا ؟ اللخر مبخر
اقبال: امتا عندك الطيارة باقي
حياة: تلات الجاي ...بقات سيماانة ونطييير
اقبال(بهدوء)ديري عقلك احيااة...معرفتش كيفاش اتكون حياتك مع واحد يكون كبر من باك
حياة:تاانتيي شحال من وحدة تزوجات بيه شارف شنو وقع كاع ! شاابعة فلووس مع كرهاا وضاربة الدنيا بركلة تلقاها فاتحة شين فيوتوب وتفوح على لبرهوشات هاا شنو جاب ليا رااجلي شوفو فين تعشيت شوفو فين سافرت

اقبال: ونتي مالك ومالهم
حياة:الحبة هيا لي خلاتني وخلاتهم يتزوجو بشيب الرااس باش ميجيش واحد عاد هز سروالو ويقوليك صبري معايا تندير مستقباالي ...خلينا من لهدرة اش بان ليك نمشيو لحمام وندير لختي لاصير

اقبال:شكيت علييك !
حياة(ميقات)وغير لبيطانك وحشونك ازمر احااي زعمة انتي عرووس وكداا ولحلوة
اقبال:ديها فرااسك
حياة:ناري ياختي قسح من راسك مكااين

بيت النعاس تركب والسلعة لخرا دخلوها لصالون لكبير حتى تستف كل حاجة بلاصتها ...وتفرقو من بعد ما سدو الداار


الامورر بالنسبة لهيبة كانت عادية كل نهار ورزقو مع صديق هوا وكانتو معاهاا
كانت كتنشر لحوايج فلبالكون ولابسة عبايتها فوق لحوايج دخل وراها كيشوف يكما شي حد مقابل معاها

هيبة:صديق
صديق(مكمش عينو من شمش )ممم
هيبة:شحال هدا مخرجنا ...مليت فالدار
صديق:شنو عندك فالزنقة ! ...مبقا فيها ميداار ولات بحال شي مزبالة

هيبة:(ميقات)خاصني شحال من حاجة نشريها
صديق:كتبي ليا ششنو خاصك تنخرج فلعشية
هيبة(شافت فيه ) واش منيتك ! واش حتى لخروج مغنخرجش ...

صديق: غتفرعي ليا راسي ليوم تاني ولبااس ...واخة زيدي شري شنو خاصك ...تقولي ليا نطل على ختيي ولا مي نضبر معااك
خلاها واقفة لهدرة واحلة ليها فحلقها وزاد هزات الشبكة دخلاتها كتمتم بين شنايفها :مريييض والله ...لي ضربو ضربو على الغالية تقول مرت باه ففف

مشات لبيت بدلات عليهاا وهوا حاضيها كان لجو دافي لبسات كسوة طويلة موردة وسباط. بلا
صديق: الششاال امدام ...الديسك حفيناه لا ؟
هيبة(هزات شال لواتو على راسهاا بعشوائية )مشيناا !

صديق(طلعها وهبطها وشد ايدها )الله اخرجها بخير معاك
هيبة: وباز قريب تغلفنيي
صديق(جرها عندو فالسانسسور كيضحك وباسها )مكنحملش يشوفك ليا شي حد ...نتي دياليي بوحدي
هيبة:فكرتيني غير فالدري الصغير ملي كتشد ليه اللعاب ديالو
صديق(ضربها بالضحك لكتفها كيتمازح معاهاا )ياك لمك كتشبهيني بلبرااهش
هيبة:هههه صدييق راه ايديك قااسحين والله زكاا

ركبو ناشطين فالطموبيل ومشاو لسوبر مارشي كتقدا اشنو خاصها وهوا عينيه عليهاا كي الصقر وكيشوف فين كتشوف ويكما حاضيها شي حد
مع هزات عينيها كيبان ليها عمران كيتقدا شومبوان ليه وداير كاسكيط دورات عينيها كترمش وتنظم تنفسهاا باش تصرف عادي

تسمعات صديق قال بغضب : يكما نعطيك نمرتها باش ترتاح

كان موجه هضرتو لعمران لي بدورو قشعها وبقا مركز الشوفة فيها كيتاكد حيت دايرة لفولار تفيقوو كلام صديق وهز فيه عينو

هيبة:واش غتديها فلبرااهش اصديق !
عمران (سمعها ونطق)لبرهوش هوا بااك

محس براسو تدخل فداك سطر تاع الشمبوان بدفعة من صديق لي دخل فيه بلا موجب شرع وقال مغدد:عاود اش قلتيي

هيبة:صديييق اش كديير
عمران(دفعو كيقاد فلكول )ضور تق*** نتاا وهياا
صديق(جعر علييه بلمزياان جروو كيخشي ليه فاللكمات ولاخر حتى هوا ماشي من لعااكزين ناض لغوات ومشاو كيعيطو لسيكيريتي و الرجال كيفكو فييهم

عمران(جروه)القيتك قد بااا اما نورييك اش كنسوا
صديق:لبرهوش لي حطك الكلب ... (كينهج ) كترتو الكلااب تشوفو فعيالات الرجال اليهود
عمران (كيجرو فيه ونيفو دايز بالدم ) وسييير قلب عليهاا قبل متولي مرااتك اعمي عاد جيي نتاافهموو
هيبة(كترعد كتجر فصديق) صافي اصديق براكة من الشووهة ...صاافي

صديق(بقا كيتوعدوو بعينيه وكيقاد فقميجتو ودمو كيفور وهيبة حداه حشمانة من بنادم لي كينعت فيهم بعينيهم )زيدي لخربتك نتيي

مزادتش وراه كلمة وحدة خلات الشاريو عامر وتبعاتو غادي وراهاا كيماصي لفك ديالوو وايد فجيب وهيا كتحاول تماشي خطواتو لكبار تخرجو ...خرج كيقلب عليه بعينيه مبانليه والوو وقصد الطموبييل دمو شااعل

هيبة:ياربي تخرج هاد النهار بخير
صديق(بلغوات)ركبييي
تزعزعات وركبات كتغزل من صوتو كي الرعد الطريق كلها ساكتين وهوا كيتغدد وياكل فمو ومن سوكانو بايينة فيه على نقشة يتفركع على كلشي

مقدرات تقوليه والو واخة داخت بالطرييق من كترت مكيدور بلا مينقص فالسرعة باش جاي باش ضااير كي تنقولو ...وصلو لداار فأقل من لوقت الطبيعي حل لباب خرج عاد خرجات وراه خافت تسبقو يندمها اللهم تمشي خطوة معاه وتفادا شيي حاجة ما هياش ...

طلعو لدار نفسسو كتسمع مجهدة ...سد لباب وهيا مشاات لبييت كتزرب كتحيد فلكسوة و الزيف تبقات هي بدو بياس وكتلعن الساعة لي قالت ليه خرجني اصديق ياله كتحل فلماريو تلبس تاتجرات من شعرها بقوة خلاتهاا تغوت
هيبة:اااااه شعرييي

لاحها فلارض هكاك معرفات باش تبلاات تلقاتو كيدور على ايدو لكاابلي تاع الشارجور وقال بتحدير:كتعرفيه السلكووطة ....فين كتعرفييه
هيبة (كترجع باللور خايفة من لكابلي وملابسة والو ) مكنعرفووش اصديق والله هءههءهء
جبدها معاهاا لفخضهاا تخرجو عينيههاا وغوتات لربي لي خلقهاا. الضو سرح معاهاا

صديق(كينهج ) يكما كنبان لييك حماار (بلغوات)ششكوووون هداااك الكلبة
هيبة(بخوف وغوات)معرااافتشش هءهءه مضربنييش عفاااك اصديق

كتحاول تششد ليه لكاابليي ولكن معامن هياا تجنن عليهاا كيعطي بكاع جهدو بلا ميرحمهاا وهيا كتغوت كترجااه ولكن شكون سمع ليهاا عطاهاا تاتهداات ولحمها بيض رجع كلو مزوق بلعصاا بقات مشبحة فلارض كتوجع وتنين ...وهوا خرج زادح لباب ورااه

يتبع...