كاتسولوني كي دار حتى فهم بلي بغات الما ... نفس الطريقة لي كان كايفهم بيها هو و أبراهام الهضرة لي ضايرة فالمقر ديال المغرب قبل مايسيفطو لهم ريماس كجسوسة و الوقت لي كانو كايسيفطو لهم فيه الجواسيس .. ستخفيتو بذكاء ارسلان 😂 ... ولكن خاصكم تعرفو واحد الحاجة .. بالنسبة ليه مايمكنش يكون كايوجد حرب ضد شي دولة و مايتعلمش لغتها على ود ادوات التجسس لي كايغرسوهم عند العدو ديالهم و بما ان أبراهام و مالك دراعو ليمن و ليسر يعني كايكون ملزم عليهم يتعلمو لنفس اللغات باش يقدرو يفهمو العدو ... و واخا أرسلان عارف عدة لغات ولكن لغتو الأصلية العبرية ماكايبدلهاش و غاتكونو عاقلين على داك الاجتماع لي كان دار مع رؤساء الدول ... دوك الكلمات القلال لي قالهم هضر فالعبرية بلغتو الأصلية و خلاهم لي بغا يفهم يفهم على عكس الرؤساء لاخرين لي كتنو مضطرين يهضرو بالعبرية .. بغات تنوض كاتحس براسها فشلااانة ... حط الكاس و عاود خشا يدو فجيبو و اليد التانية بدا كايدوزها على شعرها المتناثر .. مزال كاتحاول تنوض ولكن فشلانة بسبب هاد الغيبوبة لي بقات فيها شهراين ماعارفاش راسها واش كاتحلم ولا فايقة .. ماعارفاش راسها فين هي دابا ... كي دارت حتى وصلات لهنا؟؟؟ عاد كانت كاتسمع صوت خوتها .. حسات بيهم و بدموعهم عليها كيفاش واش هادشي كان مجرد حلم؟؟؟ تفكرات العذاب لي دازت فيه واخا تكون كاافرة و مايدوزوش عليها داك العذاب كامل .. كاتشوف قدامها شيطان فهيئة إنسان مزال متعجبة واش هي فعلا باقا حية ولا هو تابعها حتى للقبر
أرسلان : ( بهدوء ) كالعادة باقا حية
ريماس : الصمت ... كاتشوف فيه بحقد و بكره .. بقات كاتكابر باش تنوض من بلاصتها عارفاه غايبغي يستغل ضعفها فهاد الحالة
أرسلان : ماتوحشتينيش!! .. قرب يديه دوزهم على حناكها تنطرات منو بتقزز و بعد عدة محاولات و اخيرا قدرات تجلس و ماتبقاش ناعسة بدات كاتحرك فرجليها تتأكد ياكما دارو لها شي موصيبة كلشي فيها ماناقصها والو ولكن اش جابها للسبيطار هادا هو السؤال المطروح لي كان عندها
ريماس : فين انا؟؟؟؟؟ علاش انا فالسبيطار؟؟؟؟؟؟؟
أرسلان : ماتوحشتيش بلادك!!
ريماس : اش كاتخربق نتا؟؟؟؟ ... شدها من الفك ديالها و قرب وجهو لعندها عينيه فعينيها واخا هاد شهراين كاملة لي كانت مغيبة فيها ولكن البريق لي موالف يشوفو فعينيها باقي نفسو ماتبدلش .. هضر بصوت خافت كفحيح الأفعى
أرسلان : فنفس الشهر فنفس النهار نفس الساعة و نفس البلاصة فالعام الجاي غادي تعرفي اش كانخربق .. هبط عينيه لشفايفها و بتاسم بإبتسامة جانبية ولكن لا .. هاد المرة مادارهاش ، دفعاتو ريماس بكاع الجهد لي عندها رجع اللور و بقا كايشوف فيها بنظرات مختالفين على جميع النظرات كان كايشوفهم بيها
ريماس : ( بنظرات كالسيف ) ماتحاولش عنداااك تعاود تبغي دير معايا هاد التصرف حيت المرة الجاية لي غاديرها ماغانترددش باش نقتلك كيف درت فاللول
أرسلان : مزال ليام غاتلاقينا ا إيفا ... طفا الضو و بقا راجع باللور حتى ختافا على انظارها .. هزات القرعة ديال الما لي كانت حداها هبطات عليها عاد ردات النفس بقات كاضور فعينيها فالبلاصة لي هي فيها و فعقلها الف سؤال و سؤال فاقت بحال دوك لي كاينعسو من مور العصر و كاينوضو مقلوبين ماعارفين واش باقي الليل ولا صباح الصباح ... اخر حاجة بقات عاقلة عليها هي فاش كانو رابطينها و قدامها اطباء و ابراهام من موراها مابقات عاقلة على والو .. كاتحس براسها نعسات بزاااف هاد البلاصة لي هي فيها حسن من البلاصة لي كانو حاطينها فيها زعما يكون بصح رجعوها للمغرب هههه اكيد لا مايمكنش يطلقوها بهاد السهولة ولكن بلاتي بلاتي كيفاش شعرها طوال؟؟؟ و رجع اللون الاصلي ديالو لي هو الكحل .. هي عاقلة بلي كان قصير و زعر بقات كاتتحسس فيه بصدمة وتجبد فيه واش فعلا شعرها ولا لا زادت تخربقات بزااف و مابقات فاهمة والو كاتحس براسها فمتاهة و خاصها تلقا لي يخرجها منها ... قررات باش تقطع تساؤلاتها و تلقا لهم جواب حيت عقلها تخربق بالفري هاد المرة ... شعلات الضو لي كان حداها و حيدات ليزار عليها نطرات دوك الخيوط من يديها و بغات تنوض من تما .. حطات رجليها فالأرض و بدات كاتكالي راسها مع الحيط باش ماطيحش كاتحس براسها كايدور عليها بدات كاتتمشا بتثاقل باش ماطيحش .. حلات الباب كايبان لها الكولوار ديال الطبيب خاوي و سهااات فيه ماكايشبهش لداك البلاصة لي كانت فيها .. بقات غادا مكاليا مع الحيط لابسا لباس المرضى و شعرها منسدل موراها باغا غير تلقا شي حد تسولو على البلاصة لي هي فيها ماخرجات غير فالطبيب المشرف على حالتها ...
مشا كايجري لعندها باش يعاونها توقف و الصدمة باقا باينا عليه واش البنت عاد كانت فغيبوبة و دابا نايضا من بلاصتها .. بغا يعاونها و دفعاتو بيد باش تبعدو عليها
ريماس : شكون نتا؟؟؟؟ و فين انا؟؟؟
الدكتور : انسة ريماس خليني نعاونك
ريماس : ماتعاوني مانعاونك قوليا فين انا؟؟؟؟؟
الدكتور : نتي فالكلينيك دابا
ريماس : المدينة؟؟؟؟ الدولة؟؟؟؟
الدكتور : فالمغرب كازا خليني نعاونك راك باقا عيانة
ريماس : قادرا نعاون راسي باقا قادرا نتمشا على رجلي ... ضارت و بقات مكالية مع الحيط رجعات لبلاصتها و بدا كايفحص فيها
الدكتور : ماكايضرك والو
ريماس : شنو غايضرني؟؟؟
الدكتور : ماكاتحسيس بالألم فراسك
ريماس : لا علاش غانحس بيه؟؟
الدكتور : و فصدرك؟ ماكاتحسي بوالو
ريماس : ( مخنزرة ) شفتك تجاوزتي حدودك
الدكتور : ماتفهمينيش غلط انسة ريماس ولكن هادي مدة كنتي تعرضتي لرصاصة داكشي لاش سولتك
ريماس : ماكانحسش
الدكتور : شنو اخر حاجة عاقلة عليها؟
ريماس : و نتا فاش كايهمك هادشي؟ فين سي راضي؟؟
الدكتور : غدا فالصباح غاتلقايه جا ماشي بزاف باش جا
ريماس : علاش انا فالسبيطار؟؟؟ و شكون جابني لهنا؟؟؟
الدكتور : جاتك ضربة قوية فالراس
ريماس : شكون جابني لهنا؟؟؟ كي درت حتى وصلت للمغرب؟؟؟
الدكتور : هادشي ماعنديش ليه جواب
ريماس : شحال و انا هنا؟؟؟؟
الدكتور : رتاحي راك باقا عيانة
ريماس : واش باغي تحمقني؟؟؟ كانسولك فجهة و تجاوبني فجهة كانحس براسي نعست نومة اهل الكهف و كاطلب مني باش نزيد ننعس هاد المرة لقيت راسي فسبيطار و المرة الجاية غانلقا راسي فالقبر ياك هادشي لي بغيتو؟؟؟؟؟؟ ... خرج و خلاها غاتحماق مابقات فاهمة والو فهادشي كامل شعرها لي طوال ... مجيئها للمغرب ... أرسلان لي جا لعندها ... اصوات خوتها لي سمعاتهم و حسات بيهم ... الضربة لي فالراس و الصدر تخربقات بالمزيان الليل كامل و هي سهرانة ماقدراتش ترجع تنعس كيفاش غاترجع تنعس و هي ولات فوقما تغمض عينيها كاتفيق و تلقا راسها فقنت اخر .. بدا الصباح كايصبح و اذان الفجر كايوذن توحشات تسمع هاد الصوت مدة طوييلة ماسمعاتو ناضت طرفات و رجعات لبلاصتها تجبدات و بقات كاتشوف فالسقف كاتحس براسها فمتاهة و يقدر يخرجها من شخص واحد و هو سي راضي دازو ساعتين سمعات الباب تحلات تلفتات تشوف شكون لقاتها غير الممرضة كانت هازة فيديها بلاطو فيه الفطور
الممرضة : صباح الخير انسة ريماس
ريماس : صباح الخير
الممرضة : كي كاتحسي براسك؟؟
ريماس : مزيان
الممرضة : ماكايضرك والو؟؟
ريماس : والو ... بقات كاتجاوبها بكلمة حتى خرجات الممرضة .. طاحت فداك الفطور عمية بحالا ماكلات هادي عام
_ فجهة خرا فنفس الكلينيك
كان داخل سي راضي و فيديه ريناد و فادي متوجهين لغرفة ريماس حتى وقفهم الدكتور
الدكتور : ( بإبتسامة ) صباح الخير سي راضي
سي راضي : صباح النور
الدكتور : عندي خبار غاتفرحكم
سي راضي : ( بلهفة ) شي تحسن فحالة بنتي ريماس؟؟؟؟؟
الدكتور : المريضة رجعات للوعي ديالها البارح من مور ماخرجتو كاين تحسن كبير فحالتها ا سي راضي و فكرتك نجحات ... بدا كايشرح لو الطبيب حالتها و اش كاين و سي راضي ماقاداه فرحة
♔ رجعات البلاطو لبلاصتو و بقات جالسة فبلاصتها كاتفكر فهاد الحريرة المحرحرة لي فدماغها بقات هاكاك مدة ساعات حتى تحلات الباب و مع ذلك ماتلفتاتش حتى سمعات واحد الصوت ماغريبش عليها .. رجع لها احساس قدييم .. ناضت من بلاصتها بالزربة و جلسات
ريناد : ختيي .. بقات ريماس كاتشوف فيهم بصدمة كأنها مزال مامستوعبة هادشي لي واقع .. طلقو من يد سي راضي و مشاو كايجريو لجهتها تلاحو عليها عنقوها بادلاتهم العناق بحرااارة زيرات عليهم و بدات كاتبوس فيهم عينيها تغرغرو بالدموع بالفرحة و سعادة عارمة دخلات لقلبها منين شافت خوتها
فادي : ختي توحشتك بزاف ... بدات كاتبوس فيهم
ريماس : توحشتكم بزااف ريناااد فاديي ... بقاو على داك الحال شي نص ساعة كايبردو شوقهم لبعضياتهم حتى قاطعهم صوت سي راضي
سي راضي : خليو ختكم ترتاح
ريماس : عمي راضي .. ناضت كاتجري لعندو عنقاتو و بادلها العناق زير عليها و عينيه غرغرو منين شافها واقفة قدامو و كاتهضر شحال و هو كايتسنا تفيق ماكانش فاقد الأمل فيها كان عارف غايجي شي نهار لي تفيق ليه و ها هو جا ...
سي راضي : ( بفرحة ) على سلامتك ا بنتي ريماس منين فقتي الحمد الله هدا من فضل ربي
ريماس : مافهمتش اش وقع لي و كي درت حتى وصلت لهنا؟؟ ... رجعات جلسات حدا خوتها
سي راضي : شوية و نرجع ا بنتي ... خرجو معاه خلاهم مع واحد الممرضة تبقا معاها و عاود رجع لعند ريماس
ريماس : مابقيتش فاهمة اش وقع لي كانحس براسي نعست مدة و فقت
سي راضي : حاولي تكالماي و سمعي لي حتى نسالي هادشي لي غانعاود لك تقدري ماتتحمليهش
ريماس : شنو وقع؟؟؟؟
سي راضي : نهار كنتو كاتتهربو القنابل النووية و تشديتو اش وقع لك مور هادشي؟؟؟
ريماس : شدوني و داوني بلاصة خرا ... رجعات بيها الذاكرة اللور و بدات كاتعاود ليه شنو دوزو عليها بالتفاصيل ماكانش متوقعهم غايكونو بهاد الوحشية كاملة و الاهم فهادشي واخا دوزو عليها داك العذاب كامل بقات حية
سي راضي : مابقيتيش عاقلة على شي حاجة خرا؟
ريماس : لا اخر حاجة عاقلة عليها هي دوك الأطباء حتى فقت دابا و لقيت راسي هنا
سي راضي : دابا سمعيني و تهدني
ريماس : هاني مهدنة
سي راضي : منين مابقيتي عاقلة على والو من مور دوك الأطباء يعني الرقاقة تزرعات لك فالدماغ فداك الوقت
ريماس : اينا رقاقة؟؟؟
سي راضي : زرعو لك رقاقة فالدماغ
ريماس : رقاقة؟؟؟؟
سي راضي : وي رقاقة باش يخليوك فصفهم و فعلا خلاوك فصفهم و خلاوك تعتاقدي بلي أصلك إسرائيلي و تكرهي بلادك و الاكثر من هادشي كنتي غادي تحاربي ضد المغرب بقات الرقاقة وسط دماغك لمدة 7 شهور
ريماس : كيفاش 7 شهور؟؟؟ .. 7 شهور و انا تما؟؟؟؟؟ و بشخصية خرا و ماعاقلة على والو من الفوق.؟؟؟
سي راضي : تسناي نكمل لك ولكن واعديني غاتتهدني
ريماس : لحد الساعة ماكايناش شي حاجة معصباني
سي راضي : فهاد 7 شهور كاملة كنتي كاتدربي الجيش الإسرائيلي و كاتخططي معاهم ضد المغرب و وصلات وقت وليتي فيها اليد اليمنى ديال واحد من افراد عائلة روتشيلد ... طاح عليها هاد الخبر كالصاعقة
ريماس : قوليا كاتكدب عليا ... قوليا هادشي كدووووب ( بدات كاتغوت ) علااااااش ساكت هضرررر قوليا هادشي كدووووب قوووليا ماتضامنتش مع الشعب لي قتل لي واااااليديا ماتسككككككتش بحال هاكا ... ناض سي راضي و بدا كايكالمي فيها
سي راضي : ريماس تهدني ا بنتي تهدني راك مزال عاد فقتي من الغيبوبة
ريماس : ( عاودات شافت فيه بصدمة ) غيبوبة؟؟؟؟؟؟
سي راضي : بلاتي نشرح لك ا بنتي ... بدات كاتفيبري برجليها و شادة راسها بين يديها
ريماس : عاود لي كلشي بالتفصيييل
سي راضي : خلي تا ترتاحي و نكملو هضرتنا فهاد الموضوع
ريماس : دااااااااااابا غاتعاود لي بغيييت نعرف اش وقع ليييي
سي راضي : ( تنهد ) قادرا تزيدي تصبري؟
ريماس : علاش واش باقا شي حاجة كتر من انني نكون فصف العدو و ندربو؟؟؟ قادرا نصبرر
سي راضي : كملتي معاهم الفترة التدريبية و كان وقع شي مشكل بينك و بين عائلة روتشيلد و تيرا واحد فيهم فيك و الظاهر كان ناوي يقتلك ولكن نجيتي منها
ريماس : منين عارفين هادشي كااامل علاش ماجيتوش قلبتو عليا؟؟؟؟ لحتوني و ماعاودتوش سولتو فيا .. غير وصلوكم المعلومات كاملين مابقاتش بانت لكم ريماس ياك؟؟؟ صافي خديتو اش بغيتو و ريماس لهلااااا يكلب خليها تمووووت
سي راضي : بنتي تهدني الغلط ماشي منا .. الغلط من مصطفى و مراد
ريماس : اش دخل مصطفى و مراد فهادشي؟؟؟؟ ...
مراد : ماكانش قاليا بلي راك باقا حية حيت كان قالها لمصطفى هو اللول و مصطفى هددو باش مايقولش ليا راك باقا حية و بقا مدة كايقنعنا بلي راك توفيتي
ريماس : حقييير كلااااب
سي راضي : داك الغدار ديال مصطفى كان اناني و همو الوحيد هو نربحو بلا مايفكر فحياتك لي كانت على المحك وصلات بيه حقارتو لدرجة التسجيلات ديال الميكروات و الكاميرات لي كنتي مخلية فالمعسكر كان مخبعهم علينا و ماقالش لينا بلي الكاميرات و الميكروات باقيين خدامين تما باش مانقدروش نعرفو بلي راك باقا حية و فنفس الوقت باش يسرق مجهوداتك حتى خلانا كلنا نظنو بلي راه هادوك كانو توقعاتو و افكارو هو ولكن كان العكس .. كان كايعطينا غير المعلومات لي بغا و يخبع داكشي لي بغا حتى لنهار الحرب لي جابك مراد .. فاش سولتو بدا كايدخل و يخرج فالهضرة داكشي باش دخلني الشك و بديت كانبحت موراهم حتى وصلت للحقيقة
ريماس : و فين مصطفى دابا؟؟؟
سي راضي : راه فالحبس حيت تسما بحالا كايضحك على الدولة لمصالحو الشخصية
ريماس : الكللللب .. و مراد؟؟
سي راضي : مراد عطيتو انذار و خليتو فخدمتو حيت فاللخر عتارف بغلطو
ريماس : و كي دار هو حتى لقاني و انا كنت فإسرائيل
سي راضي : غانكمل لك منين حبست ولكن واعديني تتهدني
ريماس : شنو وقع؟؟؟؟؟؟
سي راضي : واعديني فاللول
ريماس : مانقدرش نواعدك بشي حاجة انا ماعارفاش كي غاتكون ردة فعلي فيها لي نطلب منك غير ماتزيدش تصدمني
سي راضي : ( تنهد ) فديك الفترة بقيتي معاهم حتى وصلات الحرب و بداو فإستعداداتهم و فاش جاو للمغرب جيتي معاهم على اساس قائدة إسرائيلية حاربتي معاهم شي يامات حتى جاتك الضربة لراسك لي تسببات فالخلل ديال الرقاقة ديك الساعة فاش جابك مراد و حيدو لك الرقاقة بقيتي فغيبوبة شهراين عياو الأطباء يديرو فمجهوداتهم ولكن ماكانت حتى شي استجابة حتى لبارح ... بقات ساكتة مدة و مبلوكية فبلاصتها .. سي راضي خلعاتو ردة الفعل ديالها ماشي خاف منها ولكن خاف عليها حيت شوف غير فاش عرفات بلي كانت كاتدرب جنود العدو باش يحاربو المغرب و شوف كي كانت ردة الفعل ديالها اما دابا فاش عرفات بلي هي بنفسها حاربات بلادها مانعرفت كي غاتكون ردة الفعل ديالها ... جالسة و راسها بين يديها بداو يديها كايزيرو على شعرها شوية بشوية و سي راضي لاحظ هادشي .. ما أن حاول يحيد لها يديها من راسها حتى نفاجرات بالأعصاب و بدات كاتنتف فراسها و تغوت
ريماس : ( كاتغوت ) حااااااربت بلااااااااادي ... قتلت ولاد بلاااااادي ... ااااااااااااااه يا الله رحمنييي .. بهااااد اليديين سفكت دماااااء بلادي بهاد اليديييين قتلتهم و مشيت فصف العديان ... علاااااااااش هادشي كايوقع معااايا علاااااااش .. مشيت فصف ليهود و بلاااصة مانعاون بلادي ضد لي قتلو واليديا عااااونت لي خلااااوني يتييييييمة مشيييييت كانعاون فيهم باش يخليو اليتااااامى فبلادي ... مشييييت نعاونهم باش نخلي الأرملااااات فبلادي ... مشييييت نعاونهم باش يدمرو بلاااااادي اااااااااااااااااااااااااه يا الله صبرنيييي ... بدات كاتنتف فراسها و سي راضي كايحاول يهدنها الممرضات سمعو غواتها من برا جاو كايجريو كايحاولو يشدوها ولكن وااالو حتى دكو ليها المخدر بدات كاتتكالما و حركاتها كايتثاقلو حتى طاحت على ركابيها ... صوتها بدا كايتخف و فثغرها جملة وحدة " كنت فصف لي خلاوني يتيمة " ... بداو عينيها كايتغمضو شيئا فشيئا حتى غابت ... سي راضي قطعات لو فقلبو و بقا كايتحسر على حالتها عرفها باش غاتكون كاتحس دابا ماعرف مايدير .. خلا الممرضات معاها و خرج لعند خوتها ...
♚ فقصر العائلة الملكية ♚
كاع رجال العائلة مجموعين من صغيرهم لكبيرهم فالصالة .. سي أصلان جالس فالفوطوي لي موالف يجلس فيه و فجنبو جالسين أرسلان و اسوار ... أرسلان جالس و شاد فيديه كاس ديال القهوة و كايتسنا اش غايقول جدو
سي أصلان : فديك المدة لي كنت غايب فيها على القصر و وصلاتكم خبار بلي مشيت مع حفيدي للمغرب ماكنتش فالمغرب
سي إيتان : ( بإستغراب ) ماكنتيش فالمغرب؟؟
سي أصلان : ماتقاطعنيش فاش نكون كانهضر .. الحقيقة هي كنت مشيت ندير عملية نقل القلب و بفضل حفيدي أرسلان لي لقيت فيه الخير كتر من ولادي و كايفكر فيا كتر من هاد زين الولاد لي ولدت و عولت عليهم بكري يفكرو فصحتي ... قدرات العملية تنجح من مور مالقا لي قلب ديال متبرع و بقا واقف على العملية حتى نجحات هاني رجعت أصلان القديم
سي إيتان : درتي عملية نقل القلب؟؟؟؟؟؟
داوود : ياك قالينا الطبيب بلي مستحيل تنجح بسبب عمرك؟؟؟؟
سي أصلان : ( مخنزر فيه ) شفتك كاتعاير فيا لا؟؟
داوود : لا ماقصدتش هادشي ولكن
سي أصلان : ماكاين ما ولكن و من اليوم أصلان القديم رجع .. و كلشي غايولي يدوز من تحت عيني
غابريال : ولكن علاش ماقلتيش لينا غادير العملية؟؟ كنا على الأقل نكونو واقفين معاك فهادشي
سي أصلان : نقولها لكم؟ باش ديرو شي عملية إنقلاب و تحاولو تقتلوني و انا وسط العملية داوود عنداك يسحابلك راني ناعس على ودني و ماجايب خبار لداكشي لي كادير مور ضهري كنت كانتسنا غير حفيدي يرجع من الحرب باش نوضحو الأمور مزياااان ... كان مرجع راسو اللور و كايتسنط حتى سمع اش قال جدو و هو يتقاد فالجلسة و بدا كايشوف فداوود
سي أصلان : سيدهم داوود كان كايستخدم توقيعي فشلاااا حوايج و يزور فالوراق و عند بالو ماعايقش بيه كان كايتسناني غير نموت حتى من الوصية ديالي لقيتو كاتبها و حاط عليها توقيعي ... عاود قلب وجهو لجهة داوود لي عينيه غير مع أرسلان ... يلاه جا ينوض ليه حتى شداتو يد سي أصلان
سي أصلان : جلس مزال ماساليت هضرتي ... رجع لبلاصتو و عينيه غير فداوود لي كان بدا كايحفر من مور سي أصلان حيت يسحابلو قريب يموت
سي أصلان : اول حاجة باغي نعلمكم بيها كاتخص العائلة
أسوار : وي جدي كانسمعو
سي أصلان : داوود غادي يتحرم من الإرث بشكل دائم و بسبب خيانة ولدي لي من لحمي و دمي ليا ... قررت نكتب وصية من دابا
أرسلان : و غادي دوز ليه هاد الخيانة بالساهل؟؟؟
سي أصلان : كانظن الحرمان من الإرث حاجة كافية ليه .. ندوزو للوصية فحالة وقعات لي شي حاجة النص من ثروة العائلة غادي تتحول لسمية حفيدي الغالي لي هو نفسو خليفتي أرسلان و النصف الثاني غادي يتوزع عليكم بالتساوي من الأبناء حتى للأحفاد من غير سيدهم داوود لي ماغايشدش ريال لصفر ولكن ولادو لي هما حفادي ماغانحرمهمش من الارث و ايلا طرات لي شي حاجة حفيدي أرسلان هو لي غايشد بلاصتي ... بقاو كلهم مصدومين وي كانو متوقعين انه غادي يكون ارسلان فبلاصة سي اصلان ايلا مات ولكن باش يكتب ليه النص من ثروتو؟؟؟ لي ماشي اي ثروة بل البلاييير و عاد زيد عليها أرسلان اصلا عندو ثروتو الخاصة ماقدروش يتقبلو هادشي .. بلاصة مايكتبها لواحد من ولادو كتبها لحفيدو
أرسلان : جدي مزال الحال على هادشي راك باقي غاتعيش معانا
داوود : ولكن
سي أصلان : نتا بعدا ماتعاودش توريني وجهك
داوود : ( بعصبية ) كيفاش هو غاتعطيه نص ثروتك و هو السبب باش خسرنا ضد دوك الكلاب.؟؟؟؟
أرسلان : ماسمعتيهش؟ باغيني نوض نوضح لك اش قال!! ... خرج من تما و هو طالع لو الدم
سي أصلان : و بغيت نوضح لكم حاجة خرا ... خسارة دولتنا إسرائيل ضد المغرب ماغاديش تأثر بعلاقتي بحفيدي باش نكونو متافقين .. فكل دولة و كل بلاصة كاينين الجواسيس و حربنا خسرناها ماشي بسبب حفيدي حيت لا يمكن نشك فقدراتو و ذكائو
غابريال : و شنو لي خلانا نخسرو؟؟؟
سي أصلان : الجواسيس لي قدرو ينقلو الاخبار و المعلومات لأعدائنا .. ندوزو للقرار الثالث
أرون : كلنا أذان صاغية
سي أصلان : بما ان الخطبة ماكتاملاتش ... غادي نضطرو نديرو خطبة خرا لحفيدي أرسلان فأسرع وقت و فنفس الوقت غانديرو خطبة لحفيدي أسوار
سي أصلان : سالا الإجتماع ... بقا اسوار كايشوف فجدو و فأرسلان هو متأكد خوه غاتكون عندو يد فهادشي .. ضرب فالطبلة و خرج من تما
غابريال : انا محتارم قرارك نخليكم دابا .. أعمامهم و ولاد عمامهم و خلاو غير أرسلان و سي اصلان
سي أصلان : دابا جات نوبتك .. ماهضرتش معاك على الحرب قدامهم باش ماينوضش صداع ولكن دابا بغيت شرح مفصل على هادشي لي وقع .. لاح يديه على الفوطوي و نطق بهدوء
أرسلان : شنو نشرح ا جدي
سي أصلان : اش وقع حتى خسرتي هاد الحرب؟؟
ارسلان : لي وقع هو *************** ... فاش كان كايعاود ليه اش وقع كان سي اصلان مراقب حتى نبرة صوتو لي كانت صااادقة تماما .. أرسلان اصلا ماكايكدبش على جدو ولكن فنفس الوقت ماكايقولش كلشي يعني ماعاودش ليه كلشي .. عاود ليه غير اش بغا و خلا داكشي لي بغا
سي أصلان : المهم كانبقاو خارجين منها بخسارة
أرسلان : هادي بالنسبة ليا ماشي خسارة
سي أصلان : شرح لي مزيان
أرسلان : الحرب لي دازت كانت تمهيد للحرب الجاية لي فوزنا فيها مضمون
سي أصلان : عارف ولكن هادشي ماخاص يوصل لحد من غير حلفائنا الموثوق فيهم
أرسلان : هادي حاجة طبيعية
سي أصلان : قبل ماتجي كنت سيفطت دعوة خصوصية لرئيس إسرائيل باش نقوليه اش وقع فالحرب
أرسلان : و اش وقع!!
سي أصلان : لفقت خسارتنا فالحرب لمؤسسة مورغان بلي هي السبب فخسارتنت و هادشي راجع للإنتقام لي بغاو ينتقاموه منا بسبب مشاكل قلال كانو بيناتنا دابا الباقي هو غايتكلف بيه و ينشر هاد الإشاعة
أرسلان : همم باغي نهضر معاك فواحد الموضوع ... قرب منو جدو حتى ولاو عينيهم مقابلين
سي أصلان : خطبتكم ماغاتتأجلش بلا مادير لي المبررات لا نتا لا خوك .. واخا كنت هنا ولكن نتوما ديما تحت عيني و عارف اش واقع .. ماغانخليش مغربية مسلمة دير لي مشاكل بين حفادي و عنداكم يسحابلكم ماوصلنيش الخبار فاش نضتو تقاتلو عليها و هادشي غادي تدفع ثمنو غالي ( رجع لبلاصتو )
سي راضي : ( بإبتسامة ) وي بنتي ربحنا الحرب و هادشي بفضل مجهوداتك ... بقات كاتشوف فيه و كاتخرج لها الضحكة بوحدها و تعاود تجمعها ماحسات براسها تا طارت عنقاتو
ريماس : ماكاتكدبش عليا ياك؟؟؟؟ ماكاتقولش هاد الهضرة باش تريحني؟؟؟
ريناد : ( ببرائة ) ختي بصح ربحنا الحرب .. بعدات عليه و بقات كاتحط يديها على فمها و شوية على راسها مامصدقاش بلي فعلا ربحو الحرب
سي راضي : و ماشي غير هادشي لي كاين .. خاصك تجهزي راسك حيت كاين حفل تكريم ليك خصيصا و عاد ليا و لمراد و للأشخاص لي ضحاو بروحهم من اجل بلدهم ... رجعات جلسات فبلاصتها و الفرحة ديال انهم ربحو الحرب غطات على تأنيب الضمير لي كاتحس بيه ... شدات ريناد و فادي من يديهم و بدات كاتهضر معاهم بصوت ضاحك
ريماس : و اخييرا و اخيييرا خدينا حقنا من لي كانو السبب فموت واليدينا و اخيييرا .. قربات لها ريناد و بدات كاتلمس لها فوجهها
ريناد : و لي خداو منك شخصيتك الحقيقية ا ختي لي خداو منك ملامحك و خلاونا مانقدروش نتعرفو عليك .. حطات يديها على يدين ريناد
ريماس : و لي بعدوني عليكم ولكن من دابا الفوق عمرنا نبعدو على بعضياتنا
فادي : وعد ا ختي
ريماس : ( بإبتسامة ) وعد
سي راضي : بنتي ريماس خاصك تشوفي شي وراق و تسيني عليهم
ريماس : ( بإستغراب ) اينا وراق؟
سي راضي : جلسي باش تركزي معايا ... جلسات و جلسو حداها خوتها ، حل الفاليزا و جبد منها شي وراق عطاهم لها شداتهم
ريماس : ديالاش هادو؟؟
سي راضي : هادو فيهم شهادة الحياة و شي وراق ديال الهوية ديالك لي كايثبتو بلي راك على قيد الحياة
ريماس : و ملامحي لي تبدلو؟؟
سي راضي : تكلفنا بهاد الموضوع و ثبتنا بلي راك باقا حية و عاودنا قادينا لك جميع الوثائق ديال الهوية ديالك من كارط ناسيونال حتى لبيرمي ... شداتهم و بدات كاتتفحصهم لقات كلشي كامل جميع الوثائق ديالها و الشواهد الدراسية و كلشي
ريماس : الصراحة ماعرفتش كي غانشكرك والله
سي راضي : مزال ماساليت ... جبد وراق خرين
ريماس : ديالاش هادو؟؟؟
سي راضي : هادو ديال الأملاك لي خلا لك الأب ديالك و حتى الوصية الحقيقية كاينا معاهم .. بدات كاتقلب فيهم و تتحقق منهم لقاتهم كلهم كاملين .. البوتيكات ديال الام ديالها .. الشركة ديال الاب ديالها و الفيلا و طوموبيلات ديالهم كلشي رجع لسميتها و سمية خوتها ولكن حيت هما قل من 18 يعني غاتكون هي ولي الأمر ديالهم
سي راضي : بقاو اخر وراق هما هادو ... عطا لها واحد الوراق و ستيلو
ريماس : ديالاش؟؟
سي راضي : قرايهم و غاتعرفي ديالاش ... بدات كاتقراهم و العافية لي فقلبها كاتحس بيها بدات كاتطفا شيئا فشيئا .. ماتردداتش تسيني على دوك الوراق لي كانو ديال الدعوة لي ترفعات على عمها و مراتو على ود التزوير و النصب و تضليل القانون
ريماس : كانحس بالعافية لي كانت فقلبي طفات الفضل كلو كايرجع لك ا عمي راضي و اخيرا رتاحيت و عاودات دخلات لقلبي السعادة من جديد و اخييرا سالاو لي مشاكلي كانشكرك بزاف على هاد الوقفة لي وقفتيها معايا .. عائلتي لاحوني و نتا لي ماقريبش ليا بزاف وقفتي معايا
سي راضي : غاتقلقيني منك انا معتابرك بنتي و نتي كاتقولي لي غريب
ريماس : ههه ماشي هاكاك ولكن فعلا وقفتي معايا فالوقت لي كلشي تخلا عليا خيرك عمرني ننساه
سي راضي : هادا كان جزء من العقد لي سينيتي عليه بلي غادي يرجع لك كلشي فاش تنجحي فمهمتك واخا كنت باغي ننفذ هادشي قبل ماتنجحي و ندمت ندم شديد حيت انا السبب فهاد المشاكل لي وقعو لك مؤخرا
ريماس : الغلط ماشي ديالك ا عمي راضي الغلط ديال داك الغدار صاحب حاجتو مصطفى ولكن خدا العقاب لي كايستاحقو ...
ريماس : غانغرقهم فالحباسات
سي راضي : بنتي ريماس ماتوحشتيش داركم؟
ريناد : حتى حنا توحشنا دارنا بزاف ا ختي
ريماس : ها حنا غانرجعو ا حبوبتي اليوم
فادي : ( حدر راسو ) غانرجعو للدار لي عشنا فيها مع ماما و بابا ... عنقاتو بيد
ريماس : غانكون الأم و الأب و الأخت ليكم ماغانخليكم تحتاجو لوالو .. ماقالوش لك ايمتا غانخرج من هنا؟؟ خنقاتني ريحة الكلينيك
سي راضي : تقدري تخرجي من دابا ... هاكي ها شي حوايج لبسيهم بيدما مشيت نكمل شي معاملات
ريماس : واخا ا عمي راضي ... خرج من تما و هزات الحوايج بغات تدخل تبدل
ريماس : كي بغيتوني نكون خايبة و انا ماما كانت زوينة و خوتي تياتز ا دويو
ريناد : الله يرحم مامانا
فادي : انا اللول غانمشط لك شعرك
ريناد : لا انااا
فادي : لا قلت لك اناااا ياك انا لي كبر منك
ريناد : طلق ديك المشطة لهنا 😡😠
فادي : حيدي بعدي لهيه نسالي و نعطيك
ريناد : اعننننننن عطيني المشطة ... بدات كاتفارقهم ريماس و كاضحك عليهم قراب يتناتفو
ريماس : وا صافي ههههه طلق من يديها فادي طلق منها
فادي : راها كاتقرصني من لتحت شوفي شوفي
ريماس : ا هيا سليعفانة كاضربي من لتحت لتحت طلقي من خوك ... فارقاتهم و قسمات شعرها على 2 واحد من جهة فادي و واحد من جهة ريناد
ريناد : انا اللولة نبدا
فادي : مشطي غير نصك و بعدي من نصي ... بدات كاتمشطو لها و تتلمس فيه حتى جا سي راضي
سي راضي : صافي سالينا و قادينا الامور
ريماس : دابا غاندوزو للفيلا ياك؟
سي راضي : لي بغيتي ا بنتي نقدرو ندوزو للفيلا و نقدرو ندوزو للفيلا ديال عمك مع البوليس
ريماس : غاندوزو لعند دوك طماعين هو اللول حيت عندي معاهم شي حساب بغيت نصفيه و نشفي غليلي فيهم
سي راضي : واخا ا بنتي
♚ جالس فوق طوموبيلتو و فيديه الفردي ديالو .. قدامو 4 اشخاص كانو جنود من قبل .. راكعين على رجليهم و كايطلبو الرحمة منو
***** : هادي اخر مرة ا ميستر أرسلان عمرني نعاود نفكر نديرها
أرسلان : فاش تكون عندك الفرصة باش تزيد تعاودها غير عاودها
***** : هو لي طلب مني نراقبك كانقسم بالرب رحمنيي
أرسلان : فات الفوت ... تيرا فيهم ب4 واحد من مور واحد
أبراهام : ميستر ارسلان و اش غانديرو مع العم ديالك السيد داوود؟
أرسلان : هاداك حسابو مع جدي ماشي معايا
مالك : ماكانش باين فيهم بلي مسيفطهم داوود يراقبوك نتا و سي أسوار ا ميستر ارسلان
أرسلان : حاجة طبيعية ... وقف و ركب فاللوطو ديالو و كسيرا
أبراهام : تسلييييم انا و ما عقتش بيهم
مالك : الصراحة يستاهلو التعذيب حتى الموت على هاد الفعلة لي دارو
أبراهام : حتى عم سي ارسلان ماصدقش ساهل ... مسيفط اشخاص يدخلو وسط الجنود باش يراقبو تصرفاتو و تصرفات سي أسوار و غير لقا الفرصة ديال انهم كانو كايتقاتلو على ديك الحقيرة عرف يستاغلها
مالك : حاول يخصر صورة ميستر ارسلان و اسوار فعينين سي اصلان و انا نفهم علاش سي اصلان قرر يزوجهم دغيا
أبراهام : كانظن موحال يكون كايعطي لسي أصلان المعلومات بشكل مباشر
مالك : و شكون عرف يقدر يكونو من طرف سي اصلان ولكن داوود شراهم و خلاهم كايوصلو لسي اصلان غير اش بغا هو
أبراهام : كلشي ممكن ...
راكبين فاللوطو و فداخلها كاطلب الله غير ايمتا يوصلو باش تعاود تشوفهم ... باش تشوفهم كايتذلو قدامها .. وقفات اللوطو قدام واحد الفيلا .. نفس الشارع .. نفس الحي .. نفس الفيلا .. نفس الباب لي كانت قدامها هادي عام و شهراين ولكن كانت فحالة يرثى لها و ها هي دابا رجعات و حسن من الأول بألاف الدرجات ... وقفات سطافيط و طوموبيل خرا ديال البوليس هبطو منها البوليس و مشاو كايدقو بينما ريماس كانت موراهم كاتسنا الباب تفتح جاو حتى الصحافة بطلب من ريماس .. تحلات الباب و خرج العساس
العساس : السلام عليكم اش حب الخاطر ا سيدي
البوليسي : كاين سمير بنجلون و مدامتو؟؟
العساس : اه ا سيدي كاينين ولكن شكون نتوما
البوليسي : معاكم البوليس .. خرج سمير و مراتو باش يعرفو شكون جا
سمير : شكوون فالباب شفتك سكنتي تما
البوليسي : سمير بنجلون؟
سمير : هو هادا
مرات سمير : اش كاين؟؟؟ و علاش باغيينو؟؟
البوليسي : زيدو معانا الكوميساريا و تعرفو تما
سمير : بلاتي فين غانمشي و بإينا صفة حتى تديوني من داري؟؟؟ و لاش غانمشي انا مادرت والو
ريماس : انا لي غانغرقك فالحباسات لا نتا لا مرتك انا لي جيت عندك هادي عام و ماطلبت والو من غير خوتي سديتي جريتي عليا و سممتيني بهضرتك انا لي غاااانغرقك و نتأكد بلي غادوز بقية حياتك فالحبس
سمير : اش كاتخربقي نتي؟؟؟
ريماس : فاش غاتمشي للكوميساريا غاتفهم اش كاتخربق .. ماعلينا انا ماجيتش باش نخليك تحس بتأنيب الضمير ولكن جيت نعطيك واحد الحاجة كنت باغا نعطيها لك شحال هادي
مرات سمير : شكون نتي بعدا؟؟؟؟ بغيت شي واحد يفهمني اش واقع هنا
سمير : اش باغا تعطيني؟؟؟ ... طرااااااااااااخ سكتاتو تصرفيقة بقا شاد حنكو و كايشوف فيها بغضب بغا يطير على ريماس ولكن شدوه البوليس ... زادت تنخمات ليه على كمارتو ولا مزنك
سمير : طلقوووني على هاد العاااهرة
ريماس : طلقوه نشوف اش غايدير ياكما يسحابلك انا باقا ريماس القديمة الحنينة؟؟؟؟؟ ماشي بدلت غير ملامحي ولكن بدلت حوايج خرييين .. غانخرج منكم هاد العذاب لي تعذبتو غانكرهكم فحياااتكم
سمير : هادي نتي الحقيرة رجعتي عاوتاني ههههههه ولكن ماعندك ماتصوري مابقاو عندك نفوذ مابقات عندك هوية كلشي مشا لك ههههههههههههه اش غاديري؟ غانمشي للكوميساريا و نخرج فساعتي و نتي؟؟؟ ماعندك ماديري
ريماس : تفك من حريرة المحاكم و التهم لي موجهة ليك النصب و الاحتيال و التزوير و محاولة تضليل القانون ديك الساعة عاد غانوريك اش غاندير .. تقدرو تديوهم دابا ... جروهم من يديهم بجوج بيهم و الصحافة كايصورو
سي راضي : رتاحيتي ا بنتي؟
ريماس : ( تنهدات براحة ) و اخيرا رتاحيت كانحس براحة كبيرة
سي راضي : تبغي تمشي للفيلا دابا باش ترتاحي؟
ريماس : وي غايكون حسن ا عمي راضي و فغيمون شكرا بزاف بلا بيك ماكنت غاندير والو
سي راضي : ماتشكرينيش ا بنتي هدا واجب ... مشاو يركبو فاللوطو ديال سي راضي كانو تما ريناد و فادي
ريماس : قالها باش يبعدكم عليا و ماتبقاوش تسولوه ا حبيبي ... ديمارا اللوطو و ماحبسو تال قدام الفيلا ديالهم ...
ريماس : مانعرفت اش وقع حتى مابدلش ليها الديكور الحقير
سي راضي : هاكي ها السوارت ديال الفيلا ديالك ... شداتهم من عندو و حلات الباب ديال الجردة كانو الورود لي فيها ذابلين و اوراق الشجر تساقط ... لابيسين الما ديالو توسخ بزاااف .. وصلو للباب الداخلية بقات مترددة و يديها كايترعدو عليها و اخيرا غاترجع للدار لي جمعاتها مع اغلى الناس فحياتها فتحات الباب ببطئ و دخلات هي اللولة تبعوها خوتها و سي راضي ... تغلغلات ريحة الفيلا فأنفاسها و فكراتها فالماضي البعيد ... رجعو لها ذكرياتها مع واليديها .. رجعو لها اللحظات لي قضاتهم معاهم كعائلة سعيدة .. عائلة كلها نشاط و كل واحد فيهم كايدعم لاخر .. كل واحد فيهم كايدعم لاخر كل واحد فيهم كان سند للأخر ولكن فلمحة البصر كلشي ضاع و تدمرات ديك العائلة مشاو منها 2 ركايز صحاح لكل عائلة لي هما الأب و الأب .. فهاد صالة مونجي كانو كاياكلو مجموعين و كايتجمعو و يشركو الحديث و اش وقع لهم فنهارهم .. فهاد الكوزينة كانت الام ديالهم كاتطيب لهم بيديها فأعياد ميلادهم .. فهاد البيت كانو كايجيو كايجريو هي و خوتها و يتلاحو على واليديهم يفيقوهم من النعاس .. كانت الفيلا عامرة غبرة .. مافيهاش الحياة و باردة ركابيها بغاو يخونوها ولكن رفضات طيح و قاوماتهم فقط من اجل خوتها ماخصهاش تضعف قدامهم بالعكس خاصها تكون الدراع الحامي ليهم .. خاصها تكون جناح الأمان ليهم نزلات دمعة يتيمة من عينيها بسبب استرجاعها لذكرياتها مع واليديها مسحاتها بالزربة و رجعات لعندهم
ريماس : الفيلا موسخة بزاف يمكن ماكان كايدخل لها حد
ريناد : ( بدموع ) ختي توحشت ماما و بابا بزاف
فادي : ماتبكيش البكاية ختي معانا ... هبطات ريماس لمستواها و بدات كاتمسح لها دموعها و عنقاتها
ريماس : ماتبكيش كلشي غايولي مزيان
سي راضي : بنتي انا غانسيفط لي ينظفوها
ريماس : واخا و نيت باقي خاصني نعيط لواحد الشركة باش يسيفطو لي 2 و شي جارديني و عساس
سي راضي : انا غانتكلف بهادشي ا بنتي ولكن دابا مايصلاحش تباتو هنا حيت دنيا مغبرة بزاف
ريماس : و فين غانمشيو دابا؟
سي راضي : ماشي حشومة عليك ا بنتي؟؟ و الفيلا ديالي؟؟
ريماس : مابغيتش نزيد نتقل عليك ا عمي راضي باراكا غير هادشي لي درتي على ودي
سي راضي : غاتقلقيني منك راكم بحال ولادي و زايدون كاين شي وحدين كايسولو فيك مدة هادي
ريماس : واش كاينين دابا فالفيلا؟؟؟
سي راضي : كاينين و توحشوك
ريماس : واخا ايلا كان هاكا على هاد الحساب غانمشي ولكن و الفيلا؟
سي راضي : بنتي غدا غاتلقايهم سالاوها و كلشي فيها
ريماس : صافي واخا ... خرجو و شدو الاتجاه للفيلا ديال سي راضي
♚ خاشي يديه فجيبو و كايتفرج
سي أصلان : مابغيتيش توب من فعايلك؟؟؟؟ وليتي كاتتحداني ياك؟؟؟؟ وليتي تشري رجالي و تقلبهم ضدي
سي اصلان : سكت ماتزيدش كلمة وحدة ولا غانتبرا منك و نلوحك برا القصرر ( عيط لواحد الشخص )
***** : سي أصلان
داوود : اش كادير هنا؟؟؟
سي أصلان : قول اش عندك
***** : ( حاني راسو ) سي اصلان من مور ما كنتي وصيتينا باش نتجسسو على ميستر ارسلان و اسوار و نجيبو لك خبارك جا لعندنا سي داوود و قالينا غايعطينا ضعف المبلغ ولكن شرط اننا نبقاو نوصلو ليه الخبار هو اللول
سي أصلان : كمل
***** : و داكشي لي درنا ا سي أصلان ولا كايقولينا شنو نقولو ليك و شنو مانقولوش ليك
سي اصلان : زيد كمل
***** : هادشي لي كاين ا سي أصلان
داوود : ( بإنفعال ) كايكدب علييييك
أرسلان : ( ببرود ) شوف فيا
***** : ( حادر عينيه ) وي ميستر ارسلان ... ضار لعندو و مع الدورة جاتو قرطاسة بين عينيه خلاتو يطيح جثة هامدة
سي أصلان : اليوم قبل غدا غاتهز حوايجك و تخرج من داري
سي راضي : هابطين بعجاجتهم ... فأول القصة ذكرتهم و ماركزتش عليهم حيت ماكانوش مهمين رجعو للبارتيات اللولين غاتلقاوها .. نزلو شاب و شابة فسن ل25 و باينا فيهم توأم غير من الشبه بيناتهم .. ملامحهم مغربية 100%
لؤي : ( بفرحة ) ريماس
مريم : رييماس فيين هاد الغبور ... مشات كاتجري لعندها عنقاتها واخا ماكانتش فاللولشي علاقة وطيدة بيناتهم حيت فداك الوقت ريماس ماكانتش مهتامة لعلاقات الصداقة ولكن دابا كلشي تبدل .. عنقاتها و بتاسمات ليها ابتسامة خفيفة
سي راضي : خاصكم تعرفو بلي ريماس كانت السبب الرئيسي فالفوز ديالنا فالحرب
لؤي : مافهمتش كيفاش زعما و ريماس اش داها لشي حرب؟
سي راضي : انا غانعاود لكم بالحق يلاه نجلسو هاد الهضرة خاصها جلسة .. مشاو للصالة و عاود لهم كلشي الشيئ لي خلاهم مصدومين من بطولات ريماس ماكانوش متوقعينها منها .. كملو حديثهم لي كان غالب عليه الأسئلة و المدح ديالهم ليها .. سالاو الأسئلة و خرجو يديرو شوبينغ باش تشري ريماس الحوايج لي تلبس غدا فحفل التكريم ... دوزو نهارهم غير من هنا لهيه و ريماس فينما مشات كايمشيو معاها خوتها غير وصلو للدار طاحو دودة بسبب التعب ديال النهار رجليهم طابو
•أصبحنا و اصبح الملك الله •
جالسين على طاولة الفطور كايفطرو و كايهضرو
سي راضي : هادا هو الوقت ا بنتي
ريماس : غانوض نوجد راسي
مريم : حتى انا غانمشي معاكم مانقدرش نفوت بحال هادشي
ريماس : مرحبا بيك علاش لا
لؤي : انا بلا مانحتاج نفكركم بلي غانمشي حيت الحفلة مايمكنش تكتامل ايلا ماكانش حاضر فيها سي لؤي
مريم : تبارك الله على التواضع
ريناد : ( بفرحة ) دابا ختي ولات بطلة
سي راضي : خاصكم تفتاخرو بختكم ا بنتي و ديروها قدوة ليكم
فادي : انا من ديما ختي قدوة ليا و باغي نكون بحالها
ريناد : مايمكنش لك حيت نتا ماشي بنت انا لي غانكون بحالها حيت انا بنت
فادي : حمقة
ريناد : غبي ... بقاو هاكاك تا فارقاتهم ريماس و ناضو يوجدو راسهم
"بعد ساعات"
وسط قاعة كبيييرة و واسعة ... مطوقة بالحرس الملكي فالخارج و الداخل ... حاضرين فيها جميع الشخصيات الهامة كايترقبو المنصة .. جالسين فالكراسا القداميين شخصيات من العائلة الملكية و الصفوف لاخرين جالسين فيها الحضور كايترقبو بعينيهم ريماس لي كانت انيقة بكل معنى و سي راضي لي فجانبها و اشخاص خرين .. تقدم شخص للمنصة و بدا يلقي فكلمتو
المقدم : أول حاجة كانبغي نرحب بجميع الحضور لي حضرو معانا فحفل التكريم نبداو أول حاجة بالنشيد الوطني ديالنا ... بداو كايديرو النشيد الوطني كإحترام للمغرب و لجلالة الملك لي حاضر ... و ها هو غايلقي كلمتو ( حلو ودنيكم الأدمين ديال ديال المغرب غايلقي الكلمة ديالو كانضحك معاكم 😂 كانقلب على القرعة انا)
محمد السادس : شعبي الحبيب اما بعد هدا نهار مهم و عظيم بالنسبة لكل المغاربة إحتفالا بفوز المغرب ضد الكيان الصهيوني و اليهود و هذا بحد ذاتو إنجاز عظيم لينا كمغاربة ... كعرب ... كمسلمين .. حفل تكريمي لكل مواطن دافع على بلادو بكل شجاعة ... للأشخاص لي خلاو عائلاتهم و خلاو أصدقائهم و زوجاتهم و ابنائهم ... الأشخاص لي ضحاو بروحهم فداء لوطننا الحبيب هذا الحفل ما هو إلا شكر بسيط ليهم باش يدفعهم بقوة نحو التمييز و التفوق و يعرفو بلي هادشي لي داروه ماشي حاجة لي يقدر اي شخص يديرها ...
سالا جلالة الملك الخطاب و جا وقت توزيع الأوسمة ... عطا لكل شخص دافع على بلادو و ساعدها فهاد الحرب وسام ملكي ( يا ريت كون كان نيت كايتعطا لهادو الوسام بلاصة ماتشدو لبنى ابيضار و سعد المكرد و مشتقاتهم ) ... و بالنسبة للأشخاص لي ماتو شهداء عطاو الأوسمة ديالهم لعائلاتهم و بيان سيغ هادشي كامل كان تحت عدسات كاميرات الصحافة و تحت تصفيقات جميع الحضور ... سالا حفل التكريم و بداو كايتفرقو .. ركب لؤي و ختو فلوطو و سي راضي و ريماس و خوتها فلوطو خرا من مور ماتوادعات ريماس مع لؤي و ختو
ريناد : ختي نشوف الوسام ديالك
ريماس : ( بإبتسامة ) هاكي ا حبيبتي
سي راضي : نتي فخر للمغرب ا بنتي داكشي لي درتيه مايديروهش رجال
ريماس : مايديروهش ذكورا ا عمي راضي ولكن الرجال يديروه و يفوتوه
سي راضي : صافي دابا غاتخويو علينا الدار مرة خرا
ريماس : ضروري ا عمي راضي .. باقي عندي بزاف ما يدار
سي راضي : خليوكم معانا فالفيلا و من تما تقدري تقابلي شغالك
ريماس : كانحتارم عرضك ولكن كانفضل نمشي للدار لي تربيت فيها و عشت فيها مع واليديا ماتفهمنيش غلط
سي راضي : كانحتارم رأيك ا بنتي و من حقك ولكن شكون غايعاونك فالشركة و المحلات؟
ريماس : ماتخافش عليا فحاجة مادام راني دارسا إدارة الأعمال ماغايكونش صعيب عليا نتكلف بالشركة و المحلات و ناخد بلاصة واليديا بفففف ماعرفتش اش دار فيهم داك الكلب ديال سمير فالشركة
سي راضي : 100% غايكون فتح شركة جديدة ليه
ريماس : داكشي فاش شكيت باش فاش يكبرو خوتي و يطالبو بحقهم يقولهم ماكاين والو
سي راضي : تماما .. صافي ا بنتي وصلنا
ريماس : غانعاود نشكرك على وقفتك معايا
سي راضي : مانعاودش نسمعها منك ايلا كنتي فعلا كاتعتابريني واحد من العائلة
ريماس : ( بإبتسامة ) ههه واخا ا عمي راضي
سي راضي : ماتغبريش ا بنتي تبقاي تجي مرة مرة تزورينا
ريماس : تا نتا تقدر تجي فأي وقت و سلم لي على لؤي و مريم
سي راضي : مبلغ ا بنتي ... ديمارا اللوطو عاد تحركات ريماس من تما .. حلات الباب و دخلات .. ضورات عينيها فالجردة ديال الفيلا دورة خفيفة لقاتها نقية على البارح و زرعو ورود جديدة و نقاوها شافها العساس جا كايجري لعندها
العساس : السلام عليكم ا لالة
ريماس : وعليكم السلام .. نتا العساس؟
العساس : اه ا لالة انا العساس نتي انسة ريماس؟
ريماس : وي .. دخل عيط لي على كاع الخداما لي فالفيلا
العساس : هي اللولة ا لالة .. مشا كايجري باش يعيط لهم و ما هي إلا دقائق حتى تمو جايين 2 بنات و شاب و راجل كبير
الكل : مرحبا ا لالة
ريماس : ميرسي .. المهم بلا مقدمات ماعنديش معاهم كل واحد فيكم يقوليا باش مكلف و يعطيني تعريف على راسو
فادي : جردة ولات ا ختي حسن من البارح شوفي هاد الورود كاع ما كانو البارح
ريناد : حتى لابيسين ا ختيتو ولا نقي بزاف ياااي غانبقاو نعومو فيه مجموعين بحال شحال هادي
ريماس : ان شاء الله ا فريزتي ... دخلو للفيلا لداخل زليج كان كايبري بالنقاوة و ريحة المعطر مالية الفيلا ولات شهوة منها جا طلعات ريناد و فادي كايجريو يشوفو بيوتهم
طلعات للبيت ديالها لقات الحوايج مستفين فبلاصتهم و كلشي نقي كلشي باقي فبلاصتو بحال اخر نهار خرجات منو كانت غرفة مصبوغة بالبيض و أثاثها فالأحمر ... دازت لبيت واليديها ضورات البواني و دخلات بقات كاضور عينيها فيه .. طاحت عينيها على واحد الصورة ديالهم مشات بخطوات بطيئة هزاتها و بقات كادوز يديها عليها و باستها .. مشات لخزانة الملابس حلاتها كانو حوايج واليديها باقيين تما شافتهم و قلبها ضرها .. هما مشاو ولكن ريحتهم صورهم حوايجهم اشيائهم كلها باقا هنا و كلها باقا فبلاصتها كاتحس بيهم بحالا باقيين عايشين فالفيلا كل قنت كايفكرها بيهم ، رجعات اللور جلسات فوق الناموسية دازو دقائق و عاودات ناضت رجعات لبيتها حلات خزانتها كانو تما حتى الحوايج الجداد لي شرات بدات كاتنقل فالحوايج للبيت واليديها حتى سالات .. حطاتهم فالناموسية و مشات جبدات فاليزات جمعات فيهم حوايج واليديها كاملين و بدات ترتب حوايجها بلاصتهم سالات و دخلات دوشات لبسات سورفيط خفيفة و مشات طل على خوتها فبيوتهم كانو ناعسين بقوة العيا .. هبطات لتحت كاتقلب على العساس
ريماس : عبد السلام
العساس : ( جا كايجري ) نعام الالة
ريماس : غتلقا الفوق 2 فاليزات ديال الحوايج هبطهم و عطيهم لشي حد محتاجهم
العساس : هي اللولة ا لالة ... فضلات تعطيهم المهم ماتبقاش تشوفهم و تتعدب
سمية : نحطو لك الغدا دابا ا لالة؟
ريماس : اوك وجدو طبلة .. مشات لصالة مونجي جابو لها الغدا بدات كاتتغدا و عقلها غير مع الشركة و المحلات كي دايرا فيهم الخدمة دابا .. قررات باش تمشي لاغد ليه تتحقق بنفسها و نيت يعرفو المالكة الجديدة لأملاك بنجلون
♚ في قصر روتشيلد
الأجواء كانت كاتدل بلي كاين حفلة و ماشي اي حفلة بل حفل زفاف ضخم .. القصر كلو مزين و فالخارج الجردة عامرة بالناس سربايا داخلين خارجين و أديرا واقفة كاتحاول باش مايكون حتى شي خطأ و خصوصا ان هذا ماشي اي حفل عادي ... العرس ديال ولادها بزوج .. سي أصلان واقف بكل تكبر و العكاز فيديه كايهضر مع الحلفاء ديالو بكل تكبر كلشي كايشوف هاد الشارف لي دابا فعمرو 102 عام و باقي حي مازال مابغا يموت اما دابا فاش دار العملية صافي كمااااالت السيد باقي ناوي يبقا حي رجع لشموخه و جبروته ديال زمان كلشي داير لو الإعتبار .. فالجهة الثانية واقف اسوار لابس كوستار كان انيق بكل معنى الكلمة و فجنبو شابة جميلة بحالها بحال بنات عائلة روتشيلد واقف و ماحاملش راسو على عكسها هي لي غاطير بالفرحة و فالجهة الثانية واقفين عائلة عروسة ارسلان و حتى عروسة أرسلان لي كانت لابسة الفستان الأبيض لي هي براسها ماحاملاش هاد العرس و ما فيه ... كانت كاتتمنا مايكملش ولكن فاش كايقول أصلان شي حاجة فمستحيل يتراجع عليها واخا طابق السما مع الارض ماتهنا حتى زوجهم .. سي إيتان واقف مع غابريال و ارون و داوود و الأخ الاخر ديالهم مرة كايشوفو فأسوار و مرة كايشوفو فأرسلان لي كان مشغول مع أبراهام و مالك كايهضرو و كايوريه شي حاجة فواحد طيلي ... أديرا واقفة مع زوجة داوود كايشوفو واش كلشي هو هاداك ... و باقي العائلة كل واحد فين شادها
مورغان : ايوا مبروك ما درتو بان ليا جمعتو كلشي فخطوبة وحدة
سي أصلان : بغيت نفرح بحفادي
مورغان : واحد سي أرسلان مدة مابقا بان ليا ياكما شاغلاه شي حاجة
سي أصلان : حاجة عادية ماتشوفوش حفيدي الغالي مشغول بمصالح إمبراطوريتنا
مورغان : وي شفت اش كاين ايوا ا سي أصلان مزال ماناويين تحيدو من الواجهة و تخليونا نبانو
أرسلان : طلب غبي بحال مولاه .. إمبراطورية روتشيلد من ديما نامبر وان ماكانقبلش برقم اخر
سي أصلان : ها السبع ديالنا جا
مورغان : اوو سي أرسلان شغلوك علينا
أرسلان : ماغانخليش الأهم و نجي نسمع حاجة لي ماغاتزيدني ماغاتنقصني
سي أصلان : كانظن داك المشكل جا الوقت لي خاص يتسد فيه
مورغان : بطبيعة الحال ا سي أصلان ... ايوا كاين شي خبار على المغرب؟ ماعاودتيش رجعتي ليه من عام اللول؟ ...
"After one year"
♔ في مكتب واسع ابيض حيطانو فاللون الأبيض بحال قلب مولاتو و أثاثو فالبرتقالي لون الخريف و هو نفسو الفصل الغامض بين اربعة فصول ... جالسة مخشية فالوراق حاطة نظاراتها و كاتدقق فالملفات شافت فالساعة لي فيديها لقاتها 6:00 تعطل الوقت بزاف اكيد الشركة غاتكون خاوية دابا بيان سيغ غاتكون خاوية حيت الموظفين كايخرجو الساعة 5:00 دغيا داز الوقت و كاع ما حسات بالوقت من نهار شدات زمام الأمور ديال الشركة و هي غير مخشية مخشية فالوراق و الملفات كاتحاول ترجع توقف الشركة على رجليها من مور مالقات الشركة فحالة يرثى لها و هادشي كان بالطبع عن قصد حيت عمها كان متقصد يسبب إفلاس لهاد الشركة ولكن فاش رجعات هي تبدل كلشي باقي 3 ايام و تكمل عام على ترأسها للشركة و فهاد العام كانت مرا ب10 رجال قدرات ترجع الشركة للمستوى ديالها لا بالأحرى رجعاتها حسن من اللول و فرضات وجودها كأصغر سيدة اعمال في سن ل21 سنة
"Flash back"
وقفات لوطو فالأبيض قدام الشركة نزل الشيفور باش يحل لها الباب
الشيفور : انسة ريماس واش نبقا كانتسنا ولا نرجع للفيلا
ريماس : رجع و هضر مع الخدامات يردو البال لفادي و ريناد
الشيفور : معايا في نرجع ا انسة ريماس
ريماس : تا نعيط لك ... خلاتو و توجهات نحو الباب ديال الشركة شافها العساس لي كان واقف قدام باب الشركة مامنعهاش حيت اصلا شافها فاش بانت فالجورنال .. فاش سيفطات عمها للحبس .. لقا عليها التحية رجعاتها ليه و دخلات .. داخلة و كاتسمع صداع بزاااف و الهضرة وقفات و بقات كاضور عينيها فالشركة تبدلات بزااااف ولات فوضوية كتر من القياس كلشي داير لي عاجبو لدرجة كاع مالاحظو حضورها
ريماس : ( بالغوات ) سكاااااااااات .. تقطع الحس و كلشي ضار يشوف شكون هادي لي غوتات بقاو كايطلعو فيها من لتحت تال الفوق كاين لي حشم و جمع عينيه حيت شاف صورتها فالجورنال و كاين لي مقلوبة عليه القفة .. كانت واقفة واحد خيتي طاليا كيلو ديال المكياج
***** : و شكون نتي حتى تقولي لينا واش نهضرو ولا نسكتو؟ ... بقات ريماس كاتشوف فيها ربعات يديها و نطقات
ريماس : شنو سميتك؟
سهام : سهام علاش كاتسولي؟
ريماس : ( بإبتسامة ) مطرودة و دابا نيت غاتجمعي قشاوشك و دوزي عند المحاسب يعطيك خلاصك ... بقات كاضور فيها عينيها و كاتشوف فلاخرين لي كايتهامسو بيناتهم و من بين الهضرة لي كانو كايقولو قدرات تسمع بلي ريماس هي المالكة الأصلية ديال الشركة ماكاين لا سمير لا هم يحزنون
سهام : نقدر نهضر مع سي سمير فهاد الموضوع ا انسة هو لي خدمني هنا و هو لي من حقو يطردني
ريماس : مزيان على هاد الحساب تبعيني للمكتب ( خطات خطوات و عاودات وقفات ضارت لعندهم )
ريماس : من هنا ساعة كلشي نلقاه فغرفة الاجتماعات عندنا بزاااف ماناقشوه ماتنساوش كل واحد يجيب سيفي ديالو فيديه و لي عندو فالدار راه عندو سلعة كاملة باش يمشي يجيبو .. مشات للمكتب ديال الاب ديالها لي كان ديكورو تغير تماما بقات كاتشوف فيه مدة جاب ليها الاشمئزاز من هاد الألوان لي ولاو فيه اكيد هدا الذوق العوج ديال عمها .. جلسات فالكرسي بينما المحاسبة بقات واقفة
سهام : انسة راه ما منحقكش تجري عليا انا وقعت كونطرا مع سي سمير ماشي معاك
ريماس : ( جمعات يديها قدامها ) بان ليا ماقارياش مزيان ياك .. مافخباركش بلي سيدك سمير دخل الحبس بتهمة تزوير يعني اي عقد وقعو مع اي شخص كايتعتابر ملغي طالما ماشي سي سمير هو المالك الأصلي دابا غادردبي لمكتبك و تجيبي لي جميع سجلات الحسابات ديال هاد العام ... شحال دخلتو و شحال خرجتو
سهام : واخا ا ريماس
ريماس : قرينتك انا باش تعيطي لي ريماس حرفية؟ .. انسة ريماس شنو قلت انا؟
سهام : ( بغيظ ) انسة ريماس
ريماس : تحركي .. مشات المحاسبة و هي ساخطة بينما ريماس هزات طيلي ديالها
سي راضي : صباح الورد بنتي ريماس
ريماس : عمي راضي كي صبحتي؟
سي راضي : بيخير ا بنتي و نتي؟
ريماس : بيخير .. نقدر نطلب منك طلب؟
سي راضي : مرحبا ا بنتي
ريماس : تقدر تعقد لي مؤتمر صحافي من هنا للعشية؟
سي راضي : كنت نيت غانقتارحها عليك البارح ولكن فضلت نخليك تا ترتاحي مهم ا بنتي 4:00 مزيانا؟
ريماس : وي عمي راضي مزيانا مهم نخليك دابا باقي عندي شي حوايج
ريماس : و شنو خدمتك لاكنتي ماغاتعرفيش؟ عندك من هنا للإجتماع .. جبديه ولا ولديه ولا صنعيه ماشي شغلي هادشي ولكن فاش مانلقاهش من هنا ساعة عرفي بلاصتك كاتسناك حدا سيدك سمير .. اه و ماتنسايش تجيبي لي سيفي ديالك باش نعرف شكون كان مقابل شركتي تقدري تمشي دابا ...
كلشي تجمع فقاعة الاجتماعات كايتسناو غير ريماس تجي حتى من العساس
***** : الله يدوز هاد الاجتماع بيخير و صافي
***** : هادي لي غاتصلاح لكم غاتجمعكم نيت .. تا نتوما زدتو فيه
سهام : تجمع غير راسها بعدا داكشي لي بقا غير بعلوكة مبعصصة تبدا تتهز عليا
***** : باين فيها باقا صغيرة
***** : العود لي تحكرو يعميك شكون عرف هادي لي غاتخرج فينا طول و عرض
***** : فييين يامك ا سي سمير
***** : سي سمير على ماسمعت تشد فالحبس بتهمة تزوير و النصب و الاحتيال على القانون و على بنت خوه
***** : بلاتي بلاتي ماتقولياش هادي نفسها ريماس لي كانت كاتجي مع سي؟
***** : هي هادي بشحمها و لحمها بلا ماتسولني كيفاش حيت انا براسي مابقيت فاهم والو
***** : العجب والله تا العجب السيدة تبدلات نيييت لا فالوجه لا فكلشي .. تحلات الباب و تقطع الحس
ريماس : لا مزياااان عندي حمام هنا ياك؟ كملو كملو لاش سكتتو .. توجهات لنفس الكرسي لي كان كايجلس فيه باها دارت رجل على رجل و بدات كاتشوف فيهم واحد بواحد بحجبان معقودين
سهام : ها هو السجل و سيفي ديالي .. شداتو من عندها و بدات كاتراجع سيفي اما داك السجل خشاتو فملف مع السجلات لاخرين تا تمشي للدار و تاخد راحتها فمراجعتو
ريماس : ( كاتقرا سيفي بصوت مسموع ) ممم خارجا من الكاطريام و زيرو خبرة فهاد المجال ( حطات سيفي و ركزات عينيها عليها ) كي درتي لها ا مادموزيل؟
سهام : احم انسة ريماس
ريماس : اش احم؟ ( بدات كاطلع فيها و تهبط ) لا راه باين نيت علاش مخدمك سيدك سمير على العموم راك مطرودة ها لادغيس ديالك عندي غدا رجعي لعندي باش نشوف هاد الحريرة ديالك و نشوف هاد الشركة لي على قدها لي كانت فيد وحدة مفلسة بحالك
سهام : انسة ريم
ريماس : يلاه تحركي اش باقا كاتسناي؟ ... رجعات ريماس لأش كانت كادير مي ماهضرات مع حد هاد المرة كتافات بأنها تقسم سيفيات على جوج جهة كاتحط فيها سيفيات لي عاجبينها محتوياتهم و جهة كاتحط فيها المفلسين بحال سهام كلشي متوتر من سكوتها خايفين على بلايصهم و خدمتهم لي ماعارفينش واش غايبقاو فيها ولا غايطيرو منها ... سالات داكشي و عاودات هزات راسها فيهم ( باش مانكترش سميات غانبدا نلقبهم بفلان الفلاني )
ريماس : واخا ماعندكش كفائات عالية مي غاتبقاي فمنصب سكرتيرة ... بدات كاتفرق عليهم الوظائف على حساب كل واحد و شنو الخبرة لي عندو .. كاين لي طرداتو و كاين لي خلاتو المهم عاودات الهيكل ديال الشركة من زيرو باش كل واحد يخدم فالقطاع لي كايعجبو و كايعرف ليه و هادشي غايرجع بالفائدة للطرفين غايرجع بالفائدة للموظف حيت غايكون مرتاح فخدمتو و غايرجع بالفائدة لريماس حيت غايعطي مجهود مضاعف فخدمتو مادام هو مرتاح فيها
ريماس : شكون ماعجباتوش الخدمة يقولها من دابا باش نجيب لي يخدم بلاصتو؟ اوك منين ماكاين حد إذاً غدا غانعاود العقد مع كل واحد فيكم تقدرو ترجعو لشغالكم دابا و بالنسبة ليك نتي
السكرتيرة : انا ا مادموزيل ريماس؟
ريماس : لوحي إعلان فالسيت الخاص بالشركة حطي فيه بلي شركتنا محتاجة لموظفين : مساعد إداري و مهندس مدني و مسؤول الشبكات و مترجم
السكرتيرة : شنو الشروط لي خاص تكون متواجدة فيهم؟
ريماس : ماشي ضروري الخبرة مي المستوى الدراسي يكون عالي و يكون متبع نفس المجال
السكرتيرة : واخا ا مادموزيل ريماس دابا نيت غانحطو
ريماس : ماتنسايش تعيطي لشي حد يجي يبدل لي ديكور ديال المكتب ... رجعات لمكتبها بقات كاتراجع دوك السجلات حتى عيط لها سي راضي و مشات على ود المؤتمر الصحافي لي عاودات عرفات فيه براسها بصفتها المالكة الجديدة و عاودات لهم سبب التغيير فالملامح ديالها و زيد و زيد ...
من مور المؤتمر مشات للفيلا و اول حاجة دارتها هي راجعات دوك السجلات لي لقات فيهم اختلاسات بأموال طائلة فصباح اليوم التالي ماعطلاتش سهام نهائيا .. سيفطاتها زيارة طوييلة لعند مرات سمير بإعتبارها تا هي كانت مشاركة فهادشي ... داز من مور هادشي 6 شهور و فغضون هاد 6 شهور قدرات ريماس تثبت راسها و تفرض راسها فمجال الأعمال بإعتبارها أصغر سيدة أعمال داخل مجال التسويق الإتجاري .. شركة كانت على حافة الإفلاس بفضلها و بفضل سي راضي طلعات و وقفات على رجليها .. بفضل ريماس حيت بالرغم من صغر سنها ولكن دراستها للإدارة نفعاتها و بفضل سي راضي حيت هو لي كان كايقنع معارفو باش يتعاملو مع شركة ريماس و فعلا فاش تعاملو معاها ماخابش ظنهم و من تما ولا واحد كايوصي لاخر حتى تشهر اسم ريماس و تعرفات بجديتها و صرامتها فالخدمة ... رجعات لنشاطها و حيويتها ولكن تزادت صفة خرا فشخصيتها و هي الصرامة لي كتاسباتها من دوك التداريب لي دازو عليها و العذاب لي دوزاتو فديك المدة .. ولكن بطبيعة الحال باقا حنينة مع خوتها و سي راضي و عائلتو .. رجعات لأعمالها الخيرية ، كانو أيامها غاديين هاكا حتى لواحد النهار لي وقع فيه واحد التغيير داك النهار كان الويكاند و شتا خيط من السما .. خوتها كانو عند سي راضي بقات غير هي فالفيلا كانت يلاه دوشات لبسات بيجامة مقطنة سخوونة و دارت طربوش على شعرها الفازك هزات مانطة و طيلي و ليكيت و شي وراق خاصين بالخدمة خاصها تراجعهم .. حطاتهم فالفوتوي لي قدام المدفئة قادات بلاصتها و تخشات باش تدفي راسها من البرد ديال هاد شتا ... فيديها كاس ديال اتاي بلويزة و البيسي محطوط فوق ركابيها كاتشوف اخر الاخبار ... سمعات دقان فالباب و ستغربات شكون غايجي عندها فهاد الجو الخداما عطاتهم عطلة و خوتها ماشي هادي وقتهم يكون زعما سي راضي ... ناضت من بلاصتها تشوف شكون .. مشات لجهة الباب حلاتو بقات مستغربة هدا اش كايدير؟ كان اخر شخص توقعات انه يجي رجعو لها دوك ذكريات الزينة لي عاشتهم فديك بلاد النحس كيف كاتسميها هي .. تا قالت تهنات من كمامرهم و هما يبانو تاني فحياتها
ريماس : (بإستغراب ) اش كادير هنا؟؟؟
اسوار : غاتخليني فالباب حيدي خليني ندخل
ريماس : بلاتي بلاتي فين داخل سيبة فالبلاد؟
اسوار : شوفي طريق لي ضربت فاللخر نرجع تاني؟
ريماس : ماقلتش لك اجي جيتي راسك و اصلا كي درتي حتى عرفتي داري؟؟؟؟ واش هاد الباج ماغانطويوهاش؟؟؟ مابغاتش تسالا خلاص بففف رجع الله يخليك منين جيتي ... سدات الباب فوجهو و رجعات تخشات فبلاصتها كاتقلب فالبيسي اما اسوار جلس قدام الباب ... كايوصل حتى لعندها و كاتحدهم ليه ويينها هيبتو مع الاخرين .. شتا خيط من سما فزكاتو كامل و البرد كايصرفق بنادم و كايدخل بين العضام ... بقات جالسة و كاتخربق فالبيسي و تفكيرها غير فهاد خونا لي عاود بان فحياتها حتى قالت و اخييرا تهنات منهم نفضات أفكارها و كملات اش كانت كادير .. دازت نص ساعة حطات البيسي و مشات جلسات حدا شرجم كاتفرج فقطرات الشتاء كايعجبها بزااف هاد الجو و فنفس الوقت كايضرها حيت كايفكرها بلي كاينين فقراء بلاصة مايكونو حتى هما عندهم مأوى يدفيهم راهم دابا من تحت شتا البرد داير فيهم ما بغا ... شوية بان ليها شي واحد جالس حدا شجرة لي قدام الفيلا و كلو فازك .. مشات لبسات المونطو ديالها و ميني بوط خرجات حتى وصلات لعندو ... ضربات ضريبات خفاف فكتفو باش يضور لعندها
ريماس : ماعندي ماندير لك ... ماجاوباتوش خلاتو و دخلات ... ماقدرش يفهمها نهائيا علاش هي قاصحة تال هاد درجة؟ تبدلات بالرغم من ان الرقاقة تحيدات ليها ... علاش مزال كايفكر فيها؟؟؟ علاش ماقادرش ينسا داك البريق لي فعينيها تفكر نهار اللول فاش شافها يلاه جات و كانت بشعرها لي كان طوييل و فايت المؤخرة ديالها كان واصل لفوق ركبة شوية .. نباهر بجمالها و فوقما كان شي قائد كايبغي يهضر عليها كايضور فيه .. فاش قطع لها شعرها ماشي قطعو غير على ود القوانين مي قطعو حيت اصلا شعرها كايثير الإنتباه بزاااف هدا ثاني سبب من مور السبب الرئيسي لي هو طلب أرسلان انه يقطع لهل شعرها .
ريماس : نوض دخل لداخل البرد عليك هنا ... هز عينو فيها ترسمات ضحكة فوجهو و ناض تبعها
ريماس : بلاتي بلاتي ناوي دخل لعندي بصباطك؟؟؟؟ .. حيد صباط و دخل
أسوار : ( كايضور عينيه فالفيلا ) دارك أنيقة بحالك
ريماس : علاش جيتي؟ ...
( الحوار بالإنجليزية )
أسوار : بغيت نشوفك و بغيت نشوف كيف راك
ريماس : ها نتا شفتيني .. تقدر ترجع لبلادك دابا؟؟؟ شوف الله يرحم باك ماناقصني مشاكل ماناقصني صداع الراس خوك يلاااه تهنيت منو و تهنيت من داك العذاااب لي دوز عليا واش ا عباد الله تابعيني حتى لهنا؟؟؟؟؟
أسوار : غير سمعيني ا ريماس
ريماس : ماعندي مانسمع لي عندي قلتوو عطيوني التيساع و خليوني نعيش حياتي ياك كانت حرب بيناتنا و سالات؟ اش باقي باغيين عندي؟ مزال ماتسرطاتش لكم؟؟؟
أسوار : مابغيت والو توحشتك و بغيت نشوفك لا غير و ماناويش نأذيك اتشييي ( عطس )
ريماس : سير جلس لهيه غانجيب لك شي حاجة دفيك ... ماخلاتوش يجاوبها مشات للمطبخ وجدات ليه كاس ديال اللويزة و رجعات لعندو عطاتو ليه
أسوار : شكرا .. جلسات مقابلة معاه
ريماس : منين عرفتي فين كانسكن؟؟
أسوار : ماشي شي حاجة صعيبة و نتي اخبارك مالية الجرائد ديال المغرب
ريماس : علاش نتا بعدا كاتعرف للدارجة؟
أسوار : حاجة طبيعية حيت قبل مانعلنو عداوتنا مع اي دولة كانتعلمو لغتهم
ريماس : و متبع خبار المغرب من الفوق ستغربت
أسوار : متبعهم غير باش نوصل لخبارك
ريماس : و شكون نتا باش تراقبني؟؟؟؟
أسوار : ماتفهمينيش غلط
ريماس : لحد الساعة مافهمتش غلط ولكن لي عارفة هو هاد المجية لي جيتي باقي غايجيني موراها صداع الراس اصلا هادشي لي تابعني من موراكم من نهار عرفتكم غير المشاكل و صداع الراس و نهار قلت صافي تهنيت عاودتي جيتي من جديد
أسوار : ( بجدية ) ريماس خاصك تردي البال لراسك
ريماس : هاااااا لي قلنا من دابا بدينا ... مزال حتى ما سخنتي بلاصتك و بديتي كاتهدد نوض تحرك خرج عليا و رجع منين جيتي
أسوار : من ديما متسرعة سمعيني انا مايمكنش نأذيك ولكن غيري يقدرو يأذيوك انا غانسيفط رجالي يردو لك البال
ريماس : والله يا خويا ماشكيت عليك البليزير لي غادير فيا هو فاش تحبس الشتا رجع فيحالاتك و نساني عليك
ريماس : على العموم تحبس الشتا خرج حيت خوتي مابقا لهم والو و يرجعو مابغيتش يديو عليا نظرة خايبة
أسوار : مافهمتش علاش تبدلتي و وليتي كاتعاملي معايا هاكا .. مافهمتش علاش ماكانقدرش نقول شي كلمة تجرحك ولا ندير شي تصرف يأذيك .. رجعات لبلاصتها و خشات راسها بين الوراق و عقلها كايفكر غير فالمصايب لي غايجيو من مور هاد المجية
ريماس : الشتا حبسات تقدر تمشي دابا
أسوار : شكرا على استضافتك ليا و فرحان حيت شفتك مرة خرا
ريماس : العفو و هادشي باش معروفين حنا المسلمين حسن الضيافة ... حط الكاس من تما و خرج تبعاتو باش سدات الباب ... و مع خرج جبد طيلي دوز نمرة واحد الشخص
أسوار : سيفط لي 4 ديال الرجال للمغرب لهاد العنوان ************** ... وي مهمتهم يردو البال للناس لي ساكنين تما و اي حاجة وقعات يعلموني بيها ... قطع و كمل طريقو شد طاكسي للمطار باش يرجع لبلادو و هاكا دازو الأيام و الشهور من مور داك النهار ماعاودش رجع لعندها ولكن كان حاط أشخاص يحميوها هي و فادي و ريناد خبارها كانت كاتوصلو بالتفصيل و مافخباروش بلي دوك الرجال لي حاطهم يحضيوها كاينين رجال اخرين مراقبينهم و مراقبينها حتى هي .. فهاد الشهور زادت ريماس كبرات شركتها شوية ماغانقولش بزاااف حيت يد وحدة ماكاتصفقش و فديك الشركة ماكاينش معاها شركاء .
"End Flash Back"
خرجات من الشركة لقات الشيفور كايتسناها طلعات و وصلها للفيلا
ريناد : على سلامتك ا ختي غاتكوني عيانة بزاف
فادي : هانيا ا ختي مابقاش ليا بزاف و نولي راشد و نعاونك فالمسؤولية
ريناد : باقي لك عااااامين باش يلاه تكمل 18 سنة
فادي : و نتي باقي لك 3 سنييين
ريماس : غاتعاونوني بجوج ان شاء الله ولكن دابا ديوها غير فقرايتكم هي الأهم ...
شدات راسها لي بدا كايضور عليها كون ماتكالاتش مع الحيط كون جات طايحة للأرض
ريناد : ( مخلوعة ) ختي ريماس مالكي؟؟؟؟؟؟؟
فادي : ختي ريماس واش نعيطو للطبيب؟؟؟ سمية شيمااء فينكم ... رجعات شدات توازنها و بتاسمات لهم ابتسامة خفيفة باش طمنهم
ريماس : والو ا كبيداتي ماشي شي حاجة بلا ماتشوشو غير العيا
فادي : ( بقلق ) ختي علاش ماكاتعطيش الراحة لراسك
سمية : ( جات كاتجري ) مالك ا لالة؟؟؟
ريماس : ماشي شي حاجة واش الكوطي واجد؟
سمية : واجد ا لالة واش نحطو دابا
ريماس : حطيه
سمية : سمحيلي ا لالة على التدخل ولكن وجهك كايبان صفر مافيهش الدم
ريماس : غير بالعيا سيري حطي الكوطي .. كبيداتي غانطلع ناخد دوش باش نحيد العيا شوية و نرجع
فادي : غانطلع معاك ا ختي باش ماطيحيش فالدروج
ريناد : ختي علاش هاد الأيام وليتي كاتسخفي بزاف؟
ريماس : وال ا رينادتي ماديريش فبالك و ديها فقرايتك هادا غير العيا
فادي : ختي خاصك ضروري الطبيب
ريماس : وا صافي هاني وصلت من بعد و نشوفو هبطو تسناوني
ريناد و فادي : واخا ا ختي .. دخلات للبيت و مشات نيشان جلسات فالناموسية كاتحس براسها باقي كايضور عليها دخلات دوشات و رجعات لعندهم ... داز داك نهار و جا النهار الموالي
أصبحنا و اصبح الملك الله
فاقت عيانة ولكن مع ذلك كابرات .. دارت روتينها الصباحي و فطرات مع خوتها و توجهات للشركة .. بدات خدمتها و كاتحاول ما امكن تركز فخدمتها و تتغلب على الدوخة ... جا وقت الغدا هبطات لتحت باش تتغدا سالات و رجعات لخدمتها ماخلات ماشربات باش تتحيد منها الدوخة ولكن باقا على نفس الحالة و نفس الدوخة لي ولات كاتجيها هادي 10 ايام .. هاكا داز عندها النهار و لأول مرة كاتتسناه يسالي بفارغ الصبر باش ترجع للدار .. ما دوزات داك النهار غير بمشقة الأنفس ماعارفاش سبب الدوخة المفاجئة لي ولات كاتجيها .. جا لعندها الشيفور للشركة ركبات و توجه بيها للفيلا
الشيفور : انسة ريماس مالك؟؟؟ كاتباني لي عيانة
ريماس : ماعرفتش غير واحد دوخة ولات كاتجيني و ماعرفتش سببها
الشيفور : شربتي شي حاجة باش تطيرها لك؟؟؟
ريماس : شربت واحد دوا خفيف عندي عطاتو لي الخدامة و صافي
ريماس : نو ا عمي راضي تلهيت غير مع الخدمة و صافي مالقيتش الوقت والله
سي راضي غدا غاتمشي للطبيب و هادي اخر هضرة متافقين؟؟؟
ريماس : واااخا متافقين
لؤي : باغا تحرمي عويناتي من هاد الزين قبل الوقت
مريم : بعد من البنت القرد ... دوزو ديك العشية ضحك و نشاط ريماس كانت موااكضة معاهم هاد المرة تعشاو و ودعوهم و مشاو .. طلعات تنعس من مور ماتمنات ليلة سعيدة لخوتها غير حطات راسها على المخدة و غفات .. بدا نهار جديد مليئ بأحداث جديدة .. فاقت دارت روتينها الصباحي و فطرات و خرجات لقات الشيفور كايتسناها .. رجعات لها الدوخة تاني
الشيفور : انسة ريماس
ريماس : ششش عافاك تال عشية فاش نكونو راجعين و هضر
الشيفور : ولكن ا انسة ريماس .. قاطعو طيلي لي كان كايصوني ...
جبداتو جاوبات كان لؤي بقات شادة معاه الهضرة شحال حتى وصلو للشركة نزلات و
دخلات ليها ... بقاو كايلقيو عليها الموظفين التحيات الصباحية ( صباح الخير .. صباح النور ) .. مشات لمكتبها و بدات خدمتها بقات ملهية مع الخدمة و الدوخة مامفارقاهاش كل مرة تطلب قهوة باش تتواكض ولكن هادشي مانفعهاش .. وصل وقت الغدا هبطات تتغدا و الموظفين ملاحظين انها عيانة ولكن مابغاوش يسولو باش مايسمعوش خل وذنيهم .. تغدات و رجعات لمكتبها تركيزها مشا جبدات داك دوا لي عطاتها سمية و شربات منو جوج و كملات شغلها تحيدات منها دوخة شوية كملات شغلها و عاوتاني رجعات لها الدوخة ، خرجات من مكتبها مابقاتش قادرة تكمل الخدمة و هي فهاد الحالة كاتحس بالدنيا كاضور بيها و كلشي كايبان لها منو جوج ماجات فين تخرج من الشركة حتى طاحت على وقفتها .. تجمعو عليها الموظفين جاو كايجريو
المحاسب : خرج بالزربة عيط للشيفور ديال انسة ريماس يديها للكلينيك سربي دغيا .. جا الشيفور كايجري
الشيفور : اش وقع لأنسة ريماس؟؟؟؟
المحاسب : ماعرفناش ولكن نهار كامل و هي عيانة .. هزها و خرج و حطها فاللوطو و عاود رجع هز صاكها و ديمارا نيشان للكلينيك باش يعرفو مالها هز طيلي دوز نمرة ديال العساس لي فالفيلا و طلب منو يلقا نمرة سي راضي و يعلمو بلي ريماس فالكلينيك .. دازت ربع ساعة و وصل للكلينيك دخل و هو هازها فيديه لقا الأطباء واقفين بحالا كانو كاينتاظرو قدومو الشيئ لي خلاه يحس بالريبة
الدكتور : عطينا المريضة نشوفو مالها
الشيفور : بلاتي ولكن كيفاش
الدكتور : سربي دغيا .. انا لي كنت مكلف بالحالة ديالها
الشيفور : علاش واش هي بعدا مريضة؟ ... ماخلاهش يكمل هضرتو حطوها فالحمالة و دخلوها و ما هي إلا دقائق حتى جا سي راضي كايجري هاز فيديه ريناد لي كانت بدورها سخفانة و تبعو لؤي لي هاز فيديه فادي حتى هو سخفان و موراهم جايا مريم كاتبكي .. شدوهم من عندهم الأطباء و دخلوهم .. بقا الشيفور كايشوف فهادشي لي واقع خرج تم راجع للفيلا و الشخص لي متقصدو هو الخدامة سمية حيت مايمكنش 3 ديال الناس يسخفو فنفس النهار هادشي غير زاد اكد ليه شكوكو ولكن لي خلاه يشك فيها هو ديك الليلة لي شافها كاتهضر مع شي بالتخبية فالجردة
"Flash Back"
سمية : وي وي صافي بديت كانحطو لهم فالماكلة
***** : ماقلناااش لك تحطي لهم كاملين بداي غير بأنسة ريماس فالوقت الحالي
سمية : و ايلا مشات للطبيب و عاقت بيا اش غاندير؟؟؟ اكيد غاتشكي بيا للبوليس
***** : كان خاصك ضربي الحساب لهادشي من نهار قبلتي تخدمي معانا
سمية : اش غاندير دابا؟؟؟
***** : فاش تبغي تمشي للطبيب عطيها هاد الدوا باش يحيد لها الدوخة و دوز يومين و رجعي بدليه لها بهادا بلا ماتحس فهمتيني ياك؟؟؟
سمية : فهمت فهمت صافي سير دغيا قبل مايشوفنا شي حد
"End Flash Back"
ركب فاللوطو و ديمارا فإتجاه الفيلا دازت ربع ساعة وصل للفيلا دخل كايجري باش يستفسر من سمية هادشي لي دارت ... دخل كايقلب عليها داخل الفيلا و خارج الفيلا ولا أثر ليها حتى لواحد اللحظة شاف أثار ديال الدم بقا متبعهم كانو كايديو لمور الفيلا لقاها مذبوحة و راسها طاير .. الكسدة فجهة و الراس فجهة
=======
سي راضي : قوليا مال بنتي ريماس؟؟؟؟؟
الدكتور : ماعندي مانخبي عليك ا سي راضي المرضى لي جبتوهم لينا عندهم تسمم حاد داكشي ضطرينا نديرو لهم غسل المعدة
سي راضي : تسمم حاد؟؟؟؟ ولكن كيفاش حتى تسممو؟؟؟
الدكتور : هادشي نتوما لي خاص تكونو عارفينو
لؤي : و ايمتا غايسترجعو الوعي ديالهم؟؟؟
الدكتور : على حسب ولكن غالبا ماغايسترجعوه تال غدا
سي راضي : و دابا شنو المعمول؟
الدكتور : حاليا وجودكم غير ضروري
سي راضي : مهم انا غانبقا هنا
الدكتور : الأمر كايبقا كايخصكم ... مشا و خلاهم دازو ساعات و ساعات و الضلام طاح و الحال مشا
سي راضي : ولدي سير وصل مريم للدار مشا الحال
لؤي : واخا ا بابا
سي راضي : رد البال مع الطريق ... سلمو عليه و مشاو و ما هي الا دقائق حتى جا الدكتور
الدكتور : سي راضي تقدر تجي معايا واحد الدقيقة
سي راضي : واخا هاني جاي
♔ داخل غرفة فالكلينيك ناعسة مرة خرا باللباس ديال المرضى شعرها متناثر فالبياص .. الضلام فالغرفة و سكااات كايتسمع غير صوت الأنفاس ديالها .. بدات كاتحل عينيها ببطئ باش تعرف راسها فين الرؤية مضببة ولكن بدات كاتوضاح عرفات راسها بلي راها فالكلينيك بسبب الدوخة لي كانت كاتجيها و ماعارفاش علاش ... قهراتها ريحة سبيطار لي ماكاتحملهاش ... ماجات فين تنوض حتى وقفها واحد الصوت لي رجعها اللور لذكريات قبل سنة
***** : ماتتحركيش ... نفس النبرة ديال صوتو و نفس الأوامر لي كايبقا يصدرهم كأن الجميع عبيد له
ريماس : هههههه لا اكيد كانحلم
***** : فنفس الشهر فنفس النهار و فنفس الساعة و نفس البلاصة فالعام الجاي .. عاقلة عليها؟! ...
العميل الصهيوني والجاسوسة المغربية الجزء 11
محتوى القصة
التنقل بين الأجزاء