سيف: "عنيه خارجين و كسنفي براسو" لا لا لا ميمكنش ميمكنش... لالا مغاديش تموتي...
هز ليها راسها و دورها غير بشويا عندو....
سيف: "طلع راسو لفوق و غوات بجااااااااهد" اااااااااااااااععععععع لاااااا نتي ما غاديش تمشي لا لا لا....
شاف مع جنابو و هوما يبانو ليه 4 ديال لكارد داخلين طافجين من الغوات...
سيف: "درليهم اشارة بيدو" يقرب شي قواد بربي حتى نحيه....
وقفو جامدين في بلاصتهم و هو ناض زها دخلها لقا عير واحد لاناب ديال واحد الطبلة لمدها فيه و خرج...
سيف: "مع لكارد" داااب واحد فيكم يوجد ليا لوطو يالله
لكارد 1: "وما ليه براسو" واخا اسيدي...
مشا خرج رونج ركبو فيها و نطالقو برد لسبيطار...
غادي طول طريق و هو معنقها و كيدوز على وجها و هي مغيبا و حالتها بالعصى لي عطاها و زيد طيحة لي طاحت وجها تجندخ مزياااااان....
مسافة الطريق و كانو قدام لا كلينيك دخل هازها... و هوما يتعرضو ليه بالحمالة... حطها فوقها و بقا غادي معاها حتى الغرفة العمليات حتى وقفاتو الممرضة: لا أسيدي ما يمكنش ليك تدخل...
وقف سيف و بعداتو من الباب و دخلات هي تابعاهم... و هو عينيه مزلين معلقين على لباب و حالتو كلو عمر بالدم و صدرو عريان....
الكارد: سيدي نجيب ليك شي حاجة تلبسها...
وما ليه سيف براسو و هو تااااالف.... دار ضرب لحيط على ما فيه من جهد و هبط جلس و دار راسو بين ركابيه.... و فبالو غير مشهدها فاش نقزات....
سيف: لا لا هي ما غاديش تخليني لااااهي غادي تصح و توقف على رجليها كيف كانت...
بقا كيحاول يكالمي راسو بهاد الهضرة... شويا و هو يجيب ليه لكارد. صاشيات فيهم لحوايج مشا لحمام بدل عليه و خرج....
بقا جالس كيساين شي 2 سوايع حتى خرج عندو الطبيب...
سيف تعرض ليه: اش وقع... هي بيخير ياك...
الذكتور: اسيدي اش غادي نقوليك لبنت حالتها حرجة بزاااف مهرسة من رجلها و كثفها و الضربة عندها في راسها.... و زيد عليها النزيف الناتج عن الاغتصاب.... القضية كبيرة أسيدي داب لي علينا درناه غاديين نقلوها للعناية المشددة... و الباقي على ربي... اه و بغيت غير نسولك شكون اولدي دار ليهة ديك الحالة و تعدا عليها...
سيف: واحد. الحيوان....
الذكتور: و حيوان نيت..... لبنت في يدي لله داب... لله يشافي اه و راني غادي نعلم لبليس...
سيف: "شدو من يدو و زيد عليه" غادي دير خدمتك و تكمش تافقنا ما كاين لاش لبوليس يالله...
الذكتور بلع ريقو و زاد.... اما هو فغير شويا و هي تبانلو مخرجينها من الغرفة ديال العمليات... كلها مجروحة و كلها تيوات ها ديال الأكسجين ها ديال سيروم و بزاااااف... و مغيبااااا ما جايبا لدنيا خبار...
سيف شد ليها فيدها و باسها و بقا غادي شادها فيها....
بقا غادي و شاد ليها فيدها حتى وصلوها للغرفة ديال اعناية المشددة... عاد طلق باش يدخالوها....
حطوها في بلاصتها... و قادو ليها سيروم و الأجهزة لوخرين و خرجو.... اما هو فبقات عينو عليها غير من زاج.... كانت حالتها.... كلها مجروحة و لعضاضي لي كان كيعضها كلهم غيما زادو زراقو و بانو.... و مدورين ليخا فاصما على راسها... تنهد و ضميرة مهاديش عليه و كيفكرو غير فكيفاش كانت كترغبو...
سيف: "جلس لأرض و دعر يدها على وجهو" كون تراجعت ديك ساعة كون كلشي كان داب مزيان... 💔
بقا غير بينو بين راسو كيدوي كي شي حمق... حتى جا عندو واحد من لكارد....
لكارد: سيدي هاك تيليفون راه سي هيثم و لحاجة كيسولو عليك....
علا فيه راسو و خدا من عندو لفون و دارو على ودنو...
تيمور: "بخوف" الو ياك لاباس راه قالو لينا لكارد ليلى لاحت راسها من فوق واش هي بيخير.... فين نتوما...
لكارد: الو ايمن الإنا سبيطار ديتي سي المنصور...؟!!
أيمن: ديتو ل ***** ....
لكارد: صافي واخا.... قطع معاه و قالها ليهم...
و هوما يخرجو نيشان ل لوطو ديالهم كانت ديك ساع شي 6 ديال صباح...
مسافة الطريق و كانو قدام لوبيطال... دخلو طافجين سولو عليهم و دخلو نيشان للإنعاش..
لقاوه كالس تماك في الارض و مهبط راسو على ركابيه....
تيمور مشا لعندو و هو يشوفها من زاش هاكداك دايرين ليها لباندة على يديها و وجها زرق و كتافها و عنقراه و راسها دايرين ليها فايما فيه...
هبط عنيه ليها و عنا عندو شنق عليه: اش درتي ليها يا الكافر بالله اش درتي ليها...
سيف مخليها على راحتو كيخض فيه و كشاكشو خارجين... : و دوي يا لــ*ـواد دوي هادا علاش خويتي لقصر باش تعدا عليها ياك يا قليل لعفة...
هنا سيف هز فيه عنو و دفعو عليه و وقف و هز فيه صبعو و دوا مشربن: شوف لله يرحم جدك سكتني لي فيا كافيني
تيمور: "وقف و عطاه كروشي لحنك تا وجهو دار" يا لـ*ـواد خويتي لقصر باش تستفرد بيها... اوا لله نعل لـ*ـواد لي حطك يا شماتا...
لحاجة غير حاطا يدها على فمها و كتشوف في ليلى من زاج و عنيها خارجين...
حتى طاحت من سماء لرض... غير شفها تيمور و هو يمشي عندها كيجري... هز ليها راسها...
سيف فحتى هو مشا لكن قبلما يوصل وقفو صوت تيمور: واياك تقرب وااايااااك... واايااك..
وقف في بلاصتو... و قلبو كيحس بالخناخر كيقطعو فيه لحظة غضب قلبات ليه حياتو سفاها على علاها...
جاو هزو الحاجة حتى هي لواحد الغرفة ترتاح... و تيمور معاها بينما هو متحركش من حدا ليلى... كل مرة فين يجلس....
و هاكدا دازت سيمانة فيها سيف كان على اعصابو..... في حين ليلى فينما تفيق كتجيها نوبة عصبية حتى كيدقو ليها لبراة ديال المهدء عاد كتكالما....
نقلوها لغرفة عادية فين كان سيف كيضل نهار كاملو و هو عندها مابقاش كياكل في الوقت
و حتى طلق من راسو لحوايج كيبقا لابسهم نهار كاااامل و كيمشي لدار غير يدوش و يولي... و حتى لحيتو و شعرو غفل عليهم...
اما تيمور فلوقت كامل هو ولحاجة مكيدويوش معاه كيجيو غير يشوفوها و يوليو
في مكتب الذكتور...
الذكتور: "بخوف" اسي تيمور راه منقدرش نديرها واش بغيتي سي المنصور ينحرني هو بنفسو موصي عليها و ما فارقهاش كيفاش بغيتيني ندير شي حاجة بحال هاكدا...
تيمور: "بجدية" شوف اسي طبيب دويت انايا و ما تشاورت شاي معاك راني أمرتك... غادي بكل بساطة تعيط على سي عبد الجبار العلامي تقوليه بنتكوم هادي سيمانة و صرف لاحوها قدام سبيطار.... اجيو ديوها و الباقي عليا....
الذكتور: "كيبلع ريقو بصعوبة" اسي تيمور فهمني راه الا ساق ليا سي المنصور لخبار يدوز عليا انا و عائلتي...
تيمور: شوف راه الاما درتيهاش لي غادي نبلغ لبوليي عليك و نلفق شي تهمة دايزها لكلام... فدير لي قلت ليك و كنضمن ليك انو سيدك المنصور مغادي شاي يسيق لخبار...
الذكتور: وا يكون خير...
تيمور: لا لا اسيدي جبد لفون داااب و صوني على السيد يالله....
الذكتور: واخا....
بلع ريقو و جبد لفون من جيبو... وو يديه كيرجفو دوز نمرة لي ديجا عاطيها ليه تيمور و دوز الخط...
اما عبد الجبار فكان جالس في لبيرو ديالو في الشركة حتى كيصوني ليه لفون من نمرة غريبة من كازا....
عبد الجبار: ألو سلام عليكم شكون معايا...؟!!
الذكتور: سي عبد الجبار العلامي هادا ياك...؟!!
عبد الجبار: وي هو هادا كاين شي ما نقضيو...
الذكتور: وي سيدي.... ليلى العلامي بنت خوك راه عندنا هنا في سبيطار راه جات هادي شي سيمانة... واش تقدر تجي...
عبد الجبار: "كيرجف" وي وي واخا وخا نجي نحي داب....
قطع عليه و شاف في تيمور لي بتاسم بإنتصار و وقف: داب عاد مزياااان يالله فاش يجي ستقبلو و قوليه ديك شي لي قلت ليك....
الذكتور: ولكن و سي المنصور فاش يجي سي العلامي اش غادي يوقع...
تيمور: و شكون قاليك غديين يتلاقاو هوما كاع...
قاليه هاد لكلام و خرج... مخليه عرقان بالخلعة....
أما هو فكان جالس حداها كيف العادة مقابلها و كيتأملها كيف ولات... دوك ضرابي خفافو شي شويا ولكن يدها مزالها بلبوندا و رجلها مزالها بلكبص....
شويا و هو يصوني ليه لفون لقا نمرة غريبة و ممحددش الموقع ديالها...
فتح الخط و حطو على ودنو: ألو...
___: أااااااو وولف هادا ياك...
سيف: "تنهد بملل" وي هو هدا...
___: كتعرف وواحد القطة مشاكسة ياك شعرها زعر و عنيها زرقين ياك... و كتقمش...
___: أاااااو برد برد... المرضي نت ماشي في وضع يسمح ليك تعاطا معايا....
___: شكون ماكنتي يا ولد لواسعة لي مصدع ليا *ـري غدي نعاود لـ*ـواد بوك طهارة فنطق اش باغي و بلا فريع لـ*ـر و الفلسفة ديال نم...
___: أااااااو خاصني نخاف داب يالك... منطولشاي عليك بغيتي لقطيطة أمونة غادي تجي لبلاصة ***** من هنا 2 سوايع و نص و معاك واحد 500 مليون كاش... اه و إلا فكرتي تزيك زاكي و تحضر لبوليس قول ل قطيطة باي باي...
قطع عليه مخلي كشاكشو خارجين لي فيه يكفيه و زادو حتى هم إيمان داب اش غادي يدير... تنهد بقلة حيلة و دوز الخط للبنك يوجدو المبلغ و وصا لكارد... و تأهب باش يمشي....
في مستودع في غابة معمور بمدينة الرباط....
___: اه اسيدي ما تخافش هي مزيانة راه جبناها مغيبا و اه كون هاني قلنا ليه حتى هو يجي كيف قلتي لينا... لا لا اسي تيمور كون هاني.... كولشي مقاد... اه فاش غادي يجي غادي يلقاها هنايا...
اما تيمور فقطع عليه و تنهد بعياء و شاف فالحاجة: زعما ماضلمناهش بهاد شي لي درنا ليه....؟!!
الحاجة: كيفاش ا لدي ضلمناه واش هو تعدا على درية و وصلها لديك الحالة و عاد باقي باغيها تولي لهنايا... لا لا اوليدي يحمد لله لقينا هاد الطريقة باش توصل لعائلتها اما كون بلغنابيه كون راه تشد في الحبس...
تنهد و هبط باس ليها على يدها و خرج بحالو... لبيتو يدوش حالتو... و يرتاح شويا..
اما سيف فكانت وصلات لوقيتة... ناض باش يسلم عليها كيف موالف يالله غادي يحني عليها و هي تحل عنيها على جهدهم... جاو نيشان فيه...
خرجات عنيها... و بدات كترجف و عنيها كيعمرو بالدموع و كتنفي براسها: لا لاااا لااا للااااا ممم م م متقربش ليا ممم متقربش م تقربش.... نن نننت نت نت.... اه اه هو هو هوووووواااااا هوااااا....
بقات في فمها غير هاد الكلمة و هو كيشوف فيها كيفاش نفرات منو و ما بقاتشي كتحمل حتى تشوفو و فينما تفيق و تلقاه دير بحال هاد الحالة.....
خرج من عندها من بعد ما وصا الذكتور و الممرضات عليها... و شدد عليها الحراسة...
و مشا قاصد المكان فين كاينا إيمان....
في حين هو خرح من المستشفى و هو عبد الجبار دخل ليها... و مشا نيشان عند طبيب لي نعتو ليه....
وصل لقاها قالبا سبيطار بلغوات... دخل عندها... تحصر على حالتها... و و خرج هو و طبيب لي قاليه اش وقع ليها و أنو تعداو عليها و جابوها لهنا لاحوها.... و طبق اش قاليه تيمور بالحرف
وصل لبلاصة لي قالو ليه... لقا ديبو كبيييير ديال تخزين الخضرا "فريكو " ....
مشا قاصد بابو و يديه على لفردي يالو... وصل للباب لقاه غير مردود دفعو برجلو تحل و هي تبان ليه مغيبا فو واحد لفراش تماك... و حتى شي حد ما حداها... يالله غادي يزيد خطوة و هو يسمع لسح دار بزربة لقاهم سدو عليه ديك الباب منين دخل.... مشا كيجري يحاول يحلها وااااالو.... حتى تعصب و غوت بجهد: اااااعععععع
تنهد بعصبية و مشا لعند عند إيمان... كيحاول يفيقها...
سيف دار فيها تجنزيرة كتخلع و خرج... قاصد طبيب... دخل عليه للمكتب بلا هادي بلا هاديك لقاه كيبدل حوايحو باش يخرج لدارو....
سيف: "مشا قصدو و شنق عليه من لكول " فينها ليلى هاه.... دوي فين حولتوها...
الذكتور: "كيبلع ريقو و علاين ما يبول في حوايجو من الخوف" غغغغ غغير تتهدن اسي المنصور.... عافاك باش ندويو...
سيف: "مزير على سنانو بعصبية" كيفاش تهدن كيفاش... دوي فين هي دوي....
الذكتور: لله يخليك كلس خلينا ندويو...
طلق منو بنترة و دار يديه في خصرو.... : يالله نطق خلاص...
الذكتور: "بعد عليه شي شويا عاد دوا" احم نت فاش ما كنتيش... وقعت واحد الحاجة...
سيف: اش وقع دوي واش وقعات شي حاجة ل ليلى دوي دوييييي....
الذكتور: لا لا عبد الجبار العلامي ساق ليها لخبار انو هنايا و جا داها....
سيف: "قوس حجبانو " عاود عاود تا كيفاش جا عمها و داها...
الذكتور: "كيحس بلبولة غادي تخرح ليه" احم ا اا اه اسيدي جا قلب سبيطار كاملو و داها... و فاش جاو عندي كيفاش جات لهنا قلت ليهم لاحوها قدام سبيطار باشما تورطش نتا و.. .
مازال ما كلامو و هو سيف يغوت علاما في جهدو... و شتت ديك شي لي كان فوق لبيرو كاااااامل... و مشا ليه عطاه كروشي جابو طايح: يا ولد لـ*ـحبة شكون قاليك تخليهم يدوها شكوووون شكوووووووون... ولله يا لـ*ـواد... عضامك حتى نطحنهم ليك قدام عنيه... غا صبر عليا...
خرح من عندو مخليه كيبكي بالخلعة و زيد عليها حر لكروشي لي عطاه لحنك....
أند فلاش باك.... 🍂
تنهد و ناض من بلاصتو قاصد لحمام دخل ليه دار دوش خفيف يصح صح... و خرج لاوي عليه لفوطة... لبس غير شورط لقاه تماك و قصد الجناح ديالو يبدل عليه و يخرج تاني... يقلب عليها... 4 شهور و زيادة دازت... و قلبو بحال الا شاعلا فيه العافيا... كيحلمها غير هي... و كيلوم راسو على لي دار فيها ندم اشد الندم لكن ما نفعوش....
🍃لتحت في طابلة ديال لفطور... جالسا الحاجة لي مهمومة و كل همها حالت حفيدها كيف ولات ضميرها كيأنبها كلما تفكرات انو كانت ليها يد ف معاناتو لكن اش غادي دير لله غالب...
اما تيمور فشهيتو تقطعات من الوضع لي ولاو عايشين فيه... كلشي تخرب ما بين ليلة و نهار... خوه و صديقو لي كان يموت ولا يغدرو.. لعب ليه ورا ضهرو و بعدو عل الانسانة لي بغاها... لكن كيصبر راسو بأنو من مصلحتها...
الحاجة: "بحنان" كول اوليدي كول لله يعطيك ستر...
تيمور: "تنهد بتعب" ما عندوشاي الحاجة مين يدوز... ما حدني كنشوفو فديك الحالة و نشوف ليه في عنيه و انا لاعب ليه لعبة موراه... كنحس بحال الا راني كنغذرو...
الحاجة: لا أولدي لله يرضي عليك متقولشي هاكدا راه حتى انا قلبي ضارني عليه... و انا كنشوفو فديك الحالة تعلق بيها يا وليدي بزاااف لكن ما كانشي عندنا شي حل غير نساعدوها و نرجعوها لعائلتها...
تيمور: و نهار يعرف اش درنا ألحاجة مووووحالش واش يولي يشوف لينا تا فوجهنا ولله تا لقصر يخويه بالله...
الحاجة: لا لا اوليدي ما عندو ما يخوي... فاش يعرف غادي يعذرنا حيت ديرنا ديك شي كامل على قبل مصلحتها... كون كلسات معاه كون راه حماقت اوليدي... و...
دارو بجوج فاش حسو بيه واقف من وراهم.... كي قباط روح و كيشوف فيهم ببرود قاااتل و نظرة قااااسية....
تيمور: "بلع ريقو بصعوبة" سس سيف....
سيف زاد عندهم و حيد يدو من جيبو و بدا كيسفق و هو مبتاسم من قوة الفقصة: أااااااو تبارك لله.... تبارك لله... كبرتي و وليتي كتخطط من ورا ضهري ياك "ضحك بالفقصة" ولا حتى نتي الحاجة مساعداه و متاحدين ضدي.... باش تبعدوني عليها ياكو ههههه لا لا ولله تا صدمتوني بالله... و لخطة ديال الخطف... هههه و حتى إيمان مشاركا معاكم فيها لا لا برافو...
تيمور: لا لا ايمان ما في خبارها والو غير انا بوحدي لي خططت...
سيف: "ضربو و بعد عليه و دوا ببرود" هاديك حيت طلعتي اكبر ولد لـ*ـحبة شافتو عيني...
قاليهم هاكدا و خرج.... مخليه هو طايح في الارض و لحاجة حاطة يدييديها على فمها من الخلعة.....
خرج نيشان ل لوطو ديالو... ركب فيها و كسيرا كون ما حلو ليه لباب فلوقت كون صاط فيها...
فطموبيل.. غادي مكسيري و بين عينو... غير صورتها و كيتفكر نهار رجع لقصر و ما لقاهاش... و نهار رجع المستشفى و ما لقاهاش قلبو بغا يخرج ليه من بلاصتو بقوت ما ضرووو ما عمرو حس بالالم. تماك من وقت طويييل... لدرجة انو سماوه بميت لقلب... لكن لقلب لميت نهار تشعل فيه العافية ما كطفاش... بقا غادي غير مكسيري و كيضوبل على لله ما حس براسو حتى وقف قدام الجرف تاني....
هبط من لوطو و هبط فيديه قرعة ديال شراب.... و جبد لفون من جيبو... و دوز الخط....
أما عند عائلة العامي في مانشستر... فكانو يالله مدخلين ليلى... و كيعنقو فيها و حتى هي ما مخلياش من جهدها و دار كولها مزينا بالورد و نفافخ في لونها المفضل لون عنيها...
ليلى: "كتشوف في طبلة عامرة غير بلحاجات لحلوين و طرطة كبيرة لوسط فيها تصويرتها و مع جنابها لكوب كيك كيف كيعجبوها" واش هاد شي كامل على ودي...؟!!
جميلة: "بحنان" و علاه ابنتي نتي عندنا في الطرف...
حدرات راسها كتغبن بحالدراري صغار: ولكن ما بغيتوش...
عبد الجبار: "قوس حواتبو بإيتفهام" و علاش ابنتي...؟!!
بتاسمات ليلى بحزن فاش تفكرات كيفاش حتى حملات و الضروف لي حملات فيها سن لي حملات فيه هي ابدا ماشي قد الحمل... او مسؤولية هاد الحمل و التربية ديال التوام لكن اش بيدها ما ير غير انها تحمد ربي و تدعي ربي يعاونها على كريشتها لي بدات كتبان و حتى وزن ليلى دبا كيزيد... تدريجيا.... صدرها بدا كيتنفخ ترمتها زادت حتى هي...
جاو حتى لوخرين كلسو معاها و كل مرة و اشنو يسولوها و هي غير ساهيا و حطى يدها على كرشها....
حتى قفزات فاش سمعات كوت لفون ديال هيثم كيصوني....
كلشي دار لعندها حتى من هيثم.... ولات اي حاجة كتخلعها واها غير معلقة الا طاحت كدير يديها على نيها... من خوفها...
جميلة مشات حداها و جلسات: حبيبتي سم لله عليك سم لله غير تيلفيون ديال خيك ما وقع باس....
اما هيثم فطمأن عليها و خرج لبرا يجاوب النمرة لي كانت معروفة...
هيثم: وي سي المنصور لاباس عليك...
سيف: لاباس لحمد لله و نت....؟ لعائلة كلشي بيخير...؟!!
سيف: لا لا ولو باس غير بغيت نتلاقا بيك على ود واحد لحساب كان بيناتنا مزال ما صفا... نت في فاس...
هيثم: لالا ماناشاي في فاس انا دتب في نكليز.... فمنشيستر...
سيف: "مبتاسم بجنب و حك لحييتو و دوا" ممم ياك شي باس ما كاين...؟!! شي تفوجة هادي...
هيثم: ما هي شاي تفويحة غيرشي مشاكل واقعين خلاوني نبقا هنا... غدا انشاء لله نحاول نجي لمغريب على قبل نتلاقو...
سيف: "قاطعو" لا لا ما يحتاج شاي... انا عندي شي خدمة تماك نرسيها... و نتلاقاو تماك صافي...؟!!
هيثم: "مبتاسم" الله يا ودي مرحبا بيك في أي وقت....
سيف: صافي حتى نجي...
هيثم: يالله مع السلامة... وقطع عليه... و دخل بحالو لداخل....
في حين سيف بتاسم بإنتصار و حط القرعة على فمو شرب منها و حيد: مممم قريب نتلاقو قريب... ما عمدك عليا لاين... كاين انا ولكفن... ف من الأحسن تشدي معايا طريق...
تنهد و لا هبط على ديك القرعة ضرب فيها نص.... ولاحها.... ومشا ركب و كسيرا لشركة...
.... لندن...
جالس فلبيرو ديالو و كيدوي و هو فرحااااان: ممممم اذن سي هيثم تبع عمو و جا لمنشتر... مممم بلان واااعر دار... غادي يختاصر عليا طريق...
هي من موراه: كنضن انو سرين ماتت و سرها معاها ما عندك ما تسالها بقات كتبغيك حتى و هي عارفاك غذار...
جورج: جيسيكا جيسيكا جيسيكا... بففففف ما تكونيش مكلخة راك ختي زعما... خاص تكوني عارفة انو عندنا حب واحد في حياتنا هي حب الذات... كنموتو غير على راسنا و من تم لهيه للجحيم...
جيسكا: مممم داب خاص تقول ليا الخطة جايا و ما تخلينيش حتى لأخر لحظة و إلا غادي نوريك حب ذات على حقو و طريقو....
جورج: "كيقرب لعندها" نتي داب قد هاد المهمة... ممم نتي جيسيكا ورتشيلد... خت و نائبة جورج روتشيلد... نتي البريئة و ضريفة و الرقيقة... لي غادي تمشي دير شتى الوسائل و دير شراكة مع ل وولف...
جيسيكا: "كدور واحد زغبة من شعرها على يدها" مممم وولف وولف وولف.... ممم مجرد الاسم ديالو كتشم فيه ريحة الرجولة....
جورج: "خنزر فيها" ما مصيفطكش تبغيه... مصيفطك تبعديه على هيثم العلامي... و تطيري ليه لعقل... "و طلعهطلعها و هبطها" راك زوينة زعمة... ستعملي زينك...
جيسيكا تحمسات و عضات على شفايفها... و هي كتفكر وولف لي هو حلم كل بنت بالكريزمة ديالو و لوشام ديالو شكلو و كلشي فيه....
دارت باش تخرج و هو يوقفها جورج: جيسيكا عمرك 23 سنة... منحتاجش نوصيك انو ما كاينش شي حاجة سميتها حب الغير عندنا... فطبقيها... و خليه هو يبغيت باش نتي تحكمي فيه....
جيسيكا: "هزات براسها و غمزاتو" متخافش اخويا حسبو طاح طيحة من ديك شي رفيع...
خرجات و هي متحمسة للفكرة وو كتخطط كيفاش غادي دير طيح وولف و يولي خاتك في إصبعها: ممممم وولف... سمية بوحديها تخليك ترجف... ولكن معايا انا ماغاديش تنفع...
_جيسيكا روتشيلد... هي خت جورج في عمرها 23 سنة... كتشبه لخوها بشراها حنطية و صابغا شعرها بالاشقر... لاطاي ديالها زوينة... و بطبعها مرحة لكن أنانية و الا بغات شي حاجة كدير المستحيل باش توصل ليها....
و هاكدا داز نها روتيني كيف العادة و جا نهار جديد....
و عند ليلى لي فاقت من كابوس كيف العادة... فاقت عرقانة و هو كابوسها ديال كل ليلة...
ليلى: "كتمسح جبهتها من لعرق" هادا غير كابوس اليلى غير كابوس... و فقتي منو صافي... و لي كان سبابك تيجيبو سمطة و منرحموشاي.... غادي نخلي قلبو يتقطع.... خاصو غا يبان باش لي في بالي يتطبق....
ناضت من ناموسية قصدات لحمام دوشات و خرجات ملويا عليها لفوطة و كريشتها باينة كانت كتبان كتسطي كيوووت بزاااف قصورة و حاملة... 🤤
لبسات عليها و جمعات شعرها ديل الحصان... و لبسات صنيضيل. في رجليها... و هبطات مع دروج غير بشوية حتى كايبان ليها عبد الجبار كيدوي مع غسان....
بقات غادياو صوتهم كيجهاد و هي كتقوس حجبانها...
عبد الجبار: "مخنزر فيه" اش هاد العصيان كامل راه غير بنت عمك ما هي شاي بنت لبراني... و زيد عليها راه سيفطها في امنتكم... و نتوما ما حافضتوشي عليها... حتى رجعات في هاد الحالة... و بالكرش من لفوق...
غسان: "قوس فيه حاجبو" لكرش... لكرش واش هي مولاتها...؟!!
عبد الجبار: مقصدت شاي اولدي نقول انو هي مولاتها... ولاد لحرام كتار و تعداو عليها... هي دهب و شريفة و متقدر شاي دير شي حاجة بالغلط... لكن اولدي المجتمع ما كيرحم شاي... هي ولية... و ليها ربي و حنى من بعدو... ستر بنت عمك... الهضرة دناس غاديا تقوا فاش يشوفوها حملات بلا زواج... واش ناس غاديين يقولو لا راه خطفوها و تعداو عليها...
غسان: "كيدوي بحيرة" ولكن الوليد راه بنت عمي بحال ختي بل و بحال بنتي... كيف بغتيني نتزوج بيها و ندفن ليها حياتها... ولادها اسيدي غاديين نربيوهم حنى و لي دوا غاديين نجبدو ليه عنيه...
عبد الجبار: "معصب" يا هاد لولد شحال قدك ما تسكت هي براسها الا سمعات شي هضرة بحال هاكدا غادي تأزم حاتها ما شفتيش كيف ولات... راه قلبي كيتقطع و انا كنشوف حالتها هاكداك واش متستاهلش تعيش حياتها عادية... هانتا شوف تزوح بيها اسيدي باش تهنا من هضرة ناس... و فاش تبغي نت شي بنت ناس راه ليلى ما غادي شاي توقف في طريقك... و علاش لا متيغيوشي بعضياتكم نتوما كاع....
غسان: "حااااير" و نت بربي الواليد تا فالت ليك لفريخ... واش من نيتك ليلى... انا و ليلى... و نت عارفني فهاد الموضوع بالضبط شحال كنحشم منها... ياك فاش كنا صغار... كنتو فاش كتقولو هاد الفكرة كنقندش... و منها فاش بقيت كنقوليها نتي راك بنتي و ختي...
عبد الجبار: و مقلتش ليك بغيها او توزوج بيها نيشان... و غير على كلام الصحافة... و ناس... واش غادي تبقا حياتها كلها مخبيا... و بين 4 ديال لحيوط. ما تقرا هي ما والو... و دوك لوليدات مسكنات فاش يكبرو و يسولو على باهم لي مهم اصلا ما بقات شاي عاقلة عليه... اش غاديين نقولو ليهم... اه يا ولدي اه... سمعتنا غادي تزفت... و غادي تجي آخرتي... و لبنت ما عندها دنب كون نشد مول الفعلة... نحيد ليه لعينين ديالو...
حطات يديها على فمها كاتمة شهقاتها من كلان عمها... لي كان كلو من مصلحتها... لكن كان في نفس الوقت كلام جارح.... هي عارفا انو ما قصد شاي و قاصد غير مصلحتها... لكن كل لوم على مغتصبها.. هو سبابها فهاد الحصلة...
رجعات بلور طالعة لبيتها... دخلات و سدات عليها لباب و طاحت كالسة لرض... و حطا يديها على فمها و كاتمة لغوات و الغضب لي باغا تخرجو... لكن في من غادي تخرجو واش في عمها لي داوي غير على قبل مصلحتها..... لا لا هي متقدرش.... الشخص الوحيد الملام هو سيف...
هو سبابها في عذابها... ربي لي عالم بيها اش في قلبها... كتخبي و تبين انو ناسية كلشي لكن لقلب ربي لي عالم بيه... 💔
تنهدات بعياء و صوات نفسها و مسحات دموعها: صافي اليلى غير ديريها فيد لله و نوضي... وقفي على رجليك ربي معاك... و معمرو يخليك... و غادي يعاونك حح حتى تنتاقمي منو...
وقفات و مشات لحمام غسلات و جها و طلقات شعرها... و خرجات... هبطات عندهم لقاتهم مجموعين كلهم...
حبصات عليهم.... و جلسات تفطر... و مأنكة ما سمعات حتى حاجة....
حتا حن حن عبد الحبار و بدا كيدوي: احم احم بنتي ليلى بغيت ندوي معاك في واحد الموضوع...
ليلى: "بلعات ريقها" اه اعمي مرحبا....
عبد الحبار: "سكت شويا عاد دوا" كيف عرفتي ابنتي... المجتمع ما كيرحمش و لهضرة ديال ناس كترات و قوات... و نتي ابنتي كيف كتشوفي حاملة و بلا زواج...
هيثم: "خنزر فيه" لحاج ما لخاطرها شاي...
عبد الجبار: سكت نت اولدي خليني نكمل... "و شاف في ليلى مكمل هضرتو" ابنتي انا عارفك صافية نقرة... بل و ذهب كاع.... و عارفك مادديري شاي الغلط برضاك... ولكن ابنتي شكون عرف... حتى حد ما عارف انكي تعرضتي لإعتداء و محاولة قتل...
ليلى: "هبطات راسها بحزن و دموع محجرين في عنيها" اه اعمي عندك الحق...
جميلة: "طلعات ليه راسها" متهبطي شاي رايك ابنتي... نتي ما دايرة والو نتي شريفة و ذياب كتارو... لكن ابنتي كلام سيدي عبد الجبار صحيح ناس فمهم صابقهم...
عبد الجبار: "تنهد" اوا يا بنيتي نتي مين فهمتي قصدي ما عندي ما يتسالك... و انا قررت ابنتي... انو متلقايشي ما حسن من خيك غسان... يسترك...
غسان مهبط راسو و ما قادرش يشوف في ليلى... و حشمان منها و هي... بزز بلعات ريقها... و شافت فيه و عنيها دامعين و دوات...: ولكن اعمي اشنو ذنب غسان ندفنو معايا و و هو ما دارها لا بيديه لا برجليه... اشنو ذنبو الا كانت في عنيه شي بنت ناس و كيبغيها... واش نكون انا سباب في فراقهم...
غسان: "طلع فيها عينو و دوا" ليلى احي معايا عافاك على برة ندويو...
ومات ليه براسها و ناضت لعندو و خرحو لجردة....
غسان: "كيدوز يدو على شعرها" علاش بنتي كتبكي مممم علاش...
ليلى: "بقهر" غسان منقدرس ندير فيك هاكدا هئ هئ نت ننن نت راك بحاك بحال خويا ولله ما نقدرش نضمر ليك حياتك... و الا كنتي كنتبغي شي وحدة...
غسان: "تنهد و دوا بجدية" ليلى نتي عارفني ما عندي حتى شي وحدة في حياتي... و عارفاني كنحسبك بحال ختي و بنتي كاع.... و هاد زواج... لازم منو... حنى ماشاديين شاي نكونو مع بعضياتنا بحال لمزوجين... لا لا... حنى غاديين نتزوجو قدام ناس صافي... و بيناتنا راك ختي و بنتي و مستحييييل نفكر فيك غير هاكدا... تفاهمنا... هاد زواح غادي يكون على لوراق و لمدة محدد... و انا مزاااااال منتزوح حتى نزيد نتبت راسي.... يعني غير علاما يتزادو وليداتك و يكبرو...
ليلى: "كتنخصص" سمح ليا اغسان سمح ليا انا سبابك كونما هادشي لي فكرشي... كون راك داب مع لي كتبغي...
غسان: شششش ماتقوليش عليهم شي... هادوك ولادي كيفما نتي بنتي... و نتي ماشي شااااي سباب اصلا معندي حتى وحدة في حياتي حاليا و نهار تكون راه شرع عطا 4... و لي بغا يشرع فمو يشرعو... و لغرض من هاد شي كااااااامل... هو نحميوك نتي و نحافضو على سمعتنا... و نتي غير تفكري مول هاد الفعلة بينيه ليا... نجبد ليه حلاقمو...
ليلى ومات ليه براسها و هو يعنقها و حشاها فيه و باس ليها راسها... كتبقا ختو... لي تربا معاها و عمرو ينوي فيها نية خايبة واخا تنطابق السماء مع الارض...
و هي كذلك....
بعدو على بعضياتهم و دخلو لداخل...
غسان: صافي ابــا لي بغيتيه هو لي غادي يكون... غاديين نديرو لازم و ليلى موافقة...
جميلة: "بحنان" اوا لهلا يخطينا رجال اوليدي.... و اجي نتي ابنيتي تكملي ماكلتك...
عبد الجبار: اجيو اجيو تكملو فطوركم... و فهاد سيمانة انشاء لله يكون العقد...
ليلى بلعات الغصة لي فيحلقها و مشات كلسات فين كانت و حتى شهيتها تسدات....
في المغرب....
كالس في لبيرو ديالو في الشركة كيقاد شي وراق حتى جاه إتصال...
هز لفون حطو على ودنو: الو...
____: وي سيدي طيارة موجدينها ليك في تالي ديال سيمنة انشاء لله عندك الرحلة نيشان لمونشيستر....
قطع معوه و حط راسو على الكرسي و تنهد بعياء: و بإنا وجه غادي نشوف فيك.... بفففف لكن كلشي مع لوقت يتصلح....
داز نهار عادي عند كلشي... سجود لوجع بدا كيزورها... لكن كتخرج تمشا... حتى يبداو يجيوها زعمات لكبار....
في المغرب و بالضبط عند مريم... لي كانت جالسة في جردة و في يدها واحد لبكية ديال ميلكا أوريو كتغزز فيها و فيدها لوخرا طابليط كتفرج كيفاش دير تربي وليدها....
تنهداه و هبطات عنها لكرشها و دوات بحصرة: دنوبها كلهم اودلدي خرجو فيا حشمانة داب حتى نمشي نشوفها.... بففففف و باباك هاديسيمانة ما جا كيجي غا فاش كنكون ناعسة ما كنشوفوشي.... و مليييت غا راسي فدار.... لكن فاش كنتفكر انو ما بقاشي ليك بزاااف و تجي تونسني كنفرح... يقدر فاش تجي نت باباك يولي يبغيني... و ينسا عليه ليلى...
كملات لفيديو ديالها... حتى كيبان ليها ارجد داخل بلمرسيديس ديالو كري... وقفات بلا شعور فرحااااااانة توحشاتو فوق لقياس كانت لابسة... كسيوة صيفية... صنيديلة ديال صبع فرجلها و طالقا شعرها الأشقر... كتبان كتحمق....
ارجد غير شافها بتاسم... و تقدم لعندها في حين هي مبتاسمة ليه و عنيها مغرغرين... غير قرب ليها و هي طير عليه بتعنيقة و تنخشات فيه....
مريم: "و هي كتكي" توحشتك بزاااااف.... حرام عليك علاش كتعذبني و تخليني راسي... وكون ما كنتش حاملة كاعما تجي ياك....
أرجد: "تنهد و بادلها العناق" مريامة... لبكا بلاااش هاني جيت... و غادي نخرجك و نمشيو عند طبيبة نشوفو "أسعد" و طمنو على حالتو...
مريم بعدات عليه مخنزرة و كتبكي: كتجي غير فاش كيكون موعد طبيب.. بحال انا غير شي رحم مستأجر... هئ هئ.... حاطني هنا بحال شي سجينة واش ما كنبقاش فيك هاه انا واش مكنبقاش فيك 7 شهور و انا حاملة... كتجي غير فالوقت لي كيكون عندي فيه الفحص تديني لريسطو ناكل و تجيبني تاني هنا... عييت عييييت هئ هئ عيييييت... واش مكنبقاش فيك انا هاه ما كنبقاش فيك...
مريم كتزيد غير تصعر فاش كيبقا يعاملها بحال هاكدا.....
مريم: "بغضب" متبقاش تعاملني و كأني بنت صغيرة حيت انا ماشي هكدا لا لا انا ماشي بنت صغيرة... هئ هئ واش معمرك حسيتي بيا هاه... و راني كنتعذب اربي راني كنتعذب... و كنبغييييييك.... اه اه كنبغييييك... كيف شي حمقة كنحماق عليك.... لكن نت لا لا نت كتعاملني بحال شي غريبة عليك... لا لا انا راه مراتك ا أرجد مراتك....
كدوي من جدور عقلها و هي معصبة و خارجة عن وعيها... كتخرج لي فقلبها لي من هدا شحال و هو متقلها... حبها ليه عذبها... و ربي جازاها على فعايلها و بقات بوحديتها... حتى من الراجل لي كتبغيه و ضحات على قبلو مشا و خلاها... اش مزال ليها ما دير....
هو غير مصدوم و كيشوف في حالتها... وجها ولا حمر و عروق عنقها برزو من الاعصاب...
حتى غوتات و شدات في جنب كرشها...: اااااااااه... ولديييي...
مشا عندها كيحري و شدها من يدها و هي كتبكي و توجع.... و هو قلبو ضارو من منضرها... و حاس بالذنب من جيهتها...
أرجد: "جلسها و جلس اونفاص معاها و كيعلي ليها شعر على وجها" مريم... نتي بخير... نديك لطبيب...؟!!
مريم: "بعياء" عييييت ا ارجد عييت من تعاملك معايا عييت... ماشي هاكدا بغيت حياتي الزوجية تكون... لحمل ديالي الاول بغيتو يكون مع راجل كيبغيني واخا غير يمثل عليا و يحسسني انو... باغيني و انو انا لي هاماه بالدرجة الأولى... ماشي لي فكرشي هو لي هامو...
أرجد: "كيكالميها" شوفي مريم غير تهدني لله يخليك صافي خلي هاد شي لمن بعد و ندويو فيه... و حتى الاما بغيتش نمشيو عند طبيبة.... نخليو حتى لغدا و هاد نهار... نقضيه معاك هنا في دار صافي...
بادلها العناق بحنان و احساس غريب جايو اتجاها.... مكيحسش بإنجدتب ليها... بل بتأنيب الضمير... حيت كيقول مع راسو انو هو سبابها في هاد شي لي هي فيه... و كون تحكم في راسو كون مضمرش ليها حياتها... تنهد و بعد عليها و وقف و مد ليها يدو باش يدخلو....
"كـــــــــــــازا"....
واقف في المكتب ديالو لابس تيشورت و سروال دحين و سبادري.... و هاز فيدو لفون و كيتسنا في شي مكالمة... حتى بدا كيصوني... ما فكرش 2 مرات... و دارو على ودنو ديريكت...
سيف: أمضرا....؟!!
____: هي أسيدي كيف توقعتي...
سيف: مممم اوكي... جيب ليا عليها كاااااع المعلومات الممكنة طبعها لموهيم حفر ليها على جدر ديالها ما نخافش عليك...
____: واخا اسي المنصور كون هاني...
قطع معاه و مشا جلس في المكتب ديالو كيبقشش فلفون ديالو... دخل لكالري... و كيف العادة مشا للألبوم لي مخصصو ليها.... اي تصويرة كانت فاطمة ازهراء كتصورها بالكمرة ديالها كان كيديها ليها و خليها عندو كثر من 500 صورة بوضعيات مختلفة...
ما حدو كيشوفهم و هو كيحس بقلبو كيفرفر... و كيزيد يتوحشها كثر....
سيف: "تنهد و بتاسم" يا ترى علاش ما قلتش لعائلتها اني انا لي تعديت عليها....؟!!
دازت يام و ليالي... و جات وقت العقد كان نهار الجمعة... لي عتابروه فال غير عليهم...
مجموعين كاملين على طبلة لي فيها لعدول مغربي 100٪....
بداو المراسم... حتى كتبان ليهم ليلى هابطة... لابسة قفيطين ديال جوهرة و دايرا شال غير ملوياه على عنقها... و شيا من شعرها...
كتمشا غير بالشويا و مترددة من هاد الخطوة لي غادي دير... جلسات قدام غسان لي حشمان منها بزااااف....
و بدا لعدول كيكمل في المراسم....
حتى كتبدا سجود تعراق و زحمات لكبار كيزوروها... زيرات على يد هيثم... حتى حس بيها و دار عندها...
هيثم: "شاد ليها ف يدها" لا لا احبيبتي غاديي. داب نديك لوبيطال ما عندك ما تموتي... "و شاف في غسان" ااااه و تا فين ساهي تكعد خرج طونوبيل... زواج من بعد...
ديك شي لي كان ناض غسان خرج لوطو نوضو سجود لي ديك شي بقا هابط معاها... دليل على ان ليوم يوم ولادتها...
ليلى غير مصدومة و جالسا في بلاصتها تخلعات....
خرجها هيثم لقاو غسان كيساينهم... ركب هو وياها لور... و جميلة معاهم و عبد الجبار لقدام و غسان شيفور... كسيرا مخلي موراه غيرلعجااااج...
اما ليلى فعاد بدا كيطلع معاها لقالب و عرفات انو وجع لولادة بقات ساهية و كتفكر كيفاش هيثم هزها و خرجها و هو كيكالمي فيها و فرحاااااان بيها... تنهدات مع إبتسامة شاحبة على وجها و دارت يديها علا كريشتها: واش زعما كضنو حتى نتونا غادي باباكم يفرح بيكم... مم و حتى انا يجيني لوجع بحال سجود
تنهدات و ناضت طلعات لبيتها لبسات عليها كسيوة صيفية و سبدري ميديكال... و هزات صويك مع يدها... و هبطات... قصدات شيفور يديها لوبيطال لي مشاو ليه...
في مطار مدينة منشستر الدولي... سيف كان فاليدا وريقاتو و خرج من لمطار و فيده ساكوشتو ديال كوتشي... و ضارب ليك حطة قتالة و داير نظاريات شمسية... قصد لمبر جيني لي كراها من المطار... و زاد و من وراه 2 طونوبيلا خرين فيهم لكارد....
كسيرا... و بقا غادي في شوارع لمدينة كيدور... حتى وصلو لواحد طريق مزدحمة بزااااااف....
في حين ليلى... مع لشيفور حتى كيتحس بيه مدو و هو حابس...
حلو ليها و هو يبدا لبرد يخل عليها... غمضات عينيها و بتاسمات.... و بقات هكداك...
أما سيف... فدخل في زحمة الطريق لي مسدودة بشي حادث... حتى كتبان ليه.... من زاح مغمضة عنيها... و مبتاسمة.....
صغر عنيه فيها و كأنو كيكذب راسو... و هو كيشوفها قدامو... واخا كانت بعيدة شي شوية الى أنو عرفها... بقا ساااااهي فيها... و هي هاكداك... حتا حلات عنيها وهي تحلهم فيه نيشان و بتاسمات..... حس بقلبو غادي يوقف فاش شافت فيه و بتاسمات.. و كأنو عرفاتو انو هو لي مور ديك زاح لفومي...
بقا ساهي فيها... و قلبو كيضرب بالجهد و كيرجع كل الذكريات لي بيناتهم... و سااااهي..... غير عليها هي لي كل مرة واش دير.... على تالي و هي تكا على لحافة ديال سرجم و غمضات عنيها و خلات ريح يضرب ليها و فوجها....
و غافلة على العاشق الولهان المهووس لي كتبان ايه غير هي..... كتبان ليه غير يخرج يشدها من يدها و يهبطها و يجرها من وراه... تنهد بقلة حيلة و هو مبتاسم.... و أخيرا شافها من بعد شهور و هو كيواسي راسو غير بتصاورها... و فيديواتها من تسجيلات الكمرة....
عيا يصبر في راسو... و على تالي و هو يحط يديو على لباب جاي يحلها... حتى كبان ليه لوطو ديالها بدات كتحرك... و ناس من وراه كيكلاكصونيو.... حيت طريق تحلات و تسرحات...
تراجع و تنهد و نطق بهمس رجولي: كلشي بوقتو زين....
نتافضات و دخلات راسها من زاج و تنهدات و دارت نظاراتها الشمسية...
في حين سيف بقا تابعهم و هوما معايقينش ليه... بقا تابعهم تابعهم و مستعجب فين غاديين حتى وصلو للميتشفى....
وقف بعيد عليهم شي شويا... و بقا حاضيها حتى هبط شيفور حل ليها لباب و مد ليها يدو....
هبطات بشويا عليها.... وقفات و قادات حوابجها مزيان... حتى بانت لكريشة ديالها....
سيف تحلو عنيه من صدمة... و هو كيشوفها هاكاك و يشوف كرشها المنفوخة... تقا تدريجيا بتسامتو كتوساع و عنيه حتى هوما....
سيف: "بهمس رجولي " حاملة....
اما هي ف مشا شيفور من حداها و دا طونوبيل يسطالاها... و هي بقات كتشوف هنا و هنا و تالفة.. حتى كيبان ليها واحد الشاب في مقتبل العمر...
ليلى: "قصداتو كان عاطيها بالضهر حطات يدها على كتفو " Excuse me, sir ... عافاك اسيدي....
دار عندها بكامل جسدو كان شاب يكون ديك 23 سنة... طويل و زوين بزااااف... بتاسم ليها ببشاش و دوا: Yes, miss.... نعام أ آنسة...
ليلى: "حتى هي بتاسمات" ? Can you and help me.... واش تقدر تعاوني...
الشاب: "وما ليها براسو بترحيب" Yes of course....
ليلى: lm got lost on the road, can you go to the maternity ward ...
تلفت على طريق واش تقدر تساعدني نوصل لجناح التوليد...
الشاب: "حك راسو" I'm not a hospital nurse but I can help you ... انا ماشي ممرض ولكن نقدر نساعدك...
ومات ليه براسها و زاد دخل معاها سولو على الجناح فين جا وصلها حتى ليه... عاد خرج...
يالله غادي يجرج و هو يتعرضو ليه 2 ديال لكارد واحد من هنا و واحد من هنا...و همسلو واحد منهم في ودنو بقسوة... دونت موف... متحركش...
زاد معاهم و دار لي قالو ليه.... فين حين سيف كيف البركان ف لوطو ديالو.... و من لي مشات ليلى عند الشاب و هو مراقبهم... و كيشوف كيفاش كانو كيبتاسمو لبعضياتهم... و كيفاش مين جاو داخلين عاونها طلع في دروج ليكيكونو حدا لباب.... اه من الغيرة اه... قضات عليه و ولا كيبان ليه غير شاب يندمو على النهار لي تولد فيه....
في قاعة الولادة...
ناعسة فوق باياص و رجليها مفرقين و حاطاهم فوق واحد لعيبات... و عروقاها بارزين... و لعرق كيتساكف منها... حمرة.... و كتبكي.... و هيثم شاد ليها في يدها...
هيثم: "كيصبرها" تنفسي احبيبة تنفسي ما بقا والو تنفسي....
سجود: "كتعصر و تغوت" ااااااااااااااااه هئ هئ يربييييييييي ننننننن ااااااااااااأ
بقات على ديك الحال مسكينة كل مرة كتغوت و تعصر حتى خرج راس دال لبيبي....
الذكتورة (مغربية): دفعي دفعي ما بقا شاي بزاااف دفعي...
سجود: "معصورة و عمرة" و فين غادي نزيييييييد. راني كنحس بالمووووووووت كنحس بالمووووووووت....
هيثم: لا لا احبيبتي غير زيدي كابري غادي تولديه و يكبر انشاء لله و يعوضك على هاد لوجع...
سجود: "كتبكي بجهد حيت لوجع قهرها" هئ هئ هيثم الا مت... ماتزوجش عليا عاااافااااك. حتى يكبر ولدي.... هئ هئ ما تجيبش ليه مرت باه تكرفص عليه صبر عليه حتى يكبر...
هيثم: "جابت ليه الضحكة" هههه يا لهبيلة... واش من نيتك... راه غير لولادة و قربتي تسالي دفعي غير شويا و خرجي نتي نيت ربي ولدك... صافي دغيا سخيتي بيا....
سجود: "كتبكي" كضحك يا ولد لحراااام ااااااااه انا ربي لي هالم بيا و نت كضحك....
بقاو جبد ليا نقك عليك و هي كتحصر حتى خرج لوليد كامل.... و سمعو غواتو....
الذكتورة: "شاداه في يدها حمررررر و مخصر ملامحو و صغيور" هاهو سي طارق هاهو جاااا هااااهوااا معذب ميمتو....
سجود بتاسمات و تنهدات براحة و دموعها كيسيلو بحال الشلال و هيثم كذلك عنيه دمعو من كثرة الفرحة...
مداتو ليهم طبيبة و هو مخصر سيفتو كيبكي و صغيور بزاااااف....
سجود: "شدانو بين يديها و بستو على راسو" طااارق ولدي لحبيب لغالي ديالي كنحماق عليك احبيبي.... انا هي ماماك.... "و دارت عد هيثم لي كيمسح دموعو"... و هاد دحش باباك... ههه و حنى كنبغيوك بزااااف بزااااف...
هيثم الفرحة بكماتو غير كيبتاسم.... و عينو عليهم.... شويا و هوما جاو الممرضات خداوه يدوشو ليه و يبدلو ليه... و هي يديوها يعقمو ليها المسائل و يقادو ليها حالتها...
وصل عليهم لواحد لخلا لقاهم طحطحو دري عصى حتى هرسو ليه نيفو و حالتو ولات تشفي لعدو....
حك جراير عليهم و هبط... ليه نيشان.... مشا عندو و هزو بنتفة من شعرو حتى تأوه شاب بألم....
سيف: "مبتاسم ببرود و قسوة" اهلا اهلا بـ*ـواد لاباس عليك كيف جاتك ضيافتنا...؟!!
الشاب: "كتفتف باخلعة و الالم" I do not understand what you say... مفهمتش اشنو متقول....
سيف: "مخنزر فيه" How did Laila know.... فين كتعرف ليلى...
الشاب: Layla...!!! Who is Laila .... I don't know any girl with that name
ليلى شكون ليلى انا مكنعرف حتى شي وحدة بهاذ الاسم....
سيف: "زاد زيرو من شعرو" And from the girl who was with her in the hospital
و شكون لبنت لي كنتي معاها قدام المستشفى....
الشاب(الحوار بالانجليزية عييت...😂) اه اه عرفتها عرفتها... ه هديك راه غير وريتها جناح التوليد حح حيت كانت شي وحدة من عائلتها كتولد... ولله ما بيني و بينها شي حاجة....
طلق منو سيف و دار كيفكر مع راسو شكون ممكن تكون جات تشوف و هو يتفكر انو مرات هيثم حاملة... تنهد بقلة حيلة و دار عند داك الشاب وقفو...
سيف: "بجدية" صافي ماشي مشكل هاد المرة المسامحة ولكن المرة الجاية تحط عليها يدك نقطعها ليك يالله سير هاهوما غاديين يمشيو معاك يديوك لطبيب و يعطيوك شي تعويض مادي...
جاو هزوه مسكين مسخ سخ... و داوه...
سيف: "تنهد براحة" اااااه منك يا ليلى اه كان يحسابلي بينك و بينو شي حاجة... بفففف
دار مشا لطوموبيل ديالو و و كسيرا ل لوطيل فين حاجزين ليه....
وصل خدا دوش ديالو خفيف و لبس غير بوكسر و خرج لبالكون...
جبد لفون ديالو و دوز نمرة هيثم....
هيثم لي كان حدى سجود لي كانت ناعسة و حداها لوليد حتى هو ناعس..... بدا لفون كيفيبري ليه في جيبو.... جبدو شاف نمرة سيف و خرج يجاوب....
هيثم: الو سلام عليكم سي المنصور هدا...
سيف: سيف تكفي... لاباس عليك....
هيثم: و سي سيف لاباس الحمد لله و نت...
سيف: نحمدو ربي.... مبروك ما تزاد ليك يترب في عزك...
سيف: "بتاسم للفكرة و تفكر حمل ليلى" قريب انشاء لله...
هيثم: انشاء لله...
سيف: وقيلة ما مساليش نتلاقاو غدا انشاء لله...
هيثم: لا لا غدا غادي نخرجو لمرة عندي مكيعجبهاش طبيب غادي. ندي ليها الطاقم الطبي لدار...
سيف: "كيدورها في راسو" مممم اوا لله يشافيها و مبروك مرة اخرى حتى نتلاقاو...
هيثم: شوف اجي غدا انشاء لله لدار عندي راه عمي و غسان حتى هوما تماك و القضية مأمنة بزااااف منها نيت نكملو لحساب لي بيناتنا بغيت نتهني من هاد المسؤلية في اقرب وقت...
ليلى والذئب الجزء التاسع
محتوى القصة
التنقل بين الأجزاء