حكاية أنثى الجزء 40

من تأليف لبنى السرابي
2021طور الكتابة

محتوى القصة

رواية حكاية أنثى

حياة(طرطقات صباعهاا )بغيتي تزهاا مع القحيي*بة ديالك خرج لشي كوان ياله عمك ماشي لحج ونتا جايب ليا لخانزالت لداااريي

هود(بين سنانو )حييااة راني نضربااك
حياة (دورات عينيها لجوليا لي. شافت القضية حامضة بلغوات او وقفات ) الالة اختيي ديكاااج (خرجات عينيها بلغوات ) شوفي فيا راني كنولد لقرودة

هود(شاف فجوليا وميل ليها راسو وهضر بلفرنسية )جوليا سيري نهدرو من بعد
جوليا (كتشوف ف حياة خلعاتها )داكوغ ...ابيل موا .. بيزو

حياة:زيديها فك** هاديك (بقات تابعاها بعينيها تمشات ورجعات شافت فهود لقاتو ضارب تخنزيرة الشيطان مقلز فوق حجبانو ) حتى نتاا خرج تبعهاا اش كتساين

هود(هز صبعو موجهو ليهاا )حيااة لا ديغنييغ فواا نقوليك سيي مااا ميزون دونك نجيب لي بغيت

حياة:وسمااعني نقولييك نهار نلقاك مدخل علياا شي قح** نشعل فز** بوكم لعافية ...ونهار يجي عمك نشوفو دار من هادي

هود(شدها من شعرهاا ودفعهاا تغوتات تعكلات وطاحت فوق لكازو كتشوفيه )كتجبدنيي احياة وانا كبار عليك
حياة(وقفاات ودفعاتوو بغفلة منوو جمعاتها معاه لحنك بقا مصدووم فيهاا ) اقسم بالله وباقي تحط عليا ايديك تنجيب لييك لبوليس الحمااار

جاي بغا يضريهاا وقفات ليه حسكة كيبغي يضرب وكتعطيه بضفارها لشي قنت وكتغوت هربات ليه لدار شدها فلباب زدحها مع لحيط ولوا ليها ايدها تغوتات

حياة:وااا ميي ايدي كضرنيي القوا**د ...طلق طلق الله اعطيك الحبس السكاايريي لمقطع

هود(كينهج )قرب ليها لودنها باجغ ليها وجها مع لحيط : ايتي فو جالوز (وااش غرتي )

حياة:هود طلق منيي

طلق منهاا ومخلاهاش دوز محاصرها بايدو. وهيا شدات ايدها كتحك فيهاا
حياة:شكون هاديك

هود:ما شاغلك
حياة:عرفتي وباقي تجيبها لداار

هود(ميل راسو باستهزاء مقرب ليها ) اوووه نخااف
حياة:بعد علياا (دفعاتو من صدرو متحركش)واهود ...انا لي منسواش بغيت لي يدوز معايا لعيد اما كون راني هاني فك**

هود:كغك هوا ك**ك ياك
حياة(غلب عليها الضحك )هه ممم عرفتيه
هود:toncul (المؤخرة )

حياة:بغافوو بابا لمرة جاية نعلمك شنو هيا ولد الق**

هود(ضحك باستهزاء ) حياة كتبغي عمي ؟
حياة:كنبغي راسي
هود(بلفرنسية )وعلاش تزوجتي بيه
حياة:(كتعيب فيه)ماااشغلك...خلينيي نمشيي

هود:حياة
هود(قلبات عينيها ) شباغي راخي عينيك كي سلوكي

هود: نبغي حاجة يديروها لو ماغوك منعرف شنو سميوها
حياة:ههه شنو هادي
هود؛ممم تكون هكا بب (شد ايدها حلها رسم دائرة فراحة ايدها بصبعو وكيدير بحال النقط فيها )عرفتها؟

حياة:مسمن؟ ...حرشة ...كريب
هود؛نن هادو نعرفهم
حياة:بغرير ..
هود:هادي هادي

حياة (ضحكاات) : بغريير اوجه لبغريرة
هود:فوالاا برغير

حياة(طلقاتها بضحكة فوجهو زعزعاتوو )هههههه ااويلي بغرير معرف يقولو وبغا يدابز معايا ههههه

هود(مرضاش ) هاهاا انا نعرف لغات بزاف نتا تعرف كغك كغك كغك

حياة:هههه (مداتليه ايدها ) تيان لاغجون
هود:بوغكواا
حياة:بغيتي لبغرير فابور خدامة عند مك انا ؟ ميزي
هود:كومبيان صا كوت (شحال كيدير

حياة :100اورو...بالدرهم هيا الف درهم (قلبات عينيها )ميزي

هود:تخوو شيغ
حياة(هزات حاجبها )اوى راه برغير هدا هههههه
هود:اغييت حياة (جبد بزطامو جبد منها لي بغات

حياة:او اتعابي
هود:باغدون ؟
حياة: او انا متخلصنيش هدشي غييير باش. نشري سميدة ...فين السكر وزيت ولملحة والفورص او الخميرة

هود(خرج عينو )هدشي كلوو ؟
حياة:بياانسييغ راه لو برغير (شافاو حنزر)هههه باغدون ...زيد بحالها

عطاها اش بغات وقالت:لعشية يكون ان شاء الله
هود:ميغسيي

خلاتو تخرج وطلعات كتبركمم :تاكل فيه جغديد


يوم العيد الاجواء فكل داار باينة ومعروفة ...طبلة لفطور من داكشي صلاة العيد واجواءو معروفة

من بعدما صلاو طلعو لسطح ناصر وشهيد بدلو حوايجهم اقبال ومينة كيقادو فلماس وشوايات وملاك كتصور وتسيلفة وفينما تحركو لحوالا كتغوت وتهرب

شهيد:ملااك اجي شدي معااي

ملاك:اويلي لا منقدرش
اقبال:صبر نجي عندك

شهيد:لا لا غير خلييك

مينة:وخليها تعاونك

شهيد:بلااش
ناصر:انشد ليك رجليه ونتا سمي الله ...الحمد لله لي علمتك دبح وتسلخ

شهيد:ههه الحمد لله

مينة:اقبال عمري اتااي نمشي موجد لفاخر
اقبال:وخة

العيد معروف بتمارتوو دبيح سليخ شوا الخ

االغالية حتى هياا سير واجي هيا وانصاف ولكزار علق ليهم لخروف وسط الدار فضواية لي داخلة منها شمش ...خلا لغالية كتقطع فلكرضة وانصاف كتنش على لفاخر ...حطات هيبة الصينية وكلسات كتشوفيهم

هيبة:لعيد ناقص بلاا حياة واقبال وغيتة

الغالية:اوى ابنتي راه دوام لحال من لمحال ...غدا ولا بعدو نعيد وحدي

انصاف:وحناا فين نمشيو

الغالية:اوى غتبقاو معاياا ؟ ديرو ديوركم
انصاف:انا بعدا منتزوجش ...بغيت نقرا

هيبة : طفراناه فاللول

الغالية:بنادم ماشي بحال بحال ....يجيب ليك الله ولد نااس ...ديري وليدات

هيبة:ان شااء الله فيا جووع مزال مغنشويوش !
الغالية:بلاتي ...جيبي ليا بنتي لقطبان نعمروهم

**

ضرباتها لفيقة مع تسعود ...طلعات نفس تعمرات صدرهاا وتنفسات هزات تيليفونها كيفيبري ..طلعات نمرة محمد ...كانت بغات تقطع ونعلت الشيطان وجاوبات

حياة:صباح الخيرر

محمد:مبروك عييدك
حياة:الله ابارك فييك
محمد؛مالك ! مقلقة
حياة:لاا علاش غنتقلق
محمد:اوى فين دلع وفين لهدرة زوينة
حياة:ياك نتا فالحج ! معرفنا كينديرو معاك
محمد:هههه واخة عليك العفريتة واخة ههه شوفي احبيبة مع ديك تلاتاا راه كلفت هود او صاحبي يجيبو ليك لحولي ديالك مقطع مسلوخ مقااد هي يوصل او شوي على خاطرك

حياة(تنهدات )هدا هوا لعيد ! ...انا اخر مرة نعيد هناا كون مادوك لوراق كون شديتها رجلة نوصل مع دبي***حة

محمد:ان شاء الله لعام جااي نكونو تما
حياة:ان شاء الله ...نوض نفطر

وقفات بلعكز غير كتنهد لجو تاع لعيد منعدم وخة هكاك بغات تحس بيه جمعات فراشها وخلات الشمش دخل لبيت مشات جبدات لقفطان لكحل مع لبلغة واكسوسوارات خداتهم طوينكات او براصلي فلايد وخلخال من النقرا فرجلها رقيق ...لبسات القفطان مقابلة مع لمراية وقالت:احح تزعطت فراسيي ....اش هاد الزين ياسيدي ربيي ملقا لي يدوقوو هههه

فعلا جات من داكشي ...بقوامها لممشوق جاا القفطان كيلعب فوق جسمهاا صدر مهزوز ومؤخرة بارزة شوية مع ليهونش جبال وهضبات ولكرش مكايناش ...فتحت صدر باينة من لقفطان ...طلقات شعرها بوكلاتو بلبابيليز ...مكياج خفيف وريحة منعشة رشاتها ...نزلات كتمايل بمشيتها وترجع فشعرها اللور غاطسة راسها فالتيليفون كتشوف فتصاور لي سيفطات ليها انصاف او غيتة او حياة

سجلات اوديو حيت كلهم فكروب واحد وقالت:نتوما لي جات معاكم القح*** تاديك دوارة توحشت غير نعيف منهاا ونلصقها فهيبة تغسلهاا ههه

سيفطاتو ودخلات كتشوف فلفيديوات ونازلة من دروج بشوية كضحك ملي هرب لحولي لكزار والغالية كتجري تشدوه

كلسات فوق لفوطوي وتكات هازة رجلهاا فوق لحاشية تاع لفوطوي بصبيعات مقادين مصبوغين بلكرونة لونها المفضل وخلخال مزين رجلهاا

دخل من لباب عرقان كينهج بغا يدوز من جردة ويدخل لبيتوو حتى شافها من لباب الزجاجي لي كيطل على جردة ...رجع بخطوة اللور باش متشوفوش وبقاا حاضيهاا كيرمش فيها من رجليها وهوا طالع تالوجهها وضحكتهاا ..


هبط راسوو متدارك لوضع وزاد فحالو لبييت ...دخل باغي يمشي يدوش وصورتها فعينيه وكل مرة يسد عينيه ويحلهم يبعدها من تفكيرو ...بسم لباب بلا حس كيقلب عليها بعينيه لقاها ناضت ..رجع سدو ومشا دوش دغياا ولبس وتريح

واقفة فلكوزينة كتوجد فطورها واخة الشهية مكايناش ليه ...يوماين هادي مبانش ليها هود ضنات بلي مشاا ومسولاتش فيه باقي هكا حسن ...حسات براسها بدات كتمييل وهدشي لي مبغاش هياا ...كتحط فلحلوة وعاطية بضهر لباب ....سمعات عطسة خلاتها تحبس الحركة كترمش بلا مدور حتى جاها صوتو

هود:صباح نوور

حياة(بلا مدور )صباح نوور ....باقي هنا عند بالي مشيتي
هود:نوو (بلفرنسية )كنت مشغول شوية ...مبروك عيدك

ضارت عندو بجنب لقاتو متكي على لكونطوار لوسط حداهاا ايدو ممدودة ليها ...ساست ايدها من لحلوة وضارت عندو وقالت:مخفتيش نخليك بلاكة

هود(ياله بغا يجر ايدوو شداتهاا وتبسم
حياة:الله ابارك فييك ...فطرتي !
هود؛نن
حياة:تفطر معاياا ...حيد عليا القنط

هود:انا فجردة
حياة؛واخة

خرج مطير عليها الملل والقنطة ...وجدات لفطور اتاي منعنع ولحلوة او طيبات لبغرير دغيا

قادات الصينية بشهوة ومشات لجردة كتعوج بصينيتهاا ...كان تيكميي تهز عينو فيهاا وهيا كتحط فالصينية محركش لكارو من فوق ركبتوو تطاح عليه داكشي لي تحرق منوو فوق ركبتو لعريانة سخوون تقفز كيسوس فيه

حطات طبيلة وكلسات مقابلة معاه كتقلب فاتااي ...ساكتين مرة كرة يهز واحد فيهم عينيه فلاخر ويهبطهم

هود؛ممم سي بو

خية:اشناهوا
هود:هدا
حباة:ههههه خفتي تعوجهاا هههه لبغرير

هود: كيما راكي تعوج فرونسي انا نعوج عربية

حياة:هههه ولكن عربيتك كتفرفرني
هود: كواا؟
حياة: ههههه زعمة كضحكني

هود:ااه ههه... انا بعدا نعرف صاحبي ماغراابي ونفهمو نتي منفهمش كلامك

حياة:اااه ههههه دابا المطرجيم هوا صاحبك

هود:هههه اكزااكتومون (بلفرنسية )خاصني معاك استاد ياله نعرف شنو كتعنيي (حط لكاس ) انمشي

حياة:فين !
هود:لخدمة وابخي انجيب ليك لي وصاني الحاج

حياة:وخة الله ازازيك بخير

خرج وهيا بقات مع داك كاس تاع اتااي توصلاتها الشمش وجمعات لوقفة هزات ماعنهاا

**
صباااح العيييد الكبير او عيد الاضحى فاااقت على الدقان فباب البيت فين كاتبات هي و جاابر على صووت شادية
شادية: غيثة نووضي احبيبة راه قربو يجيو من المصلى.. جابر قبل مايخرج قاليا رااه فييقك
غيثة(تقلبات على ظهرها كاتفوه و قالت بصوت ناعس) : واخة هاني نايضة
بدات كاااتحك فعينيها و تنهد تفكراات ايام العييد فدارهم مكاتفيق حتى تشم ريحة الكبدة كاتشوا و إلى فاقت قبل تبقى غيير دور و تصوور ماتهز ما تحط.... على عكس دابا خااصها ديير كلشي و تعاون معاهم فكلشي بالسيف و هي ولات مرا مزوجة و عندها مسؤولية هادشي فالحالة العادية و لكن فالحالة ديال غييثة لي كااتعطي لتحرميات قتلة.... موتة حمااار لي كانت داايرة عليهم هاد الايام لي فاتت بحكم انها عندها اعراض الحمل زعما خلاتهم مااايخليوهاش ديير يدها فالما غيير مسرحة رجليها تاكل و تشرب و تنعس.... تفكراات جابر مني قنتها فالبيت داك النهار من بعد مقالت ليه جداه خليها راااه واحلة فروحها سوولها تهربات منو... بقى حاضيها حتى دخلات لبيت وهو يبعث معاها

"فلاشباك"

حل باب البيت لقاها محيدة تريكو بقات غير بالسوتيان كاتجبد گندورة مهوية تلبسها... سد الباب وهو يجرها هكاك لصقها مع الحيط مصغر فيها عينيه
غيثة (شهقات) : مااالك على هاد العنف شي نهار تقسم ليا ظهري
جابر (خنزر فيها) : كييفاش واحلة فروووحك"بغات تنطق و حبسها مخرج فيها عينيه" بلا مااتحاولي تبدلي الموضوع ولا تهربي كييفاش واااحلة فروحك
غيثة (الخلعة رااكباها عارفة رااسها ماعندها مهرب منو و عاارفاه دغيا يعيق بيها ولكن قالت نجرب حظي... دبلات فيه عينيها و نطقات بتحلوين) : كااانتوحم اكبودييي

ملحق 1 (11/06/2021)

جابر(نزل عليها لراس) : قلت ل مك فوتي هاد جوجو ولا كبودي راه نشوي لمكةكبدتك... "زير على خصرها بيدو" كاانبان لييك كااامبو نتيق هاد الكدبة البرهوشة
غيثة : علااش غادي نكدب عليك اش غانستافد
جابر : الفااانيد لي كاتسكحي كل نهار فيين كااايمشي مني نتي حاااملة
غيثة (بتوتر) : حبستو شحال هادي مابقيتش كانشربو

جابر (قرصها فكرشها) : نتي لي مكاتحمليش تسمعي حس الولاد قطعتي لكينة منك لرااسك
غيثة(حطات يدها على القرصة كاتحكها) : واااش باغي طيح ليا بنادم ماتبقاش تقرصني فكرشي "بحزن مصطنع" والى ماتقتيش فييا ديني لطبيب دووز ليا

جابر (طلعها و هبطها) : غانشوف لييك مع واحد الطبيب كاايجي عندنا هنا كل سيمانة و نيت غايجي ليلة العيد

غيثة (هزات فيه راسها و نطقات ببلاهة) : طبيب وااش ديال لعيالات؟ ؟
جابر (ببرود) : لا ديال البهاااايم "طلق منها مخليها مبرقة عينيها و نطق وهو غادي خارج" هاد الزااابور ديالك مادخلش ليا لرااسي يفوت العيد و نمشيو نشوفو هاد الوحم ديالك

"نهاية الفلاشباك"
ناضت من فراشها كاتكسل جبدات كندورة جديدة مطروزة من جهة الصدر مع كلاكيطة كاتبري جديدة حتى هي... ظفراات شعرها و خرجات غسلات وجهها عاد هبطات عندهم صبحات عليهم و جلسات تفطر مع كملات فطوورها بانو ليها الرجال داخلين من المصلى باركو العيد لبعضياتهم و جرها جابر لبيت باغي يبدل حواايجو

جابر (كايحيد فالفوقية) : جبدي ليا داك الشورط الحكل "مشات تجبدو ليه و هو يكمل كايطلع فيها و يهبط" دييك الگندورة جديدة لاش لابساها دابا راه غاتعمر ليك دم
غيثة (مدات ليه الشورط و نطقات هازة حاجبها) : ماالي غاندبح اش قربني لشي دم
جابر : شتك كاتخرجي فيا عينيك مابقاتش فييك السخفة

غيثة (شدات على صدرها) : لهلا يوريك هبطت فالدروج قبيلة شحال و انا نهج
جابر (لبس حوايجو شورط حد الركبة و تريكو نص كم) : اممم زيدي قدامي زيدي

خرجو من البيت تابعاه كادور فعينيها لقات عمو و راجل ختو كايفكو فالحولي ديال عمو حيت هو بااش غايبداو و العيالات واقفين بعيد كاايتفرجو فييهم تقدم عندهم جابر كايعاونهم حتى فكو الحولي و طيحوه جهة القبلة كتفووه جابر و راجل ختو و بقاو شادينو حتى جا عمو هاز الجنوية سما الله و دوز عليه حتى طوش الدم.... خلاوه حتى تركل و خرخر عاد بداو كااينفخو فييه باش يسلخووه... و هكا دااارو مع الحوالة لاخرين مول الحولي كاايدبح و لاخرين كاايعاونو فالسلييخ كلشي دااروه هما مكاين لا جزار لا وااالو قاادين بشغلهم و كاايعولو غير على راسهم...

وصلات نوبة جااابر وهي تهز غيثة التليفون كاتصوور فييه ماتنكرش انه عجبها وهو مركز مع داكشي لي كاايدير و كيفاش بحركة وحدة جاب الحولي فلارض... سهات فييه و خلات التليفون كايسجل بوحدو مفاقت من سهوتها غير على صوت تخرخير الحولي... وقفات الفيديو و قلباتها تصاااور حتى بدا يسلخ وهي تبدا تسجل تاني كل مرة منين دوز لييه نسات السخفة و نسات الوحم حتى حط لييها الدوارة فواااحد البانيو كبير... شااافت فييها وهي ديير موتة حمار تاني حيدات التليفون و شدات على فمها بحالا بغات تقيا حالفة بحلووفها ماادير فيها يدها...
جابر (هز فيها راسو شافها كاتعصر قرب عندها و نطق) : من قبيلة ونتي تنقزي فووق راسي دابا عاد تفكرتي راك مريضة " دفع ليها البانيو برجلو" هزي دوااارتك و دووزي تغسليها بحالك بحال لعيالات

ياله بغات تنطق وهي تووقف علييهم شاادية
شادية: خليها عليك اجاابر البنت عيانة عاد اليوم ولات شوية بغيتيها تمرض تاني.. صافي دوارتكم غانغسلها مع ديالي
جابر : خليني مني ليها اشادية "شاف فغيثة محمر فيها عينيه" هزي

شادية(تحدرات هزات البانيو) : حالفة بحلووفي حتى انا لي غانغسل لييكم الدوارة... صافي اخوويا دير ليا خاطري
جابر (خلاها حتى مشات و شاف فغيثة كايتحلف) : وااخة اغييثة وااخة


هربات من حداه قبل ماااينزل عليها بداك الجنوي لي هاز فيدو و تبعات شادية كاتمسكن
غيثة: سمحي ليا اشادية والله كون كنت قادة كون غسلتها ولكن راه غير حطها ليا تروع خاااطري حسيت بكرشي تقلبات
شادية(بابتسامة) : راك ختي الصغيرة الهبيلة... سيري تجلسي بينما وجدات الكبدة

مشات جلسات بحال العروسة و جابر كل مرة يهز فيها عينو كايتحلف فييها... جمعات النوضة لبيتها عيطات لانصاف اپيل فيديو باركات ليهم العيد كاتسوولهم اش كايديرو حتى نطقات الغالية
الغالية : غسلتي دوااارتك ولا لحتيها فالزبل
غيثة (ببرود) : رااه شادية كاتغسلها
الغالية(ضربات فخاضها) : اويييلي على الفنيااانة لي عطاااني الله عاطية دواارتك للوستك تغسلها.... كنت عاارفاك غاتشوهيني مع دكااالة، طلعي ديري شي حاااجة بعدا ماتبقاايش جاالسة اقليلة النفس
غيثة (قلبات عينيها كاتسوط) : الريييزو مشاااا بسلامة حتى لمن بعد و نهضرو
قطعات عليها و طلعات الفوق ناشرة رجليها تاني... جابر كمل و هبط يدوش ماتبعاتوش بقات جالسة بلاصتها حتى جا و تحطات الكبدة مشوية... بداو كيااكلو و الحاجة كل شوية دفع لغيثة تااكل لي عرگاتها نيييت ، شافتهم ملهيين فالجماعة و بنات عم جابر كاايجمعو الطبلة و هي تسلت من بعد ما وشوشات لشادية فودنها
غيثة : غانمشي نتكا شوية ضرني رااسي

هبطات التحت كاتحس بشوية الوجع فكرشها و عضات على شفاايفها كاااتسووط
غيثة : قربااات تجي هاد الزمرة و نتشووه... ياله بداني الوجع و قليل يعني ماتهبط حتى لغدا ولا بعدو... تكوون سالات هاد تماارة ديال العيد و حتى إلى جاات دابا المهم مااغسلتش الدواارة
ضحكات و حيدات گندورتها بقات بشوورط بيض و دوني ديالو و تلاحت فووق الفراااش.... دازت سااعة وهو يدخل جاابر مسخسخ باغي يحط راسو يرتاح شوية لقاها مكسلة و مكووزة جييهتو... بانت لييه شي حاجة فشوورطها صغر عينيه كااايقرب حتى وضاحت لييه الصوورة... طبعة ديال الدم قدها قداش مصوورة ليها تما، ماااحس برااسو حتى نزل علييها بضربة لمؤخرتها حتى ناضت جاالسة كاتفتف
غيثة(قلبها غاايسكت كانت غارقة فالنعاس) : اشنووو اشنوو مالك مالك
جابر (بطنز) : نووووضي المووحمة نووضي بدلي رااه طاح لييك بنادم

غيتة:اشمن بناادم
جابر(هز ايدو بحالا بغا يضربهاا )تكعدي غنبربقها مع طاسيلتك ...هاا ربي فضحك

شافت فين وراها لقات طبعة تاع الدم فشورط وهزات ليه عينيها وقالت:خليني غير نشرح لييك مكدبتش

جابر(جرها من ودنها محني عليهاا ولواهاا تخرجو عينيها) ولاش لكدووب لااش

غيتة:كان كيسحاب ليا حاملة ...كنت كنسا لكيينة مكدبتش علييك اجاابر ...هااح ودنيي ودني

جابر(طلقق منها خلاها كتحك فيها وقال )اوى سمعيني امو ساالف ....حق رب لباقي شربتي ديك الكينة

غيتة(خرجو عينيها )واش تسطينيي
جابر :غنشوفو شكون تسطاا الزين(تكا حداها وهيا مصدومة فييه تاتكاا )نوضي ...نوضي صبني لياا داك شورط قستو بدم ...انووضي

ناضت قافزة وقالت:وخااا اويلي

***

فلكوزينة مشمرة على لكندورة كتغسل فلماعن تاع لغدا ومينة وملاك كيجمعو فروينة فسطح ...حسات بايديه دارو عليها وباسها فعنقهاا بوسات متتالية وقال:يككما عيتي !

اقبال:شوية ...نسالي هدشي ونمشي نرتاح

شهيد:بلاتي نعيط ل ملاك تكملهم
اقبال:لا مكاين لااش انا قربت نساليهم ...لعشية نمشي نشوف لبنات

شهيد؛اييه ضروري تالليل
اقبال:وخة ...سير رتااح راك عيتي ...ههه ميحسابش ليا كدبح وكتسلخ هههه
شهيد:مالي بنت ليك داير طانكة وصابغ شعر

اقبال(شافت فيها )وغييير شوف كيفاش حتى فلتو علييك هههه
شهيد(زيرهااا تقالت ااه كضحك )ناكل مك ...(دوز ايدو على كرشهاا )امتاا يوصل تنين نمشيو نشوفوو ولدي
اقبال:مبقا والو (دفعاتو بكتفها )شهيد ايدخل شي حد
شهيد(باسها فودنها )نتسسنااك لكبدة او لقلب ودرجة الحرارة مرتاافعة


سمعو مينة جاية فدروج كتهدر فتيلفون ومشا مخليهاا كتجمع فلكوزينة دخلات مينة لقات لكوزينة تجمعات ملقات متقول

مينة:الراس بغيتوه ؟
اقبال:لا لا مكاين لي ياكلوو
مينة:ديه لمك
اقبال(كتنشف ايدها )ميي غنعطيها من لحم اما الراس مكتاكلوش

مينة:مالها مكتااكلو .. واحد لعام مكنتوش عيدتوو (كانت اقبال عاطياها بضهر هي سمعاتها غمضات عينيها وساطت بهمس ) كنت عطيتها الراس ولحم كنتي صغيرة متعقليش

اقبال(بهدوء)الله يكتر خيرك

مينة:فكرتيييني ....واحد باك معمرو بان مزال !
اقبال:لا (ياله بغات تهدر مينة ) نعاونك فشي حاجة ؟
مينة:مم لا لا كلشي تجمع

**

العشية عند حياة وصلات لملل قتلها ولبكية واصلة ليها لحلق تقيسها تفركع

تفقصات بتصاور وخة العيد فيه تمارة ولكن جموع بحلاوتو ... الملل وميدير خداوها رجليها لبيتو حلاتو وضربات فيها ريحتو...دوزات ايدها على لماريو وحلاتو لفوق كانو روايح وساعات منها الجلدية ومنها حديدية ...حوايجو معلقين قلال قوامج لتحت سبرديلات بحكم خدمتو قليل فين كيلبس لكلاص ديما شورط ولا سورفيت وسبرديلات

مشات كتشوف فميداليات معلقيت مع تصاور من شي مباريات...ساطت بملل وخرجات كتجر فبلغتها مشات لصالون وتكات كتقلب حتى غفات...

دخل الطموبيل لكراج لتحت وخرج ضحية مقطعة مفصلة كل حاجة بوحدها حطهم فلكوزينة وعينيه كيقلبو عليها حتى لقاها فوق لفوطوي ناعسة وايديها طايحة غارقة فنعااس ...قرب جيهتها بخطوات بطيئة تحنا عندهاا

مغرية بحال شي قطعة حلوة ...تشهى قبلة من دوك شفايف لي كيلمعو بلكلوز ...ايديه حتى كيبغي يحطها عليها وكيبعدها ويرجع يمدها ...حتى استاقر فوق حنكهاا كيداعبو بخلف صباعو كيتلمس بشرتها الصافية رطبة

هود:حياة ...حياة

فاقت قافزة بحالا كانت غارقة فشي بيير ...شهقاات وناضت طافجة و قالت:الله اعطيك موصيبة تفو (شدات على صدرهاا كتشوفيه مخنزرة )لاش مفيقني نشطح ليك !

هود:واش نتا شويةة (حرك ايدو جيهة دماغوو )

حياة(رجعات تكات )فوتني علييك هاد الساعة وهنيني من فريعك
هود:(بلفرنسية )نتي تعرفي ...غنمشي نشوي لراسيي

مناضتش مشا دار ليكة سوداء شعل لباربي كيو وقاد فيها لفااخر فجردة وقاد شبكة فوقهاا....غير شمات ريحة لفاخر ناضت كتعكل فلبلغة ودخلات لكوزينة بان ليها فجردة كيقاد داكشي ...جمعات شعرها ودارت الطابلية فوق القفطان ...وبدات كتجبد شنو تقطع شنو تخلي

شاف فيها ودار بتسامة جانبية وقال:اتعاوني ياك؟؟
حياة:(مركزة فشنو فيديها)حرقتي فيا الانوثة بهاد الهضرة
هود:كواا؟؟
حياة:(بصوت شبه مسموع)الكوا هو لي خصني هاد الساعة صاراحة..هازا سمية مزوجة باطلا(طلات عليه ورفعات صوتها)واش ديك الكبدة باقي گاع متشوات؟؟
هود:(شي شدو شي لا)كبدة؟؟اوك هاهيا قربات
قربات جيهتو تتشوف فالكبدة لي تشوات نص شوية وتبنن:عطيني عطيني ههه(قاستها)احححح سخوونى
هود:(عينيه على وجهها البرئ لي تحلفي عليها متخرج داكشي لي ففمها)أغييت راه باقي موجدات

حياة:عطيني منها هي شوي تتعجبني بنص طيبة..عرفتي فالمغرب تندير ليها نص شوية هااام ههههه
هود:هههه مفهمتش
حياة:كاعلا تفهم هه طلق راسك بغينا ناكلوو نصايب الشحمى
هود:كواا
حياة:اكويو فيك عساوة هههه
هود:حاول تهضر بعربية نوغمال منفهمش شنو تقول
حياة:(جاتها ضحكة)ههههههه اش بينك وبين المغرب..غنمشي نقاد القطبان غيجيو لذااذ ايعجبووووك بزاااف
هود:اوك ...انا نقاد صالاد

حركات راسها وزادت بحماس للكوزينة رغم انه العيد فالغربة لا علاقة ولكن كتحاول تخلق جو باش متبكييش
خدات اللحم قطعاتها قطبان وشرملاتها وتتخلط فيها باش ادخلو فيها القوام والقفطان مبرزطها مبغاتش توسخو وبقات كتطلع فيه بدون ماتقيسو بأنها تهز يديها للفوق تا شافت يدو لي متخافش عليها لانها فيها وشام تتهز ليها الققطان وكطويه دورات عينيها ناحيتو لقاتو تيشوف فيها بنظرة معرفاتش كيفاش تفسرها..ديك النظرة الجذابة لي كيشوف بيها الراجل فمرا ملي كتجذبو فشي حاجة..
رمشات مرات متتالية قبل ماتجر يديها وتنطق متفادية نظراتو:كملتي؟؟
هود:وي..اطوا؟؟
حياة:قربت..خرج لي من كونجيلاتوغ الخبز


حرك راسو بانجذاب ومشا خرج ليها شنو بغات وقالت:شنو هذا؟؟
حياة:هههه أغروم
هود:شنو؟؟هادي عربية؟؟
حياة:ههههههههههه لا شلحة
هود:شنو هي شلحى؟؟نتا شلح؟؟
حياة:هههههه لااا كنت تنعرف واحد السوسي علمها ليا..أغروم هي الخبز
هود:(بنظرة برود)شحال من واحد كتعراف....تاهو نصبتي عليه بحال عمي؟؟
حياة:(غقداتهم)ايييه بحال هاكاك. خلينا ترونكيل ندوزو العيد بخير قبل لنقلبوو دنمها(غوبشات)بشاااار
هود:غغفففف انا برا

حياة :بيعو لقرودة يفرشو فيه لبنان (دارت لشغلها بهمس ) لقو**د...طالعة ليا النقشة كيزيد يهربهاا ...لي سمعني نصبت عليه يقول كاتب ليا فيلا بسميتي

خرح من حظاها مخليها متناسية همو..تاكملات وسخنات الخبز لي عجنات البارح وزادت لبرا لقاتو شاد كارو تيكمي مع حطات القطبان وهي تقول:عارضة عليك؟؟تجعد تشوي لبغيتي تاكل
هود:(مكمش فيها عينيو والكارو فيد)تي شاغموونت
حياة:(شافت فيه)نوووض تشوي لله يشويك

ناض كيضحك من دعاويها وهز القطبان ومشا كيشوي فيهم وقال:علاش نتي هاكا كتهضري بحال ما كغوند ميغ
حياة:علاه نتا عندك جداك؟؟(بفضول)ماماك فيناهيا؟؟
هود:الصمت
حياة :بليهو*دي لاخر عطاني النخال(هزات تيلي لقات ابيل فيديو من غيثة)المعزة

تلفت ليها لقاها تتهضر ورجع كمل شغلو تيسمع فيها تضحك مع غيثة بجهد واهضرو وهو عينيه فالشوا وعينيه فيها غياكلها بعينيه..عجباتو من عفويتها مع غيثة وكي تتهضر وتحرك راسها تا كمل وجا حط قدامها الشوا وقالت:المعزة انمشي ناكل سلمي على الدكالي وشادية
قطعات كضحك وهزات اول قطيب داقت منو :ممممن ينان دوق دووق
هود:جامي دقت هذاا..
هزات وحيدة ومداتها ليه ياكلها ..شد يديها قربها عندو بغير قصد كلا منها وبقا شاد تيتذوق:ممنم زويين با مال

حياة:(جرات يديها)اش تتعرف؟؟قاليك با مال كول كول
هود:هههههه (بلفرنسية )زوين غي ضحكت معاك..معامن كنتي تهضر؟؟
حياة:ةشغلك؟؟سولتك فينها مك مجاوبتينيش اوا تانتا دخل سوق راسك

سكت لبرهة ونطق:جوسيبا فينو مام..
حياة:علاش؟؟(كتاكل وتهضر)مكتسولش فيها
هود:(مطمر)لا..
حياة:كنت عارفااك يهو*دي مقطر ...ولكن كنتشاابهو هههههه

هود:كوا

حياة(قلبات لموضوع)عرفتي شنو كتعني كوا بلعربية تاعنا

هود(كمش عينوو شاد لقطيب تاع لعود في لكبدة والقلب )نوو منعرف

حياة:هيا زق لق هههه
هود:ههه شنو هدااا

حياة(دارت الدغمة فمها وقالت بهمس بطريقة نطقو )لح*** هداا

سقلات تا كملات ماكلتها وهي تكرع شبعانة وقالت:الحمد لله
هود:(عايف)تي فو او كوا راه قلة اداب هذا
حياة:(تتشرب الما)عاود لكغك

هود(بتهديد )حيااة نضربك


كمل ماكلتو نايض ليه خاطرو وناضت هي تغسل يديها وتمات راجعة لقاتو كمل وتيكمي تاني
حياة:كملتي؟؟
هود:مممم
كبات ليه اتاي:دوز اسكايري باتاي ههه
مفهمش بزااف حدو سكت مجاوبش ووتاهيا هزات تيلي...طللعات ليها نمرة اقبال وتبسمات وناضت بزربة لكوزبنة كتجري خلاتو متبعها بشك خلاها هي دخلات وتبعهاا

حياة:نعار كلو راسي بيوجعني ...كيدوزتي العيد مع العاقيصة تاع ماينة ؟
اقبال:عادي ماشي شي حاجة ...بحال ديما كتبغي مرة مرة تلوح لهضرة ...نتي عيدتي

حياة: لعيد تالعصر حتى هوا عييد ...ياله لقيتيني شويت لكبيدة او القلب

اقبال:بوحدك

حياة: مع ولد خو محمد
اقبال:امتاا وليتو سمن على عسل
حياة:لعيد هدا درنا صوااب ههه

اقبال:امتا غيجي محمد !
حياة(ساطت )كعلا يجيي ...انا مالي
اقبال: حششومة

حياة: عرفتي شنو ...هدرت مع جميلة قالت لياا بلي عندها شي دار هنا كتكريها...كاغصونياغ
..بيت وكوزينة ...لكرا غاالي (بالضحك )نضبر على شي فيكتيم نبروفيتي

اقبال:ديري عقلك احياة هدشي راه مامسلككش راك فلغربة ...نهار توحلي تاحد محداك

حياة:غير كنضحك معااك از** هههه ...غير يجي مجمد ندوي معاه على طلااق ...هاد تزويجت لخرا خانقاني


اقبال؛احسن حاجة اديري ...داك السيد مشتي منو غير الخير ا حياة متبقايش تنافقييه

حياة: ونخلييك نجمع لكوزينة ونرجعو نهدرو ابيل فيديو

اقبال:نمشي لعند لغالية نشوفها ونهدرو دك الساع

حياة:ؤك حبي سلمي ليا على نسيبيي
اقبال:يسلم عليك لخير

سمع لحوار كامل متكي على لحيط وباب لكوزينة محلول ...كان شاد فايدو كاس تاع لكوناضة جغم امنو ودخل هازو

حط لكاس جنبها و نطق:حياة

هزات راسها بغرابة قالت :وي
مد يدو لشعرها رجعو ليها ورا ودنها وعينيها متبعاه وقرب بشوي عليه تا طبع قبلة على شفايفها بدون متحس ونطق منتاشي بطعم شفايفها (بلفرنسية ) Tu es un fruit défendu (انت فاكهة محرمة )

بعداتو عليهاا بايدها كتفتف وقالت:هوود بعد
هود(جرها عندوو ):بوغكوا ؟ ممم (بهمس كيفتارسها بعينيه )لاغوب ...جاتك زوينة

حياة(بهدوء)قفطان

بغا ينزل يبوسها وبعدات رااسهاا وقالت:هدشي لي كنديرو فيه وفدار عمك مخاصوش يكون

هود( جرها كالاها مع لكونطوار ولصق عليها ونطق بلفرنسية ):كتبغيه ؟ ...ديت مواا ؟

حياة:غنطلق منوو

هود(حرك راسو باه عينيه فشفايفها )داكوغ

قبل متفطن بيه كان تملك شفايفها ...حاولات تمنعو ...واستسلمات ل لدة قبلتو الهائجة الثائرة على شفايفهاا ...استوطن تغرها بقبلة فرنسية ...محسات تكانت كتبادل معاه فلقبل وايدهاا فشعروو كتنهد ففمو ملي كيخنقها بلقبلة ؟.صدى القبلة كيرن فمسامعهم ...ايديه كيداعبوو ضهرهاا وعنقهاا. تطفجهم تيليفونهاا حداها بعداتو كتنهج...وهوا مزال محاصرها بايدوو

حياة: خلييني نمشي ..

هود(كينهج وكيتنفس فشعرها نفس سخون ) نن
حياة:تيليفون(شدات فدراعو لي محاصرينهاا مزال طامع فتقبيلهاا ...عوجات راسها تحسات بشفايفوو على عنقهاا ولسانوو خلاها تغمض عينيها معااه ..نساو التيليفون لي كيصوني ....كيسكت ديالها ويبدا يفيبري تيليفونو...بنمرة محمد
****

بعد بعدما هدرات مع حياة فسطح نزلات باش تلبس حوايجها ويمشيو يشوفو لغالية دغياا ويرجعو ...حلات الباب تاع لبيت تاع شهيد مع لاح تيليفون بزعفة فوق سرير وسااط ...مشاو عينيها لتيليفون ولتازمات لهدوء

اقبال:شهيد نمشيو

شهيد(شاف جيهتهاا ) ااه واخة لبسيي عليك

اقبال:واخة

شهيد: نمشي نشوف لواليد دغيا ونجي نبدل عليا
اقبال:متعطلش

تبسمات ليه باسها جنب فمها وخرج راد لباب وراه كانت غادية تلبس وشافت تيليفونو نساه قربات ليه هزاتوو ورجعات حطاتوو ومشات تلبس ..بقا بالها معاه ورجعات هزاتوو ملي سمعات لفيبرور فيه ...مشات هزاتوو وحلاتو ....دخلات لجيهة لواتساب كانت نمرة لفوق مامسجلاش هيا منين واصصلين لميساجات ...مكانتش بغات تدخل تكبرات لبروفيل ولقاتها كاميلياا....مفكراتش دخلات وقبل متقرا اخر مساج طلعات لكونفيرصاصيون اللول لقاتها جديدة عاد مسيفطة ...كتقرا ميساج بميسساج

كاميلياا:شهيد جااوبنيي عفااك
كاميليا: مدوزناش قليل باش دير ليا هكاا حرام عللييك

كاميليا:مبغيت منك والو لقا معاايا حل

ضغطات على لاوديو لي مقري اخر حاجة وصلات

كاميليا:هءهءه شهييد الى مشاا حتى عرف بابا راني حاملة غيقتلنيي هءهءهء عفاك

تحل لباب مع اخر كلمة فلاوديوو خلاتها تهز عينيها فشهيد

ملحق 2 (12/06/2021)

كامليا:هءههءهءه عفاك اشهيد عفااك شوف كيدير راني حااملة ..واش عارف شنو هيا حاملة ...بابا غيقتلنيي

تحل لباب ولاوديو مطلووق ...دقات قلبهاا فاتو لحد ...رجليها كتحس بيهم خاوين وغيطيحو بيهاا ...ميلات راسها لجيهة لباب وهزات عينيها فييه ...لكلمات غبرو من حلقها كانها عمرها تكلمات

قرب جيهتها ببطئ كيقرا عينيهاا وقال بخوف:اقبال ...ششوفي فياا ...خليني نشرح لييك

اقبال(ضغطات على فمهاا مبغاش تغوت ولا تسرع )كي...كيفااش حااملة...دوي اشهييد ... غدرتيني ؟ غدرتي تيقتيي فييك ؟

شهيد:مغدرتكش ا اقبال كنحلف لييك بالله ....والله مخنتك ولا عمري نفكر فيهاا ...محاملاش منيي محاملااش ....غير تهدني نشرح لييك لي كااين (شد وجها صفار بلخلعة )حبيبة ديالي والله عمري نفكر فيها حتى بالضحك ....هاد تبرهيش خليتوو ورايا ملي كنت زوفريي ديال راسيي ماشي حتى بغيت ندير لولاد

اقبال:وجاااوبنيي ...شنو بغاات علاش كتقول حاملة هضر اشهييد هضر
خاف عليها ايديها كيرجفو بغا يكلسها مبغاتش

شهيد: تعارفات مع شي كاوريي وحملات منوو وجايا عندي بغاتني نعطيها شي دوا باش طيحوو ...هدشي لي كااين مزدت عليك منقصت علييك ...كنعيا نقطع عليها كتصوني من نمرة خراا

حسات بالدوخة وراسها كيدوور بغات تشد فلباب تاع لماريو وتزاكل ليها وشدات فلخوا وتعكلااات كانت طايحة تشدهاا شهيد مخلوع. هبطها لارض

شهيد:اقباال (كيضرب فحنكها بشوية )سمعينيي سسمعيني ...تنفسي مزيان

طنين فودنها حتى تقلبو عينيها بين الوعي او الاغماء قلبها كيضضرب فودنها بشكل سرييع كيخلع ....حط شهيد ايدو على قلبهاا وقفز مخلووع كتسمعوو كيعيط بجهد على ملااك ...قطرات من لمااا تكباات عليهاا بدون جدوى....

غمضات عينيها بمن بعد مصارعة مع نفسها باش تبقا فوعييهاا...حلاتهم على سطح ابيض ...كتوضح ليها الصورة ميلات راسها لجنب ولقات جنبهاا فرملية كتقاد السيروم ..وقفات مفزوعة ترجعاتها ببطئ

_:مداام تهدمي عفااك ...ياله رجعو دقات قلبك مزياانين...عفاك رجعي تكااي ...مدام !

اقبال:اش وقع!
"*

شهيد(بخوف )شنو عندها

د:معندها والو الحمد لله نوبة عصبية كنتمنا متعاودش تكرر وهيا فشهورها الاولى من الحمل ...دقات القلب والطونسيون كانو طالعين ...الحمد لله دابا راها بخيير

شهيد(دوز ايدو على وجهو براحة )الحمد لله

ناصر(بدهشة )واش حاملة ...اقبال حاملة
مينة: كونما هدشي امتا باغين تقولوها
ناصر:هنيناا (بفرحة )مبرووك اولدي الله يتبتوو ...الله على فرحةة امينة غيوليو عندنا لحفاايد ونولي جد وجدة

مينة:لعلا يحييك مامي قلاك جدة

شهيد(شاف ف مينة من بعدما استوعب اش كيدير)لواليدة ....غتهدري مع ختك وبنتهاا تفرق جرتيي ولااا غنوريها لوجه التااني

مينة:مال هاد بنت خالتك مالها

شهيد: سيري سولييهاا سيريي ...بنت ختك زينة علم الله معامن غلطات وجاية عندي بلا حشمة بلا حيا نعطيها شي دوا يطيح لييها لي فكرشهاا

مينة(ضربات فجنابها)اويليي


شهيد:لويل هوا لي وصلاتنا ليه ديك لكلبة تاع لخلاا بمسبتهاا اقباال وقع ليها هدشي....جوج كلمات وصليهم ليهاا اناا مبااقيش توصلنيي

مشا وخلاهم واقفيين وناصر تنهد وقال:شتي على موصيبة ....كاميليا كاميليا ...ها كاميلياا دارتها يغرق فيها جمل

مينة(بقات شادة حنكها بصدمة )ويليي ويليي على الصلكووطة....يسمعهاا عبد لعااطيي يشرب من دمها

ناصر:الله اخرجنا من دار لعيب بلا عييب زيدي نشوفوو اقبال كي بقات


دخل شهيد عندها لقا لفرملية كتعبر ليها فالطونسيون مشا من جيهة لخرا ..داعب شعرهاا تسنا حتى خرجات لفرملية وهبط بقبلة على جبهتها كيتأسف

شهيد:كيبقيتي ...
اقبال:الحمد لله
شعيد(تبسم ليهاا ) لبيبي بخيير ...
اقبال(شافا فيه ) امتى كنتي ناوي تقوليا هدشي اشهيد (شافتو سكت )عمرك كنتي تقولها يااك ...تافقنا لكدوب لاا ونتا كدبتيي

شهيد:اقبال غير فهميني مكنتش باغي نديرونجيك

اقبال:نهار جيت عندك وقلت ليك واش كاميليا كانت عندك وقلتي لاا كدبتي

شهيد: اقباال
اقبال:جاوبنيي
شهيد(تنهد)كانت هداك هوا نهار فين عرفات راه حاملة ...جات عندي باش نعطيها شي حاجة باش طيحوو ولا نعاونها...انا مبغييتش

اقبال:عارف بلي اعدا حاجة عندي هيا لكدوب ....ونتا كدبتي علياا

دورات راسها لجيهة لخرا ياله بغا يهدر دخلات مينة وناصر ضاحك توجه لعندها وقال بفرحة :على سلامتك ابنتيي ... مبرووك

اقبال:الله ايبارك فيك اعمي

مينة:مبرووك عليكم الله يجعلو درية صالحة
شهيد:اميين

مينة:امتا كنتو ناوين تقولوها(نغزها ناصر تسكت )مالي اش قلت سولت كي الناس تصيبي حنا اللخرين فراسناا

اقبال(تنهدات )نتوما اللولين اخالتي حتى حنا الله عرفنا

شهيد:مكانش لبيبي باين داكشي علاش مبغيناش نقولوها حتى نتأكدو

ناصر:فيها خير فيها خير ....ملاك غطير بلفرحة الى سمعاتهاا...شنو قاليكم طبيب تخرج دابا

شهيد:ايه ايه اتخرج دابا
ناصر:اوى الحمد لله (بضحيكة)بنتي مشهية شي حاجة

اقبال (بابتسامة )لهلا يخطيك اعمييي مامشهية والو
مينة:دغيا دغياا تشهاا اوى تادير واحد ششهراين عاد عاد

شهيد(شد ايدهاا )لي تشهااتتو نحضروو

مينة:هاي هاي هههه اوى مبروك عليك اولديي يتربى فعزك ان شاء الله ندير لولدي ولا بنتي شي سبووع نبرد فيه شوق لعرس لي تسنيتو تاعك

شهيد:ان شاء الله اميمتي دعي غير اقبال تكون بصحة جيدة ان شاء الله

مينة:ان شاء الله


بعداتو عليها بصعوبة من بعدما انجارفو فلقبل حتى حرارتهم ضاعفاات

حياة:يااك مكنتيش كتحملنيي
هود(بشوق لشفايفهاا )جوسي باا نشوفك نبغيك

حياة: عفاك بعد منيي انا مبغاكش ...هدشي لي كنديرو فيه حشوومة فحق عمك فداروو (بغات تبعد وردخها مع تلاجة تغوتات )والقل**ي نعل اصل مك مالك ؟

هود(بلفرنسية )عاد فاق ليك ضميرك ...ولي كنتي كالسة معاه فلقهوة

حياة(بلغوات )مبيني وبينو تاا ق** طلق مني البعر تفوو

هود:اخر بوسة وسيري

حياة(خرجو عينيها) واش نتا مرييض ق** اصااحبي بعد مني
دور عليها ايدو وشابكهم ورا ضهرها وهيا شادة فدراعو ومبعدة راسها علييه

هود:سيغبوند بلوند
حياة:الله ينجييك من سمهاا

هود(ضحك كبين سنانوو كلاها من تلاجة لاصق عليهاا )مي لابوش سيكخي (فمها سكر)

حياة :صافي عفاك طلقني نمشيي عييت بغيت نعس

هود(بلفرنسية)سهري معاياا ؟ الليل طويل

حياة:سهير مع ولاد لق** كيخرج فشي موصيبة كحلة ....

هود؛كوا ؟
حياة:فين نسهروو

هود:فين عاجباك
حياة؛نخرجو ؟

هود:بيان سيف
حياة:داكوغ اطط نلبس

بغات تسل منو ورجع زدحها تاني تقالت: هرستي ليا ضهري بغيت لجدك بوعنوز

هود:كيس؟
حياة:لاا

هود:بلييز

كيتجار معاها حتى تبتهاا بقبلة على شفايفهاا مبغاش يطلق منها غير بزز تسلتات منوو وطلعات كتجري لبيت عاضة على فمهاا

كلسسات على طرف سرير كدوز ايدها على فمهاا وقلبها كيفرفر احساس معتارفة بيه لداخل بلي عمرها حساتو ولكن ميمكنش تخرجو لبراا ...ضحكات باستهزاء وقالت:على خر يامك اتولي عايشة لعشق لممنوع (ناضت لماريو ) بعدا بعدا سمر كانت شابع ح** من جوج انا مدقتو لا شيباني لا بعقلوو هههه...(عضات على فمهاا )عاد تاكدت بلي انا ق***...(هزات كتافها )فاللخر انكركبهم بجوج ونعيش مع كري ....ميصبر ليا حد ومغنصبر على حد

شافت فلبيت وقالت: ايامي معدودة هناا ...نمشي نشبع زهو مع راسي


جبدات سالوبيط كحلة سميطات سروال لارج مع طالون حمر وبوشيط حمرة دار سنسلة على عنقهاا لاغير رشات ريحتهاا وهبطات كتمايل بطالونهاا. وخرجات كيبان ليها واقف حدا طموبيل ديالو كيكمي نتابه ليها وزطم عليه كيطلعها بعينيه ...ملفتة لنضر عياا عياا يغمض عينيه ويقول مرت عمي

قربات عندو كتمايل وترجع شعرها اللور وقالت:مشيناا

هود:ويي فازي

ركبو فطموبيل مرة مرة يخطف منها شوفة وهيا شادة تيليفونها كتهدر مع لبنات

هود:فو زاافي ان كغوند فامي!

حياة(هزات عينيها فيه )لاا حنا ستاا سات

هود(بهدوء مركز فطريق )سيس

حياة؛اه اه سيس نسيت ههه ...كاينة اناا اقبال هيبة غيتة انصاف او ماما

هود(بلفرنسية )فين باباك
حياة:طلع يهو*دي بحال مك

هود(خنزر فيها )تعرف تهدر قبل منضربك

حياة:علاش ؟ ناكرر تيهو*ديت تاع مك ولا !

هود:تي طوا ! طا ڤوا مي ديغونج

ضرباتو بالصاك لكتفو وقالت؛يااك المرضي ...وقف وقف وقف هناا

فرانا طموبيل تمشات وجات وقال :تقاودي

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات