الماس لي نشطو وضحكو وكولشي نااض يشطح فرحات بزاااف فرحتها ماعطيها لحد وضحكتها كاتبان من بعيد وسباب هاد الضحكة هو نوح الحاجة لي ضور ضور وتشوف فيها شحال وهيا كاتستنا نهاار لي تشوفها فيه فرحانة هكدا وكاتقول سباب هاد الضحكة هو المصعور لي قااطعها فيا و واخا هكاك كاتقول عمري ننسا خيرو شي لي ما دروهش ولادي رجال دارو هوا وقف معها وقفة ديال الرجال واخا قااصح الى رااه فيه قصوحية رجال واخا لسانو سليط الى قد لسانو قد دراااعو وكيف كايقول هوا انا قدها وقدود....
حطو العشاء من باسطلية ديال الحوت لي الماس شمات ريحتها من بعيد وحطو دجاج المحمر وحتى اللحم وشلايض الموناضة الديسير يحطو هاادي وياااكلو ويهزو ويجيبو شي لاخور الحااصول الخير ديال رااسو والحاجة ورحيمو بقاو غامخرجين عااينيهم كااتقول الحاجة نساابي نسااب الخير عليا وعلى بنت بنتي
حطو العشاء وتعااشو وحتا الماس كلات جمعو كولشي ملي تعااشو وجلسو تااني شوية وغير وصلا 1ديال الليل كولشي ناض مشا بحالو وهوما شي فرحان شي محسااد وما عجبو حال وخصوصا بنات العائلة كايقولو كيفاش نوح ولد عائلتنا وتجي واحدة منعرفو منين وخدااتو حلال طيبا ماابغاتش تتسرط ليهم وخصوصا اول مرة يشووفوه جااهم تيتيز على جهد بغااو يتناتفو بالحسد والقهرة....
غير خرجو الناس كولشي تلاح فداك صالون مهلوك اميمة وغفران والحاجة هادوك مسخسخين غا بشطيح اما اما شي لاخور هادوك مساكن كانو واقفين ف الكوزينة وجدو كولشي بيديهم وكانت معاهم بنت واحدة عاونتهم كاتعرفها اسية عيطات ليها تعونهم ودابا خداها شيفور لدارها
امينة: شاافت فيهم وهيا كاتمسد رجليها لي طاابو... اححح هدا غا الحزام و واش دار فينا اما خطبة عمران مانعرف اش غاايوقع....
رحيمو: هزات واحد الكراطة فيديها... اليوما باش نوري لباباك الضحك...
اميمة: غير شاافتها شداتها جرية وااحدة الفووق لبيتها ب الخلعة ورحيمو جات طالعة من وراها وهيا تشدها امينة
امينة: الله اختي البنت مزالة صغيرة لاديريش عااقلك معها...
رحيمو : هزات راسها ب لا... اليوماا نسلخ باباها انا اصلا بااقي فيا الغدايد ديالها ديال النهار لي مشاات فيه مع ولدك انا كانوصيها كاانقولها اجي بكري ف الضهور وهيا مااجية عااندي ف العاصر ماانعرف فااين داها داك العاافريت دولدك
امينة: غاايخرجو ليها العقل وفنفس الوقت كايجيبو ليها ضحك.... الله يهديك تعاطلو غير حيت مشااو من ورا ولاد اسية
غفران: هزات راسها بأه... اه اخالتي والله
رحيمو: شاافت ف اسية... جمع بنتك عااندي نجمعها مع تيك بنت الحرام لي عاندي
اسية : جابت ليها الضحك... والله غير عطي لباباها حتا هيا ولات ضااسرة ورخفت عليها بلحق غير حتا نمشيو لدارنا(بقات كاتتحلف عليها بعااينيها حتى مشات بالخلعة تخبات من ورا ضهر عائشة لي مااتت بضحك...
رحيمو: هزات هااديك الكراطة ومشات لواحد البيت عند امينة تحت دروج بحال بيت الخزين هزات منو واحد الالة كايشطبو بيها زرابي وشي مواس كاانو تمااك و واحد السمطة لقاتها مليوحة تما وجات طالعة وامينة خرجات عااينيها فيها
امينة: اويلي كااحمااقتي
رحيمو: غاابااش نخوفها هيا بنت الهم الى مااشفتشي العاينينة الحمرة مااترصيشي...
هزات كولشي فيديها وزادت طالعة الفوق وغفران و امينة تبعوها اما اسية والحاجة وعائشة بقااو لتاحت....
غير وصلات: دقاات عليها فباب البيت لي سدااتو عليها...
رحيمو: وصلات وحطات داكشي من يديها ف الارض وهزات صندالة فيديها... اميمة افتاااح هااد الباب
اميمة: كااتبكي... والله مااانعاااود اماما هئ
رحيمو: لاحت هاديك صندلة وهزاات صمطة ديال سروال مااعرفة باش غا تضربها ...افتاااح الباب ياااهد بنت الحرام افتااح
اميمة : واقفة من ورا الباب وهيا مبدلة حوايجها وحيدات القفطان...ورااه قولت ليك والله ماانعاااااود
رحيمو: لاحت ديك السمطة وهزات الكراطة... افتااااح ابنتي غير نهضر معاااك افتااح غير فتااح الباب باش غير نهضر معاك
رحيمو: هزاات فيديها تاني هااديك الالة لي كايشطبو بيها زرابي دايرة بحال البالة وهيا كاتتحلف فيها وامينة غير مخرجة عااينيها بصدمة هيا وغفران ....وغير دغياا انا كانستنا
اميمة : بقات تعض فضفرها وضرب فرجليها خاايفة تفتح الباب وتسلخها وتشوهها فدار راجلها المستقبلي تنفسات بجهد وهيا تفتح الباب وهيا كا تترعد غير حلات الباب بسورات وقبل ماتفتحو بقات كاتغطي عااينيها وتعض شفايفها وتضرب يديها مع فخاد رجليها بالخوف فتحات الباب ورجعاات تخبات من ورااه وتدعي الله ماتضربهااش .. غير فتحات الباب دخلات رحيمو كااتقلب عليها بعااينيها ف البيت كااع ماابانت ليها وهيا تشوف من وراا الباب ولقاتها... هاازة هااديك الالة ديال تشطاب على كتاافها وشاافت ف اميمة لي شافتها اش هزة وخرجات عااينيها...
رحيمو: خرجات عااينيها فيهاا....مخبعاااااة هناااية
اميمة: بقاات كاضرب راسها بيديها وفخدها قريبة تبول فسروالها ب الخلعة وتشد ف الباب وهيا قالبة شفايفها كاتبكي.... هئ هئ هئ(ودير يديها على شكل 🙏وتطلب فيها بالحس)
رحيمو: لاحت هااديك الالة ف الارض و وشداات السمطة لي فيد غفران لي مصدومة مسكينة حطاتها حداها ف الارض وحيدات صندالة من رجليها وهيا تنقز وشدات اميمة من زيفها لي غير عااكفااه وجاابتها ف الارض وبقاات تهزز يديها حتى الفووق وتنزل عليها واميمة كااتغاااوت
امينة: لسنها تشلل ماابقات عارفة راسها اش دير اما غفران هااديك كثر مااقدروش يقاربو بصدمة حتى دخلات الحاجة واسية وعائشة لي سمعو الغوات وغير شاافوها كااضرب فيها نقزاات ليها عاائشة كااتحيدها ليها من يديها....
رحيمو: خرجات عاينيها فيها باغة ترجع ليها واسية وعائشة شادينها ... باقة ابنت الحرام كاتخسر الهضرة
اميمة : شااافت فيها بعيون دامعين وهيا كاتشهق وتحك فطرمتها وكتفها ... وهئ وشباش هئ نقول و هئ و هيا سميتها ترمة
رحيمو : كاتنتر منهم باغة ترجع ليها... ايمااااا لحبيبة عليك يااايمااا طلقووني على باباها طلقوني الله يعطيك الدودة فتيك الترمة لي فرحانة بيها ابنت الحرااام ...
اميمة : هزات كتافها كاتبكي وتهرنن... هئ هئ و واقد ترمتي قد فمي هئ هئ
رحيمو: صاافي بااغة ترجع تسلخ تواصلها وهادوك كاايشدوها
عائشة : مولت العقل زعمة ... يهديك الله ارحيمو زيد خالي العاايلة بلى عقل ما تعملشي عاقلك معها... جرتها عائشة وامينة وخرجوها براا البيت وهيا ماكرهتش ترجع تغزززها على فعاايلها....
غير خرجو هادوك تبعاتهم اسية والحاجة لي حشمانة من راسها ندمات علاش شكاات بيها لرحيمو...
غفران : غير خرجو شدات الباب بسوارت لا تعاود ترجع ليها شاافت ف اميمة لي مليوحة ف الارض وكااتبكي وتحك فترمتها وتشهق.... ياااختي ماماك قول فيها دجنون
اميمة: كاتشهق... هئاااائ ما هئ مشوفتي وا والو
غفران: تحنان عندها كاتنيضها من الارض مااعرفات واش تبكي ولا تضحك.... نااري ياختي هاد ترمة عندك شاابعة عصى
رحيمو لي كانت حالفة ف اميمة جاامعة ليها شلى بلانات وفعاايل ودابا فداات فيها القديم وجديد و واخا هكاك ما برداتش من جهتها وهاادي هيا الام المغربية الى مشات حتا حلفات فيك طال زمان ولا قصاار تشدك تشدك وتفدي فيك غدايدها ....
🎀فبيت نوح والماس🎀
الماس : لي غير طلعات بقات واقفة شحال حدا بيتها هيا ونوح بااغة تدخل وهيا كاتفرك يديها بحشمة حطات يديها على البوني وهيا عاضة على شفيفاتها فتحات الباب غير شوية وطلات غير براسها وهيا يبان ليها الضلام ف الغرفة وغير الفوايوزات لي شاعلين وضوء خافت شافت ف الفراش كايبان ليها مجبد فيه وما كيتحركش قالت صافي نااعس دخلات من الباب وسداتو من وراها بشوية حيدات صبطها ملي دخلات وتمشات على بنان رجليها حتى دخلات لدريسنك شاافت ف حويجها لي شحال تواحشاتهم لي نص جابتو ليها امينة والنص لاخور والكبير هوا لي جابو ليها فصدقها بقات كاتقلب ف البيجامت شكون لي تلبس فيهم شااافت فواحد البيجامة لي سماطي هيا وشورط ديالها ف الاسواد ديال التوب وفيها ف الوسط ودينات ديال القطة عضات شفيفاتها بالحشمة باغة تلبسهم ولكن حشمانة بقات شحال كااتشوف فيهم وهيا تفكر راسها بلي غا البارح كانت كاضور قدامو ب القاميجة وحدها وحتا دوش ليها بيديه كاتتحاول بكل مافيها تتغلب على حشمتها هزات هادوك لي عجبوها ودخلات للدوش حيدات من عليها كااع هاادوك لي لابسة و وقفات حدا المراية وهيا عاارينة. شافت ف داكشي لي سرقات ل اميمة وعضات شفيفاتها من الشي لي داارت هزات داك العكر لي كلات منو ف الاول هزاتو وفتحاتو بقات شحال كاتشوف فيه وهيا عقلها محدود ماكتقولش هادشي فيه مواد كيماوية وتقدر يتسبب ليها فتسمم لا صاافي جاتها عليه وبغااتو وعقلها غايخرج عليه كلاتو هاد المرة كلو وهيا كاتتبنن فيه وتصدر انين بلدة لي كاتاكول بيها غير سلاتو هزات دوك العكاكر وخشااتهم ف المجر لي كاين ف الدوش كانت ما غاتزيدش منو وهيا يزغبها شيطان وزاادت واحد عضات منو تااني غير شوية ورجعااتو ف المجر حطاتهم غير تماك سرطات داكشي لي ففمها وشافت سنانها لي حالتهم غسلاتم بمعجون ديال سنان دغيا حتا رجعو لطابيعتهم وبقات واقفة حدا المراية و شاافت فجسدها الابيض لي بااقي طبايع بوسات نووح فيه ولكن مابينينش بزااف بدا لحمها يبرا هبطات عااينيها لكريشتها ودوزات عليها يديها بشوية كاتفحصها بيديها وتشوف فكريشتها ف المراية وقالت بحشمة وفرحة وكولشي مجموع عليها ... هههه غاتكون راجل بحال باباك ههه(بقات شحال وهيا ساكتة وقالت) والى كنتي بنت بغيتك تكون بحال عزيزاك شاامة فكولشي غااتكون نتي بنتي وختي وماما لي ماعنديش ههه حيت طفلة غاتولد طفلة بحالها هههه باباك ما غيربيكش غير نتي غاايربينا بزوج حنا بزوج غانكونو ولادو(بقات ساكتة وقالت بحشمة) ههممم غير انا غاانشارك معه كولشي ونتي لا ههه....
بقات شحال واقفة مع المراية كااتشوف فكريشتها وتهضر معها حتا حسات على راسها ومشات تخشات تحت رشاشة كاتحيد منها ريحت العراق وهيا كاتفكر اش وقع هااد النهار وخصوصا ملي بالت عليه للمرة الثانية دوشان وخرجات نشفات لحمها ونشفات شعرها شاافت ف الحوايج لي جاابت وهيا كااضحك بحال الهبيلة هزات سليب عاادي ولبساتو عليها ماعندهاش مع دوك سترينك واصلا ما كتعرفهمش واخا عندها ماعرفاش حتا كيفاش تستعملهم يحساب ليها غير كاايجيو زواق مع دوك شوميزات ماا كاتقيصهمش...
عجبها راسها بزااف ضحكات وهيا كاتشوف ف المراية حنكها مزنكين وشفيفاتها حمرين بقات كاتبرقق بعااينيها ف المراية كاتقول نخرج ولا لاءح بقات شحال هكاك حتا تفكراتو بلي هو اصلا نااعس زادت متااجهة خارجة بحالها وغاادية على بنان رجليها شاافت فيه نااعس وطالق دراعو على الفراش وضهرو عرياان وخاشي راسو ف المخدة بقات شحال كااتشوف فيه وهيا كاتعضعض في شفيفاتها كاتقول فبالها دابا هدا رااجلي داابا هدا انا ويااه شاركنا لحم والدم وفراش واحد جمعنا بغاات تحمااق من هااد الافكار الجنونية مسكينة الهرمونات لاعبين عليها ديال بصح وخصوصا كاتشوفو كيفاش نااعس كاايبان ليها زوين بلى هواها تاجهت عااندو وهيا طالقة دوك شعورات من ورا ضهرها لي فاايت ترمتها قريب يضربها لركابيها بطول تااجهت عااندو وطلعات حداه على الفراش وهيا كاتشوف فيه وريوكها سايلين عليه نعسات حداه على الفراش وهيا كاتشوفو كيفاش منخشش ف المخاد بحال السبع عقلها كاايقول ليها راه ناعس ا الماس غير قربي ليه زاادت قربات ليه كثر وهيا كااتشوف فيه غمضات عااينيها وزاادت قرباات عاندو حتى خشات وجهها فعنقو وهيا جامعة يديها عندها فاقط كاتشم فريحتو حتى مااحسات غير بدرااعو لي لحهاا على خااصرها وزااد خشااها فيه كثر وحط راسو على صدرها لي نعسة ديال الجردة لي دارتها ليه ماسخااش بيها حمقااتو ومد يديه للفوايوزات وطفا الضوء ...
نوح: ماهضرش معها دار لي داار وعااود غمض عااينيه غاايب ف نعااسو
الماس : بقات غا كتبرقق فعااينيها وهيا كاتحس بيه ناعس ليها على صدرها و واحد اليد خشها تحت تيشورط حاطها على كرشها ومع يديه حرشة بتمارة لي دوزها فروسيا جاابت ليها تبوريشة بقات ساكتة ماادواتش من غير هزات واحد اليد وحطاتها على يديه لي حطها على كرشها بقات شحال هكا حتا ماحسات براسها غير مغمضة عااينيها نااعسة فحضنو او نقولو هوا لي ناعس ف حضنها صغير لي بزز راسو قد على صدرها هه....
🎀..... كااع لي ف الفيلة نعس شي نعااس من تسخسيخا ديال السلخة لي كلها شي نعس من تسخسيخا ديال الحزام وكل واحد وكيفااش🎀
💛اصبحنا واصبح الملك لله 💛
داار امينة لي تعمرات عليها بالناس فرحتها كبيرة بضيوفها لي فوجو عليها وكايتصرفو وكأنا هادي دارهم ناس طايبين وضرافين قالبهم خااوي من الحقد والدغينة لا هوما ولا ولادهم.. هاد صباح لي ناضو معطلين شوية فهاديك 10 اكيد من غير الحاجة لي كاتنوض تصلي الفجر وتبقا فاايقة بال الجنون ... نااضت امينة واسية وعائشة ورحيمو وحتى الحاجة معاهم ف الكوزينة صاوبو الفطور لي كل ما تشاهيتيه كاين حطو كولشي على طاابلة وجلسو هوما بداو فطورهم حتا شافو اميمة وغفران هاابطين فدروج واميمة قالبة شفيفتها ما كتشوفش ف رحيمو لي مخنزرة فيها قالو صباح الخير وجلسو مع طابلة غايفطرو حتا شاافو نوح لي داخل من باب الجردة لابس عليه حوايج الرياضة باينة كان كايجري دخل وشاف فيهم مايقدرش يقرب يسلم عليهم حيت عرقان ...
نوح: بصوت مدعدع برجولة... سلام عليكم
كولشي : وعليكم السلام...
نوح: طلع حاجبو فميمتو... فين هاادوك
امينة: عرفاتو قصد عمران وبلال وامين...والله ياولدي منين رجعنا البارح من السوق ماشفتهم وحتى الحفلة كلها وحسهم مقطوع
نوح: هز راسو بواخا وطلع متااجه جهت بيت عمران هوا الاول دق ف الباب وماجوبو حد فتح باب البيت بجهد لقا فراشو مجموع والبيت خاوي عقد حجبانو... وزاد لبيت بلال حتا هوا خاوي بقاا غادي كايفتح ف بيوت الضيااف حيت مااعرفش بيت امين شكون هوا بضبط حتا فتح واحد البيت وهو يشوف امين وبلال ناعسين على فراش واحد امين نااعس نيشان على الفراش وبلال نااعس تحت رجليه و عمران نااعس على الفوطوي
نوح: شاف فيهم وعقد حواجبو وغااوت عليهم حتا ناضو قافزين... تحاااركو
عمران: نااض قاافز ب الخلعة جاا طاايح ف الارض
اما امين عطا ركلة برجليه ل بلال لي نااعس تحت رجليه حتا تقصح من نيفوو وبقاا كاينين وهو ماخردل بنعس... مال اصلك ازبل مااالك راني نااعس تحتك ازبل ونتا حاو*ني من نيفي ازبل
نوح : قلب ادراجو لبيتو وهو مخنزر مااتعرف اش كايضور ليه فداك الراس فتح باب بيتو وشاف ف الفراش لقااه خااوي
تفكر راسو منين ناض فصبااح ولقى راسو مخشي بين دراعها ونااعس على صدرها بززز صبار راسو باش مايقلش لمها رجليها على صبااح وخصوصا مع الحوايج لي كانت لابسة بقاا غا حل عااينيه فيها ....
وهو هكاك واقف حتا كايشوفها خاارجة من الدوش ولابسة عليها بيجامة بايتيا سروال و الفوقي بينوار طويلة حتا لركبة ولونها. ابيض و فيها فجنب يديها وريدات ف الغوز بجامة ديال العريسات لبسات معها شال ف الغوز وفرجليها بانطوفة ف الغوز جاات كيووت ووزوينة...
نوح : غير شافها مشا جهتها بسرعة مااحس براسو غاا شدها من راسها ولسق شفايفها مع شفايفو داخل معها فقبلة عاانيفة وصبااحية واخا ملي كانت ناعسة شبااع فيها تشلقيم ولكن عمرو يشبااع منهااا
الماس: كاتحس بشفايفو سخاان كاايجرو فشفيفاتها وكاايمص ويجر فيهم ماحسات براسها غا مهزوزة من خاصرها ورجليها ما كيلحقوش الارض بقا غاادي بيها حتا لسقها مع الحيط بجهد وهو مزال كايشلقم فيها....
نوح: الفريز على صباح كايكون زوين وبنسبة ليه هادي هيا الفريزة ديالو وهدا هوا فطورو شفيفاتها ديما كايجدبوه لعندها كاايبغي يبقا غاا ملسق شفايفو مع شفيفاتها غااتحامقو بحلاوتها. مابقاش مقاانعو غير هاادشي وهو يخشي لساانو داخل فمها كاايجر ويمص فريقها عااندو مااكرهش يعض ليها دااك الساان ويجرو عااندو القبلة تقريبا دازت فيها كثر من 5 دقايق قبلة فرانسية عانيفة كاايبوس وهو كااينين بين شفايفها سخانة طلعات معااه ... هممم
الماس: كااتحس بنفس تحبساات فيها طلعات يديها وبقات كاتضرب ليه على صدرو بجهد...
نوح: داايب فيها... اممم
الماس: مزالة كاضرب لا صدرو حيت بصح قهر فيها النفس ....
نوح : حس براسو خنقها و خصوصا كاضرب ليه على صدرو بجهد ما عندهاش سوفل مسكينة حيد شفايفو من شفيفاتها وخيط ريق فاصل بينتهم حط جبهتو على جبهتها وهو كاايسوط وصدرو كايطلع ويهبط شااف فيها كيفاش كااترد النفس بجهد وهيا مغمضة عااينيها ماكرهش يااكولها حيدها من الحيط وهو مزال هزها من خصرها وحطها على الفراش جالسة وزاد.داخل للدوش وقبل ما يدخل شاف فيها... ماتهبطيش حتا نهبطو بزوج وبدلي دوك الحوايج غانخرجو ...
غير قال ليها هكاك وزاد اما هيا بغاات تسخف ولد الهم قطع فيها النفس على صبااح بقات شحال كاترد النفس بجهد وهيا قالبها غاايسكت نااضت من على الفراش وتجهت للمراية شاافت شفيفاتها لي تنفخو وبقاات كاتبرك عليهم بصبعها بجهد برحاش يرجعو كيف كانو زعمة ههه حيت كفما كايبوسها كااينفخهم وكولشي كاايعيق بيها والحشمة لي تحشمات البارح ماتنساش ليها...
حيدات من هاديك المراية وهيا حاطة يديها على شفيفاتها جاتها لبالها خاصها تقلب ليه اش غاايلبس ملي يخرج من الدوش ...
مشات دخلات ل دريسنك لي بابو وحدو و وقفات حدا حوايجو ها الكمبليات والقوامج سراول دجين وديال التوب لي بااغي كاين هنا بقاات كاتشوف فحوايجو وهيا كادوز يديها عليهم عاندو حوايجو غير فلون بيض وكحل وسماريتو وزيتي غير الالوان المغلوقة ستيل ديالو زوين شاافت واحد سروال ديال دجين زرق هو وقاميجة بيضاء هزاتهم وخرجات حطاتهم ليه على سرير ورجعات هيا تلبس عليها حوايج الخروج حيت قال ليها غاانخرجو قلبات ليها كسوة بيضاء طويلة حتا التحت عجباتها وعندها كاب ديال الدجين لبستها عليها بزربة لا يخرج ويشدها فهاد دريسنك لبسات فولار ابيض بحال الكسوة وصبيبط ابيض حتى هوا جات تيتيزة خرجات من دريسنك ديريكت وجلسات على سرير كاتستنا سيد رجال يخرج ....
نوح: دخل ودار دوش خفيف غير يتشلل من العراق غير سلى خرج من الدوش لاوي فوطة على خاصرو شاف فيها لقها جالسة على سرير وكاتفرك فيديها شافها اش لابسة وحك دقنو بصبعو الكبير يالله بغاا يقلب وجهو يدخل للدريسنك وهو يقشع حوايجو لي على الفراش شااف فيها مطلع حاجبو لقها مخرجة عااينيها فصدرو
نوح: شافها كيفاش كاتشوف فيه وهو يغمزها... مالنا
الماس: غير هضر حنات عاينيها منو وناضت واقفة ... و واش بغيتي شيحاجة
نوح: قرب جهت حوايجو كايتحرك بدوك البادر لي هابط عليهم الماء هز حوايجو شااف فيهم برضى وشاف ف الماس... نااقصة شيحاجة لا
الماس: ماشافتش فيه ب الحشمة مشاات ديريكت لدريسنك وهيا خدودها غا يطرطقو من تقازديرتو بقات كاتقلب ف حوايجو بتلفة هما حداها وما شافتهمش شحال وهيا تقلب عاد قشعتهم غير شافتهم عرفات هدا هو حيت عيات ماتشوفهم عليه...هزات واحد كحل وخرجات عاندو وهيا مزيرة عليه يديها حطاتو ليه على الفراش ورجعات ديريكت للدوش قبل مايهضر ولا يقول شيحاجة
نوح: كان كايكتب شي مساج فتليفونو طلع راسو فيها و شافها كيفاش حشمات ورجعات للدوش ومابغاش يزيد يحشمها كثر خلاها معها هيا هاديك وحط تليفون على طابلة حدااه وناض يلبس حوايجو....
لبس عليه كااع اش جاابت ليه جااتو لبسة هيا هااديك لي اول مرة يلبس من إختيار شي حد وهادي مااشي اي حد مرااتو غزاالو غير لبس عليه رش ريحتو رجولية ودار ساعتو فيديه و لبس سبرديلة بيضاء هز تليفونو و دارو فجيبو اما سوارت الوطو مخاليهم عند الكارد موصيه على شي سخرة يحطها ليه ف الوطو ...
غير اللبس شاف فدوش ومشا جيهتو ماادق فيه ماااوالو حل الباب بجهد لي غير حلو وهوا يحل عااينيه مخرجهم ف الماس لي حتاا هيا تصدماات وزيرات على فمهاا بجهد
نوح: شااف فيها وشاف ف فمها لي عاامر ب العكر وفيديها لي فيه العكر سرطح باب داك الدوش بجهد حتا قفزاات ومشى مقرب عااندها كفما يقرب هوا تبعد هيا حتى زيرها مع الحيط وقال وهو مخنزر... شنو هااادشي...
الماس: مااقدراش تحل فمها حيت عاامر ب العكر لي كلاتو...
نوح: مخنزر فيها يحزاب ليه غير عكراات مافراسوش بلي الهبيلة كاتكل العكر... هضر ي اش هداا يحسااب لمووك غااتخرجي من وراا اصلي بهااد الفم هاااا دوي
الماس: بقات كااتبلع ريقها عاارفة الى حتاا مشا وعرفها كاتاكول هادشي ينطحها بقات غا كتهز راسها بلا
نوح: ضرب يديه مع الحيط فوق رااسها معصب ... جاااوبي
الماس: بقات ساكتة... نوح هاابط عااينيه لداك العكر لي فيديها لقااه خااوي طلع عااينيه فيها و عقد حجباانو مخنزر وهو مركز عااينيه فشفايفها لي العكار غير فجنااب فمها حرك راسو بواحد الطريقة غريبة وكااتخلاع وقوص راسو بجهد عااندها وقال مابين سناانو مغزز عليهم ... يااويلك ويكون داااكشي لي كاانفكر فيه بصح
الماس: خلعها بعااينيه وكيفاش دار براسو زاادت تلسقات ف الحيط ماكرهاتش تخرج من الحيط بالخلعة وهيا هكااك مااحسات غير براسها مهزوزة من خصرها وخدااها عند هااديك المراية وكلسها على المجر ديالها وتخشا هوا بين فخدها وحط يديه على فكها ويد من ورا راسها كاايفتح ليها في فمها
نوح: عصبااتو الى ماكنتش دايرة شي زبلة كون فتحاتو من الاول اكدات ليه دااكشي لي فرااسو ولي فكر فيه انه إحتمال تكون كاتكل داكشي لي لقااه عندها مااحس براسو غير زير ليها على فكهاا بجهد حتا تفتح فمهاا وخرج لسانها كاااع غير شااف اش في فمهااا بغااا يتسطى خرج عااينيه فيهااا... ل لمووووك اااش هااااد القلا*ي اااااش
الماس: قصحها في فمهاا بزاااف كاتحس بصباعو دخلو فحناكها ولكن خلعها منين غاااوت عليها.... هئ هئ هئ
نوح: كاايشوف زوج طروفة ديال العكر داخل فمهاا والنص فيه مدغااتو وماشي بعيد تكون سرطات داكشي..غااااوت عليها بجهد وهو مزال شد ليها على فمهااا... مكلخة لموووك مكلخة
نوح: ماافكرش زوج مراات خشااا صبعووو في فمهاا بزز کاايخرج ليها دااكشي من فمها بحال الولاد صغار منين كاتوحل ليهم شيحااجة حيد ليها دوك الطروفة الكبار وشي لاخور كايبان ليه تاقريبان ف حلقها طلق ليها من فمها ترد النفس وهيا كاتبكي و نزلها من حدا المراية وهو مزال هزها خدها حتى لصااش عاااود شد ليها فمها وهو زاااعف وخشاا صبعو ف فمها حتااا لحلقها حتا خرجة الماس عااينيها غااترد غير شاافها بغاات ترد وهو يحيد يديه ورجع ليها فما على لصاش
الماس: كاتحس بمصرنها غاايخرجو ردات كاااع العكر لي كلات هااد صباح كااع لي شااط ليها من البارح كلاتهم اليوم كلهم ملي ناضت كلات واحد ودابا كلات زوج ولكن مضغات فيهم غير شوية بقات كااترد غا الحمورة على فمها ونوح فوق راسها شدها من كتاافها ومخرج عااينيه ف اش كاترد ويغزز شفاايفو عليها
نوح: شافها ماابقااتش كااترد وهو يهز شيتة ديال سنان ديالها دار فيه معجون الاسنان وهزها من كتاافها من على لصااش وزيرها مع الحيط تااني شد ليها فكها وخشاا شيتة ديال سنان في فمهاا كايحك ليها سنانها وهو غاا مخنزر فيها كاايحك ليها وهيا كااتبكي دموعها طايحين مصارنها خرجو منين كانت كاترد وحتاا فمها كايضرها بغات تطلع يديها تحطها على يديه تحيدها ليه وهوا يقوص على يديها براسو وشدها بسناانو من جنب حيت يديه بزوج مشغولين واحدة شاد بيها فكها و واحدة كايحك بيها سنانها شااف فيها مخنزر وزير ليها على يديها بين سناانو حتا قصحها وطلقتها بغاااوتاا حتا حيد ليها شيتة ديال سنان من فمهاا وخنزر فيها
طلق ليها من يديها لي بين فمو حتى هبطتها بسرعة كااتحكها فجنابها شدها مخزز وقربها عند روبيني وقوص ليها راسها عند روبيني.... غسلي زبل
نوح: قرب عندها حتى لسق تبو مع طرمتها حيت هيا مقوصة على روبيني و حط يديه تحت روبيني كاتعمر ب الماء غير عمرها وهو يرشها ليها فكمارتها حتا شهقات
الماس: هيييه هئ هئ م ماما هئ هئ
نوح: سااكت ومخنزر مااكيهضرش... بقا كيعمر يديه ب الماء ويرش ليها فوجهها كايغسل ليها فمهاا من صاابون ومع الماء باارد بغاات تسخااف ليه تمااك ...
الماس : الماء باارد كاتحس بيه خنقها مااحسات براسها غاا هزاات يديها وحطتها على يديه لي كاايعمر بيها المااء وحتات عليها بعضة كااتبرد فيهااا غدااايدهاا... اععععععهئهئههئ امم
نوح: هااديك العضة ماادارت ليه والو حيد يديه من بين سنانها حتا حسات بسنانها غاايتقلعو ليها ب حر الجرة لي جرها شدها من يديها بجهد وضورها عااندو ومد يديه شدها من رقبتها من اللور مقربهااا عااندو بجهد وخرج عااينيه فيها كااايغوت ويزير على الحروف من بين سناانو.... باااااغة تحمقي زااااام* بويااااا ولااا مااال جدددك
الماس: هزات راسها ف عنقو ب لا... هئ لا و هئ والله غير هئ غير تشااهيتو هئ م هئ مااعرفتشي كيفاش هئ حتا لقيت راسي هئ كليتو
نوح: حيدها من عنقو وشااف فيها... منين جبتي هااد الخراا...
الماس: هئ ا اميمة
نوح : صغر عااينيه فيها... هيا لي عطاتهم ليك
الماس: شهقة كاتطلع ليها وتهبط ماعرفة راسها اش كاتقول من غير قالت اه...
نوح : خرج عااينيه فيها... جبدي الزبل
الماس: عرفاتو قصد العكر...ضارت ومشات جهت المجر فتحاتو وجبدات ثلاثة منهم و واحد مليوح ف الارض تحنات عليه وهزاتو...
نوح: شدها من يديها وهيا هكااك كااتشهق ودموعها هاابطين جارها وزاد خارج من الدوش وخرج حتا من البيت هبط فدروج لي غير وصل ليه تقل مشيتو على قبلها غير هبط مشاا تجه وااحد الصالة كبيرة عااصرية كاطل على الجردة ولابسين فيها صالة مونجي كبيرة كولشي مجموع عليها كايفطر حتى الحلاقم لي ملي هبطو وهوما خاشين ريوسهم ف القب وطرابش ماكيهزوش العين غير هبط مشا جهتهم وشااف فيهم لي هوماا غير شاافوه وشاافو حالة الماس كيفاش شفايفها منفوخين وحمرين غاايطرطقو و حوايجها من العنق فاازكين وحتا هوا قاميجتو فاازكة وبااينة فيه معصب بقااو غااكيشوفو فيهم وخصوصا ف الماس لي كا تبكي
نوح: شاف ف الماس مخنزر... اري زبل
الماس: ماهزاتش راسها فيهم عطااتو داكشي
نوح: شدو بين يديه وشااف ف اميمة لي مخرجة عااينيها ف شفايف الماس...لاح داكشي على طابلة ديال الفطور حداا اميمة وقال مخنزر... جمعي زبلك معااااك ولا المرة جاية نوكلو ليك
غير قال هكاك جر الماس وزااد خاارج
الحاجة :لي شاافت دموع الماس... اوااعدي مال بنتي كاتبكي
عائشة : شافت ف الحاجة... داكشي بيناتهم الحاجة نتي ماعندك دخل فيهم
الحاجة : سكتات وماهضراتش وهيا قالبها كاياكولها على بنت بنتها
امينة: بقاات غااا كتشوف وشاافت ف الحاجة... هاديك مراتو الحاجة يسرطها ومايمضغهاش حسن ليا وليك ماندخلوش بينتهم...
الحاجة : ضربات الطم
اميمة: لي مافهمات والو و مخرجة عااينيها ف عكوراتها كااتقول هاادو ديالي ولا غير جااب ليا الله بحاالة مصدومة...
غفران: شافت فداكشي... هادو ديالك ياك
اميمة : مدات يديها ليهم كاتتأكد... احااا والله هيلا يا ديالي
عمران: شااف فيها وهو مخاابي نص وجهو ب القب وحط يديه على فمو... مايبقاش فيك الحال دابا نعااودو نشريوهم
اميمة: شاافت فيه وهيا كاتنخصص... هئ ب هئ بصح
عمران:غمزها وقال... والله معاك بصح غير مسحي دموعك قبل ما نمسح المغرب من الخريطة
امين وبلال وغفران لي فهمو اش قال وخارجو عااينيهم فيه اما شي لاخور بالهم غير مع الماس ....
اميمة: خرجات عااينها فيه وبدات كاتسكت من البكاء وهيا كاتشوف ف عمران بحشمة وفنفس الوقت بإستغراب حيت ماحيدش القب من راسو وماشي غير هو حتى امين وبلال...يالله بغات تسولهم وهيا تسبقها امينة امينة: بإستغراب وهيا كاتشوف فيهم... مالكم على هاااد الحالة اولادي ههه
امين : جاورها.. و والو اخالتي غير ضاربنا البرد
رحيمو: مطلعة حاجبها... اسبحان الله كلكم ضاربكم البرد
بلال:بدون تفكير... اه حيت دوشنا مجموعين
عمران: خرج عااينيه..😳😳😳
اميمة: شافت ف عمران لي كاايقول ليها بعااينيه لا ماشي بصح
غفران: شافت ف بلال لي حتى سطم ليه امين على رجليه عااد عرف راسو اش قال وهيا تقول ليه غفران بطنز .... قولي نتا منهم
بلال: بغاا يجااوبها ولكن حشم شااف العياالات خاارجين للجردة قال حتا يخرجو ونعطيها جوابها...
اما امينة وعائشة واسية ورحيمو وحتا الحاجة هزو كيسانهم ديال القهوة وناضو خارجين للجردة لي امينة كاتحاول تتاصل بنووح تعرف واش بصح كلات هااداكشي اما الحاجة غاا كاضرب ف فخدها وضور فهااديك الجردة بحال الحمقة وهيا كاتفكر حالة الماس كي كانت وتقول... يالمصعور جاااوب ميمتك نعرف غا خبار بنتي بعدااا....
اميمة: دخل ليها الشك فيهم وخصوصا ف امين لي ما مولفاش ليه يلبس هاد ستيل وخصوصا الجو سخون وهو لابس القب والطربوش نااضت بشوية مخاليهم كايفطرو و وقفات من ورا امين لي ملهي كايفطر حطات يديها على القب غير بالحس وهيا تحايدو ليه بجهد فدقة هوا وطربوش حتا خرجاات عااينيها وقالت بصدمة.... اوااااااعدي قرااعتي
امين : خرج عااينيه ونااض واقف... وااالقلا*ي
عمران: شاف فيه وجاب ليه الضحك... هههه
غفران: بغاات تموت بضحك... هاااااويلي على خميس ولد حديدان هههه
اميمة: كااتشوف ليه فرااسو بصدمة... م مالك على حالتك
امين: شاف فيها... عجبني هاد اللوك وبغيت نجربو
بلال: بغا يخرا بضحك...
امين : شاف فغفران.. كيف جااني
غفران: يالله بغاات تجاوبو وهوا ينقز بلال...
بلال: كي الخاصية 😂😂
امين : خنزر فيه ديها سوق راسك ولا غاانفرش خويا
بلال: ضرب الطم
عمران: بغا يموت بضحك... ههههه
اميمة : شافت ف فم عمران لي باقي منفوخ شوية... م مال فمك
عمران: طلع راسو فيها.. و والو غير عاندي الحساسية من الحاار والبارح كليت منو بلى مانحس بيه ف المكلى
اميمة: جلسات حدا عمران وهيا رادة البال مع رحيمو لا تدخل... ماتبقاشي تلعب هادشي شوف وجهك كيف ولا
عمران : شااف فيها وغمزها... خاايفة عليا
اميمة : حناات عااينيها بحشمة... هممم
عمران: شافها اش لابسة وقرب عندها كثر وشد ليها فيديها بين يديه ما مسوقش لهاادوك... صباح الفرماج كيري يالي معذبة تفكيري 😉
اميمة: كاتحيد يديها من بين يديه... اوااعدي حشم شوف دراري وغفران كايشوفو فينا
عمران: زير ليها على يديها... حسبيهم ما كينينش عراافتي انا ا اميمة قررت ندير عملية زرع قلب جهة يمين حيت قلب واحد كعما كافي لحبي ليك
امين: شاف ف بلال لي مخرج عااينيه ف عمران... تشاا ورق ليا على العنب
عمران: قرب عندها كثر وما مسوقش لهادوك ... شي بوسة من فمك بلا خباار مك
اميمة: بعدات منو بااغة تجر يديها من يديه وهو مكنزز على يديها بجهد. وهيا خايفة تقشعهم رحيمو وتعطيها شي سلخة كثر من البارح ... اويلي اعمران دير عقلك
عمران: كانواعدك احبيبة غاتكوني مرتاحة معايا
بلال: شاف فيه مخرج عااينيه... واخا عليك ابونج لبصمة
عمران: مزال كايتعنب على اميمة مامسوقش لهادوك... احح ياليتني كنت فأرا لأحفر فبيتكم غاار لأراك ليلا ونهاارا
(اميمة غااتموت بالحشمة)
غفران: لي كااتشوف فيهم وتشوف ف بلال بصدمة
امين: خسر صيفتو فيه وقرب عند بلال لي حداه وقال... اقحب ولد القح*ة هو هداك لي كتحزاق حداه صاحبتو او كا يكولها منين جات ريحت لخزامة (شاف فعمران)وهاد الزا*ل من داك النوع
نوح لي غير خرج جر الماس جهت طنوبيلتو لقا الكارد حال الباب ديال الوطو وماكينش ركبها بزعف ودار ليها السمطة وسد عليها الباب بزعاف ورجع حتا هوا لبلاصتو مخنزر وركب دار سمطة وخدم الكونطاك وهوا معصب وزاد محرك طاااير ماااكيشوفش فيها كايسمعها غا تخانصيصها بقاا شحال صاايك كاايطير ف الطريق حتى دخل للمدينة صاك مسافة ديال طريق حتا وقف حدا واحد الكلينك واقف الوطو وضار شااف فيها مخنزر ما كيهضرش...
الماس: كانت غا كتشوف فطريق والشهقة مرة مرا كاتطلع ليها شاافت فيه وهيا حناكها مزنكين ونيفها هكاك ولكن فمهاا لي حمررر بزااف بكثرة ماا قصحها فيه غير مانعرف كيفاش ماجرحهاش فيهم
نوح: بقا شحال كاايشوف فيها حتا نزل من الوطو وسرطح الباب بجهد وضار جهتها فتح عليها الباب وحيد ليها السمطة شد ليها فديها وخرجها سرطاح باب الوطو بجهد وزاد داخل الكلينك لي فيه عدات فروع زاد وهوا شااد فيها وصل لعند هاديك الفرملية لي كاتستقبل المرضى
جنون نوح الجزء 30
محتوى القصة
التنقل بين الأجزاء