العميل الصهيوني والجاسوسة المغربية الجزء 17

2021

محتوى القصة

رواية الجاسوسة المغربية والعميل صهيوني

قرب مالك لودنين ريماس و همس الشيئ لي زاد الطين بلة عند ارسلان
مالك : ( بهمس ) خاصك تبوسي ليه يديه .. هاكا كايدير كلشي
سي أصلان : ( بحقد ) من زهرك حنا محرمين يسيل الدم وسط العائلة كون ماكانش هادشي كنت غانخليك الكافرة تموتي نتي و خوتك بدون دفن ... شافت ريماس بغضب فأرسلان زعما هادشي علاش معيط لي غير باش يذلني جدك
أرسلان : ( ببرود ) القرار اللول و الاخير كايبقا ليك
سي أصلان : ( قلب وجهو للجهة لاخرا ) كلشي بسبب داك الغدار لي مخلينا ندخلو بحال هاد النوع للعائلة
"Flash Back"
أرسلان : هاد الهضرة ماشي هادي بلاصتها
سي أصلان : يعني الموضوع خطير حتى لهاد الدرجة؟؟
أرسلان : الموضوع كايخص العائلة
سي أصلان : نمشيو للمكتب و نهضرو تما ... خلاو الحفلة و توجهو لمكتبو

⇦ بعد دقائق

سي أصلان : اش واقع؟؟
أرسلان : ها نتا و غاتعرف اش واقع .. برونشا طيلي مع البيسي و بقا كايقلب لمدة ثواني عاد قلب البيسي لجهة أصلان
سي أصلان : شنو هادشي؟
أرسلان : تفرج ... كان فيه فيديو ديال إليان كايتوعد لأرسلان بلي غايندمو و فنفس الوقت فهضرتو كانت حتى سيرة ريماس .. ايلا عقلتو فاش كانت شيرا كاتهضر مع إليان و قالت ليه هي مادارت والو
سي أصلان : شنو كايقصدو بهاد الهضرة؟؟؟؟؟ و اش دخل ديك الجاسوسة فهادشي؟؟؟؟؟
أرسلان : شوف الفيديو الثاني ... قلب الفيديو الثاني كان فيه إليان و شيرا كايتافقو باش يوقعو أرسلان فالمشاكل مع جدو
إليان : ضروري خصنا نخلقو عداوة بينو و بين جدي باش تسهال علينا المأمورية
شيرا : ولكن كيفاش؟؟
إليان : انا غا نتكلف باش نحط لو منشطات جنسية فالقهوة لي كايشربها و نتي ستدرجي ديك الجاسوسة لبيتك باش فاش يجي غا يمارس معاها و انا غا نفيلمي اش غايوقع
شيرا : ولكن هادشي ماغادي ينفعنا فوالو
إليان : لا غادي ينفعنا باش فاش يجي جدي نوريوه الفيديو و هاكا غادي يطيح من عينو حيت نجس القصر مع مسلمة
شيرا : ولكن ايلا عاقو بينا
إليان : ماتخافيش ماغايعيقوش بينا بالعكس هدا هو الحل لي بقا لينا ... خاصنا نحيدو ارسلان من الطريق ... بالطبع هاد الفيديو كان مفبرك بطريقة ماكاتخليش بنادم يشك بلي الفيديو مزور ... هز اصلان عينيه من الفيديو و هو مصدوم فالأفكار الشيطانية لي فكر فيها واحد من حفايدو بدون مايفكر فقواعد القصر
سي أصلان : و اش وقع؟؟؟؟؟؟
أرسلان : ( ببرود ) وقع لي وقع
سي أصلان : نعستي معاها؟؟؟؟؟
أرسلان : ماكنتش فوعيي ا جدي ... ضرب اصلان داك البيسي حتى لصقو مع الحيط
سي أصلان : و ايمتا وصلك الفيديو ايمتا؟؟؟؟؟
أرسلان : مؤخرا
سي أصلان : ( بعصبية ) غاااادي نقتلهم هاد الغداااريييين كيفاش قدرو يغدرو بالعائلة كاملة؟؟؟؟؟
أرسلان : كاين خبار اخر ا جدي
سي أصلان : ( حط يديه على راسو ) شنو كاين؟؟؟؟
أرسلان : ريماس حاملة مني .. هنا كانت اول مرة يكدب فيها أرسلان على جدو او بالاحرى هدا اول نهار يكدب فيه على جدو من ناحية كلشيي ... بقا اصلان كايشوف فيه بصدمة غير مستوعب هاد الصدمات المتتالية لي نزلات عليه اليوم وحدة من مور وحدة بقا ساكت حتى خلا ارسلان يتشوش عليه
سي أصلان : ( فقد اعصابو ) مايمكنش هااادشي مااايمكنششش .. غبت شهررر واحد جيت لقيت هادشي كااامل وقع
أرسلان : جدي تهدن
سي أصلان : غااااانقتلهم كلللهم ... الكلاااااب الغداااارين كيفاش قدرو يديروها كيفاش مافكروش بنظااافة القصر .. مازادش هضر مع جدو عارف الكراكطير ديالو و فبحال هاد الحالات لي كايتعصب فيها كايخصو يخليه حتى يتهدن راسو و يهضر .. دازت ربع ساعة ديال الصمت عاد هضر
سي أصلان : اش غانديرو فهادشي؟؟؟؟؟ اشمن حللل اش غانديرو فهاد العااار غانقتلهم لا هما لا هي .. رجع ارسلان راسو اللور و هضر بهدوء
أرسلان : ايلا خالفو هما القواعد حنا ماغانخالفوهمش
سي أصلان : اش غانديرو؟؟؟؟
أرسلان : ( بهدوء ) اول قاعدة عندنا كتبتيها نتا ا جدي .. محرم علينا يسيل الدم فالعائلة بمعنى القتل ماشي هو الحل
سي أصلان : ولكن ديك الكااافرة غاتموت حيت ماشي منا
أرسلان : الولد لي فكرشها منا ...


أرسلان : ( ببرود ) ولدها منا و انا مانقدرش نقتل ولدي
سي أصلان : اش هاد الموصيبة لي طاحت علينا كيفاش حتى وقع هادشي .. نتا متأكد الكافرة حاملة؟؟؟؟
أرسلان : طلعو عندها الدكاترة دارو لها التحاليل
سي أصلان : الدكاترة ديالنا؟؟؟
أرسلان : وي ديالنا .. مد ليه التحاليل باش يشوفهم دغيا شدهم من عندو باش يتأكد لقاها فعلا حاملة لاح دوك الوراق ولا كايحس بسكتة قلبية جاياه فالطريق حيت عارف الاطباء لي عندهم فالقصر ماكايغلطوش فبحال هاد الامور ولكن لي ماعارفش هو انه ايلا كانو من تحت التهديد ديال ارسلان لي عارفينو قريب غايشد امبراطورية روتشيلد فأكيد غادي يزورو و يفوتو التزوير لهيه
سي أصلان : خاصنا نلقاو لها حل ضروري قبل مايتعرف هادشي عند كلشي
أرسلان : عرفت
سي أصلان : ( بإنفعال ) لا ماعارفش ... واش عااارف ايلا عرفو حلفائنا بلي أول حفيد للخليفة ديالي و لي غاياخد بلاصتي .. غايكون ولد الحرام؟؟؟؟ ولد مسلمة .. غادي نتشوووهو و غاتشوه السلالة ديالنا و العائلة ديالنا
أرسلان : و احتمال كبير يولي الشك فأفراد العائلة واش دمهم صهيوني ولا جايين من علاقات غير شرعية
سي أصلان : لا لا لا هادشي خاصو الحل ولا غانتفضحو قدام كلشي
أرسلان : الحل لي غاتعطيه انا قابل عليه
سي أصلان : ( مغزف ) خليني نشوف هاد الكافرة عاد نعرف اش خاص يكون
أرسلان : غانعيط عليهم يوجدوها
سي أصلان : باقي عندك شي حاجة؟؟
أرسلان : باقي عندي موضوع اخر
سي أصلان : ايلا كان شي موضوع كتر من هدا خليه حتى لغدا
أرسلان : تقريبا راك عارفو
سي أصلان : داخل فيه داك الغدار عاوتاني ياك؟؟؟؟ ... هز طيلي ديالو و جبد واحد الفيديو وراه لأصلان ... كانو باينين فيه شيرا و إليان فالجردة متقربين بزاف لبعضياتهم .. عقلتو على داك النهار ياك؟؟ ايوا ها هو جبدو دابا .. عاود وراه فيديو كانت فيه شيرا ناعسة مع إليان و بيان سيغ كان مفبرك حيت كون كان بصح كان غايقتلهم بجوج ماشي حبا فيها مي هو ماشي ديوث باش يلقا مراتو ناعسة مع راجل اخر و يخليها دوز على خير سواء كان كايبغيها ولا لا .. من مور ماوراه الفيديوات و تصاور لي خدا لهم ولا السيد كايترعد غير بوحدو ماكانش متوقع بلي غادي يكونو وصلو لهاد المراحل من الخيانة حتى عطاه الما عاد بدا كايتهدن .. بدا كايشوف اصلان فأرسلان بنظرات بحالا كايلوم فيها راسو حيت هو لي رغمو باش يتزوج بيها و فاللخر خرجات لهم من الجنب و غدراتو مع ولد عمو
سي أصلان : مابقيتش عارف اش غانقول
أرسلان : ( ببرود ) غانطلقها
سي أصلان : عاطيك الحق تطلقها ( دفل فالارض ) مرمدات لينا وجهنا فالتراااب
أرسلان : لي وقع وقع
سي أصلان : سمعني ا ولدي مقدر هادشي لي درتي و مقدر انك حتارمتي القوانين و ماقتلتيهمش بجوج فاش وصلك الفيديو كانواعدك غير طلق منها غانزوجك بوحدة من بنات عمامك تنسيك فيها
أرسلان : لا
سي أصلان : لا؟؟؟
أرسلان : ماغاطيحش فنفس المشكل مرة خرا .. فاللول درت داكشي لي طلبتي مني بدون اعتراض ولكن المرة الجاية ايلا وقع لي نفس المشكل ماغانضمنش لك راسي .. بقا ساكت اصلان مدة عاد جاوب
سي أصلان : من حقك.
ايوا و هادي هي الخطة لي كانت عند ارسلان باش يتفك من شيرا و يكون فهاد اللعبة هو المظلوم و هو لي تغدر باش يبقا محافض على صورتو عند العائلة و فنفس الوقت يضمن باش مايزوجوش جدو بلي ماغايزوجوش لوحدة من العائلة .. طريقتو كانت هي يستفز إليان بشيرا باش يخليه هو لي يعتارف بلي كايبغيها و هادشي علاش ارسلان كان كايبات عند شيرا لمدة 2 سيمانات باش يزيد يخلي إليان يغير و يتزير و يعتارف .. يعني تفك من شيرا و تفك من بنات طريكتو بلا مايحتاج يخصر الخاطر لجدو
"End Of The Flach Back"
مالك : ( بهمس ) ريماس اش كاتسناي ...

ريماس : ( كارزة على سنانها ) أرسلان غايشوفنا شي حد
أرسلان : واش هضرت معاك ولا لا؟!
ريماس : ( بعصبية ) هضرتي وي هضرتي معايا .. واش غاتتحكم ليا حتى فشعري؟؟؟؟ ياك نتا لي كنتي قطعتيه ليا؟؟؟ علاش دابا باغيني نجمعو؟؟؟ ... لوا شعرها على يديه و قربها لعندو فيكسا عينيه فعينيها و هضر بنبرة غضب
أرسلان : عجبك الحال هاد العشية ياك؟! هضرتي زايدة ناقصة عندك
ريماس : ايي طلق من شعري طلق منيي الله يعطيك الهر.. ... قبل ماتكملها سكتها بتصرفيقة
أرسلان : ( بغضب ) قطعي حسك .. يد شادة بيها يديه لي شاد لها بيها شعرها و اليد الثانية هزاتها كاتتحسس التصرفيقة هادي ثاني تصرفيقة ديك اللولة و ما سرطاتها غير بزز و دابا زادها الثانية .. تعصبات و بدات كادفع فيه بيديها و كاضربو برجليها
ريماس : ( بالغوات ) الله يلعنك الحيواااااان طلق مني نورييك طلق يعطيك الهرس لليدين غاااااانقتلك و نتهنااااااااا منك وا بعععد منييييي عطيني التيساااع .. بقات ضرب فيه برجليها و بيديها و غواتها كايتسمع حتى للجردة مانفع معاه لا ضرب لا ركل هزات يديها بجوج و خشات ضفرانها فعنقو هبطاتو ليه و مع ذلك ماطلقش كايشوف فيها بشوفات ديال القتيلة .. مع طلق منها بغات تهرب ولكن شدها قبل ماديرها ... جرها من مؤخرة راسها باش زاد لصقها معاه و نقض على شفايفها بقبلة عنيفة حتى وقفاتو فاش سدات فمها
أرسلان : ( ببرود ) حلي فمك
ريماس : ( سادة فمها ) الصمت
أرسلان : ماتنيرڤينيش
ريماس : الصمت ... هز يديه لحناكها و حل لها فمها بزز .. هزات يديها و دارتهم على فمها
أرسلان : باغا تلعبي معايا دابا؟!
ريماس : حيواااان مصرفقني و باقي جاي لعندي
أرسلان : ( ببرود ) غا ناخدها بغيتي ولا كرهتي ... هز يديه باش يحيد لها يديها على فمها زادت حطات حتى يديها الثانية على فمها
ريماس : ( بنظرة تحدي ) ايلا قدرتي ديرها ... بقا كايحيد لها يديها و كاترجعهم بالزربة هو كايحيدهم و هي كاترجعهم حتى جمعهم لها دقة وحدة بيديه و هز اليد التانية .. نقض على شنايفها بقا كايبوس و يعض حتى فلح لها شنايفها ... تشعل الضو و دخل سي ايتان و اسوار و اديرة لقاوهم على ديك الحالة ... أسوار بقا مصدوم فبلاصتو تمسحات الابتسامة من وجهو فاش شافهم اما اديرة حشمات و قلبات وجهها بقا غير سي ايتان لي كايشوف فيهم بصدمة .. قلب وجهو للجهة لاخرا و نطق بعصبية
سي إيتان : بغيتو ديرو شي حاجة عطا الله البيوت .. غير سمعات صوتو حلات عينيها و تمنات الارض تنشق و تسرطها اخيب موقف .. ما بعد عليها حتى حس بطعم الدم دايز .. ضورها و عنقها من كرشها قابلها معاهم عاد جاوب باه
أرسلان : ( ببرود ) لقيت راحتي هنا ... خرج من تما سي ايتان و هو ساخط بدون مايجاوب
أسوار : ( بقلب محطم ) ريماس؟ .. بقا هو كايشوف فشنايفها لي كان سايل منهم شوية ديال الدم بينما هي كانت كاتحاول تتفك من يدين أرسلان
ريماس : اسوار راه ايي .. زير عليها كتر
أرسلان : شنو قلت لك على سمية رجال؟!
ريماس : طلق مني الله ياخد فيك الحق واش حالف حتى تشوهنيي
أسوار : طلق من ريماس ماباغاكش تشدها
أرسلان : خلي هاد المرة تكون هي اخر مرة تتدخل فيها بيني و بين مراتي حيت المرة الجاية لي غاديرها ماغانقتلكش ولكن غانكون حريص باش سميتك تكون من ضمن قائمة المعاقين
اسوار : كيفاش مراتك؟؟؟؟ علاش كادير معايا هادشي؟؟؟؟؟ علاش باغي تبعدها عليا؟؟؟؟؟
أرسلان : هي من الأصل ماكانتش ديالك
أسوار : ( بعصبية ) انا اللول لي بغيتها
أرسلان : ( ببرود ) بغيتي حاجة ماشي ديالك؟!
أسوار : واش غاتبقا لاصقها؟؟؟؟ راها ماكاتحملكشش عطيها فين تتنفس
أرسلان : ماشي ديوث بحالك ا خويا العزيز
أسوار : أرسلااان ... مالحقش يشوف ايمتا جبد ارسلان الفردي حتى كانت القرطاسة غاتجي فرجليه .. الشيئ لي خلا اديرة تغمض عينيها بالخلعة على ولدها
أرسلان : مازكلتهاش .. هداك كان مجرد تحذير لا غير
ريماس : أرسلان ب..
أرسلان : ششششش
أسوار : ماغانخليهاش ليك عقل على هضرتي
أرسلان : ( بإبتسامة جانبية ) تشجع و طلع لعندها
أديرة : ولدي ارسلان راه حشو..
أرسلان : ( بنظرات باردة ) الرجال فاش يكونو كايهضرو نتي سكتي
ريماس : ( بعصبية ) راه مك هاديك كيفاش كاتهضر معاها بهاد الطريقة؟؟؟؟؟
أرسلان : ماسمعتينيش واقيلا؟
ريماس : سمعت و ماغانسكتش هدا راااه القمع بعينيه .. جرها من يديها و مشا من تما ...

أديرة : ولدي ... ماجاوبهاش و مشا من تما .. زادت حقدات على ريماس ولكن حقدها ماعندو فاش ينفعها حيت الأراء ممنوع تعطيهم لرجال العائلة حيت بكل بساطة المرا عندهم صالحة غير باش يكبرو العائلة
♔ طلعو للفوق ولكن هاد المرة دخلو للجناح ديالو دخلها و سد الباب بالساروت .. بقات واقفة فبلاصتها بينما هو دخل للداخل .. حيد الفيستا لاحها
ريماس : بغيت نرتاح
أرسلان : شديتك!!
ريماس : علاش سديتي الباب؟؟؟؟
أرسلان : نتي لي مامنعتينيش
ريماس : نتا لي جبتيني لهنا بزز
أرسلان : كنتي قادرة تخدمي دماغك و تمشي لبيتك قبل مادخلي
ريماس : ( بإنفعال ) و شكون لي جرني من يدي؟؟؟
أرسلان : ( بنظرة مكر ) موالف نشوفك اقوى من هاكا ... كنتي قادرة ديري ردة فعل كيف موالفا .. هاد المرة نتي لي دخلتي برجليك ... تعصبات حيت فعلا مادارتش ردة فعل قوية كيفما العادة بل هاد المرة دخلات بخاطرها كلشي من هاد المشاعر كلشي من هاد القلب كلشي من هاد الافكار لي ستحوذو لها على عقلها نفضات دوك الافكار و أصرت تقلب عليه القفة بلي هو لي دخلها
ريماس : حل الباب بغيت نخرج
أرسلان : من اللول مادخليش
ريماس : ( بإنفعال ) نتا لي ضغطتي عليا ماشي انا لي جيت
أرسلان : نتي بنت صغيرة باش غانضغط عليك؟!
ريماس : ياك موالف كاديرها؟؟؟؟
أرسلان : اجي
ريماس : فأحلامك
أرسلان : نتي تعرفي ... حيد القاميجة بقا بصدرو عريان و مشا تلاح فوق الناموسية و غمض عينيه .. زفرات بعصبية و دخلات للداخل بقات كادور فالجناح فاللخر مشات للبالكون كاطل منو .. كان كايطل على الجردة لي فيها الحفل .. كاتشوف بنادم باقي مفوج و هي عاوتاني محبوسة .. ضرها الطالون و حيداتو .. عاودات رجعات كاطل على الحاضرين و ساهية كاتفكر فهادشي لي بينها و بين ارسلان لي ماعندو حتى سمية مرة يهرسها و مرة يداويها مرة يصرفقها و مرة يبوسها تفكرات ديك التصرفيقة و دفلات فالارض ساخطة .. رجعات كاتطل و تفكيرها فحاجة وحدة " خاص الحل لهاد الأحاسيس " ... هي عارفة بلي مايمكنش تبغي واحد ماشي من دينها ماشي حتى بدات تصلح علاقتها مع لي خلقها عاد تنوض دير وحدة من الكبائر اكبررر ذنب عمرها تخيلات فحياااتها بلي غادي يجي نهار و تكن لأرسلان احاسيس .. عمرها فكرات بلي غايجي نهار و غايكونو عندها مشاعر من جهة واحد ماشي من دينها و الاهم صهيووني .. مشا بالها للقبلة ديال قبيلا .. ساهية و ماملاحظاش بلي عينيها كايشوفو فواحد من الحضور لي حتى هو هز عينيه و فاش شافها كاتشوف فيه مابقاش حيد عينيه عليها و هو من الاصل فاش شافها فالحفل مابقاش حيد عينيه عليها
ريماس : ( بتأفأف ) رجعتيي عاوتاااني
أرسلان : ( مغمض عينيه ) ششششش ... دخلات و مشات لجهة الفوطويات جلسات بقات كادور عينيها لعل و عسى تلقا ضي حاحة تلف بيها الوقت مجلة ولا اي حاجة مي ما كان تما حتى حاجة من غير كتب بالعبرية .. تكات فوق داك الفوطوي و رجعات للصراع الداخلي .. كاتحاول تفهم نوع الاحاسيس لي ولاو عندها من جهة أرسلان و نافية على انهم حب .. و فحالة كان حب اش خاص دير؟؟؟ مايمكنش تخليه يكمل حيت ببساطة حرااام .. تفكرات الحرام و تفكرات القبلة ديال قبيلا جاتها الضحكة على راسها .. الحب حرام و باش يقنتها هاديك حلال .. بقات كاتلعب بزغبات شعرها و كادور هادشي فراسها غير ملاحظة بلي تفكيرها ولا غير على أرسلان .. بدات كاتديها عينيها شوية بشوية حتى نعسات .. دازت ساعة ناض ارسلان من بلاصتو لجهتها ... جلس جلسة القرفصاء و بدا كايدوز يديه عليها .. حتى و هي ناعسة كاتبان ما ساهلاش .. ماكاين لا ملاك لا هم يحزنون .. حيد لها يديها من الخصلات لي كانت شاداهم و هزها مشا بيها لجهة الناموسية .. حطها بشوية باش ماتفيقش حيت لافاقت لسانها تاني غايخدم تكا حداها و عطا الحرية ليديه باش تتلمس وجهها بدا من حناكها و داز لعينيها عاود نزل لشفايفها بقا كايتلمسهم شيئ فشيئ حتى لقا راسو منغامس معاها فقبلة بدات بوتيرة بطيئة و يديه كاتحسس عنقها .. زاد فالريتم و كان غايزيد كتر ولكن حس بيها بحالا غاتبدا تفيق زير على شفايفها بشفنايفو عاد طلق منهم .. زاد جرها لعندو و خشاها فحضنو عاد غمض عينيه و هو راشقة ليه و شحال كايكون هاني فاش كاتكون ناعسة ...

وصلو ميساج فالطيلي من عند أبراهام .. هز طيلي قراه و عاود رجعو لبلاصتو عاود عنق ريماس و زير عليها .. و حتى هي زادت تخشات فصدرو خلاتو يبتاسم ابتسامة خفيفة لا إراديا ... لاحت رجليها بجوج على رجليه خشاهم بين رجليه دابا عاد ولا كايحس بلي قريبة ليه شوية .. هز يدو حطها علئ شعرها و بدا يدوز عليه ، دازت شوية و هزات يديها لاحتها عليه ماجاتو غير فالوجه .. هز حاجب و بقا كايشوف فيها حتى قاطعو طيلي لي صونا
أبراهام : ميستر أرسلان سي اصلان كايقلب عليك
أرسلان : دابا نجي .. قطع عليه و حط طيلي .. عاود هز صبعانو و جمع لها شنايفها على شكل بوسة .. باسهم عاد ناض من حداها .. لبس قاميجتو و قاد شعرو بيديه عاد لتافت عند ريماس لي كانت ناعسة فهدوء و سكينة ... خرج من الجناح و توجه للصالة لي كايتجمعو فيها
♔ دازو دقائق معدودة حلات عينيها و ابتسامة الشر مرسومة على وجهها
ريماس : ( بإبتسامة انتصار ) حتى انا كانعرف نصرفق ا سي ارسلان ماشي غير نتا قلت لك غانرجعها و رجعتها ... دابا عاد كاتحس براسها رتاحت منين رجعاتها ليه غير بالحيلة .. ناضت من تما و توجهات لبيتها
♚ جميع افراد العائلة الذكور مجموعين و متوسطهم اصلان لي كايشوف فإليان بشي شوفات ديال القتيلة
سي أصلان : وصلات بيك الحقارة لهاد الدرجة الغدار؟؟؟؟؟؟
إليان : جدي غير خليني نشرح لك
سي أصلان : مابقييتش باغي نزيد نسمع كدووبك كيفاش قدرتي تنجس لي داري؟؟؟؟؟ و معااامن؟؟؟ مع مرت ولد عمك؟؟؟
إليان : انا من شحال هادي و انا كانبغيها و
سي أصلان : علاش ماجيتيش قلتيها لي؟؟؟؟ لتاجئتي للغدر و طعنتينا فضهرنا دوييي مالك ساكت
إليان : ماكنتش متشجع حيت كنت عارف ماغاتقبلوش حيت تربينا انا وياها بحال الخوت
سي أصلان : تربيتو بحال الخوت و فاش كنتو كاتتجمعو فالبيت ماكنتوش خوت ديك الساعة يااااك؟؟؟؟ كيفاش قدرتي تخون ولد عمك؟؟؟ تقاضاو العيالات؟؟؟؟
إليان : جدي راه مادرنا حتى شي حاجة حرام..
سي أصلان : باقي كاتهضر على الحرام؟؟؟؟؟ نتا راك الحرااام بعينيه لي مزال مخليك هنا و كاتزايد معايا فالهضرة .. ( بعصبية ) مع مرااتو و فوق فراااشو؟؟؟؟؟ اشمن نوووع نتا ولكن اش غانتوقع من تربية داوود
إليان : جدي كانقسم لك
سي أصلان : ماتزيييدش تهضر المنجوس
سي إيتان : خليه يشرح لينا يقدر يكون نكونو فاهمينو غلط
غابريال : ( بغضب ) انا مابانش ليا الغلط منين تجرأ و جا قال قدااامنا بلي كايبغيها و مزال كايقولها بوجهو حمر
إيلام : و دابا شنو غايوقع لشيرا؟؟
أرسلان : ( ببرود ) غانطلقها
سي إيتان : من حقك
غابريال : القواعد لي مزال شاديني باش مانرتاكبش فيها شي جريمة ... وسخات لينا سمية العائلة
سي أصلان : ماكاينش لي وسخ سمعتنا قد هاد الحقير لي ما خدا من داوود غير حقارتو واخا غير رباك و نتا ولد خوه .. زرع فيك جميع انواع الحقارة ماااقادرش نتيق اش درتي
إيلام : حتى انا لحد الساعة ماقادرش نتيق
سي أصلان : مزال ماعرفتو واااالو اش دار
سي إيتان : اش دار؟؟؟
سي أصلان : بسبب هاد البرهوش لي مادارش الاعتبار للقوانين ولا القواعد غادي يجينا حفيد غير شرعي من مسلمة حتى الصحة ديالو ماضامنينش غايجي بصحة كاااملة
أسوار : كيفاش؟؟؟؟؟ اينا مسلمة؟؟؟؟؟
سي أصلان : و شكون من غير الجاسوسة لي من نهار جات لعندنا و المصائب ماكاتحبسش
سي إيتان : ولد من؟؟؟؟ و كيفاش شرحو لي اش واقع
إيلام : كيفاش غايجينا مولود؟؟؟؟
سي أصلان : ( عاود لهم الخطة لي شاف فالفيديو و ما نسا حتى شي تفصيل ) كون ماكنتش محررم يسيل الدم كون نحرتك نتا وياااها
إيلام : هي حاملة من ارسلان؟؟؟؟؟
سي أصلان : ( قلب وجهو للجهة لاخرا بغضب ) ... كلشي ولا كايشوف فجهة إليان بملامح غضب و لوم لا من الاعمام لا من اولاد العمام .. اما أسوار حس بالخناجر دخلو فقلبو فاش عرف بلي غادي تولي ام لولد ارسلان حط راسو بين يديه .. رتب ليه سي ايتان على كتافو و هو براسو كان مصدوم من هادشي ...

إيلام : ( بغضب ) فيييين كنتي كاتفكر فييين؟؟؟؟
إليان : عمي راه كانقسم لك ما
سي أصلان : ( بعصبية ) ماتقسمش على الكدووب هادشي لي بقا لك
غابريال : اش درتي؟؟؟؟ واش عارف راسك اش درتي ولا لا؟؟؟؟ سمعة روتشيلد ولات على المحك واااش عارف ايلا عرفو حلفائنا غايتزاد عندنا حفيد غير شرعي اش غايوقع ولا لا؟؟؟؟
أرون : هداااا راه خاصنييي نقتلو على هادشي لي دار واش مافكرتيش فسمعتنا؟؟؟؟؟؟
سي أصلان : دابا لي وقع وقع المشكل ماشي هنا .. خاصنا نلقاو حل منطقي لهادشي لي واااقع دابا
أرون : فنظري من مور مايطلق ارسلان شيرا من الأحسن يتزوج بوحدة من العائلة باش يبقا الموضوع مخبي غير بيناتنا و غير تولد الولد ديك الكافرة و نقتلوها
سي أصلان : أرسلان مابقاش باغي يتزوج من العائلة
إليان : ( بإستهزاء لأرسلان ) كاتستغل الفرص بطريقة مزيانا
سي أصلان : غبررر عليا كمارتك علاش باقي هنا؟؟؟؟؟
إيلام : ماتتعصبش راك تعصبتي هاد النهار بما فيه الكفاية
غابريال : علاش ماباغيش يتزوج من العائلة؟
أرسلان : عندك شي مشكل؟!
سي أصلان : هداك كان اختيارو و انا حتارمت اختيارو هاد المرة باش مايتكررش نفس الغلط
أرون : يعني خاصو يتزوج بوحدة من عائلة حليف من حلفائنا باش باش فاش تولد ديك الكافرة يتنسب لولد لهاديك لي غايتزوج بيها
سي أصلان : باغيين ترجعونا ضحكة؟؟؟؟ هادشي عاائلي و غا يبقا عائلي .. انا كانقولكم هادشي ماخاصوش يوصل للحلفاء و نتوما كاتقولو نطلبو المساعدة من شي حليف؟؟؟
سي إيتان : يعني احسن حل نقتلوها هي و ولدها .. شاف فيه ارسلان
أرسلان : ( بملامح خالية من التعابير ) ماغانقتلش اول ولد ليا
أرون : و نتا باش عرفتيه راه ولدك و ماشي ولد شي حد اخر؟؟؟ ... شاف فيه ارسلان مطولا قبل مايجاوبو ... ماشي حيت حصل ولكن حيت هضر على ريماس
أرسلان : التحاليل كافيين
سي أصلان : سمعوني كلكم
الكل : الصمت
سي أصلان : عطيتكم فرصة باش تعطيوني حلول ولكن لي بان ليا حلولكم كلها ماصالحاش داكشي علاش بغيت نقولكم بلي تناقشت مع أرسلان فهاد الموضوع وقت الحفلة و خدينا قرار .. نقز اسوار
أسوار : جدي كنتو قلتو بلي هي مريضة ياك؟؟؟؟
سي أصلان : وي هادشي اش دخلو فداكشي؟؟
أسوار : يعني الجنين كاين احتمال كبير يتزاد و هو عندو تشوهات خلقية انا عارف بلي واخا هكاك ماغاتبغيوش تقتلوه حيت كايبقا واحد منا داكشي علاش انا غانتحمل هاد المسؤولية
أرسلان : ( ببرود ) حتى يكون باباه ميت عاد ديرها
سي أصلان : ( بتفكير ) حتى هاد الحل جاني مناسب و ماغاديش يدققو بزاف ايلا تزوجها اسوار
أرسلان : جدي وليتي كاتشك بلي ماقادرش نتحمل المسؤولية؟!
سي أصلان : كانفكر لمصلحة العائلة ا حفيدي
أرسلان : ولدي غانربيه بيدي .. ماكايهمنيش يكون مشوه ولا لا
أسوار : هادشي غادي يوجه الانظار ليك و غايكتارو الأسئلة
أرسلان : ماشي انا لي كانهرب من المسؤولية ... اخر هضرة عندي انا لي غانتحمل مسؤولية هادشي
غابريال ( اب لينا ) : ارسلان عندو الحق مدام هاداك ولدو المفروض هو لي يتحمل مسؤوليتو
سي أصلان : من واحد الناحية من الاحسن يتحمل مسؤوليتو حفيدي أرسلان باش يطلعو راجل بحالنا و يكتسب الخبرة من الصغر
أسوار : ولكن ا جدي راه..
سي أصلان : اخر قرار قررناه .. و انا فخور بحفيدي لي غايضحي فقط على ود سمعة العائلة
إيلام : يعني غايتزوجو؟؟
سي أصلان : فالقرييب باش مانطولوش الموضوع
أرون : ولا سولونا الحلفاء على من اينا عائلة هي؟؟؟
سي أصلان : انا غانتكلف بهادشي
أرون : و غادي نخليو مسلمة بيناتنا؟؟؟؟ اش ضمن لينا بلي ماغاديش تحاول تقلب حفيد العائلة لديانتها؟؟؟
سي أصلان : بطبيعة الحال ماغاديش تبقا مسلمة و فهاد اليامات غادي تولي لديننا
أرون : ولكن هادشي كاياخد الوقت باش تتعلم اركان اليهودية؟؟
أرسلان : ماغاياخدش الوقت .. هي عارفة ديننا
إيلام : و خوتها اش غانديرو فيهم؟؟
أرون : بطبيعة الحال حتى هما غا يتبعو ديننا
غابريال : يعني دابا ضبطنا الامور
سي أصلان : دابا كلشي ولا مضبوط
إليان : و موضوعي مع شيرا؟؟؟ ...

سي أصلان : باقي كاتجبد لي شيرا؟؟؟؟؟؟
غابريال : ( بعصبية ) هاد المشاكل كاملين لي تسببتي فيهم و باقي كاتهضر؟؟؟؟
؟؟
أرون : من الاحسن نزوجوها ليه اصلا مابقا حتى شي واحد غايقبل عليها من العائلة .. كلشي عرف اش وقع بينها و بينو
سي أصلان : هي لي دارتها لراسها حتى واحد ماضربها ليديها كانت عايشة معززة مكرمة
أرون : هادشي غير على ود العائلة باش تزيد تكبر
سي أصلان : على هاد الحساب حتى انا عندي قرار غايكبر العائلة
الكل : الصمت
سي أصلان : قررت نزوج كاع حفادي من مور مايتزوج أرسلان ( سكت واحد المدة عاد عاود نطق ) و هاد المرة غانخلي الاختيار ليكم نتوما لي تختارو باش مانوقعوش فنفس الغلط .. من مور الصدمات ديال اليوم كان هدا احسن خبر سمعوه جمييع الحاضرين
إيلام : احسن قرار
أرون : ولكن حنا مازربانينش
سي أصلان : انا ماعنديش دار الدعارة فالقصر ... قبل مايجيبو لي شي كرش فالحرام كلشي يتزوج و نريح البال
غابريال : حتى هدا نظر
سي أصلان : شكون باغي يتزوج من مور ارسلان؟؟؟ ... بداو ولاد العم كايبانو واحد من مور واحد و كل واحد كايقول بيمن باغي يتزوج .. عاد بانو العشاق السريين .. و هادو بالضبط لي كان وحلها لهم ارسلان فاش كانو فوق الطبلة داكشي لاش توترو حيت كل واحد فيهم طايح فوحدة من بنات عمو .. توضحو الامور مزيان دابا .. سالاو الاجتماع و خرجو كلهم فرحانين ما عدا أسوار و اصلان و ولادو ... مع كانو خارجين لمحو اثار القميش فعنق أرسلان
سي أصلان : مالك فعنقك؟؟؟؟ .. عاد تفكر ارسلان فاش قمشاتو ريماس
أرسلان : ماشي شي حاجة
سي أصلان : هممم .. ماعلينا ، ماتنساش تعاود تتأكد من التحاليل ديال حفيدي باش نعرف واش غايجي بصحة جيدة ولا لا
أرون : كانظن راه خاص تكون الام بصحة مزيانة باش يجينا الحفيد بصحة مزيانة .. خرج ارسلان من مور ماهضر معاهم بلي غايتكلف بالعلاج مي ماطلعش للفوق بل مشا للاكاب للحلبة ديال الملاكمة وصل لتما لقا مالك كايتسناه وسط الحلبة و عاااارف اش كايتسناه حيت عارف راسو اش دار
♔ صبح صباح جديد وبدات كاتحل عينيها بشوية بشوية حتى ناضت قافزة اش جابها لجناح ارسلان ياك هي نعسات فبيتها؟؟ هزات راسها لقاتو كايلبس إستعدادا باش ينزل يفطر
أرسلان : بلاتي غا يطلعو لك فطورك
ريماس : اش كاندير انا هنا؟؟؟ عااقلة بلي نعست فبيتي ماشي هنا
أرسلان : ( كايشوف فيها من المراية ) نقصي من الصوت ... ناضت من تما بدون ماتجاوبو و توجهات لجهة الباب باش تخرج
أرسلان : ( بصوت خشن ) رجعي لبلاصتك
ريماس : بغيت نمشي ندوش
أرسلان : مزال لحد الساعة ما درنا والو باش دوشي
ريماس : ( بصوت خافت ) حقير
أرسلان : دخلي لا باغا دخلي
ريماس : ماكانرتاح فحتى شي دوش من غير لي فالبيت لي كانعس فيه
أرسلان : من الأحسن تبداي تولفي هدا لي هنا حيت من هنا للقدام هادي هي بلاصتك
ريماس : كيفاش بلاصتي؟؟؟ و خوتي؟؟؟
أرسلان : غاتشوفيهم اليوم
ريماس : فهاد الحالة ايلا كنت غانبقا هنا حتى خوتي غايبقاو معايا انا مايمكنش نبقا فقنت و هما فقنت اخر ...

عاود شاف فيها من المرايا
أرسلان : لا
ريماس : غانبقا فالبيت لهيه
أرسلان : المرا بلاصتها مع راجلها
ريماس : داكشي علاش نتا دابا راك مع مراتك ياك
أرسلان : راسك مامعمرش لك العين؟!
ريماس : كيفاش؟
أرسلان : ( بإبتسامة جانبية ) 2 سيمانات
ريماس : ديالاش هادو؟؟؟ .. سالا و مشا لجهتها بخطوات بطيئة حتى وصل لعندها و تحدر لعندها شوية فيكسا عينيه فعينيها .. ما حشمات ما رمشات هو مانزلش عينيه و هي مانزلاتهمش كعادتها
أرسلان : 2 سيمانات و غا تولي ملكي .. شافت فيه مطولا و تهزات باش تزيد تقرب ليه فالطول
ريماس : ماننكرش بلي عالجتيني و عالجتي خوتي ولكن هادشي ماكايخليكش تثبت الملكية ديالك عليا و عمرك غاديرها .. انا بنادم ماشي حاجة كاديرها فالجيب .. شدها من دراعها و قربها ليه كتر ماعطاهاش الوقت لي تستوعب فيه حتى لقات راسها غارقة فقبلة عنيفة معاه لي كان التجاوب فيها من طرف واحد ... هزات يديها دفعاتو هادشي عاد ما زاد خلاه يزير على الخصر ديالها بيد و اليد الثانية حطها من مور عنقها باش زاد حكمها ... رجعو لها دوك المشاعر و الافكار لي شحال من مرة كاتطردهم و ترفضهم كل الرفض .. تزادت سرعة دقات قلبها كاتحس بيه غايسكت فأي لحظة .. تعصبات كتر و كتر من هاد العنف ديالو لي حتى فحوايج بحال هاد مايمكنش يتعامل فيهم بحنان .. شنايفها اصلا تجرحو البارح و زاد كمل عليهم اليوم لا بل اليوم كاتحس بيهم كايتقطعو بين سنانو .. بغات تتحرك ولكن جسدها مقيد بين يديه .. حس بالملوحية ديال الدم ففمو و بلاصة مايحبس عاد زاد تعمق فالقبلة و بدا يجر فشفايفها بعنف اكتر و هادشي لي خلاها تطلق صوت أهات خفيفة بدون ارادة الشيئ لي خلا رغبتو بيها تزيد كتر .. هزها من خصرها و مشا بيها لجهة الناموسية .. بدات كاضربو و تفركل فيديه جربات تعاود تضغط على البلاصة ديال الجرح لي كانت ضغطات عليها ديك المرة ولكن كان الجرح برا من الاصل .. حسات براسها تخنقات ماعطاهاش الفرصة باش تتنفس .. حطها فوق الناموسية و شفايفها باقيين وسط شنايفو ، حط يديه على كرشها و بدا كايطلع فالتيشورط لي لابسة .. غير حسات بملمس يديه حسات بالضو ضربها .. مابعد عليها حتى حس بيها تخنقات بالمعقول .. بعد منها شوية و عينيه ماتحيدوش عليها .. بدات كاتهبط فالتيشورط و كاتمسح فمها بغضب حسات بكرامتها تجرحات هاد المرة كون مابعدش ماعرفاتش فين كان غايزيد يوصل .. شوية بشوية كايزيد يتقرب كتر و كتر و يكسر الحدود
ريماس : ( قالبة وجهها ) خليني نوض
ارسلان : ( ببرود ) باقا باغا نثبت لك الملكية؟! ... قلبات وجهها بغضب حسات بالعار .. ماجاوباتوش و ماعاوداتش شافت فيه
ريماس : الصمت
أرسلان : فاش نكون كانهضر معاك شوفي فيا ... شافت فيه بغضب و فبالها جميع الافكار الخايبة اش كان غايوقع عاد دابا.؟؟ .. لهاد الدرج باغي يذلها .. باغي يرجعها عشيقتو .. بينما هو كانت هادي اول مرة ليه كايحس بلي فعلا كان مع انثى ولكن انثى ماشي ككل الإناث ... عينيها .. شنايفها .. شعرها .. شخصيتها كلشي فيها كايجرو ليها بحال المغناطيس .. باغي يخشيها وسط ضلوعو باش ماتخرجش .. بعد عليها و ناض عطاها بالضهر
ريماس : ( بإستهزاء ) الملكية عمرها كانت بالجسد ا ارسلان
أرسلان : ( ببرود ) الملكية غاتكون فاش غاتولي مراتي
ريماس : و انا مامحتاجاش راجل يكون فجنبي يحميني قادرا نحمي راسي براسي
أرسلان : المرا كاتحتاج لراجل يحميها
ريماس : انا ما ناوياش نرتابط ولا ندخل فأي علاقة كيما بغات تكون و هادشي ماغاينقص مني عضم ما غايزيد فيا عضم مامحتاجاش لي يكملني
أرسلان : ماطلبتش رأيك .. ( ببرود ) خرجي .. خرجات من تما و زدحات الباب موراها .. بينما هو داخل للدوش باش يعاود يدوش باش يبرد اما حتى الفطور ما بقا فطور دابا .. حس بتوترها فاش كان حاكمها من تحتو .. حس بنبضات قلبها .. حس بالتبوريشة لي شداتها فاش كانت معاه واخا ماكانش شي تجاوب ولكن مشاعرها توضحو ليه وضوح الشمس
♔ دخلات للبيت و زدحات الباب ديالو .. شدات شعرها بيديها و بقات غادا جاية فالبيت مزال ماستوعبات بلي كانو على شوية غايدخلو فعلاقة محرمة .. عاودات مسحات شنايفها بعصبية و دخلات للدوش باش تدوش ...

⇦ عند إبراهام
كان واقف على برا كايتسنا الدكتور يخرج لعندو شوية تحلات الباب
أبراهام : شنو عندو؟؟؟
الدكتور : سي أبراهام راك شفتي الحالة فاش جبتيه ليها وجهو كانو فيه جروح خطيرة كون زدتي تعطلتي كان ممكن يوقع ليه إلتهاب زيادة على هادشي عندو كسر خطير فالفك ديالو الشيئ لي خلا حتى السنان ديالو يتضررو
أبراهام : دابا شنو المعمول؟؟؟؟ غايبقا هكاك؟؟؟؟
الدكتور : للأسف انا ماغانقدر ندير والو من غير انني نعالج ليه جروحو و الكسور لي عندو فمنطقة اليد .. خاصك تشوف دكتور ديال الجراحة و التجميل
أبراهام : فوقاش نقدر نخرجو؟؟؟
الدكتور : تقدر تخرجو من دابا ولكن كاننصحك باش ماديرش عملية التجميل حتى يتشافاو الجروح لي فوجهو
أبراهام : واش هادشي ماغايسبب حتى شي مشكل؟؟؟
الدكتور : فهاد الفترة لي غادي يكون كايتعالج ... ماغاديش يقدر يبقا يحل فمو بزاف .. غايحس بألم مرة مرة و يقدر يوقعو ليه انتفاخات فمنطقة الوجه
أبراهام : نقدر ندخل عندو دابا؟
الدكتور : وي تقدر ... دخل لعند مالك لي كان ناعس على ضهرو بدون حركة وجهو ولا مشرشم بالمعقول لي يشوفو يحلف عليه حتى كانو كايجرجرو ليه وجهو مع الأرض
ابراهام : ياك قلت لك بعد منها غادي تجيبها فراسك
مالك : الصمت
أبراهام : علاش كاتعاونها؟؟؟؟ خليها ضبر راسها نتا عارفها كاتسلك راسها و مستغلة الوضع لصالحها عجبك الحال دابا؟؟؟؟
مالك : الصمت
أبراهام : غاتبقا متبعها حتى تصفيها لك
مالك : ( الصمت و غير كايشوف فالسقف )
أبراهام : نتا راك خويا قبل ماتكون صاحبي مابغيتش لك الأذية كون ماكانتش مكانتك عند ميستر ارسلان كون صفاها لك شوف كي رجع لك وجهك
⇦ واقف أصلان فالمكتب ديالو و ابتسامة خبيثة مرسومة على وجهو .. قدامو كاينين 2 اشخاص شادينهم رجالو كايشوفو فيه و مافاهمين والو .. هاز الفردي فيديه و عينيه كايدورو بحال الحنش
ريناد : ( بخوف ) خويا علاش باغيين يقتلونا .. علاش حنا هنا ... شاف فادي الخوف ديال ختو و عنقها باش تحس بالأمان واخا حتى هو خايف ولكن مابغاش ختو تحس بلي راها مكالية بأخ خواف .. تصنع الشجاعة و هضر
فادي : ( بحدة ) فين ختي ريماس؟؟؟؟
سي أصلان : شوف لك على البرهوووش كايغوت .. الحاجة لي ماتشبه لمولاها حرام حتى تكون ختكم المصونة كاتحشم ماتهنات حتى وصلات لفين بغات .. زادت ريناد تخشات فخوها و نطقات بصوت خافت
ريناد : علاش حنا هنا ا خويا
سي أصلان : دابا تعرفي علاش نتوما هنا .. وجه الفردي ديالو ناحية فادي و تقطعو جميع الاصوات فالمكتب حتى كسرات صوت قرطاسة خارجة من الفردي ديال اصلان داك الصمت
ريناد : فاااااااااااااااااادييييييييييي ... بقا معنق ختو حاميها
فادي : ( بصوت ضعيف ) ماغانخليكش تأذي ختي
ريناد : ( بدموع ) اهئ اهئ خويا ماتموتش عافاك ماتخلينيش ... شوية بشوية بداو رجليه كايفشلو عليه شاف فختو بحزن و يلاه بغا يهضر معاها ... تطلقات رصاصة اخرى لتخترق صدر ريناد .. رخات ثقلها على خوها و طاحو بجوج جثث هامدة غارقين فبركة ديال الدماء ... رجع سلاحو للمجر ديال البيرو
سي أصلان : ( بشر ) ماشي غبي باش نخلي ديانة اليهودية باب مفتوح لي جا يدخل ليها ( شاف فواحد من رجالو ) غادي تديهم تدفنهم فشي بلاصة مايوصل لها لا إنسان لا حيوان سمعتيني؟؟ و يا وييلك توصل الخبار لأرسلان غانغبر لكم الأثر لا نتوما لا عائلاتكم
***** : كون هاني ا سي أصلان
سي أصلان : ردو البال لايشوفكم شي حد و شوفو شي حد يجي يمسح هاد القذارة ديالهم ... خرج من المكتب ديالو و خلاهم كايديرو باش أمرهم
♔ كانت واقفة كاتطل من شرجم فجأة بحال شي خنجر تخشا فقلبها و تبعو ألم فظييع الشيئ لي خلاها تشد فشرجم و تزير عليه بسبب داك الألم لي جاها على غفلة .. زيرات على قلبها بيديها كاتحاول تحبس داك الألم حتى تحل الباب ...

ملاحظة : خاصكم تعرفو بلي رجال أصلان ماكايغدروش اصلان و الأوامر كاياخدوها غير من عند أصلان بصفتو هو صاحب الإمبراطورية يعني مايمكنش ياخدوها من شي حد حتى من ارسلان بنفسو ... و رجال أرسلان كذلك ماكاياخدو الأوامر الا من عند ارسلان بصفتو هو لي غايشد بلاصة أصلان فالمستقبل و ماكايسمعوش من اصلان بنفسو

♔ ضارت لجهة الباب و هي مخسرة سيفتها بسبب ديك النغزة لي جاتها .. شافتو جا لعندها ستغربات .. قرب لجهتها متكي على عكازو .. نظراتو ليها بحال شي شيطان
سي أصلان : ( كايطلعها و يهبطها ) عمرك طويل كي الكلب 2 امراض و كانشوفك مزال واقفة
ريماس : بفضل الله واقفة
سي أصلان : ( بعصبية ) سكتييييييييييييي
ريماس : علاش غانسكت؟ كانقول الحقيقة و الحقيقة ماشي عيب
سي أصلان : كون ماكانش على ود حفيدي لي كانتسناه ماكنتيش غاتبقاي عايشة ثااانية من مور هادشي
ريماس : قلتها لحفيدك و غانعاود نقولها لك ربي لي غايقرر ايمتا ياخد روحي ماشي نتوما
سي أصلان : قلت لك ماتزيييييديش تذكري كفرك فدااااري ( عيط لجوج من رجالو )
***** : وي سي أصلان
سي أصلان : جاو؟
***** : راهم كايتسناوك لتحت ا سي اصلان .. ضار لعندها و شاف فيها بنظرات مكر
سي أصلان : ( بمكر ) عاودو لي بلي كاتعرفي ديننا مزيان
ريماس : ماشي حبا فيه ... حب المعرفة لي دارها
سي أصلان : مزال غانربييك مزيااااان بالحق هادشي ماشي دابا حتى يجي حفيدي
ريماس : ( بنظرات ثقة )
ريماس : ( بإبتسامة استهزاء ) غاتقتلني؟ الموت دزت منها و باقا كاندوز منها لدرجة مابقيتش كانخاف منها
سي أصلان : ( بمكر ) ولكن حياة دوك الكفار ديال خوتك غاتكون كاتهمك
ريماس : ( بإنفعال ) ماتدخلش خوتي فهاادشي
سي أصلان : ( بهدوء ) فات الفوت
ريماس : اش درتو لخوتي يا ليهود؟؟؟؟؟؟ فين خوتيييي؟؟؟؟؟؟؟ ... ضربها واحد من رجالو و طاحت على ركابيها قدام اصلان .. بدات كاتركل و تنطر بين يديهم باش يطلقو
ريماس : ( بالغوات ) فينهم خوووتييي؟؟؟؟؟؟؟ اش درتو لهم الحيوناااات طلقو من يديي
سي أصلان : ( بتشفي ) خوتك ختاصرت لهم حياتهم و وصلتها للنهاية ... تقريبا فهمات و لكن كانت كاطلب الله باش مايكونش داكشي لي فبالها مايكونوش قتلوهم
ريماس : شنو كاتقصد بهضرتك؟؟؟؟ ... عطاهم اشارة بيديه و ضربوها للضهر باش زادت حنات ولكن غير مازادت فالحركة كاتحاول تتفك منهم
سي أصلان : ( بشر ) خوتك ماتو و هاد المرة ماشي بسبب المرض ديالكم .. هاد المرة بيدي ... سكتات لمدة دقائق مابقات دارت حتى شي ردة فعل مابقاتش تحركات و مابقاتش كاتتنطر ...

عطاهم اشارة باش يطلقو منها و طلقو ... حسات بنفس الإحساس لي حسات بيه قبيلا .. خنجر ختارق قلبها و خلاه كاينزف ... الدنيا كادور بيها و ودنيها كايصفرو و كاتعاود فودنيها كلمة وحدة هي ماتو .. ماتو واليديها .. خسرات وجهها .. خسرات املاكها لي بقاو فالمغرب .. و دابا خوتها؟؟ .. يعني صافي مابقا لها اش تخسر و هي كلشي خسراتو بسببهم ... و لأول مرة من مور ما ماتو واليديها تجمعو الدموع فعينيها و طاحت على يديها بضعف عاطية وجهها للأرض .. أصلان عجبو الحال حيت شحال هاديك لي كانت عاد دابا هو كلمة و هي جوج .. ها هي حانية راسها .. و هاديك لي خرجات على الحرب ديالهم ها هي فأكفس حالة مازادتش هضرات معاه و مازادتش هزات فيه العين .. اما عند ريماس فكانت كاتشعل شوية بشوية و كاع داك الحقد لي كان تمسح عاود رجع اتجاه الصهاينة و هاد المرة تحفر لها فقلبها بخنجر
أصلان : عييتي ماتتفرعني فاللخر طحتي و هبط وجهك للأرض كيما خاص يكون ... خوتها ماتو واليدها ماتو ... باقا شي حاجة كتر؟؟؟ ... عطات عليهم عمرها و حياتها باش فاللخر يقتلهم بدم بارد؟؟؟ ... هزات راسها و شافت فيه و الدمعة محبوسة فعينيها عينيها ولاو كايبريو بالدموع بقا لهم شوية و ينزلو ... هزات يديها و مسحاتها بعنف و خرجات ضحكة و ما هي كأي ضحكة من ضحكاتها .. ضحكتها ديال هاد المرة كانت عبارة على ألم و جرح و حزن و يأس و غضب مترجم لإبتسامة حاطاها بحال الدرع باش مايهبطوش دموعها .. جمعات الوقفة و عينيها باقيين مفيكسيين عليه .. نطقات بنبرة كلها غل و حقد
ريماس : انا ماطحتش للأرض .. انا غير عطيت فرصة للأرض باش تشوف وجهي عن قرب .. ما جا فين يجاوبها حتى كانت دفعاتو على الناموسية حتى طاح عكازو و قبل مايشدوها رجالو نقزات عليه قجاتو بجوج يدين بداو رجال اصلان كايحاولو يحيدوها من فوق اصلان ولكن الغضب عمى عينيها و مابقا كايهمها واالو من غير تقتلو شدات فيه شدة وحدة حتى بدا كايتخنق و الرجال ماخلاو حتى طريقة ما داروهاش باش يحيدوها على اصلان .. ماقدروش يتيريو فيها على ود الحفيد لي كايظنو راها حاملة بيه
ريماس : ( بالغوات ) مووووووووووت غااااااانطلع روحك بيدييي بيديييي
سي أصلان : ( كايتخنق ) كح كح كح .. حـ يـ دو هـا مـ ن فـ و قـ ي
***** : سير عيط لميستر ارسلان دغيا سربييي دغيا ... مشا واحد فيهم باش يعيط لأرسلان بينما لاخر بقا كايحاول يحيدها من فوق اصلان لي قرب يفارق الحياة
ريماس : غا نطفييي لك حيااااتك القتااااااال غانقتلك
أرسلان : ( بحدة ) ريييماس
سي أصلان : كح كح كح ... بداو عينيه كايتسدو و كايشوف الموت قدامو ، مشا ارسلان لجهتها نطرها منو بجهد و جمعها معاها بتصرفيقة لاحها للجهة لاخرا و مشا كايطل على جدو
أرسلان : عيطو للطبيب ( بحدة ) دابا .. جدي بقا حال عينيك ... اصلان بداو عينيه كايتسدو غير بشوية حتى عطاه ضربات خفاف لحناكو عاد بدا كاينوض جلس بصعوبة فوق الناموسية كايسترجع انفاسو .. غير شافتو مزال ما مات طيرات الفردي لواحد من رجال اصلان و صوباتو ناحية اصلان
ريماس : مزااال ما بغيتي تموووت ... لتافت لجهتها لقاها هازة السلاح جهة جدو
أرسلان : ( ببرود ) نزلي السلاح
ريماس : ماتتدخلش حسابي معااااه هو .. غااانقتلووو و نتهنا منوو فمرررة ..
أرسلان : ماتخلينيش نعاود هضرتي و نزلي السلاح ولا غانجي نفضيها لك
ريماس : اجي فضيها لي قرب ... غانقتلك و غانقتلو و غانقتلكم كاااااملين ... ضغطات على الزناد فإتجاه اصلان لي كايشوف فيها بصدمة ...

تصدى واحد من رجال اصلان للقرطاسة جاتو نيشان فالقلب .. اصلان غير ما زاد تصدم واش عاد دابا كانت بنت غاتقتلو؟؟؟ ... توجه ارسلان لجهتها و ما ناويش على الخير هاز فيديه الفردي و مصوبو لجهتها
ارسلان : أري الفردي
ريماس : ( بحقد ) غاتزيد تقرب خطوة وحدة غانتبعك لداك لي مات
أرسلان : ( ببرود ) ماغاتقدريش
ريماس : غانقدر و غانفوتها لهيه ... طلعو ولاد اصلان و حفايدو كلهم كايجريو من مور ماوصلاتهم الخبار بلي ريماس غاتقتل اصلان
إيلام : نزلييييي السلاااااااح ... ماضارتش لجهتهم و حتى ارسلان ما لتافتش ليهم .. الاجواء تكهربات فالغرفة و عمرات ببنادم شي على برا شي لداخل و كلشي هاز السلاح جهة ريماس و كايهددها باش تنزل السلاح ولا غايتيري فيها .. ولكن هي ودنيها كانو مصمكين عينيها ماتزعزعوش على عينيه ارسلان لي كان مصوب سلاحو لجهة راسها و نفس الشي مع أرسلان عينيه مفيكسيين على ريماس لي مصوبة السلاح جهة راسو
أرسلان : أخر امنية؟!
ريماس : ( بحقد ) نشعل فيكم العافية و نتوما حيين
سي أصلان : نزلوو سلاااااحكم ماتقتلووووهاش .. كلشي نزل سلاحو الا أرسلان و ريماس
أرون : نزلييي سلاحك ولا غاتندمي ... تطلقو 2 قرطاسات من 2 اسلحة ساد الصمت فالغرفة و اصلان غير كايشوف بصدمة لا هو لجميع الحضور .. تعاودو تطلقو 2 قرطاسات فنفس الوقت و ماتضربوش فالفارغ .. تضربو فجسدين .. جميع الحضور تصدمو .. قبل مايتيري فيها ارون لي كان هاز السلاح من اللور و باغي يضربها بالغدر ... طاح للأرض غارق فدمو بسبب 2 قرطاسات لي جاوه من سلاح ارسلان .. اما ريماس يلاه بغات تزيد القرطاسة الثالث لأرسلان طير لها و جرها من يديها خرجها من وسط داك زحام تحت صدمة الجميع و دخلها لجناحو يلاه جات باش تخرج سد عليها الباب بالساروت و رجع لعند جدو .. دخل للبيت و تخطا جثة ارون لي مزال ما مات غير تهناو توجه نيشان لعند جدو
إيلام : فين ديك الكااااافرة؟؟؟؟؟؟؟
غابريال : اليوم هو اللخر ليها اليوم غانقتلها كيفاش تجرأت تحاول تقتلو؟؟؟؟ ... بين هاد الأسئلة لي كانو غالبيتهم كايسولو على فينها و كيفاش و علاش .. تقدم إيتان لجهة ولدو و ملامح القلق ظاهرة على وجهو عينيه غير فكتف و جنب ارسلان لي مضروبين بالقرطاس و كاينزفو بالدم بسبب ريماس قرب لعندو
سي إيتان : ( بنبرة قلق ) خاص طبيب يجي يشوفك راك كاتنزف بزاف
أرسلان : ( ببرود ) خرجو
سي إيتان : ( بإنفعال ) ماغانخرجش و نخلي ولدي كاينزف مادايهاش فصحتو هضرت معاك خاصك تشوف الطبيب ... كيفما نتا خبعتي ديك الكافرة باش تحمي ولدك من الموت حتى انا ماباغيش ولدي توقع لو شي حاجة ... ضار لعندهم و هز عينيه فيهم شاف فيهم بنظرة كلهم عارفينها و مدة هادي مابقاو شافوها ... بلا مايزيدو يهضرو هزو الرجال ديال اصلان ارون من تما و خرجو .. تبعوهم ولاد عمامو و عمامو و باه .. مشا سد الباب و رجع تقابل مع جدو
أرسلان : جدي شنو وقع!!
سي أصلان : الكااافرة اللفعة بغات تقتلني كانت غاتخرج لي روووحي
أرسلان : شنو السبب.؟!
سي أصلان : بدون سبب غير جيت نطل على حفيدي و مرات حفيدي المستقبلية
أرسلان : ( ببرود ) كاتكدب عليا؟
سي أصلان : ( بصرامة ) ارسلان موالف يكون الكدوب بيناتنا ياك عمرني كدبت عليك
أرسلان : نبرة صوتك ا جدي .. و مدام كدبتي إلا و كاينا شي حاجة ياك؟! ... توتر اصلان و بان عليه التوتر شافو كيفاش قبيلا خرج ريماس و شافو كيفاش تيرا فأرون و كيفاش ماقتلهاش واخا تيرات فيه و الأهم من هادشي كامل و لي عمرو توقعها هي انه واقف قدامو و من نبرة صوتو معاه بااااينا غاتوقع شي حاجة تخليه يخسر اعز حفيد عندو ..

شاف اصلان جنب ارسلان لي كاينزف و لأول مرة فحياتو يفكر بشكل اناني من جهة ارسلان غير باش ماتخسرش علاقتو بيه و مادارش فبالو بلي هاد الخطوة لي غايدير دابا ممكن تكون نهايتها موت حفيدو .. حاول يكسب الوقت باش يغيب ارسلان و هاكا غادي يتفك من هاد المواجهة
سي أصلان : حفيدي رتاح بعدا و نهضرو جنبك كاينزف تسنا نعيط للطبيب
ارسلان : جدي ماتلعبش معايا هاد اللعب ... شنو وقع؟!!!!
سي أصلان : ( الصمت )
أرسلان : ( ببرود ) يعني باغيني نعرف اش واقع من جهة خرا بلاصة مانعرف من اقرب واحد ليا لي هو بمثابة الأب ديالي ياك!!
سي أصلان : ولدي سمعني ... ماخلاهش يهضر خرج من البيت و زدح الباب .. مشا للجناح ديالو حل الباب و مع الدخلة كانت غاتجي فيه قرعة ديال الويسكي كون ماخواش كون فلقاتو .. عاود سد الباب بالساروت و توجه لجهتها بملامح باردة
ريماس : ( بعصبية زائدة ) غانقتلكم واحد بواااااحد الله ياخد فيكم الحق الكفااار الله ياخد فيكم الحق دنيا و اخرة ولكن قبل من كلشيي انا لي غاناااخد روحكم بيديييي على هادشي لي درتو ( شافت ليه فعينيه ) علااااش قتلتوهم شنو ذنبهم حتى تقتلوهم علااش طعنتيني ا ارسلان تقت فيك و خليت خوتي امانة عندك و نتا شنوو درتي؟ عطيتيهم لجدك باش يقتلهم بدم بارد .. تجمعو الدموع فعينيها و ولاو كايلمعو ... قلبات وجهها للجهة لاخرا كاتمسحهم بعنف مابغاتهمش يهبطو قدام اليهود .. مابغاتهمش يعرفو بلي فعلا قضاو عليها و عطاوها الضربة القاضية بقتلهم لخوتها .. مابغاتهمش يشوفو الضعف ديالها باش يشمتو فيها .. بقات كاتمسح الدموع قبل مايهبطو ولكن هبطو بزز منها .. شلال و مابقاوش حبسو .. شد وجهها بين يديه و قلب وجهها لعندو .. عينيها ولاو حومر عمرو هتم بدموع شي حد و عمرو هتم بحزن شي ولكن ريماس كانت حالة خاصة .. حس بقلبو تنغز ، نطرات وجهها من يديه
ريماس : ( بقلب مجروح ) ماتمسنيش ياك وصلتو فين بغيتو خديتو اعز ماعندي عممرني نسمح لك ا ارسلان .. زاد قرب لعندها و بدات كاضربو بيديها و قلبها كايتقطع من لداخل مزال العافية ديالها ما بردات مزال الكية كاتحرق فيها من لداخل .. عنقها و خشاها فيه
أرسلان : شششش ماتبكيش دموعك غاليين عليا .. بدا كايدوز يديه على راسها اول مرة يشوف دموعها .. من نهار عرفها عمرو شاف ضعفها من ديما كانت البنت لي ماكايهزمها لا تعديب لا مرض لا ضرب لا قتيلة لا تهديد ولكن دابا فاض الكاس و مابقاتش قادرة تصبر منين عرفات بموت خوتها .. ترخات مابقا عندها جهد و ولا كايتسمع غير الانين ديالها و جملة وحدة لي كانت كاترددها
ريماس : عمرني نسمح لك ا ارسلان علاش خنتي ثقتي
أرسلان : شششش غانجيب لك خوتك .. بدا كايحس بالعيا بسبب الإصابات ولكن ماكانش مهتم بداكشي .. عرفها من فعايل جدو و سخط بالمعقول حيت جدو كان عطاه كلمة و فاللخر صدق كايلعب من مور ضهرو و كايكدب فوجهو .. و حيت بسبب جدو اليوم شاف دموع ريماس .. كايحس بلي واجب عليه عليه يحميها و يحمي لي كاتبغيهم .. شيئ فشيئ بدا كايحس بالدوار و مع ذلك بقا معنق ريماس .. بقا كايدوز على شعرها بحنان و بدون سابق انذار بادلاتو العناق و زادت خشات راسها فصدرو
ريماس : واعدني غاترجعهم
أرسلان : كلمتي ليك كافية .. تسمع دقان فالباب مرات و مرات ولكن ماتزعزعوش من بلاصتهم الروينة نايضة فالقصر ارون مضروب و مالك و ابراهام غابرين و اصلان فالجناح ديالو معاه الدكتور و العائلة كلها كاتتسنا خبار موت ريماس و عيالات العائلة و الخدم كلهم شادين الهضرة غير فريماس حاولات تقتل اصلان .. ريماس تيرات فأرسلان ...

بدات كاتحس بالثقل كايترما عليها شوية بشوية فاش شاف راسو بدا كايلوح الثقل عليها بعد عليها .. تحلات الباب بالجهد و دخل ابراهام لقا الارض ولات كلها دم مشا كايجري لجهتو و تبعوه 3 ديال الرجال خرين
أبراهام : ( بقلق ) ميستر ارسلان راك كاتنزف بزاف .. شافت فالارض و اذا بها كاتتصدم من ديك البركة ديال الدم لي كانت من تحتهم و ماجايبا خبار .. بعدات عليه كتر ولكن يديه مافارقوش يديها .. بقات كاتشوف فالإنجاز لي دارتو ها هي غاتسيفط واحد منهوم ولكن علاش عاود تنغز قلبها؟؟؟ ياك هادشي لي كانت بغات؟؟؟ شنو وقع دابا .. ها هي كاتشوفو كايموت قدامها كيفما قالت ليه شحال من مرة ... ديما كانت كاتقوليه غانقتلك و فعلا دابا وفات بكلمتها و تيرات فيه ولكن الفرحة ديال إنجازها فينها؟؟؟ علاش لي بقات مصدومة فاش شافتو ضعيف .. هي عاقلة بلي واعداتو و عطاتو الكلمة ( غايجي النهار لي غاتكون فيه اضعف خلق الله و غانكون انا حاضرة باش نشمت فيك ) ها هو جا النهار لي كانت كاتتسنا .. علاش لي ماشمتاتش؟؟؟؟ علاش لي مافرحاتش ... بغاو رجالو يديوه للمستشفى لي عندهم فالقصر ولكن كان خاصهم يطلق من يدها هو اللول
أبراهام : ميستر أرسلان خلينا نديوك للمستشفى راك نزفتي بزاف .. مابغاش يطلق من يديها كلهم مافهموش علاش إلا هو لي كان عارف ايلا دخل للغرفة العمليات غاتوقع شي حاجة تقلب القصر .. وي لأول مرة كان خايف الى شي شخص فحياتو من بعد اصلان
أرسلان : غاتمشي معايا
أبراهام : ميستر أرسلان راه مايمكنش تمشي معاك و دخل لغرفة العمليات .. هضر معاه بعينيه باش يقرب لعندو .. قاليه 2 هضرات و بعد عليه
أبراهام : واخا ا ميستر ارسلان .. بدا كايغيب شيئ فشيئ حتى غاب لعالم اخر .. حيد لها ابراهام يديها من يد ارسلان
ريماس : لا غادي نمشي معاه
أبراهام : ماعندك فين تمشي ماغاديينش مساريين المسألة كاتتعلق بحياة ميستر أرسلان و ماغانخاطرش انا بحياتو
ريماس : ( بعصبية ) قلت لك غانمشي معاه
أبراهام : ( بإنفعال ) ماشي وقت الهبال ديالك اصلااا كلشي بسبابك نتي من نهار دخلتي لحياة ميستر ارسلان و هو اللور اللور ... ناض و داوه لتحت بزربة قبل مايفوت الفوت .. خوا الجناح و بقات فيه غير .. نزلات عينيها كاتشوف فديك البركة ديال الدماء لي خسر ارسلان حسات بقلبها ضرها على الحالة لي وصلاتو ليها و الأكثر من هادشي هي انها حسات بالخوف عليه واخا هاد الأحداث كاملين لي وقعو هاد النهار ولكن الخوف عليه حاجة لي كانت جديدة عليها .. دازو قدام عينيها جميع اللحظات لي كانو بيناتهم ... جميع التنازلات لي دار على ودها .. كلشي من اللول حتى اللخر .. و كالعادة قلبها بدا كايضرب بالزربة و اخيرا فهمات باش تحس ... فاش كانت كاتجبدو بمراتو و كايقول شي حاجة عليها و كايخليها تتقرص .. هاداك ماكانش كره هاديك كانت غيرة ... فاش كايغبر و كاتبدا تتوحشو هداك ماكانش مجرد فراغ هداك كان اشتياق ... فاش كايقرب لها وكايتخربق انتظام دقات قلبها و وتيرة تنفسها و مشاعرها المتضاربة ... هادوك ماكانوش مجرد احاسيس ... هادوك كانو حب ... حب لي ما عرفاتو حتى ولا هو بين الحياة و الموت و كلشي بسبب جدو القتال هو لي من مور هادشي كامل لي وقع .. تأكدات من مشاعرها لي كانت رافضاهم و كانت خايفة لايتحولو لهادشي ماعارفاش بلي فاش كانت خايفة لا يتحولو للحب ديك الساعة بالضبط فين تشعلات شرارة الحب فقلبها ولكن هادشي ماكايعنيش هي غاتتقبل هاد الحب .. قررات قرار لا رجوع فيه .. ما بقا عندها مادير فهاد القصر و من الاصل ما خصهاش تزيد تبقا هنا كتر اللهم تبعد عليه ولا تطيح معاه فالمحرمات ولكن قبل من هادشي ماغاتخرج حتى تنتاقم من اصلان و اليوم نيت .. قلبات وجهها لواحد الجهة خرا شوية لمحات واحد الحاجة .. كانو قراعي ديال الويسكي فواحد البلاصة دايرا بحال بار صغير .. مشات لجهتهم و بدات كاتقلب على بريكة لقاتها غير تما نيت .. هزات 10 ديال القراعي خشاتهم فصاك و بدات كاتقلب على دوا لي جاب ارسلان على ود العلاج ديالها .. لقاتو حاطو فخزانة بوحدها هزاتو كامل و خشاتو فصاك صغير حطاتو حدا الباب و خرجات .. توجهات لبيتها بدات كاتبدل حوايجها بالزربة قبل مايطلعو .. لبسات سبادري و ناضت من تما متوجهة لجناح اصلان باش تعرفو واش فايق ولا ناعس .. وصلات لقات الباب مردودة و هو ناعس بفعل الدوا لي عطاه الطبيب .. لاحت فردة من البانطوفة لي كانت لابسة لداخل باش تشوف واش غايفيق ولكن مافاقش ... عاودات لاحت بانطوفة خرا و نفس شي ما فاقش ... دخلا رجعات كاتجري لجناح ارسلان هزات داك صاك و دخلات لغرفة اصلان بهدوء .. بدات كاتحل فالقراعي و كاتخويهم فجميع ارجاء الجناح بدات كاتحل قرعة من مور قرعة حتى سالاتهم كاملين .. هادي هي اخر فرصة عندها باش تتهنا منو فمرة و تنتاقم لخوتها و منها نيت باش تخليهم منشاغلين بالحريق و جدهم و تخوا لها الطريق باش تخرج .. ماعرفاتش كيفاش و ما راسماش خطة ولكن لي عارفة هو كيفما كانت هربات من المعسكر غادي تهرب من هنا ...

هادي هي الفرصة لي عندها فالوقت الحالي ما حدا كلشي ملهي مع ارسلان و ارون لي بين الحياة و الموت .. كان جاي فالكولوار .. شاف فيها بإستغراب اش كادير حدا الجناح ديال جدو
أسوار : ( بإستغراب ) ريماس؟ ... شعلات البريكة و ماجاوباتوش و منين ماجاوباتوش و واقفة قدام الباب ديال جناح الشخص لي حاولات تقتلو يعني..
أسوار : بلاتي ماتتهوريش .. ريماس اش باغا ديري؟؟؟؟؟
ريماس : ( بإبتسامة ) غانحرقو كيفما حرق لي قلبي على خوتي ... مشا كايجري لجهتها باش يمنعها اش دير ولكن قبل مايوصل لها كانت بالفعل لاحت البريكة و بدات كاتشعل العافية فالجناح ديالو
أسوار : ( بالغوات ) اش درتيييي؟؟؟؟؟ ... دخل كايجري للجناح باغي يطفي العافية ولكن فوقما كايبغي يزيد يطفيها كاتزيد تشعل كتر و كتر .. تطلق جهاز الانذار فالقصر بلي شاعلة العافية فجناح اصلان .. غير سمعو اسوار وقف فبلاصتو كايسمع ، صوت خطوات الجري طالعين بالزربة و ماشي غير ديال شخص ديال اشخااص هما ... نعاكسات صورة العافية لي شاعلة فعينيها .. وقفات كاتشوف فالعافية شاعلة فجناحو و هو ناعس اكيد ماشي نوم عادي حيت لوكان كان ناعس كون فاق مابقاتش مهتمة دابا تعيش ولا تموت حلفات حتى تقتلو و وفات .. اليوم وفات بجميع وعودها لي كانت قطعاتهم على راسها .. مشا أسوار كايجري لجهتها هز الصاك و جرها من يديها بقا غادي كايجري بيها و مع ذلك عينيها ماتحيدوش من جناح اصلان لي شاعلة فيه العافية .. وصلو للطابق الثاني شوية جرها فالكولوار و بقا غادي كايجري حتى وصل لغرفتو دخلها و سد الباب عارف بلي ايلا مشاو حتى شدوها هاد المرة غادي تموت و هاد المرة ماشي غير مجرد احتمال .. لا 1000‰ غاتموت حيت ارسلان لي غادي يوقف هادشي راه فغرفة العمليات بسببها ... مالك لي غادي يعاونها راه حتى هو فسبيطار بسبيها .. اصلان لي غايبغي يحمي حفيدو راه مخدر و ناعس .. ريماس فهادشي كامل باقي قدام عينيها غير العافية لي شعلاتها فأرسلان بدون اي سابق انذار طلقات يديها من يدين اسوار و شافت فيه و بدات كاضحك بالجهد
ريماس : هههههه حرقتووو و هو حي .. ستاخف بيا و بغا يدمرنيي ولكن انا لي دمرتوو انا لي قتلتو ههههههه حرقتووو و مزال غاندفنكم وسط هاد القصر كلكم ( بالغوات ) ماغانخلييي حتى واحد حييي فيكم
أسوار : ريماس تهدنيي
ريماس : نتهدن؟؟ باغيني نتهدن؟؟؟؟ خوتي ماتو مقتووولين واليديا ماتو مقتوليين دمرتووو ليا حياتي و نتهدن؟؟؟
أسوار : ( بغضب ) واش يسحابلك ايلا لقاوك غادي يخليوك عايشة؟؟؟؟؟؟؟ واش عرفتي اش درتي ولا لا؟؟؟؟ واش عارفة الغلط لي درتيه؟؟؟؟ راه غايقتلوووك
ريماس : مابقاش عندي مشكل فالموت وسط هادشي ... ماغانرحمش لي تعمدو و حاولو يهرسوني غادي نهرسهم و نقتلهم بيديي .. ماجاوبهاش و مشا للدريسينغ جبد مونطو طويل و طربوش
أسوار : لبسي هادو بالزربة سربي ا ريماس ماعندكش الوقت
ريماس : علاش غانتيق فيك؟؟؟؟ نتااا واحد منهم
أسوار : ( بإنفعال ) حيت كانبغييييييك
ريماس : ماتبغييينيش مايشرفنيييش يبغيني يهودي
أسوار : يشرفك يبغيك غير ارسلان ياك؟؟؟؟؟ يشرفك تكوني حاملة غير بولد ارسلان؟؟؟؟؟ يشرفك تتزوجي غير بأرسلان؟؟؟؟ دوييي علاش ساكتة
ريماس : ما ساكتااااش و ماكايهمكش ... بقا ساكت شوية و عاود نطق
أسوار : لبسي دغيا ماعندناش الوقت ... شدات من عندو المونطو لبساتو و لبسات طربوش و عاودو خرجو من تما هاز فيديه الصاك و متقدم هو اللول كايشوف واش كاين شي حد ...

أسوار : سمعيني مزيان ا ريماس .. غير نخرجو للدروج ماتحبسيش حتى نخرجك من هنا سمعتيني؟؟؟
ريماس : ( بعصبية ) ارسلان ماتبقاش تأمرني
أسوار : ( بسخرية ) انا اسوار ماشي ارسلان .. المهم ماشي كانأمرك ولكن هادشي لمصلحتك .. غطات وجهها مزيان و مشاو كايجريو هبطو للطبقة التحتانية و توجهو للباب ديريكت مشا كايقلب على اللوطو ديالو .. همو كان هو يخرجو من هنا قبل مايبداو يقلبو على ريماس .. ركب فاللوطو و بقا كايتسنا ريماس تركب بينما هي كانت واقفة و كاتشوف دخان خارج من البالكون ديال اصلان دابا عاد كاتحس بالراحة
أسوار : ركبي دغيا ماعندناش الوقت ... ركبات حداه بلا ماتجاوبو ديمارا اللوطو
أسوار : هبطي
ريماس : فين غانهبط؟؟؟؟
أسوار : هبطي راسك حتى نخرجو من القصر باش مايشوفك حد ... هبطات لتحت و بقات فديك الحالة لمدة 10 دقائق حتى وصلو للبوابة ديال القصر الخارجية حلو ليه الحراس الباب باش يخرج و و اخيرا ريماس خرجات من داك القصر
أسوار : غير رجعي لبلاصتك دابا .. رجعات جلسات و ضارت لجهة القصر كاتشوف فيه اخر شوفة و هي ناوية عمرها باقي ترجع ليه و هادشي لقاتو من الاحسن ليها باش ماتزيدش تبغي ارسلان و باش تدفن داك الحب المحرم .. دايرا فبالها غير تخرج من هنا غادي تنساه فمرة و تنساهم .. فعلا غاتعيش بدون روح بدون خوتها لي ضحات على ودهم ولكن اهم حاجة هي ماغاديش تخليهم يحطموها و ماغاتخليهمش يزيدو يدفنوها و هي حية .. رجعات لبلاصتها
ريماس : علاش كاتعاوني؟؟؟
اسوار : باش مايقتلوكش ا ريماس باش ماتتأذيش
ريماس : ( بإستهزاء ) المفروض تخاف على جدك لي غايكون وصل للقبور و كلاتو العافية ماشي عليا انا
أسوار : جدي ماخليتو حتى عرفت بلي راه غاينقدوه
ريماس : عندو الزهر مالقيتش شي طريقة حسن باش نحرقووو كيما حرقني على خوووتي كيما قتلهم بيديييه المجرم
أسوار : جدي قتل ريناد و فادي؟؟؟؟
ريماس : واااو الصراحة ردة فعل ماتوقعتهاش .. بلاا ماتبدا فتمثيلية ديال ماكنتيش عارف و حبسها من دااابا
أسوار : ريماس جاوبيني؟؟؟؟؟؟ كيفاش ماتو؟؟؟ ايمتاا؟؟؟ ياك هو كان قال غايدخلك نتي وياهم لليهودية ... علاش قتلهم؟؟؟؟
ريماس : ( بعصبية ) اليهودية اليهودية اليهودية بااااااراكا كرهتها و كرهتكم معاها الله ينزل عليكم اللعنة كلكم
أسوار : ريماس خاصك تعرفي مدام غاتجيبي الحفيد للعائلة راه مايمكنش يكون متبع ديانتك
ريماس : ( بإستهزاء ) حفيد؟؟؟؟ و من عائلتكم نتوما؟؟؟ .. ندفن راسي و انا حية و مانجيبووش ليكم
أسوار : ( بفرحة ) غاديري إجهاض؟؟؟
ريماس : على اينا اجهاض كاتهضر نتا؟؟؟
أسوار : كانقصد الحمل ديالك من أرسلان
ريماس : اينا حمل و اينا ارسلان؟؟؟؟؟ ايمتا حملت انا و ايمتا كانت بيناتنا باش غانحمل؟؟؟؟؟ اش كاتخربق؟؟؟
أسوار : يعني ماكاين لا حمل لا والو؟؟؟؟
ريماس : واش حماقيتي؟؟؟؟
أسوار : يعني كدب علينا باش تفووو كيفاش مافكرتش فهادشي
ريماس : ( بعصبية ) واش دابا كاتتفلا عليا؟؟؟؟؟ كيفاش كدب
أسوار : ( بإبتسامة ) والو نساي
ريماس : فين غانمشيو دابا؟؟؟
أسوار : غادي نديك لواحد الدار صغيرة عندي فالجزيرة على ما تبرد الاوضاع حيت فالوقت الحالي ماتقدريش تخرجي من اسرائيل و فحالة خرجتي لدولة خرا غادي يلقاوك يلقاوك يعني من الاحسن تبقاي فالجزيرة مستحيل يقلبو عليك هنا
ريماس : بالعكس تماما ... ايلا مالقاوش اليخت وصل للميناء يعني غايعرفوني باقا فالجزيرة
أسوار : امم هادي عندك الحق فيها .. غادي نوصلك للدار و غانمشي نوصل اليخت للميناء
ريماس : اليخت خاصو يغرق باش يتأكدو من موتي و نكمل لي بقا ليا فحياتي بعيدة على هاد المجرمين حيت كون متأكد ايلا عاودت رجعت هاد المرة غادي نشعل العافية فالقصر بلي فيه
أسوار : وصلنا ... بعد ساعة وصلو قدام واحد الكوخ جاي فالجهة الثانية من الجزيرة .. كان كوخ خشبي و بسيط غير الشوفة فيه كاتريح الأنفس ... سبقها حل الباب عاد دخلات .. كان زوين من لداخل و من برا و غالب عليه طابع البساطة
ريماس : تقدر تمشي دابا
أسوار : ردي البال لراسك و عنداك تخرجي من هنا حتى نريكل الامور و نبعدك من هنا
ريماس : اوك ... خرج من تما و مشا باش ينفذ الخطة
♔ بقات كادور وسط الكوخ لقات بيت حطات فيه صاكها و جلسات .. حطات يديها على راسها كانت الصدمة قوية بزاااف عليها ماعارفاش كيفاش غاتتعايش معاها من هنا للفوق الغريب فالأمر ان واخا هادشي كامل واقع .. ماحساتش بلي هي وحيدة و باقا مقطوعة من الشجرة يا ترى شنو السبب ... واش بسبب حماية ارسلان ليها طوال هاد الوقت أو مساعدة اسوار ليها ... او حيت عارفة بلي باقي سي راضي و ولادو ايلا حتاجتهم غاتلقاهم فجنبها أو كاين شي سبب اخر.

نهاية الفصل الثاني
يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.